喜記蟹將軍(Hee Kee Crab General - Tsim Sha Tsui)
營業時間
| 星期日 | 12:00–23:00 |
| 星期一 | 12:00–23:00 |
| 星期二 | 12:00–23:00 |
| 星期三 | 12:00–23:00 |
| 星期四 | 12:00–23:00 |
| 星期五 | 12:00–23:00 |
| 星期六 | 12:00–23:00 |
喜記蟹將軍 的菜單價錢、相片和推薦菜色
我爸爸60歲大壽，因為佢好鍾意食蟹所以我哋今日就全家嚟咗喜記蟹將軍食佢嘅招牌炒辣蟹！隻蟹好大隻，肉質鮮甜同多肉！配埋辣椒好香? 除咗蟹之外我哋仲好鍾意食啲好辣嘅嘢，所以叫埋麻辣小龍蝦。雖然龍蝦細細隻，但份量多，其實加左麻辣嘅香氣之後係好過癮，傾吓計不知不覺就成兜都食晒啦?
之後媽媽好鍾意食雞所以我哋就叫咗佢嘅秘製蔥油雞。雞肉嘅肉質嫩滑，配埋蔥油香好出色，我阿媽自己一個人食咗半隻?
最後我哋叫咗兩個骨，分別係香烤柚子骨同埋欖角骨，柚子酸酸味味好開胃呀！
兩樣都好好食，好推薦！
因為今次係阿爸生日所以我哋包左一間房同佢慶祝，人均消費$400左右，私隱度好高，爸爸好開心?
我哋覺得唔算貴，因為佢嘅蟹同小龍蝦真係好好味?
好耐冇成家人出街食過飯，今次終於可以成家人 齊齊整整食餐飯啊
唔知點解屋企人都好鍾意食蟹，所以今次就揀咗一間專食蟹嘅餐廳
我地總共6個人，叫左6個菜式同埋1個飯
蒜蓉粉絲蒸波士頓龍蝦
龍蝦好新鮮，龍蝦肉好彈牙，肉質鮮甜
蒜蓉好入味，粉絲吸收哂龍蝦既精華，好好味呀
蒜蓉粉絲蒸日本元貝
元貝大大隻，幾厚肉，蒸得岩岩好，唔會韌
同樣有蒜蓉同粉絲，一樣咁好味
欖角骨
啖啖肉，肉質鬆軟，雖然經油炸香過，但 都唔會覺得油膩
薑蔥炒蟹
隻蟹好大隻，薑蔥炒特別香，蟹多肉又鮮甜
仲有膏添
正宗 喜記炒辣蟹
炒辣蟹相對 薑蔥炒蟹會較惹味，少少辣，我覺得岩岩好
加埋個炸蒜一齊食別有一番風味
蟹粉燴飯
大家都食到乾乾淨淨，蟹粉好香，係炒飯底，仲有粒粒蟹肉
撈埋一齊食味道好夾
蟹粉扒西蘭花
西蘭花好爽口，蟹肉都好多
個醬汁好夠味
大家都食到好滿足呀
原來Openrice訂座有 75折優惠，好抵呀
喜記蟹將軍 (iSQUARE國際廣場) (尖沙咀)
尖沙咀彌敦道63號iSQUARE國際廣場6樓602號舖
大閘蟹套餐 $598 2位用
套餐都有好多野食，有胡麻醬青瓜、4隻清蒸江蘇大閘蟹、2隻蒜蓉粉絲蒸扇貝、蟹粉扒時蔬、招牌蟹油炒麵，最後仲有甜品??
2人份量但嘢食嘅份量絕對係有性價比高????前菜的青瓜好爽口，加埋胡麻醬就食得更滋味??蒸大閘蟹就有2隻母約3兩，2隻公4兩，望落去都幾大隻，滅開之後d蟹膏爆出黎??好多膏我自己就中2公多d?
除左蒸大閘蟹之外，仲有蒸扇貝，好大隻的扇貝肉，再加上蒜蓉水同埋薑蔥蒸，令到粉絲好入味，好想再食??之後個西蘭花都係用蒜蓉炒，又係好惹味??
我食到依度已經有d飽，但係佢哋嘅招牌蟹油炒麵非常吸引，嚟到嘅時候聞到好香，之後越食越滋味，不知不覺間就食晒全碟?最後仲整咗兩碗熱嘅番薯糖水?好足料嘅番薯，食飽超級滿足！
除貴之外都無咩特別
朋友介绍话食过唔错，所以今日同朋友就嚟到呢度食蟹及小菜！
当然一定要叫喜记正宗炒辣蟹，我哋个个都钟意食蟹！卖相已经好靓，系避风塘风味.蟹够大只，已经预先切件，方便进食。而且蟹壳都预先卜好咗，几细心！蟹肉爽口新鲜，相当唔错！辣辣地味道更加惹味！
跟住叫咗豉椒炒蚬亦都好够获气！蚬都几大只，而且充满豉椒香味，食唔停！
除咗炒蚬，我都好钟意食豉椒炒蛏子皇！蛏子皇最好就系啖啖肉，够大只，充满鲜味！
樱花虾炒饭面上充满樱花虾，所以个饭特别香！饭嘅份量都几多，炒得干爽！
上汤菜心，清清地叫返个菜！面上有啲菇唔会太单调！
呢一餐真系相当丰富！OpenRice订座全单有八折！
好
中秋佳節快來臨、朋友或者屋企人都會一一相約吃晚飯，為了各人都可以見面，所以就和朋友提早慶祝中秋節
———————————-
我們四個談心的女人，朋友一早就在openrice卜好枱，因為有75折，正?⋯⋯
我昵個朋友好細心，每次見面佢都係搞手而且唔使我哋唸去邊食，佢一個搞掂哂
，唔該哂我呢位老友?
—————————-
?喜記正宗避風塘炒辣蟹：
話明係蟹將軍，當然要食蟹，幾個朋友都鍾意食辣，所以我哋就叫咗避風塘嘅口味，蟹嘅肉質好鮮嫩，而且仲係啖啖肉，味道就更加唔使講，好味道⋯⋯
—————————
?蒜蓉粉絲蒸日本元貝：
蒜蓉粉絲蒸元貝，四個人食啱啱好.。每人一隻，又大隻又鮮甜。蒜蓉味就更加香口惹味?
———————————
?油鹽水浸蜆：
平日食蜆多數食豉椒，而家食油鹽水煮，更加食到好新鮮又鮮甜嘅味道，蜆肉仲要好大隻，真係好正?
——————————-
?水煮魚：
鍾意食辣，水煮魚就一定要叫，而且我哋幾個又鍾意食魚，好足料嘅魚，而且肉質食落好鮮嫩好滑溜，味道好惹味，仲有好多酸菜同埋好多材料配搭，配搭嘅材料亦都令到個水煮魚好惹味?
———————————-
? 醉雞：
花雕嘅香味令醉雞食落好吸引，而且雞肉好滑，食到好香嘅雞，同埋好香嘅花雕，足料的花雕味道，令這個醉雞生色不少?
————————————-
?蒜香骨：
昵個簡直係我嘅至愛，蒜?香加上洋蔥和廚師??精心調較的味道，醒神醒胃，一咬下的肉汁和鮮嫩的肉質，完全入口即溶的惹味，未吃望見已經流口水?
—————————-
?蟹油炒麵：
最後叫返個蟹油炒麵食，呢個蟹油炒麵真係好正，食到好香嘅蟹味和鮮甜，炒麵又炒得啱啱好，有少少彈牙嘅質感，配合了芽菜和蔥，食落就更加香口更加爽?
———————————-
其實開心?簡單就在你身邊
食..拍…寫已經成為我生活中的一部份
鍾意食…鍾意拍…鍾意寫..留下美食回憶?
————————
好耐無成家總動員一家六口出發去iSQAURE睇完電影，再同落去同公公食埋生日飯。好彩不嬲都會睇左Openrice先，用Openrice訂座，大菜牌有八折，都慳唔少。
?椒鹽瀨尿蝦?
瀨尿蝦有成8兩重，鮮甜脆爽，油炸完又唔會好重油膩感，蒜香十足好惹味。
?麻辣小龍蝦?
重口味兼嗜辣人士表示見到紅噹噹既色澤已經好吸引，個汁勁正，麻辣過癮，肉質緊實又彈牙，好食歸好食，剝得咁辛苦得一啖肉。
?蠔皇扣鮑魚?
唔知點解上一輩咁喜歡食鮑魚，欣賞呢到既飽魚肉身好飽滿，唔會硬到咬唔開，而且好入味。
?大蜆滑雞煲?
大有咁多雞件同蜆煲出黎既湯，點會唔濃郁，上湯煮出黎既娃娃菜入哂味，呢道菜最主係佢個湯同菜，鮮甜到不得了！
?酸菜魚?
賣相同我平時食既有少少唔同，同樣地好食，夠酸夠辣差左少少麻姐，魚肉就相當厚片嫩滑，配料仲有油麥菜。
?瑤柱雞蛋炒飯?
相比起其他，炒飯顯得清淡，不過好有穫氣，鹹鮮既瑤柱絲加蔥花幾香口。
同朋友嚟開尖沙咀行街，經開見倒有間主打避風塘炒辣蟹既餐廳好似幾吸引，所以就決定一試，味道果然有驚喜，環境都夠闊落，一邊食一邊同朋友吹水都好正㗎～！
今次係同四個朋友一齊黎食，散點菜式，選擇都好多下
喜記避風塘炒辣蟹
黎到當然要食佢地既炒辣蟹，中蟹一隻$700元，份量充足，食落去好惹味香口，蟹肉都幾多下，小編幾欣賞佢地夠鑊氣，餸飯一流
蟹粉扒冬瓜件
夏日炎炎食冬瓜就最啱啦，蟹粉配合剛剛好食落好滿足，味道唔會話太重口味
蒜香骨
蒜香好吸引，食落去肉質不會太硬，值得一試
蒜蓉炒菜心
當然都要叫番啲菜啦，菜心夠新鮮！
正值父親大人生日，而疫症漸趨緩和，
一家人在久未外出用膳的情況下，
都有點懷念街外飯香的味道。
然而近日在網上可到這家餐廳在做優惠推廣，
對於咱家喜愛海鮮的情度，尤如天降福音。
我們當天選了炒辣蟹六人套餐，總共九道菜式。
諗廳另設有二人及四人套餐，適合不同人數用膳。
招牌避風塘炒蟹：
來剽這裏當然要吃蟹，另有薑蔥選擇。
由於我們一家都是辣魔，所以選了避風塘炒蟹。
蒜蓉粒爆得十分香脆，蟹肉彈牙惹味，
而且由於㨂選了大辣，一口蟹肉一口辣蒜，
吃到出汗十分過癮。
秘制豉椒炒硯：
份量挺多，硯肉飽滿鮮甜，醬汁亦相當惹味，
用來和飯實在一絕。
蒜蓉粉絲蒸北海道大扇貝：
吃過濃烈惹味的菜式，轉投清淡的海鮮亦毫不失色，
六色大扇貝個頭名符其實，扇貝肉質彈牙不鬆散，
有口感之餘多汁清甜，最後吸滿精華的粉絲更是一絕。
清蒸沙巴龍躉魚：
龍躉給我感覺一般肉質徧榎，
但這條卻十分滑嫰，而且鮮味十足，十分驚喜。
最後還有蔥油雞、蒜蓉炒時蔬，瑤柱蛋白炒飯及海鮮粥，
對住六個人來說份量絕對足夠，
父親大人亦十分滿意這次的生日飯局。
勁滿足的大閘蟹四人餐
又到了一年一度吃大閘蟹的季節, 一早預訂了這間位於尖沙咀isquare 的吃蟹專門店和家人吃個飽
餐廳提供了大閘蟹套餐, 四人餐有大閘蟹八隻, 和其他主菜, 一定吃到飽, 又划算
主角出場了!! 四人餐有大閘蟹八隻, 四隻公買隻乸, 每隻大約重三両, 都十分大隻
熱騰騰的一打開已經見到蟹膏滿滿,蟹膏清香又清甜, 蟹肉充滿濃郁蟹香, 吃得十分滿足
黑松露蜜豆炒沙巴龍躉球 – 一上台已經可以聞到黑松露的香氣, 加上原條沙巴龍躉伴碟, 賣相一流。沙巴龍躉球魚肉厚實, 肉味鮮甜
雞煲翅 – 看到雞湯是濃濃的金黃色已經感受到雞湯是十分濃郁, 雞味極為香濃，香氣入骨，雞肉非常鮮嫩
蒜蓉粉絲蒸元貝 – 元貝大大隻, 蒸到剛好, 蒜蓉和粉絲是絕配, 送飯一流
這間吃蟹專門店果然沒有令人失望, 真係可以用回味來形容, 值得一試
除蟹外，其他食物都煮得不好，雞到檯時已涷，龍蝦肉不新鮮，配龍蝦啲洋蔥有異味，可能是我唔好彩喇
依間餐廳可以訂房，10個人一齊食飯都OK。避風塘炒蟹比想像中更加有鑊氣、惹味！其他海鮮都幾出色，最重要係夠新鮮！椒鹽賴尿蝦size好大，啖啖肉，正。 如果想一大班人一齊食海鮮，而家餐廳都係唔錯嘅選擇。
大家今年Halloween去邊度慶祝，我就帶埋屋企人去返我哋最鍾意嘅喜記食海鮮，好彩有book位?一季冇去，而家竟然仲有豪華蟹宴4人套餐，一個價錢，$1488食到反艇咁行返出門口，諗返起真係勁豐富?
招牌喜記避風塘炒辣蟹當然唔少得，生勾勾嘅時候好生猛，扑開左黎炒完一輪亦超入味過癮，蟹肉鮮甜肉嫩啖啖肉！
2隻賴尿蝦成隻手臂咁長，4個人分真係勉強先食得晒，可想而知份量有幾多，椒鹽味都好香
仲有我最鍾意嘅豉椒炒蜆，細細隻但同樣份量十足，冇乜沙，潷埋d汁送飯一流?海鮮仲有一人一隻醉鮑魚，唔夠飽嘅仲有咕嚕肉、炒菜同炒麵，真係要打包返屋企可以食多2餐?
整體來講人均$400食到咁多海鮮，全部都夠晒獲氣，真係抵過自己去買料加工多多聲?
又到左秋季食大閘蟹好時機，尖沙咀出名多野食，但要搵豬間食蟹專門店唔係一件容易既事，友人今日特別約了到尖沙咀isquare喜記蟹將軍，驚喜萬分???
1. 清蒸大閘蟹
二人餐每人向兩隻，蟹肉香嫩微甘帶點菊花清香??
2. 粉絲蒸扇貝??
估唔到蟹將軍既海鮮同樣驚喜，扇貝肉質鮮嫩幼滑，非常新鮮
3. 蟹油炒麵??
第一次嘗試食蟹油炒麵，感覺似食蝦子麵但混合蟹肉香味，蟹油味超超超超香??
4. 蟹肉粉絲煲??
另外忍唔住再叫埋避風塘炒蟹同粉絲蟹煲，兩款都只不過係$850，大大碟，尺寸仲要係大碼size。
喜記蟹將軍其實小炒同樣吸引，好似炒班球及大蝦?甘，估唔到除左蟹之外，其他海鮮同樣出色??
The spicy crab is a must to eat.
?肉蟹?大/$850
來到喜記蟹將軍，當然要食佢哋最出名的肉蟹??? 叫咗呢隻大肉蟹，非常新鮮，肉質結實，味道濃郁！最鍾意佢哋呢隻避風塘炒蟹的烹調手法，相當惹味，一邊吃一邊舔手指，回味無窮????
?喜記椒鹽富貴蝦??2隻/$640
另外叫咗呢兩隻大飛龍富貴蝦?，椒鹽做法，配合海鮮真是100分????惹味勁香❣️新鮮、爽口、啖啖肉?❣️
?蒜茸粉絲蒸扇貝2隻/$116
另外點了兩隻大扇貝，扇貝當然是要配合蒜蓉粉絲蒸，蒜蓉香濃，扇貝新鮮可口，粉絲吸入了扇貝的鮮味和精華，入味好吃?
?蒜茸粉絲蒸蟶子4隻/$312
大蟶子也跟着扇貝同樣做法，鮮甜可口，啖啖肉，吸入了蟶子精華的粉絲同樣好吃?
?青島?$30
如此美味可口的海鮮當然要配合啤酒?啤啤佢！冰爽清涼，配高質海鮮，我今日真係超滿足，超開心?！
今日同BB食生日飯，BB最愛食奄仔蟹，所以我地就去喜記食蟹?！疫情係好咗啲，但係出街食飯自己都係會小心啲，所以我book咗喺房度食，雖然最低消費每位$400，但係其實要食蟹都差唔多價錢，同埋喺房食清淨啲同埋可以食得開懷一啲??
?清蒸奄仔蟹—我地兩個人叫左4隻奄仔蟹，四隻都爆膏，食到好滋味?
?蟹粉冬瓜件—蟹粉味鮮，配上清新嘅冬瓜非常夾，完全唔會有油膩嘅感覺
?蟹粉伴饅頭—咁好食嘅蟹粉梗係要再叫多樣，蟹粉配饅頭真係一流，蟹粉嘅油都可以撈埋?
?醉雞—醉雞嘅酒味好香，雞肉好滑
?蟹肉蛋白西蘭花—蟹肉嘅份量都好多，每一朵西蘭花都有蟹肉同埋蛋白嘅香味??
當日叫咗個大閘蟹套餐 以佢嘅價錢 大約七百蚊兩個人 對蟹嘅水準 要求太多 但係對於套餐入面小菜嘅水準 有少少失望
食品嘛嘛地，上菜快，
服務好
性價比高的午餐，尤其在i-square
垃圾食物