磯野水產(Isono Suisan)
營業時間
| 星期二 | 12:00–16:30 |
| 星期三 | 12:00–16:30 |
| 星期四 | 12:00–16:30 |
| 星期五 | 12:00–16:30 |
| 星期六 | 12:00–23:00 |
| 星期日 | 12:00–23:00 |
| 星期一 | 12:00–16:30 |
服務選項
外帶
內用
無障礙程度
不支持無障礙停車場
產品/服務
咖啡
烈酒
酒精飲料
啤酒
葡萄酒
用餐選擇
午餐
晚餐
餐飲服務
甜點
設施
洗手間
氣氛
環境舒適
客層族群
適合團體
規劃
接受訂位
付款方式
信用卡
簽帳金融卡
NFC 行動支付
信用卡
相信大家都同我一樣，好想快啲再去日本旅行。近期同朋友講開好想快啲去日本，佢就有一家浜燒店推薦。同熊貓女食完非常滿足，所以都好想推薦給大家，就是位於銅鑼灣SOGO附近的磯野水產！
熊貓誠意推薦大家吃「磯野二人餐」😍先讓熊貓急不及待介紹，最正的原隻伊勢海老 🦞 呢隻龍蝦足以證明餐廳的水產是名不虛傳。新鮮龍蝦好大隻，分量十足，肉質鮮甜又爽👍🏽
隻龍蝦除咗做刺身，廚師亦會將部份製成甲羅燒，淨係食龍蝦已經值回票價💪🏻💪🏻
本熊除咗鍾意食之外，亦都好鍾意飲酒。餐廳做緊清酒買一送一，熊貓當然唔會錯過做醉貓的機會。🐼🍶
淨係龍蝦已經咁正，爭啲唔記得介紹返前菜，同埋其他食物😂😅
前菜有青蘋果蟹子沙律，新鮮好味👏
亦都好推薦燒雞泡魚乾😍雞泡魚乾燒得啱啱好，配上清酒簡直絕配💪🏻
既然龍蝦都咁新鮮，刺身壽司盛盒更加唔使講啦！如果你問熊貓邊樣最好食，熊貓會答你件件都好食！特別左口魚同帶子壽司，同埋磯煮鮑魚😍總之每件都好新鮮又好食！
除咗海產之外，套餐仲包括熊貓最鍾意嘅牛 🐮 係鹿兒島和牛😍入口即溶，係唔會覺得好油膩，證明牛係幾靚👍🏽👍🏽
仲有蟹膏帶子炒飯，同埋白蜆湯😍炒飯香氣十足，配料都好多👍🏽白蜆湯鮮甜，蜆肉爽口全部都好新鮮😍
熊貓真係好飽，要抱住個大肚腩離開餐廳！不過真係非常滿足🐼☺️大家如果兩個人嚟食，建議大家都係選擇這一個二人餐，比散叫抵食好多，而且可以品嚐到餐廳最好味的食物。
服務
內用
餐點類型
晚餐
位於澳門逸園中心十九樓
一出𨋢就見到 好有小店feel
但室內環境頗大 裝修好有日本感覺
我地坐係旁邊嘅卡位 非常舒適
仲啱啱好對住爐位 可以睇住師傅燒煮海鮮
我地點完菜後侍應馬上送上前菜
好新鮮嘅蔬果 咬落好多汁
魚醬係佢地自家調製嘅 上枱時會保温
味道鮮甜冇腥味 好重蟹味
配住嚟食味道好有衝擊
食緊前菜同時侍應畀我地望望
磯野兵燒貝類盛合嘅海鮮
十分新鮮 仲可以見到海鮮係郁吓郁吓咁
之後同時上咗
深海池魚薄切刺身
赤蝦刺身
日本活赤貝刺身
不得不提佢地嘅擺盤做得好好
特別係個池魚刺身真係切得好靚
三個刺身食落都好清甜
我最鍾意係個赤蝦
大大啖 成口都係清爽嘅蝦味好正
另外提一提原來可以加錢 拎啲蝦去煮湯
接住上嘅係松葉蟹腳刺身
已經幫我地去晒殼
肥美嘅蟹腳 清香嘅蟹味一啖一件 好正
跟住就係剛才睇過嘅磯野兵燒貝類盛合
師傅係我地面前嘅爐位續款貝進行燒煮
一碟食完接一碟上枱一共四碟
四碟嘅煮法都有微妙嘅不同
食落四殼同唔同口味
絕對唔會因為全部都係貝而覺得厭
而且師傅清得好乾淨 又燒得啱啱好
係純粹嘅清甜 唔同出面會食到雜質嘅味道
食貝嘅同時都上咗啱啱加赤蝦殼煲嘅白蜆湯
只可以話真係好有心機 唔係煲定嘅湯
呢個時候有碗熱辣辣嘅湯
仲可以食返剛才嘅蝦頭蝦膏
非常完美
最後上咗鹽燒三文魚鮫
全晚我最鍾意反而係呢道
魚皮超級脆
魚肉好軟林
魚油脂入口即化
一啖三種享受 嗰種甘香真係好上癮
我覺得呢道菜係必叫
另外想讚吓侍應
服務好好
茶杯永遠都係滿
非常留意我地進食速度
一碟接一碟 唔會叫十碟上十碟
整晚非常滿意 謝謝
服務
內用
餐點類型
晚餐
🔥火炙左口🐟魚邊沙律🥗呢個配搭幾🥰得意，🔥火炙左口🐟魚油脂豐富，滲入去🤩新鮮嘅沙律菜🥬入邊，味道層次豐富又開胃🤤。🔥燒鱈魚亁🐟味道香濃又鬆脆，沾少少🤏沙律醬一齊食就更加美味😋。
佢哋係餐廳🍴中間仲設有小型🤩浜燒檯，可以一路👀望住職員🔥燒一路食，食材新鮮😍服務周到！
時令活蠔🦪飽滿肥美，🔥燒得啱啱好，就連裙邊都好爽口😆，食落仲滲出淡淡🍶清酒香添🥰。
🇿🇦南非活鮑魚好新鮮🤩飽滿，肉質鮮嫩彈牙🦷，入口即刻🤤感受到一片🌊海洋氣息。
🇯🇵北海道🌊活帆立貝大大隻又鮮甜😍，裙邊都燒🔥得爽口入味😋。
海鮮🦐味噌湯🥣用料豐富，有蝦🍤有蜆鮮甜好飲🤤。
汁煮🇯🇵北海道🌊喜之次🐟十分之出色，入味得來🥰肉質又鮮嫩，味道帶少少🤏甜而且一啲都唔會腥😋。
鹿兒島🏯A4和牛烏冬🍜都有啲驚喜🤩，鹿兒島🏯A4和牛十分高質👍，而且都有啲厚度🤤，嫩滑美味😍。
😍日本🥚卷蛋都係咁高質，有香蕉🍌朱古力🍫味同埋雜莓🍓味，蛋糕鬆軟，中間係🍨雪糕，入口冰凍❄️質感柔滑，用佢哋來為呢一餐🥢作結真係完美👍！
服務
內用
餐點類型
午餐
好吃服務好，應該還會光顧👍🏻
服務
內用
餐點類型
晚餐
朋友推介話依間海鮮唔錯
重點係好有日本風味
所以就約埋朋友放工去食
嗌左個磯野活魚海鮮盛合
入面有季節時令鮮魚，今日係金目鯛
仲有響螺、松葉蟹腳、帆立貝 、鮑魚同赤蝦
先上場係響螺，做左刺身，食落好爽脆
然後係磯煮鮑魚，咸咸甜甜好啱佐酒
另一隻鮑魚係燒既，食落更鮮味
再上係金目鯛，擺盤同色水都好靚
師傅將表面微微燒過，更突出魚油香
帆立貝就一隻用左清酒煮
另一隻就配合黑松露醬去燒
個人覺得後者更出色，超惹味
松葉蟹腳，職員已經剪哂主要既殼
食落非常方便，啖啖肉
赤蝦就拎左黎做天婦羅
炸得香脆，粉又薄，食落唔油膩
最後再加錢用金目鯛既魚骨煲魚湯
第一次飲魚目鯛既魚湯，唔錯
水產海鮮高質大隻
磯野壽司盛合🍱
壽司盛合中已包括了多款壽司：火炙左口魚、深海池魚、赤身、海膽、赤蝦、三文魚、黑松露帶子和磯煮鮑魚，一格一件，甚有心思！
浜燒盛合2人前🐟🦐🦪
點餐後，餐廳奉上將會兵燒的盛盒：南非鮑魚、貴妃蚌、西班牙生蠔、越南虎蝦及日本池魚，盛盒樣樣新鮮，鮑魚還左右轉動，充滿海洋嘅氣息，令人著迷。
磯野活魚海鮮盛合好豐富。
金目鯛刺身表面用左火槍微燒過，魚油香更出，而金目鯛條魚骨冇浪費，拎左去煲魚湯。
嚮螺做左刺身，好爽脆。
帆立貝一隻做左清酒燒
另外個隻就用松露醬燒。
鮑魚一隻炙燒，另一隻就磯煮，甜甜地。
天婦羅赤蝦上粉好薄，炸得香脆唔油膩。
磯野水產
銅鑼灣軒尼詩道525號澳門逸園 中心19樓
燒海鮮上等貨 新鮮美味
小食沙甸魚同堤魚醬，蘸點用鹹鹹地，跟蔬菜條。
又到左一年一度媽咪嘅生日
作為呢個海鮮控嘅女兒，咁就緊係帶佢瘋狅食海鮮孝敬下佢啦🤣
一入到餐廳完全就係重拾家鄉的感覺的尤其是疫情冇得飛，呢種儀式感真的少不了~
職員仲會即場燒海鮮~好有氣氛
餐廳仲會係黑板上面寫當日嘅時令海鮮🙈
粉筆字再加插畫 好可愛🤣成個氣氛感即時🆙🆙
👉🏻鯷魚醬配蔬菜條
前菜食翻啲惹味野開下胃先🤤
就咁食鯷魚醬嘅話會有啲偏咸，但配埋蔬菜條就岩岩好😍
咸香之餘仲夠曬鮮味!
👉🏻 辣酒煮花螺
前菜再嚟一個酒肴!
花螺食落好濃好入味份量都幾多下
送酒真係一流🍻
👉🏻 活魚海鮮盛合
一嚟到真係夠曬震撼😂全枱人即刻拎定電話影相
職員都好有耐心介紹每款海鮮
仲話比我地影完相之後就會逐一燒完再上碟
每款海鮮都勁新鮮!!
特別係隻鮑魚~影相個陣仲不停咁郁🫣
👉🏻 刺身盛合八款
有齊各款刺身 岩晒我呢啲選擇困難症嘅人
每款各有2件 全部食落都好新鮮 牡丹蝦好彈牙😚
擺盤仲好靚🙈又一打卡必備
👉🏻活魚海鮮盛合 – 赤鯥魚二食
主角來了‼️呢個食完真係好有驚喜
師傅先用火槍燒一燒魚皮 迫曬佢啲油脂出嚟
再厚切魚肉 保留翻剌身嘅豐富口感
一食落就知燒過嘅真係唔同啲！
食落有佢本身嘅鮮味之餘 仲多左份魚油嘅香🥹好有層次
👉🏻 鹿兒島A4和牛鋤燒
其實我以前食過A5和牛，覺得好肥好油膩好重負擔
所以有啲怕 不過今次係到食就覺得A4岩岩好
油脂分布均勻得嚟加上燒過 所以好香口同埋入口即溶
真係令我對和牛改觀 下次再嚟會encore!!!
👉🏻 松葉蟹肉蟹膏海膽炒飯
最後用炒飯完結呢餐咁正既海鮮餐🤤🤤
海膽同剌身拼盤嗰個一樣好鮮甜
另外炒飯炒得好乾身好有鑊氣
同時啲飯又好有咬口
加上師傅仲要落埋蟹羔，昇華左成個飯嘅咸香同鮮味💕
所以就算前面食到幾飽都好，都忍唔住要食埋碗飯先肯停手🤣
今日約咗朋友喺銅鑼灣、突然心血來潮想食日本菜，經過Sogo見到隔離商廈樓上有一間日本菜即管入去試吓！餐廳地方不算很大、但坐得好舒適，裝修好靚💓💓💓
刺身盛合八款。樣樣有。一次過試晒咁多款。厚切魚生。唔會薄薄。啖啖肉。入口滿滿油香。而且好新鮮。我最鐘意係海膽。海膽味濃。鮮甜🤤🤤
我們先來個小食、日式煮花螺，花螺很惹味、配合清酒很不錯。
海螺及扇貝新鮮。而非常肥美。扇貝啲湯記得要飲埋。超超超超級鮮甜。真係唔好錯過左👍🏼👍🏼👍🏼
大蝦刺身之後、廚師還將蝦頭炸脆很香口、估唔到連殼都食埋[笑哭]完全冇浪費左隻蝦任何一個部位。
原條赤鯥魚刺身、肉質非常鮮味、厨司用火灸把魚皮燒一下、油香溢出、真的回味無窮！
吃完刺身之後我們還點了一份A4和牛、廚師略略把和牛煎至5成熟、入口即溶！
最後我們還order咗個海膽炒飯，炒飯炒得好好。一粒一粒。食埋個飯真係飽晒
整餐飯勁滿足下次一定會再來！
由頭到尾嘅服務非常之好，佢哋會耐心講解。食材新鮮，最後更加有比到驚喜我太太。整體嘅午餐體驗100分！
服務
內用
餐點類型
午餐
餐點：5
服務：5
氣氛：5
呢間口碑唔錯，除了海鮮高質極新鮮，值得一讚的是店員（女經理？）優質嘅服務態度、處理食材亦恰到好處，令客人有賓至如歸的感覺，真心值得推薦！
前菜 — 野菜條沙律伴緹魚醬 $34
緹魚醬上枱時用小蠟燭暖著，店長細心介紹是用多春魚和沙甸魚製成的，鮮甜爽脆的野菜條（包括青瓜、甘旬、沙葛條及生菜）沾上味道濃郁充滿海產鮮鹹味嘅緹魚醬，配搭新穎，味道亦很夾！
我們訂位時老公已預訂了北海道象拔蚌，另外選了幾款海鮮浜燒。在處理海鮮前，店員端出我們已下單的海產給我們看看，色澤光亮新鮮到不得了，活鮑魚仲郁緊。
北海道象拔蚌刺身 $588
師傅將北海道象拔蚌切成薄片層層疊起來，不得不佩服其刀功；可能是水質來源有保證，食落肉質十分爽口及鮮甜，彈性十足。
北海道象拔蚌膽則浜燒後做壽司，我倆一向對吃內臟都敬而遠之，但見賣相不俗且浜燒過，即本一試，發覺入口即融化亦很滑溜，差點兒走寶，哈哈！
單點浜燒海鮮
浜燒其實是日語，指剛捕獲的海產，在海邊即燒即食。今次我們便是衝著「浜燒」而來的…
活北寄貝浜燒 $198
北寄貝肉質爽口，群帶亦爽脆，味道鮮甜多汁，配上海帶湯汁，更起提鮮作用。
虎蝦浜燒 $148
店員烤虎蝦的時間拿揑得很好，不會過長令蝦肉過老，虎蝦肉質扎實飽滿彈牙，蝦膏鮮味濃郁甘甜。
活鮑魚浜燒 $98
南非鮑魚件頭大，浜燒後切件上碟，鮑魚爽口彈牙有嚼勁， 原汁原味本已很鮮甜，沾上柚子胡椒醬後更能提鮮。
另外，老公是牛魔王，無飯不歡，於是點了兩個午市定食，均配漬物及海鮮味噌湯。裙帶菜很爽甜，味噌湯有白硯和熟蝦，湯味鮮甜。
磯野壽司盛合 $168
九宮格盒盛著八款刺身及壽司，色彩悅目，令人食指大動。盛合包括有三文魚、赤蝦及八爪魚刺身；另有磯煮鮑魚、黑松露帶子、鰻魚、火炙左口魚及油甘魚壽司。個人最愛吃三文魚及黑松露帶子身，貪其肉質嫩滑，油質豐富，厚切口感份外🈵️足！
鹽燒牛小排 $208
牛小排是老公至愛，脂肪豐富，重牛肉味，五成熟火候掌握得剛好，冇血水滲出，入口嫩滑，Q彈口感，正！
今日嚟到位於銅鑼灣嘅居酒屋食birthday lunch
鯷魚醬蔬菜（$34）- 個鯷魚醬係由春魚同沙甸魚整成
磯野二人餐（$1688）
先俾盤海産你睇下打下卡，個鮑魚好新鮮仲郁郁下架。
燒鱈魚干 – 鱈魚干帶鹹香，配上蛋白醬吃令人開胃。
火炙左口魚邊沙律 – 火炙左口魚邊燒得好香口，特別係燒過後油脂味岀晒嚟，配上清爽新鮮嘅沙律菜真係好夾。
北寄貝刺身 （$198）- 非常之鮮甜彈牙👍🏿
池魚簿切賣相好吸引呀！池魚淋甜帶鮮味，有一半仲放上三文魚籽。可以配姜蓉、葱花、蘿蔔蓉同酸汁令佢更濃味。
海鮮味噌湯放入池魚更鮮甜，仲有2隻蝦同2隻蜆肉，好足料。
蘇格蘭活蟶子落咗好少調味料，但就更能帶岀其鮮味，清甜可口，口感彈牙。
清酒帆立貝好大隻，清酒係烹調過程都揮發晒啲酒精，留下嘅香味令帆立貝更鮮甜。
燒南非活鮑魚好新鮮，配上小小嘅柚子胡椒醬燒更惹味。
鹿兒島A5和牛烏冬有驚喜，和牛厚得嚟仲係非常嫩滑，而且肥瘦均勻，更有入口即溶感。烏冬都煮得好彈牙，好好味。
日式蛋卷估唔到咁好食，個蛋卷好鬆軟，而入面仲係雪糕，仲有大大個birthday message 真係開心。
餐點：5
服務：5
氣氛：5
Highly recommend if you are looking for a high quality Japanese restaurant with nice sashimi and gathering with friends/family, here is your choice!
呢幾年冇得去旅行，都喺香港試唔少日本餐廳。不過試完會想推薦又或者再食就真係比較少，但今次呢間日本餐廳係值得再一訪！
好啱想食高質日本菜嘅朋友們食，海鮮新鮮。而且地點方便，又好啱傾計 大推！
服務
內用
餐點類型
晚餐
食物新鮮👍🏻服務好🥰
呢兩年因為疫情關係冇得出外去旅行，所以都係香港搵好多日本餐廳，感受下好似去咗日本嘅感覺🥹
今次嚟到地點好方便嘅銅鑼灣
試磯野水產！
一去到店員都好細心帶我哋去座位度，之後好細心咁問我哋有冇乜嘢食物敏感?
介紹今日有咩新鮮主打菜式同魚生~
餐廳環境好似置身於日本，店內有店員現場燒烤，感覺十足十日本居酒屋
店內有多款美食刺身同多款日本酒選擇
我哋今次試左
刺身盛合六款🍣
好新鮮又厚肉，色澤均勻
鹽燒喜知次🐟
極力推薦！本身都唔係話好鍾意食魚嘅人，但今次呢個喜知次佢真係整得超級好食 皮脆肉厚👍🏻👍🏻👍🏻
黑松露牛油雜菌
廚師係用一大舀黑松露醬去炒，上菜嘅時候仲有啲黑松露醬喺面頭
大滿足🤪🤪
飲品-京姬 柚子x檸檬
女仔必選！飲落好清新又甜甜地，唔會好重酒味易入口😍
整體評價非常好！會再次回來！
下次想試埋佢其他唔同嘅菜式
服務
內用
餐點類型
晚餐
會Encore 的日本餐廳🇯🇵
今日喺銅鑼灣行街，見到OpenRice搵到呢間日日餐廳就走去試吓
地點非常之方便，原來就喺銅鑼灣SOGO隔離果幢大廈上面就係👍🏻
一去到打開笠門，就好似置身於日本
門口掛咗好多日本食物嘅餐牌
店內環境不大，但環境舒適
前菜- 青瓜紅蘿蔔白蘿蔔配緹魚醬
味道清新爽口，提魚醬濃郁鮮味
非常開胃的小菜🤭
刺身盛合六款
刺身新鮮大嚿六款，個六款完全係大眾好喜愛嘅刺身款 完全明白香港人既口味😝
西京豚腩肉🐷
肉質鮮美，香脆可口，入口即溶
鹽燒喜知次
極力推薦！條魚佢哋真係煮得非常之好味
外脆內軟，多肉易拆骨
炸牡丹蝦頭🦐
完全估唔到黑頭都可以咁樣當天婦羅食，出乎意料地好好食！放入口成個口感好特別，鮮蝦味濃郁蝦膏充斥著成個口
免治雞蟹肉棒🦀🐤
呢個並非一般雞肉棒，入邊已經混合左蟹肉！由於廚師係即場燒，新鮮熱辣辣，點埋蛋醬食，口感一流
蜆湯稻庭烏冬
蜆味非常濃郁，食落嘅感覺好refresh~
服務
內用
餐點類型
晚餐
因為某商場做緊大減價，所以血拼前梗係要係附近食個豐富嘅lunch喇！
我哋就去咗間樓上居酒屋食咗個平啲嘅二人餐。
餐廳好有氣氛，價錢唔平，但星期日下午都有唔少枱客，一定好味喇～
鯷魚醬蔬菜
差唔多見到每枱都有嗌呢個前菜，由春魚同沙甸魚整成嘅醬，都幾鹹架，但配埋新鮮蔬菜就啱啱好。
燒鱈魚干
好正嘅佐酒小食，越食越開胃。
火炙左口魚邊沙律
估唔到份量咁多喎～左口魚好肥美，配沙律菜啱啱好。
北寄貝刺身
好大隻北寄貝，仲好鮮甜添。
池魚簿切
賣相靚靚😍池魚個味唔濃郁卻帶清幽，配粒三文魚籽帶啲鹹香更可以帶岀其鮮味。
海鮮味噌湯
係用咗剛剛食嘅池魚刺食煮，物盡其用。仲有池魚更鮮甜，仲有2隻蝦同2隻蜆肉，好足料。
蘇格蘭活蟶子
好彈牙同鮮甜
清酒帆立貝
最鐘意用清酒烹調嘅海鮮，因為更能保留其鮮味。
南非活鮑魚
大好隻同新鮮，隔離嘅係柚子胡椒醬，鐘意食濃味嘅一定喜歡。
鹿兒島A5和牛烏冬
和牛十分高質，好嫩滑同牛味重。個烏冬加啲七味粉更惹味好味。
日式蛋卷
甜品賣相普通，但食落有驚喜，因為入面嘅唔係忌廉而係雪糕！
服務
內用
餐點類型
午餐
餐點：5
服務：5
氣氛：5
食完必定會再次光顧嘅餐廳，無論係食材嘅處理方面，定係員工嘅服務態度都值得回頭。
首先先介紹前菜，佢係一個蔬菜條再搭配鯷魚醬，個醬鹹鹹地，個蔬菜條就冇乜味，兩者加埋就十分夾。
跟住就黎個辣酒花螺，佢嘅味道重d，如果齋食就會覺得重味左，但如果配住酒食就十分完美👍🏽
再來就係活魚海鮮盛合，餐廳會用唔同嘅烹調手法去處理呢個盛合入面嘅海鮮，餐廳亦會好貼心咁將菜式由淡味到濃味依次序上菜，令顧客可以認真品嘗每道菜式嘅味道。
接着就係鹿兒島A4和牛鋤燒，呢個和牛入口即融🤤油脂分布得好平均，唔會食完有好漏嘅感覺
刺身盛合八款，餐廳除左燒海鮮出色外，連魚生都做得好好，魚生切嘅厚度唔會太薄又唔會太厚，放入口中就啱啱好，而且亦十分新鮮
最後就係松葉蟹粥加海膽炒飯，個粥鮮味十足，個飯炒到粒粒分明，再搭配埋個海膽，無得頂👍🏽👍🏽👍🏽
服務
內用
餐點類型
晚餐
古語有云：「不時不吃」，所以叫左個秋祭menu試。
中間有個小型廚房，隔籬枱咁岩叫活龍蝦餐，店員就會係到燒，燒到起晒火咁😂好似睇表演。
🔸前菜 $34
一入座就送上枱，再用小蠟燭座熱。由吞拿魚同沙甸魚打成蓉，入口鮮鹹，另配雪梨、青瓜同紅蘿蔔蘸黎食，幾開胃。
🔸朴葉火炙醋漬鯖魚壽司 $158 ‼️推薦‼️
上台時，成個日本小草廬咁😂之後店員會即蓆用火槍燒香鯖魚表皮，迫出魚油，滲入醋飯中。醋飯酸度合適，入口即鬆散開，同魚油互相沖擊我口腔。
🔸秋刀魚刺身 $388 ‼️
好似畫般既料理，靚到唔太捨得食！另送上醋，可跟據個人喜好加入葱花、薑茸或紅蘿蔔泥。個人喜好加多啲薑，突顯魚味。
魚皮有光澤，魚肉呈粉紅色，入口軟彈，蘸上醋，更顯鮮味。
剩底既魚頭同骨可作秋刀魚二食，成條拎去炸，脆卜卜🤓
🔸香箱蟹 $388
即䧳性松葉蟹，每年11-1月當造，體型只有約手掌大小，但可同時品嘗到蟹膏同蟹卵，係食蟹人士褔音🤤
蟹籽堆成小山丘，下面有師傅辛苦剝出黎既鮮嫩蟹肉，拌埋咖色蟹膏同橙色蟹黃，加啲蟹醋，別有一番風味。
🔸牡蠣土手鍋 $298
有4大隻日本生蠔，蠔肚漲卜卜，入口肥美。加入大量日本蔬菜同赤味增去煮，湯頭濃甜有層次，仲有陣陣蠔既香味。天氣開始凍，最岩飲翻碗湯。
🔸楓葉白子天婦羅 $128
第一次食白子，雖然話係魚既精子，但入口完全冇腥味，本身亦冇咩味，要靠蘸醬調味。
但口感令人難忘，炸衣薄脆，白子嫩滑豐腴，入口即滑入喉嚨，好特別既感覺。炸楓葉🍁細細塊好可愛，入口脆，好似食薯片咁。
服務
內用
餐點類型
午餐
一坐低就會有個前菜比我地，堤魚醬係用多春魚同沙甸魚做既，鮮鹹味感覺都幾似蟹膏配埋爽脆嘅野菜， 估唔到又幾夾。
近排餐廳推出新菜式感覺幾特別，所以都叫左幾款試下。
朴葉火炙醋漬鯖魚壽司
上菜時有朴葉包實， 外觀已經好吸引，之後店員會係我地面前燒。鯖魚經過醋漬,鮮味突出，而且經過火炙既皮，增強油香， 有入口即溶嘅感覺，必點
日本活赤貝刺身
勁新鮮既赤貝，食落肉質爽厚，好鮮甜
牡蠣土手鍋
呢個鍋幾特別，上菜時鍋邊塗滿左味噌，方便慢慢將味噌融入湯入面，自己調整口味既濃淡。最後我試過全部味噌放入湯入面，都唔會太鹹。感覺好有層次。而牡蠣都超肥美，非常特別有趣。值得一食。
楓葉白子天婦羅
白子原來係魚既精巢，估唔到可以拎黎做天婦羅，白子口感細滑creamy, 所以食落係外脆內嫩滑，口感似炸鮮奶🤭正
最後叫左條鹽燒金目鯛，大大條，非常多肉，鹽燒可以保留魚既原味道，鮮甜又不油膩，非常出色👏🏻
食季節限定既魚生海鮮😄 坐得舒服，員工好貼心
.
朴葉火灸醋漬鯖魚壽司 (第一道菜，即場火灸，魚油爆出來，偏濃味，正)
.
秋都魚刺身（是偏濃味既的刺身，那皮的質感特別，一點都不腥。汁是酸汁，之後再拿魚頭同魚身去炸，魚頭都好脆
.
楓葉白子天婦羅 (這個是鱈魚的白子(即魚精)，外皮炸到脆脆的，入面係超滑，一咬就變汁💕)
.
牡蠣土手鍋 (別看它平平無奇，但入面有4隻好肥美的牡蠣! 但記得一定要全熟先食，並不是牡蠣剌身)
.
香箱蟹 (好幸福，肉全折出來💕超多膏，且蟹籽都多，嬌小鮮美)
新推出嘅聖誕節套餐幾吸引，有齊龍蝦二食、鮑魚、壽司、刺身、沙律、食事、甜品等，相當豐富。
服務
內用
餐點類型
午餐
銅鑼灣澳門逸園中心可以話係食日本菜嘅好地方，差唔多每層有間日本餐廳🇯🇵 磯野水產喺2016開業，以居酒屋形式運作，主打海鮮、串燒同埋刺身🐟 佢地大部分嘅食材都係由日本進口，按照當季盛產嘅水產入貨😉 依家仲做緊唔同嘅優惠，一人餐有9折，二人餐同單點餐牌就有7折‼️
Macau Yat Yuen Centre is filled with Japanese restaurants, and this is an izakaya that specialises in seafood, skewers and sashimi. They are offering different discounts now too!
磯野晝食D $688
Premium D
松葉蟹肉沙律
Snow Crab Meat Salad
新鮮爽脆嘅沙律菜加入松葉蟹肉絲🦀️ 再配上自家調製嘅沙律汁，味道甜甜酸酸好開胃😌
Fresh salad leaves with snow crab meat and their homemade salad dressing was very appetising.
先付四點
Assorted Appetiser
刺身有入口即溶嘅拖羅同深海池魚🐠 仲有蒜頭漬同蕎頭漬，調味輕盈爽口😋
There were two kinds of sashimi, toro and aji. Alongside came with picked garlic and onion.
海鮮蒸蛋
Steamed Egg Custard with Seafood
滿滿海鮮配料嘅茶碗蒸非常嫩滑溜，因為加左鰹魚湯同昆布，所以帶有陣陣鹹香味😚
The egg custard was smooth, with hints of savouriness from the soup base and seafood.
浜燒日本活文蛤蜆
Japanese Common Orient Clam Hamayaki
用左清酒黎燒嘅文蛤蜆除左可以剔腥仲可以更加帶出佢本身嘅鮮甜味🍶 佢燒得啱啱好，唔會縮晒水，而且仲好彈牙😜
The clam was cooked with sake, which elevated the freshness. It was cooked well and had a bouncy texture.
浜燒時令活蠔
Seasonal Oyster Hamayaki
呢款係來自西班牙嘅生蠔有濃郁嘅海水味，而且質地特別Creamy，肉質肥厚🦪
This oyster from Spain was especially creamy, packed with flavours of the oceans
浜燒大虎蝦
Tiger Prawn Hamayaki
越南大虎蝦體型偏大，肉質紮實飽滿🦐 燒完之後更加鮮味甘甜，佢地會幫你切好曬先上碟，咁就唔洗你食得咁麻煩😎 食埋蝦頭裡面嘅蝦膏真係好滿足💓
Vietnamese tiger prawns are known for their size, and they will cut it up for you before serving. The meat was firm and fresh.
鹿兒島黑豚肉野菜鍋
Kogoshima Black Pork with Assorted Vegetable Hot Pot
鹿兒島黑豚係知名嘅豬肉品種，號稱甜味會高過一般嘅豬肉，而最好嘅品嘗方式就是涮涮鍋🍲 裡面加左唔少配料，有冬菇、蔥、豆腐、金菇等等，滾左之後個湯底已經吸收曬啲精華🤤
This species of pork is famous for its sweetness, and is best for hotpots. There were also a large variety of vegetables included.
海膽吞拿魚蓉丼
Sea Urchin & Chipped Fatty Tuna Donburi
壽司醋返上面鋪上一層充滿魚油香嘅拖羅蓉同質感細膩嘅海膽🍣 配埋少少醬油同wasabi就可以中和返油膩嘅感覺👏🏼
On top of the sushi rice was a layer of toro and uni. The aroma of fish oil and seawater filled my mouth, and the heaviness was alleviated by adding some soy sauce and wasabi.
楓葉白子天婦羅 $128
Maple Leaves and Cod Fish Sperm Tempura
另外再點左一個季節限定嘅天婦羅，就係來自鱈魚的精子😳 白子炸完有流心嘅效果，同薄脆嘅外層形成強烈對比👍🏼
This is one of the seasonal specials. After frying, the cod sperm turned gooey and runny, which created a nice contrast with the crunchy batter.
服務
內用
餐點類型
晚餐
係銅鑼灣Sogo 附近好方便，而且佢哋選用既日本海產都係每日新鮮空運到港, 今次一定大滿足
坐底發現已經有聖誕擺設, 好可愛.
而家出緊秋季menu, 我就試下佢特色.
前菜 鯷魚醬蔬菜條
鯷魚醬鹹鹹香香, 有個保溫爐保温個醬, 鹹鹹地，咬落卜卜脆，好好味.開胃好食.
赤貝刺身
質地橙色亮麗，爽口鮮滑帶甜，日本直送真係唔同D。
扑葉火炙醋漬鯖魚壽司
個名好長, 好特別. 但我唔知咩嚟, 原來會有人起你面前燒, 夠哂吸晴, 味道當然新鮮, 人口即融, 2件真係唔夠, 想再叫多份!
牡蠣土手鍋
D蠔飽滿肥美, 爐邊放左調味, 因個人口味不同自己去調, 好細心.
楓葉白子天婦羅
唔好怕左個名, 超超好食, 本人極力推介. 有小小creamy, 下次嚟一定會再叫. 第一次食葉既天婦羅, 好新奇!
因為怕唔夠飽, 最後係叫左鹽燒時令燒魚
魚皮燒到好脆, 肉質嫩滑
整體嚟講好好食, 生鮮, 非常出色!, 誠意推薦楓葉白子天婦羅
趁住我同阿媽都放假，我哋嚟到銅鑼灣呢邊食個lunch～我哋揀咗呢間居酒屋試下，依家餐廳做緊優惠餐，一人餐九折，二人餐七折，都幾抵食～
燒鱈魚乾
我哋都好鍾意食鱈魚乾，呢個鱈魚乾好香脆，鹹鹹地，咬落卜卜脆，好好味😋
北海道活帆立貝
好大隻嘅帆立貝刺身，肉質好鮮甜，仲有好多肉汁流出來，超級Juicy
南非活鮑魚
大大隻活鮑魚，食落好有嚼口，煙煙韌韌，好有口感
鹿兒島A4和牛烏冬
和牛好新鮮，肉質幾滑，烏冬嘅湯底幾香濃幾好飲，成個配搭好正～
「磯野水產」主打日本空運新鮮活海鮮，場中更設置小型浜燒枱燒制海鮮，好日系既style～
同為食姊妹係銅鑼灣行完街，突然好想食日本野，記得尼間餐廳的定食不錯，多款價錢任君選擇
今次選了午市定食D，先黎松葉蟹肉沙律，一梳梳的蟹肉充滿蟹香味道，配上新鮮沙律菜和微酸醬汁，十分開胃
吞拿魚腩，油甘魚各一片厚切的，前者油脂香肉質柔軟，後者淡淡魚香有口感，漬物蒜粒，喬頭做得有水準
海鮮蒸蛋，三文魚加鰻魚上再加一些蟹子，令原本單調的蒸蛋變得豐富
浜燒日本活蜆和浜燒時令活蠔，兩者新鮮甜美又保持水份，燒得火喉剛剛好
浜燒大虎蝦，大蝦切得三節方便進食，灑上鹽更加美味，蝦頭充滿蝦膏，入口香郁美味
鹿兒島黑豚肉野菜鍋，菇，豆腐，菜加上數片豚肉健康又暖胃
海膽吞拿魚腩蓉井，鮮甜海膽拼上香滑吞拿魚腩蓉，加點日本豉油和芥茉放上紫菜上更加惹味
見到尼個磯野壽可盛合八款嘅圖片好吸引，忍唔住再點黎試試，全部剌身賣相吸引，色澤光鮮好新鮮，先品嚐磯燒鮑魚，再吃火炙左口魚，三文魚，赤蝦、八爪魚，照松露帶子，海膽，油甘魚，吞拿魚
楓葉白子天婦羅, 白子咬落軟如綿花，炸得外層香脆再點上微酸的汁
香港人家鄉美食
好耐無返鄉下啦，雖然開左關，但係機票實在太貴啦，為左解一下我既思鄉之愁，唯有俾多少少食好啲。是日黎到銅鑼灣既磯野水產食日本菜，全部都係正祖日本好野，見到餐牌都流晒口水。
頭盤：
燒三文魚角沙律
靚既三文角，燒之後油脂半融，入口即化，三文魚既油香芳香撲鼻，非常好味。
茶碗蒸
茶碗蒸方面，味道不過不失，係蛋入面仲有原粒元貝，用料上乘，係一個表現不俗既一個菜式。
前菜三味
刺身，靚既三文魚刺身又點會唔好味，大大片入口即化，不過比起燒三文魚，油香有小小不足，但用料依然產乘新鮮。油甘魚一啲腥味都冇，大大片，怕腥既我都覺得好好味，大力推薦。
牛蒡漬，牛蒡漬可以話係成個前菜最每人驚喜既菜式，估唔到牛蒡可以做得咁好味，甜甜既味道，加上牛蒡既爽，超令人驚喜，必試之選。
蒜頭，蒜頭味道完全俾醃物蓋過去，怕蒜既人可以一試！好味但俾牛蒡漬比下去
主菜：
安格斯牛小扒，牛脂分布布平均，入口即化，比起三文魚有更香既肉香味，肉食必試，美中不足係牛小排份量偏細，對於我依啲肉食獸而且，到喉唔到肺。
燒秋刀魚，當季秋刀魚，魚肉鮮甜，即叫即燒，好似豐洲市場既味道，仲要原條唔算多骨，無腥味連我怕魚腥朋友都食到lamlam脷，如果懷念日本味道既朋友真係必點。
帆立貝/聖子
帆立貝同聖子都係高級海產，原隻係眼前即叫即燒又點可能唔好食？帆立貝加左燒汁，反而比較唔欣賞，咁高級既食材，食原味應該會更加好食，淨係帆立貝膏既味道都非常之出色，大大隻帆立貝淡淡肉，真係超正，我個人比較鐘意原形食物既味道，但依道菜絕對唔差，我一定會encore。聖子方面，原條咁整，鮮甜彈牙，超好味，5星星大大力推薦，不解釋。
三文魚水撥
水撥係近骨位置，生物結構黎講一般近骨位置都比較多油脂，前面食過三文魚咁好食，一睇到依個水撥就知道佢有幾好食，全日來講，依個份口即化既等級係最高，明明好多骨但完全唔洗點損，一放入口，佢自己撥左啲肉又去，又香又好食，全日最最最推薦既食物。
蟹膏蟹肉飯
邪惡之選，蟹膏超香，蟹肉又多，鍾意食蟹既人就知道，蟹肉蟹膏啖啖得來不易，一個飯有咁大份蟹膏蟹肉，又邪惡又滿足，係真愛。
甜品-雪糕捲蛋
比較普通既甜品，食唔太到外面既味道，雪糕非常好味，係心機菜。值得一試。
小編今次同太太喺紀念日嚟到呢一間專係食日本海鮮嘅居酒屋，小編order咗磯野活魚海鮮盛合，裏面有六種唔同嘅海鮮，每款海鮮都有兩種烹調方法，小編經餐廳推介之下，每款食材點樣烹調就交俾餐廳負責，有活魚刺身、磯煮鮑魚、大蝦天婦羅、元貝，松葉蟹粥（+100元）、田螺，每一款都烹調得相當有特色同埋相當有風味，呢間居酒屋嘅上菜模式係逐樣逐樣上，令到小編同老婆都好期待每一道菜嘅上枱，另外餐廳喺上菜式嘅先後次序都有精心去設計過，務求令到每一位顧客都可以由味道淡嘅食物開始品嚐，如果大家對海鮮係有要求的話，呢一間日式居酒屋絕對係可以比到大家期望嘅嘢，選材新鮮，用料上乘，烹調到位，大家不妨可以嚟到呢一間日式海鮮嘅居酒屋品嚐一番。
令你有返家鄉的感覺的水產店
成個裝潢已經似足日本真係既水產店
食物質素更加係完美還原
各種刺身同係日本食一樣咁新鮮
特別係鮑魚刺身，鮮味會慢慢滲出黎，齒頰留香
前菜係由多春魚同沙甸整成的醬，然後配上紅蘿蔔、青瓜、沙葛點嚟食， 味道就好似食緊甲羅燒咁
秋刀魚刺身是期間限定的菜式，魚肉的甘甜，而且魚骨同埋魚頭可做以秋刀魚兩食， 炸完之後魚骨卜卜脆
燒活蟶子， 聖子肉大大隻入口爽脆
燒活日本文蛤規，燒得啱啱好先甜多汁甜
火炙左口魚迷你丼飯， 火炙之後左口魚充滿油脂入口即溶
朋友就黎生日 ，梗係要同佢食餐好嘅～
店內裝修同日本居酒屋差唔多，仲以為自己飛左一轉鄉下🤣
✨野菜條沙律伴鯷魚醬
鯷魚醬以多春魚以及沙甸魚製成，魚鮮味重；
野菜則有紅蘿蔔、沙葛、青瓜，口感清新爽脆
味道有小小似韓國蟹膏醬
✨鹽燒三文魚鮫
去到居酒屋，當然要點一客燒三文魚鮫黎送下酒～
✨深海池魚薄切刺身
肉質爽甜帶油，點酸汁食落仍有豐富魚香味
✨朴葉火灸醋鯖魚壽司
在鹽水以及醋裏浸漬製成既醋鯖魚，含豐富鐵質，入口後魚油香充斥口腔
✨時令皿貝燒
味道鮮甜，一人一隻真係唔夠喉
✨味噌牡蠣土手鍋
鍋邊塗上味噌，可隨客人口味調整濃淡
✨鹽燒牛舌串
牛舌芯串燒，食起黎口感特別軟嫩，鍾意牛舌嘅你一定要試
💡清酒做緊買一送一優惠✨約埋成班酒友暢飲一番就岩哂🍻
🍶大嶺Ohmine 純米吟釀 (三粒米)
🍶農口尚彦研究所ひやおろし無濾過原酒秋酒
🏮磯野水產
📍銅鑼灣軒尼詩道525號澳門逸園中心19樓
高質水產店
裝修舒適，似足日本水產店
食物高質又新鮮，特別係汁煮赤鱸魚，甜甜地勁開胃，必食之選
首先值得一讚的是員工服務很好，會介紹每樣食物是甚麼，又會告訴我們如何煮食，務求我們都知道是甚麼煮法，令我們都食得津津有味。而且會有袋套套住書包和袋子，那就不怕弄髒，這是很細心的地方！
先送上沙津再送上一大盤的海鮮，會再推薦如何煮食會較好，之後上喜知次，咬下去十分鮮甜又不帶腥味，吃得岀是十分新鮮的魚，有用少少火槍燒表層的魚皮，所以同一時間吃到炙燒和鮮甜的味道，這是其他魚吃不到的口感，令人想吃完再吃，之後我上網找才知道喜知次魚是十分珍貴和罕有！剩下的魚骨他們會拿去炸，炸完之後，卜卜脆，間中會有魚肉，想不到魚肉煮熟了都很嫩口！
令人意想不到的好吃是燒鮑魚，因為我平時是不吃鮑魚的，我認為口感會好硬，但餐廳煮得十分好吃，外面有少少硬但內裏是嫩的，再點上柚子胡椒醬，令到鮑魚的鮮味更為突出。
整體的海鮮都是很鮮甜和惹味，不需要太多調味料，這一餐海鮮餐令到我和我朋友都很滿足。
很愉快的進食體驗！職員態度幾好， 海鮮會即叫即燒！套餐份量一定足夠！由前菜開始已經好好出色！
早前有朋友在這餐廳慶祝生日， 環境不錯，食物質素高，而且位置方便，在SOGO旁的澳門逸園中心
前菜
青瓜，紅蘿蔔同白蘿蔔條搭配放在一個小杯配以香濃多春魚籽混合成的醬，鹹香可口。像平時吃到的蟹膏醬， 但裡面沒有蟹膏，但都做到這個味道！有驚喜！
鹽燒時令秋刀魚
剛剛燒好的秋刀魚非常香。 輕輕夾開魚肉可以見到有魚油溢出， 是師博對火喉掌握的表現。秋刀魚本身相當高質， 魚肉甘香可口， 搭配所提供的醬汁， 進一步帶出秋刀魚本身的鮮味，好食材往往只需簡單配搭
日本活赤貝刺身+松葉蟹腳刺身+牡丹蝦刺身
三款刺身擺放得很漂亮， 適合打卡用。店員窩心提示可以先吃蟹腳及牡丹蝦，遵從由淡入濃的刺身吃法。松葉蟹腳吃的是鮮味， 處理好的蟹棒，一口一條， 過癮！牡丹蝦蝦肉甜美細綿， 蝦膏豐腴， 蝦頭更可選擇酥炸或放湯，來一個一蝦兩吃。活赤貝刺身肉質爽厚味甜，帶光澤， 是新鮮的表現
活響螺浜燒
螺肉切成小粒狀，配以清酒高湯烹煮。 螺肉質感幼嫩帶咬口， 清酒高湯清香，兩者相互配合， 為整道菜加分不少
食物整體質素出色， 環境優雅， 是銅鑼灣一個不錯的選擇
服務
內用
餐點類型
午餐
餐點：5
服務：5
氣氛：5
每日都有唔同種類同限定數量既季節性限定魚,可以向店員查詢,我叫左一客一人份壽司盛合,擺盤精緻,有8款唔同口味既壽司，鯷魚醬前菜加埋蔬菜食又幾夾,燒海鮮花甲,帆立貝成隻手掌咁大隻,燒完鮮甜入味,清酒煮蜆蜆肉彈牙,海鮮超推介,白鱔飯厚肉白鱔味道香濃。
日本過江龍
磯野水產係日本都幾出名既一間餐廳，咁耐無去日本，食返一間日本餐廳解解鄉愁都要啦。
話明係磯野水產，梗係要黎食水產啦，我就叫左秋刀魚，帆立貝同聖子。未食見到食材都流晒口水。
首先產既係燒三文魚沙律，沙律本身有三文魚同八爪魚，兩種魚都簡單燒過，將魚既香味帶出黎又唔會過熟，廚師功夫一流。推廣俾愛魚生既大家！
茶碗蒸方面，上面有大量蟹籽，賣相相當吸引，仲有燒三文魚同元貝，十份足料，十分之抵食，原先仲想encore叫多一個，好彩同行友人叫住我，仲有大量海鮮等緊我呢。
頭盤方面，魚生近鮮大片啖啖肉，無得彈啦，比較特別既係蒜頭同牛蒡漬，我自己特別愛蒜頭，食到咁特別既蒜頭真係食指大動，立即開晒胃好想試下主菜了，口水差啲流埋出黎。
安格斯牛小排，牛小排油脂非常足，但分布有小小唔夠平均，入口有小小油膩，但煎得非常之香，整體來講算唔錯，但有待提高。
人地叫磯野水產，唔係磯野牛肉，主打既水產三味可以講係水產畀既天花板，帆立貝燒得非常出色，唔會太老，唔會太生，加產特色醬汁，入口彈牙鮮甜。聖子方面清蒸可以食到食材整物既甜美，同帆立貝形成強烈對比，各有特色，係我今日既最愛。秋刀魚來講，當季整身都無得輸，不得不提廚師燒功了得，真正做到外脆內軟，魚肉正直當時，入口鮮甜好味，推薦！
大食如我，簡簡單單三道菜點會夠飽，忍唔住加點左一個三文魚水撥，水撥位置油脂比較豐富，真正做到入口即化，齒夾留香，三片水撥我不足一分鐘就食晒。第二推薦。
蟹肉蟹膏飯，由蟹肉同蟹膏組成，成隻蟹最精華既兩個部位係晒入面，有乜可能唔好食？三爬兩撥都食左半個飯了，不過有飯落肚就比較飽肚，即刻覺得差不多了。
最後黎既捲蛋雪糕，作為錦上添花既最後一道菜，蛋糕皮道不過不失，蛋糕比教硬身，口感不俗，係一個完美既結束。
服務
內用
餐點類型
午餐
建議的餐點
磯燒扇具
今次去左銅鑼灣搵食 去咗呢間食日本居酒屋
叫左磯野二人前 有lunch set真係好 見到menu都想試啱晒有選擇困難症嘅我哋
✏️火炙左口魚邊沙律 左口魚嘅油脂滲落個沙律度 沙律嘅清新balance番佢嘅油膩 非常好食
✏️燒鱈魚乾 有啲似薯片嘅感覺 點埋沙律醬一流😋
✏️浜燒選三食 北海道活立貝 時令活南非活鮑魚 蘇格蘭蟶子 保證新鮮 因為佢湯之前會比海產你望真係隻隻都食郁 影相都驚驚地😂 新鮮嘅食材真係白烚都咁好食😋當然佢唔係白恰😂 海產嘅鮮味滲入喉嚨嗰個感覺真係大滿足
✏️鹿兒島A4和牛島冬 脂肪比例平均入口即溶冬天食呢個滿足到不得了
✏️日本卷蛋 最後想買呢個甜品 今日非常圓滿
高質素日式餐廳！採用日本海產每日新鮮空運到港，食物選擇好豐富，價格親民，質素很不錯，性價比好高☺️ 餐廳乾淨企理，晚市時段店舖滿座，環境氣氛好熱鬧😚 好值得回訪！
服務
內用
餐點類型
晚餐
建議的餐點
店員推介我地磯野海鮮盛合，入面包括6款海鮮，仲會用6種唔同食法，超級豐富！
刺身響螺
先嚟嘅係刺身，響螺好大隻，切片後分量都唔少。非常爽脆同鮮甜。
磯煮鮑魚
好少食到咁大隻連殼嘅磯煮鮑魚。廚師已經將每隻一開四，方便食用。鮑魚好入味，帶有磯煮後嘅甜，亦都好彈牙。
鹽燒喜知次
原條燒喜知次，燒得好有火喉。魚香十足，魚邊魚腩位仲充滿油香！魚皮同旗位好香脆，非常有驚喜。
黑松露燒帶子
黑松露令帶子嘅鮮甜提升！見到店員即席係店中間燒啲海鮮，好有風味又足火喉。帶子好大隻，juicy。群邊位最好食，夠爽彈！
天婦羅虎蝦
全晚最喜歡嘅一道菜，虎蝦份量十足，蝦味濃郁，蝦肉實而彈牙。炸蝦頭最為驚艷，保留到蝦膏嘅汁同甜，而整個蝦殼都炸到金黃薄脆！輕輕一咬，入口非常鬆化。
松葉蟹腳野菜鍋
最後加咗錢整返個暖粒粒鍋物，蟹腳加上新鮮野菜，成個湯非常清甜。
服務
內用
餐點類型
晚餐
上菜前先有沙律讓我們先吃，記得一定要吃，因為是很新奇的前菜，梨會中和醬的鹹味，兩樣食材是意想不到的化學反應。
之後送上一盤海鮮會介紹每一樣海鮮，會在我們的面前燒海鮮，令到我好似回到日本餐廳這樣，你會看得岀每一樣海鮮都很新鮮，再加上是在我們面前燒，令我忍不住拍下來。
帆立貝有兩種煮法，分別是清酒和黑松露，兩種煮法都均有各種風味，不過我最喜歡是清酒帆立貝，因為帶岀去帆立貝的嫩和鮮，我連少許湯汁都喝下去了。
另外還有清酒貴妃蚌和蠔，貴妃蚌爽口和鮮甜，不會過熟，蠔的海水味在口中爆發岀黎，全部海鮮都令人念念不忘，想吃完又吃的念頭。
日本開返咁耐都未有機會去旅行，決定揀返間高質既磯燒水產黎過一過口癮，而磯野水產係我試過數一數二既高質餐廳。
🔹前菜 $34 ，鯷魚醬由熱壚座熱，配埋蔬菜盤，有雪梨，青瓜等等，咸香惹味，十分開胃！
🔹八爪魚，帶子刺身各款 $68 ，八爪魚有咬口，帶子厚切，食落啖啖肉，非常新鮮。
🔹🐚響螺刺身 $388/隻，刺身非常新鮮，完全唔會有任何腥味，肉質亦夠哂爽脆彈牙 。
🔹松葉蟹腳刺身 $98/3隻，牡丹蝦刺身 $78/隻，色澤光鮮，光睇賣相已經好吸引，食落都好鮮甜。
輪到磯燒海鮮, 店員會先比你睇一睇啲海鮮，OK就即埸係隔離燒，其間唔會有太多調味，以突出海鮮嘅天然鮮味。
🔹活帆立貝磯燒$138/隻，我地分別叫左清酒同黑松露牛油兩款，聽店員講先試清酒再試黑松露，咁就唔會蓋過陣味。清酒同海水味混合，帶有清香既鮮甜，同埋淡淡既磯燒香味。而黑松露牛油味道更加濃郁，亦有另一種風味。
🔹🦀日本松葉蟹鍋 $328，用新鮮既松葉蟹腳，再加埋各種菇同菜一齊煮，冇加過多既調味，突顯倒食材既原味。湯底味道清甜，飲完亦都唔會口乾。
🍶 餐廳而家做緊清酒720ml買一送一優惠，岩晒我依啲酒鬼 / 約埋三五知己黎暢飲，真係唔好錯過！✨✨
服務
內用
餐點類型
晚餐
「水產物語：風味由浜燒開始。」望住霓虹燈，
坐看雲起時，黎到居酒屋，第一件事望一望
四周，睇下有無日本果種味道，鍾意既揀個
吧枱位置，望住師傅show一show功架，
就必然咖啦。從沒水是你思憶吞蝕，堤岸
的邊界，升起一片雲霧帶，一句歌詞完美
表達我呢刻既心情。👇
服務
內用
餐點類型
晚餐
愛知縣白象拔蚌用上刺身嘅做法，非常爽口，而且充滿海水嘅鮮味🤩時令活蠔、南非活鮑魚、北海道活帆立貝都非常新鮮，都唔錯！
服務
內用
餐點類型
午餐
朋友介紹話港島區有間專門食日本海產既高質餐廳，決定同佢一齊去試試～今次叫呢個餐係磯野二人前Set A，款式非常豐富，包括沙律、鮑魚、帆立貝、生蠔等！
服務
內用
餐點類型
午餐
好滿足嘅浜燒海鮮體驗😍海鮮新鮮鮮甜，令我食到佢個原味😋
服務
內用
餐點類型
午餐
建議的餐點
磯燒扇具
地點位置方便 供應嘅海鮮 樣樣都超級新鮮 而且煮法多樣化 套餐好抵食！必點象拔蚌 可以兩食 第一味做刺身 爽脆鮮甜 第二味就炙燒象拔蚌膽做壽司 好味道🥰 …
銅鑼灣澳門逸園中心成棟都有好多美食，今日去到19樓既磯野水產食個lunch。佢日本居酒屋既裝潢，入到去坐窗邊高樓層個view都幾舒服。佢有幾款lunchset 一人同二人餐，宜家平日openrice訂座做緊一人餐9折二人餐7折。佢一人餐既價位由二百幾至六百幾都有，豐憸由人。今日我揀左個有松葉蟹丼既套餐食，慶祝放假之一人浪漫😊🥰，佢個套餐超級豐富，特別推薦浜燒北海道活帆立貝，塩燒美國牛小排同埋松葉蟹丼！！食物環境質素都好好，lunch set亦好多選擇。
服務
內用
餐點類型
午餐
餐點：5
服務：5
氣氛：5