四寶食堂 (銅鑼灣)(Soul Kitchen (Causeway Bay))
營業時間
| 星期二 | 07:00–00:00 |
| 星期三 | 07:00–00:00 |
| 星期四 | 07:00–00:00 |
| 星期五 | 07:00–00:00 |
| 星期六 | 07:00–00:00 |
| 星期日 | 07:00–00:00 |
| 星期一 | 07:00–00:00 |
服務選項
外帶
內用
無障礙程度
不支持無障礙停車場
產品/服務
咖啡
酒精飲料
啤酒
葡萄酒
用餐選擇
早餐
早午餐
午餐
晚餐
餐飲服務
甜點
設施
洗手間
氣氛
氣氛悠閒
環境舒適
我見到好多枱都order經典叉燒滑蛋飯, 所以我都叫黎試下, 果然係我食過最好食既叉燒滑蛋飯! 蛋好滑, 叉燒大件, 飯好香
fo9d 比 Fortress hill 分支更好
食物唔錯，地方可以。
無論幾時去到，都有人正在排隊等候，證明食物有質素，而宜在銅鑼灣用這個價錢吃到這樣質素的食物，真的超值。加上環境清潔，與朋友相聚吃過下午茶都是個好選擇，唯獨見到等候的人龍，自己也不好意思留得大耐。
食物有水準及份量足
絕了！一定要去！晚餐食堂首選！omg量大抵食又好味！一定要試#凍奶茶#法蘭西多士#炒蛋#牛肉
凍奶茶口感絲滑！法蘭西多士絕了！鴛鴦內餡沒人不愛！加上牛油搭配花生醬！外酥裡嫩！絕絕子！加上炒蛋嫩滑！牛肉分量實在太對得住價錢！關鍵是廚師精選湯真的好好味！！😭😭每道菜都沒有踩雷！天！這茶餐廳顛覆我對以往印象了～ …
呢度嘅蔥油豬扒飯特別好味，
今日就係為咗呢個飯而嚟！
大大塊嘅豬扒一啲都唔乾，仲非常之juicy👍🏻
煎到外層金黃色，食落香而不膩
最鍾意呢度嘅蔥油唔會太咸，蔥香與咸香岩岩好！😋😋
扒餐味道正常，不過不失，菠蘿油烘底唔錯
今天5.10.2021嘗試磨菇汁厚牛脷意粉，試食完,真的好好食呀😋, 地方舒適,位處於銅羅灣區,交通方便,食物種類又幾多,值得再去食呀,仲有價錢好合理呀.. …
我們這次來到四寶食堂「搵食」，它裝潢比普通茶餐廳特別，以湖水藍為主調，光潔明亮，有一幅打卡花牆，增添少女味，另外座位舒適，侍應效率夠爽快，知道我們點叫幾樣菜式，即刻由二人檯轉至四人檯，顯得比較靈活變通！這裡無論港式及西式也可以選擇😊
燒頂級美國封門柳套餐
松露簡蘑菇湯，黑松露好像不計成本的灑進湯內，好香松露味道，質感滑順，好味
封門柳脂肪不多，肉味濃郁，入口外表有韌勁，但裡面軟腍，浸在滿滿的蘑菇的磨菇醬上很好吃，唯獨配菜中蒜頭能再軟身會更好
黑松露薯條雖然是配菜，但份量大，足夠2人食用，即炸即起，非常脆香，是我喜歡的扭紋薯條！
香煎喜哥蔥油豬扒蛋飯
勁厚！勁大！勁香蔥油味的豬扒令我印象深刻，這塊扒質素高，肉質軟腍夠入味，咬下滿滿肉汁，配搭蔥鼓油撈飯，很好吃，果然是招牌！
小食拼盤
份量巨大，4人食用剛剛好，有水牛雞翼、腸仔、雞槌、薯條及洋蔥圈！同樣是即炸即起，最值得提是洋蔥圈，炸粉薄，夠香脆，另外雞翼外表似很硬身，但內裡多汁嫩肉，男朋友覺得蠻不錯！
朱古力雪山充滿香濃朱古力味，如果能在最後上枱的話，成為甜品也不錯👍🏻！ 相反紅豆冰雖然有好多紅豆冰，但味道較淡，還是下次叫小冰好了
在銅鑼灣地段開設茶餐廳，並提供了性價比高的餐食，份量多，食物質素好，價格相宜，整體用餐感覺良好。
其實係銅鑼灣經過哩間餐廳好多次，每次都會俾佢嘅tiffany blue顏色吸引到。不過次次都係約左人食飯先經過🙈今日終於食到。
本身以為只係好靚裝修的茶餐廳，點知認真睇餐牌發現好多唔同嘅野食，食材比一般茶餐廳高級而且有好多西餐菜式，但價錢又冇好貴。
樣樣都好吸引想試，所以中西主食小食，飲品都叫齊。
上菜速度簡直驚人，唔洗10分鐘所有野就齊晒。雖然係茶餐廳速度，但賣相係西餐廳質素架！抵讚👍🏻
招牌沙嗲牛肉公仔麵
配炒蛋，火腿，丹麥牛油厚多士
沙嗲湯有花生香味，而且食完唔會口渴。公仔麵軟硬度適中。
炒蛋好滑，蛋味濃，唔怪之得係招牌菜，我不嬲鍾意食太陽蛋都即刻變左炒蛋fans。丹麥牛油厚多士好鬆軟，簡直係高質茶餐！
餐湯係南瓜湯，好甜好滑。
燒美國頂級封門柳 配餐湯，黑松露薯條
糾結緊食牛板腱定係食封門柳的時候，店員就話如果想食腍d就揀封門柳。仲有得揀幾多成熟，五成熟入面真係嫩粉紅色架！
伴碟的小西蘭花有用肉汁煮過，吸收晒肉汁的精華。如果會出一個餸係用呢一個方法去煮小西蘭花，我一定會叫黎食。
黑松露薯條係粗薯條，黑松露醬俾得好大方架，每條都食到黑松露味👍🏻
水牛城雞翼（4串）
老公睇錯左餐牌以為係4隻，原來係4串，每一串有2隻，總共8隻，好彩老公係雞翼控食得晒🤣
外皮半煎炸好脆，但雞肉仍保持嫩滑，有少少辣辣地，所以唔會好膩。
雪糕紅豆冰
紅豆佔半杯，雪糕cream味比較重，係童年回憶呀。
阿華田雪山
上網見到張相就決心一定要叫黎飲，超級多cream真係成座雪山咁，仲有朱古力粉灑係面，因為夠多cream唔會飲到底冇晒味。
店員個個服務態度都好好，地理位置方便，食物質素高裝修又好啱女仔打卡，男朋友就算想帶女朋友去食茶餐廳都可以好高質架！
下次要試埋蔥油豬扒煎蛋飯!!!
失驚無神突然間殺場大雨出黎，行到謝斐道，見到呢間四寶食堂價錢都幾抵，就走左入去食野兼避避雨。
✨叫左個常餐沙嗲牛肉面，配丹麥牛油多士、火腿、炒蛋。多士非常鬆軟，又唔會烤過時好酥脆。炒蛋恰到好處，沙嗲牛肉面唔同一般茶餐廳，味道非常濃，牛肉亦都好多、大大舊，仲好多沙嗲汁😍
✨主食仲叫左一個封門柳加黑松露薯條，封門柳肉質幼嫩，如果嫌西冷牛扒或肉眼扒太肥膩，可以試下封門柳，又唔會韌👍🏻薯條用左黑松露配搭，又新鮮炸起脆卜卜！
✨見佢d野咁好食，我地仲另外叫左個小食併盤。洋蔥圈炸得大大件好香脆，帶有少辣既水牛城雞翼同雞槌，兩條大肉腸，仲有薯條，非常滿足，大件夾抵食！！
喜哥蔥油豬扒太陽蛋飯
招牌菜之一，豬扒厚切勁大塊，肉質唔韌又多肉汁，配埋蔥油同埋太陽蛋嘅蛋汁，令味道變得更加豐富～
美式芝士牛肉醬熱狗
喺熱狗嘅表面淋上滿滿肉碎嘅肉汁，再有熱溶嘅芝士鋪面，勁邪惡又好味！
板燒美式薄牛扒配嫩滑炒蛋、丹麥牛油多士：牛扒肉味香濃，份量都好足，有兩大塊，而佢哋嘅炒蛋好嫩滑，令人非常滿意！
豬肉蛋飯是廚師的吻
3點才吃第一餐，所以點多了一些和朋友一起分享，分別是喜哥蔥油豬扒煎蛋飯，他他醬水牛城雞翼配炸薯條，輕盈焗羅勒蕃茄芝士肉醬長通粉。
🍽喜哥蔥油豬扒煎蛋飯 🍳
招牌推介之一，果然沒有失望，和照片是一樣的。^^
豬扒很大，很厚，煎得內嫩外脆，有肉汁，不油膩。
很怕吃燒味時配的蔥油做得很油、很鹹，但這裡味道就剛好，加分。
喜歡把煎蛋的蛋黃弄破，混合白飯，再加一小塊豬扒在飯上，這樣一起吃特別幸福，滿足。
🍽他他醬水牛城雞翼配炸薯條🍟
雞翼微辣，很惹味香口，炸薯條是幼身的，很香脆。
🍽 輕盈焗羅勒蕃茄芝士肉醬長通粉
肉醬香濃且酸酸的，很開胃。
很滿足的一餐，下次想來試試晚餐。
以地點、環境、價錢、食物質數、賣相、味道等嚟講係唔錯，係個意粉同豬扒蔥油太多油，浸到個菠蘿包底都係油，有待改善。
叉燒炒雞蛋很棒。豬排又大又多汁。菠蘿麵包很好——外皮不會碎，但麵包可以加熱一點，這樣它就可以融化冰冷的黃油。工作人員很有禮貌，沒有清理我們的桌子，也沒有在我們吃完飯後催促我們離開。
星期六的中午在銅鑼灣鬧市中，見到一間 熟識的藍色主題的餐廳，吸引左我入去嘆個午餐😂🤣
「沙爹牛肉公仔麵」招牌野係唔同的，堅入味，而且配上剛剛好的公仔麵是最適合了，牛肉易入口😋
「忌廉蟹肉大啡菇」大啡菇上滿滿的蟹肉，仲要係真蟹肉☺️
「雞翼薯條」雞翼有點乾身，不過薯條十分脆口👍🏻 如果係粗薯會更正🤩
「板燒牛扒煎蛋」這份下午茶超抵食😍 牛扒大大地😙配上大陽蛋，重點是牛油方包，特別在於丹麥蘇皮面👍🏻👍🏻👍🏻👍🏻
「阿華田雲朵」好浮誇的阿華田，加上cream 也不錯喔😉
備註：
🔺一間不只是普通野的茶記🤪
🔺環境唔錯👍🏻
叉燒炒蛋飯唔錯
下午兩點去到 剛剛好下午茶開始
同一般茶記唔同 除咗炸雞髀薯條之外
下午茶都有好多選擇
有飯有漢堡包有意粉
自家製吉列豚肉眼扒
零肥膏超薄超鬆化
炸得香脆唔油膩
配埋黑蒜蔥油撈公仔麵
芝士安格斯牛肉流心蛋漢堡
可以要double漢堡 即係兩片安格斯牛肉
雖然薄身 但係夠鬆軟
配流心蛋 一口咬落去爆汁
黑蒜油叉燒滑蛋飯係餐廳全日供應既招牌推介
大碟到 足足有兩碗飯咁多
叉燒厚切又多 偏瘦靚叉
最重要係啲蛋煮得剛剛好 真係夠滑
今日難得放假，去吓銅鑼灣行街，經過一間茶餐廳，見裝修好靚，價錢算抵食，一於試試佢！
5分鐘內出晒所有餐，超級快！一嚟就已經聞到牛油多士好香，咬落鬆脆！有驚喜👍🏻👍🏻推薦大家食！配埋炒滑蛋一流呀！
以為個沙嗲牛肉同普通茶餐廳差唔多，點知越食越過癮，湯底好正，好入味，牛肉亦都好有口感👍🏻👍🏻推薦！！去到必嗌！
叉燒滑蛋飯見到個餐牌就已經好想試吓，實物果然同餐牌一樣吸引，成個飯都鋪滿滑蛋，勁開心！叉燒肉都好好食！
最後嗌多個吞拿魚餐，外皮煎到好脆，好得意，幾新奇。
剪髮後又到我最愛的四寶食過下午茶。水準保持，價錢可以。今次食黑松露炒蛋熱狗+薯條，薯條要加6蚊，但真係可可以慳番。其他都好好味，奶茶茶味濃而滑，不可錯過。
他們有炸薯條和大洋蔥圈。還有超級耐嚼的蘑菇。沒關係
價錢抵食 服務不錯
早餐食了其招牌沙爹牛公仔麵套餐
不錯
奶茶咖啡都幾好飲 環境也可以
食物口味好 惜晚餐少選擇
食堂都可以拍拖👫去撐枱腳 …
正常茶餐廳一間
放工想食沙嗲牛麵，即刻捉埋同事陪我一齊吸入熱量xpp
沙嗲醬香而不辣，麵質不過淋
配上既炒蛋仲好滑!!!
小食拼盤非常豐富，最愛肉嫩又惹味既雞翼串~
焗蟹肉蟹籽大啡菇直頭係必食之選！！！
見到好多人都點左蔥油豬扒超大塊，賣相好吸引，下次要試試先xpp
長期經過都會見到有人排隊
牛舌有三大舊 而且好厚肉
但係唔知點解熱既飯會配生菜
嘈雜的咖啡館，食物質量一般。
好好食，店員又friendly! 推薦💕
銅鑼灣抵食又好食之選👍🏼
特別推薦招牌蔥油豬扒飯，蔥油好香，豬扒好可口，煎得好香，而且包埋骨位，少少肥嗰part都好好食。最鍾意佢大大塊，加埋隻荷包蛋就真係不得了！男仔都會覺得份量夠，相片有close up睇😊
另外，美國頂級封門柳，好嫩滑又Juicy，上碟時已經切好晒，方便ladies 🍽
除餐附送嘅餐湯同埋沙律一啲都唔Hea，沙律又有煙鴨胸，忌廉湯都好好飲，仲有原粒蘑菇添🤣
一定會再黎食！！！
北角分店是我的飯堂
連新假期都分享
唔怪得 次次lunchtime都咁多人排隊啦！
我絕對唔係因為佢Tiffany Blue既裝修而幫襯既！
我係被豬扒吸引而成為飯堂！
當然門面光鮮亮麗 內部乾淨
都好重要！
銅鑼灣分店都唔可以錯過！
。
。
🐷🍳🍛喜哥蔥油豬扒煎蛋飯
大大力推！ 件豬扒成隻碟咁大塊！
豬扒肥厚 煎得恰到好處
半肥瘦肉均勻 望落Juicy
咬落更正
加上太陽蛋既蛋黃汁配蔥油
撈飯啖啖甘香 食到停唔到口
🍗🍝🍳 滷水雞髀撈公仔麵、多士、煎蛋
入茶餐廳唔食常餐 又怪怪地既～
多士烘得香脆可口 奶油溶入多士
滷水雞髀 完全吸收滷水嘅精華
肉質鮮嫩 滷水味濃郁
而滷水公仔麵又幾夾Wo~
飲品方面
不能缺少餐廳廳必飲推介
凍檸茶 + 凍奶茶
檸茶 茶味濃 酸甜解渴
奶茶 奶香味重 又大杯
凍飲加$3 是常識吧！
現代茶具、舒適的包間座位、英式炸魚薯條和美味的吐司冰淇淋。忙碌工作日的亮點。
食物水平和價錢合理
四寶食堂
銅鑼灣謝斐道482號兆安廣場地下1-3號舖
係中午繁忙時間, 餐廳運作都保持到快出餐同友善架服務態度, 呢一點足以使我成日光顧。
是日晚餐都來左解決$78大蝦salad 好食，蝦彈口，salad dressing 外灑左芝士粉
龍脷柳跟薯菜，個餐仲包左吉列蝦salad ，飲品白蘑菇湯架。魚柳比足4塊，個莎莎醬好好食，整體係健康低油
常餐晚上都有，要了出名架蔥油豬扒，炒嫩滑蛋及熱狗+$8轉菠蘿油
豬扒大大塊厚肉又夠腍，蔥油一齊食好香。菠蘿油是增肥之物，菠蘿包皮脆香甜仲加埋冰鎮牛油，滿口幸福。
四寶食堂
地址: 銅鑼灣謝斐道482號兆安廣場地下1-3號舖
時間岩岩545pm,仍然有下午茶同lunch ,所以就好隨心咁點了
滑蛋叉燒飯是男朋友食架，因為是招牌菜之一，一大碟滑蛋，甜豉油同蔥花己是無敵好食。
$38瑞士雞脾加菠蘿油,大大片牛油連烘了底力菠蘿包，那有不好吃理由。雞脾入夠入味，大大口吃肉.
$78 秋葵南瓜大蝦沙律，賣相吸引，用了胡麻醬，有高級cafe 出品質素
見作佢西式出品都高水準，點多份$78 意式香草肉丸伴忌廉薯蓉，個汁美味，本身我好鍾意肉丸，一口一粒，薯蓉又好滑，食完心靈同胃都超級滿足。
上菜速度快，熱辣辣食到好幸福。
高質心水@四寶食堂
銅鑼灣謝斐道482號兆安廣場地下1-3號舖
Shop 1-3, G/F, Siu On Plaza, 482 Jaffe Road, Causeway Bay
四寶食堂基本我一個月都去食3-4次LUNCH. 因為店員有禮貌, 仲有好好食架豬扒飯! 今日男朋友放工接我,
就一起去食晚餐啦
DINNER SET 全都是58起左右, 大件夾抵食, 包了一個飯, , 對於澱粉質女孩絕對是個美滿PERFECT組合。
SIGNATURE 喜哥蔥油豬扒煎蛋飯 同 經典叉燒滑蛋飯都有係DINNER SET 入面,包飲品, 胃口大D, $62 個SET 仲抵, 多了炒蛋同菠蘿油, 3個都是店SIGNATURE, 可次一次個試曬。
有西式小食本小姐點了同男朋友仔SHARE
芝士控是看不到芝士以外的MENU, $78 焗水牛芝士酸瓜甜椒SCALLOP ,酸瓜甜椒切細粒, 再舖芝士焗, 帶子又大大隻厚肉, 芝士有酸瓜的味道中和且唔會滯。
$68 飛魚子忌廉蟹肉大茹, 有奶製品成份都是我喜歡,飛魚子一粒粒令到口感更好,忌廉蟹肉攪在一起好滑。
食物供應很快。餐點包括飲料。茶具物有所值，份量也不錯。好服務。
新式坐得舒服又好食既茶餐廳
行過銅鑼灣見到小有茶餐廳入面竟然有咁少女心既花牆，即刻加唔小分，我同朋友都話一於試下入去食。
而且我同朋友兩個人待應安排了一個寛落既卡位比我地，坐得舒服好似好似去左食西餐咁。
打開個餐牌，又真係有西餐，有扒食，有意粉，有中式⋯仲有甜品。
餐牌既圖片都好吸引，我地都對d西餐有興趣，見到只係百幾一個套餐好豐富。
頂級美國封門柳$138
呢個價錢已經有齊前菜，餐湯，主菜同飲品，晚餐來講已經相當抵食。
7成熟既封門柳，唔會太熟，肉味同肉質會比西冷容易入口，而且封門柳會幫你切好一粒粒，對於我地無男朋友在場既港女會更加方便食😆😆食到牛扒之餘切都唔洗切。而且沙律🥗前菜一啲都唔細分，個是日餐湯仲好好飲一啲都唔會比西餐廳差。
香草白酒龍利魚配蕃茄沙沙醬$78
呢個價錢都係同封門柳個餐一樣有齊前菜，主菜，餐湯同飲品，真係超級平。
一來到仲要唔細份，龍利魚都有成三大塊，而且成個賣相都好靚，一d都唔hea，正以為係好睇唔好食既時候，點知一入口勁好食，龍利魚一d都唔會腥而且好滑，我覺得性價比勁高。
由於佢價錢唔貴，我地決定食得豐富d食埋個小食拼盤同甜品。
小食拼盤$128（水牛雞翼、香草腸，檸檬雞槌、洋蔥圈、炸薯角）
一來到大份到嚇親，雞翼以為得1、2隻，點知有成4隻，其他既數量都唔小，雞翼好好食，辣辣地好惹味。香草腸係勁肥美，唔係平時all day breakfast 個種size🤣🤣，好足料。
精選蛋糕$38
最後甜品本身每人一個但係太飽既關係只係點左一個一齊share食，待應問我地要咩味既雪糕，我仲問e.我地唔係叫蛋糕咩，待應話蛋糕仲會送一球雪糕的。咁就岩哂了兩個人一齊share食，甜品味道同賣相都唔錯。食到咁飽咁豐富賣單只係一人百幾。
超高質港式茶仔
千呼萬喚終於等到晚市堂食，緊係即刻約老友開餐!
老友就嚟離港無得食茶仔，港式名物緊要帶佢食多幾餐~
今次選址銅鑼灣四寶食堂，好近地鐵站，地點極就腳
高級茶仔又點會唔好坐，一入店內裝修靚，座位之間有足夠空間，完全唔會覺得迫人
牆身仲好多不同的Patten，睇嚟係打卡好去處，望返價錢都唔算太貴，呢個價錢呢個環境絕對合理
老友鐘意食大碟飯，點咗店員推介喜哥蔥油豬扒太陽蛋飯(HK$62)，上枱好驚喜，豬扒勁大塊，切開肉厚，以為入口點都會有D韌，點知又出奇地鬆軟易咬，唔肥膩食多幾啖都無乜罪惡感，好味道!
我就點了蜜糖燒春雞($108)，咁耐無出街食飯，食好D! 跟餐有湯仲有得揀黑松露薯條，加埋杯港式熱奶茶，夠哂滿足!
蘑菇湯先上枱，好creamy，入味，燒春雞份量多，燒的程度剛好，切開雞肉好嫩滑，點埋蜜糖食好好味，配菜份量都好足啊，食完啖啖肉食返D菜，啱啱好~跟餐叫的薯條同一個單點的薯條都冇乜分別，份量好大，2個人食都夠，即叫即炸，好脆口，厚身薯條好正~
再飲埋杯濃香奶茶，夠滑，奶同茶份量剛剛好，滿足啊！
高質茶仔可再encore～
四寶食堂
地址: 銅鑼灣謝斐道482號兆安廣場地下1-3號舖
電話: 23422323
門口是baby green 色，呢間餐廳中午好多人呀，多人隊一定有返咁上下水準。
中午我叫左個蔥油豬扒蛋飯。好多就整好有得食，首先見到豬扒又大塊又厚好震撼。切開食仲多汁又腍。
叉燒滑蛋飯又係大大份，個面架蒜油好香，撈埋蛋汁真係極品
奶茶茶膽好香，濃而有茶及奶香，水吧都控制得好好
員工都好有禮貌呀！$60一碟飯，大碟到2個細食女生都夠share
=====================
帶位嗰個都算有禮貌 入到去叫杯水兩次都唔理你 多士ok 其他不值一題 真係池中無魚蝦自大 無下次
There are many better alternatives, just don’t bother.
入到去就見到一道鋪滿花既牆，仲要係有梳化坐，好適合中意美食又中意打卡影相既朋友仔。
港式常餐B($52)
招牌沙嗲牛肉公仔麵+嫩滑炒蛋+丹麥牛油厚多士。一整個set，可以叫埋杯熱奶茶，考驗一下餐廳沖茶既功底。牛肉公仔麵好香，牛肉份量都適中，唔會得一兩塊。丹麥牛油厚多士好值得讚，不單係賣相吸引，口惑都好鬆軟！炒蛋都好滑，唔會好散！奶茶的比例調較剛好，未飲都聞到奶茶香，口味都香滑！
水牛城雞翼串$62
有一個小籃子裝住4串雞翼，1串有兩隻，再配以泰式甜酸醬。本身唔加任何醬汁都好入味。
意式羅勒蕃茄醬炒蜆$78
蜆份量都唔少，兩個人食岩岩好，蜆肉都算新鮮加埋醬汁都唔錯！
燒美國極品牛板腱配黑松露海鹽薯條$138
首先，餐湯估唔到會有蜆肉係入面，相對都不失不過。薯條炸得金黃，非常可口！牛板腱第一次食呢個部位，口味搭配都十分特別！
瑞士雞髀啖啖肉好好味😋
平時LUNCH經過銅鑼灣四寶食堂都好旺場好多人排隊，今日趁早咗放飯，就立即過來吃常餐，想不到未到1PM到都要等一會才有位啊，可想而知四寶幾受歡迎啦！
我點了常餐：
瑞士汁雞脾撈公仔麵，配炒蛋、牛油丹麥多士($54)
雞脾夠大隻，瑞士汁燘到好入味又淋，甜甜地啖啖肉，偶爾放縱一次吃大雞脾好開心！
公仔麵夠哂瑞士汁撈來食好好味，麵條夠彈性又唔會乾爭爭，很不錯。
炒蛋綿滑蛋味香，不用加鹽都很夠味！
牛油丹麥多士超多牛油，多士軟熟且多層次，暖暖的非常香噴噴！
凍奶茶茶味濃奶香滑，係我至愛的港式奶茶風味！
雖然午巿人客多，但因為上餐速度快，餐廳座位夠多，所以等侯時間唔耐。
四寶食堂用上Tiffany Blue為主調裝潢，環境好少女，又多卡位，坐得舒服～！
下次再來食叉燒炒蛋飯先，剛才見鄰枱客人吃的好吸引啊！
我地成日都去銅鑼灣行街同食飯。但其實有時無乜預算嗎又想食好d既話真系唔知食咩好。今次我同幾個人就去左一間望落好乾淨，燈光好光既餐廳。我以為入面系食中式多，但原來中西式都有。餐牌真系有好多選擇。基本上，差唔多樣樣我地都好推介
😍燒極級牛板腱 $138
一上枱我地大家真系呆左，真系估唔到系甘大份，睇圖都唔覺得系甘大份。分量就好足啦，味道都好好! 牛板腱好軟，脂肪感都重，牛味都好重，個人就好中意啦。估唔到 $138可以食到甘既質素既牛板腱。仲要系一個晚市套餐，仲可以送埋沙律 / 薯條 同餐飲。下次黎銅鑼灣都會再食！
😚燒頂級封門柳 $138
封門柳系橫膈膜附近既肉，成只牛得一塊。分量又系好多，配有醬汁。肉質都好軟，牛味比封門柳差唔多，唔同既系脂肪比較少。減重人士想補充蛋白質既同時想食好西，都可以選擇佢。
❤️小食拼盤 $128
小食拼盤真系好豐盛，有雞翼，香草腸，雞硾，洋蔥圈同薯條。仲有幾款醬汁作選擇。而其中我印象就深刻系雞翼同炸洋蔥圈。雞翼味道好濃郁，系醬烤焗既雞翼，佢既味道有少少似系某炸雞店既炸雞，但就更加好味，更加濃郁，辣度更高。而炸洋蔥圈真系做得好唔錯，好難得食到甘好味既洋蔥圈。外面得好脆，但入面真系超級軟，洋蔥好香甜，相信本身唔中意食洋蔥陣味既人都會覺得唔錯
🥰意式羅勒番茄醬炒蜆 $78
分量都唔少，用左好多菇一齊煮，番茄味道真系好濃郁，仲有香草味，蜆都幾新鮮，唔會得個死咸。
😋飛魚子忌廉蟹肉焗大啡菇 $78
尼個都系好推介，已經好掛住佢陣味。首先，大啡菇本身好新鮮，好juicy，無草腥味，海鮮味都好重，有大大粒飛魚籽，有好多蟹肉，所以真系好鮮味。芝士同忌廉味同海鮮又系絕配，成個感覺juicy得黎又好濃郁。下面仲有薯蓉。估唔到薯蓉同海鮮味都系好夾。
🤩多士、炒蛋
多士同炒蛋真系必須要推介！多士焗烤得好香，外脆外軟，個包仲好香。仲可以自己揀醬，個人覺得煉奶加牛油就好夠味道。多士本身就好有味道，其實食得出幾濃郁，仲有陣奶香添！炒蛋方面，真系超級滑溜，蛋味好濃郁，同濃厚。除左有蛋味，仲有奶香味同牛油香。超級滑溜！其實我自己就最中意將一啖既滑蛋，放上去一口size既多士上面，一齊食，會無比既幸福！
🤩黑松露薯條
黑松露味道好濃，薯條系偏向幼身，炸得好脆，但唔會太過火
🍹柚子氣泡茶
好大杯，柚子味好濃郁
🍹奶茶
尼度既奶茶真系好濃郁，奶味唔會太蓋過茶味。反而我覺得就岩岩好。茶味好香醇，飲得出茶味好多層次，好深層。個口會慢慢再回甘，成個口都系茶香，但就唔會好澀，仍然好順滑。
🍹朱古力雪糕紅豆冰
毫不吝嗇既一大球雪糕！估唔到朱古力同紅豆冰都好夾！
這家連鎖店的銅鑼灣分店，但菜單上的品種不多，而且質量不如旺角分店。價格是一樣的，但沒有那麼好，還可以。
食物味道好份量夠價錢公道
銅鑼灣呢間四寶食堂成日都見出面大排長龍等位入， 作為一間港式餐廳佢真係好出名， 好多人都慕名而來。 最欣賞係餐廳有一幅花花牆可以畀人影相打卡， 鍾意影相呢度絕對係一個好選擇。
沙爹牛肉公仔麵， 呢度最出名嘅招牌之一， 佢嘅公仔麵煙韌彈牙唔會好淋， 配埋特製沙嗲汁同鮮嫩牛肉， 真心一流。
邪惡黃金鹹蛋醬蘆筍大蝦忌廉意大利麵， 大大啖嘅黃金鹹蛋醬配忌廉汁，絕對係一流嘅配搭 ，喺出面好少見呢兩種配搭會放埋一齊原來超夾超好食， 而且佢嘅大蝦十分之多， 隻隻亦都好新鮮鮮味。
小食拼盤(水牛雞翼，洋蔥圈，炸薯角，香草腸， 檳檸雞槌)， 一個拼盤滿足勢所有願望 香草腸煎得外脆內軟， 炸雞脆鮮嫩多汁又好食， 最喜歡係佢嘅水牛雞翼， 十分惹味。
雪糕紅豆冰， 雪糕係雲呢拿雪糕配紅豆冰簡直一流 ，而且作為特飲， 佢個杯好特別又大杯 ，紅豆冰亦都十分多， 又唔會太甜。
檸檬柚子蜜亦都唔差。 整體嚟講性價比十分高。
經典蜜汁叉燒滑蛋飯:
滑蛋好嫩滑, 叉燒肥瘦均勻, 配飯食真係一流.
燒頂級美國封門柳:
封門柳肉質比較軟腍, 燒得靚唔會過熟, 仲好juicy.
點埋醬食仲惹味!
黑松露醬薯條:
即炸熱辣辣, 而且黑松露醬多到我哋可以將之後嘅薯條搭埋一齊食.
小食拼盤:
份量一d都唔惹少. 雞翼帶微辣, 香口夠味.
雞槌唔止脆口, 仲帶少少檸檬味.
上個星期今晚嚟銅鑼灣呢邊行街，夜晚就同朋友諗住搵間靚小小嘅餐廳食晚飯，經過四保又忍唔住再幫襯。
食過幾次四寶發覺佢哋每一間嘅分店食物都有啲唔一樣，而銅鑼灣呢間分店主要係港式同埋西式為主。
《芝士凱撒雞翼》$48
雞翼有四隻，表面灑上大量嘅凱撒醬同埋巴馬臣芝士粉，雞翼嘅皮都烤得好脆，整體好味。
《燒頂級封門柳》$158
雖然係茶餐廳但係牛扒做得一啲都唔遜色，呢幾舊封門柳大大件，而且燒得剛剛好，唔會話太生太多血水，食起嚟都夠林，而且非常Juicy，重牛味，正！
《鹹蛋醬海蝦意粉》$98
呢個真係好好食，意粉口感軟硬適中，鹹蛋黃醬味道又香濃，海蝦份量又多又爽口，整體真係非常好味。
《炸冬甩伴蛋糕》$48
呢個係下午茶嘅甜品，有兩小舊炸冬甩，配埋朱古力味雪糕，竟然有冬甩食唔係周圍都有，炸得好香脆之餘又有面包嗰種軟熟，唔錯。
總括嚟講，四寶從來都冇令我失望，我開咗咁耐質素都keep到，抵食！
晚飯時間喺銅鑼灣搵野食，
諗住搵d新野試下
之前都有經過呢間餐廳，
覺得佢既門面都幾吸睛，
今次就入去試下
入面既裝修感覺都幾新派，
有卡位，
仲有幅好大既花花打卡牆
食物款式都多，
感覺偏向西餐，
不過價錢就算係平民價既西餐
叫左個露斯瑪麗蜜糖天使燒春雞
外型唔錯喎都燒得幾香
而且仲有兩大件，
都幾抵食
跟餐有個湯，
同埋有個薯條或沙律二選一，
薯條都好大兜啊不過再多d黑松露就更好
點左個挪威煙三文魚凱撒沙律，
沙律菜都好新鮮，
份量都多呀，
一個人食應該都幾飽
黑松露忌廉露筍帶子意大利粉，
呢個黑松露味好香，
有好多帶子，
又有菇同蒜芯，
都幾多餸，
而且份量都係大份
飲品揀左一杯奶茶紅豆冰同一杯阿華田雲朵，
奶茶紅豆冰都幾得意，
飲住奶茶但又有紅豆食
阿華田雲朵係上面係忌廉做既雲朵，
好大杯
平民價錢食左個西餐，
大件夾抵食！
收工來到茶記一條街就想食啲香港地道野就來到四寶食堂。
瑞士雞髀($28)
老實講一上枱有啲失望，事關隻雞髀賣相睇落去好瘦削，有啲老甘，好彩食左瑞士汁味濃，不過肉質唔嫩，未去到難食。
菠蘿油($25)
個菠蘿皮好甜而脆，係成個包嘅精髓，牛油份量亦絕不吝嗇，不過包可以更鬆軟，整體可以。
沙嗲牛肉麵($58)
好似係推介菜！係名不虛傳，沙嗲有花生醬味，牛肉超級足料，食完好有滿足感。配上丹麥厚多士、火腿同煎蛋（可選炒蛋，個人推薦煎蛋🍳），係經典港式完美組合，無得輸。
秋葵南瓜大蝦沙律配自家製醬($78)
一樣好足料，菜同大蝦亦好新鮮，醬汁係日式芝麻醬嘅味道。
啤酒脆漿炸魚柳配炸薯條($78)
超級鍾意波浪形薯條，同炸得金黃色，好脆口，而魚柳肉多，炸皮薄而酥香，蘸上千島醬好襯。
柚子汽泡茶
係用左玉泉soda，非常之夠汽，個感覺健康過一般有汽飲品。
最後係一杯茶餐廳唔少得嘅凍檸茶，為呢餐港式晚餐畫上完美句號。