鉄人旨花(Shika Teppanyaki & Sushi)

食材非常新鮮

性價比高的鐵板燒

香港最好的鐵板燒之一
雖然環境不是“太日本”，但食物很好吃
牛肉是高標準的，煮得很好
uni和龍蝦也很配！

抵食，有質素

食物可以，但價錢十分貴

食材新鮮，員工服務一流！一定會再次去！

鐘意下廚的我，也很喜歡偷師！漸漸特別愛鐵板燒🤣🤣

今天和老公二人來到銅鑼灣這間人氣很高的 鉄人旨花，老公愛吃海鮮，點了 伊勢海老鉄板燒😋😋😋

先來自家製沙拉，新鮮，開胃，肚子開動啦！

師傅動作純熟，先端上食材，看到都想阣！

汁煮白鱈魚，先煎後煮，令魚肉不會太乾身，魚油很香，連洋蔥配菜都吃光😬😬

海膽汁煮龍蝦是重頭戲，大大隻很新鮮，起肉再加上海膽汁，彈牙爽口，海膽香味撲鼻，正👍👍

A5和王牛，熊本縣產的，很驚喜，牛脂分佈起均勻，一下鐵板，好香好香，選了七成熟，加上芥末、海鹽，原味，三種風格，各有特色，隔著食配菜，口感更好😋😋

再來黑毛和牛炒飯，已經好飽了☺☺☺

還有清酒煮帶子，酒味濃郁，正合我意！
甜品🍮作結尾，依然滿意😍😍

很棒的鐵板燒和服務。

因為年近歲晚，團年飯局比較多，想起了之前吃過的鐵人旨花，覺得食物質素很好又新鮮，今晚就和太太提早團年，來到這裏吃廚師發板。
廚師發板有兩個價錢， $1280和$1580一位，既然是團年飯自然豪一豪，點了$1580的廚師發板。
前菜篇：
新鮮水母，水母非常之新鮮，吃落爽脆嫩滑。
酸啫喱蟹肉，蟹肉被酸甜的啫喱冰封著，吃落鮮甜味美。
白子，白子已經被輕輕燒熟，味道帶點鮮甜，加上酸汁啫喱，就為今晚廚師發板揭開序幕。
刺身篇：
來自澳洲龍蝦🦞，非常生猛新鮮，廚師👨‍🍳拿給我們看，看完之後，直接就將龍蝦劏開，而刀法技術高超，快速製成刺身。雖然龍蝦🦞已被製成刺身，不過龍蝦頭還在動，證明是新鮮得很。
師傅提議想吃清一點，用青檸點龍蝦肉，果然味道就是另一層次。
平目魚：即左口魚，配海苔海膽醬，味道層次豐富，不用點任何醬汁，已經是無與倫比的鮮味。
赤貝，又是不用點任何醬汁，只需點一點底下的檸檬🍋，就會帶出了鮮甜味道。
赤睦魚，經過炙過之後，令魚肉脂肪的味道提升，入口以後只覺得油脂在口裏走來走去，甘甜美味。
柚子蘿蔔，因為吃了這麼多的刺身，廚師👨‍🍳為我們準備了酸酸甜甜的開胃柚子蘿蔔，令口腔清一清味蕾。
三星漬帶子，廚師用漬物配搭帶子，再用紫菜包著給我，紫菜保持爽脆，加上帶子的鮮甜味道層次豐富。
白銀鱈魚，日本名稱「南極犬牙」，煎過之後，外脆內軟，油脂豐富，入口之後，滋味到不得了。
壽司🍣篇：
白蝦海膽，小小的白蝦🦐有10隻，味道鮮甜得難以置信，一字記之曰「讚」👍。
真鯛，是野生的𩶘魚，廚師選用了厚切方法，來處理真鯛。原來這條真鯛，是今早由日本空運到講，怪不得肉汁鮮甜得來帶點嘴勁，吃完真的覺得自己很幸福了。
鰹魚的魚味比較濃，有點似秋刀魚，而我比較喜歡秋刀魚多一點。
大拖羅配上芥末籽，芥末籽的味道帶點酸，令到大拖羅吃落不會太肥膩，又可以提鮮。
左口魚邊的脂肪十分充足，入口之後只覺得魚油充滿了口腔，非常滿足。
赤身壽司，廚師將吞拿魚眼磨成茸之後，加上赤身之上，令到其油脂更豐富。而赤身的味道是吞拿魚中最濃的一部份，魚味十足。
迷你海膽丼，廚師將拖羅脂肪部份燒過，魚油令壽司飯更甘香，而來自北海道的白海膽，味道鮮甜，吃完這個美味的丼飯，才知道滿足是可以很簡單的。
龍蝦湯，廚師用上剛才刺身的龍蝦殼煲湯，淡淡的龍蝦清湯，非常之熱，喝完令胃部舒服了很多。
甜品是柚子雪葩，味道清甜，吃完這個甜品，就為今晚美味的廚師發板，畫上完美句號。

鐵人旨花除了有鐵板燒外，師傅發辦都好高質素！
師傅發辦套餐Omakase ($1580)：前菜拼盤包括八爪魚、松葉蟹肉伴蛋黃醋及穴子苗
第一次吃穴子苗，口感滑滑的好特別！
皮剝魚薄切伴肝汁(好特別的食法)、厚岸生蠔伴土祖醋果凍 （生蠔有海水味，爽口）及炙燒梭子魚
活龍蝦刺身 ($1580套餐獨有) -前一秒龍蝦在生猛地望著你，不消一會已成美食，按牠的頭部還活的！
刺身還附上鹽板，檸檬，芥末…
紫菜夾 燒拖羅連芥末籽 – 芥末籽酸酸的又解膩
燒白雪魚 – 魚油豐富!
接著壽司部分開始
1）白蝦海膽 – 好甜，有10幾隻蝦
2）赤貝- 加了少量手指青檸肉，更顯鮮甜味
3） 深海池魚 – 屬頂級級數，油份重，爽口
4） 金目鯛 – 輕微炙燒過
5）池魚 加 唐辛子做的漬物
6）沙丁魚
7） 赤鯥
8）吞拿魚- 加吞拿魚眼側邊的脂肪（冰冰的口感像雪糕呢）
海膽杯 – 北海道馬糞海膽，加燒過的拖羅油，更香!
龍蝦清湯 – 剛才的龍蝦刺身變成清湯! 有蝦膏 ，更有龍蝦肉!
甜品 – 黑芝麻雪糕

好食到飛上天

同事升職當然要慶祝一番，訂了高質鐵板燒，慢慢吃，慢慢傾，每道菜即席品嘗😋😋

內部裝潢很有特色，分鐵板燒和壽司Omakasa 兩區，明顯地鐵板燒較多人選擇😎😎

先來開胃沙律🥗加上黑酸醋，蔬菜新鮮，不錯👍

新鮮龍蝦，即叫即割，見到肉質透亮，立即想食刺身🤣🤣用海膽汁鐵板煮又是另一風味，彈牙鮮味，配海膽汁很Match 😍😍再加上靚靚鮮花裝飾🦞🦞

白鱈魚真的很滑，一梳梳的，鐵板再用洋蔥湯汁煮，很特別，好味😌

熊本縣產A5和王牛，果然零捨不同，油花分佈像圖案般整齊，用鐵板燒煮法令油份迫出來，所以食落口不太油膩，反而多了一份牛香味😬😬

特別料理是牛奶煮蘆筍，清清地👍蘆筍本身有少少草青味用牛奶煮剛好撇除這浸草青味，食落爽口！

炒飯也是用黑毛和牛炒的，選用日本米，粒粒沾滿牛香，非常分明，不會太乾😆

白酒煮帶子同甜品都不錯👍兩個大男人都捧住個肚走，滿載而歸！
他知道我成績也來這裏吧🤪🤪

享受這家餐廳的整體體驗。這裡的氣氛平靜，日本作品的簡約裝飾；陶器、人物、繪畫等。這是非常令人欣慰的，在某種程度上，它的員工非常專業並且關心它的客戶，以及他們的菜餚的展示和準備。

他們懂英語。所以你可以向廚師批評整體體驗和食物，與家人或朋友一起觀看在你面前烹製的食物非常有趣。

對於那些過敏的人，請務必事先告知工作人員。我姐姐對茄子過敏，所以他們很高興地把茄子從她的一個盤子裡拿走了。

這是一次美好的經歷。

位於銅鑼灣的鉄人旨花
不單主打鐵板燒的類別, 還有壽司、魚生發板
走進店內先是壽司發板範圍
繼而走到轉角後的鐵板燒區
主要分有三組鐵板檯
每檯鐵板平均可圍著八人而坐
坐得不會太擠擁
更有兩間VIP房的設置
———————
這次選的是「鱈場蟹鐵板燒」
二人前$2088（未含加一）
這是需要提前預定的
因為餐廳每日都會備有限的新鮮食材
沒預定就算walk in 也不一定有食材

Homemade Appetizer
是清爽的沙拉
加上三文魚籽炙燒帶子
三文魚籽粒粒飽滿
入口魚油溢出
帆立貝柱肉軟滑富彈性
貝柱肉咬下絲絲分明
新鮮鮮甜，超級清爽開胃
更讓我覺得期待接下來的每一道菜

汁煮東星斑
先用鰹魚湯底煮透日本甜洋蔥
再把煎脆兩面的東星斑魚塊
先是去掉表皮
再放入洋蔥鰹魚湯裡熬煮
掌廚師傅再把東星斑表皮
壓著煎至脆身
像是魚皮薯片一般
最後盛盤裝飾用
旁邊裝飾的花瓣有日本秋菊、玫瑰和薄荷葉
全部都是可以食用的
魚肉質感結實爽滑
入口魚味濃鬱不腥
吸附醬汁
真的又雅緻又美味

清酒焗鱈場蟹
主角來了
每天新鮮運到的
而且有限的鱈場蟹

三文魚籽作擺設碟邊
整碟鱈場蟹份量很足
而且每支豐厚肥美
肉質細嫩絲絲入扣，鎖住水份
店員推薦先品嚐原味
天然海水味，帶點咸
嚐過原味後可以沾點芥末醬
山葵清爽的辣更是別有一番風味呢

熊本縣產A5黑毛和王牛
掌廚師傅建議是Medium熟度
時間上掌握得挺不錯
外表熟透, 內裡仍呈粉嫩的狀態
肉連脂肪的位置入口軟嫩腍滑帶細膩肉香
軟腍細密中帶點嚼勁
真的入口即化全脂肪部位的油脂
燒過後頃刻的瀉出更是香濃
加上一點鮮蘑的山葵
更能解掉多餘的油膩感
伴碟配菜同樣精彩大啡菇、南瓜
蘆筍還有金黃的炸蒜片
煎過的蘆筍更顯爽脆
香氣十足的炸蒜片更是不可錯過的項目
跟和牛一起同吃效果更勝蘸點海鹽

蟹膏炒飯（日本產米）
師傅先打蛋煎蛋
然後加入飯粒、洋蔥和味增不斷翻炒
最後加入大量蔥花和蟹膏
（師傅問我要不要蔥花，我說非常喜歡，他就倒入大量蔥花）
口不黏油膩亦不重
炒飯入口仍是香口
讓我不自覺吃了近半碗

清酒煮蜆
Most of my favorite one
蜆肉大粒飽滿多汁
清甜無砂，吸附濃鬱清酒湯底
湯底酒香四溢
鮮甜幽雅
帶點蜆肉的鮮甜

甜品我選了柚子雪葩
TerrGor則選了他最愛的清酒雪糕
雪葩口感細膩
入口即化如水
雪葩比起雪糕較為輕盈
柚子味道香甜帶微微酸
又夾帶著淡淡的柚子香氣

餐桌服務有日本茶
幾乎你喝一口就有店員
細心幫你添上
永遠不會讓你空著茶杯
這個套餐不含其它飲品
但是得知他們有新加的飲品
我和TerrGor當然也要嚐看看
我們點了兩杯一樣的飲品
柚子菊花蘇打 $68（每杯）
一樣日本的秋菊
這杯蘇打超重
喜歡氣泡水的
一定會超愛
我個人就一般般啦

雖然接近兩小時的用餐
但是每道的質素跟份量都很稱心
非常滿足, 加上掌廚師傅的廚藝
視覺跟味蕾同時滿足享受
縱然價錢要多付一點
（買單價是$2247）
但真的非常值回票價
下次再見啦

日本菜既選擇特別多，樣樣都獨具特色，
當中包括壽司、刺身、便當、天婦羅、拉麵、
丼飯、懷石料理、鐵板燒。而鐵板燒一向
收費都唔平，今次趁住我朋友生日，正所謂
禮尚往來，豪爽少少請返佢食餐好既，
帶佢黎到銅鑼灣呢間「鉄人旨花」。餐廳環境
好闊落，水泥牆身配合各式各樣裝飾相當型格。
主要分左三組鐵板燒枱，每個座位之間唔會好迫，
轉角有兩間VIP房，私隱度都好高。
師傅既刀功同埋純熟既手勢，功架十足。
一路食一路睇表演，淨係氣氛都值回票價呀！👇
–
📌鱈埸蟹鉄板燒二人前 – $2288/2 Person
👉鐵板燒分別有幾個套餐比你揀，價錢就
豐儉由人啦。同朋友研究過，呢個「鱈埸蟹二人前」
係最抵食，食材同價錢都成正比。而呢個Set
有八道菜，包括前菜沙律打頭陣，跟住到
兩款海鮮、和牛、炒飯、湯、甜品，
淨係睇Menu都流哂口水呀！
–
▪ Wasabi酸汁野菜沙律
▫ 沙律經冷藏過，冰凍口感特別醒胃，
清新蔬菜組合入口清爽，混合左Wasabi酸汁
更加易入口。配搭藜麥、露筍、沙律菜、車厘茄，
質感輕盈，好味又健康。
–
▪ 汁煮白鱈魚
▫ 大廚安排食客既口味次序當然諗得好周到，
黎緊既燒物都係由淡到濃。先由「南極犬牙魚」
做第一道主食，經驗同功架真係呃唔到人，
大廚純熟既手勢，兩三下就將鱈魚兩邊煎得
金黃均勻。與此同時就將洋蔥汁煮熟，同時又將
魚皮切開，單獨煎到變成脆片，咬落非常香脆。
而Staff建議魚肉同洋蔥夾埋一齊食，整體口感
非常豐富。魚油入口即融，魚肉質感結實，
相當鮮甜。最後用到日本溫室培育既食用花做點綴，
單單呢菜我地已經好滿足。
–
▪ 清酒焗鱈埸蟹
▫ 第二道海鮮料理來自「北海道鱈埸蟹腳」，
師傅係燒之前會示意比我地睇下佢預備左既原材材。
大廚已經預先將蟹腳拆殼，肥美厚肉一剝就有，
方便食客。即時焗製既清酒揮發出鱈埸蟹既鮮香味，
蟹肉非常新鮮，肉汁飽滿，啖啖滋味。用上山葵忌廉汁
相當濃郁，質感好Creamy。另外旁邊仲點放鮮魚籽，
增加左成道菜既層次感，非常有意思！
–
▪ 法國蘆筍伴波子椰菜
▫ 黎到「季節料理」先淨化一下味蕾先，
可以話係中埸休息，比你緩和下口腔，然後預備好
下一道主食。呢個法國蘆筍奶油質感好重，口感爽口。
大廚簡單運用波子椰菜炒香伴上，濃郁細膩，唔錯！
–
▪ 熊本縣產A5和王牛
▫ 壓軸最後主角「熊本縣A5和牛」，就咁睇成舊肉，
油花分佈非常靚。大廚巧妙地將三個部份肉、肉連脂肪、
脂肪平勻切開。大廚問我地要求熟既程度要幾多，
我地一致認為三成熟就已經岩岩好。
香濃既和牛瞬間煎好，外表焦香，內裡仲保持緊
粉嫩色水，果然係經驗老到。肉連脂肪呢個位係
最軟腍，入口即融，全脂肪位既油脂香味最濃郁。
加埋配菜大啡菇、南瓜、茄子經燒烤過特別惹味，
旁邊既炸蒜片亦做得好爽脆，整道菜相當滿意。
–
▪ 和牛炒飯
▫ 去到呢個位開始有少少飽意，但唔好比佢停，
大廚將蛋、飯粒、洋蔥粒、蘿蔔粒、煙肉粒、
和牛粒不斷兜不斷炒，最後加埋蔥花同醬汁調色
達到均勻為止。成個炒飯香口到不得了，
米粒非常乾身，和牛粒質感有咬口，食得過！
–
▪ 清酒雞湯
▫ 係食緊炒飯之際，大廚就瞬即將雞湯放入錫紙
煮滾，再放入迎鮮日本直送帶子落去。加入清酒令
雞湯更加清甜，帶子入口細嫩，鮮甜厚肉。
但整體口感唔油膩，仲有種緩和既感覺。
–
▪ 宮廷水果杯配柚子雪葩
▫ 食左一大餐熱食濃味野，女仔就最怕熱氣啦，
呢個Set就安排左岩哂消滯清涼既甜品「水果杯」
配柚子雪葩。水果杯裡面擺滿哂橙、哈密瓜、
紅石榴籽，相當鮮甜。雪葩入口仲有啖啖柚子肉，
唔怪得味道咁濃郁啦！

生日月果然係食好野既最佳籍口, 今晚妹妹請我食生日飯, 一年一次當然唔會同佢慳荷包啦!
食過好幾次鐵人旨花既壽司料理, 今晚決定一試另一邊既鐵板燒,

鐵板燒分別有二人set, 仲可以散叫, 第一次試當然揀個價錢最平既鐵板二人套餐啦~

餐廳內幾個鐵板位, 保証食鐵板燒都係可以面對面近距離邊食邊欣賞大廚主理鐵板燒過程。

先送上前菜沙律清新一下口腔, 爽脆沙律菜帶微酸, 先開胃一下

【南極白鱈魚 配洋蔥汁】
魚皮被拆分開, 壓平煎至脆身, 脆得有如餅乾香脆, 魚質嫩滑有鮮味, 洋蔥汁個汁甜甜地, 唔會太濃, 沒有覆蓋魚本身鮮味,反而令鮮味更為突出, 旁邊係日本溫室培養既花瓣, 可以直接食用, 味道唔太出

【北海道蟹腳】
蟹肉可以一梳梳撕出, 就咁食已經好鮮甜, 點少少山葵忌廉汁+魚籽, 味道更加提升, 帶些少攻鼻, 惹味又過癮

【季節料理 – 蔬菜併盤】
小菜球帶回甘, 長形類似筍般很爽脆, 個汁忌廉味重, 質地幼滑

【日本A5和牛】
和牛牛脂豐富分佈平均, 揀左4成熟, 肉質鮮嫩, 中間位keep到嫩紅, 伴碟有茄子、南瓜片、半隻大東菇, 配料索左些少牛油茨汁, 味道唔錯!
【日本產米 – 自選配料(揀左鵝肝)】
飯粒粒分明, 唔會好油, 蛋香味較突出, 加入左蘿蔔碎粒、洋蔥粒、香蔥粒, 色香味俱全, 鵝肝被切成碎粒, 多重口感, 層次豐富

【清酒雞湯】
個湯清甜回甘, 當中的未知係咪雞肉, 但質地有如帶子刺身一樣, 鮮甜十足

最後送上甜品【柚子雪笆】
質地有如幼滑思樂冰, 酸味味又冰涼, 正好係熱辣辣又重口味既鐵板燒成強烈對比。

想不到一間既有刺身壽司, 又有鐵板燒既餐廳, 食物質素都是同樣高質有水準, 價錢雖然略為貴左D, 間唔中食一次滿足下亦唔錯!

良好的服務和食物

非常好🥘

可口的

呢間餐廳主打Omakase同鐵板燒，所有食材由日本嚴選再直送到港，確保處於最新鮮狀態🇯🇵今日就試下💲2️⃣6️⃣8️⃣0️⃣嘅象拔蚌鐵板燒(二人前)。
💗前菜
豆腐嫩滑重豆香，淋上香濃黑芝麻醬，非常開胃。面頭嘅鮮蝦爽口彈牙，以青檸柑橘漬吊起鮮味🦐
💗沙律
由沙律菜、車厘茄、櫻桃蘿蔔、青瓜同藜麥製成，以芥末汁調味，入口酸甜微辛，爽脆清新🥗
💗汁煮白鱈魚
鱈魚煎至兩面金黃，肉質雪白厚身且片片分明，食落細嫩結實，魚鮮十足，完全唔腥，魚皮另外煎至香酥脆口🐟配上濃味嘅味醂醬油汁，墊底嘅洋蔥仲吸滿醬汁嘅甜味同酒香🧅
💗象拔蚌
鮮甜嘅象拔蚌加入牛油、日本醬油同清酒爆炒，口感爽脆鮮嫩，完全唔韌🧈點埋碟邊嘅芥末忌廉醬，只有Wasabi 香味唔會攻鼻，再帶Creamy嘅奶香🐚
💗季節料理
今期係香煎蓮藕配忌廉椰菜花蓉。蓮藕簡單以鹽同黑椒調味，食落爽脆拉出藕絲。底下墊有綿密軟滑嘅椰菜花蓉，既有蔬菜嘅清甜又有奶香🥦
💗熊本縣產A5和王牛
和王牛嘅油脂分佈達最高級12++，5成熟可保留其粉嫩色澤，肉質軟腍鬆化，油脂豐盈，肉汁豐富，入口即化🥩蘸點玫瑰岩鹽或黑椒可突顯肉味🌹；塗抹Wasabi 或柚子酸汁有助解膩🍊；夾住香脆嘅獨子蒜片食好惹味🧄；櫻桃紅酒汁比較濃郁獨特🍒。配菜方面有炒羽衣甘藍同甜蕃薯🍠
💗炒飯
選用日本珍珠米，配上洋蔥粒🧅、雪菜🥬、蔥花、紅蘿蔔粒🥕同雞蛋🥚，炒至粒粒分明，乾爽唔油膩，整體焦香惹味，另外附上額外嘅櫻花蝦同雪菜🍚
💗雞湯
雞湯味道樸素清淡，帶一絲絲嘅酒香，以爽口嘅杏鮑菇片作襯托🍄有助緩和以上菜式嘅負擔感🍲
💗甜品
夕張哈蜜瓜係季節限定，果肉赤紅熟透，糖度特別高，食落香甜多汁🍈；柚子雪葩冰涼清新，柚子味酸甜自然，帶甘澀嘅柚子肉🍨

今天我與男朋友相約共聚晚餐，一向是美食達人的他，說要帶我到一間高級的日本鐵板燒店品嚐一番，聽著他的描述評價甚高，我也迫不及待想一嚐究竟。

從朋友口中得知，餐廳主要一半是廚師發板，一半則是鐵板燒，而且名氣頗大。
餐廳內裏裝潢高端貴氣，寬闊舒適，分別有壽司吧枱和呈現半圓的鐵板燒座位提供給顧客，配上各種植物、櫻花作擺設，整體富有日本風味。

我們點選了伊勢海老鐵板燒套餐，職員會先把所有原材料擺放於枱面供客人拍照打卡，愛拍照的人士絕對不可錯過。

中島屋 • 無濾過吟釀
其色澤透明清澈，飲用口感濃厚強烈，清爽辛口，米香濃郁，同時帶有微微的水果香甜，味道清新，配搭海鮮飲用最適合不過。

沙律
沙律分別由沙律菜、蕃茄、藜麥等製作而成，入口鮮嫩清甜，爽脆可口，淋上柚子醋進食，味道甜甜酸酸的，感覺清新開胃。

汁煮白鱈魚
師傅把鱈魚魚皮和魚肉分開擺碟，賣相精美吸引，兩者均煎至色澤金黃，魚皮入口香酥脆口，魚肉內層雪白且片片分明，口感細嫩甜滑，入口即化，在口腔中緩緩散發著魚香。

海膽汁煮龍蝦
龍蝦肉口感肥美緊實，爽口彈牙，味道甘甜滑嫩，鮮味十足，配搭上海膽汁作調味，獨特濃郁的味道使菜式增添一份豐腴鮮美。

季節料理
季節料理是香煎帆立貝，其頂部加入了三文魚籽作點綴，底部則加有茄子。帆立貝肥美厚實，味道鮮甜濃郁，爽脆彈牙，配搭上魚油甘香的三文魚籽和柔軟幼嫩的茄子，口感更為豐富，擠上檸檬汁進食，味道清新同時亦可緩和油膩感。

法國鵝肝
鵝肝是法國一道著名的經典料理，其外形肥厚飽滿，口感油潤綿密，濃郁豐美，入口即化且富有油香，配搭上金黃色的多士，更增添香脆惹味的口感。

忌廉雜菜
使用蔬菜、豆、忌廉製作而成，口感爽脆解膩，清新可口，這道菜的功用主要是讓顧客達到清味蕾的作用，以便能更細味下一道菜式。

熊本縣產A5和牛
菜式中的和牛是由日本熊本縣出產的，A5 是屬於和牛中的極品級數，牛肉味道甘香鬆軟，牛味濃郁，入口即化且富有油香。

和牛炒飯
炒飯選用的是日本珍珠米，飯粒外形圓潤飽滿，粒粒分明，主角和牛味道出眾，軟滑多汁，細嫩即化，配上洋蔥、蔥花粒、紅蘿蔔炒製，整體焦香惹味，濃郁可口。

清酒帆立貝湯
職員會先把放有帆立貝的碗端上，再把湯倒進碗中進食，湯底色澤清澈，飲用時鮮味十足，帶有淡淡的清爽酒香。帆立貝厚實彈牙，鮮甜滑嫩。

甜品
甜品的名稱是福岡甜王，是由日本福岡出產的草莓，其色澤紅潤濃艷，外形大顆飽滿，入口香甜多汁，細緻爽口，濃郁芳香的草莓氣味在口腔中散發。

整體而言，餐廳裝潢高雅貴氣，寬闊舒適，食材賣相精美吸睛，用料新鮮豐富，味道製作出色，是與朋友吃飯或慶祝的好地方。

優秀的鐵板燒和周到的服務。

午餐性價比高

訂位員親切有禮，細心服務，餐單靈活，師傅專業，着重細節，實而華於低調之中，絶對無浪費食物，食材水準中上，價性比高，今次食得盡興，舒適，滿意，一定再黎

鐵人旨花的店名由來是指在店內可以同時吃到鐵板燒和壽司刺身，所以食材新鮮，服務很好