玄鮨

今日收工，有24孝男朋友接放工。一上車見到佢四萬咁口，已經知道肯定有陰謀。
之前我有同佢講過未食過廚師發板，點知佢今次真係帶咗我過嚟銅鑼灣食，上到嚟環境非常整潔乾淨，格調非常高級，未坐低已經對食物超有期待。

前菜已經非常豐富，有甜番薯、魚肝、三文魚咀。除咗甜番薯之外，其他真係未食過！

甜番薯非常香甜，好好味。本身都有啲擔心魚肝味道可能比較難接受，但真係一試上癮，濃郁得黎唔會膩，味道極佳之餘又齒頰留香，正到不得了。

三文魚咀對我來講又係非常新鮮嘅一道菜，入口爽脆香濃，加埋特別條配嘅醬汁，酸酸地非常開胃。

食完前菜就到刺身，淨係睇張相都知道不得了。

左上角嗰隻生蠔叫做令和之怪物，蠔如其名超級大隻。我男朋友本身唔係幾鍾意食生蠔，但係都覺得好好食。

銀鱈魚刺身，喺出面真係食唔到咁高質嘅銀鱈魚，唔單止新鮮咁簡單，味道香濃，入口即化，真正可以試到銀鱈魚本身嘅味道，而唔會好似出邊咁唔知食緊啲乜。

六聖子夾牙蔥，又係好得意嘅配搭，本身其實我唔係好鍾意食蔥，但呢一個配搭剛剛好，超級Fresh，仲可以清一清之前生蠔同銀鱈魚刺身嘅味道，為準備食大拖羅準備味覺。

大拖羅，識食吞拿魚嘅人都知道，一件好嘅吞拿魚刺身，必須要有豐富味道層次，而且回甘。呢一件大拖羅非常出色，層次豐厚，回甘味極濃！會令人唔捨得飲嘢整走個味。

新鮮活帶子，食得出材料新鮮，富有彈性。

之後就到熟食，首先有鮑魚配師傅嘅特製醬汁。鮑魚好大隻，師傅特製醬汁係必食！醬汁用左昆帶去調配，加上牛油味道濃郁，同鮑魚嘅質感非常配合。

金鯛魚又係好出色嘅一道菜，眼看簡單，但職員介紹完先知道製作工序一啲都唔簡單。魚皮先經油炸，可以連鱗片一齊食，而且非常脆。魚肉幼滑香甜，配上特製海膽醬汁一絕。另外佢哋仲有配一根紫蘇葉，將紫蘇葉花冧搣出黎放落去，會為食物味道加添層次。

蟹肉茶碗蒸，裏面非常足料，淡淡蟹肉。

食完熟食，就到壽司。不得不讚嘅係佢哋每一道菜嘅擺盤都好用心，全部都好靚。

牡丹蝦壽司配黑松露醬，鍾意食牡丹蝦嘅人肯定唔會失望，蝦味鮮配上黑松露醬，形成強烈對比，味道衝擊！

手釣池魚、右口魚、鯖魚太壽司，呢三隻我都未食過，冇辦法好細緻比較，但係三款壽司都係一試便愛上，有機會去日本希望可以搵返出嚟食真啲。

重頭戲就係中間嘅海膽壽司，佢哋嘅海膽係日本排名第八嘅海膽。我諗好多人都會有同感，出面食到嘅海膽，都係淡而無味，頂多有dd咁多多退微甜，但佢呢隻海膽嘅甜味真係不得了，非常濃郁，有海水味，香甜之餘入口即溶，果然名不虛傳！

最後仲有個豆腐魚湯，職員話所有用嚟熬嘅魚全部都係日本嚟，魚味又濃郁，一啲都唔會腥，真係好清甜。

食完咁多嘢，當然仲有甜品，包括紅豆蓉綠茶蕨餅、日本士多啤梨、海鹽雪糕，除咗日本士多啤梨偏酸少少，其餘兩隻都維持高質，令成餐飯完成度變得更高！

雖然呢間餐廳唔算平，但論食物質素，佢哋絕對做到百分之百！唔單只係高質咁簡單，而係佢哋嘅食材分分鐘我哋喺外面冇可能買得到，絕對頂級享受。
值得一提係佢哋服務質素，佢哋職員服務態度超級好，除咗細心有禮貌之外，每上一道菜都會耐心解釋，就連進食次序都一一解釋清楚，簡直係六星級享受。
今餐真係非常難忘嘅一餐，因為食到好多我從來未食過嘅食物同刺身，係我心目中高質同優質首選。

成日聽朋友講到omakase幾正幾正，心思思想試下，玄鮨喺openrice評價唔錯，又有米芝蓮加持，就將第一次既omakase體驗交俾佢啦😆

餐廳喺利園三期對面既一座商廈七樓，全層都係佢嘅餐廳範圍，餐廳環境舒適，座位與座位之間有足夠距離，如果多人一齊去甚至有半開放嘅包廂空間，夠晒私隱度。

Omakase由廚師揀選每日最新鮮嘅食材，上菜前經理都好細心問我地有冇食物敏感，而侍應上菜亦有仔細介紹每道食物同進食次序。

先上前菜，有銀箔點綴嘅甜薯，口感軟糯；粉紅色瓷碗裝住嘅係魚肝，入口即融，感覺到魚油慢慢喺口腔化開；漬物比較特別，係冰頭漬，亦即係三文魚頭軟骨，好刁鑽，爽口清新。

然後係刺身，店員建議由左上角既生蠔開始食用，廚師揀選咗令和怪物生蠔，口感清爽，唔會過重海水味，加埋特調醬汁，味道平衡得好好，我地兩個平時唔食生蠔嘅都鍾意；隔離嘅池魚用咗蔥嚟調味，味道幾香；象拔蚌味道清淡，亦唔會過韌；右下角嘅係炙燒金目鯛，燒過嘅魚皮帶有煙燻香味；最後大拖羅油脂分布平均，真係入口即融之餘，啲油香停留好耐都唔散，超級高質。

食完前菜同刺身嚟咗兩個熟食，第一個係鮑魚，就咁食只係覺得新鮮爽口，但配埋個特調醬汁味道即時提升幾個level!

第二個係燒金目鯛魚，呢個係我地成餐嘅mvp~廚師將魚鱗煎到脆身，同軟滑嘅魚肉形成強烈嘅對比，從來冇諗過平時刨得乾乾淨淨嘅魚鱗喺廚師嘅巧手之下可以變成美食～～～

食完兩個熟食就到chef’s choice，今日係帆立貝群邊，爽爽地配埋海帶同埋開胃嘅柚子醬油，消一消滯，唔錯嘅～

跟住係壽司拼盤，先讚下呢度嘅壽司飯，飯同醋嘅比例好好，唔會過酸但又夠晒開胃；壽司由左下角逆時針開始品嚐，全部都好新鮮，特別欣賞帆立貝上面嘅黑松露醬，帶出咗帆立貝嘅鮮味；拖羅冇刺身咁油，反而更啱我地口味；牡丹蝦上面嘅醬以蝦膏調製，有啲似芝士龍蝦汁，味道有驚喜。

最後係湯同甜品，魚湯香濃，魚肉幼滑，加埋一小磚絹豆腐，整體配搭唔錯～

甜品係三款水果組成嘅拼盤，日本士多啤梨香甜，焦糖菠蘿嘅焦糖層厚度恰到好處，但最有驚喜反而係富士山甜橙，好多汁好甜，食完感覺好fresh~

總括嚟講今次係一個好好嘅體驗，無論環境、服務同食物質素都比預期好，推介俾想試omakase嘅朋友～

連續五年入選米芝蓮推介餐廳-玄鮨⛩
每天由日本直接運送當造食材🥰
師傅以Omakase料理帶來一場藝術盛宴👨‍🍳
讓當造的食材展現原始鮮美🤍
與男友共享這場盛宴 每位$2200 (含服務費)

❣️前盤:鮟鱇魚肝 黑糖黑豆 冰頭漬
鮟鱇魚肝 口感細嫩 助清肝明目 提高視力👍🏻
日本黑糖黑豆上 配可食用銀箔 可口而高貴😙
冰頭漬係三文魚鼻梁軟骨位 爽口而甜滑🤩

❣️刺身: 含5款當造刺身 包括:日本燒銀雪魚
拖羅漬 黑鹿 文甲魷魚夾住日本海膽

日本燒銀雪魚 燒好後的銀鱈魚表面金黃
魚肉帶有淡淡白味噌的甘甜味 好回味🤤

拖羅漬 油脂較重 完美地做到入口即融☺️

文甲魷魚 食落去唔似🦑 因為太爽口了😆
再夾住薄荷葉及海膽 味道更岀 更滿足🥳

❣️熟食:鮑魚配海鮮醬
好鮮甜既鮑魚味 煮得剛好 口感一流👏🏻

❣️帆立貝北海燒配芝士、牛油野菌
重味道既帆立貝😻既有芝士味又有牛油味😽
帆立貝以切粒上菜 粒粒既入味又厚身😼

❣️白子刺身
第二次食 基本上係一試愛上😳
含豐富蛋白質、維他命D等😌 能滋陰養顏
日本人更視之為女人美膚之寶😇

❣️壽司 含6款 牡丹蝦配蝦膏 金梅鯛 海膽
帆立貝 鮑魚配鮑魚干醬

牡丹蝦配蝦膏 印象最深刻🤓 鮮甜內厚既牡丹蝦 配上熱辣辣既蝦膏 口感豐富、滿足!😋

❣️鮮魚湯

❣️甜品

素來心知太太喜歡日本料理， 今天決定給她來一個驚喜，帶她來到曾經連續5年拿到米芝蓮的高級日本料理吃Omakase😊可是卻又怕她說我太花錢，唯有請她放假去吃午市😂

位置：
餐廳在銅鑼灣利園旁的開平道Cubus商廈7樓，港鐵站走過去約5到10分鐘，不算特別方便🙂但對於常吃高級料理的朋友，開車去則不會太遠🤑

環境：
商廈出梯後就看到高級日本料理的格局，裝修貴氣，有區分不同的位置供客人足夠的私人空間😚而兩個大區則設Omakase的服務，能看到師傅一絲不苟地處理食材，更能跟師傅面對面交流🤗餐廳同時設男女及傷健洗手間，非常親民，而洗手間內部裝修像酒店，連貫整體高級路線🤭

服務：
服務非一般的好，由安排入座、給予極厚身的口罩紙套、倒茶、下單、上菜、收拾到結帳都非常到位，像是有貼心助理一般細心💕期間我跟太太說想去洗手間，還沒問侍應，他便立即指示洗手間位置，並叮囑小心走路，讓人滿意😘另外要多誇一下負責我們Omakase的遠師傅，全程細心指導對刺身魚類了解不多的我們，言談間風趣幽默，同時亦顯示出他對餐廳的熱誠及經驗✨

食物：
為太太點了壽司套餐，而我則選了份量較多的刺身套餐😃

👍Sashimi Set Lunch (刺身午市套餐-$560)

下單後隔即上了的四款前菜：

沙律菜 – 清新鮮甜，雖是剛從冰箱拿出來，但吃得出是即日製造的😃
鮮帶子 – 非常鮮味，加入海帶再提鮮🥳
燉肉漬物 – 開胃而不會太濃，味道不錯😋
茶碗蒸 – 有蟹子金菇秀珍菇的蒸蛋，鮮甜幼滑，值得推薦😍

然後到主菜部分：

五目飯 – 有點醬油味的飯，是日本家的味道😉
牛蒡 – 是配菜的漬物，煮得有味而不硬🙂
麵豉湯 – 充滿櫻花蝦的麵豉湯，比一般的更鮮甜香濃😁

刺身盤 – 有以下八款：

北海道厚岸產生蠔 – 不愧是名產地的生蠔，非常厚肉鮮甜，海水味重，令人垂涎欲滴

立魚 – 師傅刀功很好，切得很薄的四片刺身，味道較清淡🥰

海膽 – 鮮甜濃郁，沒有一點苦味😍

鮮帶子 – 厚身鮮甜，口感豐富😎

赤鯥 – 充滿油脂，入口香濃🥳

牡丹蝦 – 大隻多肉，鮮味多膏😚

深海池魚 – 鮮味之餘帶點魚鮨香，厚切令人滿足😘

赤身 – 吞拿魚肉質實而厚，卻沒有根😁

👍Sushi Set Lunch (壽司午市套餐-$480)

同樣有上述套餐的前菜，及後到壽司的Omakase部分：

金目鯛 – 有日本料理中的高級白魚之稱，肉質肥美亦不腥，蘸上豉油後更能食出細膩肥美的肉質😎

目仁奈 – 比金目鯛濃一點，師傅加上一點薑粒，再提升了魚的鮮味☺️

銀雪魚配醬油昆布漬 – 遠師傅創意之作，銀鱈魚經微燒後入口鮮甜，香味融入米飯之中，而醬油昆布使鱈魚鮮味更濃😋

赤鯥 – 赤鯥是白身魚中最多油脂的，稀有珍貴，遠師傅用火輕燒過，肥美的魚油及香味在口內發放😘

北海道帶子壽司配岩鹽柚子皮 – 用即磨岩鹽和日本柚子皮調味，柚子清新不苦澀，北海道帶子比一般帶子爽口軟滑😍

牡丹蝦壽司配蝦膏醬 – 去殼後的牡丹蝦配上獨特醬汁醃製，酸甜清新及爽口，加上濃郁的蝦膏味道更上一層🥰

黑鮑魚配鮑魚肝醬 – 經六小時炆焗的黑鮑魚非常淋，竟有溏心的效果，鮮甜多汁，而鮑魚肝醬經冰糖去苦澀，變得更濃香🤩

A5佐賀和牛配青橘子啫喱 – A5佐賀和牛油脂充分，肉質鮮嫩，青橘子啫喱跟和牛融合，口感清新亦完全沒有蓋過和牛的原味💪

藍鯨吞拿魚壽司 – 師傅用上野生藍鯨吞拿魚，魚味濃而不酸，肉質細緻，入口甘香，確是魚中極品☺️

海膽手卷 – 手卷內佈滿海膽，而不像坊間飯多於海膽的做法，因此非常鮮甜滿足😋

海帶烏冬 – 作為主菜收尾，清淡的烏冬能洗滌之前肉類的油膩感😃

綠茶雪糕威化 – 甜品用上手作的綠茶雪糕威化，據稱原材料都來自日本，味道香甜威化香脆😊

總結這次的體驗很不錯，餐廳環境及服務固然非常高級，師傅學識淵博亦細心跟客人交流，讓人除味覺外，身心都得到滿足，難怪餐廳能拿到米芝蓮的認可呢😁

銅鑼灣 玄鮨

前菜 農家煮 雞肉沙律 蟹肉蒸蛋👍👍👍👍👍
魚生飯
新鮮已經夠掂檔
賣相又夠靚
個飯幾特別 有芝麻香

和風lunch set
豚肉煮 天婦羅 魚刺身
個五目飯好有日本家庭味😋😋😋😋😋😋

服務員有禮
-300蚊promo抵食

係香港食omakase都好貴 我哋之前食都係揀lunch time食🥲 朋友仔話我哋知玄鮨食滿HK$900減HK$300 優惠做到5月31日 我哋即刻book黎食🤤午市商務套餐

🥢前菜
前菜分別做咗三種口味 廚師建議分以下先後次序食

甜➡️甜薯🍠入口好清甜
酸➡️冰菜蕃茄沙律配芝麻醬🍅爽口新鮮juicy
鹹➡️時令螢光魷魚🦑鹹鮮

🥢刺身

醬油係自家調製 廚師話用左吞拿魚嘅油黎調 刺身有以下五款 每次刺身款式未必一樣架

岩手県生蠔🦪好肥美 面有蘿蔔蓉同海葡萄 呢隻蠔唔係食海水金屬味 而係鮮味同奶油味

牧丹蝦🦐 好鮮 好多膏

天然赤身呑拿魚 口感比一般養殖嘅吞拿魚實正

黑鯥 廚師用咗鰻魚嘅汁塗響表面上炙燒 口感似油甘魚 第一次食呢隻魚🥰

北海道海膽 一般日本餐廳會用紫菜或飯去配海膽
呢到好特別用左新鮮嘅腐竹去配 超fresh超滑

🥢和食
汁煮沖繩豬肋骨 一食就食得出廚師煮左好耐全部係心機 每個配菜都入哂味 一般汁燒都會覺得偏甜 呢次個汁帶少少辣 超微辣但發揮到佢嘅小點綴

🥢壽司
帆立貝壽司
赤鯥壽司 配上柚子胡椒
Toro壽司
右口魚壽司

好多人話食壽司梗係注重個刺身 但我想講 上面刺身同壽司飯同樣重要 最impressed係右口魚 食到啲魚脂香味

🥢主食
雪白魚湯烏冬
奶白色嘅魚湯好香濃 濃到食落似用攪拌機將啲魚肉絞碎而製🤤 烏冬爽滑彈牙 看落平平無奇嘅高湯烏冬 被佢發揮到極致

🥢甜品
日本空運到港嘅雜果moose cake 為呢餐omakase 劃上完美嘅句號

除左食物質素💯 服務態度同樣💯 大滿足🥰

仲未有得去旅行就去食餐高級料理當去咗轉旅行，去食廚師發辦就最啱，採用當時最新鮮食材，每次去都會有驚喜

前菜
先品嚐溫室蕃茄配搭麻醬食，再食魷魚入面有好多魚籽好爽脆，然後到鮟鱇魚肝可以夾住脆餅食，入口外脆內裡細滑

刺身
-生蠔配上柚子酸汁食，幾清新
-活粒貝配上岩鹽同少許檸檬皮食帶出鮮味
-九繪魚，用魚籽做裝飾配帶甜味嘅醬油食
-深海池魚，厚切且爽口
-金目鯛，經火炙過令皮下脂肪油份迫出，配上柚子胡椒，更鮮甜
-帶子，新鮮即開出嚟做刺身，肉質柔軟
-銀鱈魚，魚油豐富，好滑溜
-拖羅，由無咁重油份開始食慢慢遞增到滿口魚油香，正

熟食
金鯛魚，連魚鱗都炸到好鬆脆，外層脆卜卜，魚肉嫩滑

壽司
幾款貝類壽司都好鮮，最好食係蝦壽司，上面放咗蝦膏同魚子醬，幾夾，海膽都有三款，份量好澎湃，最尾個款係最濃郁最好味

湯品
超濃郁奶白色魚湯，熱辣辣，入面仲有魚肉同豆腐，好好飲

甜品
三款時令生果做結尾，分別係梨、哈密瓜同埋提子，三款都好清甜

朋友生日今晚我地食omakase慶祝一下，我地2個都勁中意。

先黎前菜有北海道白粟米，清甜爽口。
醬汁茄子香濃美味。

生蠔好大隻，口感creamy，海水味濃。
銀鱈魚油脂豐富，油香。
拖羅，入口即化，厚切，超級好食。
花咲蟹鮮甜，師傅拆哂肉，啖啖肉。

燒魚，燒得香脆，充滿魚香，加左檸檬汁更上一層。

帆立貝鮮甜厚肉，金目鯛肉質細膩，蝦爽口彈牙，海膽creamy入口即溶。

魚湯烏冬，白雪雪嘅魚湯勁香濃，烏冬煙un彈牙。

柚子芝士蛋糕係日本直送，芝士味香濃，好食唔會過分油膩，柚子酸酸甜甜咁有呢個甜品做總結實在太美好了。

最近朋友介紹這𥚃有限時優惠$900可獲$300減免，第一時間便安排一頓豐富的午餐。
精選午餐由$340至$590，有壽司、刺身和和牛，午餐包括燉蛋、沙律和前菜。
特上魚生飯$420，內有牡丹蝦、海膽、帶子、赤身、拖羅和時令魚生刺身。其中拖羅的脂肪最為甘香味美，
壽司午餐$480，有八款，款款都很新鮮，其中以海膽的味道最為堅持可口，除了壽司之外，午餐還包括烏冬，除了好味之外，還一定夠飽。 …

Cwb高質素廚師發板

網上話呢間都唔錯😋😋一於去試吓

佢分咗頭盤開胃小碟+刺身+壽司+熱食+甜品 feel 到上菜個個都好熟悉👍🏻又詳細解答 呢一刻已經感覺唔錯

前菜：
茄子煮～鹹鹹地幾野味
柚子鴨胸～配埋啲柚子皮 甜甜酸酸好清新
安康魚肝～第一次食 口感幾特別

刺身：
花咲蟹配梅醬汁～蟹肉好鮮甜 而且份量都幾多
銀雪魚～油脂飽滿又香口
拖羅～唔使多講👍🏻👍🏻入口即溶 冇筋！
掂呀 全晚最好食👍🏻
愛女魚～又係第一次食 爽口嘅白肉刺身都唔錯

壽司：
金目雕配話梅醬～甜甜酸酸 醬簡直係畫龍點睛
喜之次～幾彈牙嘅魚 難得食到啲特別嘅魚
赤鯥～又係啲好爽嘅魚 正👍🏻
海膽～甘甜美味 喺香港真係好難食到好味嘅海膽 竟然喺呢度遇到😋
富山白蝦～晶凝通透 細細隻都好鮮甜

熱食：
煎金鯛魚配海膽汁～竟然落重本用海膽汁😊出奇地match
刺身魚⻣湯 ～用返魚骨熬湯，魚味濃郁，一啲都唔油膩 正

甜品：
杏仁咖啡蛋糕～味道幾好 好香濃咖啡味🥰啲cream幾滑

價錢對得住佢嘅質素 而且師傅刀工都好好 成餐飯感覺不俗😋😋係水準之上

玄鮨 (銅鑼灣)

📍銅鑼灣開平道1號Cubus 7樓

趁秋天嚟到 搵咗呢間餐廳
食下最新秋季嘅omakase 🍁
一坐低 侍應姐姐已經好熱情咁遞上熱茶同口罩套
中午時段有午市商務套餐提供 （$1200/位 10%服務費）
一於叫呢個 咩都唔使諗 等廚師幫我發辦😍

前菜🥙
雪場蟹肉蟹膏豆腐🦀 最鍾意秋天 因為又有蟹食
呢款係新鮮雪場蟹拆肉 溝埋蟹膏 鮮甜得來又有蟹膏嘅香味
豆腐都好特別 因為加咗蟹膏落去整 喺出面冇食過
磯煮鮑魚 鮑魚煮得淋滑 入味彈牙 誠意之作

刺身🐟
兵庫縣 赤穗蠔
是令生蠔加上紫蘇花 辣蘿蔔蓉作調味 蠔身脹卜卜 鮮甜味美
深海池魚 介花介得好靚 厚切
中拖羅&大拖羅 完全冇筋 充滿油脂嘅香味
金目鯛 以火灸輕輕燒過 胡椒調味 魚味幾濃郁 有特色
鯖魚 冬季魚類 屬於比較濃味嘅一種 襯上薑蓉 可以平衡返個魚味

煮物 甘鯛立鱗燒 紫蘇花 高糖蕃茄🍅
以半煎炸形式製作 將滾油淋上魚皮上面
令到魚鱗可以企直 魚肉保持嫩滑 魚皮好似薯片咁脆 一啖有兩種口感🤤
蕃茄一咬落去已經感覺到佢好鮮甜 幾有驚喜

壽司🍣
喜之次 山葵漬 又名海中嘅紅寶石❤️
赤陸 芥末 屬於貴價魚 魚肉嫩滑 幸福感十足
火灸赤身 用火逼咗啲油分出嚟 反而有另外一種口感🔥
北海道馬糞海膽 用紫菜包住海膽同壽司飯一齊食 今日嘅海膽creamy鮮甜 正😻

魚湯烏冬🍜
每次食omakase都好期待最後呢個魚湯
因為會將餐廳嘅魚骨拎煲
煲到奶白色又濃味 烏冬幾彈牙😻

蘋果芝士蛋糕🍰
連畫上句號既芝士蛋糕都幾好食
有粒粒蘋果肉 唔會太Heavy

餐廳裝潢高尚、地方寬敞，有吧枱或正常餐枱位置，亦都有包廂房間。店員都好有禮貌，負責招呼既廚師亦都好專業，細心講解每一道菜式，服務非常好。
至於食物方面，餐廳選用的都是高級食材，大部份由日本直送，既新鮮又優質，而且部份食材不是經常可以食到，絕不普通。

頭盤
日本白粟米/鯛魚雪梨/鮟鱇魚肝，先由淡味的白粟米開始食，超爽脆，極多汁鮮甜。雪梨增加鯛魚鮮味，再配青紅椒、芒果汁，鮮上加甜。鮟鱇魚肝甘香軟滑，配脆餅不會有油膩感。

刺身
花咲蟹肉加檸檬汁鮮味彈牙，再點蟹醋啫喱，令人胃口大開。令和怪物不用點任何醬汁，肉質非常肥美爽口，礦物味濃厚，餘韻徘徊口腔內。新鮮油甘魚腩，並非冰鮮刺身，口感比一般爽脆，肉質水分較高，味道更鮮甜。罕有的刺身級銀鱈魚，肉質軟滑，油脂甘香。帆立貝肉質飽滿，味道鮮甜清新。拖羅油脂分佈均勻，加醬油炙燒過油香更濃，入口即溶，配紫蘇葉紫菜另有一番風味，感覺清新不油膩。

熱食
牛油鮑魚花竹蝦，鮑魚爽口美味，花竹蝦新鮮彈牙。

壽司
石垣貝即劏即上桌，非常新鮮，爽口鮮甜。日本䱽魚肉質比較爽口，肉味清甜
牡丹蝦肉刺身配炙燒海膽蝦頭膏，本身蝦肉味道較清淡，海膽蝦頭膏味道濃郁，將蝦肉鮮味提升。
手釣赤鮭魚，肉質軟滑，油脂分布平均，味道濃厚有油香。另有拍賣級海膽，富美丸味道甜中帶甘，雲丹質感濃厚，味道更濃郁鮮甜。

最後上的是魚湯和自家製芝麻雪糕甜品，整頓廚師發辦晚餐水準極高，令人感覺十分滿足，回味無窮。

無得去日本餓咗咁耐，真係好想食返餐好嘅止吓癮🗾 一直都唔捨得食omakase ，但原來平少少可以選擇lunch time去食～
–
男朋友仔好sweet咁專登book咗呢間米芝蓮推介嘅高級日本料理🎏我哋都係第一次喺香港食廚師發板，真心期待🗻
–
Omakase 除咗品嚐美食之外，體驗服務亦係重點😘 一坐底，店員就送來熱毛巾同口罩信封，十分貼心☺️
–
🌟 頭盤
🦆 柚子汁帶點微甜，鴨胸肉厚切鮮嫩😋
🐟 鯛魚春都幾特別，鮮味十足～
–
🌟 刺身
🦀 花咲蟹嘅擺盤十分精緻，淡淡蟹肉配上蟹醋啫喱同昆布一齊食，味道非常夾🥰
🐠 深海池魚上帶點薑末，襯托出食材嘅鮮味☺️
🐠 金目鯛經火炙後煙燻味好出～
🐠 拖羅留係最後食絕對係啱嘅，油脂含量超高，入口即溶❤️
–
🌟 小食
🍶 清酒鮑魚偏微熱，幾有嚼口，沾埋牛油昆布嘅醬汁，味道更有層次🏯
–
🌟 壽司
🍣 銀鱈魚相對比較清爽，甜而不膩😙
🍣 牡丹蝦口感彈牙，配搭魚子醬，層次豐富😎
🍣 赤鯥係當令秋季嘅品種，質地肥美，經炙燒後味道更顯香濃😍
🍣鰈魚完全係油脂爆發，略帶筋位口感更加豐富😚
🌊 海膽鮮味十足，毫無腥味，完全有喺日本食嘅在地水準⛩
–
🌟 熱食
🍲 白魚濃湯係由時令白身魚熬製而成，夠哂濃郁 🥰
–
🌟 甜品
🍰 日本直送柚子味芝士蛋糕充滿柚子香味，口感綿密，為今餐畫上完美嘅句號🤤
–
⭐️價錢參考：
Omakase: $1088/ person （另收加一）
🍌抵deal 指數：8/10

一直都想試依間米芝蓮推介日本餐廳，但夜晚食實在有啲肉赤，所以難得今日放假，一於去試下個lunch set

餐廳環境舒適，仲有包箱，私隱度高

Lunch set 包埋前菜、茶碗蒸、飲品或甜品，都幾豐富！

前菜有胡麻沙律、合桃小女子、香菇同茶碗蒸。茶碗蒸比較特別，入面會有香菜、香菇、小瑤柱粒，食落鮮甜。

Sashimi set lunch $560
刺身總共有8款，分別有牡丹蝦、象拔蚌、北海道帶子、海膽、拖羅、金線鯛、赤身同黑目魚。刺身好有光澤，全部都好新鮮！師傅刀功亦都好好，刺身厚度岩岩好。牡丹蝦厚肉彈牙，象拔蚌切成條狀，食落爽口鮮甜！兩款白身魚都比較爽口有咬口，金線鯛魚皮有火炙過，逼左啲魚油出嚟，食落好香油脂味。黑目魚鮮味十足。拖羅肥美，油脂味甘香而不膩，不過略嫌有少少根。赤身油脂味較少，魚味香濃，有口感。

刺身set 仲包左白飯同湯。原本應該係麵豉湯，但由於無晒，師傅轉左鮮魚湯。魚湯味濃，飲落好鮮甜。

Sushi set lunch $480
壽司總共有8件，分別有赤身、劍魚腩、深海池魚、伊佐木雞魚、牡丹蝦、帶子、海膽同卷物。
壽司飯顏色好似已經點左豉油咁，但其實師傅用左赤醋調味，更能配合食材鮮味。帶子肥厚，肉質鮮甜。牡丹蝦爽口彈牙，配埋黑魚子味道更鮮。深海池魚肉質爽口，食落帶少少油香。伊佐木雞魚肉質雪白通透，口感柔軟。劍魚腩口感有咬口，脂肪比例較多，食落油脂非常豐富。橙黃色的海膽味道非常鮮甜，入口即溶，而且份量比一般海膽壽司多，所以用隻碗裝住，好似迷你海膽飯咁。

壽司set 包左烏冬，烏冬煙靭彈牙。

甜品係香蕉朱古力蛋糕，切開蛋糕已經聞到好香香蕉味，唔算太甜，好味！

～藝術時光～

難得今日有時間，撇甩小朋友拍下拖先❤️

呢間餐廳喺銅鑼灣利園附近，老公話之前夜晚同朋友食過呢度嘅Omakase，覺得質素好高，所以今次帶我過嚟食lunch☺️

呢度lunch set選擇都唔少，

前菜有涼拌帶子裙邊、麻醬沙律、冰鎮蓮藕、海鮮茶碗蛋
～

✨特選刺身丼
材料豐富到見唔到啲飯😍，～有六款魚刺身、北海道海膽、牡丹蝦、兩粒帶子和甜蛋

✨北海道丼
北海道海膽、三文魚籽、牡丹蝦、四粒北海道帶子、甜蛋

前者 魚刺身切得夠厚，特別大拖羅粉白分明，入口有溶化感，充滿油脂，👍絕對係上等食材
後者有勁量嘅三文魚籽，口感豐沃，粒粒飽滿。用上嘅北海道海膽量亦非常多，入口甘甜滑溜😍

店舖無論裝修，食物擺盤都充滿藝術感，一定再encore❤️

玄鮨 (銅鑼灣)

📍銅鑼灣開平道1號Cubus 7樓

鱈場蟹肉蟹膏豆腐
第一次食加左蟹膏落去整嘅豆腐😋鮮甜幼滑，有濃濃嘅蟹香

磯煮鮑魚
大大嚿嘅鮑魚整得好入味，入口甘甜

岩手懸大船渡灣令和之怪物生蠔
成隻手掌咁大隻嘅生蠔！！😍
生蠔上面配搭魚子、辣蘿蔔蓉同埋昆布，食落口感清爽，而且配菜冇蓋過生蠔鮮甜味道👍🏻

帆立貝刺身
貝柱係做左炙燒，入口爽甜，而帆立貝口感厚身細密，配搭檸檬岩鹽更加突顯出鮮味

銀鱈魚刺身
刺身上配搭紫菜漬，帶出甜味，銀鱈魚做到刺身級別係比較少有，魚味幾濃厚，口感順滑

藍鰭吞拿魚刺身
呢塊係吞拿魚嘅大腹位置，食落滲出陣陣魚油😋超級肥美！上面都配搭左紫蘇花髓，非常精緻

鯖魚刺身
鯖魚配搭左少少薑蓉，鯖魚係一種濃味魚，一般都係醋醃，但呢款就冇經過醃製 ，所以食到佢嘅濃郁鮮味🤤

赤鯥壽司
到左秋季係赤鯥嘅季節，係日本料理會選用嘅高級用魚！師傅輕輕用火燒，帶出魚油香味，入口肥美，肉質嫰滑😋

穴子壽司
穴子魚肉厚切，肉質香軟，食落味道爽甜新鮮

牡丹蝦壽司
牡丹蝦肉質綿密，味道甘甜，中間配搭埋蝦膏可以提升鮮味

馬糞海膽壽司
海膽有好多舊😋超滿足！海膽肉質望上去已經肥厚飽滿，味道鮮甜回甘

官崎和牛
呢款和牛係A5級別，包住洋蔥，配搭高糖蕃茄，中和油膩感覺

烏冬
湯底係用白身魚熬製八個鐘以上，超級鮮甜！！🤤烏冬質地彈牙，入口順滑

甜品：
日本直送嘅日向橙芝士蛋糕，入口好Creamy🍰❤️上面係一層啫喱，充滿住果香同牛奶香味

高級日本料理大滿足!!🍣

前菜
琥珀核桃配魚乾 蒟蒻煙韌 胡麻醬沙律
滑溜元貝粉絲茶碗蒸

Set 2 Sushi Set Lunch
有8款壽司配烏冬
有海膽帶子赤鯥魚立魚池魚牡丹蝦吞拿魚小卷
海膽非常鮮甜份量多完全唔腥!!!

Set 5 Deluxe Chirashi特上海鮮丼 配麵豉湯
刺身種類豐富三文魚籽赤目鯛
配上特製壽司飯同刺身好夾

每個set都會包咖啡或甜品 今日試到朱古力蛋糕, 份量啱啱好! 好會好甜好heavy

壽司玄商務午餐
老細請食飯，嚟到呢間定價偏高嘅餐廳
預先Book咗位唔使等

🌞特上散壽司
Chirashi上面有好多款靚刺身，色彩斑斕
白蝦，帶子同海膽都好鮮甜
魚肉肥美，特別係燒過嘅金線鯛同銀鱈魚，另外拖羅都好油

🌞鹿兒島產黑豚生姜燒
黑豚西冷扒肉質嫩滑，醬汁濃厚，係出面食唔到嘅水準

🌞白飯魚茶碗蒸
🌞櫻花蝦味噌湯
🌞前菜：豆腐，核桃銀魚乾
🌞甜品：朱古力卷蛋

叫咗两份Deluxe Lunch Set，一份係壽司set，另一份係海鮮丼。两份的前菜都有核桃小魚乾，鹹鹹甜甜的.加上香酥的核桃.一啖啖停唔到口；仲有蕃茄青瓜沙律和冬菇。海鮮丼材料豐富高質，有一隻超大隻刺身蝦，有鮮甜+口感十足的帶子，還有大大份creamy得來又勁有海水味的海膽，而且份量都唔少。
壽司set就有8件壽司+烏冬，7件唔同的魚壽司之外，最大驚喜又係海膽，即係海膽壽司，用碗仔盛住的海膽壽司色澤係好靚橙黄色，量多且鮮甜味美，而烏冬好Q彈，魚湯色澤純白可以飲埋㗎。而两個餐亦都有茶碗蒸及甜品跟，同樣哋出色吖。

上次同朋友食omakase，今次就揀左和風ランチ。

好豐富既組合，定食set包括左前菜，茶碗蒸，湯，刺身，炸物，燒物同飯，超級多款！！

前菜有金平蓮藕，日式薯蓉同沙律。金平蓮藕係一款甜甜地既漬物，幾好食。薯蓉亦都會有粒粒係入面，口感幾好。

茶碗蒸既蛋做得好香滑，味道好好。

刺身厚切，而且又新鮮。特別係佢既帶子好鮮甜同彈牙。蝦膏部份係橙黃色，鮮甜味美呀～～～

跟住到炸物，佢入面係豚肉包住露筍同紅蘿蔔，唔會炸到過火，外面亦無乜油份，夠乾身同脆身，點埋佢個醬食好好食～

吸物都好用心，見到有3隻貝類係入面，湯唔會太咸。

西京燒牛仔骨味道都係甜甜既，牛肉易咬，同時亦包住濃郁既醬汁，燒得剛剛好，既香口又有肉汁。

最後可以選甜品或者咖啡，當日既甜品係一個小蛋卷，作為一個豐富午餐既終結～

🇭🇰Hong Kong

Average expense pp: HKD$1000-2200+
📍Address: 玄鮨, Causeway Bay

呢間餐廳真係非常細心，一坐低就會問客人有咩特別嘅飲食喜好。之前已經同朋友嚟過一次，因為佢哋嘅食材係由日本空運至香港，非常新鮮，食過返尋味，所以今次係第二次到訪！

前菜係新鮮日本蕃茄，味道鮮甜，感覺上十分清爽。蟹肉豆腐嘅蟹膏味，非常濃郁。魷魚好新鮮，意外地好食！

刺身方面，師傅我安排好由清新到濃味嘅次序食起，分別有池魚、青魚、赤陸魚、北九州銀雪魚、劍魚腩去到拖羅。坊間嘅青魚多數以熟食嘅方式比較多。赤陸魚配搭粟子醬，清甜得黎又多油脂。北九州銀雪魚用上咗黑松露，令到魚油更重。劍魚腩反而比較爽身 ，依然好新鮮。最後，拖羅配搭沖繩菠蘿漬，呢個組合幾特別。

壽司方面，鳥貝壽司有柚子皮，都幾清新爽口。陸扇子用左幾特別既和里醬。金目調用左柚子胡椒，可以帶出3種層次香味。好多人嚟呢間餐廳就係為咗食牡丹蝦，因為佢哋採用虎山白蝦，果然非常新鮮，值得一讚係A5和牛，採用左柑橘籽啫喱，可以平衡返和牛嘅油膩感。

呢個omakase嘅亮點就係佢哋嘅海膽，配上淡雪鹽、雪葉 （腐竹）同埋高級紫菜，因為係拍賣級別嘅海膽，味道比起坊間食到嘅更加鮮甜同埋新鮮。鍾意食海膽嘅你唔好錯過。最後魚湯可以暖胃。甜品都用咗日本入口嘅蜜瓜同埋芝麻慕絲，師傅仲會細心問你飽唔飽，下次一定會再嚟

特上魚生飯set有漬物及蒸蛋，蒸蛋材料非常豐富有冬菇，貝柱白果等等，嫩滑鮮味。
而特上魚生飯上差不多鋪滿十種多魚生！！刺身的肉質肥厚，其中海膽味道甘甜，質感細膩，幾乎入口即溶，
牡丹蝦 肉質肥美，口感帶有少少黏口，但蝦的味道清甜，十分新鮮

而和食套餐則有刺身3點，魚和炸物（鷄泡魚）
刺身3點分別有拖羅，鯛魚和北海道帶子，首先鯛魚刺身，肉質結實，魚香豐腴鮮味豐腴。
北海道帶子口感豐厚鮮甜，拖羅口感甘香。
和食的魚非常嫩滑！而且完全無骨，能感受到師傅製作的用心。而炸河豚咬開便立刻有股鮮甜的湧出來，肉質亦非常鮮嫩。

所有lunch set都有前菜、茶碗蒸同埋咖啡/甜品

刺身set 配沙律
有7款刺身，每款兩切，有蝦、帶子、劍肉、鯛魚、海脆同埋吞拿魚刺身，每款刺身都好新鮮，同埋師傅嘅刀工好好，每片刺身嘅厚度剛剛好，可以完全享受到魚肉本身嘅口感，最好味嘅都係海膽，好creamy，after taste仲有啲蛋黃香味👍🏻👍🏻

黑豚生姜燒配刺身
雖然係配菜刺身，但一啲都唔馬虎，有四款，每款都係好鮮甜

黑豚肉係薄切路線，有先裹粉炸過，所以一咬落去有脆脆嘅口感，而豚肉本身肉質好彈牙，可惜生姜燒嗰汁就比較濃味，會蓋過豚肉本身嘅香味

甜品：日式迷你卷蛋
唔知係咪自家製，似係JG牌出品卷蛋，但都係好味嘅

依家仲做緊滿900$減300$，好優惠呀！

*
💭玄鮨

早前試過午市套餐，覺得性價比甚高😋這次再度探訪來嚐嚐這裡的晚市𝑜𝑚𝑎𝑘𝑎𝑠𝑒☺️有幸地訂到壽司吧枱，可以欣賞師傅的手勢😍

前菜···
擺盤精緻🥰有蕃茄冰菜、蟹膏豆腐配黃海膽和螢光魷魚天婦羅😍蟹膏豆腐很有驚喜，蟹膏味濃，入口絲滑幼嫩，黃海膽亦很鮮甜🤤

配菜···
師傅準備了昆布漬蒜頭、金芝麻牛蒡和紅酒蕎頭作為配菜，可以在品嘗每道刺身前清清口腔☺️昆布漬過的蒜頭不會有平常蒜頭的辛辣感，而且吃後亦不會有口氣留在口腔🙈

刺身···
花咲蟹配水雲🦀
蟹肉鮮甜，帶有少許海水味，點上清新的水雲是一絕🤤

兵庫縣生蠔🦪
飽滿大隻😍顏色很嫩白，配上些許柚子酸汁 和黃金色三文魚子，入口口感綿密，非常鮮嫩🤤

帆立貝·
肉質厚實彈牙，配上柚子岩鹽更能突顯甜味🥰

野生深海池魚·
肉質較為爽身，油份不會太重

銀雪魚·
用上日本和梨醬，中和銀雪魚的油膩感🤤和梨醬的果甜令人很開胃😋

鮮劍魚腩、拖羅·
兩種刺身都肉質細膩，口感嫩滑，油份偏重🤤魚味濃郁😋

火灸大拖羅·
師傅用上了日本溫室生菜包著大拖羅這種韓食食法呈上，參考了韓國的包生菜，目的是為了解膩😋第一次看到這種配搭，但卻出奇的夾，而且不會感到滯😋

熟食•••
甘鯛立鱗燒·
底下有少許海膽汁襯托，魚肉用上半煎炸的方法烹煮。魚鱗燒得香脆但內裡的魚肉依舊很嫰滑☺️

壽司···
北寄貝·
顏色與一般看到的紅色不同，非常鮮甜爽口🤤

柚子胡椒金目鯛·
師傅先用火灸燒邊位的魚皮，令油份從皮下脂肪分解溢出😍用上柚子胡椒調味，酸酸辣辣的味道更能突出魚肉鮮味🤤

藍鰭中拖羅·
拖羅切得超美🥰配上沖繩菠蘿醬，微酸偏甜，能消除中拖羅的油膩😋

赤鯥·
油份偏重的一款魚類，入口嫩滑，油份在口腔爆發🥰

牡丹蝦·
最叫人驚喜的一款壽司🥰師傅把牡丹蝦膏先燒過後再放上爽滑彈牙的蝦肉上，蝦膏肥美濃郁，再配上魚子醬，種種味道混合在一起為味蕾帶來不少衝擊🤤

燒鮫鰈魚·
左口魚的近親，但油脂相比之下更重😍輕輕一夾一口放在咀邊魚肉就已經滑過喉嚨了🤤

海膽✨
最後師傅為了滿足我們的口腹之慾，端上了三盒海膽🥰分別是三種不同品質的黃海膽、赤海膽和馬糞海膽🤤分開一款一款吃更能嚐到當中的不同之處，一種比一種更香甜更香滑，而當中馬糞海膽的甜度最高，入口味道濃郁，質感細滑🤤師傅還突意給了一整行的馬糞海膽，令我們更能細味當中的美味🥰

吸物···
用了日式食材以老火湯方式製成的魚湯，魚味濃郁不會有腥味☺️

甜品···
香甜多汁的靜岡蜜瓜和士多啤梨🍓

另外整得一讚的是整晚每位師傅都是單獨對一枱客人，每道菜都會介紹魚料和製法，而且餐廳給予師傅的自由度甚高，同樣的魚料每位師傅都會有不同的製作手法☺️今晚是由遠師傅為我們發辦，在不少魚料上都加入了個人特色，而且師傅非常細心，會因應我們的胃口去調節飯量🥰

豪華午餐✨

套餐包括沙律、麵豉湯、前菜～爽口開胃蓮藕片，帶子裙邊，日式蒸蛋。😋

Deluxe Chirashi
豪華生魚片蓋飯~魚生、刺身的種繁多，六款魚生片、三文魚子、帶子、大蝦、海膽。滿滿地覆蓋著醋飯。這是一種豪邁的吃法，大口大口的，口口都能吃到不同的幸福。
生魚片都非常大片又厚實，有鮮甜的、具嚼勁的、油脂豐富的，魚生鮮甜滋味，海膽軟綿，魚子鮮香脆口感特別。
同時擺盤亦十分漂亮，就好像一件藝術品，令心情愉快。

鹿兒島產黑豚生薑燒
一般的生薑燒都是用豬腩肉薄片，這裏的黑豚肉是厚厚一大塊，薄薄沾上粉漿再煎熟切件，粉漿能夠起到吸汁的作用，鹿兒島產的黑豚肉味較濃，配上洋蔥汁醬十分惹味開胃。
套餐還配廚師特選刺身、爽滑烏冬，好豐富！
Coffee or Dessert