鳥森(Torimori)
營業時間
| 星期二 | 12:00–16:00 |
| 星期三 | 12:00–16:00 |
| 星期四 | 12:00–16:00 |
| 星期五 | 12:00–16:00 |
| 星期六 | 12:00–16:00 |
| 星期日 | 12:00–16:00 |
| 星期一 | 12:00–16:00 |
服務選項
外送
外帶
內用
無障礙程度
不支持無障礙停車場
產品/服務
小菜
咖啡
酒精飲料
啤酒
餐點
用餐選擇
午餐
晚餐
餐飲服務
甜點
設施
洗手間
氣氛
環境舒適
客層族群
適合團體
規劃
接受訂位
付款方式
信用卡
簽帳金融卡
NFC 行動支付
信用卡
🐥美味串燒 • 鳥森 😘
銅鑼灣～鳥森
餐廳環境優雅，廚房架上放滿了不同類別的酒樽頗亮眼，Mori Set (HK$580/位) 頗有特色，有🐥不同部位的串燒 😘
餐廳自家炮製各款水果酒 ～ 點了兩款：士多啤梨泡盛梳打、時令泡盛梳打 ($88/杯)，每款都有不同果香酒味，入口冰涼，配合食串燒一流！👍🏻😚
擺上小碟前菜後，便陸續擺上各款雞串燒，有雞腎、雞頸肉、月見雞肉棒、雞掌心、雞心元、雞腸、惠比壽梅子胸雞、雞胸軟骨…等等，每款都各具特色，不同味道口感，令人感覺新鮮！👍🏻😁
厚燒牛舌芯 ～ 火燒牛舌芯肉質柔軟，配合山葵根、芥辣子一齊食，非常惹味！👍🏻😋
蛋黃漬虎蝦 ～ 虎蝦與蛋黃一齊燒，混合咗嘅蛋黃嘅蝦肉，爽甜甘香！👍🏻😍
惠比壽炭火親子丼，有洋蔥、冬菇、紫菜、蛋、雞肉，濕濕哋嘅口感，食落好正兼味道豐富！👍🏻😊
雞湯及白布烏冬，雞湯夠熱又滑清甜，烏冬好似塊白布，彈牙又特別！😉
最後奉上紅豆抹茶奶凍，令呢餐劃上完美句號！💯😍
每位連加一 HK$756
晚市放寬堂食之後，一直都想找一家日本餐廳食豪啲。上網留意到原來銅鑼灣有一家日式燒肉店新開張，都幾多人推薦的。所以我跟朋友兩位就有今晚上去試一試。
我倆各自都點了一個mori set，才$580就可以嚐到八串燒鳥、燒物、食事、汁物，以及甜品！性價比極高。
我想特別介紹一下，在我心目中最好吃/最特別的串燒。首先，是雞脾肉，看似平平無奇，但咬下去的時候超級多汁，雞肉嫩滑，雞皮香脆！
之後是月見雞肉棒，本來已經是日式燒肉店常見的串燒之一，但這裡的做法與坊間不同，日本雞蛋是經過特別醃製，所以有半熟的狀態。與雞肉棒一齊吃，特別濃味。
另一串是雞腸，食下去挺爽口的，而且因為清洗乾淨，加上有炭燒味挺重，味道也不錯。
燒雞全翼也很出色，入面juicy，外面也香脆可口，實在需要師傅不少心機和時間。
最後套餐還有惠比壽炭火親子丼，值得一讚是雞肉是先用炭火燒熟，非常香。
心血來潮想吃串燒🤔，在銅鑼有很多日料小店，這次就去了一家位於恩平道的樓上店。環境裝修是日式居酒屋，坐在窗邊還可欣賞附近景色🤩。這次點了Morei Set HKD$580，食物包括：精選燒鳥8本、燒物、主食、餐湯及甜品。
–
💥串燒，有8款不同部位的串燒，這次的串燒包括：雞腸、公雞冠、雞頸肉、雞軟骨、雞胸軟骨、雞腎、雞掌心及免治雞肉棒。每一款串燒也有不同的調味😋。最喜歡吃雞軟骨的雞腎，雞軟骨口感脆卜卜，雞腎口感爽口。
–
💥燒物，有三款燒物，包括：燒雞翼、白鱔和厚燒牛舌心。燒雞翼很喜歡吃，肉質嫰滑雞皮脆脆的😆。白鱔擺盤精緻，燒到皮脆肉嫰的口感，油脂滲出很香口😚。厚燒牛舌心牛味濃郁，口感嫰滑醬汁微甜。
–
💥主食，共有兩款口味選擇，分別是碳火雞親子鍋和白布烏冬。碳火雞親子鍋肉質煙韌，是湯飯感覺特別。白布烏冬口感滑滑的，整塊的烏冬挺有趣的🙈。
–
💥餐湯及甜品，餐湯是惠比壽雞出汁，雞湯味道鮮甜，很暖胃的感覺☺。甜品是抹茶紅豆奶凍，抹茶甘香紅豆清甜，奶凍口感很滑奶味濃厚。
–
📍鳥森
銅鑼灣恩平道42號亨利中心7樓
抵食樓上串燒店
之前看openrice 見過鳥森呢間店，新開張，主打吃雞的串燒。
上到黎，都奇怪新店點解可以咁爆場，張張枱都坐滿人，高朋滿座。
沒有坐bar枱，反而空間感幾好又足夠。
呢到主力食惠比壽雞，幾有驚喜，同元朗個間以本地為主嘅嘅燒店，各有所長。
坐低有個前菜，小巧的沙律碟，兩下就清碟。
上了一碟送串燒，有七味粉，柚子辣醬，同鹽。
先上雞肝，個汁勁濃，如果你熱愛吃雞肝，一定會愛上，個種綿密的口感，令人非常滿意。
可以無得飲酒，呢個配啤酒一定非常迷人。
雞頸肉，個樣好似唔吸引，但原來好有肉汁口感，而且好大份，有成五六件。
雞心的串法好特別，同平時有少少唔同，四粒上，口感一流。
雞掌心，我應該係從來未見過，燒到好脆而且有炭香，師傅功架完全顯示到，呢個絕對不能錯過。
雞腿肉嘅juicy，令人有十分的驚喜，雞皮脆，肉汁鮮嫩，做得好唔錯。
燒牛舌，好大份，而且係厚切上，基本上呢個菜式係試煉串燒師傅嘅一個必點之作，最緊要，呢個合格有餘作品，不會太過火，
免治雞肉棒似乎係必有嘅選擇，呢度嘅雞肉棒分量剛剛好，唔算太過多肉，再加一隻紅色心嘅日本雞蛋，平視我對呢個菜式感覺麻麻，但係呢度又算容易接受。
雞子，平常唔多見，今日竟然見到，食到真心精彩。
提燈，同平時見到連埋個樣有少少唔同，食落去好有驚喜。
燒白鱔，又係令人期待的菜式，不過，以佢前段咁好食嘅表現來講，呢個皮無雞處理得咁脆，但燒得都算剛剛好。
上了個主食，親子丼，說穿了就是雞同蛋嘅丼飯，用上雞蛋汁沾上菜，同宮城嘅地雞，呢個真係做得幾好食，正。
牛肉白布烏冬，都唔係第一次見，聽到隔籬枱嗌先至知道原來都有一樣咁特別嘅嘢食，的確呢到都幾地道，而且都做得唔錯，凡事講相對，親子丼表現太好，呢個相對就普通咗少少。
食到呢度，都幾滿意，下次可以同其他愛鳥之朋友encore。
好耐冇同朋友食嘢，咁啱我哋一齊放學，就一齊嚟到銅鑼灣搵好嘢食～我哋揀咗呢間日式串燒餐廳試吓
Mori set燒鳥八本
有八款唔同嘅串燒，都係雞嘅唔同身體部位
日本提燈
佢係雞嘅輸卵管，我哋聽到都覺得好驚訝🙀第一次試！有一舊雞蛋黃🥚配上一串扭紋形狀嘅肉串，食落覺得煙煙韌韌，幾特別嘅感覺
惠比壽梅子雞胸
雞胸肉燒得幾香，幾有咬口嘅肉質
月見雞肉棒
有流心雞蛋黃，加一串雞肉棒，將雞蛋黃攪勻沾上雞肉棒食落超級滋味！蛋黃汁配埋雞肉棒超正！
豬肋
一碟砌成一塊塊嘅豬肋肉，食落覺得好Juicy,燒得好香好入味，幾好味😋
白布烏冬
一碗仔烏冬，好大片嘅烏冬，食落覺得幾爽口，仲有啲牛肉片係中間，配埋個湯幾正
甜品
跟餐配左紅豆奶凍，幾香甜嘅紅豆，仲有軟滑嘅奶凍，好香奶味
今日朋友推薦我去一間日式串燒店，最大的特別是可以叫omakase廚師發辦! 主打各種不同部位的雞串燒，當中仲有好多罕有的內藏，等我地挑戰下先。
餐廳是開放式廚房，可以見到有個日式炭燒爐，師傅都細心咁每串每串咁燒，慢工出細貨。
雞腳筋 – 絕對係第一次聽，感覺好刁鑽，識落好煙韌。
雞腎 – 算是我最鐘意的，挺爽口的，而且炭燒味重。
鳥之提燈 – 說實話，食之前係未聽過唔知咩嚟。經理也特意喺我地食完後專登過嚟介紹。原來係串燒界的珍品，燈籠其實係母雞嘅輸卵管、卵巢與連結著未覆殼嘅蛋黃，而且要母雞宰殺時剛好形成蛋黃，數量並不多，所以燈籠的數量總是不多，亦係限量發售！聽完有點震驚，但可以食到初生蛋味道也不錯。
燒鵝肝 – 相比坊間的燒鵝肝，呢到係用左新鮮嘅鵝肝，所以係比較軟熟的。
最後，餐廳仲奉上暖笠笠嘅雞湯同紅豆牛奶布甸作結，非常滿足呀。
今晚嘅主題係「雞」。諗到的部位，內臟…全部可食用，新奇又期待。
首先付上青檸，柚子胡椒，八方鹽，炒七味粉作為燒物的調味。
八款雞串燒廚師為你發辨：
雞頸肉
免冶雞肉棒
雞胸軟骨
雞腎
雞尾
雞掌心
芝麻雞柳
一夜干雞翼
今晚大膽嚐試了雞尾，原來不是想像中的又臊又肥， 有點肉感，肥位甘香。
雞掌心夠特別，口感豐富。
免治雞肉棒最特別是蘸的不是生雞蛋，而是漬過的蛋黃，黏性高，蛋味濃，搭配不錯。
隨了雞部位，還有其他燒物，同樣出色。
燒白鱔和牛舌芯
白鱔燒得皮脆，肉質厚實。
厚切嘅牛舌芯有豐富口感，爽口鮮甜。
炭火親子丼
材料滿滿，有濕潤感。
白布烏冬
真係似布匹，又白又滑。烏冬質感有點嚼口。湯底甜美。
朋友話好想食雞，選了銅鑼灣這間鳥森，主打食雞的串燒店。
先來前菜香菜雞胸沙律。
見到有個Mori Set, 可以食到不同種類，所以叫了，
燒鳥八本，八款串燒，陸續送上枱，
先來雞頸，望落完全想想不到係雞頸，都好厚肉，
公雞冠，初時會怕腥，但原來咁好食，好彈牙，而且養顏添。
雞掌心，即雞腳掌心位，店員介紹用人手去皮，食落除了掌心厚肉彈牙，還有旁邊的筋，爽口。
雞腎，煙煙韌韌好食。
點子雞肉棒，肉質夠腍，中間有軟骨，不同層次感。
雞胸軟骨，以為雞肉會好鞋，但連住骨位原來啲肉質又相對滑喎，沾上醬油好夾。
梅子醬紫蘇葉，厚切的雞胸肉，夾了紫蘇葉，有另一種香味，面還有濃味梅子醬，更好味。
厚燒牛舌芯 – 牛舌味香濃，肉質好厚，中間8成熟更腍。
超足料濃雞湯，真係好回味，個湯相信用了好多雞骨餚製而成，而且好熱㷫㷫，飲完好溫暖。
炭火燒親子丼 -燒雞肉、紫菜、飯素連湯一齊食 ，好完滿，
甜品有綠茶牛奶奶凍，好滑。
今晚放工約咗好姊妹去銅鑼灣食飯,聽同事講話在亨利中心樓上有間主打食雞肉串燒店,仲系即叫即燒,味道同服務整體都幾好,而且賣相精緻,值得推介Morei Set $580(有精選燒鳥8本、燒物、主食、餐湯和甜品)
食串燒除咗飲威士忌梳打,都可以飲菠蘿梳打,兩杯都非常清甜解渴。前菜是香菜雞胸沙律都幾特別,用上芫荽作前菜加入雞胸,味道清新開胃
1.惠比壽雞心-雞心爽口入味,口感好腍
2.雞腸-雞腸爽口彈牙,食落又唔覺油膩
3.惠比壽雞腎-雞腎爽口易咬
4.雞胸軟骨-呢串口感脆脆雞軟骨,好有咬口
5.月見雞肉棒-燒汁甘甜,免治雞肉紮實,再沾上生雞蛋汁,令味道提升,口感更滑
6.惠比壽雞柳芝麻燒-雞柳外脆內軟,肉質夠juicy,仲有芝麻香
7.公雞冠-第一次食雞冠,口感似豬耳咁爽脆,食落煙韌
8.阿波美雞尾-食落有點軟身,沒有臭味,反而香口
9.厚燒牛舌芯-牛舌厚身,油香四溢
10.白鱔-外皮脆口肉滑,入口甘香,帶有魚慨甜味
11. 惠比壽炭火燒親子丼-滑蛋嫩滑,蛋香十足,配上嫩滑雞肉,拌飯一流
12. 雞出汁安格斯肉眼白布烏冬-白布鳥冬大大塊,好滑溜,配上雞湯和安格斯牛肉作點綴,令整碗慨味道好夾
13. 雞湯-純天然真味冇味精,清得嚟又有雞味
14. 紅豆牛奶布甸-牛奶布甸入口軟滑,奶香十足,再配紅豆味道好match
銅鑼灣高質居酒屋
服務
內用
餐點類型
晚餐
朋友介紹銅鑼灣有一間專食雞部位的居酒屋，因為媽媽鐘意食雞所以就帶佢試試！店鋪座位坐得好舒服，店員仲比左個靠窗位可以望到外面街景！
因為咩都想試下，所以就叫左個Mori Set，有齊哂雞唔同部位串燒，燒物湯甜品等等！
雞肝，雞心：2個都系第1次食，燒得好香口，入口即溶！
免治雞肉棒：平時食開的雞蛋都系生既，呢個好特別系比較結身的蛋黃，感覺配呢款蛋黃好食d！
雞掌心，雞胸軟骨：呢2款咬落去口感煙韌，上層調味料夠惹味！
雞冠：口感又軟又爽，充滿膠原蛋白！
雞腸：呢款好好食，一d腥味都冇，好爽口！
梅子雞胸肉：梅子酸酸甜甜好開胃，但雞胸滑小小會更加好！
燒物：白膳，牛舌
白膳好滑溜，同胡椒粉一起食好香口惹味！牛舌燒到岩岩好，好彈牙！
惠比壽炭火親子丼：用炭火燒的雞肉，配埋雞蛋紫菜，幾飽都可以食埋佢！
最後送上濃濃雞湯同紅豆奶凍甜品！
今次黎到呢間居酒屋感覺都幾高尚，員工好好禮貌，而佢有個套餐Mori Set好特別，係由廚師發板安排唔同雞部位串燒，食之前係唔知道會食咩，除咗串燒，亦都有燒物，一個主食湯同甜品，性價比都幾高！
雞胸軟骨：軟骨燒到岩岩好，好爽脆煙韌！
雞腸：口感爽口彈牙，入口完全冇異味！
梅子雞胸肉：呢個比較乾身，但配上梅子紫蘇葉口感都幾特別！
燒物：白膳，牛舌
白膳表面燒到好乾身，但內裏的肉仍然保持嫩滑！牛舌好厚身，啖啖肉！
白布烏冬
烏冬同平時食的唔一樣，呢個係一塊布甘大大塊，好滑溜，仲會配一塊大大塊牛肉同紫菜， 好味道！
雞湯超濃雞味，感覺放左好多隻雞落去煲！
服務
內用
餐點類型
晚餐
週末午餐時間比我預期的要安靜得多，午餐套餐非常好而且價格合理。訂購咖哩雞，6串串和鰻魚套餐。烤串做得很好，烤鰻魚皮很脆，這是我喜歡的方式，而不是通常的蘸醬方式。還訂購了一些板條箱，但與午餐套餐相比，它的性價比不高。
燒鳥係日本經典嘅燒烤料理，而且越食越刁鑽，由雞內臟到雞掌心，最特別最少見嘅部位，全部都燒哂黎食。餐廳是一所廚師發板的日本串燒店，食材部份特別選用上日本雞隻製作，並會嚴選當下的時令部位以烹調菜餚，務求讓顧客能品嚐到最新鮮優質的味道。而製作方式則主要使用紅木炭炭燒為主，並且將會轉用火舌效果更好的日本炭爐作燒製配襯之用，以令食材的炭火香氣更為濃厚入味。
日式串燒居酒屋lunch set🫣
每個set都有雞出汁、茶碗蒸、漬物、沙律同埋飯 飲品可選咖啡或伯爵茶
茶碗蒸蛋味香濃 質感較厚實 不過唔係幾夠熱 雞出汁即係雞湯 湯好濃郁
精選六本定食 $258
廚師根據當日食材揀俾我哋嘅 就好似廚師發板咁🙈 燒冬菇同茄子內裏仍然保持濕潤 雞肉棒點埋日本蛋好香 裏面嘅軟骨增加口感～ 蘆筍豚肉口感豐富 黑毛豬腩肉爽口油脂豐富～ 雞翼外皮少少脆肉質都嫩
汁燒鰻魚定食 $168
鰻魚比較乾身少少 佢係用炭烤嘅方法整嘅 有啲炭香味 外皮仲有啲脆 肉質軟腍 配埋鰻魚燒汁甜甜地
鳥串燒
服務
內用
餐點類型
午餐
強烈推薦蛋黃碎雞肉串、香煎北海道芝士、烤味噌雞肉飯糰、陳年雞翅
菜式選擇都多，包含大部分雞嘅部位同內臟，除咗單點之外，我哋叫咗一個Mori set，講低有啲咩唔食就可以嫁啦😉
前菜沙律，加咗雞絲同芝麻，清新開胃
套餐包括8款串燒，係廚師發板的，另外每人碟上都會有青檸，柚子醬，粗鹽同七味粉供客人自己調味🙆🏻♀️
雞芯同雞胗都只係用黑椒同鹽燒，燒到啱啱好又唔會好乾
雞腳筋完全冇骨，筋位帶少少香脆
雞胸軟骨加上醬汁，味道偏濃，有咬口
雞掌芯係鹽燒，有好多軟骨同筋位，煙韌彈牙
白鱔表面香脆肉質肥美😋
其中一個好欣賞既係雞湯，非常足料同清甜，可以一解油膩感
主食揀左白布烏冬，湯底較濃，烏冬口感都唔錯👍
朋友試過話唔錯，就帶我去食呢間日本串燒。餐廳門口同店內裝修好有處身日本feel。
嚟到串燒店就緊係要食燒鳥啦，就點咗鳥森燒鳥六本定食 $248。同其他日本餐廳一樣定食有湯，沙律，漬物和茶碗蒸。個湯係濃雞湯，另外漬物有個未曾食過嘅蒜頭漬，超級好味，好脆好特別。
燒鳥六本就任由廚師發辦，有雞軟骨、雞腎、一夜干雞翼、雞心和雞頸肉。我最鐘意雞軟骨，燒得好嫩好香，雞腎個燒汁超級好味，一夜干雞翼燒得剛剛好，必食之選👍 個定食仲有個蛋黃漬免治雞肉棒飯，蛋黃漬做得好好，蛋黃比較杰身，撈飯一流；免治雞肉棒𥚃面有雞軟骨，好有咬口。
朋友點咗安格斯白布烏冬定食 $158，牛肉肉味濃，白布烏冬好滑，連個湯都濃厚牛味😋😋
服務
內用
餐點類型
午餐
建議的餐點
又到 Hong Kong Restaueant Week 今次醒目，立即約朋友去食，參與餐廳有200幾間，價錢由$148起，真心超值抵食。
我哋係眾多餐廳中，揀左鳥森Torimori 🍢
位於銅鑼灣恩平道日式串燒餐廳，主打雞肉串燒，亦有牛肉豚肉提供，以紅木炭即叫即燒。
紅木炭燒出嚟嘅食物，炭香味更濃。
餐廳門口充滿日本風味，好多日本小擺設，落地大玻璃窗，環境同視野都非常舒服，夜晚放工後陸續好多人嚟，非常熱鬧，氣氛不錯。
Restaurant week預早左一日前預訂, 好野係留比有用心嘅人.
Dinner Set (Restaurant week $438/ppl）
精選燒鳥6本
🔺雞腳筋 – 第一次食，口感好香脆，有啲似雞軟骨，但脆口少少，燒得好香，調味剛好。
🔺雞腎 – 簡單鹽燒，味道爽脆。
🔺蛋黃漬免治雞肉棒 – 伴上蛋黃漬一齊食，雞肉棒外層筍脆，中間軟腍，伴蛋黃漬非常惹味。
🔺惠比壽梅子雞胸 – 卷上紫蘇葉一齊卷，再配上梅子醬，酸甜開胃，肉質好Juicy，帶有陣陣紫蘇香味。
🔺雞胸軟骨 – 炭燒後塗上醬汁，軟骨爽脆，雞胸肉軟滑。
🔺雞腿肉 – 啖啖肉，好滿足😂
汁物
🔺雞湯 – 完全唔油膩，入口好香雞湯味，不知不覺成碗飲晒。
燒物
🔺黑魚子伴比目魚 – 魚皮燒得香脆，魚肉非常滑😘
🔺伊比利亞豬肋條 – 肉質爽口彈牙😍
食事
🔺惠比壽炭火親子丼 – 滑蛋混入飯裡面，配上炭燒雞口，每一口都係幸福🤤
🔺黑咖喱炭火雞飯 – 黑咖啡喱入口香而不辣，配上日本米飯同炭火燒雞肉，我地好似食到一粒飯都無淨😂😂
甜品🍮
紅豆布甸 – 好滑好香，有啲飲燉蛋白😂
📍鳥森Torimori
地址：銅鑼灣恩平道42號亨利中心7樓
服務
內用
餐點類型
晚餐
我和朋友都選了串燒lunch set，好飽好滿足👏🏻
🔹前菜：麵豉湯，沙律菜，漬身，茶碗蒸 和白飯（茶碗蒸很有蛋香味，蛋很滑😍），前菜已飽了5成😆
🔹串燒有：橫隔肌，黑豚豬腩串（肉質多汁嫩口），紫蘇里芋豚肉卷（這個很特別，香口而且芋頭好味），茄子，冬菇，蛋黃漬免治雞肉棒（好好味，因為有蛋黃的味道份外吸引)，雞翼，雞腿肉，雞胸軟骨（雞系列的串燒，肉嫩惹味）整體味道調得剛好，不會過鹹或無味，也吃到本身肉的味道，是新鮮食材👍🏻
🔹飲品可以咖啡或伯爵茶：我們都選擇了熱的伯爵茶，原來吃完了這麼多的串燒，喝了這個伯爵茶真的很舒服很解油膩感，很香濃👍🏻
我不明白為什麼人們會對這家餐廳留下好評，工作人員很粗魯，食物質量不值得這個價格。你附近有很多選擇，如果你想被騙並享受定價過高的話。來！
服務
內用
餐點類型
午餐
平均每人消費金額
HK$300-350
好味～性價比都幾高
酒款選擇並無太多
但如果銅鑼灣行得累 食幾串係唔錯的選擇
餐點：4
服務：4
氣氛：4