黑木亭居酒屋 (天后店)(Black Wood Izakaya (Tin Hau))

天后高質和風居酒屋
服務
內用
餐點類型
晚餐

呢間居酒屋距離地鐵站都好近，入面裝修好日式，侍應服務態度好好，整體嚟講食物睇得又高質！

日本啤酒拉麵
賣相 5/5
味道 5/5
價錢 5/5
性價比 5/5

呢個以啤酒杯造型嘅拉麵真心以為佢湯底入邊有啤酒成份，可能會有啲奇怪。但係食落超級有驚喜，佢湯底應該係凍蕎麥麵汁，上面扮啤酒泡嘅係芝士奶蓋，加埋拉麵真係出奇地夾，濃濃嘅奶香，一定要試！

夏之芒蟹子沙律
賣相 4/5
味道 4/5
價錢 4/5
性價比 4/5

超多嘅蟹子同青瓜絲，芒果超大嚿，正常發揮！如果芒果甜啲就會更加正！

一口和牛三文治
賣相 4/5
味道 5/5
價錢 3.5/5
性價比 4/5

總共有四件和牛三文治，每一件三文治上面都有唔同嘅醬汁，而個人最鍾意係黑松露醬！吉列和牛外脆內軟，炸粉唔算厚，牛肉既tender 同埋有牛味。

帶子海膽青瓜卷
賣相 5/5
味道 4/5
價錢 4/5
性價比 4/5

總共有六件卷物，每一件上面都有一件帶子同埋海膽，兩樣刺身都係十分之新鮮同埋鮮甜，配埋青瓜都幾有口感！

蜜桃烏龍熊茶
賣相 5/5
味道 5/5
價錢 5/5
性價比 5/5

呢款嘢飲係餐廳嘅signature! 超得意嘅熊仔冰，係用紅茶整，唔會溝淡咗杯嘢飲。

北海道士多啤梨乳酸
賣相 5/5
味道 5/5
價錢 5/5
性價比 5/5

士多啤梨味一啲都唔假同埋杯嘢飲，好重牛奶味，值得encore!
服務
內用
餐點類型
晚餐

生蠔杯五顏六色超吸睛，打卡一流👍3款醬汁都各有特色
串燒燒得剛剛好，因為完全肉肉完全不黏竹簽的 😚 厚切豬頸肉串外脆，肥美，而雞股則超香脆，口感超似燒雞皮，明太子雞腿肉的明太子味非常香濃突出🤤
服務
內用
餐點類型
晚餐
餐點：5
服務：5
氣氛：5

天后清風街一帶多嘢食係人都知，要揀中一間啱心水嘅餐廳都唔易。今次同朋友去咗一間外貌裝潢似日本居酒屋嘅餐廳試下，一睇門面大大個木製招牌就比佢吸引咗，職員仲好細心安排我同朋友共2人坐4人枱，闊落啲可以擺袋，坐得舒服啲 👯‍♂️💯
🤤芒果蟹子沙律🥭🥗
一坐低就等唔切即刻嗌嘢食，前菜就叫咗個「芒果蟹子沙律」，配有青瓜絲同蟹柳，同蟹子和沙津醬撈埋一齊食好清爽，而且仲有大大舊芒果果肉，份量十足夠晒開胃。
🤤帶子海膽青瓜卷🥒🍣
然後因為實在太肚餓啦，所以再同朋友share一個賣相好精緻嘅「帶子海膽青瓜卷」，師傅擺盤好有心思，壽司飯同埋青瓜、蛋同蟹柳都好扎實，加埋帶子同海膽整體都好新鮮，質素高上，超滿足。
🤤去到主菜！佢地今個月隆重推介幾款創意日本料理，我哋就揀咗「日本啤酒拉麵」（不含酒精）🍜🍺 同埋「一口和牛三文治」🥩🥪
拉麵個造型簡直無得輸，職員一上菜我哋都忍唔住大叫咗一下。用大大個啤酒樽裝滿拉麵登場，表面仲有一層厚厚嘅芝士奶蓋，彷製啤酒泡，勁有心思，而湯底係用傳統嘅鰹魚湯，味道都幾濃郁。食法就係用長筷子將佢地一次過攪勻之後，分到細碗中品嚐，另外仲可以加埋溏心蛋、紫菜、青蔥、蘿蔔蓉同埋wasabi，成個拉麵DIY過程係全餐飯食得最開心。至於味道分面都唔錯，拉麵掛滿芝士奶蓋，又同湯底融合一齊，唔會太膩，感覺幾啱口味，用黎打卡影相一流，係一款食得好開心嘅美食🥳
可能因為兩款主菜同時上，我哋食完拉麵先食和牛三文治，所以個三文治可能有啲攤凍咗，咬落去淰咗啲，唔夠脆，好彩個牛肉本身係半生熟，無太大嘅影響。呢款和牛配有4款汁，分別係黑松露、明太子、蜜糖芥末同芥末杍醬，有辣有甜，食落個層法都幾豐富😄💥
🤤食咁多嘢，嗌返兩杯嘢飲爽下先，「芒果多多熊冰」同「蜜桃烏龍熊茶」都好清爽又解渴，兩隻熊仔咁得意會唔捨得浸溶佢地黎飲🧸🧸🫠

🍱 廚師發板壽司(八貫) $288
廚師將時令既食材處理好為大家呈上！八件靚靚既壽司。醋飯細細舊味道又唔會太酸balance得幾好，加上款款魚生都夠新鮮，爽口既赤蝦，肥美油香既油甘魚，鮮甜既帆立貝再加埋濃味既赤身，真係各有各特色！😋

🦪 海產細味六杯蠔 $199
上菜既時候蠔肉用cocktail杯盛裝著🥃而且每隻杯底下都有燈光照著，五光十色閃下閃下咁🚦 口味上分別有泰式醬汁、雞尾酒醬汁以及經典既日式酸汁，每款各兩杯。蠔肉口感新鮮好食，每款醬汁都夠哂開胃惹味，真係認真開胃，真係推薦大家order黎試試先阿！👍🏻

🍡 串燒系列🔥

🐷厚切豬頸肉串 $48
厚切既豬頸肉爽口彈牙，勁重油香咬落又juicy真係邪惡之選阿！

🐮 牛肋串 $48
牛味濃郁而家火候上處理得唔錯，肉質有嚼勁！

🍄 豚肉包雞脾菇 $48
燒到甘香既豚肉本來以為食落會好乾，但配埋雞脾菇之後個感覺就唔同哂，燒完後既菇菇爆哂汁，令到豚肉卷個味道食到豬豚肉既油香之外仲有陣菇既清香，又幾得意咁喎！🤪

🐥免治雞肉棒 $58
如果有follow我既朋友…都會知呢款基本係每次去居酒屋必點之一嫁🤭 雞肉餡混合左雞軟骨咬落脆卜卜，食之前記住要沾埋蛋黃汁及特調醬油一齊食味道溫和而且口感上更加嫩滑！

🐓 雞股 $38
雞股既油脂香比起雞翼更勝一籌，仲要鮮美多汁，惹味之餘真係估佢唔到，真係從此對呢個雞股重新認識阿🐤🐤

🍗 明太子雞腿肉 $38
雞腿啖啖肉夠哂嫩滑加埋明太子醬汁鹹鹹地就岩哂啦！醬汁上唔會太辣反而係有種creamy既感覺！

🍹蜜桃烏龍熊茶 $58
充滿住蜜桃香氣既烏龍茶，味道上唔會太甜而且蜜桃味夠哂香，微微甜得黎仲幾清新，仲有隻可愛Q版既熊仔掛住係杯熊茶，賣相上夠唒打卡仲要望住熊啤啤慢慢溶果陣真係勁治愈阿！只可以講呢杯配埋串燒真係絕配喎 😍

🍸北海道芒果牛乳乳酸 $48
芒果味夠香又夠濃，加埋益力多乳酸味入口酸酸甜甜咁，夠哂開胃最岩少女飲阿！杯上仲鋪滿左棉花糖及七色彩針糖，藍色加埋米色兩種分層既視覺效果夠哂靚仲一定要即刻拎埋部手機出黎打卡先阿！📸
服務
內用
餐點類型
晚餐

呢間居酒屋播放住日文歌，氣氛唔錯，鐘意食日本野既話，去慶祝生日一流。

如果無食呢度既日本啤酒拉麵就真係走寶了。佢無酒精既，啤酒係冷麵汁扮既，面頭陣啤酒泡係鹹忌廉，配菜仲有埋Wasabi+紫菜+蘿蔔絲+溏心蛋，好正！本身純粹覺得搞笑而叫，但係最好食係呢個，好有新意！
服務
內用
餐點類型
晚餐

A5和牛壽喜鍋好正，串燒好好食推薦！
同朋友仔一齊慢慢食飯傾計都好舒服的環境。
服務
內用
餐點類型
晚餐

成間餐廳好有日本居酒屋嘅感覺
老闆好熱情咁招呼每一台客人
會同佢哋傾下偈
同時又非常專業
又會介紹吓唔同嘅清酒
會講到啲酒同乜嘢菜式配搭係最好

食物新鮮有水準😊
服務
內用
餐點類型
晚餐

小店氣氛好，侍應服務友善，以客為先，食物高質👍🏻👍🏻推介和牛壽喜燒、蜜桃烏龍熊茶、豚肉年糕串
服務
內用
餐點類型
晚餐

環境舒適，食物好食，仲可以打卡㖭～
杯蠔新鮮，壽司厚身，串燒熱辣辣又唔會乾噌噌
同朋友傾計一流

話說最近真係愛上左係天后搵食😆今次就去咗食一間都薄有名氣嘅居酒屋🏮相傳呢間「黑木亭居酒屋」有好多菜式飲品都加入咗啲有趣嘅打卡元素，唔單止食得仲影得🫢
。
。
🔘A5宮崎和牛小熊泡泡浴壽喜燒配棉花糖兔兔酒2杯 | $398
評分:🌕🌕🌕🌕🌑
評語: A5嘅宮崎和牛真係冇得頂🤤油脂分布平均，完全係雪花嘅pattern，用壽喜燒湯輕輕焯一焯就可以食，日本嘅和牛牛味真係特別出色！配料份量都幾多，食完啲菜、菇等等之後都已經好飽😂壽喜燒內放住一集冰製嘅小熊，用熱湯淋落去慢慢溶化都幾得意。而呢個壽喜燒鍋係配左兩杯棉花糖烈酒，都幾新穎㗎！
。
。
🔘黑松露大拖羅蓉卷 | $168
評分:🌕🌕🌕🌕🌑
評語: 本身以為黑松露味道會好勁，遮蓋左大拖羅嘅味道，點知黑松露味淡淡地，反而仲帶出左大拖羅蓉嘅鮮味，勁香勁好味😛
。
。
🔘豚肉包雞髀菇串燒 | $38
評分:🌕🌕🌕🌕🌑
評語: 食完宮崎A5和牛，就梗係要試埋日式豚肉啦😆呢款豚肉包雞髀菇串燒塗上咗日式武士醬再拎去燒，辣辣哋甜甜哋都幾開胃。
。
。
🔘豚肉年糕串燒 | $48
評分:🌕🌕🌕🌕🌑
評語: 燒到皮香肉脆嘅豚肉包住軟綿綿好煙韌嘅年糕，淨係口感都爆燈😝年糕仲吸收埋豚肉嘅油香！
。
。
🔘豚肉虎蝦配忌廉 | $68
評分:🌕🌕🌕🌕🌑
評語:呢款豚肉虎蝦分左三個步驟，首先要將醬汁塗上拎去慢燒，然後灑上鹽再燒多次提升虎蝦嘅味道，而最後淋上特製忌廉汁。朋友就最欣賞呢個忌廉汁，有點似奶蓋咁，但又同豚肉虎蝦好夾！
。
。
🔘蜜桃烏龍熊茶 | $58
🔘洛神檸冰 | $58
評分:🌕🌕🌕🌕🌑
評語: 又一餐廳打卡名物，蜜桃烏龍熊茶🧸將蜜桃烏龍茶雪成小熊形狀，一路飲小熊會跟住浮浮沉沉咁幾有趣。洛神檸冰偏甜少少，洛神花味都幾重，加$10仲可以加酒添🍸
。
。
🔻仲有好多打卡菜式，下次要試埋日本啤酒拉麵同巨無霸蟹蓋飯
🔻尖沙咀同天后都有分店
🔻菜式幾有創意，幾新穎㗎
推介指數: ⭐⭐⭐️⭐
服務
內用
餐點類型
晚餐

黑木亭

廚師發板壽司八貫
有三文魚、油甘魚、劍魚腩、三文魚籽、赤身、帆立貝、牡丹蝦同北寄貝. 幾新鮮, 特別帆立貝

海產細味六杯蠔
原價$284, 做緊promo $199 ,有泰式醬汁、雞尾酒醬汁同classic 日式酸汁各兩杯. 蠔肉口感幾滑, 配嘅sauce 幾惹味

厚切豬頸肉串爽口彈牙, 重油香幾juicy

牛肋串 略乾韌

豚肉包雞脾菇 以五花肉薄切包著雞髀菇, 外層豚肉燒得甘香, 雞脾菇減去豚肉嘅膩, 而豚肉亦為菇帶來點油香, 加左菇嘅口感亦更豐富

免治雞肉棒混合左雞軟骨增添口感, 沾埋蛋黃汁唔錯

雞股第一次試, 見人推薦. 雞股帶油脂香, 酥脆幾惹味

明太子雞腿肉 唔係好夠滑

蜜桃烏龍熊茶有隻可愛熊仔茶冰岩打卡🐻, 味道亦幾natural.🍹烏龍茶帶蜜桃香唔會太甜

葡萄檸冰加左$10加alcohol 易入口, 清爽幾好飲

海產細味六杯蠔🦪（6杯）
餐廳使用日本新鮮嘅廣島蠔，用Tequila杯加上泰式、雞尾酒、仲有日式酸汁、每款兩隻非常新鮮爽甜。

廚師發板壽司🍣（8件）
廚師選用當晚最新鮮食材製作壽司，我地個晚就有帶子，甜蝦，左口魚，三文魚，拖羅，鰻魚，八爪魚，每款都非常鮮甜新鮮。

日式串燒
今次我地叫左厚切豬頸肉，豚肉包雞髀菇，免治雞肉棒，雞股，明太子雞腿肉🍗，牛肋串。整體比我地想像中好食，燒到微焦非常之香口，口感細膩，十分惹味。

今次我地仲叫左2杯野飲，北海道芒果牛乳乳酸同士多啤梨多多熊冰，酸酸甜甜飲落好清新又唔會過甜，小熊冰好得意打卡真係一流！
服務
內用
餐點類型
晚餐

環境同食物既性價比都幾高，好中意佢地既豚肉包雞髀菇/虎蝦！
服務
內用
餐點類型
晚餐

清風街天橋，相信港島揸車人士會成日經佢入紅隧。同一時間，佢樓下都有好多不同的好西，每次去都會搵到唔錯的寶藏👀

入座時為7時30分，鋪頭已全院滿座，侍應故安排小包箱比我們，細細間，零舍寧靜🤓

我哋叫咗 海產細味六杯蠔、廚師發辦壽司(八貫) 、一堆串燒及飲品2杯，整體食物質素同價錢成正比👍👍👍

蜜桃烏龍熊茶：
大大隻得意小態攤係杯面，愈飲愈有，桃味烏龍茶相得益彰

北海道士多啤梨牛乳乳酸：
稍稍偏甜，配上串燒味道剛好，酸酸甜甜，開胃之選，飲料當中更有朱古力碎💞

總體：侍應服務有禮，鋪頭只是天后站5分鐘腳程，唯建議先行預約，因為十分爆滿🙈
服務
內用
餐點類型
晚餐
餐點：5
服務：5
氣氛：5

住喺天后，就係為咗食好嘢
突然想食日本嘢
就去咗樓下居酒屋 @blackwoodizakaya 頂吓日本條癮
先黎六杯生蠔🦪
睇個video都見到佢係會不停咁轉燈
Igable 到爆 💛
佢有3種醬汁
包括cocktail sauce, 泰式汁 同埋日式酸汁
個人都係鍾意Cocktail
啲蠔隻隻都超肥大
放喺Cocktail杯入面爭啲塞唔入

Starter之後要食壽司醫下肚
壽司八貫 有 帆立貝 三文魚子 拖羅
北寄貝 甜蝦 三文魚 油甘魚 劍魚
魚生全部都好新鮮
個人偏心帆立貝 又大又鮮甜

食完之後就要食啲熱嘢暖下胃
瘋狂叫咗幾樣唔同嘅串燒
重點要介紹雞股
係呢度係有雞股嘅
第一次初體驗 食落去其實有啲似燒雞皮
脆卜卜 上面有七味粉調味 好惹味

其次鍾意嘅就係明太子雞髀肉
所有有明太子嘅嘢都會加分10倍
雞髀肉都燒得好嫩滑

豬頸肉上面焦香
中間又有啲肥肉相連
正正子

雞肉棒正常發揮
下面有蛋黃同埋秘製醬油
發埋一齊食，一定冇死

牛肉個牛嘅油香燒晒出嚟
唔需要加啲咩醬汁調味已經好出色

呢度啲嘢飲都係精緻到冇人有
叫咗北海道士多啤梨牛乳係乳酸
係作為士多啤梨同埋乳酸控嘅我
係冇可能會唔試
就係新鮮士多啤梨酸奶嘅感覺
上面仲有啲棉花糖點綴
酸酸甜甜好開胃

另一杯就嗌咗芒果
你睇吓上面嗰隻熊仔
隻熊仔成隻都係芒果汁做嘅冰
成杯嘢飲完 隻熊仔仲係未溶架！

<>
熊仔造型嘅烏龍茶冰粒, 響烏龍茶面浮浮沉沉.
入口有烏龍茶嘅清新純和, 加少少花嘅幽香.

<>
新鮮嘅廣島蠔分別配上雞尾酒醬汁, 泰式醬汁同日式酸汁.
幻彩閃燈不斷閃呀閃, 非常吸引!
一杯一隻生蠔，入口清新鮮甜.
服務
內用
餐點類型
晚餐

六杯蠔幾靚～total有3隻味
和牛他他配呢個幾好食～
串燒調味唔錯～帆立貝最好食
蜜桃烏龍熊茶係被可愛吸引而叫的～

叫咗蠔杯，生蠔新鮮，甜美而且吾睲，配三種吾同醬汁。種意傳統日式醬汁；雞尾酒醬汁幾清新，吾濃味；泰式醬汁，可以，也不錯。主打串燒，明太子雞腿肉最好食，免治雞肉棒多汁，甜甜地，豚肉包雞脾菇和豬頸肉都吾錯，雞股係店員介紹，幾得意，下次可以再試。又叫咗個㕑師發板壽司，有海膽，好得，仲有帶子，甜蝦，吞拿魚，油甘魚，等等。熊仔蜜桃鳥龍茶，巨蜂檸冰，也不錯。

完全不推薦！我們只等了一頓飯至少 30 分鐘。食物也沒有驚喜，你可以用這裡一半的價格找到其他地方。
服務
內用
餐點類型
晚餐

食物還可以。

他們靠近地鐵的迷你超市太糟糕了
我找不到給那家店留言的地方，所以我就留在這裡了
噁心的食物和可怕的收銀員。
用手觸摸食物……

totally BLACK LIST!不知所謂嘅居酒屋、叫咗支熱清酒半個鐘都唔理、問佢支酒去咗邊又話熱緊、追問三次之後又話冇貨又唔主動同我哋講，唔知喺度等乜叫咗啲嘢食隔籬枱同一時間已經食咗一半，我哋都未有嘢一樣嘢食過！請我都唔會再去永久bad list！

服務一流，嘢食高質，推薦

日式居酒屋 壽司串燒美味