岳川串揚日本居酒屋(Yakimori Izakaya)

用心經營多款選擇串揚/串燒，實在有太多款串燒想試，叫12款串燒set滿足晒所有願望，材料新鮮，個人認為配搭秘製辣醬更好食令味道升華，值得一次。

銅鑼灣有心串燒小店🍢

好少行過嚟，唔係上網見咁多人介紹都唔知有間咁有心嘅串燒店，餐廳唔係好大，平日去食晚餐都全店滿座。佢手機落單好方便，仲要有圖比你望住嚟叫，唔洗驚叫錯。食物上菜全部都要等，食入口仲要係熱辣辣，證明係即叫即燒，真係值得等咁耐！

食物方面海鮮、豬、牛同雞一應俱全，唔夠飽仲可以叫主食，有烏冬同蕎麥麵，冷熱都有，一定夠飽。每道菜侍應都會介紹應該食咩先，因為凍左就唔好食。

整體串燒質素唔錯，最深刻係個芝士海蝦，面頭嗰d芝士超厚，下面仲要有層吉列外皮，再加上蝦肉好彈，正。之後就係炸餃子，外皮好脆，入面嘅肉汁都keep到，而且冇炸到爆開，唔錯。最後值得介紹嘅就係烏冬，好彈牙又飽肚，必試。

…………………………
岳川串揚
地址📍: 銅鑼灣摩理臣山道8號地舖

總評分: 8/10
…………………………
味道😋: ⭐️⭐️⭐️⭐️
環境👀: ⭐️⭐️⭐️⭐️
服務👨🏻‍🍳: ⭐️⭐️⭐️⭐️
衛生🧹: ⭐️⭐️⭐️⭐️
抵食💰: ⭐️⭐️⭐️⭐️

喜歡yakitori 服務周到，下次還有促銷，午餐套餐吃10次，送1次免費餐和賬單收據，可以留作下次晚餐的折扣。
餐點類型
午餐

串揚係源自大阪嘅一款小食，指係食物塗上薄薄嘅炸粉炸至金黃色。佢同串燒唔同，而好唔好食就真係好考功夫。餐廳除咗有串揚套餐之外，亦有特惠午市套餐，價錢好合理。呢類餐廳係香港比較少見，雖然佢嘅位置比較隱蔽，但係食物質素好高。今次試咗牛舌飯同埋蒲燒鰻魚飯，兩樣都好高水準。記得一定要食埋串揚，食材好新鮮，炸得岩岩好。
服務
內用

依到嘅串燒同野食都幾正，再加上happy hour去嘅話，第二杯飲品就可以半價，所以可以係咁食同飲
服務
內用
餐點類型
晚餐

好食既日式便當，雞肉串燒特別惹味香脆，值得一試

今日朋友帶我呢摩理臣山道一間日式小店happy hour🍢🍻，個位比較隱蔽有少少隱世Feel🥰，比較少位置但係就比較地道，有多啲人情味👍🏻，而且用了上乘，每款都好出色❤️，有齊炸串同串燒，飲下野食下串燒可以輕鬆下
服務
內用
餐點類型
晚餐

Lunch set好抵食，唔使$100/set就有齊前菜、主食、串揚及飲品，推薦和風照燒雞扒烏冬及香菇串揚😋
服務
內用
餐點類型
午餐

🍢岳川串揚日本居酒屋 Yakimori Izakaya

📍銅鑼灣摩理臣山道8-10號
8-10 Morrison Hill Rd, Causeway Bay
😋 4.7/5

▪️之前有朋友推介過呢間銅鑼灣的日本居酒屋好好食，今日特登book左位同朋友收工過來食。

▫️我地叫左個輕食串揚拼盤(2人前)($438)，裏面有海蝦，雞軟骨，黑豚肉，香脆雞翼，紫蘇魷魚卷，香菇，洋蔥，虎椒，茄子，年糕各兩串。

▪️當中我最鍾意紫蘇魷魚串，用魷魚包住紫蘇葉再配上店家特配的柚子胡椒點綴，口感特別清新美味，而且我從來未試過呢個配搭，如果大家唔抗拒紫蘇葉一定要試下呢個串燒，十分推介❣️

▫️我地另外叫多左串牛舌心($45)，食完都覺得係必叫值選，牛味重，多汁，肥而不膩，絕對值得再encore🤤

▪️由於朋友覺得唔夠飽，我地再叫左碗櫻花蝦湯烏冬($58)填肚，呢個湯加左櫻花蝦之後馬上昇華，湯底變得香甜，秋冬飲好暖胃。

▫️最後當然唔少得叫左呢個特色甜品— 原個柚子雪葩($68)，柚子味濃郁，酸酸甜甜，解除曬啱啱串燒的油膩感，作為今餐結尾簡直係完美🥰
服務
內用
餐點類型
晚餐

最近朋友成日都話好大壓力，放工要happy hour🍻 聽朋友講 #岳川串揚 係食大阪炸物、串燒既地方 而且happy hour十分抵飲，又做緊promotion，第二杯飲品半價好抵🍹伴醉小食又唔錯😋 …

💁🏻‍♀💁🏻💁🏻‍♂️️💁🏿‍♀️💁🏿💁🏿‍♂️
岳川串揚
#銅鑼灣

燒芝士年糕HK$25
外脆內軟，一咬就有流心芝士，芝士味濃郁，整體十分煙韌。

招牌大阪士手燒牛舌(大）HK$ 78
湯汁濃郁，蘿蔔鮮甜入味，牛舌煮得十分軟腍，入口即化，整體份量較多，屬佐酒好菜。

炸日本菜肉餃子(5pcs）（揚）HK$ 48
餃子皮薄，炸過後更顯爽脆，內裏肉汁鎖得好，吃起來十分可口。

和風冷蕎麥麵（冷）HK$58
低卡路里健康之選，份量適中，吃起來有種透心涼的感覺，味道清淡，配上炸餃子，相當解膩飽肚。

牛肉湯烏冬（熱）HK$ 78
烏冬非常Q彈，湯底清淡令牛的肉味更凸顯，飽肚之選！

完熟水蜜桃梳打HK$ 76
清爽果汁，配上炸物熱食相當解膩！

Encore?
Yes，如果Happy hour時間到訪，購買第二支飲品有半價優惠！約三五知己來點串燒串揚送酒，happy hour一定夠曬輕鬆！
服務
內用
餐點類型
晚餐

「串揚」其實係關西嘅一種流行小食，
將食物一串串穿起再沾上炸漿油炸!

有個朋友同我講話佢附近有間唔錯嘅關西風居酒屋，早幾日難得嚟到佢屋企附近就順便試下！

店舖面積唔算大，不過我都好好彩坐到一個打卡位！
牆上有好大個心齋橋代表之作「固力果」，仲有通天閣！
Lunch Set價錢性價比高！

我地叫左兩個優惠午餐：

日式咖哩豚肉飯，個咖哩汁好香好好味， 紅蘿蔔切得好細粒，淨係個汁已經好開胃，好好送飯，加埋肥瘦適中的豚肉，簡直食到停唔到口。

阿妹叫左關東煮配白飯， 亦好好食，白蘿蔔好焾，仲有蒟蒻塊，蒟蒻絲同埋獅子狗魚蛋， 最like 係麻糬福袋 , 加入熱湯，好yummy.
服務
內用
餐點類型
午餐

small restaurant, taste not bad, good price for tariyaki, 小店，味道不錯，串燒價錢也不錯。
餐點：3
服務：4
氣氛：4

人氣日式居酒屋，主打多款串揚串燒，下酒菜、鍋物、日本料理同樣出色，適合同friend吹水飲吓嘢

❤️日式磯煮鮑魚伴蘿蔔(2pcs)
呢個要推薦比大家。蘿蔔夠甜夠曬淰又無渣，好入味。鮑魚有口感得黎易咬。

❤️食完主食梗要黎個甜品先夠皮。
柚子雪葩(原個)有清新柚子香，甜味全來自柚子本身，唔覺得太甜，味道輕盈，食完完全唔會有罪惡感😁。

我下午5:30到餐廳，呢個時間人唔多，可以同朋友坐低慢慢飲下野食下野傾下計都唔錯。重有happy hour優惠。店員話我知餐廳做緊happy hour優惠：買任何飲品，第二支半價。注意：優惠只限3點至7點(星期一至六)。我同朋友即刻各自嗌咗Sapporo Premium(1支)同「完熟水蜜桃梳打」。食完呢餐已經約左朋友下一次再黎幫襯啦！😆

$80左右有日式lunch食，在呢區的確不錯！
服務
內用
餐點類型
午餐

星期日去左銅鑼灣摩理臣山道岳川串揚食野，聽個名都覺得係高級野呀。呢一間係日式居酒屋，餐廳位置都唔算太遠，係時代廣場附近。落單用QR code，餐牌有招牌拼盤，串揚串燒，海鮮，雞，豚，牛，羊，野菜，佐酒下酒，前菜，秋冬限定，主食，飲品，甜品。選擇好多。而家有happy hour優惠，星期一至六3點至7點買任何飲品第二支半價。

我第一次食串揚，原來係串住食物之後炸，好新奇，所以叫左好多串揚試試。

北海道天使蝦（揚）$48 另加一

北海道天使蝦超脆口，蝦殼好香，真係可以連殼食，成隻蝦連殼食哂唔好哂。

紫蘇魷魚卷（揚）$30 另加一

紫蘇魷魚卷一客三片，面頭加左柚子胡椒。炸皮好薄，食落滑溜爽口既魷魚帶有淡淡紫蘇葉味，仲有少少鹹胡椒味。唔錯。

帶子三文魚籽（揚）$40 另加一

帶子一串一粒。帶子好淋又鮮味，炸皮好薄，加上適量沙律醬同鹹香三文魚籽，好鮮味。

廣島蠔（揚）$48 另加一

廣島蠔一串一隻好多汁，面頭加上適量沙律醬。

燒日本蠔(4隻) $195 另加一

我見到老闆好有心機燒，上枱時同我地講呢d蠔係生蠔，燒得半熟，否則會縮小。果然4隻蠔都係非常多汁又肥美，面頭簡單加上蔥花同蒜蓉，個湯好清甜，應該全部都係隻蠔本身既汁。好食過生蠔。

燒白鰻 $42 另加一

燒白鰻一串兩件，熱辣辣，燒得皮香肉嫩，肉質肥美，面頭灑上黑白芝麻粒。

鹽燒紐西蘭頂級羊架 $68 另加一

鹽燒紐西蘭頂級羊架鹹度適中，肉質嫩口，只有微微穌味，伴有一塊檸檬，加左檸檬汁個鹹味更加平衡。

鹽燒美國肉眼串 $45 另加一

鹽燒美國肉眼串一串3粒，肉質算淋，個汁比較重口味少少。

燒芝士年糕 $25 另加一

燒芝士年糕一碟一粒，外皮燒得夠乾身少脆，入面有唔少流心芝士同糯米糍口感。

今餐好滿足，呢度串揚，串燒同燒野都好食，幾時再黎好呢？一大班人食野gat

🍜豚肉湯烏冬$ 78
🍜櫻花蝦湯蕎麥麵$ 58
熱辣辣嘅蕎麥麵同烏冬，伴海量既櫻花蝦，
湯底清甜，天寒地凍好岩食

🥟炸日本菜肉餃子$48
一客有五件炸到卜卜脆 ，帶肉汁
🍢燒牛肉金菇卷$38
牛肉汁滲入金菇，好入味
🍢日式磯煮鮑魚伴蘿蔔 $80
涼拌既蘿蔔好甜而且多汁，伴鮑魚幾好
🍢鹽燒牛舌心$ 45
牛舌算好厚身 有咬口
🥠燒芝士年糕$ 25
煙煙韌韌既年糕配芝士，口感不錯！
🍢豚肉車厘茄$ 33
🍢豚肉蘆筍卷$ 40

🍢燒白鰻$42
白鰻好鮮甜，魚皮卜卜膽
🍢秘制超Juicy香脆雞翼$ 20

🍑完熟水蜜桃梳打$ 38
最後來一杯梳打，爽一口氣

一直都想係港島搵間岩同朋有放工
輕鬆傾計小聚既地方，
結果朋友發現佢翻工附近有呢間小店，
所以來試試 ，來身有happy hour時段，
不過我地過左時段🤣🤣

趁農曆年假期間，與閨蜜去摩理臣山道的特色
日式居酒屋午餐，餐廳對出係一個公園仔，環境清幽；店舖內瀰漫着濃厚嘅日本風情，日本街景牆，都幾有日本feel。

我哋叫咗兩個特價午市套餐，前菜有自家醃製嘅青瓜和海帶;青瓜爽口,海帶養顏，令人非常開胃。

烤鯖魚飯$98
鯖魚味道剛剛好，過年後吃，最適宜，因為專家講，佢有清血及抗氣化嘅功效;

原條蒲燒鰻魚飯 $98
老闆用咗佢自家調製嘅鰻魚汁淋上鰻魚飯，味道甜甜地，夾埋帶有炭烤味嘅鰻魚，鰻魚烤到啱啱好，魚肉又吸收晒鰻魚汁嘅精華。

午餐可以飽腹，同時可以美顏，正正正！

其次，店鋪設有一個酒櫃，擺著不同類型的日本酒，Happyhour優惠，可以飲返兩杯，超正！
服務
內用
餐點類型
午餐

特別要推介幾款串燒給大家：
燒白鰻

燒雞皮

鹽燒牛舌心

自家制免治雞肉串
服務
內用
餐點類型
晚餐

我在過去 3 個月裡吃過的最好的雞肉和麵條！ 🥰非常友好的服務和良好的氛圍。
服務
內用
餐點類型
午餐

今日同姊妹出去鵝頸橋辦年貨，上網睇吓附近有啲咩食，就見到呢一間日式串燒居酒屋就入去試吓啦！呢度舖頭細細間得四張四人枱，主打日式串燒、烏冬及日本直送甜品。

一入到餐廳就見到一幅好大嘅畫，有大阪名勝景店嘅圖案好似去咗大阪食串燒咁，配上柔和嘅音樂好適合朋友傾偈或者情侶過嚟食飯，呢度落單係用QR code來點嘅，所以餐牌都可以喺電話入面睇到。

我哋叫咗磯煮鮑魚伴蘿蔔（ $80兩件），蘿蔔好入味配上凍食嘅鮑魚味道相當夾，另外叫咗燒白鱔（$42），白鱔燒得啱啱好！跟住叫咗招牌大阪燒牛舌（$78）牛脷煮得好琳，暖暖地又煮得好香，另外再嗌多個日式汁燒魷魚（$128），原條魷魚配上豉油味道都唔錯，

主食方面，我就叫咗一個大阪狐狸烏冬麵（ $58） 🦊其實係腐皮烏冬，而姊妹就叫豚肉烏冬烏冬（$78）本身想試柚子同椰子雪芭，可惜冇貨唯有食蜜桃🍑雪芭啦！係由日本直送，幼滑雪芭有濃厚嘅蜜桃香味好食！😋

佢哋而家仲做緊一個優惠，逢星期一至星期六晏晝三點至七點happyhour有飲品優惠，凡購買任何飲品，第二支可享有半價優惠，可惜我同姊妹都唔鍾意飲酒，如果唔係就好抵，所以我哋淨係叫咗兩罐汽水，但係收$14一罐價錢都好合理！下次可以再嚟過試吓唔同嘅串燒。
#foodiehk
#foodie
#hkfoodie
#yummy
#yummyfood
#delicious
#hkfood
#hkfoodie
#美食
#香港美食
#串燒
#居酒屋
餐點類型
晚餐

呢間係銅鑼灣嘅串燒店，除咗有好吸引嘅串燒之外，lunch time仲有好抵食嘅lunch set，今次點咗和風照燒雞扒烏冬同埋日式燒汁牛肉烏冬。雞扒燒到好香，皮脆肉嫩，烏冬口感彈牙，好味。燒汁牛肉都唔錯。

我參觀了位於灣仔的一家日式串燒餐廳，體驗非常棒。餐廳已經訂滿了，我很高興我提前在網上預訂了。我在一個工作日的晚上 8 點到達，發現這個地方到處都是外國人。

串燒菜餚是當晚的亮點。每一串都有完美的肉和蔬菜平衡，油炸至完美，調味恰到好處。肉很嫩，蔬菜又脆又新鮮。

餐廳的氣氛溫馨而溫馨，擁有傳統的日式裝飾和友善的員工。服務非常好，服務員很細心和樂於助人。

總的來說，我強烈推薦這家日本 kushiage 餐廳給任何尋求美味和正宗日本用餐體驗的人。非常適合約會或與朋友度過一個休閒的夜晚。請記住提前預訂，因為它是當地人和外國人的熱門景點。
服務
內用
餐點類型
晚餐
建議的餐點
Sapporo Hokkaido Scallop 串揚