舍利鮨 銅鑼灣(Sushi Shari - Causeway Bay)
營業時間
| 星期二 | 12:00–15:00 |
| 星期三 | 12:00–15:00 |
| 星期四 | 12:00–15:00 |
| 星期五 | 12:00–15:00 |
| 星期六 | 12:00–15:00 |
| 星期日 | 12:00–15:00 |
| 星期一 | 12:00–15:00 |
服務選項
內用
不支持外送
無障礙程度
不支持無障礙停車場
產品/服務
小菜
酒精飲料
啤酒
用餐選擇
午餐
晚餐
餐飲服務
甜點
氣氛
環境舒適
規劃
需要預訂
接受訂位
付款方式
信用卡
不錯
近日同朋友去左試佢地既晚市Omakase,入面裝修簡潔舒服,師傅用心製作,整個體驗都好好!
食法用米芝蓮招呼法，枱前師父用心介紹食材，做法，產地。樓面招呼周到。
如欣賞歌劇般的頂級體驗
知道呢間位於銅鑼灣新開的Omakase由買貨到上台都係最頂級 食完你就知佢咩料啦
位於蘭芳道既舍利鮨，望落去已經令人有返左家鄉既感覺 .店內優雅既裝修更係令你有如置身日本
大拖羅 首先要介紹既當然係魚生界最令人回味既拖羅啦 而你食過呢到既拖羅之後，你就會明白點解拖羅係日本人既至愛 肥美既大拖羅，充滿天然魚油脂的甘香 而且油脂豐富得黎口感細膩
魚香濃郁令人回味無窮
白象拔蚌配三文魚籽 一道非常精緻既料理
白象拔蚌旁伴以飽滿既三文魚籽
上面更以鮮花做點綴，真係見到已經賞心悅目
蚌身肉質爽脆鮮嫩，而且味道鮮甜
本身味道相對清淡既象拔蚌配上爆汁得黎唔漿口既三文魚籽，簡直係完美配搭
而且一小片既青檸為成道料理添上少少既酸甜，令味道更有層次
禾稈草煙燻鰹魚 呢種係一種叫たたき（Tataki）既傳統日式料理方法
以禾稈草短暫地燻燒，令到只有外層燻熟同入面依然保持鮮嫩，為你帶黎雙重口感雙重享受
更令到成塊鰹魚有股迷人既煙燻香
小肌 唔好睇小呢一件壽司，其實小肌係好考壽司師傅既功力
由於小肌味道特別，本身唔易入口，所以通常會用到鹽同醋作調味
但係用邊種醋，用幾多醋，甚至你咩季節食，都會有大大不同
而呢一件就將小肌同醋完美結合
將小肌既鮮味發揮出黎既同時，又唔會比醋味遮蓋，更令你胃口大開
可見師傅功力之高
伊佐木 係香港相對較少見的一款魚
呢款魚比起一般白身魚，佢魚脂更為豐富
而且夏季係伊佐木產卵既季節，令佢累積左大量脂肪而比平日更加肥美
店家係呢個時節提供伊佐木，可見對於選料真係非常之用心
亦因為咁，你可以係到食到脂肪豐盈，肥美甘香，但同時有柔軟質感既伊佐木
金目鯛 金目鯛可以話係日本人最受歡迎同時亦最昂貴既魚之一，亦因而被稱為「白身魚之王」
佢油脂唔會太多太少
令佢口感相對細膩而且淡雅
但你同時可以食到魚身獨有甜香濃郁既味道
清酒 食日本魚生當然要配返日本酒
呢到連清酒都相當講究
入口你會感受到濃郁既米香，而且酒香醇厚
配上各種魚生都係完美既配搭
環境：日式木系裝修，簡約舒服。推薦坐吧台， 可以同師傅交流，聽下佢講每樣食材嘅特色同食法。
特色：專食omakase !! 師傅會揀時令材料製作，味道特別鮮美。 今次omakase特別有記憶點嘅係鹽水海膽，燒帶子同鯖魚。
鹽水海膽用海水浸住，只能保存三日，所以特別新鮮，入口鮮甜唔苦澀。
燒帶子軟嫩肥美，飯粒加入赤醋，入口會食到酒香味同輕柔酸味。
鯖魚大大塊包裹住赤醋飯，魚脂濃郁，口感厚實
Omakase的矜貴在於食材既新鮮同高品質
所以價錢貴d我間唔時都會想去食
因為價錢同食物質素係成正比既
今次約左朋友試新開既高質Omakase
🍀🍀環境：
餐廳裝修簡約清新，木枱、和風圖案cushion、水泥牆，除咗吧枱，又有適合幾個人坐既卡位
🥢🥢食物：
🟢青森蜆汁
未試過就咁飲蜆汁
原來係清清甜甜既
🟢北海道白海膽🍣🍣
北海道白海膽比一般海膽長及厚身
口感軟滑甘香，入口即溶
🟢鰆魚🍣🍣
鰆魚口感綿糯紮實，而且好新鮮
🟢醬油漬中拖羅🍣🍣
拖羅油脂分佈平均、無筋
而且魚味香濃
加上適量醬油，味道更豐富
🟢蘋果木煙燻赤鯥+蛋黃醬油🍣🍣
魚油甘香、好鮮甜、濃郁既煙燻味
加埋細小既葱花、蛋黃醬
味道好有層次
🟢小肌魚🍣🍣
小肌魚即是小鰶魚
雖然係價格較便宜既魚
但師父灑鹽既分量及醋醃既程度掌握得好好
迫出魚既鮮味
🟢依佐木🍣🍣
肉質柔軟又有彈性，很清爽
🟢蜜瓜
好甜好甜，三件絕對唔夠
omakase 午餐完全不值 750 港元。壽司一點也不新鮮，而且大部分都很無味。甚至蒸蛋和湯都非常糟糕。即使你平時吃得不多，你也不會吃飽。整個體驗非常糟糕，我們甚至決定不吃甜點。我們吃午飯時空調也在漏水。
絕對不會再次訪問。不要被谷歌評分騙了！！
環境一流，態度一絶，師傅Rex ，年青，知識豐富，用心的感覺係看得出，嚐得到
舍利鮨【CWB日式Omakase壽司店】
今日心思思好想食壽司，揀咗嚟呢間主打壽司同Omakase，望落去好吸引，於是就入咗去食餐滋味滿晒嘅一餐☺️
伊佐木
– 魚肉新鮮，口感偏爽口，而唔係個種油脂味超重，食落會品嘗到淡淡嘅甜味
北海道白海膽
– 白海膽更加係冇得彈，微微鹹香，格外突出其鮮甜，而且質地細滑到入口即溶，成個口腔都充滿咗海膽嘅精華，非常高質💛
帶子
– 帶子新鮮得嚟大大粒，表皮散發住粉紅色嘅光澤，內裏保持到其鮮嫩甜美，軟滑彈牙😚
慢煮仙鳳趾蠔
– 仙鳳趾蠔有陣獨特嘅味道，鮮美濃郁，口感都相當嫩滑，入口好creamy，鮮味同風味十足
春子鯛
– 春子鯛有層淺淺嘅粉紅魚皮，魚肉有種顏色漸層效果，食得又睇得，超正啊😍
– 魚肉食到鮮味之餘，而且肉質非常軟身，成件壽司入口更加香，風味倍增😋
餐廳環境清幽雅致，裝修都非常之有日本風格；食物真係好好好高質，我地食到舔舔脷，所有配搭都恰到好處，令到舌頭非常愉悅，一定要encore❤️
以前去日本都會去食omakase，不過疫情下冇得飛，所以今次就去食日本菜，估唔到會有驚喜。
呢度環境幽靜，而且好有日本feel，食材全部都係由日本直接入口，一邊食一邊好似置身日本嘅感覺。
毛蟹蒸蛋
蟹肉食落十分新鮮，而蒸蛋都非常之滑，兩樣襯埋一齊味道真係好夾
帶子
肉身豐厚，味道鮮甜，食落重好彈牙
伊佐木
呢款魚我係第一次食，原來味道都好鮮甜，而且肥美甘香
鰆魚壽司
魚肉軟嫩，入口即化
蘋果肉煙燻赤鯥
魚皮夠香，再加上蘋果肉酸酸甜甜的，味道又夾又美味
今餐真係好滿足！
【#舍利鮨 #藝術宴Omakase】
舍利鮨位於銅鑼灣蘭芳道，餐廳典雅設計給人舒適感覺，設有壽司吧枱同埋房間，主打江戶前壽司及日式料理，食物及環境非常吸引。
一邊欣賞廚師手藝 #感受細緻藝術宴去品嘗Omakase。餐廳用上盛⻝材，#由日本漁市場空運直送到港，品嘗料理嘅最新鮮及原味道，而且道菜式都經過精心設計。
前菜: 毛蟹蒸蛋
蒸蛋好滑嘟嘟，食落帶有蟹嘅鮮甜味道
北海道白海膽
味道濃厚甘甜，回甘強
春子鯛肉質嫩滑，厚度剛好，看得出廚師嘅刀藝，配上Wasabi 帶出魚香同鮮味
白象拔蚌配三文魚籽
口感爽脆利，充滿海水味道，三文魚籽甘甜
帶子豐厚的肉身極富彈性，味道鮮味甘甜
最後品嚐: 小肌
味道濃厚鮮明，口感豐腴
舍利鮨
@sushisharihk .cwb
📍銅鑼灣蘭芳道21號地舖
#hkfoodblog #hkfoodlover #foodie #hkrestaurant #foodoftheday #foodofinstagram #foodiegram #香港美食 #銅鑼灣美食 #舍利鮨 #omakase #omakasehk #hkinfluencer #foodblogger #littlewitchwitch
喺元朗由龍師傳所主打嘅omakase餐廳舍利鮨終於喺港島嘅銅鑼灣開咗分店啦！
佢哋嘅用料上乘，大部分嘅食材都由日本直送，所以好有日本嘅味道。
喺品嘗佳餚前先飲返碗店家嘅麵豉湯。
呢次有好幾款都好想推介，分別係壽司嘅大拖羅，北海道嘅白海膽，醬油漬中拖羅，鰆魚，一品料理嘅慢煮仙鳳趾蠔。
醬油漬中拖羅：油脂無大拖羅咁豐腴，肉質會較厚實，魚味都會較淡，所以同秘製嘅醬油非常夾，係另一番風味。
鰆魚壽司：呢款魚好少地方見到，其實連聽都未聽過，但係食落肉質較中拖羅扎實，鮮味更加突出，係款好特別嘅壽司。
北海道白海膽：北海道白海膽係海膽中嘅極品。佢哋最大特色就是粒大而長，味道清雅脫俗，口感極佳。
慢煮仙鳳趾蠔：仙鳳趾蠔喺日本有「海中牛奶」的美譽。北海道厚岸灣仙鳳趾是以生蠔聞名的地方，海水與飽含礦物質的湖水混合，孕育出尺寸矚目、肉身肥厚、質地滑口的生蠔，再加上龍師傳獨特嘅慢煮手法，令其味道變得更加鮮甜濃郁，口感嫩滑，令人回味無窮。
大拖羅：見到肉身色澤偏白帶雪花紋路，肥美無筋，油腴肥嫩，入口即溶，足夠讓人無比沉醉。
清酒最啱炎炎夏日食住咁好嘅日式料理嘅時候品嘗。
呢餐omakase食得好滿足～
魚生全部都好新鮮，其中印象最深刻有呢幾款～
中拖羅、三層薄切大拖羅、赤貝、赤身醬油漬、青柳貝
下次有機會一定會再黎！😋 …
👉🏻Lunch Omakase (12 pcs)💲580
• 石鯛魚/toro/秋刀魚/甜蝦/深海池魚/海膽/帆立貝/池魚/赤身醬油漬tuna/青柳貝/汁煮蠔/茶碗蒸
–
由元朗開過嚟銅鑼灣✨呢個價錢都算幾抵食 啲刺身都幾新鮮 不過覺得個飯麻麻哋 醋嘅酸味太重 呢度嘅職員幾有禮貌 同朋友慶祝生日會送返件芝士蛋糕🍰吧枱唔算好多位 但呢度原來有房可以包㗎！
價錢唔算貴 不過未必會回顧 因為真係麻麻地啲壽司飯🤣
〰️〰️〰️〰️〰️〰️〰️〰️〰️
舍利鮨 (銅鑼灣)
📍銅鑼灣蘭芳道21號地舖
🔗#7eating銅鑼灣#7eating元朗#7eating日本菜
我們非常喜歡 omakase！壽司和生魚片太新鮮了！環境和服務都很好。 defo還會回來嗎！
食物質素, 環境 都一流!
餐廳近銅鑼灣地鐵站，夠方便易揾，食物質素亦高！最鐘意就係佢嘅中吞拿魚腩，鳥貝同赤貝，omakase lunch set $580 黎講真係出色！會再二訪的
龍時豐是最好的。 lung(cwb) or wilson(yuenlong)，如果不是這兩個，我就不去了。這頓飯充滿了驚喜！！！絕妙的技藝，絕妙的食材，唯一不足的就是太難訂了！如果您可以預訂任何時段，請不惜一切代價前往，您不會失望的！
銅鑼灣其中一間Omakase店，地理位置好方便～師傳有耐心地介紹每一種食材，亦有解釋食材以外嘅美食文化，唔止食落肚，仲可以長知識。晚餐$1,888，有酒肴、和食、刺身、湯及甜品，一定食得滿足。呢度用赤醋飯，食材方面都好新鮮，由淡味魚至濃味，一次過食哂唔同口感和質感的食材，今次仲食到北海道蝦夷鮑魚配青森帶子，一次過食到兩種鮮味。另外，仲食到幾款海膽，北海道根室紫海膽配青森紫海膽飯，鮮甜又creamy，滿足感double up！而夏天當造的食材之一是貝類， 青森縣海螺、愛媛縣象拔蚌、三重縣鳥貝各有特色，集齊海水味和鮮爽。
環境都好舒適，而店員都熱情、有禮，值得同朋友再戰！
是日食午市廚師發板，性價比不錯，服務優質，食物新鮮好食，值得推薦
服務
內用
餐點類型
午餐