玄鮨

><
玄鮨
銅鑼灣開平道1號Cubus 7樓

品嘗拍賣級海膽

喺銅鑼灣Cubus嘅玄鮨，係米芝蓮推介嘅餐廳之一，魚貨每天由日本空運到港，保證新鮮！仲有拍賣級嘅海膽，海膽愛好者必試！

Dinner Omakase Set
包含前菜、刺身、和食、壽司、湯品、甜品，價錢由$1,3xx起，視乎當日的魚貨而定。
期間限定：惠顧滿$3,000 即減 $1,000！

前菜 – 日本甜薯、麥粒麵豉配青瓜、日本蕃茄冰菜沙律
以清爽的涼盤來喚醒舌頭上的味蕾！

刺身

帶子 – 甜美的帶子刺身加上海葡萄提升口感層次，再以檸檬鹽調味，Good！

炙燒石垣鯛 – 油脂豐富的石垣鯛一燒就出晒油，加埋蒜蓉真係勁惹味！

炙燒金目鯛 – 魚皮經火炙後更香口，以柚子胡椒調味，肉質細膩，味道鮮美！

炙燒銀鱈魚 – 刺身級的銀鱈魚魚油充足，加入昆布紫菜漬也難掩魚肉自帶的甜味！

藍鰭吞拿魚 中拖羅 – 油分適中無筋，魚味濃厚突出，啖啖甘香可口！

藍鰭吞拿魚 大拖羅 – 油分爆滿帶筋，入口即溶，極其肥美！

和食 – 甘鯛立鱗燒
魚鱗以半煎炸方式處理，炸至豎立，口感酥脆到不得了！而魚肉則保持柔嫩細滑多汁，鮮美無比，正！

壽司
白蝦 – 富山縣產的白蝦加入了紫蘇花，入口是滿滿的花香！

喜之次 – 嫩白的魚肉含豐富的魚脂，梅子鹽突出了喜之次鮮甜味！

池魚 – 鮮嫩而甘香細膩！

牡丹蝦 – 巨型的牡丹蝦再加上火炙過的蝦膏蝦腦，蝦甜味以幾何級數倍增！

美 極上 馬糞海膽 滝澤水產 – 拍賣級數的海膽，成交價約HK$6,000！顏色金黃富有光澤，而且極為厚身，味道濃厚甘甜，正！

謹製雲丹 瀨戶商店 – 另一盒拍賣級數的海膽，成交價更驚人，約HK$11,000！海膽顏色淺黃，外表結實肥厚，入口軟綿，近乎即化，甜味和香味於口腔內久久不散，真正回味無窮！

和食 – 汁煮沖繩豬肋骨
醬汁香味鮮味，食材都煮得很入味，豬肋骨軟腍可口，相當出色！

湯品 – 鮮魚湯
入口順滑，富濃郁的魚肉鮮味！

甜品 – 山梨縣珍珠巨峰、青橘果凍、柑桔
滿滿的天然果甜，日本生果真係冇得輸！

同朋友仔黎到銅鑼灣食omakase，揀左米芝連推介冒呢間玄鮨。商務lunch omakase set HKD1380，價錢略貴，但睇翻餐廳既位置，同佢地而家做緊既優惠，性價比都唔差。

前菜有鮮甜既螢光魷魚，配上口感細膩軟滑又鮮味十足鮟鱇魚肝

刺身有我愛既銀鱈魚同金目鯛！！銀鱈魚黎自日本，爽口脆身彈牙，而且帶有香而不膩既魚油香。金目鯛表面用火槍稍為燒過，令到本身既魚油溶左出黎，更香口。水母幾特別，口感似海蜇，比較爽口。

鴨胸煮湯底濃郁，鴨胸有咬口，大根清甜無渣，而且煮得好透。

跟住到重點既壽司！！4款都係我既最愛😍油香四溢又軟滑拖羅，少許脆身既新鮮牡丹蝦，鮮味同甜味並重既北海道海膽，同略為燒過既超香左口魚❤️❤️好幸福～～

最後有魚湯烏冬，奶白色既魚湯煮得幾鮮甜，但略為油膩。

甜品係海鹽雪糕夾餅，係櫻花既造型～雪糕既甜度好低，0罪惡感😉

最近好想食日本野~就嚟到銅鑼灣既~ 雖然專門食omakase同壽司，但係都有好多熟食選擇，有朋友仔唔食生野都無問題啦🥰
今日就揀左2號 同8號 。兩個套餐都有帶子裙邊同野菜沙律做前菜~
2號 就有8件壽司，茶碗蒸，湯烏冬同龍蝦麵豉湯。
唔係普通麵豉湯，而係龍蝦麵豉湯，有驚喜呀😙 件件壽司都勁新鮮，我最鍾意就係件海膽壽司，鮮甜唔會腥之餘，海膽既分量仲係平時海膽壽司既兩到三倍🤤

8號 壽喜燒餐少見地配上三色刺身，果然係貪心之選🥰 用得A5和牛，肉質就唔洗講🤤🤤🤤

最後仲可以揀甜點或咖啡，我地都揀左朱古力卷蛋。食埋甜點，一餐就好完滿😙

同家人去銅鑼灣行街，見到Cubus 有多間高尚食府，因為我鐘意食日式，所以最後揀左玄鮨，佢係一間米芝連指南推介餐廳，果然有水準！玄鮨位於Cubas 7樓全層，一出電梯，侍應好有禮貌咁招呼我地，見到我地有bb車，都安排左方便的位置俾我地，然後又問我地洗唔洗小朋友餐具，細心。
因為我地是第一次食，所以請侍應幫我哋介紹，咁佢就介紹左特上魚生套餐、和風套餐（是餐牌上第5及10號餐，因為是日本名稱，我就安住個名先啦）。兩個套餐都有前菜，有沙律、牛蒡、薯仔紅蘿蔔等，我想講，淨係前菜都已經要俾讚，因為好好味，每一款的味道都係特別的，唔似某d日式餐廳的前菜全都差唔多。最驚喜是特上魚生套餐係有拖羅，個種充滿魚油，入口即融的感覺，一試難忘。而和風套餐中，最驚喜係雞泡魚天婦羅，炸粉剛剛好，雞泡魚保持到鮮嫩肉質，正！各種刺身都十分新鮮，所以鮮味十足，好滿足。
我地打算下次試埋omakase ~

【超享受！高質Omakase午餐🇯🇵】

小編一向好鐘意日本菜🇯🇵 成日見到Omakase都好吸引好想試下，不過價錢都偏貴🥺 而今次就去到銅鑼灣既高級日本料理餐廳食午餐🥰 佢既形式都同omakase一樣，而且lunch set呢個質素黎講真係幾抵食💓

🌟 A5 Wagyu Beef Teriyaki ($560)
A5和牛用左煎既方式，配有甜鹹醬汁既點綴，完全突出到牛本身既高質素🐮 餐廳將和牛煎得恰到好處，做到軟綿，入口即溶既效果，配埋珍珠米食真係一流💓 伴碟亦有沙律菜清新口腔，所以整體唔會膩😚

🌟 Teishoku ($340)
呢個set有魚生、炸物同燒物，餐廳會每道菜分開上😛 天婦羅分別有魚、茄子同南瓜，整體香脆可口，絕對唔會油淋淋，而且唔會有油益味，非常推介🥰 燒物係燒鱈魚，店家用左甜既醬汁去燒，小編覺得有d似蜜糖🤣 魚既外面燒得非常香，而魚質keep住嫩滑，絕對唔乾！😋

🌟 Sashimi Set
今次小編揀既兩個lunch set都配有魚生拼盤🐟 不得不說佢既魚生非常新鮮，食得出海鮮本身既鮮甜，而且份量絕對唔吝嗇架😍 特別想讚佢既蝦，非常彈牙🦐 而且佢魚生其中一款魚都好特別，有輕輕用石板燒過魚皮，但同時無影響魚生本身既質感，所以有微微焦香得黎又鮮甜，非常特別👍🏻

餐廳既lunch set 都配有前菜、沙律、麵豉湯、以及咖啡或甜品🍰 不得不讚佢既麵豉湯好特別，有櫻花蝦作為點綴，鹹度適中～ 整體都非常高質素☺️

*另收加一服務費

味道：🌕🌕🌕🌕🌖
環境：🌕🌕🌕🌕🌗
價錢：🌕🌕🌕🌕🌑

前幾日放假同媽咪嚟到銅鑼灣食lunch～見到Cubus有咁多好嘢食😍我地揀左omakase試吓💕佢嘅lunch set大概$300至$500不等，食到高級日式料理🥰幾正👍🏻

一入餐廳就感受到日式嘅服務💕職員都好有禮貌🥰裝修幾舒服☺️環境幾乾淨🤗

沙律
前菜係沙律菜，仲有一杯蒸蛋🥚沙律菜幾新鮮🥗配埋芝麻醬，酸酸甜甜幾開胃😙蒸蛋中間有蘑菇同粉絲，幾香滑☺️

極上拖羅四重奏$520
有四種唔同嘅拖羅，包括赤身魚，姐係吞拿魚～大大件，食落幾新鮮😚仲有劍魚腩，肉質好滑☺️銀鱈魚係平時嘅日式餐廳好少見，係呢間日式餐廳嘅獨門刺身🍣食落好有鮮味🥰

佢除咗刺身，仲有一大碗丼飯～入面有中拖羅，肉質好嫩滑😍燒拖羅表面有醬油漬，燒得好香好惹味💕食落仲有啲肉汁出嚟添😆幾正👍🏻碎吞拿魚撈埋飯食幾香☺️食得好滋味😋

鹿兒島黑毛豚肉生薑燒$360
一大碟黑毛豚肉😆外層係脆卜卜嘅炸粉🤩入面係好Juicy嘅豚肉☺️一咬落去啲肉汁就出晒嚟😙面頭仲有炒香左嘅洋蔥同生薑，好好味😋佢配埋麵豉湯，飲落覺得好足料👍🏻仲有一大碗白飯添，好飽肚🤣

咖啡
除餐配送咖啡或者甜品🍰咖啡可以自己加奶🥛好香濃嘅咖啡☕️加埋奶好濃郁☺️甜甜地幾好飲👍🏻

綠茶蛋卷
綠茶味幾突出🍵蛋糕幾鬆軟🍰配埋綠茶cream，軟滑又好味😋

*
💭玄鮨

玄鮨是位於銅鑼灣得到四年米之蓮推介的日本餐廳😍午餐時分有多達10個套餐可選，所有午市套餐都附有前菜、沙律、麵豉湯及咖啡/甜品😍非常豐富🤤因為早前已嚐過刺身𝚍𝚘𝚗😋這次便選了熟食😋

前菜、沙律菜🥗
前菜是帶子裙邊，搭配的醬汁甜甜辣辣好惹味😋沙律菜配上芝麻醬十分開胃而且清新🤤

刺身🍣
熟食套餐也會有一客刺身作為前菜🤤有牡丹蝦、黑鯥魚和赤身。刺身非常新鮮，牡丹蝦晶凝通透，肥厚鮮甜😋黑鯥魚和赤身亦同樣是厚切😍

𝔸𝟝和牛照燒🐂
嫩滑的𝔸𝟝和牛配上濃濃的燒汁十分美味😍牛肉每一片都燒至𝕞𝕖𝕕𝕚𝕦𝕞🤤而且份量超多，要跟朋友分享才能清盤😋

鹿兒島黑豚生姜燒🐖
不是平常吃到的炒豚肉，餐廳把豚肉裹上少許炸粉再略炸，咬落香脆可口😋而且豚肉還很𝒿𝓊𝒾𝒸𝓎，不會乾巴巴的🤣

飽餐一頓後，可以選咖啡或者甜品作結，甜品是一個朱古力蛋捲😍朱古力味濃且質感鬆軟，小小的一個不怕會吃滯😋

總結餐廳環境乾淨闊落，員工服務良好，又樂於講解每一道菜式☺️👍🏻

近排睇得太多omakase，令到我亦很想去試一下，於是的起心肝搵一間好的日本餐廳和朋友過下癮。在眾多選擇下，我在網上看到一間曾連續五年奪得米芝連推介，位於銅鑼灣的「玄鮨」，其lunch 時段的omakase非常抵食，絕對要襯這個優惠時間嚐一下。

上到玄鮨後，餐廳環境是走日式和西式的fusion感，所以坐得相當舒服。我們安坐後，職員非常有禮向我們介紹餐牌，我們一早已經想好，要試試這裡的omakase！Lunch 時段的商務級omakase 並不昂貴，大概$1100 左右，以玄鮨的級數絕對值得一試。

◉ 1. 熱茶
日本餐，第一口的熱茶是非常重要。一杯好的熱茶可以先讓你清洗味蕾，暖暖個胃。值得一讚的是，玄鮨會每隔兩道菜左右就會更替熱菜，保持茶香，所以茶就不會愈飲愈淡。

◉ 2. 前菜（螢光魷魚、冰頭漬）
打頭陣的前菜為兩款魚食，分別為螢光魷魚及冰頭漬。螢光魷魚色澤通透，玄鮨用其特製醬油來炮製螢光魷魚，口感極其滑爽，而且咬下去一下爆膏，超鮮甜的魚香味在口中散發，非常醒胃。店長亦教導我們，前菜要先食螢光魷魚，之後再食冰頭漬。冰頭漬為三文魚的頭軟骨，透明狀而似小冰塊，入口非常爽脆，食得出豐富骨膠原的感覺，其酸酸甜甜的味道作為前菜的結尾可以為口腔清新一下。

◉ 3. 刺身 （新鮮帶子、金目鯛、縞鰺、赤蝦）
前菜過後就到刺身環節。今日有四款刺身，分別是新鮮帶子、金目鯛、縞鰺及赤蝦。帶子刺身食落非常爽口，其爽口的感覺並不是一般帶子那種膠滑感，明顯食得出其分別。金目鯛的油脂比例適中，肉質細膩，食一口便知道其一定擁有豐富的蛋白質。至於縞鰺，縞鰺被稱為深海的池魚皇，在一般的壽司店並不常見。縞鰺的精貴之處在於魚肉鮮嫩肥美，魚油甘香細膩，單是一兩片的縞鰺刺身都能帶出令人齒頰留香的餘味，一試難忘。

◉ 4. 熱食（豚角煮）
來一碗熱食曖曖胃。玄鮨準備了豚角煮，採用了日本的黑毛豬作食材。從外觀上可見，黑毛豬的肥瘦相當均勻，而入口能夠做到皮爽肉滑，完全不用多加咀嚼。加上，豚角煮的醬油做得甜鹹剛好，完全融入於黑毛豬當中，其豬油及醬汁交融之下令到其味道發揮至極致。其配菜亦是做得相當有心，豚角煮內的蘿蔔煮得極為滑溜，口感完全不像普通蘿蔔那種粗糙感。師傅在熱食的處理手法中並無馬虎，亦能體現出玄鮨和其師傅的功力。

◉ 5. 壽司（血引魚、金線雕、右口魚裙邊、海膽）
Omakase 準備的壽司都是非常罕見，特別是其魚類的選擇。今日四款魚有三款我都是第一次嘗試，好食得來又可以增長見識。血引魚食落的感覺比起拖羅更佳，油脂感較少，但食落甘甜味更勝拖羅，做到濃而不膩的效果。金線雕，其實是我們香港所說的紅衫魚。用紅衫魚來做壽司真的是第一次試，味道非常鮮甜，魚味十足卻沒有半點腥味，在家常便飯食到的紅衫魚味與在玄鮨食這道金線雕壽司比較，簡直是衝擊了我對紅衫魚的認知。左口魚平時就食得多，比較之外，右口魚油質感固然一流而肉質卻比前者更加滑溜，加上右口魚產量比左口魚少得多，味道和價值上完全勝出。海膽則是非常清新，絲毫苦澀味都食不出，食材絕對上佳。

以玄鮨這個級數，壽司用上赤醋飯這個當然是基本吧，不用多講。

◉ 6. 熱食（魚湯鳥冬）
食完壽司，再來多一道熱食，就是魚湯鳥冬。別以為魚湯鳥冬外表平平無奇，重點是其極其濃郁的魚湯，飲一口實在是回味無窮。即使幾飽都好，這碗魚湯都是絕對不可以浪費的。

◉ 7. 日本豆乳抹茶切餅
最後一道就以日本切餅作結尾。豆乳抹茶切餅清清的，不會過甜或過膩，以免搶掉剛才的鮮味。

玄鮨每一道菜式都處理得非常用心，即使是商務級 Omakase 亦絕不馬虎，足見曾連續五年奪得米芝連推介的雄厚功力。
–
玄鮨 (日本菜, 壽司/刺身, 廚師發辦)
銅鑼灣開平道1號Cubus 7樓

在網上看到這間有名的壽司店出了優惠，消費滿３６００元，就可以減１０００元，最近剛好賺了點小錢，就決定帶媽媽去大吃一餐了！

這次就選了２５００元的廚師發辦！

前菜
一共有三款小吃提供，分別是黃金番薯，冰頭漬和鮟鱇鱼肝。師傅表示要先吃黃金番薯，然後吃鮟鱇魚肝，最後才吃冰頭漬。

黃金番薯吃起來非常棉滑無渣，甜度高，番薯香味十足！

鮟鱇魚肝吃起來入口即化，脂香味十足，而且一點點的蔥花更能突出鮟鱇魚肝的香味！

冰頭漬，一開始完全不知道是什麼，問了師傅才知道，原來是三文魚魚頭的鼻的軟骨部位，這真的是完全想不到原來這個地方也是可以吃的！這個味道吃起來帶點酸，因為是漬的關係，質感是比較爽滑的，很清新開胃！

接著是刺身環節。師傅預先弄好了一些漬物來作擺盤，亦可以拿來去除一下口中的味道！分別有茄子漬軟嫩酸甜，淮山漬香濃，蓮藕漬爽脆和最後特別的柚子蘿蔔漬酸甜中帶柚子香！

生蠔
這個是來自日本岩手縣生蠔名為令和の怪物，是最近比較熱門的生蠔，這裡的吃法是配上日式酸汁，然後再生蠔上面放上辣蘿蔔碎來一起吃的，生蠔吃起來比較爽滑，海水味比較淡，而且酸汁的酸更能突顯出蠔的鮮甜！

北海道白松貝
只看名字可能不知道是什麼，但其實他就是象拔蚌，這是日本的叫法！師傅用上了岩鹽，柚子皮和日本香草來幫白松貝來調味，吃起來是嫩滑帶中點爽口，岩鹽突出了他的鮮甜味，還可以吃出陣陣柚子香！配上日本香草的，味道就會比較濃烈！

(貢心魚)
這個忘了問師傅的名單怎寫，只記得是這個同音，這個的配搭上柚子胡椒，魚的部位是魚腩，吃起來非常嫩滑，有油香，魚香濃烈，餘香還有點柚子香！

赤鯥
赤鯥是日本高級魚種，通常只會在高級料理店才會吃到，肉質細膩油脂重， 這裡還辣蘿蔔加蔥花食法，再經過火灸，燒香了魚的外皮，吃起來非常幼滑，油香十足，入口即溶！

藍鰭吞拿魚
在弄這個的途中，師傅還跟我們科普了一下吞拿魚的種類，一般便宜的很多都是大眼吞拿魚，其次是好一點的黃鰭吞拿魚但就是味道淡一些，然後最好的是藍鰭吞拿魚，但這個又有分戚養殖的或天然的，那麼天然是最好的。 而今天的是係天然的，價錢比養殖的貴很多，而且不是每天都有貨，必須要預訂才有！
天然的藍鰭吞拿魚會有比較多的筋，非常考驗師父處理魚肉的功力！這次吃的部位是中拖羅的部分，由於是天然的關係，比平常的更加肥美，又能感受到魚肉的香，比單純吃大拖羅的好，不會吃到滿口都是油的感覺，魚味較重，且天然的酸味也少很多！當然價錢也比普通的貴３到４倍了聽師傅在說！

刺身完結，就到了熟食時候了！

鮑魚海坊煮
首先整個擺盤都很漂亮，用上了仿鮑魚殼的碟來放整隻鮑魚，環環相扣的感覺！這個鮑魚肉質爽滑，單吃會有淡淡的鮑魚香，然再配上用牛油加昆布和鮑魚汁一起煮成的特製醬汁，裡面還加上了海草，醬汁緊緊地包裹著鮑完，吃起來特別鮮甜多汁的感覺，鮮味十足，比單吃鮑魚更加好吃，我非常喜歡！

中途師傅表示剛好來了新的吞拿魚，叫我們可以去看看怎樣處理，那個油花，魚的新鮮程度，都非常好，真的是大開眼界！

煎金邊
師傅表示這個是仿米芝蓮菜式，大約有原版的七至八成的水平，金邊肉非常厚，但吃起來是非常嫩滑的，魚味十足，然後被煎到香脆的魚鱗配合魚肉一起吃，為魚肉增加了香脆的口感，然後再配上鮮甜的海膽醬，更為魚肉增加了不少的鮮甜味！

蟹肉茶碗蒸
這個小小的茶碗蒸也吃出水平非常的高，最面的是海鮮汁，加入了大量蟹肉和蟹子，醬汁超級香甜，拌著下面的雞蛋一起吃，海鮮的風味大大提升了，而且雞蛋入口即化帶來陣陣的雞蛋香，還有雞蛋內還配有香茹，素翅和豬肉，為茶碗蒸增加了不少的口感和香味，想不到小小的茶碗蒸也能有那麼多的變化！

接著到壽司環節！壽司飯選用了七星米配上師傅特別調製的醋弄成，醬油也是一樣！

金鱔鯛壽司
師傅先加上了特製醬油，然後用上了火槍燒一下外皮，令魚皮變得緊緻，又加增了魚的焦香感，魚肉嫩滑有魚味，雖然是屬於淡身魚，但吃起來味道依然很突出！

右口魚邊壽司
平常都是吃左口魚，還真的是第一次聽說有右口魚，師傅介紹它的纖維比左口魚更少，吃起來會更嫩滑。 師傅也是用上了火炙的技巧，醬油既焦香慢慢滲透進右口魚邊內，而內裡的油脂經過加熱後逐漸變成半溶化的狀況，所以吃起來完全入口即溶，然後就是滿口的魚香油香，而微酸的壽司飯更能突出本身的魚香，還加了梅子蘿蔔蓉可中和一下油膩感！

佐賀Ａ5級和牛壽司
Ａ５級和牛的油花分佈真的很美，而師傅用上了他本人特別的切法，把Ａ５級和牛切成一邊厚一邊薄，然後再經過火炙後，和牛大約是一成熟的樣子，再組合成壽司。和牛面上還放有一點蒜，吃起來和牛會有一半先在口中慢慢溶化，油香十足，然後另一半還能保留點肉感，，非常軟嫩，一口就能感受到兩種不同的感覺，而蒜味令和牛更加惹味！和牛配飯真的是絕配！

牡丹蝦壽司
這個牡丹蝦壽司跟傳統的不同，經過師傅改良後，原有的生蝦膏被燒到七至八成熟，整個場地都聞到濃濃的蝦膏香味，然後再混蔥，最後再放到牡丹蝦的上面，最後再放上了金箔作點綴。牡丹蝦吃起來嫩滑中帶點彈牙，蝦鮮味十足，香甜可口，再配上濃香幼滑的蝦膏，為原本單調的牡丹蝦壽司提高了層次，口感更加豐富，鮮味更足！

海膽壽司
最後一款壽司，師傅表示給我們試試兩款不同質素的海膽壽司，一款是普通的海膽，一款是拍賣級的海膽。

普通的海膽壽司，會撒上岩鹽去調出海膽本身的鮮甜味，海膽入口即化滿口鮮味。

拍賣級海膽壽司
師傅加了紫菜碎去仿海膽的造型，然後會再海膽上加淡雪鹽，這個鹽是比較高級的日本鹽，味道較淡的，慢慢調起海膽的香味，又不會搶去本身海膽的鮮味，而且這個海膽的餘香會停留在口中一段長時間，比普通的更能感受到海膽滋味，真正的齒頰留香，難怪可以叫為拍賣級別，真的大開眼界！

魚湯
師傅當天用不完的料會全部拿去煮湯，這碗就是最終的精華成品，魚湯奶白色，不帶一點油，喝起來滿口都是魚的鮮味，面上的蔥白絲又為魚湯增加了蔥香，還有一大片魚肉，非常嫩滑。最底下還有滑嫩的豆腐，果然魚湯配豆腐真的一絕！

甜點
今天的甜點一共有３款，有已經處理好的橙和日本士多啤梨，都非常香甜，而還有抹茶紅豆蕨餅，這裡的蕨餅吃起來比平常的更加彈牙，配上的抹茶紅豆既濃香又幼滑，作為晚餐的終結就剛剛好了！

Happy Friday! 又到左一個星期最後一個工作天，今次想好好獎勵下自己，所以就黎呢間位於銅鑼灣開平道既高級日本料理玄鮨食師傅發辦！

記得大概一年前黎過呢度一次，個次係食普通午市套餐。平日有午市套餐餐牌，有10 款選擇，有刺身，丼飯，和牛燒，黑豚生姜燒等。每個餐包前菜，茶碗蒸，咖啡或甜品。價位由$380至$590不等，另收加一。

我地每人叫一個$480既壽司Set Lunch，實行有福同享，有野同食！壽司Set Lunch包八件師傅發辦壽司，最鍾意佢哋一件一件上，之後介紹吓食材俾你知，等你食完一件先再上另一件，等你可以食到壽司最新鮮嗰刻，簡直係絕頂享受！食師傅發辦梗係坐喺壽司吧，可以邊食邊睇師傅表演。師傅仲提供醃左既酸辣白蘿蔔粒等你清清味蕾，食完會幫你添。

招牌沙律，前菜同茶碗蒸一字排開咁一次過上哂俾你，幾壯觀。

招牌沙律係新鮮爽脆沙律菜，一粒車厘茄切半同兩塊青瓜。加上日式胡麻醬，開胃好味。

前菜有兩款，分別係帶子裙邊同蓮藕紅蘿蔔。帶子裙邊都唔算過韌，蓮藕紅蘿蔔爽口同醃甜左。

茶碗蒸賣相唔錯，配料有一片冬菇，一粒瑤柱，少見嘅粉絲，同少少蔥。如果可以滑啲就更好。

終於到主角出場！

第一貫係日本尾長鯛，上面配左少少紫菜漬。尾長鯛刺身都幾厚切，好鮮味，食得出係新鮮！

第二貫係日本金目鯛配柚子胡椒。金目鯛超長又厚，仲有靚靚嘅魚皮，金目鯛鮮甜配少少鹹嘅柚子胡椒，味道幾夾。

第三貫係日本赤身拖羅。赤身拖羅本身魚味好濃，師傅已經點左豉油，味道好好。質感入口即化，好少食到咁高質嘅赤身。

第四貫係日本黑鯥。仲見到有黑鯥既黑魚皮，魚生好厚好嫩滑。

第五貫係日本活帆立貝配芥辣漬。帆立貝又大又厚，好鮮甜，正！

第六貫係日本牡丹蝦配火炙蝦膏。師傅先將蝦膏火炙吓，之後放好牡丹蝦同壽司飯喺我哋隻碟，先再喺我哋面前放上火炙蝦膏。牡丹蝦超鮮甜嫩滑，加埋鹹香嘅蝦膏，超正！

第七貫係大拖羅。師傅喺大拖羅上面掃左一層豉油，之後再喺上面加左少量芥末。大拖羅入口即化，好肥美！基本上冇筋！

最後一貫係日本拍賣形式馬糞海膽。馬糞海膽連壽司飯放喺兩隻好精緻嘅碗仔上面，師傅喺上面撒左少少紫菜碎。馬糞海膽份量超多，鮮甜滑溜，超級高質！拍賣形式即係要拍賣返黎，夠特別！

基本上全部壽司都好好味，新鮮高質，而且貴價食材都有唔少！全部壽司飯量都好少，唔會過飽。壽司飯加左豉油，不過無芥末，可以自己隨意再加。

跟餐熱烏冬係幼滑嗰款，配上其他爽脆菜絲一齊食，口感好好。湯底係清甜嘅鰹魚湯，另外附上一小盒七味粉俾你自己調味，我就覺得唔洗。

午餐包咖啡或者甜品，我地當然要甜品。甜品係一小件朱古力卷蛋。蛋糕軟硬適中，中間嘅朱古力忌廉好香滑。雖然係跟餐甜品，但係都唔係一般貨色。

本來都以為未必飽，但係食哂所有野其實都幾飽。

座位舒適，裝修環境都唔錯。服務亦快手。雖然價錢唔係平，但係有咁嘅質素同服務環境，都算抵食。平日午餐人流唔少，要預先訂位。

今次我去左銅鑼灣既玄鮨食午餐，玄鮨係一間高級日本餐廳，餐廳既裝修時尚，有日本風格。中午黎食飯既時候都見到好多上班族黎食野，證明餐廳都幾受人歡迎。

一坐低店員就比左個Lunch Set 餐牌俾我地，我點左一個Hokkaidon Set同一個Sushi Set Lunch。

佢依到每個set lunch都跟前菜，今次既前菜有沙律，帶子裙邊同蓮藕。沙律菜好新鮮，帶子裙邊爽口彈牙，有少少帶子香味。蓮藕就調得比較咸，但好入味。蒸蛋就好滑，同有粉絲，蝦同冬菇，真材實料。

Hokkaidon Set有好多海膽，海膽入口好甘香，帶少少甜，完全唔腥，好好味。三文魚子方面味道帶少少咸，有魚既鮮味，同樣完全唔腥，送飯一流。帶子份量都唔少，帶少少鮮甜。飯方面，粒粒分明，幾好味。依個餐仲有個龍蝦味噌湯送。

Sushi Set Lunch有唔少壽司，仲有海膽，帶子等等，用料十足，絕對係超值。依個餐仲有個烏冬送，烏冬入口都好彈牙。

最後仲有甜品送，個甜品都好好味，有好香香蕉味，唔會太過甜。

今次餐飯好滿足呀，價錢同食物質素都好合理，下次再黎會試試其他餐。

💕銅鑼灣開平道1號Cubus 7樓
#hkfoodie #hkfoodblogger #foodporn #followforfollow #hkfood #hongkongfoodie #hkfoodlover #hkig #香港美食 #hkgirl #igfoodie #hkblogger #hungry #foodphotography #holiday #foodstagram #hongkong #手機食先 #likeforlike

又到一星期尾， happy Friday!
今日老板心情靚，跟他去食午餐，日本菜，當然由老板請啦！
和風套餐
首先是前菜兩款：蓮藕片和帶子裙邊。
清新蕃茄菜沙律。
又滑又香的茶碗蒸，津津有味！

跟著是三款刺身，鮮甜味美。好喜歡拖羅，油脂滿溢，徘徊在口腔內。

天婦羅三款，其中最喜歡炸蝦，粉漿通透，不油不膩，香口惹味。

西京燒銀雪魚，魚肉一片片入口即化的口感，太美味！加上肉質細緻、油脂豐厚、多汁，用簡單的味噌醬醃漬後，甜甜鹹鹹的味道正好配飯，一流。
壽司套餐
老板點了壽司，共有八款。
我也試了海膽，甘香綿綿，入口溶化。
其他壽司色澤有光彩，質素好。

山菜烏冬也不遜色，彈牙的烏冬配上高雅的山菜，味道簡單又出眾。

飯後甜品係日式小蛋糕，細細件份量剛好！香濃又不甜膩，好味！

Omakase初體驗，係銅鑼灣嘅玄鮨係連續幾年米芝連嘅推介餐廳。舒服嘅環境，專業嘅師傅，高質嘅食材，造就一次完美嘅體驗。

前菜
有茶碗蒸，芝麻醬沙律，帶子裙邊同埋日本黃金甜薯。茶碗蒸嘅蛋非常之滑，保持温度。帶子裙邊入味濃郁，口感爽口。

壽司 Sushi Lunch Set
但我哋係以omakase 嘅形式嘅。師傅會逐件逐件壽司介紹同即席製作，呢個就係Omakase嘅特別之處。以活帆立貝壽司作為開始，跟住係活八爪魚觸腳，赤目，深海池魚，金目錭，銀雪魚，牧丹蝦，最後以海膽為完結。活帆立貝厚身，入口非常滿足。所以魚生都非常新鮮，連我平日非常抗拒嘅人，都讚不絕口。海膽壽司更有金箔作為點綴，更上一層樓！

最後部分
有昆布烏冬，口感滑溜，煙韌！我哋選擇左甜品為今日畫上完美句號，綠茶蛋糕入口甜美。

玄鮨 (銅鑼灣)

前菜
首先上菜既三道前菜，師傅建議按以下次序進食麻醬蕃茄冰菜、日本甜薯、鮟鱇魚肝。蕃茄冰菜清爽開胃，日本甜薯綿密香甜，魚肝帶有咸咸既鮮味，作為開胃菜十分適合。

刺身
時令生蠔爽口鮮甜，帶有浸浸海水味
金線鯛比較軟身同清甜，黑鯥就比較上爽口，有口感
牡丹蝦新鮮肉質彈牙，而且蝦頭仲有蝦膏
大拖羅油脂豐富，接近入口即溶嘅感覺

熱食
燒金鯛將魚鱗煎至香脆，又保持住魚肉唔會過熟。即刻可以選擇食或唔食魚鱗部分，醬汁係用海膽製成，令到魚嘅鮮味更加提升。
而上面既花為食用花，食落有紫蘇嘅味道。

壽司
有鱸魚、石雕、海膽、喜知次，壽司飯唔會好大舊，而且經過調味，可以唔點豉油食都得。其他嘅壽司都好食，但最好食嘅都係海膽，一啖食落去，成口都係海膽嘅甜味，

汁煮沖繩豬肋骨
用咗日式烹煮方法去豬肋骨，連埋蒟蒻、蘿蔔、冬菇、粟米仔、甜豆等配料。微甜嘅醬汁令到豬肋骨味道更豐富。

魚湯
用咗刺身魚嘅魚骨同魚頭熬製而成，並無另外添加味精，魚湯撈到奶白色，飲落有濃郁嘅魚味。

時令日本水果
有青橘子果凍，紅提、青提、橘子、車厘子。全部水果都來自日本，食咗咁多美食之後，最啱就用水果完結呢一餐。

📍 玄鮨 (銅鑼灣)
銅鑼灣開平道1號Cubus 7樓

向來都好鍾意食日本菜，所以每次約朋友都會提議去日本餐廳。見到這間日本餐廳的菜式非常精緻，就和朋友去一趟！
一進去已經覺得餐廳好寬趟，而且非常舒適。原來他們米芝蓮推介的餐廳！

平日和假日lunch都有set lunch點的，價錢都相當合理。和朋友分別點了teishoku（和風set）及鹿兒島黑豚肉生姜燒set、2款都非常有驚喜！

而這2款lunch set的前菜都包了sashimi和沙律，個人認為sashimi是必點，非常出色！

只是前菜，都非常豐富，有沙律、sashimi和帶子邊小吃😋

sashimi前菜有帶子、吞拿魚及劍魚，每一款都好新鮮。特別喜歡劍魚，脂肪比例好均勻，有少少入口即溶的感覺幾有咬口。帶子亦加了青檸香味，更帶出鮮甜味。

和風餐非常豐富，有天婦羅+銀鱈魚!天婦羅皮薄脆，本身調了味，所以本身都好夠味，不用點醬汁。特別喜歡甜香的炸日本蕃薯，以及鮮蝦。

銀鱈魚同樣高質+製作用心。燒到微香的厚魚肉質感好滑，而且軟嫩，送飯一流😋

另外鹿兒島黑豚肉生姜燒亦非常用心，好小會覺得豬扒如此好食！

餐廳用豬扒切片整，豬肉肥瘦適中，外皮煎得香脆，內裡軟嫩，有點入口即溶得感覺。撈上入味的洋蔥一起吃，非常滋味😋😋

還有他們的湯並非普通麵豉湯，而是櫻花蝦湯，香濃的蝦味，第一次咁欣賞日本湯！

最後還有甜品/咖啡，甜品非常特別，外表標緻之餘脆皮內夾了綠茶雪糕😋

PS 他們的服務也一流，會不斷睇到你們有什麼需要，即時幫您處理🤩

原來他們還有限時promotion，已bookmark再來😉😉😉

第四波疫情又再放緩，由這一分鐘開始計起春風秋雨間嘅無間彈出彈入實在令人疲憊不堪，好趁今日就同伴侶嚟到銅鑼灣呢一間喺 2014 至 2018 年連續五年攞咗米芝蓮指南推介餐廳食番餐好日，除咗星期三無飛機之外，呢間餐廳每日都會由飛機運送嚟自日本嘅時令食材，每日晏晝四點鐘喺機場落貨，大約六點左右鮮魚就會送到店內，最新鮮嘅漁貨喺捕撈嘅同一日就能夠送抵餐廳，可想而知啲魚係有幾咁新鮮。

餐廳嘅右手邊係一張好大嘅吧枱，可以欣賞師傅精湛嘅刀工同埋廚藝，吧檯對面有一個坐到大約十個人嘅 VIP 房，我哋坐喺大廳嘅正中央，正好可以宏觀四周嘅環境，今日嘅 Omakase 價錢落喺 2200蚊左右，店員問過我哋有無啲乜嘢唔食或者敏感之後就開始去準備。

前菜(3種盛)，食嘅次序係鮟鱇魚肝、黑糖黑豆、三色鴨胸卷。

鮟鱇魚肝，鮟鱇魚又名燈籠魚，係一種營養價值好高嘅深海魚，含豐富維他命A同大量膠原蛋白，有抗衰老、促進新陳代謝，預防高血壓等作用，肝皮肉鰭頭，無一不吃。鮟鱇魚外表醜陋，長相同左口魚相似，特別之處在於有一支由前背鰭演化而成嘅發光釣竿，釣竿頂端內有上百萬隻嘅發光菌，狀似小魚發出嘅亮光吸引小生物成為佢地嘅食物。雄性鮟鱇魚嘅消化組織喺成年之後會失去功能，當一隻瘦小嘅雄魚想要交配時，就會隨氣味找尋雌鮟鱇，並咬住雌鮟鱇嘅下方，兩條魚嘅組織血管會逐漸相通，伺機交配，而雄性嘅身體器官除咗精巢之外會逐漸消失，最後變成雌魚身上嘅一個肉突。鮟鱇魚肝臟嘅尺寸好大，幾乎佔咗身體嘅三分之一，有海底鵝肝之稱。廚師喺魚肝上面以辣蘿蔔蓉同細蔥作點綴，底下伴以日本醋同吃，整體感覺味道鮮美，口感細嫩，魚肝漸漸喺口腔裏面融化，散發住肝類獨有嘅香氣，縈繞久久不散。

黑糖黑豆，黑豆上面有銀箔作點綴，賣相貴氣，黑豆口感紮實，喺黑糖嘅包裹之下，攞到應有嘅分數。

三色鴨胸卷，鴨胸卷包住嘅材料有京蔥同紅蘿蔔，上面仲有少少沙律醬，我覺得襯埋隔離嘅一小片薄荷葉一齊食，感覺更加清新。

跟住落嚟嘅係剌身 (6種盛)，右下角開始分別有愛侶魚、大拖羅、赤身、目仁奈、銀鱈魚同埋氣仙沼生蠔，以剌身嘅鮮活清淡濃重油份口感等區分，我覺得最佳嘅進食次序如下。

愛侶魚，以清淡嘅愛侶魚作為開始實屬最好不過，愛侶魚口感爽脆而帶嚼勁，爽中帶軟，甜香淡淡。生魚片包住嘅係香蔥同埋肝醬，愛侶魚同肝醬不帶半點違和感。

目仁奈，目仁奈出沒喺南部九洲一帶嘅海域，喺白身魚中，屬魚味較重嘅種類，魚肉表面晶瑩剔透，慣常以薑蓉同吃，其油分唔會太重，肉質軟韌適中，作為刺身係濃濃嘅魚味同獨有嘅口感。

「氣仙沼大島」生蠔，宮城縣嘅蠔養殖歷史可以追朔到十六世紀，宮城縣嘅蠔出貨量高居日本第二，僅次於廣島縣，不過廣島縣所產嘅蠔大多係加熱食用，宮城縣嘅蠔就幾乎都係作為生食，特點係雜味少、較甜而且鮮味強，一個字「鮮」。

赤身，吞拿魚為大型魚類，部位唔同，油脂嘅分佈同味道都會有所不同，深紅色嘅赤身主要係魚側同埋魚背，油脂較少，口味清爽，可以確實地感受到赤身嘅美味 。

大拖羅，大拖羅喺吞拿魚腩最前位置，由於魚腩位運動量少，最容易積聚脂肪，係成條魚最肥美嘅部分。大拖羅油分多，但筋位亦較多，故相對較有咬口。拖羅嘅筋由魚胶位開始，由粗到幼，一直延申至中拖羅部位，魚肉呈粉紅帶白色網紋嘅筋，中間肌理分明，有如和牛般嘅霜降效果，網紋肉筋不費半點嚼勁，入口鬆化即溶，肉質油潤而軟滑。

銀鱈魚，色澤光潤嘅銀鱈魚，放喺碟上面已經可以見到佢嘅肉身泛住油光，我之前都唔知道原來銀鱈魚係可以生食嘅，以為來來去去，唔係西京燒就係香煎，師傅用明火喺生魚片上面輕輕一拉，被輕輕火炙嘅銀鱈魚油份極重，呈半生熟嘅狀態，入口發現油香更加係不之得了，肉質軟綿，又甜又滑，而且保留到少少平時熟食銀鱈魚嗰種一梭梭嘅質感。平日煮熟銀鱈魚先至有嘅鮮甜，生食原來仲明顯，而且，刺身嘅肥美程度，令魚肉帶豐腴油分而不膩口，口感有啲似拖羅，但係更勝拖羅，我，搵番我嘅初戀。

香煎鵝肝帶子，最底下係炸過嘅紫菜，中間係仍然保持住流心狀態嘅日本帶子，最頂層係肥美嘅鵝肝，旁有一小撮橄欖醬用嚟提味，鵝肝同帶子夾埋一齊食都係第一次，估唔到兩者係咁和諧，底下嘅炸紫菜經過鵝油嘅洗禮都依然保持香脆，值得一讚。

甘鯛魚配海膽忌廉汁，甘鯛魚亦稱日本馬頭魚，頭形方方正正，非常易認，以味道鮮甜聞名，盛產於日本中部一帶。甘鯛係割烹料理同刺身嘅時令食材，其魚鱗呈淡紅色，魚肉稠密，做刺身口感較為黏滑，但係用嚟熟食則肉質綿密滑溜，更為鮮甜及有彈性。佢嘅特別之處在於連魚鱗都食得，將甘鯛連魚鱗放入滾油中一炸，口感奇脆無比，而且片片魚鱗豎起呢個造型，有如笠上蓑衣一樣，係高級居酒屋先至呈現到嘅一流賣相。

白子，日本人稱魚嘅精子為白子，係日本人冬日嘅補身良品，因含豐富蛋白質、維他命D等，有滋陰養顏之效，有日本人更視之為女人美膚之寶。白子放入滾水略灼後再立即放入冰水浸，以保持其緊緻爽滑嘅質感，入口感覺細膩幼滑，口感呈奶油同膠狀，好有特色，令人一試難忘。師傅用日式酸汁、淺蔥、辣蘿蔔泥同海葡萄嚟調味， 日式酸汁去腥，同時亦能提鮮，再用少少洋葱墊底吸味，係好好嘅處理方法。

壽司 (6貫)，由左上角起係金線鯛、煙燻鯖魚、海膽併三文魚籽、帶子、牡丹蝦同埋銀鱈魚，各式鮮活，令人期待。

金線鯛壽司，上面係醬油昆布漬，望落個魚皮經已覺得熟口熟面，後嚟上網翻查，原來金線鯛同我地香港人由細食到大嘅紅衫魚係同科，攞嚟蕃茄煮蛋就食得多，刺身真係第一次試，生魚皮上面嘅紅黃花紋，好似有幾道金線咁，睇落閃令令，唔只賣相吸引，更有淡淡魚肉嘅鮮甜，口感結實有彈性，淡淡餘韻慢慢消散去，估唔到製成刺身，更能突出金線鯛清淡柔軟嘅特色。

煙燻鯖魚壽司，鯖魚自離水後魚肉就開始腐爛，個腐爛速度係其他魚類嘅好幾倍，所以食鯖魚一定要趁新鮮，通常一般嘅料理手法都係用醋漬，用煙燻呢個方法嚟製作比較少見，一入口已經係香濃嘅煙燻味道，然後慢慢滲出鯖魚嘅鮮味，魚油豐富，肉質緊實Q彈，味道獨特，難怪被稱為海中嘅雞肉。

海膽併三文魚籽壽司，海膽顏色呈金黃又帶點橘色，紋理分明透徹，明顯係新鮮嘅貨式，味道十分鮮美，味濃而甜度高，口感豐腴，入口即溶，我最鐘意放喺上顎用條脷頂爛每一瓣海膽，等海膽嘅味道逐漸喺口腔裏面散發，一入口甘香兩個字就立即浮現，緊接住嘅兩個字係濃郁，回甘悠長，海膽同飯嘅比例完全失衡，海膽仲要比起飯多上好幾倍，係幸福嘅味道。三文魚籽起咗巧妙嘅點晴效果，加上少少三文魚籽提鮮，味道更好。

帶子壽司，帶子腰圓背厚，幅員之廣幾乎睇唔到底下舊飯，肉質細嫩，味道爽甜，沒有不好吃的理由。

牡丹蝦壽司配白松露醬，牡丹蝦顏色艷紅，蝦肉肥碩，爽口彈牙，肉身膠質頗重，蝦味濃郁，白松露醬並沒有喧賓奪主，係絕佳嘅美味。

銀鱈魚壽司，壽司上面嘅呢一塊銀鱈魚比起早前嘅刺身無咁肥膩，正好襯番上面嘅呢一抹蒜蓉，直情有少少大排檔嘅風味，加啲港日 fushion 嘅感覺。

鮟鱇魚湯，魚湯淆成絕對嘅奶白色，味道相當濃厚，裏頭有為數不少嘅魚片，令人滿足。

青橘子果凍、日本哈密瓜及士多啤梨，鮮果清甜，果凍微酸，配合得恰到好處，為今晚嘅 omakase 劃上一個完滿嘅句號。

今日來玄鮨食午餐，嗌兩個套餐。前菜係黃金甜薯，味道軟濡和鮮甜。帶子裙邊，爽口又彈牙。茶碗蒸，好正，蛋香濃郁又滑，中間還有蝦仁和菇啲配料。刺身係三色刺身，好鮮甜，顏色搭配得好靚，不止有味蕾享受還有視覺嘅享受。主菜更正，有A5和牛照燒，牛肉味重又唔柴，配上燒汁牛香味更濃，旁邊搭配少少沙律，可以解膩。另一份係和牛壽星燒，和牛好嫩滑，點埋蛋汁食簡直一流。配料都多，有娃娃菜，豆腐，蘑菇，金針菇和冬粉。冬粉煙煙韌韌，好彈牙。配上甜甜湯底，美味又爽口。每份主食都跟五目飯和櫻花蝦昆布湯，好正，精緻又食得飽，好滿足。

日式既木系裝修令人感覺好溫暖，環境都好寛鬆～

我地叫左Lunch Set ，有8款壽司架！
Sushi set Lunch with Signature Salad & Hot Udon

見到師傅用係既手磨wasabi都唔意外，但係餐廳用既姜唔係出面用子姜，而係沙律姜會比較滑身唔會起渣，而師傅選擇切粒而唔係切片，食落比較有口感 ～

見到所有壽司飯都係紅紅地，一問之下原來係赤醋飯，平時食開既壽司都係用白醋飯，所帶既酸咪有時會遮蓋左魚生既鮮☺️赤醋除咗唔會影響魚生既味道🍣仲係比較健康架

1.愛侶魚係白身魚，由於味淡，所以放係第一道上，雖然味淡但係加上少少濃味既昆布做點綴，食落口係一啲都唔遜色～

2吞拿魚 赤身位
即係吞拿魚嘅魚背，冇油脂的部位。肉係呈紅色，配上少許芥末可以令到魚腥味冇咁重👍🏻

3帆立貝檸檬鹽紫蘇葉花心
因為加左檸檬鹽，所以帶有酸酸地，加上為咁新鮮既帆立貝做配角🌊完全帶出晒帆立貝既鮮味😍再加上平時用嘅都係紫蘇葉，罕有地加上紫蘇葉花心，賣相一流

4北海道牡丹蝦配魚子醬
牡丹蝦味道比較淡配上少少有鹹味嘅魚子醬，除咗可以帶出鮮味，更加令到味道嘅層次豐富，估唔到兩者係咁有共鳴

5關內鰺魚配姜蓉
較濃味 最佳食法加姜蓉可以中和腥味 厚身先食得出池魚本應有嘅口感

6拖羅加食用金萡
一上枱見到金萡令到成件拖羅面金色閃令令，好吸睛呀😍拖羅屬於吞拿魚魚腩嘅位置，入口即溶，唔會太膩

7喜之次hinki
係幼鱗魚，用火炙既方法令魚釋出皮下脂肪，更為香口，配上辛蘿蔔蓉令到整件壽司冇油膩感覺

8北海道馬糞海膽手卷
海膽鮮甜、唔腥，原來係因為用既海膽係屬於拍賣級別😍手卷好足料呢個份量既海膽已經佔左個set既三分一價錢😙😙大家記得要趁新鮮食😳如果唔係紫菜會變軟😛影響口感

烏冬
食完咁多生冷嘅嘢，呢碗烏冬係暖胃用～食完個人暖粒粒好舒服😌

最後以甜品同咖啡做完結，甜品係朱古力蛋捲🍰都唔錯架！

這是一家氣氛平靜的商店。很美味。店員也很親切，看準時間就上菜。

食物很好，服務也很棒。

一直都好想試omakase, 終於嚟咗試過lunch. 呢間好似好多好評仲係米芝蓮級的明星店前菜冰菜蕃茄 – 第一次食，d冰菜好爽口，配上麻醬調下味，好好食。螢光魷魚 – 有少許姜蓉喺上面，可能係去小小腥味，魷魚頭入面好多內類似膏的東西，一咬落去就爆曬出嚟係個口度 滿口鮮味。食落好新鮮。刺身生蠔 – 佢係生蠔嘅背面已經落咗少少檸檬汁，加上少少海水咸香 食落去好鮮味。縞鯵 – 第一次食，一開始仲怕可能會有啲腥，但食落口係非常之鮮甜，口感都有啲溶化嘅感覺。銀雪魚 – 出面好少食到呢個，表面燒過少少令佢有D油份，味道甘香，但口感好。拖羅 – 魚油甘香，入口即溶，油脂的味道剛剛好牛油煮蜆來一個口味清淡一點的菜，啲蜆好大隻，鮮甜沒有沙，個湯亦都感受到牛油味，但就未算好吸引。壽司有金目鯛，牡丹蝦，海膽，帶子。全部都好新鮮，特別想講海膽，份量好多，而且每一塊都好鮮甜，比出面食到嘅真係高質非常多。魚湯烏冬個湯底濃厚鮮甜帶有魚味，簡簡單單一個淨烏冬已經好好食。甜品柚子芝士蛋糕，佢話呢個係由日本直送嘅，食得出有濃厚嘅柚子味。味道層次高咗1分。整體來講，1分價錢一分貨，好明顯係比平時嘅日本餐廳高級好多，間唔中就獎勵吓自己啦。

銅鑼灣係一個煩囂之地就眾所周知，想靜靜地嚟個高級享受，但又唔想感受到本地嘅喧鬧，只想有去咗日本嘅感覺，大可以去開平街嗰頭，就算係放工時間都唔多人，樓上仲有間連續幾年米芝連冧莊嘅omakase𠻹！

前菜記得有黑豆、帶子同八爪魚刺身，waiter講解完都唔太記得𠻹！由黑豆食起，甜甜地係好嘅開始。柚子醃帶子感覺好清新，咁嘅配搭真係第一次食。八爪魚刺身酸酸瞇瞇，配上三文魚籽令人欲罷不能。

跟住就係刺身喇，赤貝新鮮嘅程度足以回甘。八爪魚吸盤連明太子一齊食，爽口又吊味。個豉油碟有山景顯現，食落又另一番意景。

今次飲嘅唔係味噌湯，而係好清甜嘅蚌湯，簡單用洋蔥絲同昆布熬製，湯底完全突顯出蚌嘅鮮味。

飲完湯就上壽司，拖羅睇個樣都個入口即化，帶子炩蠟蠟果然係新鮮有樣睇，最深刻係牡丹蝦壽司，上面用蝦頭啲膏嚟做點綴，食落口好味到想大嗌「黐線」。海膽亦冇乜腥味，的確新鮮係冇得呃嘅！

之後有奶白色嘅魚湯烏冬登場，烏冬非常彈牙，極之香魚味，烏冬食清光之餘，湯都唔會剩。

最後嚟個抹茶蛋糕，簡簡單單有啲紅豆同忌廉，完美低調又唔會喧賓奪主地畫上今餐句號。

沒有驚喜

今日慶祝朋友生日食個高質嘅日本餐，午餐價錢都合理因為全部都用左上等材料。由前菜到主菜甜品都係有質素。刺身午餐：刺身拼盤都非常新鮮樣樣都係貴價材料，當然有我最鐘意嘅拖羅，擺設賣相都非常有心思。和風午餐：有刺身拼盤、天婦羅有炸蝦🍤南瓜🎃番薯🍠加左小小鹽就已經好好味😋唔使再加任何醬汁，另外仲有條日本名產喜之次，香港好小食到，師傅炸完之後一d都唔油魚質仲好滑連骨都可以食埋👍🏻最後個甜品係栗子卷，整個生日飯就好滿足☺️ …