京滬佳餚 (銅鑼灣店)(King's Delicacy)
營業時間
| 星期二 | 11:30–22:00 |
| 星期三 | 11:30–22:00 |
| 星期四 | 11:30–22:00 |
| 星期五 | 11:30–22:00 |
| 星期六 | 11:30–22:00 |
| 星期日 | 11:30–22:00 |
| 星期一 | 11:30–22:00 |
服務選項
外送
外帶
內用
產品/服務
小菜
咖啡
酒精飲料
酒精飲料優惠時段
啤酒
提供素食料理
葡萄酒
餐點優惠時段
雞尾酒
用餐選擇
午餐
晚餐
餐飲服務
甜點
座位
設施
兒童高腳椅
附設酒吧
洗手間
適合兒童
Wi-Fi
提供免費 Wi-Fi
氣氛
環境舒適
客層族群
適合團體
適合闔家光臨
規劃
需要預訂
接受訂位
付款方式
信用卡
特地到銅鑼灣品嚐北京烤鴨，看了餐牌，點了最出名嘅北京烤鴨三食，有雲吞鴨肉湯、片皮鴨同椒鹽香酥鴨架。另外仲叫了招牌小籠包同燸米炒蟹。
先上雲吞鴨肉湯同招牌小籠包，經理特別表示小籠包湯肉比例1:1，用筷子夾起小籠包會好似個吊鐘咁，配以特別購入嘅上海康樂醋，酸甜度剛好，唔會搶咗小籠包湯同肉嘅鮮味！雲吞鴨肉湯湯味香濃，更煲至奶白色，食片皮鴨前剛好暖暖胃！
之後就到期待已久嘅片皮鴨，一上枱已香味洋溢，配料選擇多，除咗傳統甜醬、青瓜、蔥絲、砂糖之外，仲有哈密瓜、蒜泥同山渣條，擺盤夠晒 colorful，睇得又食得！ 烤鴨皮香脆但唔會好油，配砂糖入口即溶，口感令人回味！
最驚喜嘅係烤鴨份量都幾大，即製餅皮都有兩大籠，絕對係大飽口福！
椒鹽香酥鴨架，就係以大量椒鹽將鴨架炸乾炸脆，非常香口惹味！
最估唔到嘅係最後一味燸米炒蟹，大大隻蟹充滿蟹膏，用蟹膏炒燸米飯，非常美味！
如果海外親友有機會返港，我一定會帶佢哋食呢間餐廳，俾佢哋感受吓香港食物嘅美味！
最近有一間專門食烤鴨既專門店
彈起得好快,轉眼間就開第2間分店
今次再約朋友去食佢既招牌烤鴨
兩個人去食,食左四款
必試酥香烤鴨,即點即烤
孜然小羊排,新疆羊肉湯麵,酥炸廣島蠔
收加一,收茶位每人$36,前菜小碟$20
酥炸廣島蠔
選用了肥大肉厚既廣島蠔 肥嫩不腥
酥脆外層包裹著軟嫩既蠔肉,營養豐富好味道
加上特製醬汁更鮮味!
蠔另名叫海底牛奶,男女都岩食,只要唔好過量
羊肉兩吃
孜然小羊排,新疆羊肉滄湯麵
小羊排帶點肥,唯孜然太重手,但燒得好香口
個羊肉皮好脆,如果加返個醬食落應該更好
新疆羊肉滄湯麵 切羊肉皮加特濃既湯同麵條
反而呢個湯既味偏濃,羊肉片切細,食唔出太羊味,幾岩唔食羊既朋友試試,麵條吸飽湯汁
京滬酥香烤鴨
配有餅皮同配料配搭食用,即點即烤
大約等20-30分鐘先上菜
嚴選用60天既鴨,經特別製法熟成
最後用高溫烤製,令到皮薄而不油膩,酥脆香嫩
酥脆厚身嘅烤鴨皮夾上餅皮和配料一起吃
入口充滿油香,清爽既配料中和油膩口感
食足八件都無問題！
京滬佳餚
銅鑼灣加寧街13-15號
Fashion Walk地下A,C-D號舖
地址: 將軍澳康城路1號
The LOHAS3樓333號舖
屋企人很喜歡食北京烤鴨，知道銅鑼灣新開了一間京滬佳餚，所以今日打去訂枱去試一試😋餐牌上有不同款式美食及套餐選擇。我們點了北京烤鴨三食套餐$698👍
京滬香酥烤鴨（例）
鴨皮燒得香脆，肉質肥美細嫩，食落不會覺得好油或者好肥膩感覺，配料亦有多款選擇，可按照個人喜好選擇不同配料，多重口感。餅皮做得好薄，份量亦剛剛好。
雲吞鴨肉湯
鴨肉湯煲得很香濃，飲落好鮮甜，雲吞餡料有新鮮蝦同豬肉，調味岩岩好。
京蔥涼瓜炆鴨架
鴨架炆得好淋好入味，涼瓜爽口一啲苦澀味都沒有，加入京蔥一齊炆，很惹味👍
招牌小籠包（6件）$68
小籠包皮薄，內裏湯滿，一咬開湯汁流出，熱辣辣好好味😋
今日難得早收工，諗住去銅鑼灣行下街，
順便試下聽朋友推薦嘅北京填鴨！
一去到餐廳 店員安排左我地坐戶外，環境好舒適，又chill! 成個人放鬆哂✨
我哋四個人點咗北京填鴨三食，包括椒鹽香酥鴨架、雲吞鴨肉湯 同片皮鴨！
椒鹽香酥鴨架
超惹味，大廚用咗避風塘既炒法炮製
食落好香口脆卜卜，送飯一流！🐷
雲吞鴨肉湯
鴨肉湯充滿住鴨嘅精華，但飲落又唔會太油膩，雲吞大大粒，唔錯❤️❤️
九宮格片皮鴨
主角黎啦！店員細食心講解食法同次序
可以用鴨片點少少油糖 食落入口即溶
鴨皮食落好香好脆，刀工好好，唔會有太多餘嘅鴨肉，蒸到熱辣辣嘅餅皮，厚薄適中，包住酥脆可口既鴨片同青瓜，落少少傳統京醬，超級好食！食到後面覺得濟時可以試下山渣條同哈密瓜，另有一番風味
小籠包
肉餡同湯汁既比例係1:1
皮薄餡靚，好juicy
一啖食飲哂d湯汁好正
香蔥酥餅
呢個係我嘅至愛！酥皮鬆脆，夾住香蔥，咸咸香香好好味！
糯米炒蟹
呢個我超級期待，絕對物超所值
蟹肉啖啖肉 糯米飯炒得粒粒分明
超誠意之作
總括黎講 服務好 環境好 食物高質
絕對會再幫襯💗💗💗
屋企人生日，特別鍾情京滬菜，
預訂左好評甚多既京滬佳餚。
位於銅鑼灣Fashion Walk，
餐廳裝潢充滿氣派，樓底高，
空間感十足，坐位鬆動舒適。
前菜有川味涼拌蓮藕花生：爽脆微辣、
豆腐青瓜雲耳：清新醒胃。
揀左招牌北京填鴨三吃
京滬香酥烤鴨
店員上菜後會細心講解烤鴨食法。
鴨皮烤得薄脆，沾砂糖食，油香滿溢。
鴨肉片得非常均勻，味道醇厚，
啖啖肉口感嫩滑，肥而不膩。
再配以煙韌餅皮、日本蘿蔔、京葱等配料，
口感同味道層次更為豐富!
京醬涼瓜炆鴨架
以苦瓜入饌，甘香清爽，
鴨架炆得入味，肉汁豐沛。
雲吞鴨肉湯
呈奶白色非常香濃可口，
大大粒雲吞彈牙鮮爽，
鴨肉嫩滑、白菜清甜。
糯米炒蟹
嘩，一上枱好吸引!
糯米飯粒粒分明好煙韌，
啖啖都充滿蟹油香~
蟹膏綿密鮮美好細膩，
蟹肉Q彈飽滿，入口肥美鮮甜。
招牌小籠包
外皮厚薄適中，剛好承托湯汁，
肉餡鮮甜有油脂甘香，肉味香濃。
京滬香蔥煎餅
口感香脆細膩油而不腻，
夾著香濃京蔥，咸香十足。
揀左兩杯特飲，
菊木清茶香甜回甘，甜而不膩；
柚子冰茶，淡淡柚子香，清甜解膩。
個食物的出場時候, 情況是仙氣十足!!
整體而言, 食物質素很好, 我覺得如果人多一點, 會更好, 因為可以品嚐更多的各種美食!
但是, 二人行, 這家餐廳也是不錯的選擇!
推薦給大家
一間食京滬菜主打扁皮鴨(烤鴨)的餐廳,餐廳裝潢好華麗,一入門口已有一道雲石牆,牆中間的四葉招牌正中間正是一隻鴨Logo😎
每款菜式賣相好吸引 好正宗的京滬菜尤其烤鴨較為出色😋適合三五知己飯聚閒聊的好地方! …
《最愛京滬菜 | 進駐銅鑼灣食街 | 必試片皮鴨🦆》
📍 京滬佳餚
📍 銅鑼灣 • 加寧街13-15號Fashion Walk地下A,C-D號舖
自從去年到訪位於將軍澳康城的《京滬佳餚》後，一直對它念念不忘。
最近得知原來他們在銅鑼灣開了分店，怎麼可以不來～
Fashion Walk食街真的好有氣氛，坐在室外用餐特別的舒服。
▷ 京滬酥香烤鴨 ($228/半例) ◁
來到這裡，一定要試一下他們的｛北京烤鴨｝！
鴨皮酥脆，富油香，卻不油膩，點砂糖一起吃非常好吃❤️；
鴨肉口感香嫩，肉味也很香。
餅皮薄的透光，記得要趁熱包起一片烤鴨、配料 還有填鴨醬一起享受❣️
▷ 新疆羊肉熗湯麵 ($88) ◁
湯底非常濃郁，帶有濃濃的羊肉羶味跟鮮香味，質感也很濃稠。
配上羊肉片跟麵條，好吃、值得一試的一道熗麵🍜～
♡ 其他:
• 酥炸廣島蠔 ($198)
• 孜然小羊排 ($208)
對我來講，我最喜歡鴨的食法就是「北京填鴨」，薄薄的皮包住一片片鴨肉，加上一少撮配菜，沾上醬汁再送入口，就夠美味了😚
想到京滬佳餚吃它號稱香港第一北京填鴨已久，今日趁放假就約朋友一起到銅鑼灣Fashion Walk這分店來品嚐。
我們像餓鬼一樣，一下子就點了滿桌食物👉🏻北京填鴨（半例）、酥炸鮑鯨、酥炸廣島蠔、酸湯海斑片、四川擔擔麵、招牌小籠包、京香蜜汁叉燒包等…
每一款食物都有水準，而北京填鴨同酸湯海斑片是最出色，前者賣相靚、鴨肉不肥膩、包皮夠薄，入口融化，正！後者海斑片十分嫩滑，與酸菜十分配，配料亦足，好開胃！
最抵食一定是價值$18的小籠包，一籠6隻，包皮好薄，汁多好juicy。
整體是高質的，唯價格略偏高。
紅日當日，見到youtuber出片大讚餐廳既片皮鴨出色，見openrice評價都好好，就即刻打電話去book當晚既時間，打電話話有位，勁開心冇諗過出完片紅日都會有位可以食。
隔左三個鐘左右，我再致電餐廳詢問片皮鴨需唔需要預定同留起，得到既答覆係唔需要。餐廳會有足夠既數量供應。
到左夜晚我帶住老人家，一家四口過海特登去試下呢間餐廳。8點05分到，同門口既waitress講book左8點4位，佢話稍等一陣，我地企埋一邊，見到前面已經有大概3-4枱，仲等梗入坐。門口既waitress做野極度混亂，好幾次入面有其他侍應問差幾多枱，佢都講唔清楚。門口reception 仲長期處於冇人既狀態。
時間黎到8點40分，呢個時候大家一黎怕限聚到10點，二黎係天氣又好熱，都一直chur住想要枱入去。呢個時候有其他客人問下一張係咪到佢地，侍應話係，我問下一張唔係我咩，但侍應先發現冇俾枱我。
然後我行入去問另一個男侍應可唔可以幫我地落左單先，我地未有枱驚唔夠時間，佢既exact wording係”吓咁慘啊”係幸災樂禍既語氣。
隔左30秒，佢話落單啦你想要咩，
我話片皮鴨三食，
佢話冇喎今日片皮鴨賣晒啦，
我話我打左電話唔係唔洗book同會有？
佢話冇啊百幾隻今日賣晒冇得淨。
我地就走到左，決定唔食。
期待左一日，本身真係好期待，點知帶住一家大細一齊失望。最後俾呢間餐廳拖到9點，周圍都已經last order，ruin左我地一家人食飯既機會。
其實我明白有kol 介紹晒加上係紅日，一定full house。但係態度真係好差，服務人員處理crisis既能力亦好差。如果服務係咁樣，食物再好都絕對算不上一間好餐廳。
食物OK，環境擠廹，枱细地窄，食不知味。
傳說中堪稱第一的北京填鴨，一早就卜定枱去食，千祈唔好唸住walk in，因為walk in係唔會有位，如果唔卜枱，就白行一淌啦。，無作大，真係咁誇張全場爆滿就知道食物質素掂….掂……掂……價錢公道
環境…食物….價錢…..服務👍👍👍👍👍
——————————-
鐵觀音茶🍵：
茶味香濃，清香又芬芳，連裝住茶嘅茶壼質地都可以令茶一路飲一路保溫，茶味香濃就是這樣☕️的芬香
——————————-
🟨京滬雲吞鴨肉湯🥣：
湯甜鴨滑，菜夠甜夠爽、雲吞皮薄餡肉夠鮮味，足料湯甜👍
——————————-一一
🟩花膠黃魚羹🐠：
蛋花蟹肉菜夠濃、啖啖足料每羹吃落都是花膠，夠滑又夠味、越食越滋味
——————————-
🟧松鼠黃魚🐟：
又香又熱又脆，外皮全是烤得脆，內裏魚肉軟熟又香滑、酸甜昧道醒胃惹味、吃一啖就已經停不了，實在太好味了😋
—————————-
🟫一品脆碎香🥗：
上枱時，店員告訴我們菜包是荷蘭產地，葉帶微苦：
碎肉內有鴨肉、芹菜、芫茜、青豆、紅椒🌶️、黃椒、青椒🫑、菜莆、花生⋯⋯等等。
菜包我覺得好爽好清甜，至於微苦我就覺得吃落好甘香，相信那微苦的味道就是我所説的甘香吧😋
和肉碎包一起吃，吃得滋味又清爽，有着同甘共苦的一個小菜式⋯⋯😋👍
—————————
🟥京滬香酥烤鴨🦆：
配六款味道材料配菜及嬤嬤：
最後來一個傳說中天下第一的片皮香酥烤鴨⋯⋯
「聞名不如見面
傳說中天下第一
確實出色」👍😋
皮脆又薄，皮下完全無脂方，肉也是一點肥羔也沒有，皮烤得脆，咬落一點肥膩也沒有。
一片嬤嬤、一片鴨肉、兩片脆脆的香烤鴨皮、加上六款味道材料，青瓜、紫蘿蔔、大蔥、薑蓉、沙糖、烤醬….等等。
嬤嬤皮夠薄、配好了所有食材後包裹着吃，皮薄吃起來時可以吃得好請淅裏面食物的味道，而且更令食物吃得津津有味而不感到膩滯，反而不知不覺間吃清光了.平日大多吃片皮鴨時配上的嬤嬤、很多又厚粉又滯、這裏的香酥烤鴨不單只做得出色，連嬤嬤也做得相當不錯👍
果然是傳說中的天下第一
——————————
服務親切、環境舒適，有室外又有室內、內外坐位都各有特色和精緻，外面坐位較暗和較浪漫🌹、裏面坐位較光猛，選擇與適合的你…..你…..你…..
你喜歡坐在那裏吃？😊
——————————
開心與浪漫🌹
開心又簡單🥳
————————-
鴨宴的最佳選擇
媽媽很喜歡吃鴨，因此專誠帶家人吃一餐鴨宴，在網上搜尋北京烤鴨的資料，發現這一間評價不錯，主打北京名菜 – 片皮鴨，而且有多種食法。今次是第一次光顧和吃北京烤鴨，給我的印象相當不錯，使我(從來不吃鴨的人)對鴨皮重新認識。
位置：雖然不近地鐵站，但不難找，因為正坐落於大街小巷內，旁邊就是一間類似酒吧的餐廳，整條街道上佈置了小粒泡，晚上應該頗有特色。
環境：餐廳面積大而寬敞，座位安排舒適，空間感十足，亦有私人空間的木隔座位，雖是有窗的卡位，但景觀一般。店內裝修瑰麗堂皇，而且還有酒吧，我也是第一次見酒樓有酒吧位置，並設有室外用餐位置，是吸煙區。
服務：侍應會介紹菜式、吃法、與客人交流。值得一提的是逐道菜上，吃完一碟才起另一碟，保持新鮮度。
午市：
媽媽選了普洱，茶味濃郁，媽媽盛讚是好茶葉，沒有霉味，一直泡了很多次，顏色沒有變淺。前菜是川味涼拌蓮藕花生和豆腐雲耳，帶丁點麻辣，蓮藕片亦很爽口，好開胃，是不錯的前菜。
北京填鴨三吃$698:
京滬酥香烤鴨(半例)
鴨皮呈棗紅色和蜂巢形狀，外皮油亮酥脆，師父已經片走皮下脂肪，所以吃起來又薄又脆，充滿油香，再蘸白糖使口感酥脆軟糯，比起用餅包更滋味。
另外提供了六款配料，荷葉餅呈上是熱辣辣的，皮薄得透光又充滿韌性，每塊隔著油紙非常衛生。用餅夾著大蔥、青瓜、蜜瓜和甜麵醬與鴨肉一起吃，層次豐富，口感清爽又帶有脂香。
鴨肉一點也不老，肉質細嫩，口味鮮美，帶少許鴨騷味，所以我只好吃了少少，大部分入了媽媽的肚腹中。
薑蔥涼瓜炆鴨架
鴨架加入京蔥及涼瓜，涼瓜炆得好入味，調味適中，最重要是這款涼瓜一點也不苦，原來是台灣進口，味甘而爽口。
京滬雲吞鴨肉湯
媽媽略嫌湯有點鹹，但我不覺得，反正是味道濃郁，湯色呈奶白色，每碗都有鴨肉、白菜和雲吞，雲吞餡過於結實，白菜掛湯強，是最好吃！
糯米炒蟹$598
這是帶有滿滿澄黃膏的青蟹，體型巨大，蟹肉結實鮮甜肥美，每一口糯米都食到蟹膏，味道甘香，除了蟹夠新鮮，最重要是糯米很香口，口感煙煙韌韌，帶有蟹香，服務員解釋糯米是用蟹殼水浸，所以吃起來是特別香，我認同！
招牌小籠包$18（優惠價）
雖然不及鼎泰豐那麼皮薄，但絕對性價比高，見到限定優惠，所以立刻下單一碟，沒有失望，一個湯匙大小，餡內有滿滿的肉汁，隨時爆出來，吃時要小心。
京滬香蔥煎餅$68（4件）
三角形餅狀，可以見到表層鬆脆帶有數層，餅皮口感像酥皮爽脆，餡料是京蔥，散發濃厚蔥香，咬起來是滿口油蔥酥香。
後來我們發現根本吃不了那麼多，需要打包，服務員貼心地將每個菜餚分開盒裝，值得一提是厠所很先進，因為是日本的電動厠所，設施和裝潢都很顯得很高級！因此價錢都一定較高！
專食京滬菜的京滬佳餚位於fashion walk的分店， 有室外用餐區， 不過天氣太熱啦，都係坐返有冷氣嘅室內位好啲
點了菊花茶，但菊花味不太突出， 反而前菜蓮藕幾好食，爽口又香花椒油味
招牌小籠包($68/六件)夠湯汁，肉餡都算多
孜然小羊排($208)， 惹味的菜式，初頭怕太辣，所以孜然粉另上，有少少肥， 不過肉質軟腍，有一些部分比較乾身
Guiness($78) 送小羊排一流
半隻酥香烤鴨($228) 是餐廳的招牌菜，鴨皮香脆， 本身有一點油， 加醬汁和配料用面皮包著吃， 令人垂涎欲滴
杏汁高力($88/四件)，顏色白雪雪，形狀脹卜卜，有一點像雲朵，咬落很輕軟，空氣感十足，中間是用杏汁做成的餡料， 帶出陣陣的杏仁香
《銅鑼灣高質京滬菜》
久違京滬菜，上網見到Fashion Walk開咗間新嘅京滬菜，而且一向都鐘意片皮鴨，就黎食😀
點咗：
🦆京滬酥香烤鴨 (半隻) $228
首先講下今餐重點 – 片•皮•鴨！
上菜時，店員特別提醒要趁熱食，而且頭幾片嘅皮要蘸糖食。我哋梗係即刻快手蘸糖食，真係好•好•食😋入口即溶不在話下，個皮本身都好爽脆。
鴨肉就配上一併遞上嘅配菜同甜麵醬，包住卷皮一齊食。配菜非常講究，除咗平常會見到嘅京葱、青瓜、薑蓉，仲有少見嘅心內美蘿蔔，好特別。
鴨皮、鴨肉好食，就連個鴨脾都燒得好香脆🤩
🦪酥炸廣島蠔 $198 – 炸得超鬆脆，蠔又新鮮，呢個菜勁高汁，絕對推介！
🐑孜然小羊排 $208 – 京菜羊肉當道。一向鐘意孜然，唔洗講呢個梗係超啱口味
🍜新疆羊肉熗湯麵 $88 – 湯底濃郁，雖然有羊肉，但一啲都食唔到有騷味。麵質彈牙，有𡁻口，個湯汁令我對成碗麵都印象勁深，回味無窮🤤
食完唔只食到捧住個肚走，仲舔舔脷😋
已經開始plan定下次幾時再黎😆
.
.
.
#FoodieS #FoodieSAdventure
#銅鑼灣美食 #銅鑼灣覓食 #香港美食 #銅鑼灣中菜 #京滬菜
那個扁皮鴨不錯。氣氛很好…每道菜都好吃。。謝謝
食到烤鴨已經心滿意足😍
最近工作稍微輕鬆一些，但心情依然沈重，不知道什麼原因，只好約朋友出來解悶。
餐廳有不少廂房，供家庭或朋友聚會，另有少量卡座，其他都是多人長方桌。
餐牌有不少特色中菜，例如小籠包、烤鴨、中式甜品等等。
⭐️泡菜$20
中式餐廳少不了小菜，小菜是青瓜和花生。另外茗茶$36兩位。
⭐️酲醋小排骨$88
小排骨瘦肉多些，入口酸酸甜甜。
⭐️花膠黃魚羹$68/碗
花膠黃魚羹由於湯底是魚湯，所以入口味道較香淡，靠胡椒調味，花膠煮得脆且甘。
⭐️京滬香酥烤鴨$228
半隻烤鴨，烤鴨皮很有韌性，厚度適中，入口烤鴨皮略脆，加入蔥可以中和油膩感。
⭐️招牌小籠包$68
小籠包皮薄餡靚，一咬下去，肉汁都在口腔迸發，味道鮮甜，應該叫多幾籠。
⭐️山楂楊梅果$48
甜品外型是楊梅，很吸睛呢！外面是酸香煙韌，裡面是山楂餡，也不會太甜，不俗。
疫情稍為緩和，終於有返晚市堂食，實在太感動了😭 所以今次就同左朋友去銅鑼灣新開嘅京滬佳餚食飯😛
舖頭相當闊落，室內室外都有好多位，室外座位比較有氣氛，不過可惜當時有人食緊煙所以我哋選擇坐室內🤧
酥炸廣島蠔 – 銅鑼灣的京滬佳餚酥炸廣島蠔
朋友同我都好鍾意食海鮮類嘅食物，所以第一道菜我地叫咗酥炸廣島蠔😍
每隻蠔都非常肥美好肉，咬落非常juicy又鮮甜，而且唔會炸得太過火😋廚師控制火候真係做得好好
之後下一道菜係今日嘅主角京滬香酥烤鴨🤩🤩
除左主角烤鴨之外，仲附上薄餅同多款配菜
上曬檯之後店員非常之細心同我哋講解要點樣mix埋6種唔同嘅配料一齊食（相當nice，加分加分⭐️🌟💫！）
加上師傅仲將鴨皮烤得非常之乾脆，油脂分佈剛剛好，唔會過於油膩
食落每一啖都係人生享受嚟🤤🤤🤤至於鴨肉都係相當肥美多汁，正呀！
下個送到嘅就係佈滿孜然粉嘅孜然小羊排，食落去冇乜騷味而且唔會好肥好油膩😙
個人覺得孜然粉份量落得比較多有少少蓋過羊排未
如果無咁重手就無得頂啦
最後一個餸就係新疆羊肉燴湯麵😍
麵條充滿彈性，配埋羊肉而且吸收曬湯底真心非常好食，值得一試😋湯底都值得讚㗎，濃而不膩，唔係瘋狂落味精要飲好多水嗰種👍🏻👍🏻👍🏻👍🏻👍🏻
總括而言，食物質素相當唔錯，價錢都唔離地，有機會肯定會再食！
地址：銅鑼灣加寧街13-15號Fashion Walk地下A,C-D號舖
上海炭燒燻魚
外皮燒至焦脆香口，裡面嘅魚肉軟腍多汁，非常香甜可口。
酲醋小排骨
同樣係味道偏甜，肉質軟腍得嚟有口感，多咗小小醋嘅酸味，感覺冇咁膩。
孜然小羊排
一上枱孜然嘅香味已經撲鼻而來，皮有嚼口又唔會太韌，底下一層薄薄充滿油香嘅脂肪，肉質爽口有嚼頭，小小羶味令羊肉味更濃郁。味道唔會太重口，反而係有啲辣，而且後勁十足。
招牌小籠包(6隻)
皮嘅厚薄適中，湯汁鮮美，餡料足，味道中規中矩。
蟲草花炒翡翠苗(素)
草青味濃郁，食落爽脆清甜，蟲草花味都出，係好fresh嘅菜。
老上海炒飯(辣)
米係珍珠米，軟糯煙韌，有鮮蝦、煙肉、粟米等配料，香口好食。
京滬香酥烤鴨(例)
四人份量都ok嘅，面頭有幾塊皮，食落非常有空氣感，似棉花糖咁入口即溶，而且油份較重，蘸糖食稍為中和下。鴨皮甘香，鴨肉嫩滑，味道則偏淡，可以夾埋青瓜、山渣、蜜瓜、日本蘿蔔、大蔥一齊食。鴨脾就可以蘸蒜蓉食。值得一提係個粉皮，薄得嚟煙煙韌韌，口感唔錯。
酥炸杏仁豆腐
外皮酥脆，裡面嘅豆腐軟滑，杏仁味好濃，仲有士多啤梨、奇異果、藍莓伴碟。
楊枝甘露伴雪糕
好有gimmick嘅甜品，底下放咗乾冰營造煙霧嘅效果。楊枝甘露甜味適中，有西米同柚子，雪糕溶在其中增加咗軟滑嘅口感。
▫️京滬酥香烤鴨
北京烤鴨即係類似我哋平時食嘅片皮鴨，但係北京烤鴨要求嘅皮係更加薄，食法基本上都相同，用薄餅皮在點上甜醬，再加上蘿蔔絲、大蔥絲等配料包住一齊食。
京式嘅烤鴨就有三種切割嘅方式，分別係片片、片條同埋皮肉分離。
呢度嘅烤鴨以皮肉分離嘅形式上枱，可以分別品嚐到鴨皮酥脆同埋鴨肉甘甜。食嘅時候可以有幾款方法，頭四片店員就建議可以沾砂糖食，之後就用返平時一般嘅食法。
呢度嘅烤鴨仲有另一個特色，就係鴨腿會原隻呈上，然後可以讓入蒜蓉喺皮同肉中間，然後拎住黎食，又會係另一種滋味。
▫️酥炸廣島蠔
呢度嘅酥炸廣島好做得非常出色，炸漿做得好薄，口感酥脆，打開之後蠔肉肉厚實多汁，鮮味十足。
▫️孜然小羊排
孜然同埋烤羊似乎有密不可分嘅關係，佢哋嘅配搭總係唔會出錯。
羊扒經過烤焗之後，散發出陣陣嘅香氣，再加上自然嘅味道，帶出羊肉嘅鮮甜，充滿原野風味。
▫️新疆羊肉熗湯麵
羊肉除咗可以配搭孜然之外，亦都可以配搭湯麵。但係呢個湯麵最吸引我嘅，竟然唔係羊肉，而係佢嘅湯底。佢嘅湯底同一般餐廳食到嘅湯麵有啲唔同，佢係非常 杰，更加準確來講，湯底係做到起膠嘅狀態，相信一定係足料先至做到。湯底嘅味道濃郁之餘，亦都見到有好多配料，例如洋蔥，蒜頭等等，所以飲落去嘅味道帶有陣陣嘅甜味。而麵條就爽滑彈牙，每食一啖再配埋濃郁嘅湯底，非常出色。
記得之前係將軍澳都有同朋友食過，印象中啲嘢食唔錯，又好耐無食片皮鴨 ，決定試試銅鑼灣呢間啲片皮鴨如何先。
入面環境一樣夠光猛，走新派年青路線中菜裝潢，座位闊落舒適，氣氛唔錯嘅。 仲有個cocktail area 調製各種cocktail。
今次就叫咗松鼠黃魚,京滬擔擔麵，乾燒海龍王同埋黃金鴨伴魚子醬四件。
黃金鴨伴魚子醬四件 –鴨皮相對外面的會厚少少，但烤得十分酥脆。再加上魚子醬點綴，整體賣相夠精緻。面層香酥的鴨皮加底層薄脆的薯片，再配中間嘅山楂果凍及青瓜片，口感方面非常豐富，吃起來亦無太大油膩感。整個菜式設計相當新穎。魚子醬呢個部分當然不用太認真，點綴還是不錯的。
松鼠黃魚 – 份量剛好非常適合二人，原條去骨沾粉油炸，再淋上糖醋汁。松鼠黃魚的靈魂是糖醋汁，糖味不能太甜，酸度也要有，酸甜適中才是這道菜的本味，再做到皮酥肉嫩 就要掌握好炸魚的火候及油溫。整體來講呢道菜做得唔錯，就算放涼了仍然好吃。
乾燒海龍王 – 有賣相及味道都唔錯，蝦肉爽彈。唯一要講嘅就係份量少咗啲。
京滬擔擔麵 – 有別於平時吃的，帶少少的花椒麻香，而辣度對我來講亦適中，而麵條浸泡耐咗都唔會糊化。
整體的用餐感受亦唔錯，以後ＣＷＢ想食中菜都多個選擇。
位於銅鑼灣的京滬佳餚，是一間主打北京填鴨的中菜館。餐廳由點心皇后徒弟陳彥師傅主理，雖然以中國傳統名菜做招來，但裝潢和烹調風格極為創新，讓客人感受到別樹一幟的中菜體驗。
店內裝潢年輕時尚，利用金色為主調，感覺新潮的同時不失氣派風範。地方位置寬廠，設有數個廂房，適合家庭聚會的客人使用呀!
食物的種類繁多，除了有招牌填鴨，更有大量小菜和點心。圖文並茂解釋，令每道菜都相當吸引。當天與家人一同光顧，人數聚多，所以我們聽店員的推介，試試餐廳皇牌北京填鴨3食吧!
北京填鴨三食 $698
招牌三食包括: 京滬香酥烤鴨、雲吞鴨肉湯、京醬涼瓜炆鴨加或椒鹽香酥烤鴨。
京滬香酥烤鴨。
烤鴨用現代化的西式烤爐燜烤製作，需時90分鐘。烤製期間，整間餐廳都充滿香噴噴的味道呢! 亮麗光澤的鴨皮，色澤和色調迷人，散發鮮鴨香氣。
酥化油香的鴨皮，可沾糖吃，有入口化掉的感覺。而鴨肉則可用餅皮包裹，加上各種配料，層次更多，味道更豐富。
店家採用只養了兩個月，體型較小的鴨子製作，鴨皮下脂肪較少，膩感相對較低。而且小鴨的鴨肉較為鮮嫩多汁，風味更佳，果然不錯呢!
雲吞鴨肉湯。
鮮美無比的雲吞鴨肉湯，深得我心! 鴨湯非常鮮甜，啖啖都感受到鴨肉精華，配上充滿肉香的雲吞，好好吃呀。
京醬涼瓜炆鴨。
濃香惹味的京醬涼瓜炆鴨，配飯一流呀! 鴨肉部分以骨為主，整片被醬汁包裹，配上的爽脆京蔥和軟腍苦瓜片，鑊氣十足，媽媽們非常喜歡。
糯米炒蟹 $598
超級吸引的糯米炒蟹，質素相當不錯呢! 肉蟹完隻呈上，有氣派有氣勢。肉蟹大大隻，肉質結實，非常鮮甜，啖啖滿足。糯米飯吸收蟹肉鮮美，蟹香味濃，煙靭可口，四人分享，不夠吃呀~哈哈。
本身以為fashion walk得西嘢食 望入呢間中嘢咁full 我地又湊熱鬧入去試下 其實想食佢個片皮鴨 🌯但系二個人又真系好難食得曬同埋感覺上片皮鴨一大班人食先開心🥳
我哋叫咗招牌小籠包🥟雞絲粉皮🫓賽螃蟹🦀️蟲草花炒翡翠苗🥢
外婆👵🏻紅燒肉嫩雞煨面 🥡
小籠包嚟到每一粒都熱辣辣夠晒湯汁第一次成功食三粒都唔會夾破🤣🤣🤣
賽螃蟹同埋外婆紅燒肉都系送飯一流
外婆紅燒肉每一口都系一層層肉加脂肪豬皮位置煨到好淋 好重骨膠感 蟲草花炒翡翠苗用咗上湯嚟煮好入味 嫩雞煨面系老公兒時回憶 所以食下食下成碗俾佢一個人清左🥲
仲要多咗一個楊枝甘露配雪糕🍦食完先發覺原來唔記得咗影相🫖掛住食 順便一提呢度仲有室外位置 啱晒煙friend 不過呢啲天氣都係坐住室內先啦😝食中菜都係一大班人食先過癮下次要嚟試佢片皮鴨真係差唔多每一台都叫
老公仲係WFH，喺屋企困得太奈，日日食茶餐廳廣東菜冇新鮮感，帶佢去食最鍾意嘅北京填鴨。住港島唔想去太遠，向銅鑼灣夠就腳揾到呢間網上評價唔差價錢合理既京滬佳餚
內部裝橫新潮精緻，座位安排亦唔會太逼狹，平日7點入咗座半滿，8點已經full咗。肚仔餓散叫咗幾個餸，原本驚張枱放唔哂，上菜時發覺佢有細心考慮食物送上次序同時間，值得一讚
岩岩所講，第一道先上炭燒熏魚，原本期待佢會係西式嘅煮法會有煙薰味，但入口發現佢係普通嘅上海熏魚，口味偏甜。
原本諗住叫星斑魚頭木瓜湯，職員細心提示分量太大兩個人未必飲得晒。建議可以轉兩碗花膠黃魚羹，湯羹鮮美清潤，有薑絲為黃魚癖腥，推介。
跟隨送上新鮮蒸起嘅小籠包，皮薄有彈性包覆性一流，湯汁夠多略嫌唔夠鮮甜。
主角終於出場✨我哋叫咗半例北京填鴨附六款配料，職員建議先是鴨皮點砂糖，皮夠趣又走脂刀功一流，入口當真香酥美味！另外蒜蓉係新式食法可以用來配鴨腿進食，因為得一隻讓咗比老公，佢表示配搭相宜大滿足！
回歸正統食法，用餅皮包住各種配菜連新穎既紫色日本蕃薯，口感平衡得岩岩好，若要挑剔就係鴨肉稍瘦唔夠豐腴肥美唔夠脂香感。不得不讚包皮相當細心，每塊用牛油紙隔開避免黏在一起。
津白又係食上海菜必選，湯汁夠結令菜可掛湯，店家只保留娃娃菜較嫩既部分，平衝岩岩食重口味罪惡感超重既片皮鴨
最尾以擔擔面作結，menu雖然提示佢係辣，但湯汁只係麻辣冇搶喉酸性稍出，我怕辣同喉嚨痛都食，仲食得到🤣簡直在玩命
埋單兩位連加一$860，服務質素好職員又有禮食物高質，抵食！
銅鑼灣食街出名多高質餐廳
最近又新開左主打食烤鴨既京滬佳餚
呢到同食街其他餐廳一樣都設有戶外坐位
室內嘅位置十分闊落
枱與枱之間嘅距離夠遠
絕對可以保持社交距離:like
菊木清茶（$58）
接骨木花加菊花既配搭好清新
又唔會太甜
好適合配襯中菜
十分推介呢到主打加入茶調配既雞尾酒
有無酒精成份既岩晒唔飲酒既我:D
酥炸廣島蠔（$198）
上枱熱辣辣岩岩新鮮炸好
一啖咬落去要小心
因為入面實在太多汁:love:
廣島蠔蠔味濃厚又鮮甜
炸漿做得夠酥脆👍🏻
Size都夠大隻
孜然小羊排（$208）
小羊排外皮炸到酥脆
配搭孜然既香辣完美蓋過羊肉嘅膻味
肉質好嫩滑又唔會有過多既油脂
京滬香酥鴨（$228）
呢到主打既招牌菜當然係烤鴨
鴨肉唔單獨食都唔會覺得膩
而且肉味香
唔怕口臭既一定要包蒜蓉食
真係會好食停唔到口
新疆羊肉熗湯麵（$88）
湯頭濃郁，亦唔會有膻味
羊肉片份量都好多
而且好大碗
2個人食都好足夠
開心呀好耐冇試過堂食喇！今日去咗銅鑼灣食填鴨😻
首先我哋叫咗北京填鴨三食因為可以試曬三個餸🥰我哋揀咗椒鹽香酥鴨架
第一個出場嘅就係雲吞鴨肉湯 一飲落去個湯好夠熱同埋好濃好rich好似煲左三日三夜咁🤣鴨皮既油香浸曬入個湯到好正🐷🐷
小籠包熱辣辣蒸起 店員介紹佢地肉餡同湯汁既比例係1:1 同埋提醒我地要小心辣口
比大家睇下入面幾咁多汁😋果然夠正宗👍🏼
香蔥酥餅 勁有驚喜！個酥皮好有層次 好鬆化 牛油味好濃 一人一小塊真係唔係幾夠喉😆
香酥鴨架 原來係類似避風塘既炒法 好香口不過唔辣架！雖然話鴨架但都幾多肉食，而且骨位啲肉都好林😻
糯米炒蟹 賣相100分😻😻蟹肉好實 啖啖肉 糯米飯炒得入味而且唔油膩 好有水準！
終於到主角出場！
見到個九宮格 已經覺得好amazing
店員仲教左我地個次序
食到後面開始覺得濟時先食個山渣條同哈密瓜 一開始可以試下點糖食
鴨皮片得好好 100%同肉分離 真係淨食皮 所以好脆好香油香
果然係片皮鴨專家
今日一家人食母親節飯，媽媽好喜歡吃中菜，同事推介下，我們來到剛剛開張的京滬佳餚食飯。未知是否新開業的關係，人客不太多，所以可以靜靜地傾談食飯。
餐廳的本店在將軍澳，在該區非常出名，今次開新分店在銅鑼灣，更方便我們用餐。餐廳地方很大，坐得舒適又舒服。
京滬佳餚主打北京填鴨，今次來慶祝母親節，一於食豪啲，所以我們要了一份北京填鴨三食。三食包含京滬香酥烤鴨、雲吞鴨肉湯、京醬涼瓜炆鴨。
先介紹招牌的京滬香酥烤鴨，油香飄逸的烤鴨，好吸引！店員說烤鴨需時九十分鐘製作，用心良苦，難怪皮色如此吸引。烤鴨皮又香又酥，有入口既溶的效果，造得很好。鴨肉就好鮮甜美味，一點也不柴，家人吃得很開心。
雲吞鴨肉湯獲妹妹力讚，湯頭好濃好鮮，雲吞皮夠薄，雲吞肉大大顆，好食啊。
京醬涼瓜炆鴨質素也好好，京醬好濃又香，所以我們追加白飯，配搭起來更合我們胃口。
招牌小籠包$68
皮薄餡靚的小籠包，裡面有好多湯汁，一咬即爆，要非常小心。
香蔥煎餅$68
煎餅好好食，外酥內脆，襯熱食一流。
今次黎到fashion walk呢邊食嘢，有outdoor同indoor位，想chill d可以坐出面，入面都好闊落，重點係侍應服務好好~
🔺北京填鴨三食 peking duck serving in 3 ways ($698)
🔺京滬香酥烤鴨 peking duck
嚟呢度梗係要試下佢嘅招牌北京填鴨啦！食極都食唔完，食曬啲皮仲有好多鴨肉同埋脆皮🙃。不過啲鴨皮真係好脆！😍一夾啲鴨皮係會感受到係好輕身、有油香之餘但唔油膩，難度好高但佢做到。鴨皮同肉係一定會分開，方便食。而且鴨油好香，一咬落去啲油喺口中爆發，佢哋話已經隔咗一層油所以食落會冇咁油膩🤔。侍應推介話點砂糖會好好食、果然點完之後係好似食緊甜品咁，鴨油同砂糖原來係完美嘅配合！
🔺雲吞鴨肉湯 duck soup with pork dumplings
湯好濃厚，不過相對上鴨肉嘅肉味會比較突出，如果你接受唔到鴨肉陣味，可能未必鍾意呢個湯。
🔺 京醬涼瓜炆鴨架 braised duck chops with bitter melon
有京蔥、紅椒、苦瓜等等配料，但涼瓜完全冇苦味，好食。
🔺 糯米炒蟹 ($598) stir-fired crab with glutinous rice
呢個又係呢間鋪另一招牌，必試！侍應話呢個咪係用蟹嘅水嚟浸過，所以糯米之中係滲入咗蟹嘅鮮味，並唔係單單純粹攞啲蟹去炒咁簡單，一聽就知係心機之作🤞，又要讚下個廚師。食落去啲糯米的確係有蟹嘅鮮味！而且蟹勁大隻又多膏😍你係見到一大嚿膏喺嚿飯上面、唔係d膏同d飯一樣咁細粒嗰種炒飯。咁大嚿蟹、咁多膏，呢個價錢一個字，值。
🔺京滬香蔥燒餅 ($68)
好脆、而且層層分明。咬落去係會感受到蔥油餅嗰種層次。
🔺招牌小籠包 ($68) steamed minced pork dumplings
皮薄多汁，好好食，又唔油膩，冇咩補充。
如果同朋友難得出街一次食飯，或者邀請親戚朋友過嚟食飯，呢種餐廳好適合👍。
假期和朋友們去銅鑼灣京滬佳餚，食晚飯特別喜歡上海菜，這裏有我最愛的小籠包、酸辣湯，而且環境挺漂亮的，一邊食飯，一邊影相打卡，很愜意！
這裏有室外和室內座位，室外的燈飾像滿天星宿般漂亮；室內淡雅古樸，是典型的中式風味。
先來前菜，花雕醉雞$88,份量不算多，酒味香濃，而且不苦澀，帶微甜味又有杞子香，煮得夠熟所以沒有血水，但肉質仍然滑，雞皮爽口，非常好味！
招牌小籠包$68, 湯汁超多，皮薄餡靚，不想浪費鮮甜的湯，記得先咬小籠包頂部，然後吸啜湯汁，品嚐了鮮甜的湯味，再吃肉餡，肉餡質感彈牙有口感，果然是招牌菜呢！推介要試！
京滬雲吞鴨肉湯$68一位，清淡的湯，有家的感覺，但多了一份鴨肉香，煲出來的湯也很甜，雲吞滑嘟嘟，肉餡就算煲過湯仍然爽口；天氣熱特別口乾，喝了一碗湯，感覺喉嚨很舒適。
弄堂酸辣湯$48一位，是我最愛的菜式，喜歡酸辣味道，特別開胃，這裏的湯材料很多，有爽口的木耳絲，有蛋花、肉絲、蝦，增添鮮味，令口感層次豐富。酸辣味道適中，只是小辣程度，適合大眾口味。
外婆紅燒肉$98, 吃完回味無窮！喜歡腩肉炆得夠淋又入味，醬汁香濃，入口的肥肉滑嘟嘟的，但不覺油膩，絕對是邪惡美食之一。
一品脆碎香$118, 被餐牌的賣相吸引了，原來是像泰式生菜包一樣， 有幾片切得像花瓣一樣的鮮嫩黃芽白，配上切成粒的鴨肉 和雜豆，包著一起吃，除了有豐富口感，還吃到鴨肉香和蔬菜的鮮甜。
糖醋小排骨88, 有糖醋汁，酸甜味吃得特別開胃，小排骨偏瘦的，一口一塊，啖啖肉不肥膩，配飯吃最適合，不過是晚吃得很多菜式了，就沒有點白飯了。
最後來個甜品，京滬杏汁高力$88, 不是高力豆沙，裏面的餡換成了杏汁，外層軟綿香甜，裡面變成流心的杏汁，很香！口感熱辣辣軟綿綿，感覺很新鮮呢！
幾個人吃得很滿意。每道菜的味道都很不錯，食物質素是頗高的。吃晚飯環境，服務非常殷切，很滿意一頓的晚餐。
大家記唔記得疫情前，我地介紹左一間康城食片皮鴨既店。
今次佢係銅鑼灣開左分店
今次點左:
-擔擔面
-松子魚
-魚子醬配黃金鴨件
-乾燒海龍皇
擔擔面唔太辣，但花生味夠﹐有少少和風既海藻味﹐好惹味，忍唔住係咁飲啲湯 ><
松子望落去炸得好脆，但漿好薄，因為係用酸甜醬，所以開胃又唔油，肉質鮮嫩，魚味都唔錯。
根住係魚子醬配鴨件，首先外貌已經好矜貴，鴨件其實就係鴨皮，鴨油香脆，下面係山楂件及青瓜件，兩塊原味薯片墊底，一定要全部都食入口，係脆、香、油、鹹混合埋，好有層次。你未食以為唔係山楂係火腿，只餘一陣獨特香味。
叫得海龍皇，緊係夠大隻啦，放係由麵條炸成既稻草上，好優雅，雖然好大隻，但煮得岩岩好，夠彈同厚肉，蝦味超級正！
一考完試就想食啲好野慶祝下，於是朋友提議去銅鑼灣食「京滬佳餚」呢間餐廳，因為佢扁皮鴨出名好好食，於是就book左枱夜晚去試。
除左叫左佢必點嘅扁皮鴨之外，我哋仲叫咗炸生蠔、孜然小羊排、新彊羊肉熗湯麵。
炸生蠔有6隻，炸得好脆卜卜，而且好大隻。
之後就係試佢最出名嘅扁皮鴨😋店員好詳細咁解釋食法：鴨皮同鴨肉應該用咩醬料去配搭先係最好嘅食法。而且，佢份量都好大份，一班人share食就啱啱好！🤤
之後就係孜然小羊排，佢係有少少辣，同埋好香口，又唔會太鹹👍🏻推介大家試吓！
最後就係新彊羊肉熗湯麵：佢個麵嘅份量都係好多，而且羊肉好有肉汁，都推薦大家試下❣️
京滬酥香烤鴨(半例)
作為招牌菜之一，鴨皮酥脆，有空氣感，入口即溶，鴨肉甘香。餅皮煙韌軟熟，配料有青瓜、山楂、大蔥、蒜蓉、蠔油，同鴨皮鴨皮包住一齊食，口感同味道都好豐富，唔油膩又好味。
招牌小籠包
皮薄餡足，熱辣辣嘅湯汁濃郁鮮味，肉餡爽滑有口感。
冰鎮柚子鮑魚
鮑魚都幾大隻，爽口鮮甜，醬汁酸酸哋好醒胃，底下仲鋪咗清甜嘅柚子，好fresh。
珍珠糯米燒賣
用糯米飯取代豬肉做餡料，珍珠米煙韌軟糯，配料豬肉同香菇增加咗香味同口感。
一品脆碎香
由烤鴨肉粒、紅蘿蔔、青豆、粟米、香芹、腰果等一齊炒嘅肉丁，食落爽口唔會太油，香口惹味，用生津白夾住食口感風味更佳。
脆皮三支骨
牛肉外皮燒到好乾身香脆，肉質肥瘦適中，軟腍Q彈甘香有牛味，唔會鞋同韌，味道酸酸甜甜咁。
老上海炒飯
飯粒粒飽滿分明，煙韌有嚼口，配料有鮮蝦、煙肉、豆角、紅蘿蔔同辣椒等，香口惹味。
上湯火腿津白
津白爽甜，索晒上湯精華，鹹香嘅火腿令味道冇咁寡淡。
楊枝甘露伴雪糕
老少咸宜嘅楊枝甘露，香甜可口，有柚子，加上冰冰涼涼軟滑嘅雪糕。美中不足係咁啱冇晒乾冰，做唔到仙氣彌漫嘅效果。
ㄧ個月前book 今日晚飯3位6:30, 早十分鐘到去到比張2人枱, 第三個張櫈都未放, 喺正通道位! 背貼住落單機位! 仲衰個茶餐廳, 你啲嘢點好食都冇用啦!檢討吓啦!
之前行過fashion walk，以為入面靜係得西野、酒吧？就大錯特錯，原來行到盡頭仲有間上海菜京滬佳餚。烤鴨分開左皮同肉。
表皮烤至酥脆金黃，留有薄薄的皮下脂肪，油香十足。鴨片鴨肉捲住薄薄的皮，配埋配料。
嘩，無得彈。
果然是傳說中的天下第一的北京烤鴨。👍🏻 …
位於銅鑼灣的 Fashion Walk 以其多元化的餐廳而聞名於世。大多數餐廳主要供應西餐。其中，一家供應京滬菜餚的中餐廳——君之軒引起了我的注意。
銅鑼灣出咗名多野食而且質素唔差，呢間坐落於Festival Wall 既一條小巷入面，入面有林林總總唔同款式既野食，而呢間裝修華麗而高級既餐廳完完全全吸引到我想踏入去食既感覺。
呢晚我哋叫左四個菜式，分別係馳名既京滬香酥烤鴨，孜然小羊排，酥炸廣島蠔， 同新疆羊肉熗湯麵。份量都好多，兩人都好夠食😋
首先係酥炸廣島蠔（$198）
呢個炸蠔做得好好食，佢既炸粉好簿而且蠔既尺寸都幾大隻，食落去，唔會乾而且有好多汁，加埋佢配既酸甜醬，令整體味道提升左，而且酸酸甜甜好開胃。
第二係孜然小羊排（$208）
有好多食羊既朋友好著重羊既騷味，但初嚐羊既朋友又會因為羊既騷味而唔敢試，但呢度做得好好，完全拿捏到中間點，羊排充滿調味粉，完全令羊肉無陣騷味，而羊肉又充滿肉汁，完全唔覺得騷反而多左羊肉陣香味。
第三新疆羊肉熗湯麵（$88）
呢個一上枱既時候已經飄散住好香既羊肉味，加上芫茜既點綴，可以減免小小羊肉既騷味，而呢個味道好有好北京既味道，羊肉味好濃，而湯都有濃濃既羊肉味，而麵底加上濃湯，羊肉味揮之不去，中意食羊既朋友一定要試下。
最後係京滬香酥烤鴨（$188）
呢個係呢間店最馳名既食物，一定有相當既質素，烤鴨烤得十分香脆，皮肉分離，而且切得好簿，加上配埋6款既配料包住黎食完全係一個完美組合。首先大家可以將鴨皮沾糖既方式試吓，滿滿既油脂充滿口腔，再幾其餘鴨肉同配料包埋一齊食，口感岩岩好又唔會太油膩，大家好值得一試！
總體黎講呢間餐廳除左食物質素唔差，服務態度都好好，值得再戰！
全香港最好食的烤鴨
之前係將軍澳食過呢間京滬佳餚非常滿意，見佢係銅鑼灣開咗分店決定嚟二訪❤️
一黎先會上茗茶同前菜😍前菜好有心思，係涼拌木耳青瓜紅蘿蔔花生，清新開胃。
睇咗好一陣openrice食評，最後決定叫下面幾樣👇🏻👇🏻
黃金鴨件伴魚籽醬 $328
唔係講笑🤣魚籽醬真係勁多😍😍😍超開心🥳
由上之下係魚籽醬、黃金鴨件、梅子醬糕、青瓜、薯片2片，好有口感層次，黃金鴨件嘅油膩比梅子醬糕同青瓜解曬😚✨食得舒服
松鼠黃魚 $208
熱辣辣炸起！全條連骨都食得😍加上松子仁，味道口感都好豐富😙
乾燒海龍王 $188
勁大隻蝦😨蝦頭啲蝦膏勁勁好食！要叫！！！
京滬擔擔面 $88
食到最後叫翻個招牌擔擔面😌好欣賞呢個擔擔面做到醬汁稠身，味道方面花生醬味辣味都平衡得好好肉碎都好香口😚❤️
茗茶 每位$18
泡菜 $20
應該會再翻轉頭食😋❤️
📍 京滬佳餚
銅鑼灣加寧街13-15號Fashion Walk地下A,C-D號舖
今日同朋友行開銅鑼灣突然好想食片皮鴨 見到呢間中菜廳好似新新地 就入去試下佢啦 餐廳主打京滬菜色 朋友鍾意食羊肉 所以我地除左叫左半例既香酥烤鴨 仲叫左孜然小羊排同新彊羊肉熗湯面 無諗過羊肉菜色都咁出色！
可能黎食之前對片皮鴨期望太高 呢到既香酥烤鴨唔係太驚豔到我 但烤鴨味道還是不俗的 烤鴨鴨皮酥脆溢油 店員建議我地就咁點d糖黎食 口感會更加豐富 但個人認為就咁食鴨皮都係過於油膩 都係用餅皮包住鴨皮同鴨肉黎食會較為balance d 值得一提既係呢到片皮鴨既醬料會有埋蒜蓉 估唔到同片皮鴨都幾match
孜然小羊排外脆內軟 肉質都幾滑嫩 而且羊肉酥味好突出 唔會比孜然味蓋過左 至於新彊羊肉熗湯面湯底非常濃郁 而且超級重口味 雖然賣相唔係話好吸引 但食落幾有羊肉味 比想像中好食!
另外我地仲叫左個酥炸廣島蠔 係咁多道菜入邊我最鍾意既~ 廣島蠔炸得十分酥脆 而且蠔肉新鮮肥美 食落完全無腥味 高質推介!
銅鑼灣首選香酥烤鴨
Fashion Walk 有很多餐廳，其中有一間中餐廳很值得介紹，就係京滬佳餚。餐廳裝修得體，座位寬敞，絕對可以舒適地享用晚餐。
首先送上蓮藕花生，川菜風味，麻麻辣辦，令人開胃。
🌸京滬香酥烤鴨
片皮鴨片得好薄，肥瘦適中，烤得香脆，鴨肉好柔嫩。包片皮鴨的皮好軟熟，熱辣辣，配上京蔥青瓜醬汁等配料，咬下去滿滿鴨油香味，好滋味。
🌸招牌小籠包
賣相相當吸引，酸酸甜甜，令人開胃。
傳統小籠包是必食之選，皮薄多汁，肉汁鮮甜，好正！
🌸花雕醉雞
醉雞酒味香醇，雞肉肉汁鮮嫩，食落啖啖肉。
🌸真厲害霸王雞丁
先炸雞，再用乾辣椒🌶️等配料快炒，熱辣辣有鑊氣，加上少少麻辣味，超級香口，食到停唔到口。
大家下次去到銅鑼灣食街，都記得可以試吓呢間高質嘅中餐廳🀄️
職員服務態度很好，細心，有耐性
窩夫跟幾位好友已經很久沒有四人同枱吃飯了，終於相約吃飯，窩夫想起同事推介過的京滬佳餚，便提議去吃烤鴨。
先來涼菜蔥油熗海蜇頭($108)，海蜇頭爽口，蔥油帶微辣，味道不錯。
楊枝沙律蝦球($228)的顏色很美，有紅色的士多啤梨，綠色的沙律菜，以及加了芒果的金黃色沙律醬包著的大蝦球，蝦球爽口彈牙，外層脆漿又薄又脆，原來蝦球也可以配搭楊枝甘露，很有心思。
招牌小籠包($68)一客有六隻，皮做得非常薄，裡面湯汁滿滿的，水準之作。
脆皮三支骨($368)的份量不少，啖啖肉帶脂香。
吃完肉要吃點菜蔬，清脆萵筍($98)夠入味，稍嫌切得粗幼參差。
最期待的京滬酥香烤鴨(半例$228)來了，很少會有原隻鴨髀一同上碟，烤鴨水準不俗，不會很油很膩。
半例的烤鴨有六款配料，分別是砂糖、甜醬、京蔥、青瓜、蘿蔔和蒜蓉。
配角餅皮也很高分，最重要夠薄。
最後是甜品時間，點了兩款甜品，先是擂沙湯圓($38)。
還有京滬杏汁高力(每件$22)，本身一客有四件，但落單時只剩最後三件，照要吧。蛋白部分做得不錯，可惜杏香不夠濃。
食物水準好
午餐套餐物有所值。可口。
食物擺設精致,質素👍
試新菜酸菜東星,始終觉得東星細條,烹調方法浪費東星鮮味
3人去及2小食,但收6人茶及4小食😭😭😭,乱离😤😤😤 …
位於銅鑼灣中心點既一間中餐廳，地理位置優越，而且裝潢偏金黃色，時尚高貴，而且座位寬闊舒服👍
一坐待應就放低茶水及前菜🫖。前菜係花生蓮藕，大家係叫完食物後，可以先食個前菜醫醫肚先😛
✔️花雕醉雞🐓
雞肉滲透着陣陣花雕酒香味，超級令人着迷。
✔️酲醋小排骨🐖
酲醋小排骨灑上白色糖粉，顯得高貴逼人，擺盤有心機。排骨肉質軟嫩，味道酸酸甜甜，令人相當開胃。😋
✔️招牌小籠包
一籠六隻，相當抵食。小籠包皮薄透光，清楚見到入邊爆汁嘅小籠包，絕對看得出師傅嘅好功夫。🤓 小籠包肉餡新鮮，咬下去立即爆出湯汁，juicy 美味🤩
✔️真厲害霸王雞丁🐔
望落紅噹噹，但吃下去微辣而不嗆口，雞肉粒炸至金黃色，脆卜卜，惹口美味，鐘意食辣🌶️既朋友仔不能錯過。👅
✔️京滬香酥烤鴨 🦆
全晚最期待既食物。😻 表皮烤得非常酥脆，鴨肉亦不會烤得過火，肉質依舊滑嫩。👏🏻 將熱辣辣既餅皮配上烤鴨皮，鴨肉，京蔥，青瓜，山渣條，甜醬等，捲起來把油香及鴨肉香味夾雜一起，口感層次豐富，所有鴨油香味在混合在口腔中，滿足，幸福，美味！🥰
如果大家突然好想食京滬菜及北京烤鴨，京滬佳餚絕對是一個不錯的選擇。👍
價格升了，質量差了，叫一隻填鴨，鴨殻沒有了，豈有此理。
片皮鴨上台係微暖，鴨油既騷味出曬黎，加埋兩隻門口狗好似審犯咁check人有無掃針卡，唔會再考慮幫襯。
八寶鴨要預訂，還一定要路遠迢迢去付訂金，結果八寶只見到二寶—-糯米及火腿碎，仲有六寶唔知去咗邊？
主打北京烤鴨，其他小菜也價錢合理，味道好。
推薦。