友義氣 ·酸菜魚（銅鑼灣）

7月底的一次午餐。水煮魚薯粉加凍奶茶
水煮魚湯底只有咸味，辣味無層次，普通。奶茶靚，不妨一試。侍應招呼熱情，餐廳環境乾淨。

呢客招牌酸菜魚 ($238)，係選用海鱸魚，魚頭經油泡過，香香脆脆，魚肉更嫩滑，錯過咗就可惜啦。

魚身起肉變魚片，份量都唔少; 魚肉相當滑溜同無細骨，食起黎相當輕鬆。

湯底有麻香味，呢個辣度係小辣，酸度適中唔會嗆喉，就咁單飲都無問題。

除咗魚片，仲有金菇菜及芽菜，增加唔同口感

再夾就發現仲有萵荀片同寬粉條，呢D食材來酸菜湯底就係so good。若果份量再多D就仲good!

點都有D辣度，叫呢杯大檸樂 ($26)就岩晒，無改錯名，真係超級大杯，杯身係用出面嘅啤酒杯，我就食完成餐都飲唔晒，勁呀。

呢度除咗有川菜外，仲有D我吔食開嘅小菜/小炒類。就好似呢隻走地鹽焗鷄 ($100/半隻)

話明係走地鷄，皮下脂肪含量低，成隻鷄已經有咗咸味，無需任何醬汁加持，簡簡單單已經好好送飯。
服務
內用
餐點類型
晚餐

Lunch諗住求其一人一個飯
但都係敵唔過酸菜魚魅力
叫咗個一齊開心share🥰

🐟酸菜魚 (小辣/中size)
見到個樣都流口水 好吸引🤤
酸酸辣辣開胃又過癮 小辣都已經夠殺
魚肉鮮甜嫩滑無泥味 重要係無骨啖啖肉🤩
湯底清甜唔油膩 味精唔重飲多都唔驚口渴
真係。魚好吃湯更好喝。💯
大大碟 配菜多好~足料
金菇、萵筍、芽菜、酸菜、芫荽……
香港少有正宗酸菜魚 必食👍🏻‼️
服務
內用
餐點類型
午餐
平均每人消費金額
HK$100-150

抵食酸菜魚二人套餐😋

去銅鑼灣行街，突然想食酸菜魚，
見到金百利廣場有人派傳單，就去左樓上嘅「友義氣‧酸菜魚」～😏

原來唔止酸菜魚，
仲有其他招牌菜如水煮魚、小龍蝦、毛血旺，
另有其他川式小食及小菜，如口水雞、辣子雞、紅糖糍粑等。
兩個人以上可以考慮下叫套餐，因為套餐抵食啲！
二人套餐$438起，
包一款小食、一款小菜、一款招牌菜、兩杯梳打或乳酸、兩碗白飯或紅薯粉，
可以一次過試晒呢到嘅招牌菜。☺️

我地兩個人叫左個套餐，仲另外加左個川菜必食嘅紅糖糍粑。

川味口水雞
例牌份量都幾足，仲比左雞翼位我地，
雞件肉質厚實，淋上秘製醬汁，夠晒香辣惹味！😋

⭐️推薦❗友義氣酸菜魚（標準原價$238）
採用海鱸魚🐟，肉質結實得黎，又嫩滑，多肉少骨，啱晒我地呢啲唔識吐骨😂。
湯果然名副其實好惹味，酸辣鮮香，
配菜仲有大豆芽菜和寬粉，份量足料！
最欣賞嘅寬粉係正宗火鍋粉，口感超煙韌！👍🏻

我地兩個都揀左紅薯粉，配酸菜魚perfect match！

避風塘軟殼蟹（原價$115）
即叫即炸，上枱新鮮熱辣脆卜卜！😎
雖然軟殼蟹唔係好大隻，不過就滲透出香濃嘅辣椒🌶️香，惹味可口！☺️

飲品分別叫左草莓🍓乳酸和荔枝梳打，解辣或清都清味蕾都不錯。

紅糖糍粑份量都幾多，
外層炸得金黃香脆，內裏煙韌～蘸上黑糖醬吃好滋味。☺️
服務
內用
餐點類型
晚餐
平均每人消費金額
HK$200-250