牡蠣小屋(KAGURA)

非常🈶日本味道的生蠔店，非常好味，一定要再次光顧 …

以牡蠣為主的絕妙居酒屋。食物很棒，調味得很好，煮得很好。由於他們是一家以牡蠣為主的居酒屋，所以必須點的是在錫盒中蒸汽烘烤的廣島牡蠣。生蠔香甜肥美，味道鮮美。其中一個牡蠣有點小，廚師用兩個免費的牡蠣來彌補我們的驚喜。談論優質的服務。他們每天都會捕獲海鮮，值得研究和嘗試。烤雞肉串是我很長一段時間以來在香港吃過的最好的烤雞肉串之一。位置在銅鑼灣，離地鐵站只有幾分鐘的路程。很棒的飲料菜單，但牡蠣黑啤酒與我們所擁有的非常相配。

#miss銅鑼灣

今日黎到一間裝修好有心思嘅餐廳，好似去咗日本咁🥰呢度食物選擇好多囉喎我哋點咗：

明太子芝士玉子燒$98
賣相好靚，蛋香十足。一口咬落去，明太子嘅口感實在太有趣，濃郁芝士同嫩滑雞蛋係口中化開，雞蛋有啲微焦，令人回味無窮👍🏻👍🏻👍🏻

特上刺身拼盤（二人前）$440
又係一件藝術品，好靚🥰除咗日本直送鮮魚三款，仲有呑拿魚拖羅、北海道海膽、牡丹蝦同北海道帆立貝。拖羅甘香，幾肥美！鮮甜嘅海膽口感奶滑而又濃郁，凡立貝鮮爽帶甜。
牡丹蝦大大隻，同樣好鮮美

銀雪魚西京燒$148
經炙燒後表面金黃，魚肉肉質鮮嫩，帶有甘甜味，好味道！

生蠔🦪(中)$216
生蠔大大隻，好鮮甜豐厚，可以配日本版Tabasco既檸檬辣醬，令味道更清新

呢度環境舒適，服務一流，啲店員都好nice🥰
#oyster #蠔 #sushi #sashimi #japanesefood #japanfood #egg #eggroll #eggrolls #蛋 #蛋卷 #tuna #呑拿魚 #拖羅

老闆係日本人，連食材都係日本直送，千祈唔好錯過👍🏻

裝修以溫暖木系作主調，設卡位梳化、吧枱同榻榻米座位，電視播放住日本節目，充滿日式用餐氣氛，好似去咗日本咁🇯🇵

鐵盒燒生蠔(半打)🍶🦪
將生蠔放喺鐵盒中再加入清酒燒9分鐘
一打開鐵蓋，傳嚟陣陣酒香，隨後店員即席開生蠔
生蠔熟咗完全無縮水，仲脹卜卜好飽滿
入口滑溜，鮮嫩多汁，仲有淡淡嘅酒香

Kagura彩虹魚生飯🍱
玻璃樽入面裝滿魚生，包括海草莖、山芋蓉、免治呑拿魚、自家製橄欖油蠔、魚生粒、白飯魚、飛魚子、三文魚籽同北海道海膽，超豐富，顏色好colourful好似彩虹咁，賣相吸引
客人可以將一層層嘅魚生圍圈順序放喺醋飯上，好足料，配料鋪滿成碗飯
山芋蓉同海草莖，滑嘟嘟有啲黏稠
魚生粒係用飛機貨，色澤光鮮，味道新鮮
蠔身好豐滿又大粒，入口蠔味濃郁

明太子芝士玉子燒🧀🍳
玉子燒大份又厚身，色澤金黃，鬆軟柔嫩，口感濕潤
明太子份量好澎湃，落足料，入口鹹辣惹味

汁燒黑和牛🐮
肉質細嫩，柔軟腍滑，肉汁豐富，牛味香濃，脂香滿滿，令人回味

汁燒牛舌🐮👅
牛舌爽脆有彈性，口感軟嫩多汁又有咬口

拖羅蔥花卷🍣
淺粉紅色嘅拖羅蓉肥美香滑，入口即溶滿口油香，魚香持久，加埋蔥花更能夠帶出拖羅蓉嘅鮮美

享受美食想搭配美酒，店員可以為客人挑選適合嘅酒，令味道質素提升

環境舒適，食物高質，係個聚餐小酌嘅好地方，極之推介！

位於銅鑼灣的牡蠣小屋🔸，是一間以蠔為主題的日本料理餐廳，愛吃蠔的朋友仔，一定不能錯過啦! 餐廳由日本人開設🥰，當晚光顧，全埸都是日本客人，即是有回到日本旅遊的感覺😍，相當有氣氛。

生蠔的種類多元化🇯🇵，有來自長崎、岩手、兵庫、北海道、廣島、熊本等地的出產，絕對令一眾蠔迷大飽口福。店家推介多款必食菜式，包括: 鐵盒燒生蠔、彩虹魚生飯、蠔土手味噌鍋、牡蠣忌廉意粉等等，全部都好吸引呀。

鐵盒燒生蠔 ◢

招牌的鐵盒燒生蠔，會加入清酒燒14分鐘✌🏻，
再由店員在客人面前即埸開殼。蠔🦪的海水味重，隻隻飽滿，啖啖蠔肉，非常滋味。

牡蠣忌廉意粉 ◢

招牌之一的牡蠣忌廉意粉🍝，散發著濃濃的奶香、牛油香和蠔香。每當有客人點這道菜，整間餐廳都充滿著令人垂涎三尺的香氣。意粉被醬汁包裹，👅蠔香四溢，值得推介呀!

明太子芝士玉子燒 ◢

肥嘟嘟的明太子芝士玉子燒味道很不錯呢! 濕潤的玉子，充滿蛋香和湯汁，再包著滿滿的明太子和拉絲芝士。日本大廚造出來的料理，果然好吃呀!

蒲燒鰻魚 ◢

我最愛吃蒲燒鰻魚💘，醬汁濃香甘香，不過細骨略多，吃的時候要比較小心哦。

有史以來最好的生日晚餐，香港最好的日本料理，最好的用餐體驗，有史以來最好的員工！

冇得去旅行一段時間，一直都好掛住我嘅另一個鄉下日本🤧唯有係香港搵下日本野食解下思鄉情喇🤣呢間位於銅鑼灣嘅日式居酒屋就非常正宗，除左老闆係日本人外，光顧當日嘅唔少客人都係日本人，感覺就真係好似去緊日本旅行一樣。

✨鐵盒燒生蠔（$220/半打）
居酒屋以「牡蠣」命名，當然唔可以錯過佢地嘅生蠔喇😝店舖採用左日本嘅廣島蠔，放入鐵盒入面焗熟，冇加咩特別嘅調味料，原汁原味❤️食落味道偏鮮甜，海水味唔算重，都幾好味。

✨鹽燒牛舌（$48）
店舖嘅串燒以居酒屋黎講都唔算貴，燒牛舌偏厚身，燒至剛熟，口感彈牙好味😋

✨免治雞肉（$38）
免治雞肉棒望落非常吸引😋點埋生雞蛋食就更加好味。

✨煙燻白蘿蔔伴芝士（$48）
非常適合送酒嘅一款小食😋白蘿蔔乾食落味道酸酸甜甜，非常爽口，同芝士又幾match❤️

✨8款壽司盛盒（$198）
8款唔同嘅壽司，有牡丹蝦、赤身、帶子等，都算係幾新鮮。

✨牡蠣忌廉意粉（$118）
用蠔黎整嘅意粉真係第一次食🤣個cream source 食落都幾香，再帶少少蠔嘅鮮味，味道都唔錯。

朋友介紹我呢間為於銅鑼灣L pace 嘅牡蠣小屋，原來係5月新開，一上到去見到裝修已覺得好有日本風格，有吧枱、座位，門口放左好多時令生蠔，好吸引!!

我地叫左兩個lunch set, 同幾款小食, 當然仲有最出名嘅蠔!!

彩虹魚生飯定食 $198
呢個魚生飯好特別，個醋飯本身已撈左少少鼓油，自己再將樽內嘅配料倒出來撈埋一齊食，好睇好食又好玩!

鮮魚壽司定食 $208
有9件壽司，職員話師傅會揀當日最新鮮嘅食材做壽司，每次都唔同，所以下次嚟都應該會再叫!

加12蚊肉溫泉玉子
加15蚊可以upgrade飲品 : Hojicha Latta

鐵盒燒生蠔 (1打) $380
呢個係重頭戲，全日最期待，將所有蠔放晒入去個鐵盒內焗，夠鐘職員會親自幫我地開蠔，我食到應該加左清酒入去，好香好juicy!

明太子芝士玉子燒 $98
流心芝士玉子， 餡料完全唔吝嗇 ，好足料~~

👍🏻鐵盒燒生蠔（半打）
基本上係每一台客人都會點既菜式！職員會先係燒盒加入清酒，再較準6分鐘既時間去燒，
夠鐘就會逐隻逐隻生蠔拆殻並端上枱。被烤過
既生蠔，肉質依然脹卜卜，夠飽滿，食落仲
保留到淡淡海水既餘韻，外附兩款日本直送醬汁：檸檬汁同辣汁，前者加完味道較酸，同時迫出更多蠔既鮮甜。

👍🏻特上刺身拼盤
超大盤上枱（真係細張啲既枱都放唔落），拼盤刺身款式多樣化，共7樣：北海道海膽、北海道帆立貝、拖羅、牡丹蝦、同三款即日新鮮魚刺生。每一款都好新鮮，拖羅既魚脂香好滿溢，入口油潤，海膽creamy亦夠滑身，近乎入口即溶；帆立貝鮮甜厚實。

👍🏻明太子芝士玉子燒
店舖嘅玉子燒比較淡色，但絕對唔影響口感。細細力切開已經有半流心嘅蛋汁流出，包係裏面嘅既芝士同明太子都好豐沛，份量好多，蛋香好濃，玉子密度好夠，中間完全冇空隙，食落厚實帶點滑嫩，芝士拉絲效果不俗。

👍🏻串燒
鹽燒牛舌燒得剛好，十分爽口有彈性；牡蠣豬肉，兩串蠔肉嘅外面包左兩片豬肉，燒汁味道唔會好濃，帶微甜，蠔肉依舊飽滿。

👍🏻北海道布丁
甜品由玻璃樽裝住，雖然無得反轉倒落碟，不過味道質素好高水質。奶味夠，蛋香好出，布丁滑溜，焦糖份量好適中。

👍🏻👍🏻蠔既菜式好多樣化，有飯團、鍋物、茶漬飯、意粉等等。

如果你喜歡日本料理，一定要試試這個。以新鮮的日本進口牡蠣而聞名。他們的招牌之一是神樂瓶どん。我喜歡他們用錫鍋盛的清酒。

Lunch Set價錢定位，響銅鑼灣區算係抵食呢

我哋分別叫咗一個Set Lunch
同埋呢個生蠔涮涮鍋:yum
呢個鍋有6隻生蠔,紅白蘿蔔,日本大蔥同菇。
每隻生蠔都有半隻手掌咁大..蠔身漲卜卜..
店員教煮10-20秒就可以進食。

蠔🦪味道非常鮮甜！煮完都仲係大大隻同非常creamy。
至於配料紅蘿蔔、白蘿蔔、日本大蔥同菇
就索晒湯嘅精華。

店員最後仲推介食完後可以加啲飯落去整成一個雜炊。
好似食緊蠔仔粥咁..有蠔同埋雜菜既鮮甜。👍🏽

明太子芝士玉子燒
玉子燒大大份
中間包住好多明太子..
連埋芝士..做成流心效果。好香。

特上刺身定食
有油甘魚,真鯛,北海道帆立貝,牡丹蝦,吞拿魚拖羅..
刺身好新鮮..同埋冇諗過lunch set都會有食到拖羅😍好甘香..油脂好豐富🤤🤤

另外再叫左10件拼盤壽司
吞拿魚拖羅..完全無筋..魚肉肥美..
接近入口即溶。
其餘好多魚生都同厚切..飯既size又好適中。
質素好似食緊omakase咁

服務很好👍🏻食物新鮮美味😋
強烈推薦！

好飽足的一餐

鐵盒燒生蠔隻隻蠔🦪都十分飽滿，睇到都開心。生蠔放入燒盒加入清酒燒熟後味道依然鮮甜，同埋冇咗生嗰時既滑潺潺質地，對唔食生蠔既人應該會容易接受左。估唔到熟蠔都可以有咁既體驗；吉列炸蠔同樣新鮮，炸得好香無油臭味

白子首戰大成功，又肥又香又滑。但最正係海膽三文魚子飯，海膽鮮美香滑，撈飯一流🥰 可以再戰

鹽燒吞拿魚鮫魚皮位脆，面頭好似冇乜肉，其實反轉之後內裏面既肉仲正，膠質豐富仲好香魚油味，配埋蘿蔔蓉汁可以減低滯感

幾味海鮮都好出色所以相比下串燒就無咁亮點（唔係唔好食）

另外，呢度除咗幾個日本人 staff之外，就算係 local staff 都 chok 到嗰隻日本人落單既神髓（即係有小小浮誇地你點乜佢都比個”好，無問題，明白”既眼神同聲你）係好有日本feel 既！

位於銅鑼灣駱克道新開咗一間由日本人主理嘅餐廳「牡蠣小屋KAGURA」，餐廳主打以 日本牡蠣變出多樣化的菜式，最重點每道菜均採用日本新鮮食材。開業短短時間已經可以係openrice成為最近“第三最多人收藏餐廳“，同時間呢間餐廳都係小編2021年最想推薦餐廳，快啲睇吓食咗啲咩好西而咁大口氣
–
鐵盒燒生蠔半打 💰220 🔟
餐廳最人氣最多人嗌嚟打卡一定係呢個，小編起初都覺得言過其實，點知食完之後即刻企起張檯為個廚師歡呼。師傅會用原殼嘅蠔放係一個鐵盒燒大概9分鐘左右，肉質飽滿內裡多汁！好味到過分嘅地步。
–
銀鱈魚西京燒 168 💰1488⃣
以西京漬醃魚肉後再直接燒，火候一定控制得好好！銀鱈魚味道帶微甜，肉質食起身完全唔會覺得好柴，相反魚汁依然封存係每一寸肉入面。
–
牡蠣忌廉意粉 💰118 8⃣
軟韌意粉搭配特調忌廉醬汁其實已經好攞命，佢居然夠膽死加埋生蠔入去大佬個廚師真係好識玩，頂唔緊會唔會太好味，放過我個胃仔得唔得先❤️
–
日式串燒
1）牛舌 (鹽燒): 好鍾意個調味牛舌點會唔嗌，軟硬程度啱啱好。
2）免治雞肉（汁燒):食之前記得撈埋蛋黃一起食，甜甜地嘅免治雞肉真係好正。
3）雞軟骨(鹽燒): 簡單調味最啱雞軟骨
4）雞腎: 超級爽口內裡多汁
5）蘆筍: 水準之上

Fresh就是味道

今日又去銅鑼灣覓食嘅時候啦，又係揀咗我最鍾意食嘅日本菜😻😻牡蠣小屋一早已經聽過呢一間餐廳嘅名，今日終於約到朋友嚟呢度食lunch❤️❤️

餐廳嘅裝飾唔錯，佢分咗幾個區域，其中有一個區域係榻榻米，有啲就係坐吧枱，有啲就係普通嘅餐桌形式，今日我哋揀咗坐吧枱，因為可以睇住師傅整食物，都幾享受㗎！呢度嘅日本蠔咁出名，梗係一定要叫啦😁😁

我哋叫咗一個日本產生蠔涮涮鍋，有大大隻嘅生蠔六隻，仲有一盤嘅蔬菜雜錦拼盤，感覺好豪華🤩🤩等啲壽喜燒湯底滾熟咗之後，我就即刻將生蠔放落去，唔使淥咁耐㗎，大概10令秒左右就可以即刻拎起，我想講呢款生蠔真係超好食！非常之creamy, 味道有層次，而且複雜多變，首先會食到鮮甜嘅味道，之後你會食到淡淡的海水香味，肥美嘅生蠔好快俾我哋清晒😻😻蔬菜拼盤都好新鮮，一邊食生蠔一邊食蔬菜都幾夾。一定要嚟呢一度食生蠔，不容錯過！

小食嘅部份我就叫咗明太子芝士玉子燒，呢一個係餐廳嘅推介，玉子燒嘅香味撲鼻，而且啲蛋係嫩滑同非常厚身，再加埋啲明太子，令到食物嘅味道昇華，我真係叫得好啊👍👍

最後我哋叫咗特上嘅刺身拼盤，刺身好豐富，種類都有好多，二人份量啱啱好！佢有北海道海膽、北海道帆立貝、牡丹蝦、吞拿魚拖羅，仲有三款日本直送嘅鮮魚：目仁奈、魴鮄、真鯛。特上嘅刺身真係冇得彈，冇一百分都有99😉😉💖，刺身鮮甜美味，特別係日本直送嘅鮮魚，食過返尋味，勁想食多幾嚿🤣🤣牡丹蝦嘅蝦肉彈牙，海膽鮮甜，拖羅嘅油脂齒頰留香……太正了！

我好滿意今日餐飯，因為服務態度好，環境都舒服，而且食物質素一流，基於呢一個質素，價錢都合理，我朋友話佢下次都要再光顧👍👍🤗

依間日本餐廳主打日本牡蠣，裝修以木系色為主調，裝修雅緻。門口擺放住好多原隻生蠔，有兩邊吧枱、四人榻榻米座位及普通位。餐廳由日本人主理，採用日本直送新鮮食材，店內亦有唔少日本員工，仲播放住日本電視台，令人仿如置身於日本💕

❀ 鐵盒燒生蠔 (半打) 🦪
嚟到必點既招牌菜之一✨ 店員會先將原隻廣島生蠔放入鐵盒，並加入清酒燒七分鐘。燒完之後店員會即場拆開蠔殼上碟，未食見到已經好吸引😍 生蠔好大隻，肥美飽滿，口感嫩滑。用清酒煮令生蠔更鮮甜多汁，食落蠔味濃郁又帶有淡淡海水味～餐廳仲附上兩款唔同辣度既廣島檸檬辣醬，可以自行調味～

❀ 特大吉列蠔 🦪
吉列蠔炸得金黃酥脆，炸粉雖然偏厚實，但並無遮蓋到蠔既咸鮮味，亦能鎖住蠔汁。蘸上他他醬及日式吉列豬排醬，味道更惹味，絕對唔比生食遜色

❀ 特上刺身拼盤 🐟
擺盤勁靚💕 總共有七款刺身，每款兩件，包括：北海道海膽、帆立貝、吞拿魚、牡丹蝦及三款時令刺身 (拖羅、油甘魚及鯛魚)。全部都係新鮮厚切，當中最鍾意食海膽、帆立貝、及牡丹蝦😋 海膽入口即溶好creamy，帆立貝鮮甜爽滑，而牡丹蝦肉質飽滿鮮甜，細綿爽彈

❀ 銀鱈西京燒定食 🍱
銀鱈魚係以西京漬醃後再燒，外皮燒得好香脆，魚肉嫩滑微甜，油脂豐富，而且仲保留到魚汁唔會乾，味道濃郁～定食仲會跟埋沙律、前菜、紫菜、麵豉湯、飯及飲品，好豐富

❀ Kagura Lemon Soda (跟餐+$15) 🍋
飲落酸酸地好開胃，加入梳打水令味道更清爽

來自廣島的正宗牡蠣

餐廳採用日式風格裝飾，工作人員會說一口流利的日語。他們讓我感覺就像在日本一樣。美味的食物，尤其是清蒸牡蠣。

銅鑼灣一間樓上舖餐廳, 由日本人主理, 主打日本生蠔、刺身,

這間店很有人氣, 如非友人預早訂位, 應該無法入座。
餐廳內設吧檯, 還有四人榻榻米枱, 別具日本地道風味。

餐廳選擇唔算多, 刺身、壽司、燒生蠔、串燒等, 都係一d飲清酒, 邊食嘅食物款式。

【明太子芝士玉子燒】HK$98
坊間嘅玉子燒通常表面都為金黃乾身, 但相反呢度嘅玉子燒賣相淡黃很水, 切開有如半流心狀嘅蛋汁、芝士、明太子慢慢流出。入口味道令人驚喜, 蛋香味濃, 玉子質地滑, 包住軟棉濃郁芝士+鹹鹹地嘅明太子, 超正!

【免治雞肉汁燒】HK$38
雞肉棒表面燒至金黃, 內裡keep到肉汁, 有少少爽脆嘅軟骨碎, 食落有層次, 點蛋汁食, 令口感滑一點。

【汁燒白蔥豬肉】HK$38
豬肉片包住嘅不是白蔥段, 而是青蔥, 應該同樣可平衡豬肉嘅油膩。

【Kagura彩虹魚生飯】HK$198
以玻璃樽裝住刺身粒同醬料, 賣相特別, 入面有帆立貝、蠔、瑩光魷魚、山芋蓉、刺身魚粒、蟹籽, 面層有海膽點驟, 可惜海膽有點腥臭, 至於常溫嘅飯分開上。將樽內嘅所有食料倒於飯中, 再攪拌, 質地很黏, 當中白色嘅山芋蓉令入口有種滑潺潺口感, 整體食落刺身魚鮮味唔太出, 需加點豉油再調味。

【特上刺身拼盤】HK$440
有7款刺身, 其中3款為餐廳是日直送鮮魚。呢碟北海道海膽味道冇咁腥, 另有鮮甜肥美嘅牡丹蝦、厚切鮮甜帆立貝、含豐富魚油嘅拖羅。是日直送鮮魚就有油甘魚、金目鯛同埋立魚, 質素反而較普通。

【拖羅蔥花卷】HK$88
小小飯卷表面有一小繓拖羅蓉, 夾埋蔥花食, 淡魚香中帶點清新。

Kagura
牡蠣小屋🦪
🎖
小編係蠔控一族～
呢間日式蠔專門店
簡直就是為小編而設❤️
店舖以淺木色日系裝潢～
吧枱位置看住師傅準備食材
加上店內除店員外亦有不小日本人光顧
有點到了日本的感覺～

鳥取岩蠔🦪
🎖🎖🎖🎖
店舖所有食材都係日本直送
所以點都要點來產試😋
岩蠔唔洗講都一定大隻
閒閒地都手掌禁大隻～
而且向來以肥美肉厚見稱～
蠔肉非常新鮮入口creamy嫩滑～
海水味道不算濃，先係有點甘甜味～
最後餘韻是淡淡金屬味道～

鐵盒燒生蠔🦪
🎖🎖🎖
本店的名物分為半打/一打
因為其實同行朋友仔係唔食蠔既😂
所以今次都係叫半打
（唔好問我點解相有8隻😂）
講返燒蠔既造法先～
先將蠔放入鐵盒再加入清酒～
用酒蒸汽將蠔焗熟～
其間仲可以聞到淡淡既酒香～
等左10多分鐘～夠鐘！
鐵盒開立時煙霧四散～
師傅會係大家面前即席開蠔～
蠔不算太大隻一口剛好～
每隻蠔都脹卜卜咁～
鮮嫩多汁呢隻蠔味道本身偏鹹～
但清酒蒸燒過後令蠔多了香甜味
有需要可以加d店舖提供既辣味檸檬汁
有青唐辛子/紅唐辛子～
基本上見差不多無枱都有叫一盒😂

蠔土手味噌鍋🦪
🎖🎖🎖
土手鍋是廣島著名的鍋物，
會先在鍋邊塗上一層味噌
再鋪上廣島蠔及各種配料～
鍋內有6隻蠔非常足料～
味噌湯底加埋肥美廣島蠔～
每隻蠔都大大隻脹卜卜～
一口咬落去肉嫩多汁蠔味濃郁～
而蔬菜亦吸收左蠔同味噌既精華
令蔬菜更加鮮甜好味😋

明太子芝士玉子燒
🎖🎖🎖🎖
玉子燒賣相吸引，味道亦非常好
水嫩既玉子充滿蛋香
再包著明太子和芝士～
仲可以拉絲拉到長一長添😂😂
唔食蠔既朋友終於有野食

銀雪魚西京燒
🎖🎖🎖🎖
銀雪銀燒得剛剛好肉質嫩滑
外面既味噌醬味道濃郁～
最然無提供沙律醬，
但其實已經夠味👍🏻👍🏻

串燒免治雞肉
🎖🎖🎖🎖
汁燒免治雞肉香噴噴～
張附上既蛋黃打成蛋漿
雞肉本身已有香濃醬汁
再沾上蛋漿就更加鮮味👍🏻

甜品原本想叫串燒小丸子但竟然無貨🥲
埋單時見到人地叫大大隻既吉列炸蠔
都心思思想試埋～
但數數下原來都食左成15隻蠔😨
真係超哂錶啦⋯⋯
都係留翻個藉口比自己再來🤣🤣
人均消費大約$500左右～
生蠔愛好者一定要來試試丫～
唔食蠔既朋友都可以食刺身/串燒等等🤪

串燒：佢哋大多都有分鹽燒同汁燒，鹽燒能突出食材本身嘅肉味，而汁燒就用上秘製嘅醬汁，所以味道變得更加豐富。牛腹肉口感軟滑，牛味濃郁。雞髀肉肉質仍然鮮嫩多汁。豬腩肉油香四溢。而牡蠣豬肉可算係最特別，喺豬腩肉片包住隻蠔一齊燒，令豬腩肉充滿蠔嘅鮮味，口感又變得更加豐富，呢個係值得一試。
鐵盒燒生蠔：呢度嘅主打菜之一，用原殼嘅蠔放入鐵盒喺我哋面前即燒即食，首先佢哋用嘅蠔係嚟自廣島或者兵庫縣，肉厚飽滿。需燒嘅時候會倒入清酒同蠔一齊燒，只需要九分鐘就食得，當開蓋嘅同時，清酒同蠔嘅香味四溢，而蠔肉會帶陣陣清酒嘅香氣，令鮮味會更加突出。
Kugura彩虹魚生飯：呢個本身賣相好igable ，佢哋將所有嘅刺身都有序咁放哂入個樽內，做到顏色鮮艷奪目，而佢入面用料都好豐富。包括有帆立貝，蠔，瑩光魷魚，山芋蓉，吞拿魚，左口魚，蟹籽，海膽。
蠔土手味噌鍋：蠔同味噌味道好夾，加埋大量蔬菜，令個味噌湯底更加清甜鮮味，佢哋呢個鍋仲可以額外再點其他配料。

【🦪 牡蠣酒場 かどや Kadoya 🦪】
來自日本佐賀嘅KADOYA正式開業🎉! 鍾意食蠔嘅你千祈唔好錯過!

主打日本廣島🇯🇵風味嘅居酒屋, 整體食物水準高, 氛圍挺好的 (◍˃ ᵕ ˂◍)
枱上有岩鹽、七味粉, 食串燒時可以沾一沾, 能提升整體風味~

🇫🇷🦪法國生牡蠣
401 Fine de Claire｜403 Gillardeau｜404 Spécials Tarbouriech
生牡蠣 size都幾大, 蠔肉肥美, 蠔味香濃, 鮮味十足!

串燒類, 我哋叫咗牛舌、鰻魚串燒、熊本縣產雞脛柳
牛舌 – 口感爽嫩, 咬下去仲有少少肉汁及油脂流出來, 完全唔韌, 鹹香夠味, 超推薦👍🏻!
鰻魚串燒 – 魚皮魚肉燒烤火候恰到好處, 魚肉軟腍帶焦香, 加上蒲燒醬油, 好食😋!
雞脛柳 – 啖啖肉, 柔軟有肉汁, 肉質好嫩

蒜片欖油生蠔 – 橄欖油吸收晒蒜片嘅香氣及生蠔嘅鮮味。廣島蠔柔滑鮮甜, 肥美濃郁

海苔塩拉麵 – 湯底清香, 冇鹼水味。
卡邦尼意大利麵 – 意粉彈牙, 醬汁富蛋香~

餐廳仲有多款日本酒類飲品供應🍾, 可以同朋友喺度嘆返杯酒、食下生蠔~

食物好食，服務態度好好

呢間餐廳🍴絕對要一早訂定位，唔係講笑，眼見好多walk-in 都失望而回😅未夠七點已經高朋滿座，唔他嘅，好嘢自然會傳千里🥰今晚仲比我食到個每日限定十個嘅日本產生蠔涮涮鍋$480，裏面包括生牡蠣6個＋野菜盛合，生蠔6隻＋蔬菜什錦拼盤，講明每日供應得十個，一定要提早預訂🥰全部蔬菜材料日本直送，真材實料，相信香港都唔係好多人食過，新鮮生蠔，足足有手板咁大，睇落已經知道鮮甜美味，廚師新鮮即開😊隻隻都晶瑩通透，望見佢哋水汪汪，真係流晒口水，服務員提醒，只需輕淖25至30秒，鎖住蠔🦪裏面新鮮嘅肉汁😋再沾上特製醬汁，提升蠔隻嘅層次感，入口鮮香融化，美味到筆墨難以形容，正到不得了👍🏻特上刺身拼盤（2人份）$440，有多款刺身拼盤，包括深海拖羅、巨型牡丹蝦刺身、金木鯛、馬糞海膽、北海道帶子等等，重點係兩個字「新鮮」👍🏻真材實料，全部空運到港😎又厚又大件，真係睇到都開心，慢慢一件一件放入口裏面，嗰種享受，真係忘憂，食嘢幾時都咁開心，何況仲要食到咁高水準嘅刺身，可以話乜嘢煩惱都盡消除😋牡蠔忌廉意粉$118，鍾意食芝士嘅我，呢個就更加吸引啦，濃香嘅芝士味，配新鮮嘅鮮蠔，原來係咁夾，意粉都好有咬口，而且份量唔少，今晚真係食得好開心，已經訂咗下個星期再同一大班好朋友再嚟過🥰