Mini Bangkok

食品不錯 價錢在銅鑼灣區也算合理

唸起泰國菜，一般香港人都會唸起九龍城。泰國菜館可以係九龍城生存一段長時間，證明都有一定實力。

Mini bangkok近年開枝散葉，連續係元朗、銅鑼灣開分店，而最重要係 keep到水準。

芝士炸蝦球大大粒，係其中一道必點小吃，冬蔭功比一般泰國餐廳優勝，今次炸豬手乾咗少少但可以接受，其餘菜式例如馬拉棧炒菜都係水準之上。之後係銅鑼灣想食泰國菜又多一個選擇。

p.s.除咗食物，現場亦有 live music，依家餐廳有 live music已經買少見少。

羔蟹肥大，蝦肉厚羔又多，聖子肉爽口，冬陰功有齊酸辣香，椰青新鮮，價錢合理。

最近泰國的政治危機成為了國際焦點，朋友係泰國粉絲，非常關注泰國情況，對泰菜更是情有獨鍾，惜因疫情關係，不能外遊，沒辦法去泰國，那就只好吃點泰菜解饞。

朋友揀咗銅鑼灣謝斐道 Tower 535 地庫呢間「小曼谷泰國美食站」，據說店舖係由泰國華僑開設，甚至連廚師都係泰籍，所以食物充滿地道風味。

餐廳以泰國火車為主題，除咗門口放置了一部大型火車頭作裝飾之外，連用餐區亦以火車卡為藍本，令人有彷如置身於泰國火車夜市之感。

先細看餐牌，菜式應有盡有，而且選擇甚豐，有湯類、咖喱類、沙律、炸物、炒菜類、飯類、炒河類、水上市場船粉、甜品類、飲品類，另外亦有廚師精選及多款小曼谷孖寶推介。

兩個人吃得不多，揀咗個炒椰菜苗、蟹肉炒飯，另外再加咗杯飲品，一於留肚食甜品。

先試下碟泰式馬拉盞炒椰菜苗 ($92)，椰菜苗取自最鮮嫩的中心部分，色澤翠綠，入口爽脆鮮甜，加上用咗馬拉盞和紅椒嚟炒，食落鹹鹹辣辣，香口又惹味。

香芒蟹肉炒飯 ($98)，個炒飯賣相好靚，色澤金黃，飯粒分明，而且上桌時香噴噴、熱辣辣，鑊氣十足。舀起一試，入口啖啖蟹肉，芒果新鮮甜美，另外配料仲有青豆粒、紅蘿蔔、粟米粒、洋蔥和蛋絲，再夾埋碟邊嘅肉鬆一齊食，口感好豐富，屬必食推介。

飲品點了菠蘿沙冰 ($33)，沙冰用新鮮菠蘿肉打成，味道天然，入口帶陣陣菠蘿香。

甜品點咗兩款，先吃小曼谷原隻芒果糯米飯 ($88)，芒果選用了菲律賓呂宋芒，食落鮮甜厚肉又多汁，完全無添加。糯米飯上檯時還冒著煙，入口暖笠笠，口感甚佳，配埋香濃幼滑嘅椰奶吃，甜而不膩，非常滋味！

另一客甜品就揀咗椰汁西米糕拼泰式千層糕 ($49)，每款三件，西米糕內混入了少許粟米粒，入口香甜軟滑，椰汁味濃，令人一食鍾情。千層糕味道亦唔錯，一層椰汁一層班蘭，入口煙韌如軟糖，充滿椰汁香氣，口感一流。

整體來說，這裡的泰菜做法地道，而且聽說食材很多都是從泰國新鮮運來，絕對值得一試。

一間唔尊重食客嘅地方永遠唔會幫襯

餐廳氣氛很好，食物有水準，和朋友聊天的好地方

非常差的體驗。坐低即刻order咗個明爐烏頭，過咗半個鐘，食曬所有餸之後仍然未到，催咗佢幾次又無反應，見佢不斷出咗幾次烏頭都無，直到過咗50分鐘再催佢，竟然同我講話有人通知咗話無曬，但根本完全無人同我地講過一句說話。走個陣仲聽到隔離檯話，佢地等個薄餅等咗一個鐘，最後有得食已經算好彩。如果你哋可以接受等一個鐘最後無得食的話，歡迎你哋去食。

午餐份量頗大，好好食。

最愛咖喱配蒜蓉包。正！

好食泰菜，香港加油！

二個字！好味😋因為生日要撐枱腳關係太飽了…🤭試唔到我摯愛嘅芒果糯米飯😂🤣下次要試青咖喱，串燒和未食的甜品~等等……🤩😍 …

出乎意料咁好食，價錢合理

還可以

作為一家泰國餐廳，味道很好，蟹種價格合理，工作人員也很親切。

郵輪位於世貿大樓旁邊的大樓535層地下室，很容易到達。

價格合理的午餐套餐包括銅鑼灣的主菜，泰式湯和飲料。

小曼谷可算是九龍城泰國菜的代表之首，如今港九新界亦有小曼谷的蹤影，小曼谷泰國美食站是港島區唯一一間小曼谷，裝潢比較摩登型格，與本店顯然走不一樣的路線，而且應該更不時會有現場音樂表演。

青咖哩豬頸肉 ($98)
青咖哩以青辣椒炮製所以一般會比黃咖哩或紅咖哩辣度更高，香辣濃稠而且加入椰漿較為溫和醇厚，豬頸肉本身更預先經過燒製而非單純烚煮所以特別香口。

辣椒膏炒海鮮 ($248)
青口、炸虎蝦、蜆及魷魚炒得入味，肉質不算相當鮮美勝在包羅萬有。

小曼谷炒飯 ($108)
這款炒飯之前已經在其他分店吃過多次，薄薄一層煎蛋皮中包住富陣陣咖哩香，而且更有豬頸肉、扎肉、蝦及蟹柳相當豐富。

極上燒安格斯西冷牛小排 ($238)
牛小排同樣是每次必點的菜式之一，但水準有點飄忽不定，以往一般都肥美多汁，油脂豐富，不過這次略為過熟令肉質稍韌。

椰皇沙冰 ($37)
當初以為椰皇沙冰會以椰皇——椰青水製成，出乎意外地是椰汁沙冰，但椰香十足同樣合我心意。

泰王咖喱炒大蜆 168 💰8⃣
小編見到個份量真係嚇到心肝仔都跳咗跳，因為幾乎有半張枱咁大！佢哋嘅咖哩可以話唔係行辣嘅路線仔，反而椰奶味比較突出比較甜，小編個人嚟講真係好鍾意。佢哋嘅蜆真係幾多下隻隻嘅size都唔野小，最重要係咩？新鮮吐沙吐得乾淨！
–
泰式鮮蝦炒金邊粉 💰98 8⃣
佢哋用咗新鮮爽口嘅蝦球嚟炒，加埋豆腐乾、芽菜、菜脯、細細蝦米仔令到口感更加豐富。大家食之前真係唔該你哋記得吱埋青檸汁，撈埋碟邊附送嘅花生碎，真係不得了頂唔緊 (btw份量真係多到癲，小編一個人真係可能啪唔晒成碟嘢。
–
豬肉碎生菜包 💰92 7⃣
都係個句我發覺小曼谷嘅份量真係幾多下，肉碎俾到成座山咁款，一啖落去唔知以為置身泰國添。不過呢碟肉就都幾辣差啲辣過我。
–
泰式炒椰菜苗 💰唔記得 8⃣
呢道菜真係小編幾乎每次都必嗌，不過佢哋嘅更加好味因為用咗大量嘅蝦米同埋蒜頭，啱晒我呢啲重口味人士。

聖誕節同屋企人食大餐☺️媽媽最鐘意食泰國野，所以今次食左銅鑼灣小曼谷食晚飯，食完再去睇燈飾😎未夠7點已經坐滿哂人，好熱鬧

🥢豬肉碎生菜包 $92
豬肉碎分量超多😍肉碎混合左洋蔥、芫荽、蔥花、辣椒一齊炒，食落相當惹味😋由於落左檸檬汁，仲食到酸酸地嘅味道😽非常醒胃🤩生菜份量好多，唔洗再加生菜都好夠食☺️

🥢青咖喱牛腩$98
牛腩份量估唔到咁多😍炆得好腍，好入味🤤仲有豆角、泰國茄子、青椒、紅椒，非常足料，而且食到濃濃椰香咖喱味🤩味道好正宗，叫左個白飯配咖喱，真係一流😝😝

🥢泰式蒜蓉包（4塊）$48
由於咖喱份量都幾多，叫埋蒜蓉包點埋咖哩汁食就啱晒啦😛😍

🥢泰式濕炒牛肉河$88
又係驚人嘅份量🤩好抵食，材料有芥蘭、紅蘿蔔、牛肉，個汁甜甜地😛河粉幼身，好吸汁，好好食😜

🥢泰式蟹肉煲仔翅 $98
紅醋、芽菜、芫荽、胡椒粉另上，可按個人喜好調味☺️有冬菇、蟹肉、好似魚翅質感嘅東西🤣🤣，煲仔翅味道特別，唔似平時食開中式翅嘅味道，都幾特別😽🥺

🥢海鮮孖寶 $288
288可以叫到2份海鮮🥰🥰抵到爆😝😝海鮮多汁又好食，超值得叫🤤👍🏻👍🏻

Tower535 開咗唔少新店，云集咗各國美食，今次去咗泰式餐廳。門口以火車頭作設計， 內裏裝修有懷舊工業風味，似係置身曼谷嘅火車夜市。

🍝泰式鮮蝦炒金邊粉 $98
賣相幾吸引，色彩繽紛。調味用咗羅望子醬加青檸汁，味道略帶酸酸甜甜，配上三隻蝦球同各款配料，有豆腐乾、細蝦米同花生碎等等。 份量唔少，適合2個人分享。

🍛青咖哩豬頸肉 ($98)
青咖哩以青辣椒烹調，香辣味濃郁。豬頸肉經燒烤過會更香口，不過切得大塊啲就會更有咬口。

🍢串燒（雞肉$24，翠玉瓜$24，雞全翼$30）
燒得剛剛好，配合沙嗲醬汁 就更滋味。
特別推介雞全翼，係泰菜相對少有，大細適中，雞肉嫩滑，未點醬汁已經好吸引。

🍕泰式風情簿餅$48
上層有泰式臘腸，芝士，貌似意大利Pizza，不過多咗酥脆感。可以點埋青咖哩食。

🥥椰青波波$53
原隻椰青起晒肉，夠方便食。幾大個，椰青水飲多肉，清甜解渴，椰青肉嫩☺️。

🧋珍多冰 $41
配料豐富，有綠色粉條珍多、粟米等等，椰汁味香濃。

🇭🇰銅鑼灣謝斐道535號Tower 535地庫B02舖
港鐵銅鑼灣站 D4 出口, 步行約2分鐘

價格過高。留下了一半以上。考慮到價格，53 美元的椰子球飲料非常令人失望。它絕對不是新鮮的，可能是在某個地方的工廠里大量生產的，因為它裝在塑料容器裡。

泰式炒河粉也非常令人失望，沒有味道和蝦，我認為這已經過時了。唯一可食用的食物是咖哩。雖然味道不錯，但如果多加一點肉就更好了。

經濟泰國菜館

食物水準好，環境整體都乾淨。

小曼谷系位於銅鑼灣呢個鬧市，佢嘅質素絕對同系泰國食一樣👍🏻👍🏻因為太多款色，餐牌上仲有啲必食推介，同埋海鮮添

酸辣鳳爪
個人最愛，有得叫一定食嘅嘢，但佢地好細心嘅系 可以走蔥走洋蔥，啱哂唔鐘意食嘅朋友。味道方面，少少酸但好夠辣，可以見到佢個汁系青紅辣椒仔都有，香辣具備。

海鮮孖寶 蒜蓉牛油燒蟶子/ 燒脆皮白鱔
蟶子燒到啱啱好，juicy唔會老哂，而好香蒜蓉牛油味，另外仲有啲脆魚仔系上面增加口感
叫得脆皮鱔，真系燒到外脆內軟，仲好滑，充滿油香，沾上少少汁，減低油膩感，帶起鮮味

冬蔭功
食泰國嘢必飲嘅湯，絕對足料，原只虎蝦煲出嚟，蝦肉爽身彈牙，仲有蝦味，個湯少酸少辣，非常開胃

蒜香雞
可以叫半只或者一隻，炸得非常脆，但仍然好多汁，好嫩滑，雞胸都好嫩，佢仲有淡淡嘅蒜香味，夠哂惹味

鐵板馬拉盞炒豬頸肉通菜
食咁多肉，都要食番啲菜嘅，呢個鐵板上嘅炒菜，最好就系食到最後都系熱架，而佢個馬拉盞炒得好香好夠味，豬頸肉都好入味

小曼谷泰國美食站 (銅鑼灣)

銅鑼灣真是一個美食地帶，今次與閨蜜👭去Tower 535 地庫食泰國菜。看到Tower 535 的標誌有一條樓梯直落地庫，一推開防煙門手轉右便到達餐廳。

餐廳的門面很吸睛，餐廳以火車風格裝修，營造在火車內用餐的感覺。餐廳的火車頭很適合打卡👍🏻

餐廳用手機落單，很方便，我們揀了：

❣️泰皇咖喱法包軟殼蟹 $228
發包看得外脆內軟，黃咖喱和炸軟殼蟹是分開上的，不會浸淋軟殼蟹，亦可以自由配搭黃咖喱的份量❤️❤️軟殼蟹炸得香脆，亦好足料，黃咖喱味道濃郁，不會太辣，惹味😚

❣️冬陰公湯（細）$138
冬陰功湯細已經分量十足，入面有鮮蝦、菇、以及香茅等配料，沒有加入椰奶，所以味道偏辣，但較少油脂～ 而且可以保持熱度，無需急着飲用。

❣️小曼谷原隻芒果糯米飯 $88
芒果很香甜，糯米飯的造型是心心💖💖形狀，很有愛。而且糯米飯是暖笠笠的，是新鮮即整😋 再加椰汁🥥，帶出香味。

❣️椰青波波 $53
特飲名字很有趣，原來是把整個椰青的果肉弄出來，裏面是裝滿了椰青汁，這樣十分方便進食果肉😚

*需加一服務費
地址：銅鑼灣謝斐道535號Tower 535地庫B02舖

銅鑼灣區，快、靚、正，價錢合理的泰菜。
服務
內用
餐點類型
午餐

蝦膏豬肉碎炒飯 $91
炒飯好大碟好多豬肉碎🥰 上碟嘅時候已經聞到好香🤤 炒飯上面仲配有炒蛋 🥚配上好香嘅蝦醬同豬肉碎😋 炒飯啖啖都好好味☺️ 價錢唔算貴又好足料又夠飽👍 值得一試😆

冬陰功湯（小） $142
煲湯係即場幫我哋煲熱～所以飲落口熱辣辣🥵辣味之中帶點酸味😌好有泰國冬陰功嘅味道😁 湯入面仲有幾隻大蝦🍤 肉質好甜😆加埋碗湯本身嘅辣味口感都唔錯👏

泰式鐵板蠔餅 $148
呢個又係非常之大碟😳 佢個鐵板都容納唔晒🤣 啲蠔都好大粒肥美😆 份量都唔算少😌 配埋芽菜入口非常爽口😆

總括來講我哋已經唔係第一次食🥶係一間好值得回頭嘅泰國餐廳👍 價錢又唔算貴🤑 值得一提嘅係餐廳平日都有表演者去表演一啲音樂😆 加上餐廳質素的確係唔錯😋 好適合朋友聚會一齊叫幾個餸菜一齊分享👍