磯野水產(Isono Suisan)
營業時間
| 星期二 | 12:00–16:30 |
| 星期三 | 12:00–16:30 |
| 星期四 | 12:00–16:30 |
| 星期五 | 12:00–16:30 |
| 星期六 | 12:00–23:00 |
| 星期日 | 12:00–23:00 |
| 星期一 | 12:00–16:30 |
服務選項
外帶
內用
無障礙程度
不支持無障礙停車場
產品/服務
咖啡
烈酒
酒精飲料
啤酒
葡萄酒
用餐選擇
午餐
晚餐
餐飲服務
甜點
設施
洗手間
氣氛
環境舒適
客層族群
適合團體
規劃
接受訂位
付款方式
信用卡
簽帳金融卡
NFC 行動支付
信用卡
唔太多選擇，魚生都係一般的種類，多數推套餐，清酒買1送1但要買大支700ml的，4人以下唔會飲得晒但唔可帶走😬😬 …
今日去咗呢間舖頭食磯燒，估唔到佢哋都有聖誕套餐。前菜係磯燒火炙刺身沙律，刺身有三文魚，左口魚邊及大蝦，每件都係厚切及火炙，油份更加突出，配埋沙律菜非常美味。刺身壽司盛合，有牡丹蝦，馬糞海膽，帶子，三文魚，左口魚邊及蟹腳，牡丹蝦非常鮮甜又彈牙，非常美味。帶子上面有少少黑松露點綴，味道更豐富，添了一些香氣。蟹腳上面亦配上一點蟹膏，蟹味會更加鮮甜及濃郁。日本和牛，幾大份，口感又滑又香，油份澎湃，表面充滿光澤。原隻活龍蝦浜燒，面頭鋪滿蝦膏及蝦肉，所以入口龍蝦味非常突出，蝦膏又細滑。最後海膽蟹子炒飯，飯炒得非常香口，有飯香，加上海膽味道更香濃，而蟹籽增加了卜卜脆口感。
今日去嘅呢間餐廳係男朋友想試好耐，今日我哋終於都試到啦
今日我哋總共叫咗六樣嘢
咁前菜方面我哋叫左一個蔬菜條配鯷魚醬，味道清新開胃一流
跟住我哋都叫咗個刺身盛合六款
最特別嘅係牡丹蝦嘅蝦頭可以畀客人去選擇去炸或者係做湯。如果客人選擇去做湯嘅話就要另外加50蚊，咁我哋見呢個咁特別就選擇咗去做湯嘅
咁湯嘅做法，除咗用牡丹蝦頭，佢都會落咗幾隻蜆落去一齊煲，湯非常鮮甜好味，好彩我哋係選擇咗係去做湯。
另外，我哋驚唔夠飽都叫一個lunch set，溫泉蛋壽喜鍋配白飯
咁我地另外追加咗一個小食-櫻花蝦炸豆腐.咁呢個櫻花蝦炸豆腐非常之好味,佢出面都係鋪滿咗好多嘅櫻花蝦,外脆內軟.
整體嚟講啦我同男朋友都非常之滿意嘅，我哋決定下次再嚟試試佢其他既野食
先生對日式料理特別感興趣，趁着周末，來到專門食浜燒海鮮的『磯野水產』晚飯，每次想起這裡的鮮鮑魚, 松葉蟹腳，毛蟹，龍蝦，帆立貝等… 都會令我好興奮，坐定定就食到專人燒好既日本海鮮，品嚐食物既原汁原味，好吸引!！😍😍
「野菜條伴鯷魚醬」🔸係我最喜歡的前菜之一，鯷魚醬由多春魚及沙甸魚製成，魚鮮味超濃郁，簡單用甘筍，沙葛條沾食就已經好開胃。😎
🔸🔸🔸餐前小食🔸🔸🔸
馬糞海膽x三文魚籽手卷 ，鮮鮮聯手，
無得輸呀!！😜
蟹味噌蟹肉手卷 , 蟹膏味道濃郁。👍
手卷賣相似雪糕，真係好好味!！🥰
「深海池魚薄切刺身」🔸池魚刺身賣相真係好靚，令人睇見已經好有食慾，魚身色澤油潤，肉質細嫩甘香，沾上酸汁，辣蘿蔔蓉同食，更有層次感。🍊
「鹽燒秋刀魚 」🔸秋刀魚魚皮燒得香脆，就係比較多幼骨，入口肉質油潤，完全無苦味，夠新鮮！🍊
浜燒係餐廳既主打，必點既一定係唔同款式的磯野浜燒海鮮盛盒，先生想食鮑魚，想飲貝殼底部留下的鮮甜湯汁，點了「磯野浜燒貝類盛盒｣，刺身，鱈場蟹鉗，海膽手卷，鹽燒秋刀魚，份量剛剛好。🤩
🔸🔸🔸磯野浜燒貝類盛盒🔸🔸🔸
❤️白貝 x2
❤️刀貝 x2
❤️文蛤 x2
❤️鮑魚 x2
❤️大北寄貝 x1
好豐富呀，店員好好人，先給我們拍照，整盤海鮮都新鮮又飽滿，當中大北寄貝，鮑魚同鱈場蟹腳最耀眼，真係每次黎食都唔會失望。🌹🌹
餐廳正中央有2 位師傅努力地燒，有時淋清酒，有時用火槍，一隻隻肥美又飽滿的貝類接著上枱，白貝，刀貝，文蛤都甘甜又鮮脆。👉🤠
大鮑魚配上柚子胡椒同食，更能激發鮑魚的獨特鮮味，入口爽口彈牙，唯燒得比較乾身｡ 如果連殼上枱，賣相可能會更靚。
或可以考慮下用鮑魚的內臟煮成醬汁，
鮑魚整體的味道應該會更特出。😂
大北寄貝，絕對是貝類盛盒當中美味的表表者，加上清酒同煮, 火喉控制精準, 北寄貝入口清嫩滑爽口又帶有海水鮮味，正正正！😎
「浜燒鱈場蟹鉗」🔸作為一名蟹痴，浜燒又點可以無蟹，啖啖肉既鱈場蟹鉗正是最佳選擇，上枱既蟹鉗已經剪好，輕輕鬆鬆就食到裡面的蟹肉，十分方便。🍊
( 澳門逸園中心地庫『蟹慶』內的活毛蟹，也是鮮得令人垂涎欲滴喔❣️❣️）
美味的甜品，同樣令人心動～～👉😍
🔸🔸入口冰凍且甜絲絲的日本卷蛋 🔸🔸
要了朱古力香蕉卷蛋和巨峰提子卷蛋，
入口忌廉幼滑，蛋香味濃，非常完美!！
🥳🥳🥳🥳🥳🥳
🎯 磯野水產 @isonosuisan
銅鑼灣軒尼詩道525號澳門逸園中心19樓
收工來到銅鑼灣食好西，今次食燒海鮮好期待🤩
.
🥕前菜 $34
jo第二次食依舊喜歡，呢間的鯷魚醬係用沙甸魚和多春魚打出來，配住青瓜、紅蘿蔔、白蘿蔔味道鹹鹹地幾開胃😋
.
🍣牡丹蝦赤貝刺身 $156+$128
牡丹蝦大大隻好肥美鮮甜，赤貝新鮮爽口，一個字：正😍
.
🐟鹽燒時令鮮魚 $588
今晚時令鮮魚係伊佐目魚，第一次食好期待😍呢條魚用爐燒，魚皮脆口，鹽味將魚鮮味更加出，jo覺得夠哂味豉油都唔駛點😆
.
🔥燒紐西蘭刀貝 $88
見住用火槍燒已經超級期待，果然無令jo失望，夠熟又唔會韌，好肥美鮮甜，好好食呀！
.
🔥燒活帆立貝 $138+$138
一共點了兩款，帆立貝好厚肉食得好開心，裙邊好爽口！清酒口味令帆立貝鮮味更加出，黑松露口味也超好食，充滿牛油香🤩
.
🦀燒鱈場蟹腳 $308
呢個真係要大讚超級好食！食到停唔到，炭燒味道再加上蟹鮮味一級棒，蟹肉燒得好結實有咬口，不得了
.
🍇巨峰梳打 $42
食燒物緊係要點杯有汽飲品，呢杯真心不錯濃濃巨峰口味滿清甜
.
🍺柚子割燒酌 $68
呢杯也滿清新，似有酒的柚子蜜
.
呢間主打浜燒做得相當不錯，加上餐廳裝修同日本居酒屋好似，感覺真係好似去左日本！而家清酒做緊買一送一，去唔到日本，想食高質的居酒屋滿推介！
佈置有如日本居酒屋，食物已盡量仿效日本，但始終有別。價格有點貴未配合食物質素。煮食在顧客附近感覺有些危險。員工盡力制作食物但始終不是廚師。人多更要等待。整體很一般。只能說是香港特色，港人喜好。但求似日本以治療香港人愛日之心。期望老闆可考慮作出改善，令大家都能如老闆初心享受日本感覺和食物質素。
咁啱喺附近約朋友傾嘢
想搵返間好少少嘅日本餐廳
但係星期一至五通常都好多人 特別係金百利廣場嗰頭😂人多而且比較嘈雜
所以我哋搵咗間靜靜地嘅磯野水產
環境偏暗 好友日式居酒屋嘅感覺
同事可以見到磯燒嘅過程 賞心悅目～
我地兩個人叫左磯野二人前Set A
呢個set係要平日星期一至五先食到
感覺幾抵食 而且食嘅都係最時令同埋最新鮮嘅食材
有我最喜愛嘅喜之次❤️一於試吓啦
前菜；多春魚、沙甸魚、牛油蒜蓉醬配雜菜條
醬汁非常濃稠 鮮味十足
配上爽口清新嘅雜菜條十分開胃🤘🏼
火炙左口魚邊沙律🥗
經過火炙嘅左口魚邊口感非常肥美 油脂豐郁
配上爽脆嘅沙律菜食 非常唔錯
加上沙律菜嘅種類都幾多下
包括有車厘茄、火箭菜、蘿蔔等等👅
燒鱈魚干
四四方方食落去脆卜卜 口感唔錯
有一種令人食極唔停嘅感覺
可以點上千島沙律醬 增加風味🙌🏼
煮食三揀一 我地揀左北海道喜之次
其實仲可以揀象拔蚌同埋龍蝦🦞
中午可以食到喜之次都真係幾開心
深海魚絕對係我嘅首選😘
食落去魚肉嫩滑 同時帶點厚身嘅質感
加上唔會太多魚骨 食起上嚟幾方便
調校嘅秘底醬汁偏甜 加埋一切都好夾
旁邊仲有少少口感軟林嘅冬菇平衡返👀
海鮮味噌湯裏面 裡有海蝦同埋蜆肉
味道偏鹹 味噌味道十足
呢度啲海鮮都幾新鮮 磯燒可以5揀3！
我哋揀咗南非活鮑魚2隻 & 時令活蠔2隻 & 蘇格蘭活蟶子2隻
首先鮑魚大大隻好厚肉 食落去爽口彈牙
可以點埋旁邊嘅柚子胡椒醬 帶微微香辣
整體充滿磯燒嘅味道～
時令活蠔2隻 肉質飽滿且口感JUICY～
感覺似係半生熟 味道唔會太腥
口感creamy得很 啖啖生蠔喺口中翻滾
蟶子鮮甜 爽口彈牙😃
最後嚟返個熱食：鹿兒島A5和牛烏冬
A5和牛大大片看下去粉嫩
食落去肉汁豐富 充滿誘人嘅牛香
口感柔嫩又多汁 😋配烏冬真係好好食！
甜品係另一個胃 最後食埋日本蛋捲
分別係提子同埋香蕉朱古力口味
忌廉細滑 中間仲好冰冰地 口感一流
鍾意食磯燒海鮮嘅你唔可以錯過 因為真係好正😍
今日在銅鑼灣開完會放工，於是約了朋友在附近吃晚餐聚下。銅鑼灣有太多餐廳，愛吃日本餐的朋友選了磯野水產這家日本居酒屋，主打磯燒新鮮海鮮。
餐廳環境裝修富有日本風，燈光昏暗有氣氛，很適合聚會聊天，職員服務也有很有禮。
前菜
蔬菜條配鯷魚醬，熱辣辣的鯷魚醬鮮甜惹味，和蔬菜條味道很夾，有紅蘿蔔和白蘿蔔條，青瓜條等，爽脆鮮甜。
日輪田 720ml
餐廳正在做優惠，夜晚清酒買一送一，有幾款清酒可以選。我們今晚選了這枝日輪田，微甜的口感，香醇的米味，飲下在口中散發。
響螺刺身 （原隻）
響螺很大隻，肉質口感韌中帶脆，十分爽口，入口鮮甜無比。
日本活赤貝刺身
新鮮即開，外表呈橙紅色，帶光澤，食下肉質爽厚而脆身，十分鮮甜。
針魚刺身
外表呈銀白色，魚肉晶瑩剔透，彈牙爽滑，魚味略淡而油脂豐厚，魚肉味道濃郁。
磯野兵燒貝類盛合
文蛤，白貝，貴妃貝，燒得剛好熟，鮮甜多汁，肉質爽脆。
牛舌鋤燒
香氣撲鼻，有很多炸蒜，惹味香口，牛舌薄而爽滑，入口爽脆，牛肉味濃郁。
海膽炸豆腐(4件）
很有特式的一道菜，豆腐本身也是海膽味，入味而特別，面再有新鮮海脆，味道濃郁香甜。
炸魚骨
炸得香脆惹味，帶有椒鹽味，一點也不腥。
呢間居酒屋宜品嚐多道以海鮮入饌，林林種種嘅鮮味佳餚！
先講講前菜，磯野火炙三色刺身沙律($148)，三樣火炙刺身分別喺三六魚、甜蝦、左口魚，啖啖肉質鮮甜可口，海鮮味重，配搭有翠綠清爽的凱撒沙律菜。另一款蔥吞拿魚腩薄脆($88)，師傅將吞拿魚腩打碎，口感柔軟，相反，脆餅乾身脆口，呢個配搭令口感層次豐富。
另外，兵燒盛合(2人前) ($698)相當豐盛，有生蠔、鮑魚、龍蝦、魷魚等。眾多燒物嘅選擇中，誠意推介肉嫩鮮甜，一咬落去口入面溢滿肉汁嘅龍蝦。除此之外，師傅將兩頭活鮑魚切件，再於鐵板上慢慢煎熟，鮑魚口感柔軟，之後仲散發陣陣海鮮香添！魷魚掃上醬汁再燒烤，使魷魚盡吸燒烤醬的味道，開胃又冶味。
另一道主菜，磯野壽司盛合八款($348)，有海膽、三文魚、火炙左口魚裙邊、吞拿魚、帶子、甜蝦等，應有盡有，滿足不同客人的喜好！
從來冇諗過會喺日本餐廳揾到高質嘅燒羊架(2支骨) ($128)，肉質軟嫩香滑，充滿嚼勁且肉汁豐腴！
軟殼蟹米紙卷($98)皮薄餡多，最驚喜的喺燒羊架同米紙卷都伴隨柚子jelly，每食一口油膩感重的菜色，再食一啖清新開胃嘅jelly，令我哋嘅味蕾能稍稍放鬆，體驗另一番風味。
鋤燒黑松露牛油雜菌($98)，黑松露味道濃郁。
日本卷蛋($78)分別係巨風提子同香蕉朱古力味，最特別喺餐廳可以幫客人寫字慶祝節日，適合生日或者週年紀念！
由於接近奧運嘅日子，成日都聽到日本嘅消息令到自己又好掛住日本嘅美食，於是就同Honey提議食日本菜，原本諗住普普通通食回轉壽司，但一諗起條長長嘅人龍同無止境咁等就打消念頭，於是就網上搵到呢間喺銅鑼灣嘅磯野水產。呢度個位置超級方便，地鐵站一出行一分鐘就到。
今次點嘅菜就包括
– 刺身盛合七款
– 唐揚牛蒡
– 吉列太子貝
– 鹽燒牛舌串
– 磯野芝士金龍卷
刺身盛合七款包括有三文魚腩、拖羅、中拖羅、帶子、油甘魚、海膽同埋牡丹蝦刺身，每款都好新鮮，特別系兩款拖羅同牡丹蝦！真系好好味😋
唐揚牛蒡味道好特別，平時食牛蒡都系以漬物為主，今次呢個食法絕對啱哂一邊傾計一邊食嘅環境模式。
吉列太子貝就無咩特別，但即炸熱焫焫。
鹽燒牛舌串爽口牛味香。
野芝士金龍卷嗰只蝦真系超級大只彈牙！
呢餐真系超級飽！
經過。
是日與好友到姜濤灣打卡，為慶祝430大日子好友預先訂了位於「磯野水產」大歎高質日本料理，這家餐廳常常爆滿，很難walk in 有位，最好預早訂位啦。
點菜前，餐廳會送上「雜菜蟹膏沙律」作前菜，配有青瓜、紅蘿蔔及白蘿蔔條，蟹膏用蠟燭微微溫著，味道較鹹香，點上雜菜條更清爽鮮甜。
隨後我們二人點了「磯野二人餐」$1888
先來「青蘋果蟹子沙律」青蘋果清新酸甜，蟹子沙律亦很新鮮。
跟住來燒得微熱的「燒雞泡魚乾」，入口惹味，送酒一流。
剛好餐廳做清酒買1送1優惠，買1支750ml的清酒再送1支。
「刺身壽司成盒」包括有三文魚刺身、原隻磯煮鮑魚、松葉蟹肉壽司、赤蝦刺身、黑松露帶子壽司及火灸左口魚邊壽司。
「原隻活龍蝦」有刺身及甲羅燒（兩食做法），刺身龍蝦鮮甜美味，質感彈牙。甲羅燒食法，超香口勁惹味，配上梳打餅一起身更添滋味。
「鹿兒島和牛鋤燒」和牛入口即溶，很到滿口油脂，甘香美味。
「蟹膏帶子炒飯」炒飯一上枱便香味撲鼻，帶子煎香可口，每粒都沾上蟹膏，口感軟糯，好吃到一口接一口。
「白蜆湯」加上了蝦頭一起煲，令白蜆湯味鮮上加鮮，飲後更暖胃來作結。
高質燒海鮮
今日男朋友話帶我去食日本野，勁期待
前菜：鯷魚醬配蔬菜條
題魚醬係用沙甸魚同埋多春魚混合而成，
咁疏菜條就有青瓜，紅蘿蔔，白蘿蔔
感覺新鮮開胃
燒物：北寄貝貴妃蚌
北寄貝肉質肥美厚實，而且非常鮮甜味，仲帶有一陣陣嘅海洋味
貴妃蚌，切粒上，而且佢係，夠熱唔韌而且多汁
刺身
總共有六款嘅刺身（每款兩件）包括有牡丹蝦,吞拿魚,三文魚,帶子等等。全部都十分之新鮮肥美
主食：溫泉蛋壽喜燒
汁醬調得非常好，牛肉肉質嫩滑，再配上溫泉蛋以及蔬菜嘅鮮甜，好快就食曬成碗飯。
約了朋友聚舊，最後決定食好少少以解日本單思之苦，這間上樓日本餐廳風味十足，這陣子更做特價，大枝裝清酒買一送一抵到爛，等我選一隻靚杯先。
前菜：緹魚醬野菜沙律，醬汁燒熱中，是多春魚沙甸魚牛油蒜蓉混合醬，熱辣辣與凍野菜形成冰火暖感。
磯野活魚海鮮盛合絕對是推介之選，單看木盤上的海鮮種類，又多又新鮮，已開始流口水了。
響螺刺身拼帶子刺身新鮮甜美，響螺大隻爽口，切片後份量多得很，擺盤唯美。鮑魚二食，磯煮鮑魚味道清新，厚肉易入口；濱燒鮑魚配柚子胡椒醬又別具風味。
火炙吞拿魚腦天額壽司，是吞拿魚眉頭上小小的位置，極為少有，醬油漬了再火炙，魚質有些彈性卻入口即溶，頗特別的腦天額。海蝦天婦羅炸得金黃香口，蝦頭脆香全隻都可咬碎😋蝦肉扎實有咬口。
黑松露帆立貝味道濃郁，啖啖黑松露香氣撲鼻，特大帆立貝切粒多用。
原條燒喜之次乃上佳之選，大條多肉有魚汁，一試難忘回味無窮，配搭白桃濁酒也不錯，果甜又甜又出，又或配Premium Malt’s Suntory黑白啤酒也很正👍🏻
近周晚市堂食令解禁，梗係要四出搵好嘢食啦！餐廳中間已經燒緊海鮮，香氣撲鼻。
試咗一個「磯野二人餐」，唔單只好味，服務亦周到，絕對值得推介~
頭盤青蘋果蟹子沙律，青蘋果絲切得非常幼細整齊，加上鮮紅蟹子，新鮮好味，胃口大開。
燒雞泡魚乾香暖鮮甜，帶點煙韌性，有嚼勁，係餐前至佳佐食！
刺身壽司盛盒擺盤精緻吸睛，有三文魚刺身、赤蝦刺身、原隻磯煮鮑魚，刺身極之新鮮甜美，鮑魚好有質感又夠腍滑，可以留返個蝦頭去煮一陣個白蜆湯添。 仲有松葉蟹肉、黑松露帶子同火炙左口魚邊壽司，每款都精心配製，尤其係左口魚油脂豐富，甘香回味！
主角係原隻活龍蝦，極之生猛大隻！肉身做咗刺身，師傅刀工厲害，切得片片厚薄均勻，食落鮮甜無比。 龍蝦頭釀咗蟹膏之後做咗甲羅燒烹調，龍蝦香氣同蟹膏混合，正呀。 一隻龍假蝦兩種食法，滋味無窮！
鹿兒島和牛鋤燒，先俾我哋睇吓塊厚厚和牛先，烹調之後用鐵板上枱。 加上秘製醬汁，香味濃郁，和牛入口即溶，喺口腔中衝擊味蕾，歷久不散呀！！！
主食係蟹膏帶子炒飯，雖然已經好飽但我哋俾鮮味嘅蟹膏同粒粒分明嘅飯粒所吸引，仍然食個清光。 最後白蜆湯雖然好飲，而且配料極之豐富，但珠玉在前，實在俾之前嘅嘢食比下了！
清酒做緊買一送一優惠，抵！太盡興，兩個人竟然可以飲晒一枝，乾杯！ 另一枝Keep起先，下次再飲過啦~
最近相約朋友仔到磯野水產食日本菜，呢度嘅浜燒海鮮真係令人回味無窮啊～
一進餐廳，富日式居酒屋嘅設計，仿如置身日本~
先來前菜【野菜條伴鯷魚醬】，個醬係精粹，咸香又開胃，放係小火爐上保溫，大愛~
【蔥吞拿魚腩薄脆】呢個小食既高貴又好味~ 吞拿魚又香又滑~
【日本活赤貝刺身】十分鮮甜爽口~
【深海池魚薄切刺身】每片都薄到睇到透光，看得出師傅的精湛刀功~
【火炙吞拿魚腩筋壽司】香滑美味，壽司飯仲係暖暖的~
【原隻磯煮鮑魚】大大隻，上碟前已幫我地砌好，好細心，入口彈牙而且好入味。
【酒蒸白貝】又滑又鮮甜美味~
燒貴妃貝、蟶子、虎蝦等時令海鮮，每一啖入口都充滿海水味，十分清甜，加上用燒嘅方法烹調，特別香口~
【黑松露牛油燒活帆立貝】入口彈牙又juicy，加入了黑松露令味道提升到另一層次~
【燒羊架】羊咪十分香濃，而且燒完都唔會好乾身，肉汁能保持~
喜歡飲晒兩杯嘅朋友，可以試吓純米吟釀，清醇而且好易入口~ 配羊㗎很不錯呢！
最後，甜品【日本卷蛋】還以非常驚喜的方式出現~ 雖然我地唔係生日，但師傅都好用心咁將甜品碟裝飾得好靚，十分吸睛，當然要打卡啦！隔離枱有壽星女，佢地個甜品會寫上生日祝福，嚟呢度慶祝生日也不錯啊！
呢日真係食得好開心，海鮮控嚟到呢度一定會好難忘，因為佢地嘅浜燒海鮮高質又新鮮，連朋友都讚不絕口呢~
我們點完菜後不久，他們就為我們提供了開胃菜，包括胡蘿蔔條、黃瓜條和梨條等。旁邊還提供了魚露供我們蘸取，質地厚實，非常美味。
我們各點了一杯梅酒和杏姬桃。它們清澈爽口，味道甜美。它們與我們訂購的食物搭配得很好。
我們點了蟹腿、魚和蛤蜊等各種新鮮海鮮做成濱燒。
我們選擇了名為akamutsu的魚，工作人員幫助將其製成生魚片。份量很大，可以切成幾塊。皮膚被輕輕烤焦，有燒焦的味道。它具有脂肪和油膩的質地，帶有甜味。提供芥末以提高新鮮度。
廚師幫忙炸了 akamutsu 的骨頭，這樣魚就不會浪費任何東西。由於骨頭又細又小，所以炸得又薄又脆，就像吃薯條一樣。
蛤蜊濱燒是在湯上烤熟的，因此湯汁非常清甜，吸收了蛤蜊的精華。蛤蜊非常耐嚼多汁，也很新鮮。
赤貝生魚片有嚼勁，味道甜美，能嚐到新鮮的味道。
帝王蟹腿粥- 我們點的帝王蟹腿是用來煮粥的，所以粥煮得又甜又稠，吸收了蟹腿的鮮味。粥也很美味和耐嚼。
餐廳中有一個烤爐，把海鮮🦞放在那兒燒。
前菜 | $38
鯷魚醬燒熱了，用野菜條點來食，味道鹹鹹地。
松葉蟹肉青蘋果蟹子沙律 | $128
整個沙律是青蘋果🍏的清新酸味，上面有幾塊蟹肉、蕃茄仔及沙律菜新鮮。
蔥吞拿魚腩薄脆 | $88
吞拿魚味道清，配上薄脆的米餅味道較淡，但有不同的脆脆口感。
磯野浜燒貝類盛盒 | $798
鮑魚、貴妃蚌、刀貝、文甲、北寄貝
活龍蝦浜燒 | $688
好香好香，龍蝦上的醬味道跟蝦膏十分相像，店員說原來是龍蝦麵豉醬，蝦肉彈牙。
安藝虎 純米吟釀 | $700 720ml
現時做緊清酒買一送一優惠，好抵。店員推介這款清酒🍶帶有蜜瓜香味，容易入口。
滋味滿溢的浜燒海鮮宴🦐🦪🐟
朋友約我食飯，佢鐘意氣氛熱鬧，食物種類多元化嘅居酒屋，佢訂咗 磯野水產 。炎炎夏日，一坐低，我哋飲返杯冰凍嘅啤酒先$68 x2 🍻😙。
🐟燒雞泡魚乾 $88
雞泡魚乾燒得香口惹味，用嚟送酒一流。
🦐刺身盛合7款 $636
廚師好有心機擺盆，用咗小玫瑰🌹及小菊花🌼襯托，裡面有大拖羅、吞拿魚、海膽、牡丹蝦、三文魚、油甘魚及帶子；刺身好新鮮，甜度亦足。我最鐘意就系北海道海膽，味道十分鮮甜，入口綿密滑不溜口。
🦪磯野浜燒貝類盛合 $788
好豐盛嘅一個海鮮盛合😆，有生蠔、鮑魚、蜆、北寄貝；海產十分新鮮，燒得香氣滿溢，充滿豐富的咸鮮味，不需其他調味已非常美味。
🥣面豉湯 $48 x 2
以海鮮及昆布做湯底，好鮮甜。
嚟得居酒屋一定要叫清酒，咁啱而家720ml的清酒有買一送一，即刻叫番兩支。店員推介款清酒叫三粒米，話好易入口。岩入喉嘅時候10分清香，而且有淡淡的果香，好啱女士飲。
未食海鮮之前就先來餐前小食，分別有鯷魚醬同青瓜、紅蘿蔔、粉葛條。清新嘅蔬果條配上濃郁嘅鯷魚醬，加埋一杯清酒真系無敵嘅組合。
之後就到重頭戲磯野龍蝦海鮮盛盒，分別有龍蝦、帆立貝、蟶子、時令貝、鮮魷魚和赤蝦！餐廳會將部份海鮮做刺身，其他海鮮就會有專人幫忙燒海鮮。
帆立貝和赤蝦系刺身上，呢度嘅帆立貝好大件，比起其他地方食到既鮮甜。赤蝦都有手掌咁長，肉質都好彈牙。
北寄貝同蟶子系用清酒燒，火侯岩岩好，一咬落去仲有濃濃海水味。
另一件帆立貝就加了黑松露和牛油煎，師傅燒到外香內軟，保留海鮮既鮮味又有黑松露同牛油香味。
龍蝦就真系好生猛，上台個時佢仲系猛咁跳。而且龍蝦肉超多，十分滿足。
汁燒鮮魷都份量十足，加上特別調制嘅鰻魚汁，燒得又唔會韌，一個字正！
在熟悉的銅鑼灣，由時代廣場逛到Sogo，不知不覺就走到了澳門逸園中心，因太累又肚餓，便決定在此找一間餐廳，最後上了19樓我們差不多2年前去過的日式浜燒餐廳😄
位置（10/10）：連接Sogo的澳門逸園中心，由港鐵銅鑼灣站D2出口步行約1分鐘，門前就是交通四通八達的軒尼詩道🍒
環境（9/10）：日式木系居酒屋風格的裝修，簡約而沒有花巧的擺設，只有日式風格的海布，餐廳中間有師傅浜燒的工作枱，但卻一點油煙也感覺不到✨
服務（9/10）：侍應們全程面帶笑容很有禮貌，不時幫忙加茶，餐廳亦有提供油毒潔手液、口罩袋及濕紙巾，算是相當貼心💕
食物（9/10）：餐廳主打浜燒海鮮，其中最有名的就是浜燒貝類，同時亦有提供手卷、刺身、壽司及燒魚等日式食物，食材很新鮮😁
既然來到，又豈能不點浜燒貝類呢！話說當日上菜很快，我們下單沒多久就上了前菜。
👍野菜條沙律伴鯷魚醬 ~ $34
野菜有紅蘿白、沙葛、青瓜及生菜，而鯷魚醬很香及濃厚的鹹鮮味，配合清新的沙律，味道適中😚
在未處理海鮮前，侍應會把新鮮的食材上枱給客人拍照，而我們有刀貝、白貝、鮑魚、大北寄貝、文蛤、鱈場蟹腳及秋刀魚😆
👍深海池魚薄切刺身 ~ $288
深海池魚肉質鮮嫩肥美，薄切下亦能食到魚油的甘香，配合附上的辣蘿白蓉、芥末及蔥，鮮味更上一層😇
👍馬糞海膽x三文魚籽手卷 ~ $88
因為海鮮一般不會太飽肚，所以點了每人一件手卷。這款手卷用上味道濃郁而嫩滑的馬糞海膽，配合三文魚籽，非常鮮甜惹味😋
👍蟹味噌蟹肉手卷 ~ $88
用上松葉蟹肉，配合含蟹膏的蟹味噌，味道香濃鮮甜，蟹肉幼滑份量多，帶有幾分貴氣😜
👍鹽燒秋刀魚 ~$298
秋刀魚最好的處理方法肯定是鹽燒，魚本身脂肪較多，厚肉而鮮美，鹽燒後魚肉更緊緻，氣味更濃郁，缺點當然是魚刺較多了🤩
👍鱈場蟹鉗浜燒(兩隻) ~ $328
侍應把鱈場蟹腳剪成幾份，方便起肉食用，蟹肉本身夠鮮甜，配合醋食更進一步起提鮮作用😂
👍磯野浜燒貝類盛盒 ~ $788
到了主角的貝類盛盒，師傅其實會在席間一款一款浜燒上枱🥰
🥢白貝～先上味道較平實的白貝，有一份難以形容的獨特甜味😄
🥢刀貝～大件而很有質感，味道鮮甜😉
🥢文蛤～海水味重，燒出來另有一番風味😚
🥢鮑魚～肉質厚實又大隻，口感好而鮮味，配合柚子胡椒食更香😎
🥢大北寄貝～充滿鮮甜湯汁的大北寄貝，肉質爽口，味道香甜，是眾多貝類最好味的一款😍
👍日本卷蛋 ~ $68
侍應說原來的水果甜品沒有貨，改成日式卷蛋，並且用一塊寫上祝福語的板上枱，很適合打卡。至於味道有香蕉朱古力及巨峰提子各一件，既香甜亦冰涼，味道不錯😘
總括而言，闊別多時的這間浜燒餐廳仍然保持很高的水平，味道令人難忘，而服務環境都不錯，再次光顧果然沒有錯😉
🌺磯野水產
🌺地址：銅鑼灣軒尼斯道525號澳門逸園中心19樓
差是限定時間2小時,食物不错
又到生日月份啦，多謝朋友帶我黎磯野水產慶祝為我慶祝！店裏面的氣氛很好，店員親切有禮，好似真係去左日本一樣。
松葉蟹青蘋果蟹子沙律：沙律的面頭鋪滿松葉蟹肉和蟹子，味道很鮮！青蘋果絲酸酸甜甜清新開胃。
我地叫左幾款海鮮包括有龍蝦，鮑魚，松葉蟹脚和日本白貝等等。
磯煮鮑魚：師傅先醬汁煮好再冷凍，感覺是費工耗時的菜式。鮑魚彈牙的肉質而且帶有淡淡的甜味，鮮味層次分明。
龍蝦一味兩食：首先師傅先將原個龍蝦整成刺身，龍蝦刺身片片晶瑩剔透，口感彈牙又鮮甜！不需要添加調味料就有足夠的鮮味。師傅將餘下的龍蝦肉製成甲羅燒，甲羅燒可以配餅一拼食用，蟹膏味道濃郁加上面醬和龍蝦肉味道鮮甜無比。
松葉蟹脚：師傅非常細心，已經整理好所有的松葉蟹脚方便食客享用，松葉蟹蟹肉飽滿肉質軟嫩
且蟹味濃，食落很鮮甜。
日本白貝：白貝味道清甜而且口感帶點爽口，食落完全無沙。值得一贊。
最後就係令我非常驚喜的生日甜品，餐廳寫的happy birthday好有藝術的氣息！而且非常細心為到點上蠟燭，令有我有個非常難忘的生日。
實在太鍾意食壽司、魚生，呢排約朋友都食日本嘢，星期日就試咗呢間主打食海產嘅日本餐廳。本來我哋都想食浜燒嘅海鮮，但係兩個人食唔到好多，唯有下次再試。
鯷魚沙律$34
一坐低不久，店員就送上餐前小食，用梨、紅蘿蔔同埋青瓜沾上咸鮮咸鮮嘅鯷魚醬，幾爽口開胃。
生蠔$88/隻
我哋點咗酸汁同埋原味各一隻，生蠔新鮮，size大，我食嘅酸汁味帶起蠔嘅鮮甜。
伊佐目刺身$488
店員推介伊佐目，一半厚切，一半薄切，魚骨可以熬湯。伊佐目可以沾酸汁加蘿蔔蓉、蔥花，或者沾醬油wasabi，肉質柔軟，淡淡魚味，厚薄兩切兩種口感。
我哋點咗4款壽司，磯煮鮑魚壽司（$50/件），店員建議先食，可以食到脆口紫菜；赤蝦壽司（$50/件），赤蝦好大隻，肉質紮實爽；黑松露帶子壽司（$36/件），帶子超厚身，鮮味加上黑松露香氣好好食；吞拿魚壽司（$48/件），赤身冇筋，有魚味口感好。
蟹膏海膽炒飯$268
呢個炒飯好香，材料十足，除咗大大返海膽鋪面，炒飯裏面有好多蟹肉、蝦粒、同埋蟹膏嘅香味完全混入炒飯之中，鮮味甘香，我哋食到一粒飯都冇剩。
麵豉魚湯$48/碗
呢個就係用我哋條伊佐目魚骨、魚頭煲成嘅熱麵豉湯，一大條魚骨熬成兩小碗濃郁嘅魚湯，鮮甜美味，真材實料嘅魚濃湯。
飲品方面，我哋點左一杯京姬柚子x梅酒（$65）同埋一杯乳酸味梳打（$38），慢慢傾吓講吓飲下野食下野咁，好滿足嘅一餐飯。
高質日式磯燒海鮮
日式磯燒海鮮為主的餐廳「磯野水產」，裝修風格很日式，原木系居酒屋風格為主，燈光昏暗，十分有日本當地的格調感，餐廳中央位置一個大烤爐，為客人磯燒食材，客人可以看著食物即場燒制，很有風味！
餐廳主打浜燒海鮮，包括了貝類，亦有手卷、刺身、壽司及燒魚等日式食物，在未燒煮海鮮前，職員會將新鮮的食材上枱給客人打卡拍照，再即點即燒，食材十分新鮮！
前菜沙律是野菜條沙律伴鯷魚醬，加上有小火在底部溫熱著的鯷魚醬，味道富鹹鮮味，氣味濃厚，配搭爽脆的野菜，中和了鹹味，非常清新開胃！
「辣酒煮花螺」，辛辣香料：花椒、八角、桂皮氣味香濃，每粒花螺爽口彈牙，容易一併拉出！
生蠔有兩大隻，肉質飽滿，口感很鮮嫩滑，原味海水味濃郁，而酸酢汁的味道酸甜，十分開胃！
「磯野浜燒海鮮盛合」有文蛤、刀貝、白貝，生蠔、大虎蝦、鮑魚、大北寄貝鱈場蟹腳，海鮮種類十分豐富！
先吃白貝、刀貝及文蛤，海水味豐富，味道鮮甜，肉質爽口，十分大隻，飽滿厚實，入口非常爽甜！
鮑魚燒過後保持得到軟熟，肉質入口軟腍，原味道很鮮甜！另一隻配上柚子胡椒醬味道更濃，另有一番風味！
北寄貝，將海帶及清酒以及北寄貝片一起燒，賣相吸引，殼上的鮮甜湯汁入口甘甜，肉質爽口，十分推介！
浜燒虎蝦大大的一隻，蝦肉飽滿爽口，燒過後更鮮甜！蝦頭有滿滿的蝦膏，喜愛品嚐蝦頭的人必愛！
鱈場蟹鉗浜燒 ，餐廳細心將鱈場蟹腳剪成幾份，方便起肉食用，蟹腳肉質鮮甜，加上蟹醋更能提鮮！
燒羊架同樣出色，肉質鮮嫩，表面燒得帶微金黃色，肉汁多，羊味濃郁，加上沙律配菜以及蘆葦啫喱，清新清甜！
火灸吞拿魚腩筋壽司魚味濃郁，魚身口感特別爽滑！
火灸吞拿魚腦天壽司，很有特色！刁鑽的部位，腦天是吞拿魚頭頂的肉，非常珍貴，口感很軟滑，少根脂肪多，大滿足！
餐廳正在舉行清酒還有買一送一優惠，店員推薦了三支清酒，可以自選酒杯，十分有儀式感！純米大吟釀的味道，也有辛口感的，十分多選擇，配食海鮮和刺身一流。
飲品點了柚子燒酒及巨峰果味汽酒，乳酸汽酒酒精濃度剛好，味道微酸又帶點酒味！
整體而言，這餐廳食物質素有水準，環境及氣氛很好，店員有禮，十分滿足的一晚!
就在銅鑼灣崇光百貨隔離， 地鐵行過去，只需幾分鐘，非常易找👍👍👍😆 …
Best Friend 生日點可以唔好好地慶祝下！佢最鐘意食日本野。本身有諗過同佢食omakase，但又諗廚師整嘅未必係佢最想食嘅，所以最後決定用omakase嘅價錢揾間高級嘅日本餐廳食，咁佢就可以自己發辦決定食咩，又有質素保證！一坐低餐廳嘅職員就好用心咁同我地推介唔同嘅菜式，發現佢地做緊清酒買一送一promotion，仲攞左2支佢地期間限定嘅清酒上黎做介紹。不過佢地話呢2支酒唔係甜嘅路線，我地又唔太飲得好strong 嘅酒，所以最後就揀左另外嘅酒類。
不得不大力推薦白桃酒真係超級超級好飲！好香甜嘅白桃味，後來先滲出淡淡嘅酒香，甜到好似食緊白桃啫喱咁！同埋感覺酒精唔係好高濃度，唔怕飲醉呀～朋友叫嘅ginger highball都幾出色，鐘意飲薑啤嘅人都一定會鐘意呢款酒！
前菜係鯷魚醬配野菜條，清新得黎又非常開胃～
朋友係吞拿魚嘅超級Fans，所以我地都叫左幾件吞拿魚嘅壽司，每件都好新鮮好香吞拿魚味，特別係吞拿魚腩壽司，除左本身嘅魚香仲有蔥香吊味！最特別係店員推介嘅一款叫火炙吞拿魚腩筋壽司，其他餐廳都冇見過，所以叫黎試下。燒得好香，一開始以為筋係會走爽口嘅路線，但口感卻係入口即融咁濟，非常難忘。另外叫左赤蝦壽司亦非常驚喜，海水味好濃，證明用料新鮮！
蝦頭可以加錢用黎煲湯，店員話可以揀魚湯、味噌湯或者白蜆湯。我地揀左白蜆湯，清得黎鮮味十足～
穴子壽司極高質，有好長嘅鰻魚再配海量嘅蟹籽，好足料！一啖真係食唔晒，食到山泥傾瀉但好滿足！
我地叫左赤貝刺身，鹽燒金目鯛同埋燒活鮑魚。店員會先將食材攞上枱比我地睇下，證明食材新鮮，唔係講笑，個活鮑魚真係好有活力，上枱仲係度郁緊，好生猛!
赤貝擺盤好精緻，見到都胃口大開！刺身爽口彈牙，雖然海水味唔算太濃但仍然好食！
鹽燒金目鯛，幾大條魚，就算3-4人share都冇問題，簡單沾D汁已經好吊得出魚嘅鮮味
食食下發現原來店員係店嘅中間處理D燒物，望真D發現佢處理緊我地叫嘅燒鮑魚。D火勁旺勁吸睛～呢度嘅燒鮑魚只有最basic 嘅調味，但反而食得出海水味極濃！佢有配上柚子胡椒醬黎沾，不過個人覺得唔太夾，就咁食鮑魚嘅鮮味好食D～
什錦天婦羅有南瓜，蝦同埋我最愛嘅一片片嘅蕃薯天婦羅！咁樣嘅蕃薯天婦羅先係最好食嫁！
最後當然唔少得甜品嘅環節啦！預約嘅時候講定左係慶祝生日，店員仲好貼心咁幫我地寫左個Happy Birthday同埋有蠟燭！我地叫左個菠蘿雪芭同埋士多啤梨cheesecake！Perfect ending!
啱啱同屋企人慶祝生日，去咗位於銅鑼灣逸園中心嘅《磯野水產》慶祝。 呢一間日式居酒屋，除咗刺身壽司之外， 仲有爐端燒， 串燒，鍋物等，款式包羅萬有，就算係怕食生冷嘢嘅父母，都依然可以品嚐各款日式美食，絕對令大家稱心滿意。
咁高興就當然要叫支清酒賀一賀啦！呢一支秋季限定《高育酒》，係夏季釀造， 口感清爽，容易入口。 而且仲可以自選清酒酒杯，邊食邊暢飲，不亦樂乎。
另一杯《柚子highball》， 喺威士忌加埋柚子蜜梳打， 既有威士忌嘅酒香， 同時亦都非常易入口。
一坐低嘅時候， 侍應就會送上自家製嘅提魚醬。 鯷魚醬用咗多春魚同埋沙甸魚製成， 鹹鮮味十足， 用慢火溫暖著， 一啲都唔腥之餘，仲非常之開胃， 用來送酒一流。
深海池魚薄切刺身配酸汁， 池魚刺身本身已相當好吃， 池魚刺身肉質紮實而爽口，油份適中而肉質甜美。 撈埋特製嘅酸汁一齊食， 非常開胃。
另外亦都叫咗幾道浜燒系列海鮮。浜燒海鮮， 一定會選用新鮮上成嘅材料 。
燒文蛤蜆， 火候控制得相當恰當。 大大嘅蜆殼包裹住肥美肉厚嘅蜆肉， 當蜆慢慢張開嘴嘅時候，就灑上清酒。 除咗可以品嘗到蜆嘅鮮甜和海水味之外，重品嚐到清酒嘅甜美， 蜆肉嫩滑， 相當之出色。
浜燒原隻魷魚， 由於非常新鮮，魷魚輕輕燒好就食得，口感方便爽脆軟熟。
幾惹味噌虎蝦燒， 虎蝦體積非常龐大，二人分享絕對得體。 蝦肉彈牙， 超好之後再舖上味噌調味， 味噌不會過鹹， 能夠提鮮， 金黃色嘅賣相非常討好，打卡一流。
火炙吞拿魚腩腦天， 平時較少聽到腦天呢一個名詞。腦天其實係吞拿魚頭頂上嘅部位， 位置刁鑽， 而且供應甚少。 呢一個位置嘅吞拿魚口感滑溜， 比較少筋， 而且油份充足， 火炙之後魚油融化， 入口即溶， 更為美味。
呢一餐日本居酒屋嘅盛宴令人相當之滿意。 除咗有美食之外， 仲有美酒品嚐。 而且食物種類多元化， 絕對會另一家人都稱心滿意。
雖然日本開咗關，但係返香港都係要隔離，仲要跟旅行團。想食日本嘢其實香港都有唔少好食嘅選擇，當中呢間銅鑼灣嘅都真係唔錯！我哋平日約咗過嚟食lunch（仲有九折優惠），都有超高質素嘅海鮮享受。
磯野二人前Set A $1688
前菜有甘筍、青瓜、蘿蔔條，口感爽脆，加上醬汁由多春魚、沙甸魚、牛油蒜蓉組成，味道層次豐富有鹹香。
柚子胡椒醬，香辣
火炙左口魚邊沙律第一次食到咁油脂豐富嘅左口魚，爆曬啲油香，配搭清新沙律就最好不過。
燒鱈魚干口感香脆，配搭千島醬味道層次更提升。
海鮮三選一：
北海道喜之次真係超正，汁煮充滿水份及香氣，而且口感香滑，真係食埋啲窿窿罅罅。平時出去食一條唔係一夜干嘅喜之次都好貴，呢個套餐包埋就啱晒！
海鮮三選二：
南非活鮑魚2隻 超級鮮味而且彈牙，就可以加上香辣口味的柚子胡椒醬，香辣提升鮮味。
時令活蠔2隻 非常Creamy充滿水份，而且大大隻脹卜卜鮮味十足。
蘇格蘭活蟶子2隻係超級鮮甜彈牙爽口，充滿鮮味，最主要係佢個手勢真係唔錯，啱啱好熟。
味增魚湯非常鮮甜，裏面仲有鮮蝦同埋蜆肉，份量夠大夠滿足！
鹿兒島A5和牛烏冬（餐）
個和牛烏冬見到花紋分布一流，而且烏冬彈牙，整體配搭不錯。
甜品方面仲有雪糕蛋捲，提子及香蕉口味都超清新，作為一個完美的句號！
海鮮剌身生日飯
又到了全年最重要的日子，就是太太一年一度的生日! 知道她喜歡吃海鮮，特地帶她來到銅鑼灣澳門逸園中心的磯野水產，品嚐一頓日式的海鮮大餐。
日式的沙律前菜我們吃得多，這裏的卻很特別。新鮮的青瓜蘿蔔和羅馬生菜配以暖暖的的鯷魚沙甸魚醬，一冷一熱，鹹鹹的非常惹味。
講到吃刺身燒海鮮，那當然要有清酒搭配。餐廳為我們介紹了安藝虎的純米吟釀，甜甜的蜜瓜味，用來配刺身就最適合不過了。難得我對清酒略有認識，這清酒精米度有50%, 除了蜜瓜還有花香味，色澤清澈，柔和順滑，帶點辛口。太太聽著聽著，不亦樂乎。
今晚我們挑選了多種海鮮，全部都很新鮮大隻，吃法有刺身和燒兩種。刺身肥美鮮甜，有牡丹蝦、赤貝、帶子、拖羅和海膽等。一大碟上桌時我嘩了一聲，相機未食前已急不及待起筷，被太太喝住，一啖刺身一啖清酒，甜味鮮度大大提升，正！
牡丹蝦剩低的蝦頭，一隻用來炸佐酒，另一隻放麵豉湯，各有特色，亦不浪費。
燒的海鮮亦相當出色，我們點了燒生蠔、燒虎蝦和雪場蟹，海水味濃，焦香味亦恰到好處。餐廳安排了一個角落有專人負責燒海鮮，可以看到燒的過程亦大大減低了環境的油煙味，非常貼心。
吃完海鮮來點肉類，燒羊架好厚肉好大件，肉味香濃，吃一件份量已很足夠！
生日當然要有蛋糕，香蕉朱古力味和黑加侖子味卷蛋放在大大的一隻Happy birthday碟上，今次沒有忘記讓太太拍照拍個夠了
愉快好味的一餐，看到太太開心，我更開懷舒暢！
150 美元以下的午餐有多種選擇。但也提供高級食品，如近畿魚、toro、和牛。 450 克近畿的價格約為 600 美元。
今日難得同男朋友執去銅鑼灣拍拖，所以就搵咗間日式居酒屋食Lunch！
磯野水產：磯野昼食B($438)、C($538) 各一
前菜
✨鯷魚醬配蔬菜條
店員同我哋講呢個提魚醬係佢哋自家製配方，鹹鹹香香好惹味，所以配返蘿蔔、青瓜等淡味蔬菜條，食落感覺好新鮮！
✨角切魚生沙律
B刺身沙律：八爪魚、三文魚
C火炙刺身沙律 ：赤蝦、三文魚
✨先付四點
B 厚切三文魚刺身、北寄貝刺身、辣味蒜頭、牛蒡
C 辣酒煮花螺、松葉蟹肉碎、螢光魷魚、水母刺身
前菜好有心機，份量少少但款式好多，螢光魷魚同埋水務刺身算係比較特別，唔係周圍有得食！
✨海鮮蒸蛋
去日式居酒屋又點可以唔食茶碗蒸，勁多蟹籽，仲有三文魚等海鮮，鮮甜滑溜！
✨浜燒海鮮
B浜燒南非活鮑魚
C浜燒蘇格蘭蟶子
B浜燒松葉蟹味噌甲羅
C浜燒北海道活帆立貝
四款浜燒都係店員喺我哋面前燒，只要係新鮮食材唔需要加任何濃味嘅調味料，燒出嚟一定好食！正正又鮮甜！
✨肉類主食
B燒羊架配青橘啫喱配香煎日式野菜
C塩燒美國牛小排配香煎日式野菜
✨白蜆味噌湯
✨飯麵
B野菜稻庭烏冬
C松葉蟹井
📍磯野水產 @isonosuisan
銅鑼灣軒尼詩道525號澳門逸園中心19樓
非常令人失望，食物不像它聲稱的那樣新鮮和高檔，而且通常很少
魚類刺身隨處可見，朋友卻愛吃貝殼類，即帶她吃「磯野海產」。朋友好貝，因此基本都是選擇貝類海鮮，店家推薦時令海鮮，包括響螺、象拔蚌、針魚等，再加一些傳統貝類，吃個滿足。
日輪田 720ml
針魚刺身
春夏時令菜單必不可缺少針魚，原條針魚分別以半邊薄切半邊厚切，肉質較結實，油份較少，佐以薑蓉、辣蘿蔔蓉及酸汁，更突出清新細膩魚香。
炸魚骨(set)
針魚骨炸至酥脆鬆香，魚香濃郁，一口魚骨一口酒，絕佳配搭。
粒貝刺身（原隻）
粒貝亦命名響螺，原隻刺身，口感韌中帶脆，入口乾爽清新，鮮甜清爽。
日本活赤貝刺身
赤貝刺身肥厚飽滿、呈橙紅漸變色彩、色澤光潔亮麗、入口爽中帶腍，味道清新自然，淡雅清澈，帶有獨特濃厚海洋氣息。
牛舌鋤燒
牛舌以炸蒜片及香蔥佐料，薄滑牛舌口感柔軟富彈性，肉汁豐富牛香濃郁，融化在舌間。
海膽炸豆腐(4件）
豆漿腐外皮酥脆，整顆呈橘黃色，豆腐心內里香滑柔軟細膩無渣，海膽及豆香濃郁散發。海膽刺身新鮮香嫩柔滑，化在嘴中，柔潤甘香鮮甜。
白鱔(鹽燒）
白鱔生燒白鱔魚皮香脆，內里肉質嫩滑柔軟，油脂豐富水份足，鮮甜不腥。
總括來說，環境乾淨俐落，整間日式居酒屋風格，舒服寫意。
好閨密過黎搵我食晏，請我食左一餐正正既磯燒午餐～
一坐低就有野菜棒配鯷魚醬呢款開胃菜：）
最後我要左set c，既有海鮮又有牛小排未食經已好期待！！
先有炙燒三點刺身既沙律，炙燒赤蝦爽甜，清新既沙律菜正好平衡肥嫩既左口魚邊：）
跟住三款既前菜都精緻可口～
然後有兩款磯燒水產： 蟶子同帆立貝
兩款都鮮中帶甜，生熟程度拿捏得啱啱好，食落一啲都唔韌！！！
之後就有同樣好足料嘅海鮮日式蒸蛋～
就連味噌湯都好足料，既有蝦仁又有蜆肉；）
之後就到超正嘅厚切牛小排配烤野菜~
牛小排厚切切粒，入口既香又嫩，正！！
然後就到主食部分，要咗珍寶帆立貝配煙肉意粉～
珍寶帆立貝嘅size同手掌一樣大，yummmm:)
最後可以揀要咖啡或者甜品~
呢日係士多啤梨口味嘅cheesecake， perfect!!
服務人員很友好，但無法幫助這個評級。燒烤還可以。不要點蟹粥，太鹹了。點菜時會公佈折扣，但實際上並非全部折扣。即使在日本餐館中，價格也極其過高，因為咸粥會損壞螃蟹。
浜燒海鮮午市好優惠
今日下午在銅鑼灣逛街，天氣炎熱，想吃壽司。
這家餐廳是專吃海鮮的。現在優惠散叫午餐有七折。
野菜條配鯷魚醬，鯷魚醬由多春魚等調配而成，入口鹹香配搭紅蘿蔔、蘋果有鮮味。
一整條梳子魚經過炙燒後，師傅把肉起出來。
梳子魚夏天吃最適合，師傅將表層炙燒過，肉質爽脆，炙燒過又帶點柔軟的口感，很美味呢！
磯煮鮑魚$98
鮑魚入口非常柔美，口感很佳。磯煮帶點甜甜的醬油味道，很棒。
浜燒聖子
我很喜歡吃這道菜，店員替客人燒。
聖子入口非常爽甜，口感爽脆，燒的時間控制得很好。
店員用梳子魚的魚頭熬煮成兩碗不同口味的湯。
白蜆湯加入不少蜆，入口有蜆的清甜。
麵豉湯加入豆腐，魚湯味已經融入麵豉湯中，味道濃郁。
黑松露帆立貝聞起來已經有濃郁的黑松露味，帆立貝吃起來軟腍。
磯野水產(銅鑼灣)
前菜 鯷魚醬蔬菜條 $34
鯷魚醬鹹鹹香香好惹味 放係小火爐上保溫
個醬係精粹，用沙甸魚&多春魚mix 埋一齊
點蔬菜條夠開胃
火灸吞拿魚腩筋壽司 $78/件
吞拿魚腩筋壽司用火槍輕燒過
迫晒d 魚油出黎，入口即溶
深海池魚薄切刺身 $288
每片都薄到睇到透光，看得出師湛刀功精湛
點上酸汁&蘿蔔蓉wasabi 更帶池魚鮮味
穴子壽司 $136/2
肥美既鰻魚 口感一流
兵燒盛盒 $698
食材非常新鮮 每一啖入口都充滿海水味，十分清甜，加上用燒嘅方法烹調
燒貴妃蚌
好爽口 鮮甜美味
大大隻
燒蟶子
同貴妃蚌口感有d 似
十分清甜 口感爽脆
燒虎蝦
燒得好香口
蝦頭仲有膏
磯煮鮑魚
鮑魚煮得算腍 &彈口入味，大大隻，上碟前已幫我地砌好
芝士蛋糕 $68 +蘋果雪芭 $78
餐廳好好 訂枱個時同佢講話慶祝週年紀念，就有呢個小驚喜
芝士蛋糕非常好食 值得叫
梅子甜酒 $65
甜而不膩既梅酒 好好飲
柚子梅酒 $65
相對無咩梅酒味 似柚子燒灼多d
好岩女仔飲
Overall 好似去左日本甘既居酒屋 食材好新鮮
sake仲有買一送一優惠
磯野水產，果然名不虛傳，不論係壽司定磯燒，一樣咁出色，一啲都冇令人失望。
前菜 ($34)
前菜係鯷魚醬蔬菜條，鯷魚醬會放係細細地ge火爐上面保溫，個醬有少少鹹，不過啲蔬菜條點埋啲醬變得好好味。
梅子甜酒 ($65/杯) + 柚子x梅酒 ($65/杯)
另外仲叫左 梅子甜酒 同 柚子x梅酒，甜而不膩，好易入口。
深海池魚薄切刺身 ($288)
每片都切到勁薄，入口好新鮮好甜。
穴子壽司 ($68)
穴子原來即係海鰻，肉質比平時食ge鰻魚更細嫩。
兵燒盛合 ($698)
原隻磯煮鮑魚要重點介，唔單止大大隻，仲入口好彈牙tim ! 時令海鮮仲有燒象拔蚌、蟶子同埋虎蝦，雖然係以燒嘅方式煮，但都仲keep到海水味，十分清甜又香口。 火炙吞拿魚腩筋壽司 ($78)
吞拿魚腩筋壽司賣相十分吸引，燒過ge吞拿魚腩更加香氣迫人。
最後，甜品係芝士蛋糕 ($68)、蘋果雪葩 ($78)，還以非常特別ge擺盤出現，裝飾得好靚。
繼續捉緊時間去夜晚堂食，咁就去左食海鮮同埋刺身，專登揀咗呢間專食磯燒海鮮嘅餐廳！
首先黎個開胃前菜 – 鯷魚醬配蔬菜條，
個醬鹹香味十足，配蘿蔔、青瓜呢類清淡味嘅蔬菜條，係大熱天時可以提高胃口。
之後就叫左刺身盛合，有七款刺身。包括：深海池魚、吞拿魚腩、海膽、牡丹蝦、赤貝、三文魚、帶子。店員仲提我地由淡味開始食起。全部都好新鮮，其中最鍾意佢個赤具同埋牡丹蝦，我連豉油都冇點，完全感受到佢既鮮味。
磯煮鮑魚
煮完啲汁收晒落隻鮑魚度，但食落又唔太鹹，仲食到鮑魚既鮮味
葱吞拿鱼蓉薄脆 ，有啲似平時食鵝肝多士既風格，上面係味濃又有油脂既吞拿魚再加上薄脆，正😄
浜燒松葉蟹腳，用火槍燒左個面，鎖住肉汁，食落勁Juicy
燒大蝦，大大隻勁新鮮！好爽口彈牙！
岩岩個蝦頭仲可以加錢用嚟煮湯，一人一碗幾好喎！一款係蜆湯，另一款係魚湯。
燒帶子切成粒，鮮甜至極，勁正呀喂！
貴妃蜆好飽滿多汁，淡淡鮮味，食完回味無窮！
決定下個星期又再嚟先！
好一段時間沒有吃浜燒，最近吃了太多西餐和太多肉，是時候重新投入日本菜的懷抱🤣，吃吃新鮮又美味的海鮮啦。
今晚與姐姐來到磯野水產，準備大食生猛海鮮😎。店員推介下，我們柯打一份 二人前的磯野活魚海鮮盛合，兩位只需$1798，就可以食到 時令魚、松葉蟹腳、響螺、帆立貝、鮑魚同赤蝦，超多海鮮，好鬼滿足呀!!! …
滿足的海鮮午餐
得知這家午市單點有優惠，所以提早預訂座位。
餐廳假日中午已經有不少客人，餐廳木系裝潢，播放日本歌曲，感覺在日本。
味噌蟹甲羅燒(配餅乾）
松葉蟹肉加上芝士和青瓜等，入口芝士味突出，想不到芝士和甲羅燒的味道很和諧。
辣酒煮花螺
入口微辣，螺味道不俗，很適合配清酒，一邊喝酒一邊吃最好不過。
燒虎蝦
虎蝦飽滿，入口啖啖肉，很新鮮呢！
燒生蠔
生蠔比較細小，所以師傅又多送了一隻生蠔。
生蠔容易入口，入口有淡淡海水味，味道甜美。
黑松露帆立貝聞起來已經有濃郁的黑松露味，帆立貝吃起來軟腍。
燒牛小排
牛小排的雪花很多，切成一片片，入口有油脂的香氣。
活龍蝦
用上日本磯野浜燒煮法，免頭鋪滿香濃嘅蝦醬
龍蝦非常之鮮味肉厚，入口彈牙，回味無窮
另外因為朋友生日，餐廳亦都有附送生日名牌
依個賣點都幾有心思
銅鑼灣日本居酒屋，裝修有格調，地理位置十分方便，新鮮日本海鮮直送食材，高質推介！
前菜-野菜條沙律伴鯷魚醬
青瓜/甘筍/梨 配鯷魚醬鹹香，別有一番風味，值得一試
💥浜燒貝類盛合（$698）必叫！
貝殼類海鮮為主，文蛤/白貝/貴妃蚌/鮑魚 ，清甜美味，又無沙，肉質爽彈嫩滑，非常有口感，中保留陣陣海水鮮味
💥 磯燒壽司盛合$188
時令刺身壽司，仲有深海池魚脂味厚實，口感爽彈
💥帶子三文魚煙肉意粉$168
卡邦尼意粉好彈牙，加埋三文魚煙肉，口感豐富又飽肚
地址：
銅鑼灣軒尼詩道525號澳門逸園中心19樓
服務
內用
餐點類型
午餐
呢一間日式料理餐廳一直出名食高質日式料理😆，今日就專程同朋友黎試下啦🥳
.
刺身盛合六款 $528
六款刺身有深海池魚、帆立貝、牡丹蝦、三文魚、赤身、拖羅😍，首先每一款刺身都夠曬新鮮，牡丹蝦好爽口，味道亦都好鮮甜🤤，而呢幾款當中我特別鍾意拖羅，夠曬肥美，而且仲會有入口即溶嘅感覺😜，口感方面亦都好完美，唔會有筋，食完仲係覺得唔夠🔥
.
鐵罐酒蒸時令蠔(三隻) $264
今次嘅好係用鐵罐酒蒸🌟，會有淡淡嘅酒香，而且火候控制得啱啱好，蠔唔會蒸得太老或者太生😛，蠔本身嘅品質亦都好出色，鮮嫩多汁好有鮮味❤️，加少少檸檬汁調味已經好足夠😜
疫情以來，已經很久沒去過日本了。
女朋友知道我思鄉愁緒，特別訂了這間磯燒餐廳，
以緩我抑鬱心情。
餐廳位於銅鑼灣中心的高層，靠窗能一覽繁華景緻。
裝璜簡約日風，很是對我的胃口！
前菜：
前菜為一款蘿蔔及青瓜條，配上鯷魚醬！
蘿蔔及青瓜條一口一爽脆，鯷魚醬再微溫下更顯鮮甜！
磯野浜燒貝類盛合：
分別為活龍蝦、赤貝、北寄貝及鮑魚。
龍蝦開半並拿去浜燒，個頭很大之餘，
更舖滿香濃的蝦膏，令燒得香嫰的蝦肉更加惹味！
七款刺身分別為：牡丹蝦、北海道馬糞海膽、深海池魚、
帶子、北寄貝、三文魚及中拖羅！
牡丹蝦除了肉身鮮甜，蝦頭更可加$50 去熬湯！
馬糞海膽在紫菜包裹下，仍然鮮味十足。
深海池魚及中拖羅油脂感邪惡，
帶子個頭十分巨大，而且與北寄貝一樣，
味道新鮮香甜，比坊間一般的更見新鮮！
現在店舖的清酒在做著買一送一的優惠，
適逢小弟生日快到，女朋友即席點了兩支清酒，
店員更貼心的安排了生日板配甜品，很大心思。
磯野水產 (銅鑼灣)
📍銅鑼灣軒尼詩道525號澳門逸園中心19樓
銅鑼灣這間「磯野水產」位於澳門逸園中心19樓，門面見到大大隻「磯野水產」四個字無去錯，裏面裝修係一般嘅日式風，反而環境靜靜地與大街熱鬧情況截然不同的感覺。
午餐有套餐選擇或者散叫，服務員話各類款式都有不同的折扣優惠，我哋叫啲海產真係新鮮，因為佢哋會擺出活生生嘅海產畀我哋打卡，打完卡仲即場攞嚟燒，咁先可以驗證到海產真係新鮮沒有欺場。
日本活赤貝刺身：質地橙色亮麗，爽口鮮滑帶甜，比起平時食嘅急凍版本真係冇得比。
鹽燒牛舌串：串燒好厚身，但食落去一啲都唔韌，服務員提醒趁熱食，如果唔係凍返就會變口感無咁好，串燒加咗少少鹽帶起陣陣肉香，不錯。
活北寄貝浜燒：本身北寄貝夠大隻，個殼盛了一粒粒北寄貝還有湯汁及海帶，食得到北寄貝肉質的新鮮，煮法別出心裁。
浜燒活南非鮑魚：又係一道鮮味十足嘅海產，在網上燒，然後切成數片，放了一些柚子及辣已經可以食得，煙煙韌韌，燒得剛好。
賣的是如假包換的新鮮海產，童叟無欺，加上烹調得啱口味，可以再encore。
相約同事銅鑼灣區午飯選擇十分之多，不過賀佢牛一要食返間中價日式餐廳，呢度有各類套餐，係心水選擇。
呢個卡片盒上的卡片係唔同餐廳，每張有唔同風格幾特別。
松葉味噌甲羅
蟹膏鹹香，搽在餅乾或青瓜上，有唔同的口感，餅乾帶香口食落比較濃，而青瓜帶爽甜食落較清新，我對兩樣都有好感。
白蜆味噌湯
呢個湯清甜，唔會好似太多味噌而變得過鹹。
角切魚生沙律
呢個係前菜，先來一個 warm-up，加咗沙律醋幾開胃。
先付四點
牛蒡、蒜頭漬物再加兩款刺身，牛蒡、蒜頭醃製過食唔到原有味道，尤其蒜頭沒有刺鼻感，而刺身新鮮，鮮味無話可說。
海鮮蒸蛋
口感滑溜，有蝦同蟹籽錦上添花。
燒羊架配青橘啫喱
沒有騷味，而且有咬口而不嚡，燒得恰好。不過唔知點解會有青橘啫喱伴碟，點都好，啫喱的確好味，當甜品作中場休息吧。
松葉蟹肉三文魚蟹膏炒飯
每樣材料都很吸引，而家放埋一齊炒更加香，飯粒唔算炒得分明，但食落有好多層次，口感係唔同啲。
清酒同雪糕分開，可按自己喜好份量放酒落雪糕，驚喜酒配雪糕原來味道幾夾，沒有衝突，下次自己喺屋企試下先得。
午餐有驚喜，而且依家有折，算起來也可接受，整體感覺不俗。
滿有日本氣息嘅浜燒店
喺未開關之前，暫時喺香港食住日本野先啦，喺Blue Monday放工去銅鑼灣行陣街，揀咗SOGO附近呢間日本餐廳。
–
因為好多嘢都想食，所以直接就叫咗磯野二人餐
可以食晒餐廳最signature既菜式
一坐低要咗個前菜先，鯷魚醬蔬菜條
用蔬菜條點嚟食，鹹鹹地幾開胃
–
青蘋果蟹籽沙律
好清新好Fresh嘅沙律
蟹子粒粒都食到卜卜聲
–
燒雞泡魚乾
雖然係燒既魚乾，但係一啲都唔乾
熱辣辣仲可以keep到好Juicy
就算唔點沙律醬都好好食😋
最啱送酒，而家仲有sake買一送一優惠!
–
刺身壽司盛盒
用一個木製九宮格去盛上 啱晒打卡
火炙左口魚邊好肥美
最鍾意甜蝦，勁大隻又鮮甜
磯煮鮑魚好彈牙多汁
其他嘅黑松露帶子，八爪魚，松葉蟹肉壽司全部都好新鮮
–
原隻活龍蝦二食
師傅會先將活生生嘅龍蝦拎俾你打卡先
龍蝦嘅肉就會攞嚟做刺身咁樣食
剩低嘅就用來做甲羅燒
–
鹿兒島和牛鋤燒
油脂豐富好香肉味入口即溶
個汁係錦上添花，不過唔點個汁都已經好好食
–
食到好飽之際
仲有個蟹膏帶子炒飯!!
炒飯好夠鑊氣，入邊勁多料，就算已經好飽都成碟飯食晒
–
白蜆湯
用一個好清甜嘅湯來做結尾好滿足呀
服務
內用
餐點類型
晚餐
媽咪就嚟生日啦，所以就帶咗佢去位於銅鑼灣嘅磯野水產慶祝生日🎂
咁難得生日當然食好啲啦，我哋點咗一份磯野龍蝦海鮮盛合☺️ 個盛合嘅海鮮超級豐盛，有一隻大龍蝦🤪 佢半隻會做刺身 肉質超鮮甜爽口 另外半隻會配餅乾成為甲羅燒 鹹鹹地好易入口 超好食呀！ 兩隻赤蝦就會將佢酥炸，炸得剛剛好，咬落去仲有聲 超好食！ 佢哋嘅蠔都好大隻，就算唔落檸檬汁都食得出好好食好飽滿 肉質鮮甜唔會腥❤️ 而佢哋嘅貝類海產都好出色，主要都係磯燒，而我最鍾意就係佢哋落黑松露去燒，真係好香好好食 ！😍😍
我哋每人叫咗一杯嘢飲，佢哋嘅酒類飲品都幾出色！但係之後我哋見到原來佢哋嘅日式清酒🍶買一送一！咁我哋當然就再叫多兩支🤣🤣🤣
我地兩個食得好滿足！順帶一提嘅係店員服務質素好好，會處理海鮮之前俾我哋過目一次，亦會喺上菜嘅時候同我哋再推介一次這種海鮮😃🥹 服務100分呀
服務
內用
餐點類型
晚餐