喜記蟹將軍(Hee Kee Crab General - Tsim Sha Tsui)
營業時間
| 星期日 | 12:00–23:00 |
| 星期一 | 12:00–23:00 |
| 星期二 | 12:00–23:00 |
| 星期三 | 12:00–23:00 |
| 星期四 | 12:00–23:00 |
| 星期五 | 12:00–23:00 |
| 星期六 | 12:00–23:00 |
喜記蟹將軍 的菜單價錢、相片和推薦菜色
總會有啲時候好想食辣蟹?， 今次去咗喜記蟹將軍食2️⃣人龍蝦蟹宴， 正呀！ .
?正宗炒辣蟹: 好大隻?, 色香味俱全, 蟹鉗啖啖肉! ?蒜炒波士頓龍蝦: 新鮮嘅波士頓龍蝦肉質鮮甜, 呢一個係用炸蒜頭去炒, 食落好有香港風味， 如果隻龍蝦肥啲同多肉啲就更加好?! .
?櫻花蝦炒飯: 除咗海鮮之外仲有一個素菜同埋炒飯, 飯炒得好香口, 加埋櫻花蝦更加有口感, 食唔曬打包返去做宵夜一流!?
. ~~~~~~~~
?味道: 8/10
?賣相: 8/10
?️環境：8/10
?♂️服務: 7/10
?性價比: 7/10
?人均：$250
⏪回頭率：80%
~~~~~
?喜記蟹將軍
尖沙咀彌敦道63號iSQUARE國際廣場6樓602號舖
~~~~~
今時今日除左打手仲會唱好哩間野, 我諗唔到有仲有咩人會黎
有點偏咸
螃蟹很貴，但很好吃。
我點了很多其他菜單，但沒有一個我記得特別好吃的。
Delicious dishes especially the fried spicy sqid. Crab is good. Service is okay.
Great food. That crab is awesome. Sweet meat with the right spice of garlic
Food is ok but the place is not very clean
delicious
又到左食大閘蟹的季節，很多酒樓都會推出大閘蟹餐，而這間本身食蟹的餐廳當然不例外。
這裡的大閘蟹套餐除了有大閘蟹，還有菜、欖角骨、麵包蟹伊麵和糖水，價錢$518都幾抵食，我們二人食到很飽呢!
大閘公蟹和大閘母蟹各兩隻，不算是很大隻，但是都幾多膏。公的膏較粘口，我個人就不太喜歡，我較喜歡食母的膏，乾身D，味道又較出，再點上黑醋一齊食特別惹味。
薑汁芥蘭，食完大閘蟹大家都會食好多有薑的食物，可以驅寒麻。而這裡的薑汁芥蘭有香濃的薑汁味，而芥蘭又整得爽脆，好有口感。
芝士牛油麵包蟹伊麵，呢個伊麵不得了，用左成隻麵包蟹，超多膏，超多肉，而且伊麵底有淡淡的牛油和芝士味。
最後還有薑茶蕃薯糖水，薑茶味道濃郁，夠哂驅寒，蕃薯亦煲到好綿好好食!
這個價錢可以食到兩款蟹而且又食到好飽真係唔錯呢!
喜記好似灣仔係老店、而尖沙咀都有分店，我地就揀咗銅鑼灣。我地叫左招牌四人套餐，首先食醉鮑魚，都算大隻厚肉，肉質爽而彈，唔會太韌，又有酒香味！豉椒炒蜆好夠鑊氣，豉椒味香濃之外，蜆肉都好新鮮鮮！黃金蝦好正，慢慢啜着鹹香既蛋黃粒，同時享受鮮甜爽口既大蝦肉。喜記正宗避風塘炒辣蟹一隻，鋪上大量炸蒜，但唔會油膩亦冇油益味，忍唔住送白飯。雪白既蟹肉帶避風塘醬汁，食得辣既可以點中或大辣，蟹肉而且鮮甜結實 ，蟹蓋仲有膏！蟹鉗上枱前已貼心打碎，鍾意食蟹既朋友可以一試！左咁多碟惹味海鮮，蒜蓉炒菜清清地，鮮甜且爽脆。避風塘炒河，炒得乾身又香，有蟹油香，非常惹味！
能夠享用到正宗避風塘炒蟹, 令人吮指回味!
抵，錯
沒有了以前的光環,味道還可以
抵食??好味? …
我們兩個人去點了一隻中等大小的辣蟹，一隻炒飯和一份炒菜，包括服務費在內，一共花了將近 1,000 美元。它是可以吃的，但為了那筆錢，它不是……螃蟹沒有肉。
rubbish
一般
因為返工關係只可以提早慶祝父親節
決定成家人去食父親節大餐！?
成家都鐘意食蟹所以揀咗係尖沙咀嘅喜記~
喜記父親節套餐分四至八人， 適合唔同人數嘅家庭組合
?胡麻醬豆腐拼青瓜
作前菜味道簡單而開胃，胡麻醬非常香醇帶微，豆腐香清、青瓜清新爽口
? 螺頭燉雞腳湯
父親節點少得湯水，一向都鐘意螺頭煲湯，味道夠鮮美，成個碗好足料，隻雞好入味嫩滑，飲完成個人好暖
? 避風塘炒蟹
蟹將軍當然要食蟹，蒜蓉甘口焦香配辣香，單食蒜蓉已經非常香口，蟹肉滲入避風塘嘅香味，蟹肉細嫩帶微辣?成家人都食得好滋味
? 酸菜魚
除咗避風塘炒蟹做主菜，仲有酸菜魚?
湯底酸辣開胃，酸菜魚魚嫩而無骨，啖啖肉，辣度剛好，連唔食得辣嘅媽媽都食到！
? 上湯龍蝦伊麵
套餐點小得龍蝦伊麵，鐘意上湯作汁，味道較清，可以食到龍蝦嘅鮮甜汁液流入伊麵，同食到龍蝦嘅鮮甜?
? 潮州鹵水元蹄
以拼盤形式上菜，元蹄大件，口感煙韌有嚼勁，肉質鬆軟 ， 鹵水入味中和元蹄油膩感，每人一份剛好，唔怕食太多肥
? 豆豉雞煲
平時係雞煲真係好小見到豆豉，用豆豉配雞煲食落口惹味， 豆豉份量唔多，但足以提升成個雞煲嘅香，唔會喧賓奪主，雞肉火喉剛好，唔會過老
? 啫啫生菜煲
食咗咁多主菜，當然要食返啲菜，
啫啫生菜煲平時比較少見， 估唔到食落幾惹味，
味道咸咸香香
整體：
4人套餐真係食到好飽，一個套餐食齊幾款招牌菜
而且菜式適合成家，大人細路都岩?
疫情好轉，出動食飯，海鮮！海鮮！我要食海鮮！??
book定枱喺尖沙咀isquare食辣蟹??
想靜靜地傾下偈，揀咗入房坐，設有最低消費，人頭400蚊
坐房望出窗外個景好靚呀！落地大玻璃，可以眺望尖沙咀街景唔錯！
店員防役做得很好！消毒，搓手，安心出行！
當然要食避風塘炒蟹啦！??非常之香口而且入門口見到啲蟹遊緊水㗎?非常新鮮！而且鑊氣十足香辣並重，一啲都唔油膩，非常之享受呀??
朋友鍾意食龍蝦?揀咗蒜蓉粉絲蒸波士頓龍蝦，超多蒜蓉，開邊，食起上嚟非常方便，粉絲吸曬龍蝦嘅鮮味好正呀！超大隻??
豉油王煎大虎蝦，超級爽彈，用上豉油王煎嘅整法好惹味，而且虎蝦size超級大，成隻筷子咁長！
蒜蓉粉絲蒸勝瓜，簡簡單單又幾下飯喎！??
豉椒炒蜆夠曬火候，鑊氣十足，顯腫脹卜卜，幾鮮甜呀?
全部菜式都好味??而且價錢合理，每人頭四百蚊，坐得舒舒服服！
喜記蟹將軍
?尖沙咀彌敦道63號iSQUARE國際廣場6樓602號舖
??9/10
惹味炒辣蟹??
鐘意食海鮮嘅我，帶埋媽媽黎 “喜記蟹將軍” 撐枱腳、二人世界??
諗住橫掂都係，索性食好D、叫左個 – 豪華2人餐
豉椒炒蜆
豉椒咸香惹味，juice仲勁有鑊氣! 我地都食到Lam Lam脷?
喜記正宗炒辣蟹
好正宗嘅避風塘炒蟹，炒得好乾身、香辣惹味。炸蒜乾、辣椒乾等香料爆炒得香口又惹味，而且蟹肉味鮮，個蟹鉗仲勁厚肉，正????
椒鹽波士頓龍蝦
同樣係香口到不得了﹗雖然呢碟龍蝦比較之下係唔辣﹐但一啲都唔遜色﹗而且勁入味，我地都食到啜晒手指?
招牌蟹油炒麵
果然係皇牌菜~差唔多枱枱都有食呢個炒麵。呢個炒麵係用蟹油炒，用蟹膏油炒嘅麵又點止鮮味咁簡單，簡直係惹味到暈﹗而且食落唔油膩，炒得夠乾身、香口。?真心推介﹗一定要叫返碟試下?
Good taste and nice table setup, good for family occasion.
今年未食炒辣蟹，見到朋友岩岩去完呢間餐廳食，
搞到我都心思思，一於去試下
OPENRICE仲做緊呢個套餐65折優惠，一見到，即買！
即刻同屋企人去試呢個二人套餐！
炒辣蟹二人套餐，
避風塘炒蟹
炒得勁香口勁有火喉，避風塘口味同蟹肉融合得淋漓盡致
香辣既炸蒜拌飯一流！一啖飯，一啖蟹肉，一啖蒜，PERFECT！
豉椒炒蜆
又一有鑊氣既小炒，炒到超香豉椒味
值得一讚係，平日我好怕炒蜆會有沙，今次無，表示滿意！
鮮果咕嚕肉 甜甜酸酸好開胃，咕嚕肉又唔會炸得太乾身，啖啖肉之餘仲食到有少少脆口
同屋企人極速全清呢碟餸XD
酸菜魚
媽媽最愛之酸菜魚，好夠味，魚肉嫩口
用完避風塘撈咗一半飯，另一半飯就用酸菜魚既湯撈～～！
招牌蟹油炒麵 其實同媽媽已經食到9成飽??
套餐仲有個蟹油炒麵，呢個二人套餐我懷疑係三人份量黎???
呢餐食到超過十成飽? 呢個價錢食咁多款小菜，超值
係尖沙咀口痕想食下海鮮，第一時間諗起isquare有間喜記喎? 用Openrice book仲可以有75折，好抵呀?
散叫咗兩隻澳洲龍蝦、避風塘炒蟹同粥油浸雞，好滿足?
1️⃣澳洲龍蝦 （$380 each)
龍蝦開晒邊，食落好方便，龍蝦肉好扎實，加埋蒜同粉絲真係perfect match? 同埋啲蒜既分量真係好多，啱晒我呢啲鐘意食香口野既人?
2️⃣避風塘炒蟹 （大）（$850）
好香好夠鑊氣，而且最重要係⋯好！大！隻！呀！? 尤其是個蟹鉗，咬落去啖啖肉，好享受?
3️⃣粥油浸雞（$108）
第一次試粥油浸雞，走咗米飯，淨係用粥水上面浮住嗰層膏油既物質去整，食落除咗有粥香味亦都有雞香味，肉質鮮美
超好食食物新鮮價錢公道
?【 夏日豐盛蟹宴 】喜記蟹將軍?
我全家都好鍾意食海鮮，所以今次家庭聚餐我哋八個人就揀咗嚟《喜記蟹將軍》度食晚飯。
餐廳推出左個八人份量嘅夏日海鮮餐，我哋諗都唔使諗就全家同意點呢個。
頭盤胡麻醬豆腐，啱晒炎炎夏日，麻將調校得剛剛好，配搭幼滑嘅豆腐十分惹味醒胃。爸爸喜歡吃香口野，我同佢都最鍾意食避風塘炒蟹，這道菜唔單止炒夠晒鑊氣，香料同埋蒜蓉芬香撲鼻，而且蟹嘅鮮甜都得以保留，蟹將軍果然名不虛傳！豉椒炒蜆香口撲鼻，蜆肉鮮甜彈牙。表妹最愛嘅係七彩炒沙巴龍躉魚，充滿馬來風情。特別值得一提嘅係廚師細心地將秘製豉油雞分成兩碟上，令到我哋唔需要將張枱轉來轉去，豉油雞甜而不漏，配上金銀蒜蒸勝瓜同埋翅撈飯，令呢一餐飯畫上完美嘅句號。
今天是第一次光顧，最初是被它的午市套餐價錢吸引而有心一試。訂了4位，12点。装修屬古色但職員不多。因午市套餐$288/4 位，没有避風塘蟹吃，所以再看其它套餐。看見有個$998的 4人餐都不錯，而且有位女侍應大力推介，並說這價錢之前一定吃不到，保証我滿意。結果是真的不錯。那位女仕也非常細心幫我地拆蟹鉗，免我們傷到牙齒，這是非常難得的。須然是4人餐，可能5人吃也可以。下次会再去幫襯晚市。Yummy.
海鮮大餐?
有普通2人餐同豪華2人餐。叫了豪華二人套餐，$999。包括蒜蓉蒸龍蝦，豉椒炒蜆，避風塘炒辣蟹，招牌蟹油炒面，蒜蓉炒時菜。
豉椒炒蜆，份量合理，粒粒才都開哂口，証明蜆都新鮮，加埋個豉椒汁，好惹味。
蒜蓉蒸龍蝦，用蒜蓉清蒸，保留龍蝦嘅鮮味。雖然唔算好大隻，但味道補救，肉質好爽口鮮甜，另外有兩隻蟹鉗。
避風塘炒辣蟹，避風塘炒咩都好食，充滿香港嘅味道！！送飯一流:kiss:
招牌蟹油炒面，不會太油膩！！咸味適中！
食物新鮮,服務態度好好。
好耐冇食過蟹啦，自己整又太難，係尖沙咀行街見呢間出名食蟹，就坐底叫幾味，滿足下口癮先！
來呢度緊係要叫個喜記正宗炒辣蟹，個蟹鉗大大隻，一打開啖啖肉，好鮮甜，加埋勁多乾辣椒乾蒜落去炒，香辣惹味，真係必食！
食蟹最麻煩就係整到成手都係，特別係出街食，就更呢hea,但餐廳提供左好得意既手套濕紙巾，方便食蟹時用，相當細心?
油鹽水浸大蜆
睇落去好似比較清淡，但可能因為冇用咩重口味配料，食落d蜆零舍鮮甜，d蜆仲隻隻都幾大隻幾多肉，唔錯！
食左咁多海鮮當然要叫返碟菜平衡下，蒜蓉炒菜心雖然睇落都係簡簡單單一味家常菜，但佢地d菜好似零舍甜同翠綠，熟度炒到恰到好處，都唔係咁易。
椒鹽鮮魷食落好爽口，加埋d乾蒜吊味，鹹鹹地咁好惹味，一流！
八味豆漿炸到外脆內軟，外面有好多乾蒜提香，鹹鹹地咁，又係好開胃。
呢間d海鮮唔錯，會再來食！
早排節日，帶鐘意食海鮮嘅屋企人黎食飯，上網揀左好幾間餐廳最後一致同意去isquare食呢間喜記蟹將軍，貪佢坐得舒服同價錢味道都唔錯??整體黎講4個人人均三百左右，慶祝節日等等就啱晒人家大細?
環境紅當當，成隻蟹掛上牆好吸睛?黎呢度當然要食佢嘅招牌蟹！
避風塘炒蟹 中size $700
個蟹鉗同我個拳頭差唔多！✊?個殼十分惹味，一路拆一路啜，拆出黎勁多蟹肉，熟度啱啱好，肉嫩而且新鮮唔會痴晒殼咁，招牌果然係招牌
豉椒炒蜆 $128
呢碟份量唔少，色香味俱全，個芡埋得幾好，又係一個送飯一流嘅菜式，我就最鐘意?
滑蛋炒帶子 $198
對比上一道，呢一個滑蛋炒帶子份量就正常，好在炒蛋夠滑唔油，帶子炒完亦都唔會變橡皮，ok可以試??
金銀蛋浸時蔬 $78
亦都係比正常水準有突，香咸蛋味就夠，冇乜要求☺️
招呼比以前好。店長服務也不錯。食物質素滿意。
food taste not worth the price. not even hot for fried squid
最近天氣開始轉熱 ，成日都想食啲惹味嘢，提升下自己嘅味蕾?
呢晚就同爸爸媽媽、小朋友，一行六人黎呢間出名食炒辣蟹嘅餐廳食晚飯。
出發前我哋都特登打打電話confirm下，餐廳話佢哋員工都打晒針，可以六人一枱，咁就好了終於唔使分枱✌?
我第一次黎，梗係要叫返隻爸媽最愛嘅大蟹✨避風塘炒辣蟹～避風塘炒辣蟹上面舖滿大量嘅炸蒜、黑胡椒、芝麻?，未食已經聞到勁香，令人流哂口水，蟹肉非常結實 ，味道唔會太辣，爸媽都大讚好食?
另外我哋仲叫咗其他餸菜
✨瑤柱蛋白炒飯
～一絲絲嘅瑤柱，同蛋白一齊炒得好均勻，簡單嘅菜式都變得不簡單?
～海鮮夠新鮮就係好食?
✨豉椒炒蟶子
～成個感覺好爽口，炒得啱啱好，而且蟶子夠大隻，好足料！
✨清蒸大沙巴 （ 2斤）
爸爸特別鍾意食大沙巴，因為鍾意多肉少骨，食落好方便！呢個嘅豉油係自己調制，夠味之餘，唔會搶走魚嘅鮮味?
✨椒鹽波士頓龍蝦
椒鹽均勻塗喺龍蝦面，好惹味?，龍蝦爽口，啖啖肉，食完都唔係好夠喉，如果再大隻啲就好了
✨㰖角骨
而家已經好少地方可以食到欖角，所以爸爸都特登叫黎懷念下，一字排骨係吸引嘅，鍾意鹹香嘅朋友可以試下。
✨金銀蛋浸娃娃菜
✨粥油浸勝瓜
✨蒜蓉炒菜心
～菜品清爽，一啲都唔油膩，味道清清甜甜，可以清熱氣，好適合夏天食。
自從疫情之後就真係少咗出街食飯，喺屋企食唔到嘅菜式就更加懷念??見疫情好轉，碰巧和老公嘅週年紀念日，兩個一於撐下枱腳啦！！??
老公book咗我公司附近喜記辣蟹，地方當然就腳啦就喺isquare，地方環境都一流?
我哋request入房坐，環境幽靜落地大玻璃窗，好開揚，而且服務仲好好添！入房每人低消四百蚊，諗住食蟹冇難度呀??
點咗肉蟹，中siza,用咗避風塘做法,size很大,肉質紮實鮮甜，仲好好肉添??
避風塘有鑊氣又香口，喺屋企真係整唔到呀，而且呢度係食蟹專門店，真係大師級水準??
另外叫咗蒜香牛仔粒，有驚喜高質牛，牛味好濃沃，而且份量唔少，送飯送啤酒一流呀?
叫多碟蒜蓉粉絲蒸勝瓜就飽曬lu??
地方乾淨服務又好價錢合理，遲啲爸爸生日都可以過嚟試下其他套餐添???
避風塘炒蟹
主打招牌菜，蒜蓉姜蔥炒得很入味，蟹鉗好甜
蒜蓉粉絲蒸龍蝦
龍蝦已經拆好，啖啖肉，很入味
蒜蓉粉絲很香也很飽肚
生炒骨
排骨跟菠蘿、紅椒一齊炒，酸酸甜甜非常開胃
金銀蛋油麥菜
油麥菜本身有種很特別的香味，個人很愛吃
配上鹹蛋和Q彈皮蛋，口感豐富。
清蒸海上鮮
最後係一條蒸魚，與很新鮮，所以不會腥，簡單清蒸就很鮮甜。
小朋友考完試，嫂子一家約埋我去食海鮮午餐慶祝:love:一家大細梗係要坐得輕鬆舒服，原來嫂子已經一早訂好位，去到仲安排咗間房俾我哋4個添～
房間空間感十足，私隱度高，開會，傾計一流。
阿嫂請客，我唔客氣啦～～～
喜記正宗炒辣蟹～
一上碟我就諗起好多年前喺銅鑼灣食嘅XX辣蟹。
蒜香味撲鼻，分量十足！
你睇吓隻蟹鉗！！！:smileheart:
真係好肥美呀～～～
新鮮嘅蟹肉，一食就食得出嗰種鮮甜，肉質彈牙，蟹味濃。
仲有啲爆香左嘅蒜蓉同薑蔥，送飯一流:bowl:
絕對唔可以放過:wow:
蒜蓉粉絲蒸波士頓龍蝦～
本身我對龍蝦冇乜興趣，尤其是芝士焗。
竟然今次蒜蓉粉絲清蒸我覺得好好味！
佢個龍蝦係超級彈牙，配埋帶啲油香嘅蒜蓉，仲有索晒啲蝦汁嘅粉絲。。。100分:like:
豉椒炒蜆～
炒蜆吐沙工序好緊要，呢度嘅炒蜆完全冇沙，而且蜆肉肥美，唔會炒兩下就縮晒水，得返啲殼。豉椒味炒得夠香，略嫌唔夠辣。
蒜蓉粉絲蒸扇貝～
扇貝非常大粒，而且蒸嘅時間啱啱好，唔會過熟韌口:like:
蟹油炒麵～
見佢個賣相以為係普通嘅豉油王炒麵啦～
點知，有！驚！喜！
佢面頭嘅蒜蓉就係用蟹油爆香左，佢令全個麵都昇華咗:excited:真係好香口開胃:chopstick:
蝦仁炒蛋～
炒蛋好滑，蝦仁大粒彈牙，而且無雪藏味，唔錯:)
中伏。夏日豐盛海鮮宴，只有兩種味道：極咸與極淡。永遠不再去。
呢日黎到尖沙咀同一班親戚食飯，親戚預先訂咗呢間喜記，因為餐廳嗰邊打咗疫苗嘅關係，所以可以六人一枱，我哋都好耐冇試過六個人一枱坐埋一齊出街食飯～
我哋叫咗好多嘢食，分別有金牌牛肋骨、蒜蓉粉絲蒸龍蝦、蒜蓉粉絲蒸蟶子皇、油浸水浸蜆、椒鹽骨、蒜蓉炒菜心、避風塘炒蟹！真係超級豐富
金牌牛肋骨睇樣都覺得佢夠香脆，估佢唔到咁入嚟，同埋夠一人食到一條！肉質又唔會太un! 啱啱好，好好食！
蒜蓉粉絲蒸龍蝦，真係有超香嘅蒜蓉味，估佢唔到啲龍蝦咁鮮甜彈牙！真係食到停唔到口！
蒜蓉粉絲配海鮮基本上係冇得輸，所以我哋再要叫埋蒜蓉粉絲蒸蟶子皇！蟶子皇超大隻，配上大量嘅蒜蓉粉絲都唔會掩蓋左蟶子皇嘅鮮味～蒸得啱啱好！唔會整得過火！
油鹽水浸蜆就夠晒鮮甜，啲蜆完全冇沙，估佢唔到咁鮮甜，又有好多粉絲，吸晒啲蜆嘅鮮甜味，真係好正！
椒鹽骨夠晒啖啖肉，吸埋個骨頭d肉汁簡直係Perfect！蒜蓉炒菜心都好夠鑊氣，炒得啱啱熟！又唔會太淋！最後係重頭戲嘅避風塘炒蟹！size同份量都十足，配上避風塘上面嘅炸蒜，夠晒香口！另外蟹嘅肉質夠緊實，有夠鮮甜！真係想再食多次！
地理十分方便快捷，作為廣東菜館，最重要的就是有鑊氣，餐廳做得不錯，食物味道方面，十分適合我的口味，最重要份量十足，價錢合理，性價比之選。
約左三位朋友係尖沙咀食飯
其中一位岩岩過大健康檢查
話要食番餐痛風餐?
我地叫左馳名避風塘炒蟹四人餐
另外再叫多4隻賴尿蝦
另外仲有其他海鮮同菜
?招牌避風塘炒蟹
痛風餐點少得蟹，呢度嘅炒蟹係用左中size的肉蟹，再加上避風塘炒式煮法，炒得好香，因為生炒嘅關係，所以鮮味保留係蟹入面。
?椒鹽賴尿蝦
椒鹽賴尿蝦整得好香脆，椒鹽味心晒入去蝦肉裏面。
?北海道大扇貝
扇貝非常鮮味，配上蒜蓉同埋海鮮就係最佳配搭。
?豉椒炒蟶子
小編係勁鍾意食蟶子，所以一見到就會雙目發光，蟶子非常新鮮，肉質彈牙鮮味。
?秘製豉椒炒蜆
炒蜆亦都唔錯，食唔到有沙，亦都因為生炒嘅關係所以蜆肉嘅鮮味冇流失。
?椒鹽骨
椒鹽骨整到脆卜卜非常惹味
?招牌蟹油炒麵
第一次食蟹有炒麵，都幾香。
?金銀蛋浸時蔬
食咗咁多海鮮同埋重口味嘅嘢，當然要食返個菜你中和下啦。
難得阿爸平日放假，一於帶屋企兩位長老出街食飯，阿爸鍾意食海鮮，咁就揀左喜記蟹將軍，打電話訂位時職員有問食唔食瀨尿蝦，因為要提前一日預訂，$320隻 8 寸長，既然帶兩老出去食飯緊係食埋啦，原來餐廳已經可以坐12人，岩哂飯聚，不過我今次都係四個人
椒鹽瀨尿蝦真係夠長，啖啖蝦肉配埋上面既炸蒜好惹味?
清蒸海魚蒸得剛剛好，夠滑又唔腥，阿媽大讚，魚頭魚尾佢包辦左?
蟹油炒麵好大碟，炒得夠乾，而且配料又夠多?
正宗喜記炒辣蟹，必食!!!打開隻蟹鉗好大舊肉，而且好鮮甜，加上辣辣地好正，送啤酒一流，果然係招牌菜??
金銀蒜粉絲蒸日本元貝亦係必食推薦，夠大隻，一隻一碟上，上面好多粉絲我鍾意，因為可以吸哂d汁，最精華就係食粉絲?
今日屋企人生日
人數眾多所以book左一間房 分開兩張枱坐
環境都好優美又乾淨齊整
我地每張枱都叫左一隻中size 蟹
喜記避風塘炒蟹
炒過的蒜頭辣椒 又脆又香
蟹肉鮮甜 份量中隻 味道濃郁
而且鑊氣十足 吸收晒濃濃蒜香味
避風塘炒牛仔粒
牛仔粒好有牛味而且唔會太乾爭爭
加上避風塘口味 送飯一流
醉雞
雞肉嫩滑 花雕酒味香濃
作為前菜
豉椒炒蜆
每隻蜆都大大隻
蜆肉鮮甜 足料既豆豉
味道正正是港式風味
胡麻醬豆腐
又是一道冷盤 豆腐豆味濃郁
胡麻醬嘅調味恰到好處
水煮魚
入面有芽菜魚肉生菜
魚肉非常入味 湯底麻辣
配白飯一流
海鮮我哋就叫咗個蒜蓉粉絲蒸蟶子
粉絲吸收細海鮮嘅精華
而且新鮮又大份 非常滿足的一餐
最後仲叫咗個金銀蛋娃娃菜
餐廳地理位置唔錯，就喺iSquare入面。內裏環境都算幾舒適光猛。食物方面，除咗海鮮之外，亦有好多地道小菜可選擇。點了他們的肉蟹，避風塘炒飯實在令人食得津津有味，非常強勁嘅鑊氣！另外蒜蓉蒸蟶子亦非常肥美鮮甜，果然係一分錢一分貨！
時令奄仔蟹2人餐
呢晚同朋友來到尖沙咀喜記蟹將軍，前一日提早預訂時令奄仔蟹2人餐，準備同朋友食餐好。
百味豆腐：表面有不少炸蒜頭粒、辣椒粒、蔥花，外面炸得香脆，內裏嫰軟，惹味得忍唔住食完一粒又一粒。
清蒸奄仔蟹 2隻/牛油鹽燒奄仔蟹：餐廳有貼心提供一次性手套濕紙巾，亦有蟹夾開蟹殼用，方便客人衞生進食。
奄仔蟹細細一隻，蟹膏飽滿，蟹肉多汁，滿足食蟹膏慾望！
蟹肉扒時蔬：白滑蟹肉可以帶出西蘭花鮮味，西蘭花嫰綠新鮮清爽！
蟹粉燴飯：好多鮮燈蟹粉伴住飯，真係好好送飯~
專門食奄仔蟹套餐價錢都可以接受，單點一隻都要$160，依家2人套餐$688加一茶介$795，每人2隻5同煮法奄仔蟹，仲有蟹粉抄菜同蟹肉飯，仲有薑茶湯丸送,好勁薑辣味，湯丸好軟熟，奄仔蟹好甘甜都有膏。
今日我哋浩浩蕩蕩四個人去咗食一個時令奄仔蟹四人餐，因為而家係食奄仔蟹嘅季節，一定要大吃一餐，同埋最緊要係個餐一啲都唔貴四個人買單先$1699????
?清蒸奄仔蟹—-我自己最鍾意食清蒸原味，完全食到隻蟹嘅真味
?牛油鹽焗奄仔蟹—-老公就鍾意食牛油鹽焗嘅味，加咗牛油鹽焗戴咗另一種風味出嚟
?避風塘炒蟹——避風塘炒就一向冇得輸，夠晒鑊氣?
?花雕醉雞——例牌醉雞份量都足夠，雞肉滑溜酒味香濃
?胡麻醬豆腐——正常口味，胡麻醬配乜嘢都咁好食
?蟹肉扒時蔬——我哋今次係蟹肉扒西蘭花，我自己覺得配西蘭花係最好味嘅
?蟹粉燴飯——雖然已經食到好飽，但係個炒飯外邊為主全部都係蟹粉，真係啲幾飽都要食多一碗
?合是甜品——最後整返個番薯糖水????
omg
屋企人勁鍾意食蟹，今次搞生日party決定食豪啲，call番個蟹將軍外賣。
開到出嚟見到份量好足、啲材料都好新鮮，成家都食得好滿足。
嚟緊聖誕節搞Christmas party，食普通到會食到悶悶地，點返盤避風塘炒蟹，再加其他小菜式，似乎都係唔錯嘅選擇。
咁見得人嘅豪華外賣，有時就算公司啲活動，我都覺得呢間係可以成為頭先外賣之一。
平時好日都唔咁樣叫外賣，已經脫節左邊一間好食抵食。
今次15 人用餐，人均都係3 百幾蚊一位，有海鮮食又免運費 ，性價比都幾高。
今次分別叫咗：
上湯龍蝦伊面底
啫啫生菜
粟米魚塊（好細心，汁另上，魚塊唔會浸淋哂）
豉椒炒蜆
椒鹽骨
黑椒牛仔粒
櫻花蝦肉碎蒸釀豆腐
牛油鹽燒奄仔
尖沙咀食海鮮一定要去?將軍！
菜式選擇多而且環境寬敞、開揚
適合家庭、朋友聚餐??
食物水準高
無論係招牌海鮮菜式
還是普通家常小菜
都做得好出色
其中必試：
?招牌喜記炒辣蟹
?薑蔥焗沙巴龍躉魚
?招牌蟹油炒麵
?上湯波士頓龍蝦
?蒜蓉粉絲蒸日本元貝
琴日係男朋友生日，知佢鍾意食海鮮所以訂左喺國際廣場嘅喜記蟹將軍同佢慶祝，見到佢時令奄仔蟹套餐，所以提早一日訂咗。啲職員都有禮貌，又會安排口罩信封俾我哋放口罩，衛生得來又窩心。枱面有好多俾我哋剝蟹嘅工具，所以都唔會麻煩。首先有蟹肉扒時蔬?，我哋嗰日係西蘭花，啲蟹肉味道好濃郁，有啲汁浸入西蘭花入面令到食落去嘅時候好滿足。仲有百味豆腐，呢個少少似避風塘炒豆腐，豆腐外皮酥脆，加埋香料好惹味。主食有蟹粉燴飯，飯桶男朋友見到呢個雙眼發光，炒飯底加埋滿滿蟹粉真係食到停唔到。最後當然唔少得奄仔蟹，有清蒸嘅同埋牛油鹽焗，可以試兩種味道各兩隻，一款比較鮮甜，另一款就有鹹香，蟹都好新鮮。 …