玄鮨

生魚片夠新鮮。

是的好小，食物好。

服務差

很棒的壽司。

新鮮但有點貴……

Fresh food with excellent service!

今天因為工作關係，下班前要來銅鑼灣這邊跑一趟，所以順道來這邊吃晚飯慶祝寶寶前幾天贏了數千元股票錢🤣。正在我還在找餐廳之際，原來寶寶早已挑好在這間米之蓮指南推介的餐廳吃晚飯🥰！

慶祝當然要吃好一點，我們各點了個 Omakase set ‘紫’ （Murasaki)。

前菜 3 款 – 分別是
沙甸魚、青瓜蓉配白飯魚、炸銀杏

沙甸魚：底部墊上檸檬，面層鋪上洋蔥，完全把沙甸魚的腥味癖走，帶出沙甸魚刺身的鮮味。👍🏻
青瓜蓉配白飯魚：綿綿的口感，清新帶酸的味道，開胃又討好☺️。
炸銀杏：即白果，半透明黃金色的外表蠻吸引的，表面再洒上少許鹽巴，把銀杏的微苦味中和了，是個很特別的前菜。

刺身拼盤
刺身拼盤分別有拖羅，鱆紅魚，鰹魚，金目鯛，鰈魚邊，響螺，針魚，全部皆為日本直送。

除了普通豉油外，店家還特別附上蒜茸豉油及薑蔥豉油供客人品嚐鰈魚邊及針魚，非常貼心。

款款新鮮當然不在話下，每款刺身也有不同的特色和口感，響螺新鮮爽脆，拖羅入口即溶，鱆紅魚及鰹魚肉質厚實富彈性。個人而言，我最喜歡鰈魚邊（是偏白的那兩片），口感不像普通刺身，有點像中式棉花雞😝，但同時有日本魚的鮮味，是個品嚐魚刺身的新體驗！

另不得不提店員們的細心服務，那麼多種類的刺身，其實我根本記不住🙈🤣，多得店員的細心講解及提醒，我才可以正確地使用合適的豉油品嚐魚刺身😋，感謝厲害而親切的店員們🙏🏻。

是日廚師推介 — 燒白貝
很完整體積很大的白貝，口感爽脆彈牙，肥美肉厚，鮮甜多汁，非一般貝殼類海產可比擬！

壽司 – 6貫（件）

海膽 – 量多且味道鮮甜，真的很甜，是我吃過最甜的海膽😍，上次在日本築地市場吃也吃不到這麼好的，而且保存得非常好，沒有半點放壞了的臭味，並非一般的日本餐廳可比擬。

新鮮北寄貝 – 為什麼要註明是新鮮？是因為我們在一般日本餐廳吃到的（紅白色的那種）是已經烹調過的，今天吃的是紫白色的。不過其實也差不多🤣，口感一樣是爽滑彈牙，連紫菜也新鮮容易咬👍🏻

白蝦明太子 – 店員叮囑說，這件壽司不需蘸豉油，直接吃即可。口感黏滑帶鹹香～

燒拖羅 – 油脂分布平均，燒得剛好，表面焦香，入口即溶。

深海池魚 及 赤鮭 – 肉質厚實，鮮味十足！

蜆肉味增湯
有三隻蜆，蜆肉同樣爽脆新鮮，味增湯濃香細滑。

水果 – 芒果+士多啤梨
新鮮的芒果及士多啤梨為完美的晚餐畫上了句號。

好吃的食物

絕對是我在香港吃過的最好的日式午餐之一🍣 如果你還沒有嘗試過，一定要嘗試一下，我肯定會給它 10/10 在環境和服務方面，所以美味和特別推薦肯定。每個壽司都是新鮮的，因為它的成分，我個人最喜歡的是在我嘴裡融化的大蝦👄生魚片也是頂級標準 – 非常實惠。.他們的甜點冰淇淋和咖啡也很美味！

材料新鮮，非常出色

這個星期六專程來銅鑼灣，為的就是與好友聚友，順道吃我們最愛的日本菜。

玄鮨位於銅鑼灣Cubus 7樓，食物質素高，新鮮度滿分，而且餐廳正在進行優惠，所以全場|爆滿^。

Lunch Set選擇極多，全都包括小食、麵豉湯、甜品/咖啡。

這天的開胃小食是牛蒡，口感爽脆，醬油味濃郁，帶有淡淡麻油香。

魔鬼魚
魔鬼魚的賣相有點像東坡肉，不過，魚肉入口嫩滑，醬汁味濃郁，甜甜的，連軟骨一起放在咀裏細嚼，非常滋味。

Sashimi Lunch
主動來了，我點的是刺身拼盤，賣相非常吸引，內裏有拖羅、吞拿魚粒、魷魚、甜蝦、赤貝、鱆紅魚等。

個人最愛拖羅，肥美甘香，魚香持久，吃後整個口腔都變得油洩潤潤，另外，鱆紅魚肉質爽口，味道鮮味；赤貝色調亮澤，爽脆鮮甜；甜蝦入口帶有甜香，帶有獨特的粘粘口感，吞拿魚魚鮮味重，粒粒狀增添口感。

麵豉湯
麵豉湯味道濃而不鹹，豆腐粒入口滑捊捊，暖暖和和的，能夠中和刺身的生冷感。

茶碗蒸
朋友點了Deluxe Chirashi，隨餐奉上茶碗蒸，蛋香味濃郁，口感蛋溜，內裏還加入了配料，口感豐富。

刺身飯
刺身飯的內容非常豐富，幾乎上飯面全被刺身遮蓋了，聽店員說每碗刺身飯的刺身都有所不同，而這碗刺身飯內有海膽、三文魚籽、赤貝、拖羅、魷魚、油甘魚等等，海膽最鮮味，甘甜味美，入口即化，其次是三文魚籽，鮮味中帶點鹹香，拖羅大大片，大口軟滑肥美，油脂豐腴，配上加入漬物的飯內，層次口感豐富。

朋友點了咖啡，而我則是甜品，這天的甜品是抹茶雪餅，櫻花造型很可愛，外層香脆，內層就是味道濃醇的抹茶雪糕，吃後有點點回甘感覺。

《超值高質刺身午餐》

位於銅鑼灣的這家《玄鮨》，連續幾年榮獲米芝蓮推薦，質素自然有保證😛
午餐時段不乏人流，但因為空間大，坐的很舒適👍
吃滿$800減$300，滿$3500減$1000！
跟朋友一起來，吃盡這優惠吧！🤪

所有午餐都會附Appetizer (小鉢)、Miso soup (麵豉湯)、Coffee/dessert。

這天的小鉢是魚肉南蠻漬，味道酸酸甜甜，加上爽脆的大蔥，非常可口開胃😍

【🌟Sashimi Lunch 刺身ランチ ($330)】
– 配 煮物、御飯付き

【🌟Deluxe Chirashi 特上ちらし ($360)】
– 配 茶碗むし付き
兩個套餐都是有極多刺身加白飯。
刺身很新鮮，夠厚切，奢華的享受啊🤩
尤其是拖羅，來源天然，而不是來自養殖場。超肥美，魚油的甘香味一湧而上，入口即溶🤩🤩✨

「穿越了千個萬個，時間線裡人海裡相依。」
人海茫茫，生命中出現既緣份可能十隻手指都
數得哂，有d野係整定，唔到你唔服。有人會
認為主動點都好過被動等運到，我認同既，
但係咪真係自己鍾意，無人知。我淨係知
呢刻我好想見到你..壽司小姐，「玄鮨」係
我第二次再黎追求佢既高級壽司店，環境
同氣氛都係好舒服、好寧靜，呢種感覺
就好似基哥話齋，有果種初戀既詩情畫意呀！👇
–
📌ランチセット –
▪ 先付け –
▫ 今日前菜係「胡瓜 · 昆布 · 白飯魚仔」，
青瓜入口清新，咬落特別爽甜，配埋昆布同
白飯魚仔增強口感，面頭夾雜一塊檸檬片，
加上少少醋味，特別醒胃！
–
▪ 茶碗むし付き –
▫ 今日兩個Set都有「日式茶碗蒸」，質感爽滑，
裡面帶有冬菇粒、日式魚蛋片，口感爽彈。
–
▪ 三 色 丼 – $420
▫ 點解叫「三色丼」？原因好簡單，三隻色都
咁出位，各佔優勢，首先吞拿魚腩蓉油脂豐腴，
質感柔軟，每啖都食到魚香，唔錯；而三文魚籽
完全無魚腥味，相當新鮮，甘香十足；
而最重量級既海膽，份量比我想像中更多，
入口肥美鮮甜，邪惡之最呀。
–
▪ そば付き –
▫ 而配上「冷蕎麥麵」跟三色丼呢個組合
就最夾，食完魚生用以用作清新一下味蕾同
口腔，有種refreshing既感覺；而麵條質感
幼滑，口感仲好彈牙，幾適合夏天食。
–
▪ 味噌汁
▫ 而另一款Set除左有茶碗蒸同埋前菜外，
仲多左呢碗「味噌湯」，新鮮滾熱辣，
鹹甜適中，份外滿足。
–
▪ 特上ちらし – $360
▫ 話明「特上刺身丼」，就梗係以海量級既
刺身做主題啦，一次過食盡十款刺身，
包括海膽、赤貝、牡丹蝦、象拔蚌、池魚、
深海池魚、金目鯛、章紅魚、三文魚籽、
中拖羅。三文魚籽鹹鮮平均，送飯就最岩；
中拖羅紅潤帶光澤，入口油香到位，
唔會咬到有渣；牡丹蝦新鮮爽甜，口感唔錯；
深海池魚質感彈牙，唔會咬到有渣，
啖啖滋味；赤貝同象拔蚌入口夠哂煙韌
爽彈，成個set可以用無得輸黎形容！
–
▪ コーヒか –
▪ デザート付きます –
▫ 最後甜品分別揀左「即磨咖啡」同埋
「芝麻雪糕夾餅」，咖啡有得加奶，
自己調配，幾貼心；而雪糕夾餅，表面鬆脆，
裡面透心涼，成個set非常豐富，水準高質
又飽肚，難怪每年都榮獲米芝蓮推介啦！
–
📍 玄鮨 · Xuan Sushi
🎈銅鑼灣開平道1號Cubus 7樓

約左朋友黎玄鮨食好西。

Lunch set 有前菜小吃及茶碗蒸，蛋好滑嫩，有雞肉、雜菌、白果等材料。

朋友既特上海鮮丼飯，真係好多款式，食材新鮮，有海膽、三文魚子、中拖羅、帆立貝、牡丹蝦、深海池魚、鯖魚、油甘魚、賴尿蝦等，我食左幾樣😆😆😆。中拖羅肥美、帆立貝夠大件，深海池魚都唔薄而且又爽口。珍珠米仲加左紫菜碎及飯素添。丼飯配蜆湯，勁多蜆肉，有誠意。

我就簡了三色丼，賣相一流。有拖羅蓉、三文魚子、海膽三款，份量十足。海膽鮮甜creamy。三文魚子脹卜卜，鮮甜。拖羅蓉加左幼蔥清新鮮味，超好味。
三色丼配一個冷/熱既蕎麥麵/烏冬。天氣甘熱簡左冷蕎麥麵，凍凍的唔會膩。

仲有甜品，係雪糕夾餅，成個lunch set真係好豐富好飽。

好吃的食物

最近香港開了不高高檔日本餐廳，他們講求食材來源是日本，品質上等，廚師的手藝是優秀兼正宗，餐廳的格調是否高級。

今日朋友作客，我當然好識揀地揀咗一間位於銅鑼灣開平道的Xuan Sushi玄鮨是連續五年獲得米芝蓮推介的日本料理，一出電梯直達。

推出的十款秋季特色套餐幾吸引，如壽司套餐、三色丼飯（$320-520）。

Set 4 :三色丼
馬糞層層疊起，入口超幸福，啖啖濃厚鮮味在口中融化。豪華的刺身丼飯配料起碼有十幾種，如拌飯一流的三文魚籽，海鮮多過飯，當然不少得鮮甜的北海道海膽，不是坊間用細隻飯碗來營造鋪滿的感覺。加上，醋飯拌入香菇漬物，就算剩食都好味。
茶碗蒸蛋味濃餡料豐富。

Set 3 : deluxe chirashi

各種食材都高質，所以餐廳連續五年米芝蓮推介當之無愧，如豪得起就來試試。

大大塊拖羅，滿足。
Set餐附上味增湯。

Set 附上鳥冬

跟餐可以顏擇咖啡或者甜品🍮推介咖啡是好香，好滑。

𝗢𝗺𝗮𝗸𝗮𝘀𝗲 𝗗𝗶𝗻𝗻𝗲𝗿 𝗦𝗲𝘁 #MICHELINGuide
📎 玄鮨𝙓𝙪𝙖𝙣 𝙎𝙪𝙨𝙝𝙞
.
-壽司🍣
日本直送海膽 沙甸魚 赤貝 拖羅 等等
海膽軍艦壽司 要先吃掉
否則紫菜便軟
海膽濃郁甘甜 口感軟綿細膩.
–
𝚈𝚞𝚖：👅👅👅👅/𝟻
𝚁𝚎𝚟𝚒𝚜𝚒𝚝:💃🏼 💃🏼 💃🏼/𝟻
𝙿𝚛𝚒𝚌𝚎: $1388/𝚑𝚎𝚊𝚍.
————————————————
玄鮨
銅鑼灣開平道1號Cubus 7樓 ———————————————— .

咁又係同老婆拍拖11周年又係求婚紀念日，揀咗間環境高尚嘅日本廚師發板餐廳。雖然價錢唔平不過物有所值
前菜有忌廉餅、酸素梅(麵)、炸魚骨。每一樣嘅口感都好唔同，不過每一樣都令你開胃。炸魚骨一啲都唔油膩，非常香口。
刺身：鰹魚點特別嘅蒜蓉鼓油、拖羅、帶子、深海池魚、金木鯛、剝皮魚。每一款刺身都非常新鮮。金木鯛口感最正，拖羅入口即溶。老婆對幾款刺身非常滿意。
食壽司之前上咗兩款熟食：醬汁燒鮑魚（好香牛油味）、魚肝。一般嘅廚師發板都係食刺身同埋壽司呢度嘅熟食都煮得非常之好！牛油嘅香味令鮑魚更加香口，但又唔會蓋過鮑魚嘅鮮味。咁大隻鮑魚都可以煮到咁諗，師傅手勢一流。
最後壽司有海膽、響螺、池魚、赤綠、燒拖羅、牡丹蝦。第一次食燒拖羅，感覺特別，燒過嘅拖羅油份落咗去壽司飯唔會浪費左咁靚嘅拖羅刺身！海膽非常新鮮，海膽嘅份量仲多過壽司飯。正！
最後甜品幾特別唔係雪糕而係日本嘅新鮮水果，香印提子同日本柑。

服務很棒
食物真的很棒。我覺得這個地方沒什麼可挑剔的

今日好開心朋友請我去玄鮨吃omakase。玄鮨連續多年成為米芝蓮推介餐廳，我未吃已充滿期望。果然名不虛傳，我們對這餐很滿意。

這店的上等優質食材好新鮮，司傅專業手藝好，對客人友善。環境服務俱佳，物有所值。

坐bar枱望住年青的天師傅專注用心地為我們準備食物，介紹各款魚生壽司食材，為這餐增值，使我們更享受這餐。

前菜胡麻醬冰菜蕃茄清新鮮甜，日本黃金甜薯超甜，上面的銀箔好美。

各款魚生都新鮮美味。活的赤貝好鮮甜，和海葡萄，青檸汁和岩鹽合配。 北海道活帶子，鮮山葵和檸檬鹽很夾味。縞鰺爽口有油份，加埋柚子胡椒好味。活劍魚腩比急凍的美味得多，魚肉鮮明有質感。海膽配日本腐皮真是人間美味。

沖繩豬肋骨料理很好吃。豬肋骨很淋，充滿肉香。湯少辣甜口，配菜正。

各款壽司都出色。穴子壽司肥美。白蝦壽司一件已有十多隻鮮甜的小白蝦，好吃! 鮫鰈魚不愧是「邪惡」壽司，口感細嫩滿口油脂，有特色。野生藍鰭吞拿魚鮮甜矜貴， 比養殖的肉質較結實少些酸性，美味。

魚湯烏冬也很好味，雖然飽都不能抗拒。

日本運來的蘋果芝士餅為這餐劃上完美句號。

今餐除了食物美味之外，整個進餐過程都令人欣賞和享受。一面吃一面欣賞日本文化，慢活減壓。

辛苦揾埋自在食，下次再來找天師傅厨司發辦。

同屋企人慶祝生日，梗係要搵間佢哋最鍾意食嘅日本餐廳啦！呢一間餐廳見到上網都幾多人好評，價錢都唔算好貴所以就去咗食。

中午黎都唔算好多人，環境舒服，服務都超級好！一開始就會遞上熱毛巾，亦都有個好靚嘅口罩套。

我同屋企人個字嗌左一個餐，價錢大約$400左右，我就嗌左壽司套餐，套餐有大約10款壽司左右，尤其係佢嘅帶子壽司同埋吞拿魚，食得出好新鮮。而且佢嘅壽司飯係用咗赤醋去調味，所以啲飯粒嘅顏色會好似點左豉油咁，但係醋嘅味道都唔會話好酸。

而我屋企人就嗌左個和風套餐，入面除咗有天婦羅，亦有燒魚塊。天婦羅食落口真係喜出望外，一啲都唔油，而且有好淡嘅鹽襯托住，睇得出呢個天婦羅有用心去烹調。

而甜品佢就有兩款香蕉或者抹茶蛋卷，個人覺得香蕉好好食，好少食到咁香隻香蕉蛋糕，重點係佢啲甜味一啲都唔假。

🇭🇰【🎈銅鑼灣超高質日式午餐!】

日式料理餐廳嘅裝潢高檔，環境氣氛唔錯。而且選用日本直送嘅食材，仲曾經連續五年獲得米芝蓮推介，質素有保證😉！

🟧前菜🟧
當日嘅午市前菜分別係：茶碗蒸、薯蓉、沙律。茶碗蒸又滑又鮮甜，仲餡料豐富👍🏻！

🟧主菜🟧
主菜方面，選擇咗以下兩款午市套餐～

🔸[Sushi Set Lunch] (HK$420)
呢個壽司套餐有8款壽司/卷物，包括：油甘魚、血引、劍魚、金目鯛、帶子、赤身、牡丹蝦、馬糞海膽(卷物)，每款都好新鮮🤤。套餐仲配有熱烏冬一碗，食完壽司再食烏冬，十分滿足🤰🏻。

🔸[Deluxe Chirashi] (HK$370)
特上刺身丼飯以特大嘅陶瓷碗盛載，醋飯上面疊滿咗唔同嘅刺身，賣相非常吸引😍！當中包括：海量又大粒嘅三文魚籽、馬糞海膽、牡丹蝦、火炙過嘅金目鯛、帶子、赤身、油甘魚、劍魚等等，味道鮮甜❤️！套餐仲配有麵豉湯一碗，湯入面有好多櫻花蝦，十分特別！

🟧甜品/咖啡🟧
午市套餐可揀選甜品或咖啡，二選其一。於是就點咗一份甜品同一杯咖啡。雖然甜品唔係我期待嘅雪糕夾餅，而係黑芝麻雪糕😆，但呢個雪糕嘅芝麻味都幾濃幾好味😁。而咖啡同樣味道香濃。

✨妹豬仔👧🏻💬: 整體來講，日式料理餐廳嘅食物超高質，係視覺同味覺嘅雙重享受🥰！服務方面亦十分貼心，提供咗熱毛巾俾客人於用餐前抹手，值得一讚👍🏻！

(以上價錢僅供參考，一切以日式料理餐廳為準)

環境舒適，服務良好，食物可以

銅鑼灣超高質米芝蓮Omakase👨🏻‍🍳

今次係人生第一次去食Dinner Omakase，揀左呢間連續多次都拎到米芝蓮推介嘅玄鮨，餐廳位於銅鑼灣Cubus，成棟大廈都係食高級日式料理🇯🇵

餐廳嘅裝修比人感覺好高尚，而且座位好闊落，有bar枱亦有得包廂，好適合慶祝生日或者紀念日，去之前記得要提早打去預約📞

**********

餐廳嘅晚市依家係無menu嫁，因為廚師會每日採購新鮮食材再決定當晚嘅菜式，有時更加有拍賣級食材，所以價錢係因應當日食材而調節嫁🤑

**********

一開始前菜有麻醬凍番茄、黑豆同埋冰頭漬🍶
🔸黑豆上掃左啲金箔，用黑糖浸過味道甜甜地🥢
🔸冰頭漬係用醋及味醂醃製嘅三文魚頭軟骨，味道酸酸甜甜好開胃，真係好適合用黎做前菜👅

**********

刺身盛嘅賣相好靚，睇得出廚師好有心思擺盤😍
🔸生蠔選用左岩手縣大船渡灣嘅令和之怪物，蠔身好肥美飽滿，加上蠔味超重🦪
🔸刺身方面覺得最好食嘅係拖羅，油份重而且無筋嫁！
🔸磯漬鮑魚醃得超級入味，真係出乎意料之外，而且口感軟硬適中，食得出係誠意之作🤩

**********

廚師建議第一片可以先試下鮑魚嘅原味，之後再沾昆布牛油汁食，原味黎講就無咩特別，但加埋個汁食即刻加唔少分，係牛油香甜嘅味道🧈

**********

煮一碗好食嘅茶碗蒸絕對可以考驗到廚師嘅廚藝，依個茶碗蒸好滑而且材料亦都唔馬虎，加左蟹肉係面層令成件事高級左✨

**********

煎甘鯛通常係高級日本懷石料理嘅餐廳先會出現，所以絕對對得住米芝蓮推介嘅殊榮，廚師用左新鮮日本甘鯛，連鱗帶肉以半煎炸嘅方式烹調，令魚鱗炸到立起身，本身以為會好扎口點知反而係酥脆嘅口感😳另外伴上味道濃烈嘅雲丹汁及紫蘇花，令層次更加豐富！

**********

五件由廚師發板嘅壽司都好出色，分別係金目鯛、活帆立貝、A5佐賀和牛、牡丹蝦及白海膽壽司，食完已經有九成飽🤪
🔸活帆立貝好厚身，帶有鮮甜嘅味道🙌🏻
🔸A5佐賀和牛雖然係生嘅，但係牛味都好明顯，而且油脂分布都好平均！如果可以係表面輕輕炙燒，油香應該會更出🐮
🔸牡丹蝦壽司係全晚其中一樣最有驚喜嘅菜式，將蝦頭膏肉挑出黎再放係牡丹蝦上，係超級濃郁嘅蝦味🦐
🔸今次嘅白海膽係季節限定，屬於拍賣級水平，出面唔係咁易食到嫁🌊

**********

平時食omakase通常都係跟面豉湯，但今次係奶白豆腐鮮魚湯，感覺比較特別🐟

**********

甜品方面都好正，有紅豆綠茶蛋糕、蕨餅及日本士多啤梨，個蕨餅好好味，拍得住啲專門綠茶甜品店，係一個好滿足嘅ending🍵🍓

銅鑼灣高質誠意Omakase🍣🥢
—————————————————————
𓊡前菜(3種盛)
《太空粟米🌽》
第一次食 原來生食都得
帶有無比的脆口感之餘 非常甜美
《甜番薯🍠》
質地軟綿 又香又甜
《鮟鱇魚肝》
果然係高級日本食材 又名「海中肥鵝肝」
綿密嫩滑 入口即融
.
𓊡刺身(8種盛)
店員先上一碟自家製的鰹魚碎豉油
用黎點刺身特別鮮甜
每款魚生都好厚切 勁大方
《長崎縣米崎真蠔🦪》
飽滿肥美 很creamy 有夠鮮味
《銀鱈魚》
平時都是熱食 原來刺身都食到豐腴油分 嫩滑不膩口
《金目鯛》
油脂含量適中 肉質細膩 味道鮮美
《池魚》
以Tataki碎切形式上 用紫菜包住 口感爽彈清新
《深海池魚進階版》
池魚肉質更為鮮嫩肥美 油分豐厚
《chutoro 中腹拖羅》
脂肪比例較高 魚香持久 滿口甘香
《ohtoro 大腹拖羅》
大拖羅更加多魚油 脂肪分佈好似雪花咁 入口即溶
《鮮帆立貝》
新鮮甘甜 肉質嫩滑
.
𓊡壽司(5貫)
《梭子魚﹑金線魚﹑苗魚》
當中比較少見都應該係日本金線魚
有d似我地本土既紅衫魚 食落好彈牙
《牡丹蝦 x 蟹膏醬》
呢個重口味食完好有記憶 蟹膏真係好正
《白蝦 x 馬糞海膽》
海膽控又點可以放過呢個
.
𓊡煮物
《清酒煮大蜆》
呢個無乜大驚喜 蜆肉鮮甜
《鮑魚》
用牛油昆布汁燒🧈 好入味啊
爽嫩易咬又唔韌
.
𓊡碗物
用日本直送新鮮魚熬製濃魚湯
絕無添加味精 面頭都見到非常濃厚的膠原蛋白
.
𓊡果物
日本當造水果
車厘子🍒巨蜂提子🍇香印青提 柑
.
玄鮨 (銅鑼灣)
📍銅鑼灣開平道1號Cubus 7樓
—————————————————————
#銅鑼灣美食 #銅鑼灣 #銅鑼灣好去處 #causewaybay #causewaybayfood #cwbfood #cwb #hkfood #hongkongfood #852food #852foodie #852ig #香港好去處 #香港美食 #香港美食指南 #hkfoodie #hkfoodieblogger #hkiger #hkigfoodie #hongkongfood #食左先講 #presslogicholiday #presslogicgirls #新假期 #相機食先 #打卡 #omakasehk #omakase #玄鮨 #玄鮨香港

呢間之前食過覺得好好食，於是同男朋友再戰Omakase開心下。
今次食既係午餐商務版Omakase，仲可以坐壽司枱。前菜有麵豉青瓜、鮟鱇魚肝配蘿蔔蓉擺得好精緻，鮟鱇魚肝食落有少少似辣味午餐肉。
刺身環節華蓮蠔配柚子酸汁蠔即開，好肥美新鮮。
北海道活帆立貝配海葡萄帆立貝鮮甜，口感柔軟。
金目鯛配柚子胡椒有四種層次嘅味道: 炙燒既香味、醬汁既甜味、胡椒既刺激、魚肉既鮮美。刺身級銀鱈魚配紫菜漬無諗到刺身版既銀鱈魚係甘好味，魚肉軟腍，我更鍾意刺身版既銀鱈魚。熟食有汁煮沖繩豬肋骨擺盤有巧思，除左有十分軟腍既豬肋骨外，仲有紅蘿蔔、冬菇、玉米荀、蒟蒻、豆。壽司環節
海鰻壽司配日本即磨芝麻海鰻油脂豐富，芝麻味都好出。
右口魚邊壽司第一次食右口魚邊，真心好食，魚味香濃。
牡丹蝦配蝦膏壽司牡丹蝦膠質感重，配埋蝦膏食好奢侈。
湯葉配海膽湯葉即係腐竹，好濃豆味而且嫩滑，同鮮甜既海膽幾夾。
魚湯烏冬魚湯飲得出真材實料，烏冬亦煙韌。
最後食埋甜品，係果仁切餅，滿足地離開。