浪．居酒屋(Nami Izakaya)
營業時間
| 星期二 | 11:30–15:00 |
| 星期三 | 11:30–22:30 |
| 星期四 | 11:30–22:30 |
| 星期五 | 11:30–22:30 |
| 星期六 | 11:30–22:30 |
| 星期日 | 11:30–22:30 |
| 星期一 | 11:30–22:30 |
服務選項
無接觸送餐服務
外送
外帶
內用
無障礙程度
不支持無障礙停車場
產品/服務
小菜
烈酒
酒精飲料
啤酒
餐點
用餐選擇
午餐
晚餐
餐飲服務
甜點
設施
洗手間
氣氛
氣氛悠閒
環境舒適
客層族群
適合團體
規劃
接受訂位
付款方式
信用卡
簽帳金融卡
NFC 行動支付
信用卡
Gaia旗下餐廳從未讓我失望過。老闆對食材的執著是餐廳質素的保證，職員服務到位更是要加分。👍今天來試菜，和牛火鍋帶來小驚喜。本以為這個價錢牛肉小而薄，估不到菜一上來我跟朋友就傻眼了： 四大片柔嫩的牛肉其實夠兩人吃了！接著隨口點了兩份海膽壽司，以為一份一件，誰知六大件一字擺開，海膽鮮甜不帶苦味，一流，二次傻眼🤪廚師發辦則不過不失。 …
他們的服務很好但不專業，而且價格過高。
「回想聽海，你牽我手臂的那天…」眼見近來
有一班餐廳抵受唔到疫情既衝擊，被市埸淘汰，
眨下眼換過哂一波新血，銅鑼灣嘅夜晚又再次
蓬勃起來。而根據墨菲定律所得出結論，套用
係飲食業層面到，凡係可能未幫襯過果間餐廳，
你都一定會有機會中伏。不過正所謂長江後浪推
前浪，我對呢間全新日式居酒屋「𝑵𝒂𝒎𝒊 · 𝑰𝒛𝒂𝒌𝒂𝒚𝒂」
絕對有信心，加上室內充滿住東京大街小巷氣氛，
呢次真係踏遍大海風雨伴你化成蝶。👇
–
📌お つ ま み –
▪ 土 瓶 蒸 し – $68
▪ 特 製 ユ ッ ケ – $198
▫ 先黎兩味佐酒小食先啦，第一個「海鮮·土瓶蒸」
用左傳統日式陶器盛載，打開蓋裡面海鮮湯新鮮
滾熱辣，食到有魷魚、大蝦、日本菇幾種食材混合，
加上飲落清甜，夠哂地道；而另一款「日式火炙·
生和牛」絕對係食指大動嘅美食，ꜱᴛᴀꜰꜰ會將
和牛輕輕用火槍燒一燒，外層微熟帶粉嫩；加上
油脂花紋分明，食落肉香油脂味十足，搭配埋
酸汁同埋洋蔥幼絲一齊食，口感更加豐富。
–
📌自 作 炙 り す し –
▪ 炙 り ネ ギ ト ロ – $128
▫ 跟住輪到招牌菜出埸，呢個「火炙·蔥吞拿魚腩」
分別擺放左拖羅魚蓉、壽司飯、紫菜、日本
蛋黃，其實個玩法係由食客自己ᴅɪʏ個過程。
同樣ꜱᴛᴀꜰꜰ會以火槍燒一燒表面，然後將蛋汁
混合壽司飯同埋魚蓉連埋紫菜卷住一齊食，
入口油香同蛋汁非常夾，加埋紫菜軟腍嘅
口感更加惹味！
–
📌す し と 巻 き 物 –
▪ 𝐍𝐚𝐦𝐢 の 寿 司 – $128
▫ 仲有一款由店鋪自創嘅高人氣之作「𝐍𝐚𝐦𝐢·
壽司」，賣相相當精緻，將三文魚籽混合
海膽、魚子醬、拖羅魚蓉，仲有面頭少少
金箔，氣派十足。而食落有唔同鮮味，
層次豐富，絕對係必食推介！
–
📌刺 し 身 –
▪ 刺 身 盛 合 わ せ – $368
▫ 黎得居酒屋點少得「頂級刺身·六點盛」，
一次過食勻三文魚、帆立貝、甜蝦、赤身、
吞拿魚、北寄貝。每樣刺身都係厚切，份量
比食開更加大，甜蝦入口非常鮮甜，蝦頭膏
味濃郁；赤身肉質爽彈，有咬口；
三文魚入口腍滑夠油潤，好食。
–
📌し ょ く じ –
▪ 鰻 の 蒲 焼 丼 – $198
▫ 熱食者必愛既「原條·鰻魚丼」，大大條
原條鰻魚蓋住飯身上面，鰻魚睇落相當厚肉，
燒得亦夠均勻；食落肥美有彈性，加上啖啖肉
完全唔油膩，配搭埋日本米飯一齊食，
兩者非常之夾。
–
📌清 酒 –
▪ お と こ や ま – $98/330ᴍʟ
▫ 好似我呢d咁鍾意飲酒既走唔甩ꜱᴀᴋᴇ咖啦，
今次揀左「武藏·男山」，質感上帶豐富米味，
加上微甜辛口，配搭刺身係最夾！
–
📌デ ザ ー ト –
▪ ピーチ·シャーベット – $68
▫ 最後甜品整返個「桃味·雪葩」，清新感覺
瞬間將飽滯感一掃而空，加上食到濃郁桃味
得黎又唔會太甜，唔錯。
–
📎 浪 · 居酒屋 | 𝑵𝒂𝒎𝒊 · 𝑰𝒛𝒂𝒌𝒂𝒚𝒂
📍銅鑼灣登龍街1-29號金朝陽中心2期Midtown1樓
今晚收工嚟到銅鑼灣登龍街「浪 • 居酒屋」食晚飯，店內裝修簡約時尚，旁邊放滿日本清酒樽及壁畫，樓底甚高，令顧客感覺好舒適寬敞
沙律及茶碗蒸
Order左個日本定食，跟餐有沙律菜及茶碗蒸蛋，雜錦沙律菜新鮮爽脆；茶碗蒸蛋好嫩滑哦
Nami卷
以金箔、黑魚子及海膽作點綴，下面係三文魚籽及吞拿魚腩蓉同青瓜絲飯卷，好足料！拖羅蓉同海膽都好肥美，啖啖鮮味
海膽帶子卷
帶子同海膽都好鮮甜味美，底下嘅飯卷包住生菜及青瓜絲，口感清爽～表面加左辣椒絲，可將卷物沾上辣蛋黃醬後一同食用，微微辣，好惹味
炸京都豆腐
京都豆腐炸至外層微脆，中間嘅豆腐滑溜又彈牙，口感頗特別，充滿豆香
照燒美國肉眼牛扒
美國肉眼牛扒大大塊，厚薄適中，帶點肥膏，牛扒口感有彈性，肉味濃郁！配上和風醬汁、蔥粒及炸蒜片，更加美味
三文魚茶漬飯
熱騰騰的茶漬湯，清甜不油膩，配上火炙燒過的三文魚及日本珍珠米飯，滋味又飽肚
菠蘿雪葩
半隻新鮮菠蘿🍍盛載着雪葩～甜美可口，清涼冰爽，入口好fresh，正呀
如果壽司尺寸大一點，那就完美了
工作人員很友好，樂於助人。如果座位和桌子能再寬敞一點就更好了。
壽司的尺寸太小，不物有所值。烤雞飯還行
難得出cwb，梗係要食個晚飯先返屋企！NAMI店舖位置好方便，就係exactly燈籠街樓上鋪。
我地嗌左：
⭐️NAMI卷：卷物上面有黑魚子丶海膽同金箔，內餡就係三文魚籽同吞拿魚腩飯。個卷雖然得兩個但係超大粒！好足料！佢地用既魚生好新鮮！好好食。
⭐️辛口明太子稻庭冷烏冬：見唔見到又係海量三文魚籽lol，又係好足料。烏冬係冷食黎既，好彈牙。味道其實好好但食到後期有啲膩～ 但冇怪佢既始終係cream base。
⭐️月見雞肉串：呢個好好食！啖啖肉的串串上面有好多蔥花，配上一隻好味既雞蛋，好滿足！
⭐️牛肉涮涮鍋：雖然得六塊牛肉（其實一個食夠哂但因為我地兩個人分所以覺得唔夠喉XD），但牛既質素好高！係入口即化既程度黎嫁！呢個小套餐除了個鍋，仲配有茶碗蒸（正常發揮）丶烏冬丶兩粒丸同沙律，其實都幾多野！鍋有大量蔬菜丶豆腐丶冬菇etc. 不過一個令我有少少失望既位係，個湯底勁淡！我食唔出有咩味，可能太清了。
⭐️自創手卷：入面有細細粒帶子同三文魚籽，個人覺得冇咩特別。太多醬料令到帶子味道唔太出。
⭐️菠蘿雪葩：我好鍾意呢個！好好味。菠蘿味濃，口感軟滑，外觀又靚仔！
（P.S. 我地食食下有位同事打鼓，答謝黎光臨的食客，請大家每人一杯sake仔，都幾得意。）
整體來講幾滿意呢餐飯，幾高質，店員既服務態度又好好。一定會再返黎食！
同男朋友係cwb搵野食 見到呢間好有日式風情既餐廳 即刻試試會🥰
Nami 卷 ($168)
來到Nami 當然要食Nami 卷！佢係飯卷上面有拖羅蓉 海膽 魚子 同caviar 一個好大舊 一啖放哂入口勁滿足 🥰🥰 每啖都食到全部料 同埋佢既味道好有層次😍😍 大推！
石野白味噌銀鱈魚西京燒 ($188)
呢個都係同男朋友食日本野必叫既野食😆 鱈魚個皮煎得好香好脆 d肉好嫩滑 本身個魚已經有白味噌同西京燒汁好入味 再點一點mayonnaises 簡直係升天😍
蟹肉飛魚子炸豆腐 ($78)
可能太高expectation既關係 呢個相對比較失色😢 個豆腐唔夠熱～ 不過上面有蟹肉同飛魚子 搭夠返！
雜錦野菜天婦羅 ($88)
有秋葵 / 蕃薯 / 京蔥 / 茄子 / 冬菇 / 南瓜天婦羅等等 呢個dish岩哂我同男朋友！我地次次食天婦羅都係中意叫呢d🤣 即叫即炸 上碟仲係熱辣辣 而且個炸皮唔會好厚 好滿足呀🥰
和牛蛋黃丼 ($188)
有一片片和牛 份量好多 燒得岩岩好唔會太熟變un 左😋 撈埋個蛋黃配飯 超容易就清哂個飯😆
餐廳除左好靚仲好好氣氛！星期二師傅仲請每位客人飲一杯sake 🤣
【充滿氣氛的居酒屋】
我都是第一次在香港感受到居酒屋的熱鬧，飲多幾杯真係以自己去咗日本，完全充滿東瀛江戶時代燈紅酒綠的酒食文化。無諗過去食一餐晚飯可以咁盡慶，食飯期間有店員突然擊鼓送贈清酒比全場食客助興、祝酒高歌。仲為同場兩位生日食客祝賀唱生日歌，超好氣氛。
餐廳採用紅色和深啤色木材作主要色系，地方闊落，餐廳盡頭有間小包廂，裝修充滿日式風情。嘢食方面亦都非常滿意，唯一問題就係令人有選擇困難的Menu😆因為實在太多選擇，不過去到居酒屋就梗係食特色壽司、串燒同飲酒啦。
三文魚子自創壽司 $118 ✩✩✩✩
DIY 自行配搭三文魚子和壽司飯份量
Naomi 卷 $168 ✩✩✩✩✩
爆滿瀉的三文魚子、海膽和拖羅魚茸加上金箔，奢華配搭！
和牛舞茸卷 $168 ✩✩✩✩✩
上枱後店員用火槍即燒反卷上粉嫩的和牛，燒完之後油脂出晒嚟超香！
原條鰻魚丼 $198 ✩✩✩✩
簡直就係一件巨型版鰻魚壽司，但落重本之製作。肉厚富彈性啖啖肉，由於太足料建議同朋友share食，如果唔係一個丼就KO你！
串燒類：✩✩✩✩✩
雞胸軟骨$42（必食）/雞肝 $48 （個人喜歡）/ 牛脷 $68 （必食） /帆立貝 $68 / 鮑魚$88 /海蝦 $88
食材新鮮，燒出來的食物每樣都食得出原味👍🏾
知多梅酒 $98
沖繩梅酒 $108
武藏男山330ml $98
Nami 壽司：呢款係Nami居酒屋自創嘅壽司，佢喺由幾款不同嘅上乘刺身所組合而成，分別有甜蝦，吞拿魚腩蓉，三文魚籽，海膽同埋魚籽醬，而表面仲放上金箔，顯得更加矜貴。
軟殼蟹DIY手卷：軟殼蟹即叫即整，熱辣辣脆卜卜，需要客人自己卷埋嚟食，而手卷內仲有啲青瓜絲同埋蟹籽，口感極為豐富。
火炙三文魚壽司：三文魚經過火炙，除咗油香更加突出，仲帶咗啲炙燒嘅香味。
炸京都豆腐：用上嚟自京都嘅豆腐，京都嘅豆腐喺口感，觸感同味覺都較特殊。
燒日本和牛海膽丼：和牛份量都幾多，和牛肉質嫩滑，入口即化嘅口感，牛味濃郁，再配埋海膽嘅鮮甜味美，呢個丼飯令人一食上癮。
上壽司盛
來日本料理店必試握壽司，刺身的品質馬上可以判斷吃餐廳的水平，壽司盛每個個有特色，新鮮又高值，推薦一試
和牛舞茸卷
炙燒和牛，餐廳侍應會在桌邊進行炙燒，燒好即食，讓客人多一份參與感炙燒後的和牛軟嫩香味四溢，配上卷物裡面飽實的餡料，讓人一口接著一口
燒花魚
花魚燒的很正，保持肉質軟嫩不乾身，外皮又可以有略為焦酥的口感，鹹度亦適中
總體而言，生鮮食材高值，烤物也有很好的水準，環境部分，整體氣氛不錯，比較可惜的是桌距略為靠近不能很Chill的吹水嘆世界，侍應態度良好，值得再訪
很多食物和物有所值
一切都準備得很好。
我去的時候廁所總是鎖著，所以我不得不使用殘疾人廁所……不太理想……
環境不錯，寬敞
感謝您的良好體驗。
很咸！走遍了整個日本，我還沒有吃過像這個一樣鹹的食物，即使在香港也沒有。
涼拌蕎麥麵是純醬油，是醬料用完了還是混了？災難！
烤串是純鹽。我有醃製的烤肉串嗎？
服務員甚至強迫全屋的人為一位不在場的顧客唱生日快樂歌。糟糕的。
我在另一張桌子的朋友同意我的看法，當我進一步查看菜單時感到震驚。她敦促我不要進一步訂購。我們帶著半飽的肚子離開去附近尋找食物。
費價刺食味美，天婦羅也很好。
價錢貴味道麻麻
Nami:居酒屋的早上
成日以為如果去居酒屋食一定要夜晚先有氣氛，錯啦，有時下午去到有壽司，刺身，小麥，天婦羅等供應嘅居酒屋做午餐，飲杯香檳和啤酒，來過日式嘅Sunday brunch都唔錯。
就好似今日咁，訓醒就見舊同事，一齊幾個飲啤酒，食串燒，非常愉快。
先食個佢地推薦嘅前菜核桃小女子，好少日本前菜用呢樣野入撰，送啤酒一流，我想起平時吃的粟子。
試咗兩串串燒，感覺都唔錯，當然唔會話出色過好多有名嘅串燒店。
小食炸池魚非常之正，食完呢個小食要叫多一杯啤酒。
有朋友話食過呢度嘅天婦羅都做得唔錯，於是點了最貴嘅海膽天婦羅，絕對值回票價，加上紫蘇葉，炸得出神入化。
點了個鰻魚飯，呢一個絕對係精彩之作。相信好多地方都見過同樣嘅大鰻魚壽司，但係做得好唔好食絕對好有分別，呢到個鰻魚燒得好出色，而且個醬汁令我回想起京都其中一間鰻魚飯店，令人好有旅行感覺。
由於幾個朋友都唔食魚生刺身之類，未夠飽下，所以叫咗一個明太子烏冬，大滿足。
最欣賞喺呢度嘅餐廳環境真係好靚，以銅鑼灣嘅消費價錢又唔會太貴，值得來試下，最重要唔使等位直入，推薦朋友你三五知己摸吓杯底，食個晏晝。
原來居酒屋的早上都可以好Hyper，下次再試吓夜晚黎睇吓有冇唔同感覺。
食物質素一般，價錢可以，環境⋯太好生意吧⋯⋯
食到要轉場再食，都算係咁⋯
今晚收工嚟到銅鑼灣登龍街浪 • 居酒屋晚飯，朋友愛食日本菜，店內裝修簡約時尚，環境大和坐得舒服😌
油甘魚壽司、海膽壽司
油甘魚新鮮好味，又切得幾厚身😋
海膽迷邊少得點海膽食，夠新鮮啖啖鮮味
Nami卷
點左熱門的Nami卷 ，以金箔、黑魚子及海膽作點綴，下面有我最愛嘅三文魚籽及吞拿魚腩蓉同青瓜絲飯卷，相當足料鮮味😋
吉列廣島蠔
炸得好香脆可口，內裡蠔肉keep到相當juicy，外脆香口內裡鮮味十足👍🏻
火炙蔥吞魚腩配日本蛋黃
上菜時會用火槍將吞魚腩火炙
味道香濃獨特，用紫菜包著再蘸點蛋黃來吃 ，滋味無窮！
食物不錯，服務員很有禮貌，收拾用過的碗碟快！
留意大部分評論都是膳稿。
播難聽嘅日文歌，冷氣又凍，想你快啲走。每當有客入嚟就打鼓好嘈，懶有型，扮曬係日本。點餐好急，似茶餐廳待應。
呢間嘢得個貴字，味道一般，唔值，預咗大部分嘅錢攞咗去交租。
是日好友聚會，去了浪．居酒屋晚飯。
環境帶點華麗，水晶燈有點小奢華。
海膽忌廉烏冬 ＄１３８
烏冬彈牙掛汁，忌廉落得很重手，
海膽鮮甜但宜單吃，否則會被忌廉蓋過風頭。
燒魷魚 ＄１４８
與我前臂一樣長，份量很足，燒汁甜甜地好開胃。
燒白鱔 ＄８８（左）燒雞軟骨＄３８（右）
燒白鱔魚皮燒得香脆，肉質結實而肥美，油脂很足，
老實說我吃完這個有點飽了。
特上壽司盛 ＄３９８
包括海膽、三文魚子、牡丹蝦、金目鯛、
左口魚、赤身、拖羅、油甘魚等，件件新鮮亮麗，
無論是打卡或是滿足口腹都必點！
日本真蠔＄１３８／隻
結尾竟然興起點了生蠔作結尾
蠔身大隻飽滿，入口爽口鮮甜，差點再加點兩隻，
必試！
不妨試試，值得一提🦪係正既👍🏻👍🏻👍🏻👍🏻👍🏻 …
好耐都冇去日本旅行，突然好想食吓壽司，但又唔想食元氣。老公簡佐簡新店，話睇open rice見到環境靚，食物都幾有水準，所以今日一於去試吓😋
裝修真好華麗，好似置身係日本居酒屋😄
首先叫客小食先，明太玉子燒
凍食，蛋香味重，配上清甜明太子，開胃😋
魚生壽司我就唔想試，反而想試啲未食過，
和牛無茸卷
好特別，服務員上枱後會用火槍燒和牛，和牛輕輕燒熟，加上入面包應該軟殼蟹，和牛入口即蓉口感但又咬到軟殼蟹炸好香脆，幾個層次，好味😋
海膽帶子卷
新鮮海膽配上新鮮帶子，好鮮甜，一口一舊，好滿足😜
食佐幾款冷盤，食番盤熱食先
雜錦野菜天婦羅🥗
有南瓜，蕃薯，但就第一次食到有苦瓜跟秋葵，平時都唔食秋葵，但經炸漿，又幾好食
老公見到Memu
話有原條鰻魚丼，話店推介，都好想試吓，雖然我都差不多飽，但都真好想試吓
條鰻魚真係好大，肉質又諗又滑，配上醬汁，真好似去東京食鰻魚飯，飯配上點點鰻魚汁，真係清盤行動，好好食。
老公咁次冇介紹錯，環境食物都做得好好，值得推介比朋友👍
午餐 可以長坐的地方 環境寬敞
壽司套餐可以話係圖文不符（實際食材 vs 圖片幾款都無。海膽無，拖羅無），還好先問一問
其它一般，價位比較來計算中上
銅鑼灣一向都多嘢食，但係可以令人再三回味嘅其實都唔算好多。位於金朝陽中心一樓嘅浪居酒屋就係其中之一可以令人不停回味嘅好地方❤️
今日放工忍唔住又再要去食，熟悉嘅環境同埋熱情嘅歡迎方法（敲鼓話俾全世界人知你入緊黎)🥳🥳一坐低已經餓到古古聲啦！
即刻叫咗個燒雞翼嚟頂一頂先，跟住嚟嘅雞腎，牛舌，雞肉串燒樣樣都係色香味俱全🤤尤其係個雞腎，煙煙韌韌得黎仲有少少爽口，再加埋點交秘製香料真係忍唔住嗌多兩串~~
食串燒當然唔可以少得啤酒，今次就試咗一個白啤， 330ml啱啱好個喎一個人慢慢享受！！
日本嘢當然唔可以少壽司，nami壽司🍣 Nami即係浪嘅日文，呢個係呢間居酒屋嘅招牌，有牡丹蝦，三文魚子，海膽同埋吞拿魚茸組成嘅壽司，仲可以自己包，多一種玩法❤️ 再加埋個三文魚同埋帶子壽司🤤 無得頂！！
芝麻吉列炸蝦卷都係必叫之一， 炸蝦卷脆卜卜包係飯入面連埋芝士真係SuperPerfect match💓💓
食埋呢啲個啤酒都未飲晒，再嗌多個味淋雞泡魚乾，送酒一流！！
食物新鮮美味 員工禮貌周到👍😊 …
服務不錯，但整間餐廳整只有兩個待應生，落單也很困難，上菜也很慢，食物質素不錯，我比較喜歡牛肉壽起燒和壽司，但是燒物就普通，價錢也頗貴，我是用open rice訂抬可以有八五折，但餐廳說只接受消費券才可享受這次折扣優惠, 最後只給我九折, 四人叫了一支清酒，埋單總共$2700!
它在我經常去的Otoya一側，我擔心了很長時間。
感覺就像“好萊塢電影中描繪的日本餐廳”。
即使以日本人的眼光來看，這家店的外觀並沒有顯得格格不入，但一走進去，我就感覺到了供需不匹配的感覺。
即使它被標記為套餐但不配米飯，這也是可以接受的文化差異。
在英文和日文中，“asparagus”這個詞都寫得很粗，但這是什麼？不是已經綠金針了嗎？
“Matsushiko”很好，但我希望你遵守反對不合理的溢價和誤導性陳述的法案，那種星期天的晚餐。
我去鬥氣舒然。
今日同男朋友去咗銅鑼灣呢一間居酒屋食晚飯
呢間居酒屋係行高檔嘅路線 裏面嘅裝修都好靚
首先我哋就叫咗炸雞胸軟骨 即係三角骨同平時嗰啲雞軟骨有少少唔同 比較大 鍾意食雞軟骨嘅人一定過足口癮
之後叫咗吉列廣島蠔 炸得啱啱好入面都好Juicy
之後就叫咗個日式火炙生和牛 加埋佢哋嘅特製醬汁 提升咗和牛嘅鮮味
之後仲叫咗個特上三色丼 分別係吞拿魚腩蓉，海膽同埋三文魚子 呢個配搭非常之夾 而且食得出食材好新鮮
之後仲叫咗個辛口明太子稻庭冷烏冬 個汁好有明太子味
最後我哋叫咗個菠蘿雪葩作結
餐廳的垃圾。下午 4.30 在 Deliveroo 上從 Nami 訂了一些食物。交貨報價為下午 5 點 20 分。 5.30 給餐廳打電話，據說食物還在準備中。餐廳稱司機在金鐘。 6點再次打電話，他們說司機在中環。他們沒有提供任何幫助，給了我一個電話號碼，並讓我嘗試自己給司機打電話。我這樣做了，但這是一個無效的號碼。第三次打電話，被告知要等到 6.45，如果食物沒有來，我只能取消訂單。公平地說，我不是在顧客中用餐，而是糟糕的客戶服務，我相信這會反映在他們的現場體驗中。
平均日本食物
良好的服務和工作人員會向您推薦菜單上的新鮮食物。非常寬敞舒適的環境。食物比預期的要好，但有點貴。 2 人或團體聚會的好地方。
隨便挑了個吃飯的地方，果然不錯！
日式火炙生和牛
和牛稍微經過火炙然後切片可以見到肉質基本保持鮮紅而且油花細密分佈均勻
和牛舞茸卷
和牛半熟肉質軟嫩鬆化同時油脂豐腴甘香配搭舞茸天婦羅金黃酥脆口感衝突層次豐富
火炙蔥吞拿魚腩
自創火炙蔥吞拿魚腩選用新鮮直送拖羅魚蓉即席火炙逼出魚油脂香
舀起小匙拖羅魚蓉蘸埋啲蛋黃漿然後可以按照個人喜好配搭壽司飯同紫菜自製壽司
日本豚肉鍋
大量野菜以及菇菌加上豆腐同埋春雨配料豐富
豚肉薄切總共八片全部色澤粉嫩同時肥瘦相間質素唔錯
所有涮涮鍋都會跟配沙律、茶碗蒸、自家製餃子、招牌魚蛋同稻庭烏冬
黑芝麻雪糕
黑芝麻雪糕濃香而且質感綿滑冰涼啱哂夏天消暑
清酒
餐廳慶祝新張開業每位晚市堂食消費都會奉送小杯清酒
👩🍳廚師精選至尊刺身盛（7点）$568
-Omakase式的精選飛機貨
-深海池魚綿密鮮甜
-金目鯛厚切 肉嫩細緻肥美
-左口魚薄切口感好好 嫩得嚟又夠鮮
-油甘魚油膩低 滿滿骨膠原
-拖羅油脂極高 入口漸融 頂級貨😋
🐡味淋雞泡魚干 $78
-蜜芽甜香加上柔軟的雞泡魚🤤
-魚干入味 鹹甜味剛好
◽️蟹肉蟹籽豆腐 $78
-脆口蟹籽加上鮮甜蟹肉
-配搭極之滑的日本豆腐
-爽脆香口與鮮甜幼滑的相互衝擊👍🏻
有氣氛嘅浪居酒屋登場🏮🥁🍣
*****
邊個話淨係得女仔鍾意食日本嘢？呢晚同個大舊佬食飯，🏮佢就主動帶咗我去銅鑼灣新開嘅「浪·居酒屋」，仲調轉話我一定喜歡，但明明係佢想食囉。
.
不過餐廳裝修確係幾靚，全場掛滿燈飾，閃閃發光✨，但餐枱之間就有啲迫。另外，其實未入到餐廳，喺扶手電梯大堂都已經見到佢嘅擺設。
.
氣氛好絕對係居酒屋嘅加分位，餐廳喺呢方面幾落力，例如指定時間會有店員敲鼓🥁，並為客人送上清酒🍶，乾杯！同時，如果有人生日，店員亦會邀請全場一齊向壽星唱生日歌。
.
餐牌超大本，睇到人眼花撩亂，菜式選擇非常多，未能一一盡錄。最終我哋決定每個類別都嗌啲，由於餐枱偏細，啲食物多到擺唔晒呀😅。
.
自創火炙壽司：火炙蔥吞拿魚腩($128)，佢係自己動手做系列，由一板呑拿魚蓉、日本蛋黃、飯以及紫菜組成。店員會先放低壽司比我哋影相，然後再拎火槍出嚟燒🔥，炙燒後嘅魚肉特別香。呑拿魚蓉份量多，但飯就好少囉，唔夠喉啊。
.
特式卷物：Nami卷($168)，呢個卷物以餐廳名稱命名，相信係招牌菜🍣。卷物造型澎湃，配料堆疊到好高，醋飯上面放滿吞拿魚蓉、三文魚子、魚子醬同金箔，一口係食唔哂㗎。
.
自創卷物：軟殼蟹($88)，佢其實係未捲嘅手卷😅，我覺得還好啦，唔算好新奇，反而紫菜趟開咗仲易變淋。🦀軟殼蟹幾大件，炸衣夠薄，配合埋蟹籽同青瓜絲，三重脆脆。
.
日式和牛蕎麥麵($148)，以上嘅壽司卷物都比較的骰，所以嗌返碗麵食就啱啱好。🍜麵底可以選蕎麥麵或者烏冬，我要咗前者，估唔到熱食配湯都唔錯，麵條軟硬適中，唔易斷，有口感。🐮牛肉有幾大片，另外仲有一大堆昆布。
.
燒牛脷($68)，牛舌好味道👅，厚度夠，肉質軟稔，簡單用鹽同黑椒調味已經OK。
.
月見雞肉棒($58)，雞肉棒帶點軟骨，爽爽的，沾埋蛋汁(月見嘅意思)食好Juicy🥚。
.
燒日本青椒仔($38)，🫑我唔肯定青椒仔係咪來自日本，不過佢比起燈籠椒好食呢。
.
燒粟米($38)，🌽粟米就無乜特別，本身夠甜，亦無燒到乾哂。
.
總括嚟講，居酒屋座無虛席，相信唔少人都好享受呢度嘅氣氛。此外，食物種類繁多，有齊壽司刺身、串燒同熟食等，總有一款啱食，不過我認為定價就較為進取🙈，但間唔中食一次就算啦。
Nami（浪。居酒屋）嘅新派裝潢及環境絕對能帶來不一樣的用餐體驗。
位於金朝陽中心二期一樓，樓底極高，店方善用呢個優勢設置大量LED燈，現場睇，都幾有夢幻嘅感覺，打卡一流。
燒牛舌 ($68): 一串共有四件，厚切，且肉質爽滑Juicy，幾有肉感，牛味濃郁，帶鹽和黑椒香。
炸芝士 ($58): 新鮮炸起，芝士仍然保持熱溶質感，芝味香濃，唔係普通Mozzarella Cheese咁簡單，幾好食。
特上壽司盒 ($398/12件): 唯一欠缺係無人介紹呢個隨機嘅盛盒，以個人認知，十二件壽司包括金目鯛、深海池魚、中拖羅、吞拿魚、左口魚、海膽、三文魚籽、赤貝、油甘魚腩、珍寶紅蝦，其餘兩款我都唔清楚:really:可能係真鯛之類。
以壽司定食黎講，質素算係唔錯：火灸左口魚入口即溶，油香豐富；拖羅壽司同樣帶有油香，既滑且帶少許筋肉嘅咬勁；海膽香滑，但質素一般唔算特別；金目鯛為上品，味道鮮甜；油甘魚雖然唔係貴野，但腩位嘅油香較為豐富，味道唔錯。
照燒美國肉眼牛扒 ($198/配茶碗蒸及沙律): 肉眼滑嫩又有豐富肉汁，照燒汁唔會過於濃郁，與牛扒蠻搭配，廚房仲加左啲炸蒜片，令我諗起Mad For Garlic呢間餐廳…整體唔錯，仲配有茶碗蒸，如果有埋碗珍珠米就好了。
用餐途中，店方稱在新張期內答謝大家支持，全場每位奉送一杯清酒，味道幾香，清清地唔會太嗆，都幾好飲。
龍蝦沙律，龍蝦肉爽口彈牙，內有蟹籽脆卜卜更增口感。沙律醬味道清爽唔膩，
芥末牛舌，厚切既牛舌切成粒狀，食起黎更有口感！肉質嫩淋唔乾柴，加上是凍盤，感覺更加清新，味道偏刺激，幾正。
青檸檬帶子醬油刺身，每片帶子厚度剛好，帶子與帶子之間都夾了薄薄青檸片，清新感非常，酸酸地令到帶子既鮮味更加突出！幾正。
上壽司盛九件，件件都好有質數，左口魚經火灸過，魚油更香更突出！三文魚腩肥美又嫩，質感十足！三文魚米籽爆開既鮮味無比，非常新鮮！其餘既壽司都幾高質，精緻靚仔。
吉列廣島蠔，香脆既口感唔油膩，唔會成口油！炸漿薄薄地剛好，蠔肉味道幾香濃，唔腥幾好食。
食物選擇多，味道很好，員工服務亦滿意，適合多人聚會。
銅鑼灣最多嘢食嘅地方之一要數登龍街，呢間居酒屋睇落唔錯喎！環境闊落而且有大玻璃，好啱chill下
嚟到居酒屋點可以唔食串燒？今次試吓日式燒原隻波士頓龍蝦($288)份量好大，以少少忌廉沙律醬同埋鹽調味，龍蝦肉比較實，同食開嘅中式好唔同，蟹鉗係未打碎嘅，要叫廚房師傅幫手
呢度嘅串燒雞皮都好唔錯，點上燒汁燒得幾香口👍🏻
燒日本和牛海膽丼($198)海膽唔算太濃味，和牛份量都唔少，略嫌燒得有少少乾身，一碗飯兩個人分再加啲小食都夠。呢個係套餐配上茶碗蒸，茶碗蒸就當然好好味啦！
【浪 • 居酒屋】
香港人生活節奏太急促了！
有時慢活下都唔錯😃
搵間🏮居酒屋relax下~~
[Nami卷]
呢個卷物係餐廳推介的，
主要有碎吞拿、海膽、魚籽、三文魚籽！
仲有金箔添，奢華感覺即刻出晒嚟🤩
一啖食落口，成個感覺好融和👍🏻
係碎吞拿魚嘅滑與海膽嘅滑，
再配埋脹卜卜嘅三文魚籽，真係贏哂😋
[日式豚肉鍋]
係用左豆乳做湯底，好有和風味😍
食落好清又重豆香，
我哋連續飲左2碗湯添❤️❤️
燒白鱔+燒雞胸軟骨+燒牛脷
呢度嘅燒物真係好出色😍
叫左3款串燒，都令我哋讚不絕口😋
燒白鱔 – 非常厚肉，食落十分爽彈！
爽彈程度有10級，係我食過最好食嘅燒白鱔💕
燒雞胸軟骨 – 邊位有啲微焦，食嘅時候更加香👍🏻
軟骨好爽脆！
[燒七味魚翅]
平時經常都係食雞泡魚干，
見到有燒魚翅，就試下新野😆
口感比較硬少少，但都唔錯喎！
用嚟佐酒簡直一流🍶
工作忙碌，很久也沒有好好吃飯，每餐都為求快捷，終於緩和有點時間，當然要約朋友吃最愛的日本料理，好好慰勞自己。
在銅鑼灣的Nami，環境高雅充滿格調，是慶祝和享受生活的好地方。
和牛舞茸卷$168
送來的和牛舞茸卷，和牛是生的，在我們面前即時火炙，把握時間盡快吃，火炙過的烤香和牛，香味十分迷人，卷中間是炸過的魚，整體味道口感一流，推介！
特上壽司盛$398
Omakase廚師發板的壽司拼盤，和圖片的壽司似乎一樣，都是我們喜歡的大熱款。
首先要吃的是海膽壽司，入口鮮甜，無怪味，可以放心慢慢品嚐。
有紫菜的壽司要快吃，因為紫菜很快變軟，第二件是三文魚子壽司，粒粒飽滿，咬破味道輕鹹帶鮮，全部放入口衝擊味蕾。
吸引我的還有牡丹蝦壽司，色澤光潤透白，很吸引人的狀態，果然緊緻的肉質，鮮甜中有蝦的膠質，吃完還有蝦香餘韻。
還有omakase大熱金目鯛、秋刀魚，都是我很喜歡的魚種，滿有魚香，帶著甜味，一點不會腥。
左口魚油脂特多，入口即溶，還有吞拿魚、拖羅、赤貝、油甘魚等，和朋友分享著，大家都很滿意，質素上上。
日本阿波尾雞擔擔麵$138
中日合璧的拉麵，麵質較軟身，湯底濃稠，有點像沾麵，緊緊掛在每掫麵中，口味很有辣勁，有花生香。
特別的是，吃到中途餐廳打鼓，每人派一杯清酒，感謝顧客光臨，清酒順喉，有這個環節氣氛up up~很享受這一晚，特別推介必吃壽司。
在港久了, 今晚一於同朋友出走日本輕鬆幾小時, 呢間浪‧居酒屋(NAMI) , 雖置身喧囂的銅鑼灣，但入到來, 猶如置身傳統居酒中, 裝橫古樸而典雅, 門口設有浪鼓，原來係每晚會擊鼓, 之後負責人會和客人免費分發清酒舉杯助慶, 十分有氣氛, 頓時置身於日本, 亦為我當晚感受到一份溫暖親切感.
經過走廊的星屑燈火，又有櫻花樹, 酒箱等擺設，幻想到是在夾雜江戶時代及現代味道日本居酒屋。適合跟友人把酒談歡.
蟹肉飛魚子炸豆腐 $78
炸豆腐外脆內軟，加蟹肉及蟹籽一軟一爽的配搭，多重口感，蟹肉及籽鮮味令稍平淡嘅炸豆腐添上美味。一道特色佐酒小吃。
火炙蔥吞魚腩(配日本蛋黃）$128
驚喜嘅係店員即刻在面前用火槍將吞魚腩火炙，燒到迫出魚油香味，加左蔥嘅吞魚腩更香，肉蓉質感潤滑綿密，味道香濃獨特，用紫菜包著再蘸點蛋黃來吃 ，滋味無窮！必食之選！
軟殼蟹牛油果卷$108
軟殼蟹份量夠大隻，香脆外層沒有腍身, 卷物中間有牛油果, 青瓜, 蟹是滿滿的包著. 外層飯卷有芝麻好香口.
燒白鳝$88
厚身的白鱔，燒至皮焦脆，肉保持軟嫩，魚味鮮香帶出甜味，另外加了黑椒做調味，提升味道，是高分水準之作。
介末牛舌 $78
厚切牛舌，加入日式介末蘸製，味道不搶反而好夾，要讚嘅係牛舌質感一流，厚但不硬，入口鬆化軟腍，比較食過的是排名頭幾位中。
雞肉丸鍋(雞白湯）$198
配有沙律,茶碗蒸作前菜, 另外火鍋料除了鍋中的新鮮蔬菜, 豆腐,菇類, 還有主角雞肉丸, 雞肉餃子,魚蛋, 烏冬, 非常豐富. 雞白湯是精髓, 奶白色的湯味甜香滑, 喜歡雞肉丸,是手打的, 好滑亦彈牙.
餃子皮薄餡香, 野菜好鮮好甜, 是日本的味道! 整個鍋夠哂2人份量, 好滿足!
燒飯團-三文魚 $48
每次係居酒屋都會點燒飯團，因為鐘意佢加左醬汁再燒到脆卜卜嘅外層。呢度燒飯團遜色一點因為只有上下兩面焦脆，稍欠脆焦效果, 三文魚味道則令飯團加添香口.
整體食物質素有驚喜吃得出心思, 帶有傳統的日式居酒屋菜式, 而環境亦夠開揚舒適,穿越置身日本時空的一個晚上.
午市🍱絕佳日式選擇
平日放假約了朋友吃午餐，餐廳位於優越，一進門口已經見到餐廳的擺設，而且位於一樓，直接行上樓就可以，省卻等電梯的時間。
餐廳裝潢典雅，一條條的小燈泡垂下，非常璀璨奪目，面積偌大，午市時分，座無虛席。
午市的餐牌選擇很多，壽司、刺身、牛肉飯等等，一應俱全。
⭐️頂級特選刺身定食（6點）$388
定食包括沙律、飯、茶碗蒸和麵豉湯。
刺身有六款，每款兩件，有蝦、帶子、拖羅等。刺身入口涼爽新鮮，配上米飯和湯，十分飽足。
蝦刺身清爽甘甜，帶子爽甜軟腍，粉嫩的拖羅入口香滑。
茶碗蒸有蝦肉，口感滑溜，淡淡蛋香。
⭐️頂級特選壽司定食（12件）$368
這份壽司定食有十二件壽司，包括蝦、拖羅、卷物、左口魚、赤身、帶子、海膽、魚籽等壽司。
拖羅由三片刺身組成，以金箔點綴，賣相精緻，入口油脂充沛，魚味濃郁。
左口魚表面炙燒過，入口魚味香濃。
海膽刺身也甘甜可口。
牛油果蟹籽卷物中間滿滿是牛油果，上面鋪滿了蟹籽，入口清爽滿足。
▫️刺身和壽司有一定質素，整體滿意。
浪．居酒屋
網址:
地址: 銅鑼灣登龍街1-29號金朝陽中心2期Midtown1樓
電話: 23834038
==============
同同事夾好，出糧時都會食餐好，共識是$100元以上架餐廳食lunch ,也會搵新餐廳，你知返工幾年附近架餐廳食肆都食勻啦，真係會悶！
$168 銀雪魚西京燒 味噌湯， 沙律，茶碗蒸同白飯。白味噌比燒汁無咁甜，有味噌淡淡香味配飯好夾。茶碗蒸好滑，熱乎乎，日本魚肉片同雞肉粒同粒白果！味噌湯落了豆腐皮同海帶菇粒。
$388 頂級特選刺身定食，叫個刺身豪一豪先，有吞拿魚就食厚身，鯛魚魚皮用火槍燒過，多了股焦香，油甘魚富魚味，赤貝就食爽口。蝦肉同蝦頭的膏好濃味，魚肉也各有不同口感，新鮮味道突出。
《約定你在登龍街飲飽吃醉 | 超級推薦「一鍋三燒」》
📍 浪 • 居酒屋 Nami Izakaya
📍 銅鑼灣 • 登龍街1-29號金朝陽中心2期Midtown 1樓
〔 follow me on instagram @sikbaobaola ! ^^ 〕
浪 • 居酒屋 以紅色燈籠營造東京街頭上繁華熱鬧的居酒屋景象🏮
每組客人到訪時，店員都會擊鼓歡迎，超級有氣氛的🥁！
食物好吃，又有不少啤酒清酒選擇，又有氣氛
辛勞一天後最需要的就是在這樣的環境下跟朋友放放鬆
〔超級推薦〕
•「一鍋三燒」套餐
用一個鍋子，做三樣鍋物料理。套餐還包含一份「前菜六品御付」
– 一燒：鐵板燒 Stone grill
– 二燒：壽喜燒 Sukiyaki
– 三燒：涮涮鍋 Shabu Shabu
包含前菜、多款牛肉、豚肉及海鮮
又好吃，又好玩，份量也很豐富，絕對划算！
〔也推薦〕
• 燒日本黑豚肉焗芝士初生蛋 ($168)
• 明太子芝士玉子燒 ($78)
• 芝麻炸雞翼 ($68)
食物質素味道中上, 份量一般, 價錢略貴!
呃錢 樓下寫就寫88 lunch menu
上到個就最平都128
對佢話番 就扮唔知 態度好差
服務
內用
餐點類型
午餐