漁獲浜燒(Toretore Hamayaki)

晚上來到銅鑼灣的這間日本料理食久違了的浜燒海鮮，慰勞一下辛苦工作的太太，由於提早預約了，所以不用等待便能入座☺️

位置：
在銅鑼灣崇光百貨旁邊的澳門逸園中心18樓，地點相當方便，從港鐵銅鑼灣站E出口走路只需2-3分鐘，旁邊的軒尼詩道更有來往港九新界多條巴士線及電車站，可以說是四通八達✨

環境：
餐廳用日式裝修，以木為主並以酒杯、酒樽等作裝飾。餐廳設有吧枱及多張四人枱, 座位算是寛闊舒適，適合談天。另外抽風系統做得不錯，即使浜燒期間也不會有太太油煙💕

服務：
店家安排入座後便隨即奉上熱茶及醬料，亦提供濕紙巾。下單時侍應會細心講解餐牌上的套餐等內容及差別，而上菜亦有效率。如點浜燒，侍應更會在座位附近區域負責浜燒海鮮並逐一上枱，令客人有賓至如歸的感覺🤩

食物：
下單前心大心細，既想食刺身，又想食浜燒，最終決定每樣也點一個套餐試試😆

👍特製黑松露炙燒平目魚邊沙律 $138
主菜外先點了一份沙律，看到菜名已被吸引，由於平目魚邊本身油脂多又軟滑，炙燒後油脂迫出入口即溶。再配合香氣十足的黑松露，把平凡的沙律變得出色😇

👍刺身盛盒5款 $428
刺身選了最細的組合，有以下5款：
牡丹蝦～有兩隻大件的牡丹蝦，新鮮肉實口感不錯🤗
三文魚～厚切的三文魚，吃下去像在食三文魚腩，油脂豐富又鮮甜🥰
吞拿魚～同樣厚切，應該是中拖羅，一點根都沒有，魚肉鮮甜有口感🥳
油甘魚～厚切的油甘魚嫩滑，油脂分佈平均，但稍為有根🤭
馬糞海膽（伴紫菜）～馬糞海膽鮮甜香濃，用紫菜包著食口感更佳😎

👍漁獲浜燒盛盒（普）$950
至於浜燒部分，我們則點了這個套餐，可惜生蠔正好缺貨，店家以粒貝取代。套餐包括以下幾樣：
松葉蟹腳～鮮甜味美，不過只有一條蟹腳😆
鮑魚兩件～鮑魚未燒前還很生猛，燒後有點縮水，但仍然鮮嫩😉
帆立貝兩件～侍應安排一件清酒燒另一件牛油燒，清酒味香而牛油味濃，各有特色，帆立貝無論怎樣煮也很鮮甜肉厚😁
粒貝～侍應把粒貝切成小片用清酒煮，很細心，而粒貝有軟滑的及爽口的部份，口感豐富☺️
珍寶大蝦～鮮蝦大隻，燒過後很香蝦肉也很新鮮，很美味😃

👍巨峰梳打 $38
巨峰梳打是解渴之選，而放久了有一股提子酒味😚

👍柚子梅酒（GPS) $65
梅酒很香，但有點偏苦，不太合太太口味🙂

👍蕃薯雪糕
甜品第一款是蕃薯雪糕，吃上去有濃濃蕃薯香味，而雪糕亦不算甜，挺健康😁

👍水蜜桃雪葩
雪葩有很重的水蜜桃果香，吃上去既清甜又冰涼，像是在食水果一樣😍

總括來說，這家日本料理相當出色，由位置、環境至服務都很有優勢，加上食物色香味俱全，即使收費略高，卻依然非常討好💪

出糧食餐好😌今日去咗呢間環境充滿日本風情既《漁獲浜燒》食呢個～活海鮮浜燒盛盒！

先食一個加咗秘製醬汁，椰菜爽口又開胃既(前菜)先！

🦞(澳洲活龍蝦配龍蝦味噌醬）
店員先比隻活龍蝦我地打卡📸，再製作刺身，晶凝通透又爽口👍🏻，而龍蝦頭加了味噌醬再火焰過，每一啖都滿滿蝦膏和蝦肉的濃濃鮮味😋😋！

🦪(日本文蛤蜆、西班牙活蠔、北海道活帆立貝)專人🔥燒，火候控制得好好，每款海鮮都好新鮮，不用沾任何醬汁，淡淡海水味，滿口鮮甜味😋！

🐂🦢(鹿兒島A5和牛扒配鵝肝)牛扒烤香味十足，粉紅嫩心，生熟程度剛剛好，入口肉質軟滑，配上嫩滑鵝肝，的確係絕配👍🏻👍🏻👍🏻！

(松葉蟹肉黃金蟹膏炒飯)
呢個炒飯看似簡單，其實粒粒金黃分明，蟹肉鮮甜，蟹膏香濃，加埋少少黑椒同芝麻，食唔停口😅😅！

Toretore濱燒。優質的食物，友好的員工，舒適的環境。需要預訂以避免失望，因為這家餐廳的座位有限。

呢間餐廳講咗差不多大半年，終於都可以嚟試嚇！
今次專登揀坐喺Bar枱位置，可以睇住師傅一邊切各種嘅刺身一邊食，真系食得開胃D！

今次就回咗兩樣嘢食，包括波士頓龍蝦活貝浜燒盛合同埋刺身盛合五款。另外再點咗兩杯嘢飲包括乳酸梳打同西柚梳打。

點完個波士頓龍蝦活貝浜燒盛合後，我就問問職員可唔可以拎咗未燒嘅海鮮嚟影張相，淨系影相睇到都已經令到食慾大增！

然後喺等緊浜燒嘅海鮮時，就睇住師傅喺到整緊我哋嘅刺身盛合五款，師傅真系好犀利，幾下刀就已經好快嘅整好！呢五款刺身包括有牡丹蝦、吞拿魚、油甘魚、三文魚同埋馬糞海膽，每樣刺身都好鮮味，而我最愛就系馬糞海膽。

而浜燒海鮮就包括有波士頓龍蝦、活帆立貝、活文蛤、活北寄貝。之前未煮影緊相嘅時候，貝類真系見到個口仲開開合合，真系夠曬新鮮。
最先上到嘅北寄貝，用咗清酒+海帶嚟煮，淨系飲個湯已經覺得好鮮味，而北寄貝煮到極之爽口彈牙，真系超好味！
而帆立貝兩味，一隻清酒煮；另一隻牛油燒，各有特色，如果鐘意食濃味嘢嘅人，可能會鐘意牛油燒。
其實每樣海鮮都好好味，真系食到唔捨得走！

今晚興致勃勃又去銅鑼灣食日本料理，在OpenRice 見到介紹於是決定試一試這間「漁獲浜燒」，我哋order波士頓龍蝦活貝浜燒盛合，侍應在烹煮之前給我哋過目活生生的龍蝦、仲有帆立貝、北寄貝及大蜆
好大隻好新鮮真是好期待喔！先來小食香煎蒜片厚切牛舌，牛舌又稔又香好有口感再飲一口酸甜的巨峰汽酒可中和一下跟住再食芝麻雞翼及豆腐餅兩款食品同樣都是煎炸但完全沒有油膩感，豆腐餅外脆內軟雞翼肉質脆嫩！
刺身當然必食order咗6款分別有帆立貝、三文魚、池魚王、吞拿魚腩、油甘魚、赤貝好新鮮好鮮甜！正意猶未盡之時剛剛好燒起了海鮮先來文蛤蜆、北寄貝鮮甜無沙而且燒得正好不過火，帶子有兩食分別是清酒煮及牛油煮前者淡淡酒味後者香濃牛油味兩款都好吸引各有各好!
期待已久的龍蝦終於來喇，無論大大隻的龍蝦鉗或龍蝦身都十分厚肉啖啖肉而且好多蝦膏，超正好滿足👍
甜品喜歡特濃朱古力窩夫不太甜好濃郁的朱古力味另一款柚子雪葩酸味重很清新我都喜歡😛
這一餐超滿足！值得推薦給朋友！

可以接受。很棒的服務。清酒合理且質量上乘

同朋友經過銅鑼灣，跟佢介紹咗去咗一間日本餐廳，結果質素真的很不錯。

我們一開始就嗌了一個沙律，係黑松露鹽燒平目魚邊沙律，呢個沙律好好食，平目魚邊溫暖，唔會太熱同沙律格格不入，又唔會太凍， 最正係佢嘅魚油香味， 好濃郁，配埋其他蔬菜同酸酸甜甜嘅汁，好開胃。

之後我哋就叫咗個喜之次龍蝦活貝浜燒盛合。 店員話可以點酸汁或者的檸檬汁都可以，喜之次嘅表皮燒得十分香脆，但入面嘅魚肉好嫩滑，好有肉汁，近腩位嘅魚油香更加濃烈。

帆立貝我哋選擇咗一隻清酒，煮一隻加牛油蒜蓉，清酒味道比較淡薄，帆立貝嘅鮮味更為突出， 牛油味就令帆立貝嘅味道多一種層次，兩隻味我哋都好鍾意。仲有北寄貝同文蛤貝，佢哋都燒到有湯汁喺上面，好鮮甜。

除此之外我哋都嗌咗個蟹肉黃金海膽炒飯，炒得粒粒分明嘅珍珠米，加上鮮甜嘅海膽點綴，個口即時充滿咗海鮮嘅鮮味同飯香，唔經唔覺就食曬成碟。飲品方面我就嗌咗杯西柚汽酒 ，清新下口腔。

整體嚟講食物質素很不錯，下次一定會再去。

一入餐廳便聞到好香的炭燒味。

赤鯥魚活貝浜燒盛盒 | $1628

活北寄貝
加入了清酒煮，北寄貝剪成條狀，湯鮮甜帶些少酒味，湯內有昆布。

活文蛤
蜆肉大隻飽滿，鮮甜不帶海水味。一人有兩隻，好滿足。

活帆立貝
餐廳整成兩款口味，清酒及牛油，帆立貝一開四可與朋友品賞到不同的口味。清酒🍶顯出帆立貝的鮮甜，牛油燒味道較香濃，各有特色。

赤鯥魚刺身
加了$588 把龍蝦升級成北海道赤鯥魚，魚皮燒過，魚肉質地軟綿，有點似吞拿魚，有些魚油香味。配搭的酸汁可以自行加入蔥及蘿蔔蓉，不過酸汁太濃，把魚肉味覆蓋掉，還是加芥末好。

味噌蟹甲羅燒(配多士)| 原隻$88
加了鵪鶉蛋，味道調配得好香。多士比較韌，再脆點會更加正。

白鱔 浜燒 | $148
一客六塊的關西風燒白鱔，白鱔十分厚身，超級肥美。白鱔的皮燒得香脆，未食過這麼脆的。

蘋果雪葩 | $68
超冰凍，有香甜蘋果味，口感較冰感。

椰子雪葩 | $68
比較像雪糕，口感綿綿，椰子味濃。

餐廳的燒烤爐在餐廳中間，冷氣開得很大，去平衡溫度，環境比較凍。

今天去了一間不起眼的樓上鋪，地方不算寬敞，佈置簡單。
先點了兩杯酒：柚子梅酒，梅子味香濃而梅子檸檬，甜甜酸酸。
再來碟細芝麻鹽醬椰菜，香滑的芝麻醬汁灑在椰菜上很惹味又爽脆。
然後決定食兩款套餐： 刺身盛合六款及波士頓龍蝦活具濱燒盛合。
刺身：
1）帆立貝大粒有黏著舌頭的鮮甜嫩滑感覺；
2）三文魚肉質細嫩，油份豐富，香味濃郁，鮮甜美味；
3）赤貝肉質爽脆，味道鮮甜 濃郁，有著獨特的海洋鮮味；
4）吞拿魚腩佈滿魚油花紋，入口即化，油香四溢鮮甜無比，全不油膩；
5）油甘魚，味道甘甜，有著魚油香氣，爽滑有咬感；
6）赤鯥魚，肉質鮮甜無比，爽脆彈牙。
波士頓龍蝦活貝浜燒盛合：
燒波士頓龍蝦，肉質鲜甜嫩滑，保留水份，好彈牙有嚼感；
有三款燒貝類：燒得光熟沒有流失其鮮味，汁亦多。
活北寄貝肉質肥厚味鲜甜，有嚼感；
活文蛤鮮甜彈牙，有嚼勁；
燒平貝用牛油烹調而不失其鲜味，確實嫩滑惹味。
甜品兩味：
朱古力窩夫，內有雪糕， 口感豐富；
日式千層蛋捲，用蛋捲包著忌廉及雪糕，冰凍凍很香滑，就這樣結朿了這頓悠閒的晚膳。

第一次食浜燒，既興奮又期待😄😄
波士頓龍蝦活貝浜燒盛合～首先要讚吓店員非常細心👍👍帶子一個用清洒煮一個用牛油燒，一種海鮮有2個口味，而且非常鮮甜爽口😋😋燒龍蝦前店員會拎來俾我哋望吓，好生猛不斷郁，然後斬件燒還幫手起晒肉，一塊一口😍😍
池魚王刺身～喺薄切的，晶瑩通透，新鮮彈牙，唔使點任何醬汁😋😋
香煎蒜片厚切牛舌～好鬆軟且充滿肉汁👍
白鱔浜燒～勁厚肉😋外皮香脆內裡嫩滑
和牛石鍋飯～店員細心地幫我們撈勻，仲話如果想食飯焦就放多1分鐘才食✌️✌️
最後來埋甜品，非常滿足👍👍

黎開銅鑼灣買嘢，順便同朋友搵間餐廳食返餐好嘅，路經澳門逸園中心，見到八樓有間浜燒好吸引。

刺身盛合
帶子
口感彈牙，鮮味十足

三文魚
色澤漂亮，味道新鮮

金目鯛

大拖羅
魚油分布均衡，肉質鮮甜，入口後油香充斥口腔。

油甘魚
淡淡甘甜，魚油充足😛

赤貝
爽脆，味道清爽

漁獲浜燒盛合
鱈場蟹腳 大帆立貝 蠑螺 鮑魚

餐廳提供了海鮮豉油 柚子胡椒 七味味噌三款味道調味，令味道有更多變化，可以嘗試到不同的組合。

鱈場蟹腳
燒至蟹肉表面乾身，內部保持濕潤，令鮮味更加出眾。🤩

鮑魚
鮑魚肉軟惗，帶有口感，建議搭配柚子胡椒，別有一番風味。🥰

蠑螺
加入清酒一齊煮，螺帶有嚼勁，越咬清酒和螺的香味越出。😋

帆立貝
選用了兩款煮法分別是牛油和清酒
牛油味道香濃十分惹味👍🏻
淸酒則帶出帆立貝本身是鮮甜。

比目魚邊沙律
油脂豐富的比目魚邊，經微炙後，入口即化，肉質香甜軟嫩，沙律上配有黑松露醬🥺，增加整體香氣和層次感🤪。

雞腎芽子
使用了黑胡椒和蒜調味，與彈牙的雞腎和爽脆豆芽一起炒，味道十分濃郁，🤤香味四溢。

食得浜燒點可以無酒呢，職員推薦我地飲鈴鹿川😆

入口有淡淡熱情果和富士蘋果香，味道帶點甘甜，尾韻十分悠長。清新的酒體配搭刺身或浜燒都很合適。

📍漁獲浜燒
銅鑼灣軒尼詩道525號澳門逸園中心18樓

好耐之前翻工都同過客人去呢間餐廳食🤤不得不提佢嘅香味真係令人好難忘，全部都係燒海鮮嘅味道😋😋
–
今日去銅鑼灣行街，醒起好耐都冇嚟過，結果就上嚟食啦，點知仲有優惠添呀👍👍

–
1.波士頓龍蝦活貝浜燒盛合 $830

呢個盛盒有新鮮波士頓龍蝦、活文蛤、活帆立貝同埋扇貝💕

主角係龍蝦😍店員會喺水缸到撈出黎，再拎比我地影相，好生猛🤤🤤 加上蛋黃醬黎燒，超香口😍蛋黃勁香，帶出龍蝦嘅鮮甜味😋😋

燒文蛤，外型有少少似沙白👍估唔到都幾多肉，燒得啱啱好，一啲都唔韌🤤

呢隻帆立貝加入左清酒一齊黎燒，肉質爽脆、食落鮮甜，飲埋啲清酒好正👍👍😍

帆立貝整左兩味，一個係清酒一個係牛油，比較特別係牛油燒👍加埋醬油，好香口，又啖肉😋😋
–
2.沖繩風沙律 $138

呢個沙律勁豐富🤣🤣有魚生、海葡萄、苦瓜、紫洋蔥、菜同埋車厘茄🤤海葡萄好特別，好似細細粒爆珠咁🤤沙律嘅醬都好日本風味😚
–
3.味噌蟹甲羅燒 $176

甲羅燒係必點😍佢嘅size同手掌一樣咁大~加入蛋黃燒會更加香，又中和左好濃郁嘅蟹膏味😋放左兩羹係多士上面都仲淨翻好多😆CP值十分高👍👍

上次黎過一次食燒海鮮便愛上，真係超正，必試之選😍店鋪嘅枱凳都夠闊落，而且Service 十分好，侍應上菜時都會介紹菜式

活龍蝦和牛浜燒盛合
侍應會拎個盛合出黎俾食客打卡先，真係好大碟海鮮，仲好新鮮😻😻

一黎就🈶️活龍蝦刺身食，真係好耐冇食過啦，仲記得第一次食係沖繩，今次果隻龍蝦刺身口感十分爽甜，正👍🏻

跟著就係清酒煮榮螺，食落好惹味，仲有一陣陣清酒香

鮑魚都好新鮮好好味，咬落好香燒烤味，又唔會韌，好食❣️

活日本平貝真係勁大隻，用牛油燒，切成一片片，肉質好嫩滑

跟住就係食埋個龍蝦頭，第一次食龍蝦甲羅燒，真係超正，龍蝦膏好香甜，so yummy 😋

最後就係A5和牛，雖然係A5薄牛扒，但食落一點兒油膩感都冇，生熟程度剛剛好，仲好香牛味，而且本身已經有黑椒調味，所以唔需要點醬食都好好味

Suntory生啤
生啤個泡唔會好快冇，飲落好香麥味

柚子梅酒
好香清新嘅柚子味，呢個梅酒嘅酒味唔重，好飲

蘋果雪葩
聞落係超香嘅真蘋果🍎個雪葩唔會酸又唔會好似冰咁，食落好似綿綿冰嘅口感，必試

椰子雪糕
呢個都係日本直送嘅雪糕，口感軟綿綿又香滑，每啖都充滿椰子味🥥
服務
內用
餐點類型
晚餐

早幾日去左食燒海鮮既日本菜🤭😍😍話說，我就本身唔太鐘意食海鮮，但因為朋友好想食，咁就試下啦。
我地叫左個細芝麻鹽醬椰菜、活龍蝦活貝浜燒盛合包括龍蝦1食同埋和牛石鍋飯！
椰菜好開胃！😍😍😍配上左個醬汁！又爽口又開胃！然後就開始食燒海鮮！包括有龍蝦同埋活帆立貝，仲有鮑魚，活文蛤😍
先講個帆立貝！佢一開4之後每粒都仲係大大粒！鮮味好重😍😍😍一隻用左芝士汁送上，另一隻牛油味！我本人鐘意牛油味多d！但芝士都唔差❤️
而鮑魚燒得好好，好煙韌！口感勁爽！😍😍😍即刻對海鮮改觀🤭
由於龍蝦燒得耐，所以就上左和牛飯先！
本身抱住平平無奇咁既心態，估唔到好有驚喜！d和牛未去到入口即溶！但係好接近😂
佢係利用個石鍋既熱力即熟d生牛肉！真係超好食😍😍😍😍
食到咁上下，龍蝦就到！超！級！大！隻。
職員都好細心，教我地點樣食🤭啖啖肉！勁多龍蝦膏。食到勁飽。
最後，叫左兩個雪芭清清d重味野😆😆😆😆
今餐飯，完美改觀左我對海鮮睇法。😍
下次會再返黎食。

今晚老公請我食好西，帶了我食最愛的日式浜磽，選擇了個浜燒盛盒。

北寄貝
熱辣辣，十分爽甜，有酒的清香。

龍蝦🦞
波士頓龍蝦，蝦鉗大大隻，燒完肉汁鮮甜，而上面的蛋黃醬增加了其香味。

鮑魚
新鮮到會動的，十分爽彈，簡單的磯燒，原汁原味。

活帆立貝
可以選擇不同的方式燒，清酒燒保留了酒香，突出原有的鮮味。

蟹肉海膽炒飯
炒飯粒粒分明，用蟹肉炒，增加口感，配上黑椒、芝麻和香蔥，十分香口。重點是上面香滑鮮濃的海膽，提升了整個飯的層次。

蘋果雪葩
凍冰冰，十分清新。

梅酒
酸酸甜甜，帶有梅香，很易入口。

十分豐盛滿意的海鮮浜燒大餐。
服務
內用
餐點類型
晚餐

哩間真係吃不厭😋襯放假今次來食過豐富午餐😍
點了2份午餐自選A+B
浜燒加丼飯
再點多3個活海鮮浜燒
最後推薦必食甜品雪糕同雪葩

《活海鮮🇯🇵漁獲浜燒》

今日同男朋友慶祝生日🎂就同佢重臨「漁獲浜燒」呢間位於銅鑼灣鬧市中既日式浜燒店😍入到黎日本🇯🇵氣氛濃厚😊

活龍蝦活貝浜燒盛盒
有活帆立貝、文烚及北寄貝🤩另外我地仲升級澳洲龍蝦🦞每款貝類從日本🇯🇵進口😊每樣都好新鮮😊師傅亦即席係我地面前浜燒🔥

🔺活北寄貝及文烚加入清酒🍶燒熟，北寄貝吸收左清酒令味道更甜🤤我地連清酒都飲埋🤪
🔺活帆立貝一半加入左黑松露味道香濃😬另一半以牛油燒熟😊非常鮮甜🤤

🔺主角龍蝦🦞真係超級鮮甜美味🧡開邊後三經過浜燒後肉質仲非常彈牙有咬口❤️龍蝦頭部分仲有飽滿龍蝦膏🤤真係越食越過癮😊好想Encore😬

刺身五款
🔺牧丹蝦大大隻連蝦頭既膏都食埋🦐
吞拿魚、油甘魚及三文魚都係厚切食落好有口感😍另外北海道馬糞海膽用脆口紫菜包住嚟食外脆海膽就非常Creamy🤤

醬汁方面跟左海鮮豉油、柚子胡椒、七味味噌如果覺得淡味可以點下😬不過我就鍾意食原味😂

飲品
柚子梅酒🥃飲落好似威士忌🥃微甜好香柚子梅味😍好好飲
黑麴燒酌就好似韓國燒酒一樣😂味道都幾濃烈‼️

甜品
菠蘿雪巴充滿香水菠蘿🍍味道又唔會太甜😍
椰子雪巴椰味香到過份😂食到男朋友舔舔脷😋
服務
內用
餐點類型
晚餐

[ 朋友生日快到，吃什麼好呀?! ] 作為ғᴏᴏᴅɪᴇ😆，我常常被身邊朋友問這個問題😂～如果要我推介的話，我大慨都會推介日本菜。而日本菜之中，想吃點有質素和夠新鮮的餐廳，我就會推介 🇯🇵漁獲浜燒 𝕋𝕠𝕣𝕖𝕥𝕠𝕣𝕖 ℍ𝕒𝕞𝕒𝕪𝕒𝕜𝕚 啦～

我已經到訪過好多次，每次都沒令我失望哦💕。最近表姐生日，我就來這𥚃慶生日🎂啦～食物選擇繁多，還是聽店員推介比較好。

「 漁獲浜燒盛合🦀$888 」

招牌盛合相當豐富，有珍寶大蝦🍤、松葉蟹腳、鮑魚、蠔🦪 和 帆立貝。店員呈上時還動個不停，非常生猛和新鮮～再次呈上時，已經完全熟透，可以吃囉～珍寶大蝦真的超大，而且超彈牙，蝦香滿滿。松葉蟹味道鮮甜，同樣不錯。鮑魚用鹽去調味，簡簡單單已帶出鮑魚的鮮味囉🤗🫶🏻!!!

「 刺身盛合六款🐟$628 」

色彩繽紛的刺身盛合😍，打卡一流。有吞拿魚腩、油甘魚、赤貝、池魚王、三文魚 和 帆立貝。刺身新鮮不在話下，每款更是厚切😝，不得了囉～

「 海膽炒飯🍚$198 」

炒得乾爽的米飯，盡顯師傅的功架✨! 圓潤飽滿的珍珠米，口感一流，還放有海膽，大滿足～

好久沒有吃水產店了，今日來到這間點十分期待🤩

烏龍茶割燒酎 $58
覺得很特別，所以點了這一款燒酎，喝下去真的跟喝烏龍茶差不多，沒有酒精味。

八千代伝— 白 $65
這杯同樣很特別，是薩摩芋蕃薯燒酎，酒精濃度十分高！

沖繩風沙律 $138
這個好清新，有苦瓜、海葡萄，配上三文魚、吞拿魚刺身，黑醋作拌料。酸酸甜甜好開胃，而且份量也很多喔！

金目鯛活貝浜燒盛盒 $1356
我們從波士頓龍蝦升級要了金目雕，店員會先把食材端上，讓顧客看看海產的新鮮程度，再那去處理。套餐有金目鯛、活帆立貝、活文蛤及活北寄貝。

首先有金目雕刺身，這條魚非常大(⊙ω⊙) 魚身呈鮮艷深紅色，油脂含量適中，咬下去肉質細膩爽口，味道鮮美。

之後有活北寄貝，非常鮮甜，帶鹹香，有咬勁之餘，因用了海帶湯調味，有股海帶香。

燒文蛤比活北寄貝口感彈性更高，肉質飽滿
更彈牙，還帶餘香。

接着用金目雕魚頭和吃剩的肉滾麵豉湯($56)，好喜歡這種一味兩吃的方法，用盡食材，重點是又好喝！麵豉湯帶有魚香味，鮮甜，還能吃魚肉。桌上配有海鮮醬油、柚子胡椒和七味味噌，隨個人口味配食材沾取。

最後一份海產有活帆立貝，一邊用清酒燒，吃下去肉質較為清甜，帶酒香；另一邊用香草牛油燒，鹹香較重，則惹味一點，各有各美味！

蟹肉黄金海膽炒飯 $198
最最最後，還點了一份蟹肉黄金海膽炒飯，炒飯顆顆分明，海膽份量還可以喔，味道鮮甜，蟹肉成絲炒進飯裏頭，如能放一撮在面就更豐富了！
服務
內用
餐點類型
晚餐

Japanese Seafood Lunch❤️ Hamayaki🦞🐚🦀🥢💫
.
.
香港人出名鐘意食海鮮，不鮮不吃😆！日本海鮮你又喜歡嗎❓今次趁住lunch 有時間，去左銅鑼灣一間浜燒居酒屋🏮 吃個海鮮的午宴🥢。

浜燒指將海鮮在岸邊即捕即燒，而呢間餐廳亦設有三組魚池，裡面有由日本🇯🇵 新鮮運到既不同海鮮，讓食客身處餐廳都感受日式浜燒滋味。

🔸細芝麻鹽醬椰菜 $25
先來一客前菜，椰菜新鮮爽脆配上胡麻醬惹味。

🔸特製黑松露炙燒碗平目魚邊沙律 $138
新鮮平目魚燒後帶出魚油香，沾到沙律菜增添味道，加上truffle 味道同樣誘人！

🔸澳洲龍蝦活貝浜燒盛合 $1070
Boston Lobster & Shellfish Hamayaki Platter
(澳洲龍蝦 / 活帆立貝 ×2 / 活文蛤 ×2 / 活北寄貝)
浜燒店主打係海鮮😍，更可優惠價升級活龍蝦，我當然要升級啦！一客拼盤組合嘈盡漁獲🦞🐚🦀，由店員親自燒製，確保鮮味嫩滑，簡單用鹽已帶出食材原味道！

🔸澳洲活龍蝦 (刺身 &甲羅燒)
其中龍蝦🦞 分2食：刺身吃到新鮮，而甲羅燒吃到惹味，帶出豐富層次滋味。

🔸帆立貝 (牛油 &清酒燒）
食材新鮮，同樣分2食：牛油香 & 清酒香甜。

🔸蟹肉黄金海膽炒飯 $198
最後驚唔夠飽❓ 當然要點款主食！ 用上Crab Meat🦀 & Sea Urchin💛 炒成帶金黃色既味飯，滿足。

Fruit Flavor Sour
🔸果味汽酒 (巨峰味) $46
🔸果味汽水 (乳酸味) $38
.
.
×××[漁獲浜燒 -Toretore Hamayaki]×××
©銅鑼灣軒尼詩道525號澳門逸園中心18樓
.
.

朋友生日就簡左食二人浜燒海鮮套餐，樣樣都很有質素，服務又好，值得再去～

黑松露炙燒平目魚邊沙律
平目魚邊配上香濃黑松露，入口即溶帶酸甜醬好開胃呢！

手握壽司八件（各兩件）
北海道拉丹蝦壽司
蝦鮮甜爽口、蝦膏好正

厚切三文魚壽司
好多口感，肉質鮮味細滑

厚切油甘魚壽司
紫蘇花好香又美味

味噌蟹甲羅燒
蟹蓋好多蟹膏燒左之後好香，蟹味濃郁再加左味噌醬汁和鵪鶉蛋一起，令口感更細滑，夾著餅乾食令口感豐富😋

燒A5和牛扒
日本既和牛肉質嫩滑，入口即溶，肉味香濃，油脂分布均勻

漁獲海鮮鍋配稻庭烏冬
海鮮配豆腐，烏冬幼滑好味😋

柚子梅酒
柚子味又香又重，酒味較淡易入口👍🏻

檸檬雪巴🍋
酸爽清香，清清油膩感

椰子雪葩
好香椰子味，口感細滑，十分美滿
服務
內用
餐點類型
晚餐
建議的餐點

經朋友推介，不得不介紹位於 #銅鑼灣
✨《漁獲浜燒》✨
交通方便鄰近地鐵站🚉
餐廳提供由日本直送活海鮮🦞
專人幫手燒製，新鮮壽司刺身料理等供應

▫️沖繩風沙律
用上多款角切刺身，搭配沙律菜、苦瓜、海葡萄，再混合酸甜和風沙律汁，清新又開胃

◽️波士頓龍蝦活貝浜燒盛合
浜燒盛合係以波士頓龍蝦為主
店員當日推薦升級做喜之次，我哋都好好想食魚，所以決定將額外加錢將波士頓龍蝦升級做✨➡️▫️喜之次活貝浜燒盛合▫️

▫️粒貝
原隻粒貝起肉薄切，連同清湯一同燒熟，貝肉彈牙有咬口，清湯充滿海鮮鮮甜，美味可口

▫️ 響螺
肉質煙韌，肉厚鮮甜

▫️活北寄貝
北寄貝肉質比較軟身，以清酒🍶海帶煮熟
肉質軟腍，味道清甜

▫️喜之次
原條喜之次外層好脆好香口，肉質入口嫩滑，，點埋醬汁，真係好夾
經燒烤過既喜知次充滿魚油，入口好重魚油香，最正係佢少骨，岩晒怕骨嘅我
日本稱喜之次爲夢幻魚，
日本三大名魚為：鮟鱇魚，河豚，喜之次
可想而知，喜之次美味程度有幾高✨

職員會協助燒煮食物再上枱
高質素日式料理 食完唔會成身燒烤味
安心享受美食，真心推薦給大家🍶✨

好耐無食燒海鮮，但又懶唔想嘥時間自己燒🤭
而且媽咪未去過沖繩✈️
所以同媽咪去咗銅鑼灣嘅漁獲浜燒食lunch味覺享受吓先😋
頭盤先嚟個沖繩風沙律🥗
佢嘅份量好大😙
有沖繩名物-海葡萄同埋苦瓜❇️
再有埋刺身🐟
呢個前菜已經好飽肚🈵
之後就食刺身盛合5款🍱
有牡丹蝦、生吞拿魚、馬糞海膽、油甘魚同埋三文魚🍣
又係切得好大份好足料💯
而且鮮味十足！🈴
之後就係重頭戲漁獲浜燒盛合🤩
有齊飽魚、珍寶大蝦、活帆立貝(兩味）、蠔、松葉蟹腳🦀
佢哋嘅調味唔多，食到好正嘅原味👍🏻
又唔使自己燒、專心傾計好滿意❤️

新一年繼續去搵好野食！ 今次去到銅鑼灣一嚐浜燒專門店 @toretorehamayakihk ，店員有禮先加一分，食材新鮮即燒即食又再加分😉
.
↬ 刺身盛合六款 – 有珍寶帆立貝、火炙金目鯛、中拖羅、油甘魚、三文魚、赤貝，整體都新鮮肉嫰款式，當中最好食係帆立貝，少見地係咁大粒，而且肉質鮮甜又有輕輕彈牙口感；而經火炙過嘅金目鯛刺身都有品質保證 (居酒屋熱門項目)，輕輕用火逼出魚油令到魚味更濃郁，魚肉都更有咬口。
↬ 漁獲浜燒盛合 – 燒海鮮一直係個人最愛，而今晚燒足五款都算係大滿足！有珍寶大蝦、松葉蟹腳、活鮑魚、蠔同埋活帆立貝，強調”活”係因為嚟到真係仲生勾勾，好新鮮！帆立貝大隻多肉唔嚡，又即燒即食肯定好味啦；大蝦同鮑魚都彈牙厚肉，鮮味十足；而蠔都飽滿，燒過會多一份香味😋
↬ 和牛石鍋飯 – 嚟個飽肚嘅主食，和牛用料都多，嚟到時勁大煙，係咁依影一影就要快D撈勻佢，當然有少少飯焦係mm7，但如果太耐就真係會濃變苦食唔到，但整體都出色！
↬ Suntory Highball – 放假飲返杯係真係 relax，尤其係美食當前，CHEERS🍻

平時真係好鍾意食燒海鮮，今次就book mark咗一間日式浜燒既餐廳，佢喺銅鑼灣嘅澳門逸園中心。入面係傳統日本木系裝修，座位好大好舒服。店員好有耐性去講解每一種食物，仲會拎出成個活生生既海鮮拼盤俾我哋睇，確保食物係新鮮，隻龍蝦仲識得跳添。

⚜️活龍蝦和牛浜燒盛盒
佢嘅盛盒係非常豐富，當中包括嘅海鮮有五款，而且每一種煮法都係唔一樣。有燒鮑魚(肉質嫩口彈牙，有淡淡的煙燻香)，燒榮螺(juicy, 有海帶，有燒酒)，清酒燒平貝(用走燒過好香)，燒和牛(肉質好嫩，油脂分布得非常好，識落唔會有好油膩嘅感覺)，龍蝦(龍蝦肉一粒粒mok 好晒,仲用埋佢嘅膏去燒，味道一流。)

⚜️沖繩風沙律
佢嘅沙律好特別，而且材料非常豐富。我最鍾意就係上面有海葡萄，食落好似蟹籽咁脆卜卜。除此之外佢仲有海帶，八爪魚，帶子，苦瓜，同埋唔同種類嘅魚生片，真係超豐富呀。佢嘅苦瓜係一啲都唔苦，甘甜可口。
服務
內用
餐點類型
午餐
平均每人消費金額
HK$400-450