BG Steak & Pasta鐵板

男孩，這家餐廳超級棒，我的意思是超級物超所值！大約 100 美元，您就可以享用美味可口的菜餚，從純素意大利面到鐵板上的牛腩。加 8 美元，你就有湯了。再花 8 美元就可以得到茶或咖啡！

如果港式牛排因為它的味精而打擾你，那麼放心，這是比港式更西式的牛排。要求單獨供應醬汁，並且您的鈉和味精最少。

即使對於青少年來說，份量也很大。

我們去的時候他們有茶點折扣和月末折扣（大多數人都沒有多餘的現金）。呸！

祝你好運，享受。

適合午餐

Lunch set 都幾抵食
有鐵板上算幾好食
薯條同意粉份量都好多
環境同坐位都幾舒服
服務都唔錯
可以慢慢食傾吓偈

就嚟中秋節，同事話去附近食西餐，佢話有一間好食得來又抵嘅餐廳。 當然我話銅鑼灣都幾難搵到一間好食得來又要抵嘅餐廳。 咁當然相信佢阿媽就跟咗佢去咗呢間BG Steak & pasta😍😍 最重要嚟到已經幾多人，好彩唔駛等好耐。一坐低因為時間關係我哋就嗌左兩份煮食可以share ，鐵板肉眼 $98
鐵板波爾多紅酒會牛柳條飯 $75，呢個鐵板肉眼扒實在太大塊啦，如果係我平時自己一個人去食一定食唔晒 ，好彩有同事一齊share ，我哋叫咗五成熟，切開塊牛扒入邊個肉仲係粉紅😍😍 正，而另外個牛柳條飯亦都非常之入味炒得好香，配飯一流呀👍 …

價位一共$135,經濟實惠也好吃!👍🏾
服務
內用
餐點類型
晚餐

某一日突然好想鋸扒，就決定去呢間已經bookmark左好耐，位於銅鑼灣永光中心既西餐廳試下佢地既扒餐🍴

🐮紐西蘭肉眼牛扒($72+10%，午市9折)
所有Lunch Set都有附上沙律、餐湯、麵包同埋飲品(凍飲+$3)。

🥗沙律：青瓜蘿蔔椰菜沙律，沙律醬偏少所以有啲乾

🍄餐湯：餐廳提供白湯紅湯選擇，當日白湯係蘑菇湯，雖然鹹左啲啲，不過飲到有蘑菇粒，所以味道都算OK

🍞麵包：係一個小小提子包🍇，雖然個面有啲硬，但入面都幾鬆軟，少少甜食到有提子乾，配埋牛油幾好食👍🏻

🍋凍檸茶：個茶底好好飲，亦都唔澀。同行友人點左奶茶，都話佢地既茶底好似同其他餐廳唔一樣，好飲同易入口啲

🥩肉眼牛扒(3成熟)配薯菜，跟牛肝菌燒汁
牛扒肉質幾嫰唔會痴牙，就算3成熟都冇乜血水，不過部份位置就比較多筋。

薯菜有小甘荀、西蘭花、椰菜同好多好多薯條🍟份量好有誠意👍🏻薯條本身已經加左少少鹽，味道啱啱好唔會太鹹，就算擺到最後先食，都仲係幾脆口同乾身，亦冇痴住塊鐵板，好正

醬汁分面，有5個選擇，我揀既牛肝菌燒汁味道偏酸，唔係好配牛扒，所以覺得麻麻地，其他汁應該會好食啲。但值得一讚係個醬汁係分開上💖客人可以落自己想要既份量，好似我呢啲唔太鐘意醬汁既甚至可以選擇唔落，間唔中蘸嚟食下就算，呢個安排對我嚟講真係好貼心😍

整體嚟講性價比真係好高，呢個價錢有呢個質素真係贏過好多同類餐廳，另外環境都好靚，設計幾有心思，坐得好舒服，如果想係銅鑼灣食價錢相宜既鐵板餐，呢度絕對係首選👍🏻
服務
內用
餐點類型
午餐

係Openrice見到有7折優惠，而且評價唔錯，於是3條友睇完電影就去試左。

因為我地遲左入，店員話取消我地個2人套餐，剩係比主餐牌7折我地，咁7折都抵嘅。

我地叫左：
紐西蘭牛柳拼鵝肝；
BG雜扒(豬扒，雞扒，牛脷，煙肉)；
黑松露忌廉汁挪威三文魚；
小食拼盤(炸雞翼，炸洋蔥圈，炸薯條);

牛柳好淋，炸洋蔥圈出色，整體來講雖然係7折，但份量都大嘅。

溫馨提示下，扒餐全部都係跟薯條，所以小食度可以避免再叫薯條。
服務
內用
餐點類型
晚餐

其實我真係食左呢間好多好多次(◐‿◑)
抱住心態係午餐平平地 滿足下食扒慾望 係個唔錯選擇
不過而家真係好失望！！
之前岩岩免加一果時真係成日食
但隨住愈來愈差 都少去左
明明前幾日仲同同事講呢間好耐無食 但真係無好必要唔想去食
因為試過「亂收錢」明明無凍飲 又無飲錯
就成日收多3蚊，仲要唔係個別事件，因為同呀妹，同事講出黎，大家都有一樣經歷😳
但呢日假期 一個人係附近做完facial 又忘記左 上左去食🫠
食番例牌
G餐厚切豬扒 配薯菜
唉😮‍💨點解菜又要粟米同青豆
之前試過一次食係咁
薯條炸到好老，早知叫番意粉🥺
厚豬扒愈來愈薄
今次仲好大部分位軟腍腍
細個鍾意呢個口感
覺得唔駛咬 大個知道咁係落左鬆肉粉🫠 之前明明唔係咁架
對上食都係覺得細左姐
好失望☹️
我有食晒d野 因為份量又唔係多 我都需要食野
但有冇人明 就係食完但心情差 衰過無食 ，除左個肚飽左🥲
然後呢一刻想再食其他填心靈
.
#唯有食是最治癒的
服務
內用
餐點類型
午餐