金寶泰國菜館 (尖沙咀)
營業時間
| 星期日 | 11:45–23:30 |
| 星期一 | 11:45–23:30 |
| 星期二 | 11:45–23:30 |
| 星期三 | 11:45–23:30 |
| 星期四 | 11:45–23:30 |
| 星期五 | 11:45–23:30 |
| 星期六 | 11:45–23:30 |
服務選項
外帶
內用
產品/服務
小菜
咖啡
酒精飲料
啤酒
葡萄酒
用餐選擇
午餐
晚餐
餐飲服務
甜點
設施
洗手間
適合兒童
氣氛
環境舒適
客層族群
適合團體
規劃
接受訂位
付款方式
信用卡
NFC 行動支付
週五晚同朋友嚟到呢度食飯walk-in 要等位
7點9都要大概等半個鐘頭先有位入
由於本身餐廳已經好full
所以係隔離孖公仔店有位
幾時店員就安排左入隔離鋪頭坐
下次都係打電話黎約咗先
起碼唔駛等咁耐
雖然坐隔離餐廳
照舊都可以點返泰國菜食
點左招牌青咖喱軟殼蟹配法包
菠蘿炒飯
串燒半打
同鹹魚炒椰菜苗
招牌青咖喱軟殼蟹
青咖喱汁偏希身
味道偏淡味
軟殼蟹係分碟上
唔會淋哂
菠蘿炒飯
飯炒得夠乾身
但菠蘿就酸d
串燒半打
雞牛豬每樣兩串
中規中矩
配既醬汁唔係好重沙嗲或者係好重花生味
淡淡地
少少辣
鹹魚炒椰菜苗
鹹魚得兩三粒
同埋成碟菜份量勁少
整體兩人份量食左400幾落樓
以同樣之前係尖沙咀食過嘅泰國菜相比
覺得同等價錢同份量計算
有其他更好選擇
排咗半個鐘頭
食落同期待心態有落差
Good food bit of a hike to the 4th floor but good visit
好幾次經過呢間位於The One嘅泰式美食-Cambo, 都好多人等位，今日早左收工嚟到1終於唔洗排。
串燒雞牛豬 $56/3串
鍾意食泰式串燒但又唔想食太多肉，點呢個3款合1嘅組合就prefect 啦，牛肉燒起夠香，豬肉就出奇地軟熟，仲唔會燒得太乾。
辣椒膏炒大蜆 $153
雖然炒到紅當當，但辣度唔算太高，蜆肉好入味，加入唔少九層塔、香茅等配料，風味倍增。
芒果糯米飯 $55
芒果熟成程度剛剛好，香甜美味， 一啲都唔酸，紫糯米熱騰騰，口感軟糯，下次嚟都要記得留肚食呢個甜品。
質素尚可，價錢OK，但等候食物時間過長，侍應叫極唔應，心感奇怪！
the one cambo永遠都大排長龍, 行過又會見到入面d人食到lamlam脷咁, 今日放工就約左人黎晚飯, 為左唔想排咁耐隊, 一放工就飛過黎the one, 6點幾到左, 都9成滿!!哇d人咁早放工既!!好彩仲有位入~
豬牛雞串燒各一, 串燒好惹味, 熱辣辣表面有焦香! 另外特別欣賞佢串牛, 因為通常係出面食既牛肉串燒都會韌d, 但依串牛就同豬同雞一樣咁嫩!
生菜包係我地既最愛, 依度既生菜包份量偏細dd, 但係味道就加哂分, 加左青檸汁既肉碎又夠酸又夠辣, 直情有d似冬蔭公味, 好好味~
見到有推介既menu, 就揀左泰式青咖哩軟殼蟹鍋, 跟一條法包。咖哩連埋個爐, 一路滾住好香食超加分, 軟殼蟹好香口仲伴住煎香左既薯仔, 仲有條法包都好驚喜, 新鮮即焗唔會硬掘掘, 入面非常鬆軟好易就索哂d咖哩汁! 依道菜真係好出色!
泰式豬肉香辣炒飯, 炒得好乾身亦好均勻, 微辣夠香口。
感覺依度既泰國菜口味比較正宗, 因為好多時餐廳都會遷移就番香港人口味減辣減調味, 泰菜fans黎cambo一定唔會失望~
餐牌多選擇，不過價錢唔算特別平，唯有睇下份量多唔多。
蒜蓉炒西蘭花，蒜蓉夠多，所以好香口，西蘭花唔會話好油。
青咖喱軟殼蟹配長法包，青咖喱用瓦煲上，下面有火熱着，軟殼蟹就另上，以免淋晒。大概有兩隻蟹，青咖喱甜甜地，加上法包，夠脆！叫多條發包都仲得！
蒜蓉雜菜蜆煲，蜆份量唔會話好多，反而雜菜就超多！不過略嫌蒜蓉有啲搶咗蜆嘅鮮味，湯底未夠鮮甜。
今晚同朋友一齊食飯， 咁行過尖沙咀見到呢一間Cambo好似都幾多人排隊咁我就入去試一試。
泰式酸辣鳳爪： 呢個餸我覺得再餐前小食都幾開胃，因為佢酸酸地辣辣地，不過我建議如果唔係太食到辣嘅朋友可以叫廚房少啲辣，其實我自己覺得都可列好味。 同埋鳳爪都幾爽口彈牙!
串燒墨魚丸： 呢個串燒墨魚丸其實我都幾鍾意食，因為墨魚丸幾彈牙同埋燒得唔錯， 最重要係冇overcook。
泰式青咖哩軟殼蟹鍋: 呢一個鍋，其實我覺得係全晚主角，因為其實我見到身邊有好多枱客都叫咗呢一個餸，因為佢呢家做緊promote，同埋佢都好好玩，入面啲軟殼蟹好食唔再講，而且炸得都幾脆下，同埋個青咖哩都幾辣，而佢亦都送我最鍾意食嘅法國麵包，當你點埋佢嗰啲綠咖哩嘅時候，簡直就一流。
Overall我覺得呢一間餐廳嗰啲菜式都幾好食， 行個九龍區嘅朋友大家可以一試呢度嘅泰國嘢食。
冬陰功很好吃。這是我吃過的最好的冬陰功。味道比泰國好。
係the one行完街搵野食，經過依間泰國菜見平日夜晚都滿座要等下位，質素應該唔差！
喺出邊見到人食鍋都覺得好吸引咁所以都嗌左個泰式青咖喱配軟殼蟹($96)，個咖喱椰香味好重，依款係偏甜，配埋個法包吸哂啲咖喱汁好正！
另外叫咗個去骨海南雞飯（$72），啲雞幾滑唔難咬，最驚喜係個油飯都好好食，好入味
都加咗個小食香茅烤豬頸肉（$76），依個就唔算燒得好香，但肉都叫嫩滑多汁，加埋個甜酸醬都好好味。
食泰國嘢當然要叫番椰青（$42），依到嘅椰青幾清甜，仲有好多椰子肉可以刮出嚟食，正！
依間泰國嘢都不錯，難怪平日晚都坐滿人！
成日去the one行過見到cambo都有好多人排哂隊，羊群心理下我地都一齊排隊?，等左15分鐘左右就可以入去坐低叫野食。
由於有啲餓，我們叫左三個小食，兩個主菜，一個冬陰公湯同埋一個泰式炒粉。
吃泰國野梗係要食生蝦啦！蝦身好大隻，爽口鮮甜，都幾好唔錯！
冬陰公湯好足料，湯裡面有兩大隻蝦和其他配菜，呢間冬陰公湯偏酸甜，岩曬啲唔食得辣嘅朋友仔！
跟住香茅燒牛仔骨，好好食！肉質好嫩夠腍，而且醬汁好配牛仔骨，牛仔骨夠入味，又容易咬開。必點之選！
泰式酸辣鳳爪，份量好多，好大碟好多鳳爪，仲有沙律菜，酸酸甜甜好開胃。
泰式蝦餅香口脆卜卜，味道一般冇咩大驚喜！
黑椒粉絲大虎蝦煲，呢個煲好大份，大虎蝦的肉質彈口鮮甜，黑椒味好惹味，份量多到可能三個人都食唔曬！
最後我們亦叫了一個泰底炒粉，酸酸甜甜幾開胃！
下次會再試埋其他野！會再早啲啲黎排隊！?
今次去到the one 接朋友仔收工，順便就係呢個商場食嘢。天氣熱辣辣，好想食啲可以開胃嘅菜式，見到呢間泰國餐廳，即使係平日嘅八點鐘到好多人坐滿晒，我哋都過嚟排一陣，就入去食啦。 泰式青咖喱軟殼蟹 $96 見到張張枱都有叫呢個菜式，原來真係好抵食?有一煲青咖喱，在加軟殼蟹同薯仔,仲有一條法式包。軟殼蟹同薯仔都有炸過，點落去啲青咖喱，外脆內軟。仲有一條好長嘅法式包，好鍾意食澱粉質，好少用法式包來點泰式咖喱，通常都係用蒜蓉包，估唔到味道都不錯。
冬陰公麵 $70 價錢都好合理，有一啲海鮮,仲有好多面，呢個冬陰公唔算好辣,佢嘅椰汁味比較重,仲有好多香茅。如果鍾意食香料比較多嘅朋友,呢個面就啱晒啦。 …
次次一想食越南或者泰國嘢，又唔想太貴，但又要好食，我都會諗起The One 4樓嘅cambo。今次好彩book咗位所以唔使排隊。
?串燒沙嗲六吋串
本身見到個價錢覺得有d貴，但又想食，所以都係叫咗，到真係上菜，先知完全符合價錢，因為所有肉都好大份！?
?冬陰功
本身見到佢menu有兩粒辣椒，以為會好辣，誰知我覺得辣度啱啱好。冬陰功好開胃‼️係必叫之選‼️
?生菜包豬肉
食泰國菜一定唔少得生菜包豬肉！生菜包豬肉唔似出面啲淨係得豬肉粒，佢仲有好多其他材料，例如有蒜頭，辣椒，洋蔥，食落口感層次都好豐富，食到唔停口。?
?豬手豬脾煲
我一向都好中意食豬手，見到佢Menu有呢份新菜式，所以立即叫咗。豬手煲到好林，肉質鮮美，整體感覺唔錯。而家又吸收左好多骨膠原啦‼️美顏之選‼️
I bought the ribs for 78 HKD which is a good price. The quality of the meat was excellent. The bill came to 105 HKD which means they imposed a 35% service charge.
Cambo 係位於the one 嘅一間泰式餐廳 餐廳就用上一個半開放式嘅裝修 令到餐廳空間感好大
泰式青咖哩軟殼蟹($96)✨✨✨✨✨
講起泰國野 第一樣最想食嘅野就係青咖哩? 因為青咖哩味道辣中帶甜 非常惹味 送飯簡直一流?
軟殼蟹就係即叫即炸嘅 炸到脆卜卜 餐廳亦都好貼心咁將青咖哩同軟殼蟹分開上碟 唔會令到軟殼蟹浸到好冧 仍然保存著軟殼蟹香脆嘅外層?
而呢一份青咖哩軟殼蟹 就係配上法包 法包原本嘅質感比較硬 但係吸收力好強 所以我用法包沾上青咖哩汁嘅時候 法包就可以完美咁吸收曬啲咖哩汁 係一個好好嘅配搭?
泰式去骨海南雞半隻 ?($118)+ 海南雞油飯($17)✨✨✨✨✨
海南雞聽講就係呢間餐廳嘅招牌 所以我就叫咗半隻海南雞試一試佢有啲乜嘢特別?
我食嘅時候就係諗住六個字： 滑溜溜 好有味
都係呢度嘅海南雞整到好滑溜溜的 每一嚿肉即是係雞胸肉都可以整到非常嫩滑?
味道方便就係好有雞味 餐廳配上兩種最popular嘅醬汁 泰式海南雞辣汁同埋黑豉油
我同我朋友仲加配埋海南雞油飯食添?
泰式豬頸肉濕炒河 ✨✨✨✨($72)
可以選擇濕炒河同乾炒河 豬頸肉嘅份量超多 每一塊豬頸肉都煎得好香 炒河都用咗泰式嘅香料嚟炒 非常有特色????
三色冰 椰汁紅豆冰?? ($28 for each)
最後就同我朋友一齊點咗兩杯特飲 三色冰同埋椰汁紅豆冰 選擇嘅時候店員問我使唔使調教甜度 我覺得非常貼心 我就算得咗小甜嘅三色冰 平時怕太甜嘅我飲落覺得唔錯 朋友對佢嗰杯椰汁紅豆冰都幾滿意??
尖沙咀約人食飯最方便 今次揀咗The One嘅一間泰國菜 價錢都幾親民 而且店舖大 唔需要等位，好多位，都可以即刻入去 入面環境都幾舒服，可以同朋友傾到計。 餐牌上面選擇多，串燒粉麵沙律海鮮咩都齊。 我同朋友叫咗一個椰青、串燒、泰式炒通菜海南雞飯，同埋佢係一個嘅蜆煲 串燒 一串豬，一串牛，同一串雞 燒得面頭好香脆，而且醬汁甜甜地，再點沙嗲醬，口感非常豐富！ 而且我香料亦都好啱香港人口味，非常推介大家叫！ 泰式通菜 幾正常，個份量都算大，泰式嘅醬汁又辣又惹味。
–
♥️最近係日本返黎，同男朋友拍拖都想食d exotic d既菜系。所以今日就揀左係the one食呢間泰國菜，真係經常行過都會見到有人係度排緊隊既。今晚比較夜黎到，咁岩有張二人枱走所以唔洗等，真好。
–
?坐低先叫左野飲，我叫左珍多冰，而男朋友就飲奶茶，不過有小小失主奶茶唔係泰式奶茶，不過珍多冰幾好飲，幾似泰國night market個d。
–
???主食我地叫左個泰式豬頸肉濕炒河，一上枱覺得好似泰國食到個啲。分量唔算大，但係好足料。味道十分正宗，濕既獻汁濃度岩岩好。豬頸肉肉質都爽脆。
–
?食泰國野就一定唔少得飲個冬陰功湯，呢度既冬陰功湯入面有兩隻大頭蝦，成個湯都好有蝦頭膏既味道，超正！酸辣度亦適中，同係泰國當地飲既味道十分相近。
–
?最後我地再追加左一個泰式小食拼盤，有魚餅，蝦餅，炸蝦春卷同埋香葉包雞！好大份好扺食，當中推介魚餅同蝦餅，做到味道同泰國當地既好似，亦好彈牙。
–
??呢餐埋單2個人只係300幾蚊，我覺得超級扺呀，又係大商場入面，坐得舒服。
–
#hkfoodie #hkfood #hongkong #hkig #hkrestaurant #foodie #食評 #餐廳 #香港 #美食
Great
今日去The One 睇戲，時間尚早，又有點肚餓，一於喺商場搵啲嘢食醫下肚啦。响4樓見到Cambo依間泰國餐廳，諗落又好似好耐無食泰國菜喇?。
諗住唔好食太飽，一陣可以買個爆谷食住睇戲，點知食完都好飽添??。
生菜包（豬肉）：食泰國嘢當然要叫返個生菜包啦。Cambo有兩個選擇：豬肉/ 蟹肉+豬肉。我就揀返最傳統嘅豬肉喇。味道好好，肉好juice，微微嘅辣味，再夾埋清新脆口嘅青瓜同豆角，好食??。
冬陰大蝦湯粉：成個粉最重要就係個湯。Cambo嘅冬陰公湯底好好，辣得嚟有甜味同香茅味，唔係出面某啲泰國餐廳咁淨係一味得個辣字。湯底咁好味，自然令成個粉都好好味道。????
泰式青咖哩軟殼蟹鍋：青咖哩鍋底有d瓜同茄子，軟殼蟹又跟埋煎香咗嘅薯仔，再跟埋法包，原來本身都好夠食。我就衰為食，諗住叫得咖喱，叫埋個印式薄餅啦，就咁就叫多咗喇??。雖然叫多咗，但個泰式青咖哩軟殼蟹鍋同印式薄餅好好食。一路食，一路拎住法包同薄餅點住甜甜嘅青咖喱，實在太好食嘅關係，唔覺唔覺就食哂成鍋添??。
芒果糯米飯：最後又叫咗個食泰國菜必點甜品。同個泰式青咖哩軟殼蟹鍋一樣，雖然都食得好飽，但又抗拒唔住芒果糯米飯嘅引誘。糯米飯都有分兩色，白米甜，紫米香，加上新鮮嘅芒果片，食完哂，超滿足☺️☺️。
下午茶一碗青咖哩泰國加白飯黎多杯椰汁红豆水
如果要說在尖沙咀食泰國菜的，我第一時間便會想起這間。回想第一次食是朋友介紹帶我去食，然後便不斷回頭，因為食物真的好吃，最重要是價錢相宜！
泰式海鮮醃粉絲$83，海鮮份量超多，只是款式來算都有三種，有鮮蝦、魷魚和蜆肉，非常有誠意的。味道酸酸辣辣，開胃清新，雖然愈食愈辣，但又忍不住不停地吃，上了癮般好吃。
豬肉生菜包$68，生菜包可說是泰國菜的其中特色食物，生菜包有淨豬肉和豬肉加蟹肉兩個選擇，今次點了豬肉。肉碎比我想像中辣，但加了很多香料爆炒，很香很惹味。
泰式明爐烏頭$173，烏頭魚很有份量，肉質厚實，無泥腥味，雖然有香料的味道，但仍能吃得出烏頭的鮮甜味。配料很豐富，有南薑、香茅、蘑菇、椰菜和粉絲等，粉絲吸了魚湯和香料的鮮甜味，非常好吃。另外，餐廳亦貼心附上一碗魚湯，好讓爐中的湯燒乾時可添加。
飲品方面點了椰青，我真係很愛喝椰青，滿滿的椰子水，味道清甜，椰肉鮮甜嫩滑。
青咖哩鍋超正~一路滾住食~熱辣辣~餸飯一流~ ? …
今日同朋友收工去左尖沙咀
係THE ONE行左陣 之後揀左食泰國野 主要原因因為係門口見到間餐廳有好多人食
好彩我地得兩個人, 好快安排到座位 揀左D傳統既泰式野食lol 青咖哩雞配法包: 呢度D咖哩係用個爐上, 咁樣就可以KEEP住個溫度, 雞同咖哩份量都幾多,
法包都鬆軟, 沾左D咖哩汁, 好入味, 好想叫多份法包
炸蝦餅: 有四大舊, 炸得熱辣辣, 外皮脆, 入面充滿蝦肉, 再沾埋D醬, 酸甜又開胃
PAD THAI: 泰式炒麵, 呢個都好好味, 呢D傳統既更加考功夫, D粉炒得岩岩好, 乾濕度適中, 有兩隻大蝦, D配料混合埋D粉, 一啖入面有多種口感, 一個人已經可以食左大半碟
豬肉生菜包: 呢個都係食泰國野必點既菜式, 豬肉碎, 洋蔥同香料炒埋一齊, 再用生菜包住, 有一種清新既感覺, 辣度唔太辣, 岩哂我口味
要係市中心食到好味既泰菜又環境舒適, 呢間餐廳係一個唔錯既選擇
這家從來都人頭湧湧大排長龍，今天終於有時間可以排一下（笑）性價比真的超高，是尖沙咀的綠洲?已經收咗我的口袋名單上了?
［大蝦菠蘿飯］飯裏有新鮮菠蘿，酸酸甜甜太開胃了，平常沒有太愛澱粉的我一碗接一碗停不下來?
［蒜蓉炒椰菜苗］我愛吃所有菜苗? 這家的青菜價格很相宜，可選清炒/蒜蓉炒/泰式（好像還有一種我忘了），調味不錯，不會很重味精。第一次吃椰菜苗，口感爽脆！
［泰式青咖喱軟殼蟹配法包］必點?蘸法包吃好滋味，完全停不了口?咖喱有淡淡的甜味，醬汁不濃稠，但味道很上癮?沾完麵包忍不住又要拌菠蘿飯吃?軟殼蟹也蠻多的。
［椰青］好新鮮啊，清甜，椰子肉也超嫩的?
平時行尖沙咀The One見到一間泰菜都係大排長龍，今次就一於去試一試！大概排左15分鐘就能安排入座。
打開餐牌其實發現每樣野嘅款式價錢都唔算話特別貴（尤其係尖沙咀大商場入邊）。我哋2個人就總數嗌左五樣嘢?
青咖喱軟殼蟹鍋配法包
相信都係食肆近期推介之選，而家仲做緊推廣價！軟殼蟹係另上保持香脆，配菜有薯仔伴底都煎得香脆好好味?
青咖喱內配料都豐富，有茄子、大豆等。味道微辣，非常香口惹味
加埋法包真係不得了！?
豬肉生菜包
生菜包不嬲都係基本泰菜，肉好juice，辣味都有返咁上下。
把肉碎放上新鮮生菜，再夾埋fresh爆嘅青瓜同豆角，yummy?
泰式炒椰菜苗
揀得菜苗，當然就係食佢嘅幼嫩啦? 泰式炒係微辣，食得出炒嘅時候加咗點酒，非常之香甜！
泰式乾炒豬頸肉河
豬頸肉同菜份量都多，反而河粉嘅量顯得唔係太多 但係整體嘅味道非常之香，炒出嚟火喉足！
串燒（3串）
喺出邊食泰式串燒好多時都會燒到又乾又韌，今次呢間有質素三樣嘢都保持juicy。
兩個人叫五樣餸埋單$400，食到捧住個肚走，我覺得價錢同埋食物質素都非常之合理！
the one 抵食泰國菜！
今日同朋友去the one 行街
見到有間泰國菜的餐廳好多人就試下
內面好有泰式風格的裝修
我們兩人點了
一個青咖哩牛腩配法包
青咖哩好香，香草味有點辣！
牛肉一點都不肥！內面有好多泰國茄子！香草……
無骨海南雞飯
這個超好食！
雞好滑，有雞的鮮甜味！鮮嫩多汁！
油飯好正甘香鬆軟！????????????
大的小食拼盤
有炸蝦餅，炸蝦春卷，炸魚餅，炸河葉雞，中間是無骨雞腳沙律！
這個都不錯！
超鍾意食泰菜~ 好開心朋友今日陪我食丫!!
我揀左呢間係尖沙咀大商場既泰菜~
地點方便環境又四正! 餐廳內裏都幾靜, 好適合聚會傾計~
餐牌非常多野食~ 價錢經濟實惠
串燒沙爹 $89 豬牛雞各3串~ 每串都燒得好香~
全部肉質好軟腍, 唔會話好實好難趙 配埋秘製沙爹醬食更正
菠蘿焗飯 $96 超大個菠蘿焗飯!!! 份量多到一個點~~~足夠多人食添呀! 炒飯好多配料, 有肉有海鮮, 口感豐富! 另外仲有3隻大蝦, 大蝦新鮮爽口彈牙
蒜蓉炒通菜 $62 好香蒜蓉味, 炒得非常惹味! 通菜新鮮, 好脆口
青擰梳打 新鮮青擰~ 味道唔會話好酸! 夠晒FRESH~~~~~
Tiger 天氣熱一齊啤一啤特別醒神
已經有一段時間冇食過泰國嘢，之前一直都好想你呢一間位於The One嘅Cambo餐廳，今次專程來食食佢~
✨泰式生蝦刺身($99)
每次食泰國餐廳最期待就係食生蝦刺身做頭盤，呢一度嘅生蝦刺身依然沒有令我失望。山下刺身嘅面頭放上大量嘅蒜蓉同埋辣椒更顯生蝦嘅鮮味，食落非常惹味
✨咖哩軟殼蟹配法包 ($96)
呢一份咖喱軟殼蟹簡直係最驚喜嘅一道菜式，此道菜式最特別之處就係拎咗一個煲係你面前煮熱佢，咖喱燒到熱辣辣，而軟殼蟹就係另上嘅，令到軟殼蟹上碟嘅時候依然可以脆卜卜，非常好食。旁邊仲配有印度薄餅，配合埋㗎呢簡直係天衣無縫
✨菠蘿焗飯($96)
同埋一般嘅菠蘿海鮮炒飯差唔多，炒飯用半隻菠蘿承載着，佢嘅特別之處係有三隻大蝦放喺面頭 ，外觀非常吸引！食落去嘅時候每一粒米飯都炒到金黃同埋有熱力，味道相當唔錯
呢間餐廳嘅環境非常精緻，係一間高水準嘅泰國餐廳，每一道餸都唔需要超過$100，非常值得encore！
今天約了朋友到The One看電影，看完就找東西食，看到這間店爆場便決定去試試，等了10分鐘左右便安排份座。
餐廳非常寛敞，在餐廳盡頭設計了一塊鏡，令空間感大增。
泰式鴨肉湯粉$63，想不到的好吃，湯頭有陣陣桂皮的味，有少少像肉骨茶的味道，濃郁香甜。鴨肉份量亦不少，每塊都是厚切的，肉質軟稔。
粉絲虎蝦煲$158，以瓦煲盛著，燒熱後放上粉絲和虎蝦，所以一直能保持熱度。虎蝦開邊，大約有三隻份量，醬汁用上桂皮芹菜和黑胡椒煮成，香味撲鼻；粉絲亦吸滿了醬汁味道，非常惹味。
泰式青咖哩軟殼蟹(配法包)$96，咖哩鍋以明火燒著，能有效維持著溫度。咖哩香而不辣，適合大部香港人口味。軟殼蟹炸得黃金香脆，沾著咖哩一起別味道濃郁惹味。法包有半條份量，法包吸滿咖哩一起吃，真係超超超好吃！
飲品方面點了青檸七喜，原本想點梳打水的，但一想到吃辣要些甜味中和一下，便點了七喜，果然無選擇錯，爽！
今日一個人去畫尖沙咀食晚餐，本身約一個大學同學食飯架！點知佢臨時要做project唔得閒。我唯有自己去食個晚餐。行行下the one見到有間平時大排長龍既泰國菜館，今晚竟然無人排隊，我心血來潮就想去試下啦！我一個人叫唔到好多食物，叫左一個主食和一碟炒菜。鴨肉湯河。湯底好濃好甘甜，完全唔油膩。味道重又濃香，鴨肉份量都唔少啊！食完一碗都好飽肚。我再叫左一碟炒菜，通菜好鮮嫩，無渣就鮮甜。我想食甜品，可惜已經飽左。
One of my pick of Thai restaurant in TST. The green curry is perfectly cooked with lots of flavors. The Thai stir fried spinach is impressive.
難得有個空閒既Blue Monday?
適逢朋友介紹呢間吸引既越泰菜?????
還掂行開呢頭一於拉埋朋友仔黎醫下肚啦?
Lunch Set
串燒牛雞豬配泰式炒飯
原來午市套餐都有串燒餐供應?
經醃製既三款肉類燒得夠哂香口??
肉質滑嫩配合濃香沙嗲更為惹味之餘?
跟餐附上既泰式炒飯粒粒企身唔油膩?
甚具風味的?
泰式炒粉
炒粉其實係名乎其實既炒金邊粉??
金邊粉炒得好香夠哂獲氣食落唔油膩??
金邊粉炒到入味彈牙之餘??
配菜同大蝦好足料??
而且份量滿滿的！?
加花生碎一齊食亦增添口感?
生菜包 (豬肉)
經獲氣炒香肉質細嫩油香滿溢既豬肉碎??
配以生菜包住一齊食解油膩之餘甚具風味的??
燒豬頸肉
經慢火細燒既豬頸肉配以茅香醃製夠哂入味之餘?
肉質嫩滑脂肪比例均勻食落唔會太過油膩的??
想食泰菜唔去九龍城來尖東，約人飯局此地點確係最就腳，商場有冷氣等位都舒舒服服。菜式太多一邊等位一邊揀菜式最好不過，食咁多野埋單唔過五百蚊都幾實惠。
自己一直都係THE ONE嘅fans，今日就去食間泰國菜。Cambo嘅泰國菜好正宗，連服務員都係泰國人。
我入嚟叫咗個午餐，午餐有湯送，係清清地嘅瓜湯，細細碗。
之後就嚟咗個生菜豬肉包，這一個也是泰國的特色，小小辣嘅豬肉碎，包在生菜入面，山菜嘅清新同埋清淡，中和左豬肉嘅鹹同埋辣味，兩者互相配合，就幾好食。
之後就黎左個青咖喱牛腩，青咖喱牛腩有少少甜，唔太辣，而且牛腩肉幾好食，配埋茄子，攞嚟送飯就一流。
臨走嘅時候，就叫咗兩杯酒去飲，呢兩杯係泰國出產嘅啤酒，我哋貪心少少，仲一定要叫生啤，呢隻酒唔太苦，淡淡地，適合大眾。午餐可以同朋友一齊食得咁豐富，真係幾開心。
某天跟朋友談起泰國菜，食店位於九龍城，交通有點不太便利⋯吃泰菜不一定在九龍城，尖沙咀也來在到好吃的泰國菜！
個人覺得泰式青咖喱軟殻蟹非常超值，以鍋形式奉上，原隻軟殻蟹及預先烤焗過的薯仔件。吃前才放進鍋內，避免煮得過久而變淋。青咖不太辛辣，用來沾麵包是一流哩！
泰式明爐烏頭魚$173,呢個明爐烏頭魚好有份量好多配料,又有粉絲又有菜又有菇等等…
d火燒熱住啲湯,啖湯飲落好暖胃…
重會另外附送一碗湯,燒到咁上下可以補d湯計續燒,唔洗另外加錢的!!!
一啖熱湯一啖魚肉,正!!!
條魚打麟打得好清,唔會話食食下有啲魚麟要吞,唔腥,無泥味,肉質滑嫩!!!
仲有附上嘅綠色魚醬好好味,沾魚食一流,辣辣地!!!
辣椒膏炒大虎蝦$168,一上枱已經聞到好香,好野味,味道只係少少微辣,大眾辣度!!!大虎蝦經過開邊所以咁樣炒起黎特別入味!!!
泰式明爐大蜆鍋$96,夠大隻同鮮甜!!!
炒椰菜苗$66,椰菜苗有一種好獨特嘅甘甜味好好味,調味到位!!!
泰式豬手豬脾煲$108,份量好多,豬手位成日見食日食到,豬脾位反而小d,炆得好淋,好入味!!!
泰國啤酒”saigon special” $37,啲啤酒雪得好夠凍!!!
門口富泰國宗教文化特式..
Food is excellent. Best Thai food so far. Good service too
???
▪豬頸肉沙律($72)
酸酸甜甜開胃之選，豬頸肉嘅份量比我想像中多，口感比較彈牙爽口。蔬菜嘅種類都唔少，青菜，洋蔥，甚至連西芹都有！整體份量兩個人分嘅話就啱啱好，係個幾好既開胃菜選擇?
〰〰〰〰〰〰〰4/5?〰〰〰〰〰〰〰
▪泰式去骨海南雞($78)
去骨海南雞我相信好多餐廳都會整得唔錯，香嫩滑口既海南雞，連皮點醬黎食真係非常滋味。不過呢個海南雞除咗雞肉出色之外，另一樣非常impressive既係底下鋪滿嘅菜。煮得非常軟? 入口即溶嘅感覺，最鍾意就係食啲煮得咁淋既菜?
〰〰〰〰〰〰〰5/5?〰〰〰〰〰〰〰
▪泰式通菜($62)
實在太肚餓竟然唔記得咗影通菜? 相信好多人去到泰國餐廳都必點嘅一定係泰式炒通菜。炒得入晒味，香辣惹味，每一條通菜都沾滿左醬汁，就算平時唔鍾意食菜嘅男朋友都10分鐘清曬? 不過我就覺得有少少油，減緊肥嘅我就唔敢食多兩啖?
〰〰〰〰〰〰〰4/5?〰〰〰〰〰〰〰
▪泰式炒飯($72)
份量大約係一碗半飯左右，炒飯炒得粒粒分明，賣相都幾吸引，都幾香口。不過味道上就唔係好夠惹味。
〰〰〰〰〰〰〰3/5?〰〰〰〰〰〰〰
▪菠蘿梳打($28)
菠蘿特飲，可以選擇用雪碧做底或者梳打。我就揀咗無糖嘅梳打，健康啲之餘又有返少少口感。入面嘅菠蘿粒已經好夠甜。
〰〰〰〰〰〰〰5/5?〰〰〰〰〰〰〰
?Overall ($312+1)
? Cambo ขุนทอง (尖沙咀)
尖沙咀彌敦道100號The ONE 4樓L403舖
去唔到旅行 冇得去旅行食好嘢
相信大家諗起夏天都少不了泰國 但其實香港嘅thai food好多同泰國嘅嘢食好似 而Cambo就係其中一間喇
冬陰公湯- 有海鮮嘅鮮甜味 酸酸地 不過有少少辣 但都好正?
生菜包- 我至愛 用菜包住d肉 啖啖都係肉 又juicy 同好開胃
泰式炒通菜- 我幾鍾意呢間嘅菜 唔會話好咸
Lime soda- 佢係無糖架!!!! 減肥人士好啱飲?所以我叫咗?
前幾日好想食泰國菜，夜晚就去左食呢間長期爆滿嘅泰國菜餐廳啦。喺尖沙咀呢個有咁多美食嘅地方，佢都長期爆滿，想必一定有佢嘅過人之處。
大蝦菠蘿飯$103
菠蘿炒飯炒得好有鑊氣，飯粒炒得乾身唔油膩，好香好好食。有四隻大蝦，炒飯配埋肉鬆，食得好過癮。用左菠蘿、三色豆、雞蛋同埋紅腸一齊炒嘅飯，口感十足。
泰式蝦球乾炒河$82
蝦球份量都唔少，入口彈牙。同炒飯一樣，炒河炒得乾身唔油膩，亦有鑊氣，聞落香噴噴。食落唔會好鹹，呢點做得幾好。底下有幾條芥蘭，有啲菜食下幾好。
泰式明爐大蜆鍋$98
原價$118，依家優惠價$98，咁抵，當然要叫黎試下。大約有十隻大蜆，每隻都好似匙羹咁大隻。湯底酸酸地，味道濃郁。最重要嘅係底下有好多粉絲，粉絲索曬湯底嘅味，正。
椰汁冰$28
入口順滑，椰汁味濃，解渴一流，必叫。
泰國菜一向都係我其中一個最愛既菜式? 而家疫情冇得去泰國，唯有係香港發掘下好食嘅泰國菜?? 成日都話要去九龍城食泰國菜 今日喺The One行街 見到呢一間泰國餐廳 價錢優惠所以就去試一試??
泰式去骨海南雞飯（連餐湯）
$68
最鍾意食去骨海南雞，啖啖肉??? 雞肉嫩滑多汁，配上泰式醬汁?非常美味 而且分量多而且價錢實惠
大蝦菠蘿焗飯（連餐湯）
$85
用原個菠蘿?? 整嘅焗飯，分量十足 ，菠蘿同其他配料比例啱啱好，味道同層次豐富
泰式青咖喱軟殼蟹鍋
（配法包）
$96
青咖喱同埋軟殼蟹係分開上嘅，咁就唔怕軟殼蟹變淋， 非常之香脆? 青咖喱放喺火爐上加熱，用發包沾上青咖喱汁，回味無窮
串燒雞、牛、豬三串
$56
串燒嘅醃料醃製得非常入味，而且火候啱啱好 保持著肉汁
菠蘿七喜
$28
龍眼冰
$28
冬蔭大蝦湯粉：份量幾大，冬蔭功湯挺有水準嘢，湯色澤全紅，湯味馥鬱可口，辣度十足，酸味鮮美開胃。河粉同埋湯一起食真係正！泰式豬頸肉濕炒河：河粉唔碎且香韌，豬頸肉滑嫩，配上芡汁好爽滑。又點佐餐廳啲招牌：泰式青咖哩軟殼蟹配法包，炸得酥脆啲軟殼蟹，蘸點熱辣辣啲青咖哩汁，微辣香甜，好味！法包點汁都好惹味嘢！chicken feet salad：無骨鳳爪好彈牙，佢哋汁夠辣夠酸，好勁！飲品椰汁紅豆冰同龍眼冰真材實料，冰冰甜甜啲好爽！
真材實料泰國菜
哇, 疫情一好番少少, CAMBO ขุนทอง又排哂長龍啦!! 事實上我都好掛住依度既THAI FOOD, 今日特登避開人流, 6點鐘就入座食晚餐, 諗住實冇人夠我早啦, 點知都係滿左半場啦, 下次要正常DINNER TIME黎食都真係要BOOK定位呀!
活蝦刺身 $99
第一次係度食生蝦, 因為前兩次都太遲入座, 已經賣哂! 今次仲唔比我食到?! 7隻生蝦開邊, 大隻又厚肉, 亦清潔得好乾淨, 一DD腸都冇, 只有蝦肉既剔透~~ 口感又爽又彈牙, 加上大隻同肉厚所以好有口感, 有蝦既鮮甜, 蝦KEEP到凍但又唔會出水攪到水汪汪, 非常新鮮! 夾住生蝦汁同蒜等配料, 好食到不得了, 一個人一碟都絕不過份囉!
泰式青咖哩軟殼蟹鍋配法包 $96
食過好多青咖哩, 依度既係心目中頭3甲! 而家仲做緊PROMO, 100蚊都唔洗, 有青咖哩鍋 + 軟殼蟹 + 法包!
青咖哩椰香味超突出, 微辣, 中意佢咖哩汁唔會稀, 食到稀咖哩會好唔開心架麻! 依個就夠哂濃郁啦, 入面仲有茄子同瓜, 都索哂咖哩汁, 仲要用明爐煲住, KEEP住滾熱辣, 大加分呀! 軟殼蟹另上, KEEP住脆卜卜, 仲有底部既薯仔, 煎香左帶有牛油香氣, 好食到一舊都冇剩。加埋法包浸青咖哩食, 唔浪費兼超滿足! 好抵食!
龍眼冰 $28
超多龍眼好足料!
椰汁紅豆冰 $28
椰汁紅豆好香甜.
炸軟殼蟹撈河粉一流
今日很忙，但也不想吃快餐，故選擇了一個快靚正的泰國餐廳。
環境：一轉入餐廳就可以看到呈長方形的食堂，透光度充足，但又不會被陽光直曬，室內明亮簡潔，但整體感覺不像泰式餐廳，反而像一間港式餐廳。幸好我和朋友避過了繁忙時間，故能坐在窗邊。
食物：
平時到泰國餐廳，必叫包生菜、木瓜沙律、冬蔭公湯、咖哩等，但今日這些都不點叫，想試另類的食物。
椒鹽軟殼蟹$148
雖然這款價錢有點貴，但呈上枱時如一座小山的炸蒜，迎面飄來極香的煎味，已經迫不及待夾起軟殼蟹來吃，入口鬆脆不油膩，炸得很乾身，有很多切碎的材料，例如生菜、紅椒、蔥蒜等，調味剛好，少少的咸味，不過之後就感到愈吃愈咸。幸好我突發奇想，其實可以將椒鹽軟殼蟹撈河粉一起吃，味道更棒。軟殼蟹份量不多，但炸蒜份量極多，為了不浪費食物，將所有炸蒜撈河粉，香口的炸蒜配合軟身的河粉，無論口感或層次都提升一層，吃完真是想叫一個外賣盒裝炸蒜回家吃。
泰式蝦球乾炒河$80
味道不錯，有四、五隻大蝦、菜、蛋、大蔥，河粉炒得均勻，但嫌份量略少。
咸檸梳打$28+菠蘿梳打$28
今日同同事到尖沙咀工作，好想食海南雞飯，所以一試！
我哋一行三人柯打咗兩個午餐，泰式拼盤及咸魚炒椰菜苗！
午餐：好抵包餐湯加飲品
1）無骨海南雞飯
雞嘅份量不多，但好滑同雞味濃郁，雞油飯好香，下次一定再encore?
2) 泰式炒貴刁
賣相吸引，用料十足，味道不錯。
咸魚炒椰菜苗
每次到泰菜餐廳一定叫椰菜苗，因為較少及喜歡其爽口嘅口感！好大碟及好有鑊氣，咸魚香配上椰菜苗好味:D
3）細泰式拼盤
有四款泰式小食，十分適合三心兩意嘅我，估唔到最好味係荷葉包雞，好重香茅味，味濃肉香！蝦餅厚身彈牙?
位於 THE ONE 四樓，頗有人氣的泰國菜，因為正值午飯時間，用餐的人較多，這次被安排於旁邊的 Le Viet 越南菜餐廳用餐，應該是同一集團的餐廳，個人覺得 Cambo 環境和服務都比較好，較為有格調，尤其是窗口位。
串燒（牛、豬和雞肉）及烤豬頸肉，焦香惹味 ?。
明爐大蜆鍋，蜆肉不錯，墊底的粉絲帶點酸味，令人開胃 ?。
椰青焗飯，澎湃滿溢，還有新鮮的椰青肉 ☺。
炒椰菜苗，覺得有點硬，味道較清淡。
早幾日同男朋友去尖沙咀行街，喺The One見到呢間泰菜，平時見好多人排隊，咁啱果次唔使排隊就即刻試吓！ 我同男朋友選擇坐咗喺餐廳外，當日唔算太多人行街，所以都唔算太嘈。
生菜包（蟹肉+豬肉） 食泰菜點可以唔叫我最鍾意食嘅生菜包。 呢度除咗有普通嘅生菜包，仲有上面呢款有埋蟹肉嘅生菜包。勁勁勁多蟹肉，生菜加埋啖啖蟹肉，好味！?
泰式青咖喱軟殻蟹鍋配法包 青咖喱唔算太辣，怕辣都可以食到。 軟殼蟹又炸得夠脆。
辣椒膏炒大蜆 大大粒蜆肉，份量都幾夠，兩個人夠哂食！
雖然價錢比一般泰菜貴啲啲，但以環境同味道嚟講，絕對係值得試下！?
今日午餐既時間跟朋友嚟咗The One?
佢話呢度有間好味又抵食嘅泰國菜
知道我鍾意周圍去食?就介紹埋我嚟試試
遠遠就已經見到鮮艷奪目嘅logo
環境設計得時尚有格調??
座位既寬敞又整潔 光線亦夠充足?
於大玻璃更可一覽尖沙咀鬧市景觀
?香茅烤豬頸肉 $76
食泰國菜必點之一??♀️泰式豬頸肉
經燒製後較香口 並有淡淡香茅味現出?
滿有泰國風味 而肉質嫩滑多汁?
雖然驟眼看油脂不多 但當咬落脂香充足
但卻不會有很膩的感覺?
?大蝦菠蘿焗飯 $85
相信論外表最特色 必定是用菠蘿上碟的飯
平時出去食個菠蘿炒飯都要成百幾蚊?
但呢到午餐set 仲有得連埋飲品添????
去殼大蝦質素都相當高 爽口彈牙 鮮味十足
焗飯餡料有肉鬆,菠蘿,香腸,火腿,蔬菜粒
算是幾豐富 使口感增加?
???泰式炒芥蘭 $62
菜嘅種類以及烹調味道 均可自由配搭?
而泰式炒當中加了蒜蓉炒 香氣足以提升
再配辣椒?最為惹味 讓人食過返尋味
?椰青 $42
一場嚟到少不免會想飲番個椰青
濃郁椰香於口腔內散發?
味道清甜 為解渴之最佳選擇?
喝完後 再可用匙羹慢慢品嚐肉裡的椰子肉
⭐️椰汁西米糕 $33
用斑蘭葉摺成方兜後分2層放入
面層是滑溜溜的椰汁糕??♀️
下層則為西米底及額外加入了芋頭粒
整體味道不太甜?老少咸宜
以泰國菜來講 質素不錯??
價錢更算是幾貼地 性價比高??
而且仲要係尖沙咀The One商場裏
不論午餐set還是晚市?都值得一試
Thai Cuisine ?? One of my favorite choice?
.
.
泰國菜?? 都係我愛吃既菜之一，地道又岩香港人口味。今晚約左同樣愛吃泰菜既朋友黎到尖沙咀吃個午飯?。餐廳裝修時尚、佈置悠閒舒適，午後時光 聊個天都幾chill。而且菜式多元化 (集傳統美食 & 新派口味) 價錢親民，聚腳點不錯。
l[泰式豬手豬脾煲]l $108
Braised Pork Hand & Spleen
本店推介✨ 而且美女要補充骨膠原?。豬手? 原煲上有頭睇，而且份量十足，肥美既豬皮夠Q彈、肉質亦炆煮入味，伴飯吃一定很好下飯。
l[串燒雞, 牛, 豬 (半打)]l $89
Barbecue Pork, Chicken, Beef
再來半打(6 Skewers)?，集齊：雞?、牛?、豬?，配上地道沙嗲醬帶花生香，很惹味。
l[泰式炒貴刁]l $68
Pad Thai (連餐湯)
再黎一客Pad Thai，食泰國野必點?。麵條夠煙韌，配料豐富 加上酸甜醬汁口味，很開胃呢。
l[柚子蜜 Hot Pomelo Honey]l $28
l[三色冰 Iced Jelly & Green Bean]l $28
最後一冷一熱特飲之選：?蜜 &具代表既三色冰，椰汁味? 很milky。
.
.
一間不錯既泰菜之選，價錢親民，下午lunch Cambo Set 很抵吃呢。
.
.
×××[Cambo ขุนทอง]×××
©尖沙咀彌敦道100號The ONE 4樓L403舖
.
.
?泰式炒通菜?（$62）
蒜頭香味十足，輕微香辣，濃咪惹咪，泰式感覺????
?豬肉生菜包??（$68）
豬肉碎混合蔥頭和辣椒等香料，風味濃厚???配合生菜和青瓜，用生菜包著吃，清爽不油膩???♥️
?串燒雞牛豬（$89/半打）
混合雞牛豬串燒，你可以選擇每款的數量，今次我揀了每款2串，價格實惠，啖啖肉！
?椰青?（$40）
食泰式嘢，一定要叫椰青，這裏的椰青冰爽清甜??
? Cambo set- 冬蔭功大蝦湯粉???（$65 配飲品）
健康惹味之選?♥️！冬陰功湯相當濃郁，配料有大蝦、草菇和一些蔬菜?，香香辣辣??????
餐廳：Cambo ขุนทอง (The ONE) (尖沙咀)
地址：尖沙咀彌敦道100號The ONE 4樓L403舖