京都勝牛 (銅鑼灣)(Kyoto Katsugyu (Causeway Bay))

下午三點鐘去到都要等位嘅人氣京都勝牛🐮🥩😳
*****
食肉獸嘅我哋又出動喇😛，睇完報道我已經Bookmark咗要食「京都勝牛」。我哋仲以為自己好醒，安排星期五晏啲先食午餐，咁就可以避過人潮。誰不知三點鐘去到仍然係要等位㗎囉😨！
.
不過店舖內員工人數充足，佢哋服務主動積極，所以我哋都唔使等好耐就入得。店員清晰介紹菜式，並指引我哋用QR code落單。唯一好可惜嘅係生意太好，M9和牛同三款甜品經已售罄😭。
.
我哋首先一人點咗一份主菜🥢，食物選擇唔少，其實除咗牛以外，佢亦有提供豬扒同海鮮等。由於肉嘅份量都多，所以我建議唔好嗌哂同一款，應該食多啲唔同口味。套餐好豐富，大大份主食外，🍚麥飯、🥗椰菜沙律同味噌湯全部任添！喺度食飯完全唔使驚會食唔飽。
.
京都勝牛三味套餐($218)，睇見牛三味就知即係一份餐可以滿足三個願望嗰種👌。我講得無錯(自問自答)，因為佢正正就係有齊翼板、菲力以及薄片醬味牛三款肉肉🥩。一碟有成十四件牛，連我呢個咁大食嘅女仔靠一人之力都唔會食得哂🤣。
.
碟中左邊斜斜哋切嘅係菲力牛排，🐮牛味濃郁，肉質較嫩；而翼板就係呈條狀嗰款，油脂分佈平均，食落幾有咬口。以上兩款各有各好食。但我覺得薄片醬味牛就一般，因為牛肉片始終比較薄，被上下兩層炸皮包住，顯得有點熱氣。
.
牛排以外，餐廳亦花上心思喺醬料配搭方面，無論餐牌定枱面上都設有介紹🧂。大部份醬料口味偏清淡，唔會搶味，招牌牛排醬微酸，都唔錯。
.
牛排上枱時約三成熟，其後就交由客人自行係熱板上煎至想要嘅熟度。餐廳喺各個工序上都好認真👍，例如每枱均放有一分鐘嘅漏斗比食客計時，就連燒爐嚿炭精都係用日本貨。
.
東京風里脊豬排鍋膳套餐($138)，其實簡單形容的話，佢即係滑蛋豬扒😹。不過千奇唔好睇少佢，因為佢比其他餐廳嘅出品優秀，就連個鍋都巨大過人，超有氣勢。🐷一塊吉烈豬扒分成六件，每件均係厚切，可能仲有成2cm 厚，食落夠哂口感。
.
我哋為食先追加烏冬🍜(+$15)，點知出到嚟效果係咁夾。烏冬原來直接放喺鍋底，所以佢完全係鍋物嘅一部份！🍳滑蛋配以洋蔥汁好惹味，洋蔥條煮到好淋，雖然有烏冬，但其實個汁好適合撈飯。估唔到佢將咁平凡嘅菜式整得咁好食😋。
.
套餐有加配嘅選項，分別係$58(小品+飲品)同$68(甜品+飲品)。我哋加咗一款小食，就係我虎視眈眈咗好耐嘅炸特選大海老🦐(原價$48)，點解咁講，係因為揀主菜時我都想嗌有炸蝦嘅款式，但小食可以揀佢就唔使煩。特選大蝦果然好大隻，蝦頭有唔少膏，配他他醬食啱哂。
.
日本清酒豆腐雪糕🍨(原價$58)，就咁聽同睇雪糕個名唔會覺得太吸引，點知食落幾有驚喜啵！豆腐雪糕有兩大球，口感細滑，豆腐味被清酒味比下去🍶。Sake濃度調得啱啱好，你明顯食得出份酒香，但又唔會俗，伴旁仲有黃豆粉脆脆，正。
.
飲品方面🥤，我哋要咗紅豆宇治冰抹茶(原價$32)同藍柑荔枝味有汽特飲(原價$36)。前者嘅抹茶味唔錯，亦唔會太甜🍵。藍柑特飲藍藍的，打卡一流💙。題外話，我好想講埋以下婆乸數…，哈哈。基本上叫得小食或者甜品的話，你只要加多$10就有埋杯價值$36或以下嘅飲品，而抵讚嘅係大部份嘢飲都唔會貴過呢個價，咁即刻佢無焗你再補多幾蚊🙈。
.
總括嚟講，餐廳各方面都令人滿意，定價唔算平，但就真係比足嘢你食。店員好忙做到冇停手，不過態度依然專業，更不忘聽取客人意見。如果你想食吉列菜式，不妨嚟呢度幫襯，😳但可能就要有心理準備排隊等候先有得食。最後，我上載埋餐廳完整餐牌以供參考🙏🏻。

京都勝牛☺️

為處於銅鑼灣SOGO後面街好多嘢食嘅呢個商場！
今日嚟食吉列牛牛☺️！
成日見人打卡燒吉列牛已經好吸引我㗎啦！
今日就同個friend嚟食個悠閒嘅午餐！

我哋叫咗兩份share！
因為見到三文魚又好想食喎！

🌸霙花翼板牛排🥩套餐（$158）
自己牛排自己燒！佢買三個調味料（鰹魚汁、山椒鹽、招牌牛扒醬）當過路預熱左1分鐘左右你就可以開始燒嚟食㗎啦！吉列牛就係外邊鬆脆入邊入口即溶！
而且份量都唔細添配埋沙律同埋白飯！（沙律同白飯任裝）
佢哋有柚子汁同埋麻醬俾你撈沙律！！
當然唔少得日本料理入邊最緊要嘅麵豉湯啦！！

🌸炸三文魚柳套餐（$148)
外面係鬆脆炸咗嘅入邊係軟滑煙三文魚肉！！一放入口就已經食到三文魚肉嘅香味！！入邊唔會好乾！炸得啱啱好！
所以呢個就唔使額外再自己燒喇🥰☝🏻
而配三文魚就有另外三個醬包括係沙律醬、Wasabi同埋醬油蘿蔔蓉）套餐仲有埋沙律🥗白飯同埋麵豉湯！鍾意食魚嘅朋友強烈推介！

🌸白桃蒟蒻冰茶（$32）
大家都係桃桃もも嘅fans
所以就特登點咗呢個冰茶喇！
唔會好甜！蒟蒻有咬口！

Classic Beef Chunk Flap Set 元祖炸牛排套餐 $148
Beef Chuck Flap Set with Grated Daikon and Scallions 雵花翼板牛排套餐 $158

香港分店餐牌與京都明顯有所不同，價格較高固然是意料中事，但當地每份定食亦要大約一百港元，而香港的吉列牛由$148起仍尚算合理範圍之內。香港店改用澳洲及美國牛肉而非本店選用的日本牛肉，但除了吉列牛外，香港更有提供其他丼飯、吉列豬扒及吉列海鮮等，當中最特別定非香港限定的吉列三文魚莫屬。

每款套餐均附送無限追加的麥飯、椰菜沙律及味噌湯，更有招牌牛排醬、山椒鹽、咖哩醬等多款配搭，當中個人最推薦更能突顯肉味的山椒鹽，極上和牛M9下肩胛套餐 ($275) 更特別附帶溫泉蛋，將吉列牛蘸上蛋漿或用作拌飯亦一流。M9和牛油花細緻豐腴但稍欠肉味，標榜以「黃金六十秒」快炸故中心仍保持鮮嫩，但上桌時吉列牛已經只得微微餘溫，幸好香港店增設石爐供客人自行因應喜好調整生熟程度，同時亦彌補了溫度不足的問題。

京都勝牛三味套餐 ($218) 包括翼板、菲力及薄片鹽味牛三個部位，整體而言油香固然不及極上和牛M9下肩胛充沛，但每一個部位都各有特色，而個人則最喜歡肉質最為軟嫩的菲力，肉味亦是三者之中最為突出；相比之下翼板肉味薄弱，而部分更有帶筋肉質較韌；薄片鹽味牛本身已經調味，口感糜爛近似麥樂雞之類的攪碎肉塊一樣；個人覺得選擇只包括翼板及菲力的京都勝牛雙味套餐，或甚至是厚切菲力炸牛扒套餐便已足夠。

石榴荔枝味有汽特飲 ($36) 及藍柑荔枝味有汽特飲 ($36) 則正正常常，味道屬預期之內。

炸豬扒
鍾意日本餐廳用鐵絲網晾起新鮮炸好嘅豬扒，油溫控制嚴謹，食落外面乾身爽脆！
豬扒跟嘅白飯有糙米，配菜有椰菜沙律，漬物，味噌湯，全部都係可以refill嘅
配嘅醬汁有黃芥末，檸檬，仲有秘製豬扒醬
自從以前喺大阪食過間正宗嘅炸豬扒之後，就冇再試過自己磨白芝麻
炒香咗嘅芝麻磨碎，加上梅子味嘅豬扒醬，係家鄉嘅味道

霙花翼板牛係牛肩入面有油花又柔軟嫩嘅部位，上面配上冰凍清爽嘅蘿蔔蓉用同蔥，配搭好清新
牛肉嘅熟度控制喺三至四成，同出面食牛扒一樣，係medium rare，唔需要再用鐵板加熱了！
牛扒嘅醬汁多，有芥末醬油，山椒鹽，秘製牛扒醬，玫瑰鹽等等……

飲品方面叫咗個熱柚子茶，服務好
另一杯白桃蒟蒻冰茶冇影到相，入面嘅蒟蒻爽口，茶味濃而且唔甜

京都勝牛位於銅鑼灣Tower535，地鐵站出口非常易搵。
餐廳暫時不設定位，要walk-in等位。大家食飯要預一預時間，因為真係幾多人排隊的。
於日本食過佢哋嘅出品，質素真係幾好。 而家佢哋香港開咗，我哋可以試一試佢哋喺香港做出嚟嘅味道。
今次點咗三個套餐：
京都勝牛涮美套餐 – 有齊三種不同嘅牛肉 ，味道非常之好。
霙花里脊豬肉套餐 – 豬肉香脆好味。
名物翼板大海老套餐 – 隻大蝦同牛肉都咁好食。
飯後我哋食埋甜品 – 麻薯雪糕糯米糍，一個字形容；正！！！
大家下次去銅鑼灣，可以試下，一定唔會後悔的。

眨下眼就已經過咗復活節，因疫情關係，相信大家都無得外出旅行，好彩今年都有好幾間過江龍餐廳抵港，讓大家留在香港都可以感受一下異國風味。

早排去謝斐道 Tower 535 地庫食台灣牛肉麵，留意到隔離新開咗間「牛カツ京都勝牛」，據知餐廳於日本極具人氣，只係短短7年，就已經喺全球開設咗超過 60 間分店，實力可見一斑。

趁今日得閒，專登過嚟朝聖。餐廳嘅布置幾有格調，室內設計以淡雅色調為主，門口有個白色嘅燈籠，寫住店家嘅名字「京都勝牛牛カツ專門店」，裝潢富日式風情。

餐廳主打吉列牛，一場嚟到，當然唔可以錯過。我哋點咗個元祖炸牛排套餐 ($148) 同 炸三文魚柳套餐 ($148)，另外再加咗兩杯飲品。每份套餐均附有椰菜沙律、味噌湯和麥飯，全部都可以無限追加。

先嚐炸牛排，吉列牛送上時會附上沾醬，而檯上亦擺放了多款調味料如岩鹽、胡麻醬等可供配搭享用。

據知店裡的吉列牛排會跟足總店做法，用上日本麵包糠、麵粉、雞蛋製作裹漿，再將牛排以 190°C 高溫炸 60 秒，令牛肉上桌時保持三分熟的鮮嫩度，如果想吃熟一點的話，亦可以問店員拿一個小烤爐，自行加熱至喜愛熟度。

我哋無再加熱，因為覺得塊吉列牛嘅生熟度已經啱啱好，外層金黃鬆化，入面的牛肉既軟腍又嫩滑，吃起來香脆不油，而且仲保留到肉汁，真係超好味！

至於另一客炸三文魚柳，亦非常誘人，見到中心位依然略帶粉紅，呈半生熟的最佳狀態，很引人食慾。嚐一口，外層的炸漿薄脆香口，入面的魚肉細嫩軟滑，魚味濃郁，配上自家製他他醬及蘿蔔蓉吃，滋味滿溢。

飲品點咗兩款，芒果奇異果味有汽特飲 ($36) 賣相好吸睛，味道酸酸甜甜，很清新，非常適合作消暑之用。至於另一杯藍柑荔枝味有汽特飲 ($36) 亦不遜色，睇落充滿海洋感，非常夏天，飲完成個人感覺好 refresh！

來自日本，廣受歡迎的 @kyotokatsugyu.hk 今年 2 月在香港開設了第一家商店，我們終於在第二次嘗試時嘗試了他們的招牌 gyukatsu

我們在周一晚上比晚餐人群早一點，從我們以前的經驗中吸取了教訓（我們在附近的另一個地方吃完晚餐後仍然不是我們的號碼……）食物大約 10 分鐘到達在我們在他們的移動平台上訂購之後。

【什麼是牛排？】
如果您聽說過炸豬排（炸豬排），那麼您可能會想到牛肉版。外皮裹著麵包屑，裡面是半熟的肉，難怪近年來牛排風靡日本和世界其他地區。

[牛肉夾頭、里脊和牛肉片套餐]
我們只點了他們的招牌套餐才有意義，其中包括（可重新灌裝的）味噌湯、生菜絲、醃製蔬菜和米飯。

牛肉分為三塊：瘦肉里脊肉、肥肉牛排和比其他兩塊做得更好的牛肉片。他們如何放置小標誌來指示牛肉類型是非常周到的。

另一個體貼的舉動是，他們還準備了一份關於蘸醬順序的指南。在所有調味品（芥末醬油、鹽和胡椒、伍斯特和咖哩）中，我們最喜歡鹽和胡椒，因為它具有獨特的鹹味而又不會壓倒牛肉的味道

[豬里脊套餐]
當然，我們也必須嘗試他們的炸豬排。這套套餐配有濃稠的蘇蘇、芝麻，你可以用研缽和研杵把芝麻磨碎，還有一塊檸檬，與濃郁的脆皮豬肉形成鮮明對比。肉有完美的柔嫩和多汁，這讓我們渴望更多，儘管我們在貪婪地狼吞虎咽之後已經吃飽了

[熱日本炒茶]
在嘗試不同的澆頭之前，我們點了熱茶來清潔味蕾並重置我們的味蕾。很驚訝它是裝在茶壺裡的，所以我們可以相應地調整所需的茶濃度，但無論如何味道都比較溫和。

在@little.miss.picky 閱讀我們在 IG 上的更多美食評論

中等水平，及不上丼吉(日本吉列專門店), 但價錢也較便宜。
豚牛味道偏淡，醬汁不夠濃郁，未能留下深刻印象。

入到去水又無杯，叫個餐等左差唔多成個鐘，又唔係好食，一夾就散。食緊野有個短頭髮女員工係隔離同其他人話我食得慢。員工執枱同經理收錢最快手。

京都名物丨吉列牛扒好好味

每次去京都，我都會吃京都勝牛，這家餐廳在日本有很多分店，每次去都要排隊，也是日本受歡迎的店，原因是性價比高。

今次終於在香港開店了，我真的很興奮！避過繁忙時間不用排隊。尤其是現在不能去旅行，實在需要吃日本餐廳解慰。

香港店的佈局跟日本店差不多，柔和的燈光，配上大自然色調，木質地板配上木質桌椅，餐桌與餐桌之間都有隔板隔開，令人感覺舒適。

翻開餐牌，有不同價位的牛扒餐選擇，另外也有丼飯，甜品看起來也很吸引呢！

⭐️京都勝牛三味套餐$218
一共有三種牛，分別是翼板、菲力、薄片醬味牛。並附上附麥飯、椰菜和味噌湯，當中麥飯真的很美味，米飯一粒粒圓滾滾，入口煙韌香甜，非常高質的米飯。

有三種醬料，分別是招牌牛排醬、鰹魚昆布和玫瑰鹽。我喜歡招牌牛扒醬，入口甜香。

三種牛肉吃起來味道差別不大，炸得很乾淨，外脆內軟嫩，屬於六成熟，本身已經炸好，如果想再熱一些或熟一點可以用石板再加熱。

⭐️M9和牛肉丼伴溫泉蛋$198

M9和牛肉一片片略有厚度，肉味再濃郁一些，入口軟腍，愈嚼愈香，跟生雞蛋攪拌之後吃起來更香呢！

⭐️炸特選大海老$48
海老很大隻，蝦肉飽滿，外脆內爽，正！

⭐️熱情果鮮果味有氣特飲$36
淡淡的熱情果入口清爽解膩。

⭐️蘋果汁$28
大大一杯，哈哈！

⭐️日式昆布湯烏冬$48
再加一碗烏冬，滑溜滑溜好好吃。

▫️可以任添飯、湯和椰菜，而且吉列牛也很好吃，有機會再光顧。

又有過江龍新餐廳，今次係專程黎銅鑼灣食呢間「京都勝牛」，幾年前去旅行睇完旅遊書特登去食，當年估唔到而家開到香港都有分店啦🎉
.
位置係銅鑼灣Tower535地庫，香港分店明顯價錢係貴過日本大約30-40%，記得係日本食個陣都係$100內已經有一個Set，不過除左吉烈牛之外，香港店就多左好多選擇，例如：丼飯、吉列海鮮… 同埋香港店就唔係食日本牛啦，改用澳洲/美國牛😜
.
▪️元祖炸牛扒套餐$148
吉列牛排面層炸到金黃，炸醬夠薄得黎脆口，上碟時最多只有半成熟，餐廳會提供石爐供客人再調整生熟程度。
.
▪️東京都里脊豬扒鍋膳套餐$138
比起炸牛，其實我更喜歡食炸豬排，里脊豬扒軟熟得黎豬味較濃，加上滑蛋製法令到豬扒食落唔會咁dry，跟餐可加$15加配烏冬。
.
跟餐有味蹭湯、椰菜絲、漬物、同5款調味料
（鏗魚汁、牛排醬、山椒鹽、咖哩醬、綠咖喱）個人比較推薦牛排醬同山椒鹽，個咖哩醬太咸好重口味、而鏗魚汁就太淡好似無點過咁😅）
.
結論係唔使等位都會黎食既，食完之後要出門口見到排晒長龍就真係咪搞我🤣 比起日本質素唔算差得遠，服務質素都唔錯。

銅鑼灣日式油炸美食的好去處。音樂總是太大聲。

牛肉好多根，唔好食。 🤨

喜歡日本又喜歡吉列牛的朋友仔要注意啦! 日本京都大熱的吉列牛扒專門店 – 牛カツ京都勝牛，登陸香港銅鑼灣啦! 品牌在2014京都站開店，隨即成為日本Twitter熱搜榜第一位! 之後在短時間內在日本各地開設分店，我也曾經在京都旅行時吃過。現在未能去旅行，但在香港也能品嚐到當地的美味啦。

餐廳設在銅鑼灣535的地庫，搭扶手電梯落一層即達，有點像日本的地下鐵商場呢。門外擺放著食物模型，超有回到日本的感覺呀!

店內充滿日式風情，跟京都店的裝潢大致相同。採用本系簡約設計，餐牌圖文並茂，吉列菜式包含各個部位的牛、豬、蝦和三文魚等，總有一款合你胃口呢~

元袓炸牛排套餐 $148

首次品嚐的客人，建議試試元袓炸牛排套餐! 京都勝牛的吉列牛扒，利用190度高溫大豆油快炸60秒，外層薄身的麵衣炸到金黄酥脆，內裡的牛扒則維持3成熟，賣相和色澤都非常吸引!!! 店內設有燒爐，把吉列牛每邊燒5至10秒，熱力把脂肪溶化，肉質相當幼嫩，與日本吃的時候無異，不錯呢~

霙花翼板牛排套餐 $158

香港店選用的澳洲或美國的牛肉，不像日本能升級至日本黑毛和牛，但依然有不少牛肉部位選擇，滿足客人的需要。翼板牛排相對上較有嚼勁，個人認為比元袓牛排更美味。店家創造出7種不同的建議食法，更配搭出多種口味醬汁，例如: 醬油、山椒鹽、咖哩、和風沾醬和酸汁等等，我個人則最愛咖哩醬呀! 此外，每位客人都可以無限追加麥飯、沙律和味噌湯，即使餓到爆炸，也能吃飽喝足才走啦。

琴日同屋企人去咗銅鑼灣同Donald Duck影相，影完肚餓就去咗搵嘢食。見到呢間日本嚟京都勝牛就好想試下，所以就入咗去食😋

元組炸牛扒套餐 $148
呢款係餐廳嘅經典，相信唔少人都會揀佢食😝。炸牛排係用上翼板牛🥩，廚師輕輕炸過60秒，牛排外皮脆卜卜，炸皮薄而且無離肉。炸過一分鐘後，牛排肉外圍輕輕變熟，內裏仍呈粉嫩色。我就咁食口感得意，脆皮包住軟熟牛排😙。之後，我要求咗加一個煎 pan嚟煎一煎牛排，略略煎幾十秒，牛排表面變成淺啡色，食落更香。略加少少岩鹽調味，牛肉味出。炸牛排另配上三款調味料，我個人鍾意柚子胡椒，清清哋又可以突出牛肉味😎。除咗任添生菜絲同麵豉湯，白飯都係任裝，啱晒大食朋友。白飯入面會有啲燕麥粒，食去就會多種口感。

炸三文魚柳套餐 $148
平時食炸牛食得多，所以都想試吓呢一個炸三文魚柳🐟 呢個炸三文魚柳套餐都幾得意，因為佢哋將每一嚿三文魚都擺放得好整齊，而且仲好似一個笑哈哈咁，賣相唔錯🤣 至於味道方面，三文魚唔會炸到好乾，仲好滑，魚油濃郁。不過自己另外再加啲鹽會更加好味🤤三文魚嘅炸皮好薄 ，而且都好脆 ，食落口感唔錯。呢個套餐仲有三款醬汁，炸三文魚柳主要就配沙律醬，另外仲有啲必有嘅生菜絲，醬油蘿蔔蓉同其他醃製小食😋 佢提供左好濃郁嘅芝麻醬，所以配生菜絲一齊食就好好味!

白桃蒟蒻冰茶 $32
你杯冰茶一上嚟嗰陣唔係好凍，不過攪多幾下之後就有返啲冰涼嘅感覺❄️ 飲品裏面仲有好多蒟蒻，好有咬口仲甜甜地。但因為佢係冰茶，所以成杯飲品都唔會特別甜😋 冰茶都可以解膩，所以嗌呢杯飲品都唔錯~

芒果奇異果味有汽特飲 $36
平時好少見有一個配搭😆，佢一上枱事就見到梳打入面有好明顯嘅黃色同綠色部分，層次分明。如果你怕太甜，建議你唔需要搞太多，本身已經好夠味。芒果味同奇異果味唔會好假，飲落幾fresh.☺

🐮港島食到篤— 京都勝牛✨ 難怪咁多人去食😍
#90cp銅鑼灣篇 #90cp日本篇

➖➖➖➖➖

呢間近期非常之火紅嘅吉列牛🐮🔥 一早已經見好多人介紹過bookmark埋 但係都未有時間試 近排真係太忙🥲 早幾日夜晚咁啱經過銅鑼灣居然冇人排😎 終於試咗!!

美味指數 😋: ⭐️⭐️⭐️⭐️⭐️
環境指數 🏖: ⭐️⭐️⭐️⭐️
服務態度 👨🏼‍🍳: ⭐️⭐️⭐️⭐️⭐️
翻兜指數 💫: ⭐️⭐️⭐️⭐️⭐️
(五粒星為滿分💯)

✨ 京都勝牛雙味套餐 $198
呢個set包左兩個部位 包括菲力 (Tenderloin) 同埋翼板 (Chunk Flop)🤩 翼板嘅牛味比較重 口感幾好 咬落去好實在但係又唔會好韌🥰 相反菲力牛味冇咁重 除此之外佢嘅口感比較軟身 相對冇翼板咁好咬口🙈 個人比較鍾意翼板呢種有咬口又有牛味嘅牛多啲😍 (雖然兩隻都唔差!!) 另外佢都提供左四隻汁 分別係牛肉汁 椒鹽 柚子昆布汁 同咖喱汁🙌🏻 最正唔使講一定係牛肉汁!! 佢同個牛本身好夾 係最出色嘅😎

另外跟餐都有一碗飯 麵豉湯 同埋沙律菜 全部都可以任添㗎😌 包保你一定食得飽😏 佢個沙律菜配加咗沙律醬同埋醋之後真係食上癮!! 忍唔住添左兩次😂 溫馨提示其實啲牛上嗰陣時係未熟㗎!! 所以可以叫店員幫手setup 翻個鐵板 俾大家燒返熟d同熱d🤤

✨ 元祖炸牛扒套餐 $158
呢一個套餐平少少 就係因為佢之後翼板一種牛🙈 如果我再嚟食嘅話可能淨係帶呢個就夠😂 因為個人覺得菲力嘛嘛 呢個剩係得翼板 價錢又唔算太貴CP值幾高🥰

💰Total: $392

✅ 除咗嘢食正之外 佢嘅服務態度都係非常好😌 店員一一解釋啲醬汁同埋點樣食!! 整體嘅用餐體驗都好好🙌🏻

💡溫馨提示💡
其實除咗呢兩個餐之外都仲有啲貴價小小嘅選擇 大家有興趣嘅都可以試😝 另外睇返入座應該就會開始計90分鐘用餐時間 記得等齊人先入座😎

➖➖➖➖➖
📍 京都勝牛 (銅鑼灣)
銅鑼灣謝斐道535號Tower 535地庫B01號舖

湯都有得添飲，又幾好喎！

“咬我唷！霙花翼板牛排”

先生們、女士們，午安！歡迎乘搭 JJ航空JJ 007由香港前往新都勝牛😍今日會帶大家食「食過反尋味」嘅吉列牛！😜

霙花翼板牛排
三成熟嘅吉列牛排，油脂平均，肉質粉嫩，香濃牛香！一片吉列牛肉加少少Wasabi一齊食，一陣間帶出牛肉嘅香😍而且吉列牛嘅粉漿厚薄適中，香脆不油！外脆內軟嘅口感，特別過癮🥰再食啖霙花蘿白，好清甜唷！

如果想吉列牛再熟少少，可以放上鐵板到煎煎，沾一沾柚子醬油，牛肉果香味更加突出！

整體來講一份吉列牛有10多片，配埋開胃前菜、味增湯、同白飯，連大胃王都話非常滿足🤪飲埋日式柚子茶清清味蕾又可以食下一餐🤪

呢間嘅吉列牛係我喺香港食過最好食嘅一間！霙花翼板牛排一份$158 性價比高，回頭值更高🥰

東京風里譽豬排鍋膳套餐
即叫即炸嘅吉列豬扒連用用秘製嘅醬汁滑蛋😍另外追加烏冬！烏冬吸滿晒醬汁嘅味道，非常香甜，滑蛋同豬排一齊食簡直係完美嘅組合，豬排外脆內多汁，滑蛋香濃！好開胃！而且份量都幾多😋好味又飽飽！

另外飲埋白桃蒟蒻冰茶同柚子茶，好解暑啊！

.
.
.
.
.
.
#chantaljj銅鑼灣
#chantaljj日本菜
#銅鑼灣美食
#吉列牛

今日同屋企人嚟事呢一間日本過江龍，好想食好耐嘅吉列牛啊！唔使去日本都可以食到，真係開心！
我哋一人叫咗一個set同埋一杯嘢飲。
元祖炸牛排套餐
其實有好多嘅醬料可以點啲炸牛排🥩例如生椒鹽招牌牛排醬，咖喱醬就係呢一個先有嘅！你見到佢啲牛扒係好粉紅色嘅，如果你食唔粉紅肉，可以煎一煎，唔好煎咁耐啊，如果唔係肉質就會好韌㗎喇🤣

霙花翼板牛排套餐
呢個牛排既配料就有蘿蔔蔥花，仲可以加埋柚子汁，到重口味，肉質鮮嫩，牛味幾出。食完都真係好鬼飽！另外佢啲椰菜可以加柚子汁同埋芝麻醬，可以減咗啲油膩感。

白桃蒟蒻冰茶，可以一路飲一路食啲蒟蒻，有咬口感！

芒果奇異果特飲，撈埋一齊我覺得好飲，口感幾新鮮，大家下次都可以試吓！

📍銅鑼灣
兩年前喺京都食過本店 而家喺香港都有得食🤣🤣 試下同日本嘅味道一唔一樣先😋 呢度掃qr code落單 幾方便👍🏻

🥩元祖炸牛排套餐 $148
大約有十舊 外皮炸得好脆🤤入面嘅牛肉大約三成熟 可以另外叫店員提供鐵板自己燒🥰 我鍾意鐵板輕輕煎香兩面 外脆內軟😆 吉列牛好香牛味 同日本食差唔多😋 另外仲可以點芥末、椒鹽、咖喱汁、燒肉汁同鰹魚汁😋 定食仲包麥飯、椰菜沙律同麵豉湯 仲可以無限追加🤤

🥩霙花翼板牛排套餐 $158
另外仲試咗霙花翼板牛排 同元祖唔同係吉列牛鋪滿蘿蔔蓉同蔥花😍 蘿蔔蓉可以減輕油膩感 吉列牛同樣出色 翼板位置充滿油花 軟嫩適中😆 可以再加檸檬汁 輕鬆ko一份😋😋

🥝 芒果奇異果特飲 $36
奇異果味突出 估唔到同芒果又幾夾😛 佢係梳打黎 酸酸地幾解膩😋

🍑 白桃蒟蒻冰茶 $32
白桃味幾濃 唔會死甜 上層係白桃糖漿 下層係紅茶 飲之前最好搞勻先😛

📌 銅鑼灣謝斐道535號Tower 535地庫B01號舖

這裡如果午餐我覺得比較貴，雖然是說全都是和牛，但一個午餐每人最低消費要250元，現在疫情下真的有那麼多人可以負擔250一個午餐嗎？

牛扒幾好食，飯湯沙律任裝食到飽

餐廳環境舒適,富日本風情,吉列牛柳/板腱很香脆,肉質軟熟有肉味,服務員有禮,態度殷勤。

對食物感到失望，因為它們是在室溫下供應的。牛肉和所有配菜都沒有留下深刻印象。蝦一點都不新鮮。沙拉和米飯也不好吃。有了他們的價格標籤，我會期待更好的食物。不會向任何人推薦這個。