Gaijin

可媲美貴價Fine Dining嘅生日晚餐🍽😋
.
生日月食好啲是常識吧，我同朋友心有靈犀，巧合地大家都揀咗位於銅鑼灣永光中心9樓嘅法日多國菜餐廳「GAIJIN」。我哋想食好耐，但始終偏貴，所以等過時過節食，好似心安理得啲😝。
.
餐廳有提供套餐🍽，分兩種：Five Course Menu以及Dinner Menu。前者劃一價$728一位，後者則按主菜嘅價錢收費，由$298至$498不等。我哋兩款餐各要咗一份，咁就可以講多啲菜式。
.
正式食晚餐前，先來一客餐包🥖，啱食嘅話仲可以添多一客。餐包有迷你牛角包同芝士軟包，🥐前者鬆化，後者就幾似英式鬆餅。伴旁嘅係忌廉芝士，軟滑味香。
.
Five Course Menu($728)
.
時令生蠔，店員介紹餐廳係採用近來大熱嘅日式令和怪物🦪。我冇食生蠔，但朋友話肉質肥美，而且搭配嘅青蘋果粒、檸檬爆珠同醃漬子薑蘿蔔粒，能夠進一步提升蠔嘅鮮味。
.
紅蝦他他，他他嘅造型就如魚子醬一樣，放入個寶盒入面，感覺矜貴。🦐太平洋紅蝦肉非常鮮甜，兼且富有彈性，再配合埋醬油漬三文魚籽同蟹籽，爆漿效果在口中呈現。
.
日式岩燒鮑魚，呢個鮑魚可以稱得上係數一數二好食🤤。鮑魚燒得剛好，肉質爽口。清酒牛油汁係精華所在，夠濃稠，惹味無比，而且面頭嘅紫蘇花係可食用，並散發出一種獨特嘅香氣。
.
日本刺身級銀鱈魚，🐟銀鱈魚不比鐵板燒即場煎嘅遜色，刺身級果然有返上下質素，魚肉嫩滑，我亦好欣賞呢件夠厚肉。配菜方面仲有紐西蘭青口、意大利煙肉🥓同日本靈芝菇，青口幾大隻，而且亦有好多隻。醬汁採用青口忌廉汁，比一般白汁多一份海鮮鹹香味。
.
香橙朱古力炸彈，甜品造型好可愛，係一個炸彈💣。朱古力外層包住香橙朱古力慕絲，橙味幾自然🍊，而底部堅用上爆炸糖，幾有心思。伴旁有一球細細嘅乳酪雪糕，酸酸甜甜，我鍾意。
.
Dinner Menu
.
法式沙甸魚洋蔥撻，前菜三揀一，🧅洋蔥撻別具特色。撻皮有兩層，好似三文治咁將餡料夾住。沙甸魚味道相對冇咁突出，反而焦糖酥皮同炒焦糖洋蔥絲甜甜的，更令人眼前一亮。
.
法式蕃茄魚湯係是日餐湯，佢係法國馬賽嘅著名菜式。味道好特別，🍅蕃茄味特強，所以偏酸。魚味亦頗為明顯，不過難得一啲都唔腥，可能關落咗胡椒粉事。
.
澳洲M5和牛肉眼，🥩牛扒有成十安士，好大塊，廚師上菜時已預先切開，可分成六件。牛扒表面上可見到清晰嘅燒烤紋理，食落亦好重炭燒香。我哋嗌七成熟，但出到嚟稍為熟咗啲，幸好牛味濃郁，肉質並無變韌，肉汁亦無流失，唔使沾醬都已經好夠味。牛扒底部墊咗唔少牛油炒雜菇🍄，再索埋啲肉汁，份外滋味。
.
香蕉朱古力忌廉撻，甜品造型平實。即使店員唔講，齋聞浸味都聞得到香蕉香🍌。香蕉朱古力互相配合，相映成趣，甜味適中，口感較慕絲厚實🍫；而邊邊撻位微脆就有啲似食緊餅乾。
.
總括嚟講，呢餐晚餐嘅食物質素非常出色😋，所採用嘅食材不俗，而廚師嘅烹調技巧亦都精湛。基本上無任何一樣菜式令人失望，呢度可媲美貴價Fine Dining。環境方面，🖤黑色系嘅裝修富有格調，俾人一種舒服放鬆嘅氣氛。題外話，大家記住喺網上訂枱，因為可享全單八五折優惠🌟！

📍銅鑼灣
朋友介紹呢間樓上法日fusion餐廳，當日上到去都差唔多坐滿晒😆

店員介紹餐牌上面有兩款套餐，一個係五道菜嘅套餐，另外一個就係正常嘅晚餐set☺️ 叫完之後好快就有餐包拼盤，分別有牛角包同芝士圓餐包，牛角包好鬆軟，唔錯😋

Five Course Menu $698/ 位

🦪世界各地精選生蠔
生蠔係日本令和怪物，上面有爆檸珠珠、青檸雪葩同蘋果粒😛生蠔好肥美，有手掌咁大隻，加埋青檸感覺清新開胃😆

🦐紅蝦他他
紅蝦他他加咗蕃茄粒同洋蔥粒，上面仲有好多三文魚籽🥰 口感有層次😆😆 蝦肉嫰滑，蕃茄粒同洋蔥粒爽口，係高水準嘅前菜😋

🤎日本岩燒鮑魚
最值得推介嘅係日本岩燒鮑魚😆 加咗清酒同牛油汁，香氣撲鼻，鮑魚肉質鮮嫩彈牙，充滿牛油嘅香味，必食🥰

🐟香煎日本銀鱈魚
作為主菜嘅銀鱈魚係刺身級，有細細隻嘅青口提鮮，夾埋一齊個效果有驚喜🥰

🍮精選甜品
精選甜品係朱古力慕絲蛋糕配紅莓雪糕😆賣相一流😍😍外層係朱古力脆皮，入面係朱古力慕絲同朱古力蛋糕，再加上紅莓雪糕，感覺清新😋

GAIJIN (銅鑼灣)

今晚放工後與閨密👭去一間法國🇫🇷日式餐廳食fusion 菜😋 用新鮮日本🇯🇵食材用法式做法呈現，好期待❤️

小編與閨密分別揀了 Five Course Menu $758和 Dinner Set $398

重點一提，這間餐廳的cheese brioche 和 🥐 croissants 是每日新鮮製造，好新鮮好香牛油味，而且可以refill😆😆 麵包控不能錯過喔～

Five Course Menu
🍴Oyster 時令生蠔🦪
🍴Hokkigai 北寄貝刺身
🍴Amadia 脆鱗甘鯛
🍴Grill Lobster 🦞 & Lobster Risotto
🍴精選甜品

Dinner Set
🍴日本當造刺身
🍴是日餐湯-紫薯忌廉湯
🍴美國頂級封門柳 （60 oz)
🍴精選甜品

❣️雖然小編唔食生蠔，但友人話非常鮮甜🥰 而且上面加了檸檬🍋分子料理和蘋果茸，酸酸甜甜的果香味更提鮮～ 而且用木盒子配海藍色沙子的容器，顏色好配💛

❣️北寄貝的擺碟像一件藝術品，擺放了石卵和木頭🪵，營造大自然的感覺，讓人賞心悅目💓

❣️ 脆鱗甘鯛用日本空運的新鮮甘鯛魚，魚🐟皮超脆！ 魚肉嫩滑，下面是大根，大根吸收了鰹魚高湯，好入味😋

❣️主菜燒龍蝦🦞肉質結實，意大利飯飯粒軟硬適中，吸收龍蝦的鮮味和精華，不會太鹹💓

❣️dinner set 的主菜美國頂級封門柳牛味濃郁，揀了5成熟，真的做到外面煎得香口，但入面是嫩滑👍🏻👍🏻 再配上了連皮小焗薯，份量岩岩😋

❣️今晚的精精甜品分別是柑桔🍊慕絲蛋糕和抹茶紅豆慕絲蛋糕配伯爵茶雪糕😆😆 淨係賣相已經好吸引❤️ 2款也不會太甜，柑桔酸酸甜甜好開胃，而且很滑身沒有粒狀👍🏻 抹茶和紅豆絕配～ 而且底下更加了可可脆身餅底，再配上伯爵茶味雪糕，整道甜品層次豐富🥰

今餐非常高質🥰 每道菜式賣相別繳，睇得又食得😚😚 而係店員服務周到，會每項菜式為食客講解～

整體食物美味指數： 9/10 （10 分滿分）
*需加一服務費
地址：銅鑼灣登龍街28號永光中心9樓

fine dine級數、平民價錢的精緻lunch。

lunch選擇都頗多的，還可以加appetizer或甜品，令到個set 更豐富！

餐廳的餐包是烘熱的，暖暖的香脆外皮配加了紫菜的牛油，非常暖香。麵包仲可以refill的！

🌟Appetizer

先說一下set lunch本身可以選擇的款式。

🐑希臘羊奶芝士泡沫配地中海雜菜非常特別，是打了成foam的羊奶來， texture滑香且creamy，用來點麵包一流。底下是番茄洋蔥粒，可以中和一下膩的感覺，配搭細緻。

🥗當日的是日精選沙律是大蝦沙律，大蝦非常彈口，配上芝麻醬沙律菜，非常開胃。

另外，我們還加了多個appetizer，而且這款是絕對值得一吃😋

😋北海道帶子刺身薄片是非一般的賣相與配搭。帶子刺身上加了柚子醬和三文魚子，還有日本醬油，完全的帶出了帶子的鮮甜味道，吃過後滿口都好fresh

🌟main dish

好鍾意呢款加拿大豬鞍扒，外皮烤到非常脆香，熟度剛剛好，肉質軟嫩且juicy，再加上醬汁，調配一流。最鍾意係旁邊的肥入口即溶的感覺☺️

另一款main係廚師精選意大利飯，果日係海膽汁海鮮意大利飯，非常creamy香濃，而且多魷魚和菇都好多～

🌟甜品
2 款甜品都非常非常精緻，好似藝術品般！

呢款豆腐芝士蛋糕係送的，非常香滑，甜度剛好

想食精緻點的，可以食呢款精選甜品，蘑菇是hazelnut朱古力，一食落去滿口香濃朱古力味😋還有下面的抹茶碎和朱古力碎伴雪糕食，好滋味

一定再來食高質食物😍

完美法🇫🇷 日🇯🇵結合

每逢同朋友有慶祝活動，我最鍾意係去銅鑼灣 登龍街嘅 GAIJIN，餐廳將法國菜同日菜嘅特色容為一體，發揮得淋漓盡致；日本菜愛吃時令，法國菜則喜歡創新，連用碟、擺盤等都十分講究。

GAIJIN 裝修型格，燈光柔和，坐位舒適，好適合我今晚同朋友慶祝生日，等佢可以邊打卡邊享受晚餐😋。

店員好有禮貌地介紹今晚嘅Dinner Menu 同 Five Course Menu，兩者入邊嘅主菜都好多選擇，意大利飯、意粉、豬扒、牛扒、羊架等等…樣樣都有，緊有一款岩心水😋

（可以refill)嘅餐前飽點 – 牛角飽，忌廉芝士飽，造型細小，微微暖暖，一啖一口剛剛好，查些小牛油同橄欖油令麵包更加香滑。

Set Dinner :
🥢油甘魚 – 則邊用上幾片紅心蘿蔔作裝飾，油甘魚色澤光亮，紋理清晰，有厚度，入口肥美，拌以柚子汁作提鮮作用。

🥣加$38就可以upgrade做龍蝦湯 – 湯底濃稠度適中，啖啖引入龍蝦精華😋

🍴美國頂級封門柳🥩 – 封門柳係牛既橫隔膜肌肉，油花較小，但牛肉味好重，適合我呢啲愛重口味人士😆，medium cook，已預先切成4件，入口肉汁四散，肉味濃郁，非常鬆軟有口感；底部墊上薯仔、紫薯，軟糯粉甜，一個既好味又增加飽肚感嘅拌菜😋。

🍮甜品係柑桔🍊味mousse – 味道微酸，口味清新。

5 Course ：
🥢北角道🦪生蠔，拌檸檬爆珠，生蠔夠大隻厚身，入口好creamy ，海水味唔重，配埋檸檬爆珠令蠔鮮更加提升😋。

🥢蟹王柚子汁配北寄貝刺身 – 爽口鮮甜，

🥢脆鱗甘鯛 – 魚皮好脆，食落卜卜聲，魚肉無比鮮甜嫩滑，底部嘅日本大根吸盡鰹魚高湯精華，清甜可口。

🍴燒龍蝦配龍蝦意大利飯 – 龍蝦已拆肉，份量都唔小，啖啖肉口感爽脆彈牙；龍蝦汁燴番個Risotto，每粒飯都掛晒汁，入口每粒飯係口腔爆彈，鮮度十足。

🍮甜品，💣炸彈嘅造型好吸睛，朋友都忍唔住影相打卡攞like😆，外層係脆皮朱古力，入邊mousse好軟身，入口先係濃朱古力味，好快橙味就跑左出黎；拌埋側邊嘅倍茶雪糕一齊食，味道balance得剛剛好，唔會太甜。

向來認識我嘅朋友都知道我非常鍾意食法國菜，苦苦糾纏好耐之後，終於男朋友肯帶我過嚟食好嘢，今次又揀咗呢一間位於銅鑼灣，食法日fusion菜嘅Gaijin☺️

入到去燈光會比較昏暗一啲，有浪漫嘅氣氛，雖然鋪仔細細但係都裝修得唔錯。

我哋叫咗一個5 courses set，另外一個就dinner set，咁我哋就可以試唔同嘅嘢😁

一坐低，餐廳首先會俾bread basket😆係有切咗一半嘅croissant同埋Cheese bun 😍係出乎意料地好食，由呢度都可以睇得出，餐廳對每一個細節都幾有用心機。

5 Courses Menu $758

Oyster

呢個一啲都唔普通，佢係屬於分子料理嘅北海道珍蠔，上面嘅topping檸檬sorbet已溶，仲有柚子汁、pickle左嘅青蘋果、檸檬爆珠，啱啱好可以釣到蠔嘅鮮味出嚟，而且增加左口感同層次，食落去日本北海道嘅珍蠔係好creamy同埋礦物味比較重。

2nd course原本係Matsuba Crab，因為今日毛蟹腳靚d，所以就轉左😁大大條，食落去鮮甜十分，另外仲有蟹粉多士，係整到超級脆，好驚喜！！係你冇諗過嘅口感！好特別啊！

Quail Filo Pastry

之後就係上呢一個pastry，係法式鵪鶉酥皮包，裏面包含嘅嘢好豐富，有鵪鶉、鵪鶉蛋、鴨肝，當然唔少得仲要有啲truffle sauce去提鮮😆個外貌好似係法國版嘅“福袋”一樣XD好可愛又精緻☺️

Duck Confit

呢個真係令我讚不絕口！我以為會好細件，點知竟然有咁大件Duck Confit😱外皮煎到有啲脆，而入面嘅肉係非常之嫩，一切開就有鴨嘅甘油流出！😍

再講埋佢哋嘅配菜，係羽衣甘藍同埋紫薯蓉，食落去啱啱好可以解膩，而且只是用係非常之甜，有保留到顆粒，好有口感。

Daily Dessert

最後甜品係咖啡慕絲蛋糕，呢個就冇乜特別，所以我俾咗男朋友食哈哈😄

Chef Special Dinner Set $398

Japan Seasonal Sashimi

Appetiser係刺身☺️三大片油甘魚刺身排列得好靚，再配上檸檬柚子醬汁，係喺日本菜餐廳食唔到嘅清新同甜美☺️☺️

Lobster Bisque +$38

一場嚟到，當然要試試佢嘅龍蝦湯！可能太大期望，又唔出嚟反而覺得中規中矩，我希望龍蝦味可以濃啲><

Main我哋揀咗廚師推介嘅紅酒燉羊膝，雖然上菜之前已經同我哋講好大份，但係上到嚟真係嚇一嚇親，雖然係法國菜，但係份量比平時我喺出面食嘅羊膝更加大舊！

Chocolate Boom

朱古力脆皮入面包住橙朱古力慕絲同cinnamon cherry jelly，食落去唔太甜，層次好豐富，加上旁邊嘅雪芭同埋爆炸糖，係一個好有新意俾到驚喜嘅甜品。

另外我哋襯 Happy Hour叫咗兩杯梅酒，係買一送一，一到食住咁精緻嘅菜式，一到少酌，真係好享受。

希望好快下次可以再嚟食呢一間咁高質素嘅法日fusion菜☺️☺️

📍Gaijin
銅鑼灣登龍街28號永光中心9樓

Gaijin
高級價錢 茶記服務 M記環境 可一不可再
前幾日見到openrice 有折訂左2位同朋友夜晚嚟食……
牛扒overcooked 有點un 其他嘢都一般
埋單1100.
同等價位有其他更好選擇
值得一讚係餐廳夠凍
其他都不予置評
個人覺得有點伏。。。

生日友人係多年嘅好朋友當然唔會待薄佢啦
捐窿捐罅都要搵啲有特色嘅餐廳同佢慶祝
無意中比我發現到Gaijin呢間主打法國日式fusion菜
睇圖都知啱哂愛打咭嘅生日友人

🎃忌廉芝士包 // 牛角包
先上的的骰骰嘅忌廉芝士包同牛角包
非常香噴噴 唔怕食到飽哂

🎃法式龍蝦湯
味道極之濃郁 加上脆卜卜嘅櫻花蝦
口感即刻level up

🎃北海道藍旗吞拿魚赤身
頭盤有北海道藍旗吞拿魚赤身
食落酸酸哋 係柚子醋呀
不過都無搶到魚嘅鮮味
仲入口即溶添

🎃牛油炒鮑魚
鮑魚煮得剛剛好
唔會好un 個面輕輕燒過
好香牛油味

🎃和牛他他
肉質鮮嫩 配上剛剛焗起嘅多士
食落又脆又淋 好有趣

🎃忌廉煙肉洋蔥炸薯寶
呢度竟然有炸薯寶食
值得加分！唔係周圍都有㗎！！
急凍舖頭都未必有！
好好食 因為唔會炸到油淋淋
加上忌廉煙肉 無得輸

🎃厚燒M6有骨和牛肉眼扒
今晚主腳！厚燒M6有骨和牛肉眼扒
其實我地本身想叫魚 不過賣哂
所以叫咗呢個share
waiter哥哥上嘅時候 用火槍燒溶佢哋嘅秘製牛油
一路燒一路聞到好香
一切開就不得了
肉汁係咁流
肥瘦適中 食完唔覺得好膩
服務
內用
餐點類型
晚餐

食物味道好質素高
服務
內用
餐點類型
晚餐

食物高質、服務唔錯、環境少迫但接受
食左一餐好好味嘅平安夜晚餐
服務
內用
餐點類型
晚餐
餐點：5
服務：5
氣氛：5
建議的餐點
USA Prime Hanger Steak

朋友介紹咗間隱世，好好食嘅西餐，朋友上次食過dinner，食物質素非常之好 ，lunch time原來好抵食所以就介紹我哋一齊去食，百幾二百蚊價錢可以食到高質西餐,vy nice!

整體而言是好吃的，但是服務質素讓人有點傻眼⋯⋯

叫了三份牛排，但炙燒的奶油是連著塑膠紙一起拿出來燒，跟店家反應也都要結帳才說「喔，跟廚房確認是塑膠紙沒錯」然後？

沒有然後，一句道歉都沒有，還要收我們服務費，但其實服務根本有問題🤨

不可否認東西真的蠻好吃！但拿塑膠奶油出來燒在肉上我是沒辦法接受。
服務
內用
餐點類型
午餐

阿娘生日🎂
Um…味道不過不失
店家知道我地慶祝生日
所以有個寫左字既打卡甜品📷
玻璃球裝住椰子雪糕
有啲乾冰製造煙霧離漫咁
雪糕細左啲😂真係打卡位嚕
openrice 訂座仲有電視框 😝（discount）
🤭感覺有抵左少少
然而 氹得佢最開心一定係
一田現金coupon 🤣🤣🤣🤣🤣🤣💸

⍥ 跟餐附送迷你牛角包及芝士波波
可以無限refill🫶🏻
👍🏻值得一讚有翻熱！
牛角包非常酥脆 牛油味重
芝士包偏鹹香 幾鍾意

⍥ 油甘魚刺身
雖然無咩鮮甜味
但至少唔腥 都收貨😂

⍥ 清酒牛油炒鮑魚
鮑魚煙煙韌韌
好多菇菇一齊炒
食落我覺得似overcook既燶味
定係叫焦香？😂
Anyway 質感ok ge

⍥ 和風清酒煮忌廉蠔
生蠔唔算肥美但幾鮮
面頭係豆腐打成既忌廉泡沫
😆可能因為加入豆腐
所以無咩忌廉帶黎既飽滯感
微微豆香 好特別丫！

⍥ 大蒜薯仔湯
是日餐湯 無咩大蒜味
偏稀唔會好膩

⍥ 日本鹿兒島和豚豬扒
厚切！內部好濕潤😋
邊位少少肥膏
唔算好韌 我地都覺得唔錯😆
有啲伴菜 紅蘿蔔勁甜
甜到我懷疑係加工左🤣
另外有個薯仔千層餅咁既野
層層都有啲忌廉幫助黏住薯仔片
😂我會形容為薯蓉變奏版

⍥ 美國頂級封門柳
七成熟對我黎講岩岩好
脂肪低 粉嫩粉嫩唔會韌
但無咩牛香😅而且份量偏少

⍥ 紐西蘭羊架
羊架七成熟
🙂平時我唔食羊因為覺得好so好臭
但呢隻羊真心唔so
我都食到😝
肉質軟稔 唔差既！

⍥ 朱古力布朗尼蛋糕
跟餐既甜品 brownie夠晒濃郁
甜度控制得唔錯 可惜偏乾
但又好彩有旁邊既椰子雪糕濕下口🤪
🤣🤣芒果唔酸已經當贏

⍥ 蘋果焦糖蛋糕
🤤賣相勁可愛
裡面有蘋果粒
味道幾有層次
食到最後有陣焦糖香
甜度又係控制得好💓

幾個月前隨機發現這家日本 x 法國融合餐廳與我的妻子一起慶祝週年紀念。
午餐菜單提供令人興奮的菜餚選擇，它們都很美味，擺盤精美。
總的來說，這是一次愉快的經歷，有美味的食物和細心的工作人員。
服務
內用
餐點類型
午餐
餐點：4
服務：4
氣氛：4