漁獲浜燒(Toretore Hamayaki)

有點貴。我對深水魚有輕度過敏；而那一次，我的反應再溫和不過了。

部分菜餚的價格可能會隨季節變化。

比較高質素的日本料理

非常所食的浜燒

漁獲浜燒一番美味しい😋👍🏻

一年前同小妹黎過，
認定左「漁獲浜燒」係當時我地係香港食過最最最好味嘅🇯🇵日本料理，♥️
所以今年嘅週年紀念日，
我地都依舊選擇左「漁獲浜燒」。 😏

一如既往，一定要訂枱，因為餐廳好容易就full。 🙊
餐廳同之前的裝潢一樣，是居酒屋嘅感覺～
店中間有個大魚缸養住每日從日本新鮮運到嘅海鮮以保持海鮮嘅新鮮，
完全符合曬「浜燒」中「即捕即燒」嘅要求！ 😏
我地今次亦被安排坐在有大師傅坐鎮的刺身吧檯，
是同一個鎮店大師傅呢！ 😂

餐廳食物款式沒有大嘅改動，
除了浜燒外，還有刺身、鍋物、一品料理、小食、甜品，連酒品也不少。

先來開胃菜，
芝麻鹽醬椰菜（$20），
椰菜爽脆新鮮，加上香脆蒜片，
混合了芝麻醬和辣椒粉，幾惹味！ 😏

小妹最愛吃刺身，所以幾肉赤都好，
都要食呢到嘅刺身盛合六款（$618），
款式有三文魚、吞拿魚、吞拿魚腩、油甘魚、帆立貝和赤貝！
款款都超新鮮！ ♥️
三文魚幾肥美，魚油豐腴 ，
雖盛合說只包吞拿魚和吞拿魚腩，
但看油花應該算得上是中拖羅吧，好正啊！ 😋
小編經常覺得很難在香港吃到美味的吞拿魚，
但這裡的吞拿魚真的很美味！
豐潤甘香，完全沒有筋，入口即溶～☺️
帆立貝肥美清甜，每一啖都很creamy，
赤貝鮮甜爽脆，正！ 😋

佳餚當然要配美酒啦～😏
北鹿天祿光臨大吟釀（$288）
酒質細緻清雅，但韻味深長，好易入口，不錯啊！ 👍🏻

除了刺身盛盒勁新鮮美味外，
店員話當日有池魚🐟新鮮從日本運到，
所以我地就破格地點了平時唔會點食嘅池魚刺身（$298）。 😂
魚生片每片都切得厚薄一致，
肉質爽口彈牙，魚味突出，值得一試！
食完刺身之後，
店家還把魚頭魚骨炸得香脆可口，
用來佐酒一流呀～

之前試過呢到嘅浜燒，覺得非常正！
所以今次我地就叫左一整個套餐—活貝漁獲浜燒盛合（$768），
一次過食曬5種海鮮：珍寶大蝦、松葉蟹腳、鮑魚兩隻、蠔兩隻、帆立貝兩隻，
幾抵食喎！ 😎
店員為我們遞上一盤活生生，還在動L的海鮮，
未食見到都流曬口水～
仲有專屬店員即場服侍我地，
為我地炮製每一道海鮮，
是皇帝般的享受，喬埋雙手等食。 😂

珍寶大蝦幾大隻，
沒有用上特別的調味，
但蝦肉夠曬鮮甜彈牙！

店員事先把松葉蟹腳剪開，
好讓我們方便食用，
松葉蟹腳燒過後保留著水份，鮮味又juicy！ 😋

鮑魚有半個手掌咁大，而且超級厚肉！ 😍
店員將活生生的鮑魚放在烤爐燒，
一邊燒，鮑魚一邊在扭動，真係好新鮮呀！
燒完後，店員還很貼心地把鮑魚切成一片片，
鮑魚經過燒烤後，
不但沒有變得太乾，反而多了一份焦香，
肉質又富有彈性，無得頂！ 👍🏻

生蠔大隻又新鮮，
不用添加任何調味，
輕烤便能帶出生蠔的原汁原味，
入口creamy，海水味不算重，
蠔肉幼滑軟綿，不錯吃呀！

嘩活帆立貝連殼大過一隻手掌，超足料！ 😍
仲可以選擇清酒或牛油燒，
我地上次食完覺得清酒燒比較原味d，
所以今次淨係揀左清酒燒。 🙊
店員將貝起肉，再在殻上註入清酒，
然後重新放入貝肉烹煮，
咁樣就夠曬入味啦！ 😌
清酒突顯了帆立貝的鮮甜，
厚肉彈牙，好味道！ 😋

食得唔夠喉，
我地仲多左隻活日本北寄貝浜燒（$198），
真係好鮮甜呀，肉質肥美彈牙，正！ 👍🏻

食浜燒，日本名物🦀味噌蟹甲羅燒（配多士）（$78）是絕對不能錯失derrr！
有別於日本的純蟹膏甘燒，
「漁獲浜燒」的蟹蓋加了蟹肉、味噌、鵪鶉蛋和蔥，
蟹膏蟹味十足，入口軟滑綿綿，
混入其他材料後，味道更勝一籌，😋
最後灑上香脆的麵包糠，口感更有層次感呢！

蒜片煎牛舌（$98）
牛舌足足有1cm厚，口感爽脆有嚼勁，
加上黑椒和蒜片輕輕煎過，幾惹味，
鐘意食牛舌嘅一定不可錯過！ 😏

白鱔（$138）
外皮燒得香脆，
裡面的魚肉保持細嫩有彈性，
塗上香甜的鰻魚汁，好滋味呀！ 😋

最後我們每人叫了個雪葩，
作為這頓晚餐完滿嘅總結。
🍠蕃薯雪葩（$58）
雪葩入口軟滑，蕃薯味濃，像真度極高！ 😏

柚子雪葩（$48）
入口refreshing，味道爽甜，柚子味香，正！

整體來說，
「漁獲浜燒」價值雖然唔係平，
但絕對物有所值，符合性價比～
食物質素一流，
無論是刺身、浜燒、一品料理、酒品樣樣皆精！
大好き❤

好吃，食物新鮮，專人料理，恰到好處，生意很好，翻桌很快

海鮮好新鮮
師傅即場係隔離燒
即燒即食，好好味

食物很好，空間很舒適~

材料質量和準備工作均高於平均水平。友好和良好的服務。價格大約是平均水平而不是過高。

作為小弟第一篇食評，就以豐富的日式浜燒打頭陣。最近因為要向一位好好好重要的人道歉及賠罪，就選擇佢最愛的海鮮餐，幸好食完佢最後下左啖氣，冇再嬲我，這次亦都成為左一次好珍貴的回憶，令我知道做一件事既時候要諗清楚對方的感受😅
–
今次所介紹的餐廳主打高質素日式料理，價錢略貴，但食物質素高，很好味。每樣海鮮都很新鮮，龍蝦、鮑魚、帆立貝仍然是活的。燒海鮮會由店員親自幫忙，不用擔心燒唔熟👍🏻
–
1⃣特上漁獲浜燒盛合 （二人前：松葉蟹腳，鮑魚X2，蠔X2，帆立貝X2）$698
每樣海鮮很新鮮，不用加任何醬料，燒完直接食已非常鮮甜

2⃣盛合的珍寶大蝦轉做活龍蝦浜燒加刺身 $450
龍蝦是活的，刺身蝦肉鮮甜爽口。另外浜燒方面，放入蝦膏、蝦肉和店家醬料在蝦頭殻內燒，味道濃郁惹味

3⃣味噌蟹甲羅燒（配多士）X2 $156
蟹肉、蟹膏、蔥粒及雞蛋放入蟹蓋上燒，燒完後配上多士食，非常好味，一塊多士唔太夠🤣

4⃣金目鯛 $580
金目鯛魚的肉質很嫩，清甜無比，及後將魚頭、魚尾炸成天婦羅，很香脆

5⃣黑松露炙燒平目魚邊沙律 $138
這個沙律非常有驚喜，黑松露、牛油果、炙燒比目魚邊和油醋汁的配搭非常夾，而燒過的比目魚帶點魚油，味道一流👍🏻而那位重要的人更非常愛這個沙律添😂

食物質素有水準，員工有禮！

新欵食品。坐得舒適

海膽新鮮，但紫菜太淋，不夠脆
壽喜燒湯底味道單一，
與之相比有太多性價比高的餐廳做得更出色
和牛肉片太薄，口感一般
釜飯味道平平無奇，算是一伏
服務不俗，但不會再訪

晚餐後兩個人去了那裡。整體食品質量很好。海鮮很新鮮，牛舌很好吃。一個舒適的地方，適合小團體聚會。

每年公司出左bonus, 我都會同屋企人食餐好, 慰勞一下自己整年既努力。
食過返尋味, 今次已經係第三次來到主打日本爐端燒既”漁獲?燒”, 每次黎都試不同款式, 每每都給我驚喜又難忘~

先黎一個【沖繩風沙律】HK$138
呢個沙律既健康又豐富, 包括有沙律菜、海葡萄、三文魚、苦瓜片、蕃茄仔、青黃椒、油甘魚、吞拿魚、三文魚, 爽脆蔬菜酸味味, 好開胃, 夾集左幾件苦瓜, 帶些少回甘, 刺身厚身又大粒, 整個沙律口感層次豐富, 色彩賣相吸引~

係呢度食爐端燒, 係有專人在旁協助, 岩哂我地呢d唔識煮野食既懶人, 可以邊睇燒既過程, 邊食就岩哂!

每次食爐端燒我都定必order 【味噌蟹甲羅燒】HK$78/份
蟹甲羅燒份量好多, 味道鮮甜無比, 帶陣陣蟹膏甘香, 撈左脆麵包糠碎增加層次, 另有一件脆多士伴食(但就有少少潮左) 蟹甲羅燒燒後依然有些少水份, 唔會太乾, 勁正!!

今次我地就揀左個二人海鮮套餐,
【特上漁獲?燒盛合 (二人前)】HK$698
海鮮包括有: 珍寶大蝦、松葉蟹腳、鮑魚x2、蠔x2、帆立貝x2
套餐Item 可以額外加HK$450 將珍寶大蝦升級原隻龍蝦

因為我地本身唔食蠔, 所以就轉左海螺同埋赤貝各一隻

海鮮併盤上檯時, 鮑魚仲生猛得郁下郁下….認真新鮮!

鮑魚: 好大隻, 口感很爽, 沒有額外調味, 食到原汁原味, 而邊邊位有少少焦香味
松葉蟹腳: 梳梳蟹肉keep到原汁原味, 好鮮甜, 冇雪味
赤貝: 鮮甜多肉汁, 加左些少清酒帶出鮮味
海螺: 出奇地質地唔會硬, 同樣很鮮
帆立貝: 可以自選清酒/牛油, 我就揀左牛油, 很重牛油同埋蒜蓉香, 帆立貝中心位keep到兩成既刺身口感, 群邊仲好爽tim~

最期待既龍蝦上檯喇!!!
龍蝦已被開邊, 而且為半熟狀態, 上檯後侍應再放上爐稍為再燒, 以火槍係表面輕輕再燒, 令龍蝦可以鎖住肉汁, 之後再於面層佈上味噌同埋蝦膏既mixer, 最後再用火槍係面層稍後燒下。

面層既醬汁極為鮮甜, 很重蟹膏香, mix左味噌都唔會過鹹, 龍蝦肉札實, 很爽口, 因為個醬只係附於面層, 所以唔會cover 龍蝦原汁原味既鮮甜味, 勁正!!! 好中意!!!

佳餚當然唔少得美酒, 朋友order左支日本清酒, 【天祿光臨】HK$268
酒精濃度只有15%, 較易入口~

但今晚未有酒癮, 還是order 無酒精飲品【乳酸梳打】HK$38

最後食埋甜品先叫perfect, order左個【蕃薯雪糕】HK$58
Size有手掌心般大, 蕃薯雪糕甜甜地, 有淡淡蕃薯香, 清清地, 唔錯!!

平時出面食海鮮都膽心會out budget, 呢度就明碼實價, 有質素, 值得推介!!

原來餐廳最近仲做緊個指定清酒既買一送一tim~

好味好新增😍😋員工都好好，開心的晚上! …

高質素的浜燒晚餐

香港人吃海鮮，傳統的食法是清蒸，目的是吃到海鮮的鮮味，但日式的浜燒，因為沒有加入調味料，同樣吃到海鮮的原味，今晚來到銅鑼灣一間高質素，主打浜燒的日本料理，此店地方不算大，佈置簡約，牆上有一幅掛畫，介紹各式各類的海產。
此店雖然主打浜燒，但其他食品同樣出色。
先來前菜：
蟹肉忌廉餅 – 新鮮蟹肉做餡料，配以香滑忌廉，炸至金黃，外脆內軟，十分滋味。
海膽海苔天婦羅 – 美味的海苔和海膽加上薄薄的粉醬炸出來的天婦羅十分香脆。
燒油甘魚頭 – 油潤甘香，鮮甜味美。
刺身盛合 – 六款上乘的刺身，天天由日本直送，質素相當高，最為突出是中拖羅、油甘魚和池魚，肉質鮮甜，油脂分佈均勻，齒頰留香，令人回味無窮。
漁獲浜燒盛合 – 廚師親自揀選當日最新鮮和時令的海產，並親自下場將海產燒得香噴噴，果然功架不凡，令我們吃到海產的鮮味。
鮑魚 – 肉厚、鮮味濃郁，入口嫩滑。
虎蝦 – 大大隻，鮮味甘甜，入口彈牙。
帆立貝兩吃 – 清酒烤的和牛油烤的同樣出色，入口鮮甜軟滑。
松葉蟹腳 – 肉質結實鮮甜
日本蠔 – 新鮮肥美
最後還多叫一客鰻魚飯，鰻魚新鮮彈牙，水準之作。雖然已經很飽，還是抵擋不住此店的番薯雪糕和柚子雪葩甜品的誘惑！

日本日本我愛你🥺
當思鄉病發作時，又系要去食日本嘢嘅時候啦。
今次選擇光顧銅鑼灣的漁獲浜燒，主打磯燒海產，跟日本的集團連鎖店磯丸水產十分相似，但磯丸水產是自己燒海鮮的，而這店就全程有侍應代燒，生熟程度控制得更加好。
雖然是主打磯燒海產，但食日本嘢，唔食刺身又點得呢，所以都系點了刺身盛合五款。還有招牌菜二人前浜燒盛盒。侍應還推介，點了浜燒盛盒之後，如果追加燒魚就會減$100，所以就點了較高價的喜知次。
這店的酒類選擇也很多，由於朋友不喝酒，所以就點了一瓶200ml的清酒自斟自飲😂
刺身盛合當中包括有三文魚，油金魚，赤鯥魚，海膽及牡丹蝦。三文魚及油金魚正常水準。赤鯥輕輕用火焯過，令油份更甘香。海膽味濃，回甘味充足。而最出色的是牡丹蝦，蝦頭晶凝通透，蝦身爽甜味濃，水準之上👍
由於磯燒海產是由侍應代燒的，所以生熟程度控制得非常好，首先上枱的是燒松葉蟹腳，蟹肉充滿海水鮮味，經輕輕一燒之後，蟹肉更加緊致，味道再濃郁一點。
接著是燒生蠔，蠔本身已經非常飽滿，燒過後味道再濃縮，但又不會過熟，中間還有一點像食生蠔的口感，食後很久口腔中還充滿蠔的鮮味。
之後到燒大蝦，一上枱時已經聞到濃濃的蝦香味，蝦的size非常大，烤的火候非常好，蝦頭裡的蝦膏亦烤串得非常甘香。
燒扇貝有兩種味道可供選擇，分別是牛油或清酒燒，我選擇了清酒，因為怕牛油會過分搶味。扇貝味道合乎預期，清酒味甜，最後連汁都飲埋。
盛盒中最後上枱的是烤南非鮑魚，大約需時十多分鐘。鮑魚味道鮮又不會過韌，相信是火候控制恰當👍
另外追加的烤喜知次，上枱的賣相已經值100分，魚肉滑又充滿魚油香，以$780來說簡直是超值😍最後以甜品作結，點了柚子雪芭及番薯雪糕。柚子雪芭較常見，沒什麼特別，但朋友喜歡。我點的番薯雪糕居然跟番薯味道十分相像，口感也相似，感覺特別，很喜歡。作為晚餐的句號，感覺非常滿足，暫時可以慰籍一下思鄉之情😂

海鮮還可以，但不覺得有什麼特別或創新的地方。這兩張照片是生魚片和燒烤前的新鮮海鮮。烤鮑魚嘗起來有點沒煮熟，而大蝦煮得太熟了。價格相對於報價高。

編輯：妻子那天晚上食物中毒。很確定這是她吃的唯一的晚餐，而我沒有吃的是海膽。必須從在此開發之前給出的三星級更改為一顆星。

晚飯時間，和先生來到出名多餐廳的澳門逸園中心食飯，上次試過19樓的『磯野水產』，今次就來到樓下的『漁獲浜燒』，看看那間更出色。💕

一入餐廳，就聞到陣陣的炭燒海鮮香味，原來店員會即埸把海鮮燒好，再送到客人枱面，全程貴賓式服務，來到魚獲浜燒，浜燒海鮮是一定不能錯過的。🍺

餐廳光線充足，設計新穎優雅， 被發亮的紅木包圍，彷彿置身日式和屋，由於窗邊位置已經滿座，我們被安排坐在室內的二人座位，打開餐牌，除浜燒外，刺身， 丼飯 ，湯鍋，燒物，小食等都有齊， 選擇豐富。😍

年紀大左，前菜都會想食些健康點的，今次選了這款「黑松露炙燒平目魚邊沙律🎐」，沙律內有生菜，牛油果，車厘茄和沙律菜，混合
香氣撲鼻的黑松露醬，酸酸的果醋，魚油滿瀉的燒平目魚邊，讓蔬菜的清甜味道更突出，清新又清腸胃。😆

新鮮時令刺身也是必點的熱門菜式，選了一個中價位的「刺身盛合5款」，擺盤就像一條色彩繽紛的琴鍵，款款刺身都新鮮，油亮而且切得很厚身，包括有肥美鮮甜的油甘魚，色澤紅潤的吞拿魚，肉質細膩的牡丹蝦，油脂豐富的三文魚和入口即溶的馬糞海膽，其中油甘魚肉質甘甜，脂肪分佈平均， 口感香滑細膩，油脂在嘴巴內充分溶解，十分滿足。 這日的吞拿魚是近魚腩的中拖羅部位，紋路均勻，脂肪豐富， 入口散發濃烈的魚油甘香， 無筋，十分滋味。😋

看到鄰卓點了有波士頓龍蝦的浜燒組合，我和先生也點了一個「漁獲浜燒盛合」，下單後，店員隨即送上一盤海鮮拼盤，有珍寶大蝦，松葉蟹腳， 活鮑魚兩隻， 帆立貝兩隻，粒貝一隻（另加$220）， 店員細心介紹海鮮的煮法。😎

我們的帆立貝一隻用清酒煮，一隻用牛油煮，牛油煮的入口較香，帶子吸收油份後變得更軟滑；清酒的甜味使帆立貝更香甜，提鮮不少。 活鮑魚個頭很大， 取出肝臟後扁塌不少， 鮑魚 鮮香味美，很有咬口，粒貝以彈牙爽脆見稱， 刺身食得多，以清酒煮是第一次， 粒貝煮完依舊爽脆，清酒湯中帶有濃烈的螺肉味道，非常鮮甜可口。😘

磯野水產燈光柔和，浜燒有一個日式小火爐，可以自己慢慢燒感受浜燒的樂趣；漁獲浜燒光線充足， 店員全程貴賓式服務，把美食送上， 兩間各有各好， 總括來說，漁獲浜燒食材新鮮優質，不失為一個晚飯好去處。👍

近期深深愛上日本菜系，但天氣炎熱，必定要選擇一些食材生鮮，有信心的食肆去光顧，這間位於銅鑼灣的日式居酒屋，簡約木系裝修，感覺地道舒閒，就連整晚的海鮮也極級新鮮，款款都能回歸原始，嘗鮮嘗鮮，讓我全程享受食物的內在鮮味😋

酒盜芝士是極級佐酒前菜，醃漬魚腸咸鮮味極濃，伴以大量奶油芝士，一濃一淡正好來個美炒味覺衝擊，適合配天祿光臨清酒，酒質清雅但韻味深長，果香清新而口感清爽。

燒日本煙薰黑豚肉腸配芥末籽醬，肉腸非常入味煙薰味濃烈，入口更有大量肉汁噴出，質感豐富。

金目鯛活貝浜燒盛合極級鮮甜，海鮮有金木鯛、活北寄貝、活文蛤貝及活帆立貝，廚師會即場於客人面前浜燒，也會根據客人口味調教生熟程度。

活北寄貝特別大只肉厚清甜，大量湯汁熱辣辣飲完還在出煙。

活文蛤蜆肥厚新鮮、金木鯛刺身配酸汁、蘿蔔蓉及姜蓉，魚片厚切彈牙鮮味重，一點也不腥，魚頭更作二食肴湯，金木鯛魚骨面鼓湯用料上乘，湯水呈奶白色味美鮮甜。

活帆立貝有牛油味及清酒味，牛油款超香濃甜，牛油香味完全融入貝中，清酒味彈牙爽口，最後也禁不住把湯底全喝掉👍🏻

鱈場蟹腳浜燒肉質非常滑溜，啖啖肉啖啖鮮甜融化於口腔內，一點也不乾身。

甜品也非常出色，水果先起肉再以雪葩形式放回果內，柚子雪葩清新少酸，水蜜桃雪葩果甜可口，為全晚划上完美句號。

一般，冇手握壽司食，食完去咗第間食。

難忘美味的一餐

今晚和太太來到銅鑼灣澳門逸園中心一間浜燒專門店「漁獲浜燒」晚膳。在侍應推介下，揀選了頗合心意的食物。
大熱天時，先來杯冰凍啤酒，頭盤是蟹肉忌廉餅和海膽海苔天婦羅，兩款炸物餡料鮮甜，內軟外脆，滋味無窮，用來佐酒，相當匹配。
刺身盛合六款 包括三文魚、帆立貝、赤貝、油甘魚、池魚和拖羅。款款都是由日本每日新鮮運到。

三文魚 – 肥美鮮甜，油香濃郁。
帆立貝 – 特大北海道帆立貝晶瑩通透，新鮮滑嫩，清甜爽口。
赤貝爽甜，油甘魚色澤赤紅，白色的脂肪細紋散佈平均 ，柔軟甘香。池魚肉質嫩滑爽甜。中拖羅肉質呈粉紅色，入口即化。
今晚的主角魚獲浜燒盛合 – 帆立貝、南非鮑魚、越南虎蝦，松葉蟹腳和日本蠔。
師傅親自烹調，最欣賞的是巨型扇貝，一隻以牛油烹製，入口甘香，另一隻以清酒烹調，清甜有酒香味。活鮑魚爽口美味，巨型虎蝦入口彈牙。
意猶未盡再加添一客鰻魚飯，鰻魚新鮮彈牙，沒有加入太多醬油，吃到鰻魚的鮮味。
最後還有柚子雪皅和番薯雪糕作為甜品，盡享豐富滿足難忘的一餐。

漁獲浜燒

又到了一星期一次外出食飯食好些的時間～今日老公選擇了吃海鮮，而且是日式浜燒海鮮，我們專程到了銅鑼灣這間評價不錯的餐廳

到日式餐廳吃飯，點飲品是基本知識吧～我們點了乳酸味氣酒和乳酸味汽水，都幾大杯！

沖繩風沙律，夠特別！真的有沖繩特產海葡萄和沖繩苦瓜！而且除了菜外還伴隨很多厚切的魚生刺身！全部都很新鮮很肥美！這個沖繩風沙律很特別，沖繩苦瓜大小小苦味更能突出刺身的鮮甜，而且唔感很爽！

白鱔浜燒
燒得好香，鱔魚汁調效得很好，不會很甜，鰻魚肉豐富肥美，食落充滿油脂感！正！！

味噌蟹甲羅燒
今次吃這個甲羅燒跟外面的有點不同，這個燒得不會乾，很飽滿的蟹膏，加了些麵包糠和少少蔥花等配料令到整體口感更加豐富，蟹膏的鮮味十分突出！而且整體不會太鹹，每一啖都好滑好濃沃！

浜燒處女北寄貝，榮螺，鱈場蟹腳
由於海鮮是新鮮燒的所以都要等一陣，等到的時候一定不會失望！冰燒處女北寄貝，燒開了之後比想像中更加大隻！肉質非常飽滿燒得剛剛好！把殼入面的汁都喝了！鮮味到不得了！有海上的鹹香也有新鮮貝類的鮮甜！北寄貝的肉要趁熱食，裏面的汁暖和鮮甜！由於北寄貝都十分大隻，食落比較煙韌又帶點爽口，需要咬一點時間，但不會咬不開的

浜燒榮螺
榮螺十分大隻，而且廚師很有心思地把榮攞切開了四份方便食用，裏面是煮過的湯汁，榮螺十分爽口，送酒一流！

浜燒北海道鱈場蟹腳
蟹腳十分大隻，而且已經分開成兩半，食用起來十分方便！蟹肉可以成條拿出來！吃得出有燒過的風味，但又不會乾，完全保存著蟹汁，那份清甜完美地保留著！

和牛石鍋飯
這個石鍋飯採用了A5和牛條、生雞蛋和一些已調味的飯炒成，香氣四溢～而且還有脆脆的飯焦！和牛的味道十分濃郁！石鍋飯能夠做到一粒粒彈起的乾身！還以為這間餐廳只有海鮮好吃，想不到和牛石鍋飯也比一般的岀色，有令人十分滿足的感覺！

如果想吃新鮮的即燒海鮮，這間餐廳絕對能滿足要求～而且店員的服務也很好，餐廳也有日本居酒屋的感覺～質素絕對對得起價錢！

第一次食浜燒，心情既興奮又期待。原來冰浜燒嘅意思係指把新鮮嘅海產即捕即燒，以求能食到最新鮮嘅一口。

今晚呢間漁獲浜燒係阿囡極力推介， 店舖有三個魚池，每天都有新鮮海產由日本直送。店舖雖小，但裝修格局頗具東瀛feel，而且有侍應替客人即塲燒烤海鮮，還會作簡略的介紹。

池魚王刺身（$180）
刺身薄切，晶瑩通透，魚身反光，新鮮程度毋庸置疑。喜歡池魚味道清淡而肉質爽口彈牙，可以酸汁及wasabi 𦍑蓉伴食。

唐揚一口芝士（$68）
食落有啲似椒鹽炸軟豆腐嘅感覺，剛剛炸起熱辣辣，一口咬落出晒煙，外皮又鬆軟又脆，中間流心芝士好香濃，佐酒一流👍

燒日本煙燻黑豚肉腸（$68）
同樣是即燒的，望落有啲似台灣臘腸，味道較濃但又不至於太鹹，喜歡的可以沾上附有的芥末籽芥末醬品嚐，也是佐酒的唔錯選擇。

金目錭活貝浜燒盛盒（$1188）
食完刺身同小食，就輪到主角浜燒盛盒出場。侍應先給客人看看浜燒前的盛盒， 然後才替客人逐一烹調。盛盒有北海道金目錭、文蛤蜆、北寄貝和帆立貝。

金目錭顏色鮮艷，閃閃生光，厚切成刺身與魚頭魚尾靚靚咁再活現喺客人面前，味蕾和視覺同樣享受。金目錭係北海道深海魚，雖然也屬淡味魚，但比池魚甜，而肉質也比池魚淋滑，是另類的口感。加少少辣蘿蔔蓉一齊食好醒胃。

活貝浜燒先由來自北海道嘅文蛤蜆和北寄貝做起。兩者都會用清酒和高湯來燒，這樣可以癖除腥味和起提鮮作用。喜歡食原味的燒完可直接食，原汁原味，不然可以沾些海鮮豉油、柚子胡椒或七味味噌來伴食，又另一番風味。貝殼類已經有比較重嘅海水鹹味，所以我喜歡原汁原味嘅食法。

文蛤蜆比大蜆還要大隻，蜆肉非常飽滿，燒嘅時間剛剛好，肉質好軟淋，味道清甜。

北寄貝更加大隻，比文蛤蜆更加鮮甜可口。

最後燒帆立貝，侍應分別用上清酒燒和牛油燒兩種，清酒燒出嚟味道比較清甜，似中式食法，而牛油燒出嚟則比較惹味，似食西餐嘅感覺，各有千秋。我就比較鍾意用牛油燒嘅帆立貝。

麵豉湯（$56）
食完金目錭刺身，魚頭魚尾就會攞去煲成魚湯，味道非常濃郁可口，魚嘅鮮甜味一啲都冇比麵豉味蓋過，飲完仲想飲多一碗！

梅酒（$65）葡萄酒（$65）
酒精濃度只有7%，冰涼可口，梅酒又甜又醇，葡萄酒則較淡味和有一點點酸。

甜品：桃味雪葩（$68）番薯雪糕（$68）
桃味雪葩香甜清新，外型討好。番薯雪糕蕃薯味極濃，雪糕夠滑。

最後值得俾讚嘅係每位侍應都非常親切有禮貌，真的能令客人有賓至如歸嘅感覺。

好吧啦