磯野水產(Isono Suisan)

呢間專門食日本海產嘅舖頭都幾正喎，每日新鮮空運到港，而且佢嘅海鮮都係高質，最正就係有北海道喜之次，呢啲咁珍貴，罕有嘅魚都有，好難得有得食，煮得幾鮮甜肉質又肥美👍🏻👍🏻👍🏻 …

朋友話想食燒海鮮
就帶咗佢嚟依間磯野水產試吓
前菜係鯷魚醬配蔬菜條
有甘筍、沙葛同青瓜
特別鐘意沙葛，食落好清甜
嗌左份季節時令鮮魚針魚做刺身
魚肉口感偏爽彈，蘸埋醋食好開胃
餐廳都好細心將魚骨炸起
成為左另一道佐酒小食
今晚重頭戲係磯野浜燒貝類盛合
有兩款時令貝、北寄貝、鮑魚、文蛤節貝等等
影完打卡相就拎返比師傅即開即燒
啲貝好鮮甜，特別推介北寄貝
估唔到燒北寄貝係咁鮮甜
另外嗌左份燒虎蝦，燒得啱啱好
蝦頭有唔少蝦膏，蝦肉鮮甜彈牙
整體服務同食物水準唔錯

前幾日去左銅鑼灣磯野水產食lunch，呢間居酒屋位於sogo附近，好方便。

我向來中意食海鮮，呢間居酒屋選用🇯🇵日本海產，每日新鮮空運到港。👍😍

餐廳環境舒適，坐窗邊位置幾悠閒。

❤️先來一份前菜$34

白蘿蔔，🥕紅蘿蔔及🥒青瓜條配🐟魚醬，蔬菜fresh配魚醬，出奇地match。

🥢象拔蚌刺身 $688

平時去日本餐廳比較少叫象拔蚌刺身，原來咁好食。來自北海道象拔蚌刺身，每片都極新鮮，疊成一座小山。😍

餐廳仲用象拔蚌膽做壽司，好鮮甜。

🥢手釣池魚 $488

原條薄切，擺盤精緻，好似藝術品。🌹

池魚配酸汁，肉質爽滑。炸魚骨非常香口。

🥢辣味噌大根牛舌煮 $68

牛舌炆得軟霖，辣辣地幾惹味。

🥢鹽燒三文魚鮫 $168

三文魚皮脆肉嫩，好juicy。
餐點：5
服務：5
氣氛：5

《勁 多 烹 調 方 法》

💖 磯野水產 (銅鑼灣)
✨銅鑼灣軒尼詩道525號澳門逸園中心19樓
〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️
唔知大家嘅生活係咪都好似我咁離不開日本嘢呢？我去差唔多隔幾日就要食一次日本嘢嘅人🤣朋友介紹咗我呢一間餐廳話一次過可以食哂蒸、刺身、磯煮、天婦羅、浜燒製作嘅食物😨我自己未食過浜燒同磯燒所以就黎試下🤭而且清酒而家做緊買一送一優惠好鬼抵，我哋都忍唔住叫咗少少試吓🤤

一坐低職員就上咗佢哋餐廳嘅前菜小食俾我哋，就係一個沙甸魚+多春魚混合制成日一個醬料，可以配埋梨條、青瓜條同埋蘿蔔條一齊食用😳個味道好香，有少少鹹鹹地整體有啲似甲羅燒

-磯野活海鮮盛盒🍱 $1798
今次就揀咗呢個盛盒，好似好抵食咁！而且仲配埋有時令海鮮可以任君選擇今次我哋就唔要左條魚轉咗做象拔蚌😍

赤蝦刺身仲有埋蝦頭🤩I love it，有少少蝦膏可以啜🤭蝦肉好彈牙。

象拔蚌分左兩食，分別係💁🏻‍♀️刺身同壽司🍣，估唔到食落口嘅質感係完全唔同！刺身就比較爽口同埋鮮甜。壽司可能因為經過火炙嘅關係，所以食落口有少少似左口魚魚邊咁會充滿油份。

響螺一樣都係刺身，平時響螺湯我阿媽就煲得多，但係刺身我就未食過，估唔到原來咁有咬口😌我自己覺得點少少豉油，更加能夠提升鮮味😋

帆立貝方面就係用左磯燒嘅方式去制成，分咗2️⃣個口味，係清酒🍶同埋黑松露牛油味🧈。我覺得各有特色，清酒煮嘅話就比較重海水味，而黑松露牛油煮嘅黑松露味就較重😚

鮑魚超生猛‼️我自己個人認為磯煮嘅味道更加正，不過同我想像中唔同，我以為會比較似慢煮嘅感覺，點不知食落口一啲都唔韌，而且仲有少少外暖內冷嘅感覺有少少似係凍食❄️，另外浜燒就有少少炭燒嘅味道，旁邊加入咗柚子胡椒醬，酸酸地又辣辣地幾特別😍

野菜鍋+$100就係可以加埋松葉蟹腳一齊煮，湯底鮮味十足，作為菜式嘅最後一品確係話上咗一個完美嘅句號🥰

-果味汽水🥤 $42
我同 @fin.foodie 另外再叫咗巨峰🍇味同柚子味🍊嘅汽水，我自己勁快就已經飲晒嗰巨峰味，因為甜甜地，我好中意，佢嗰個就酸酸地比較開胃。

想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysfoodie
如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩

#hongkong #yummy #foodie #hongkongfoodie #dinner #hkfoodie #香港美食 #delicious #tasty #food #followme #餐廳推介 #hkfoodklogger #hkfood #食好西#love #TagsForLikes #TagsForLikesApp#TFLers #tweegram #photooftheday#gladys銅鑼灣美食#銅鑼灣美食

一想食磯燒就會諗起呢間磯野水產，而且自己偏好食weekday lunch，感覺比較舒服～

餐廳好有日本feel，店中有刺身吧枱外，仲有浜燒枱比客人睇住啲職員燒海鮮～

首先送上2人一份嘅《 菜蔬條 $34 》
鯷魚醬由春魚及沙甸魚製成，鯷魚醬味道偏重帶咸香，配菜蔬幾好食～

磯野昼食 lunch set 有A-D 四個選擇(Mon-Fri only)，我地揀咗一個set，另加一條喜之次。

【磯野昼食 C | 💲538 加一服務費 】

《 火炙三色沙律 》
沙律有火炙帶子、三文魚、油甘魚etc，加上新鮮蔬菜，油潤微酸好開胃～

《 先付四點 》
三文魚刺身、油甘魚刺身、醬漬蒜頭、牛蒡～刺身厚切新鮮～

《 海鮮茶碗蒸 》
放有大片火炙過既嘅左口魚同三文魚，油潤香口，加上蒸蛋好香滑又夠熱～

《 浜燒蘇格蘭蟶子 》& 《 浜燒北海道活帆立貝 》
兩款都好鮮甜，肉嫩彈牙～

《 鹽燒美國牛小排 》 伴日式炒野菜
燒至半熟，肉味香濃，連脂肪入口多份油香～可蘸芥末醬及味噌醬提味～另有日本南瓜🎃、蕃薯🍠同翠玉瓜🥒 香甜美味🧡

🍨最後有一大球柚子雪糕～

另散嗌咗一條《 鹽燒喜之次 💲880 》
喜之次燒得平均，色澤橙黃吸引。魚皮香脆煙韌，魚肉充溢著魚汁及魚脂，味道香滑鮮嫩，令人回味～

突然好想食燒海鮮🦞 就同朋友去左銅鑼灣依間磯野水產🥰 一入去好有日本居酒屋嘅感覺❤️ 佢哋仲有好多唔同日本酒可以選擇😍

磯野活海鮮盛盒🦞 ($,1798)
本身盛盒包左一條新鮮時令魚😍 但因為我哋唔想食魚嘅關係😂 餐廳好好玩左新鮮象拔蚌俾我哋❤️

個盛盒超豐富❤️ 除咗頭先講嘅象拔蚌之外，仲有松業蟹腳🦀 響螺、帆立貝、鮑魚、赤蝦🦐 店員俾我哋檢查食材嘅時候，啲海鮮仲係超新鮮仲識得郁👍🏻👍🏻👍🏻

前菜
鯷魚醬配蔬菜🥬
鯷魚醬係用沙甸魚同多春魚整成嘅🥰 用黎點蔬菜食， 味道好濃郁👍🏻 好似食緊蟹膏咁❤️

象拔蚌
用咗兩食方法去處理🥰 象拔蚌刺身同埋象拔蚌壽司🍣 刺身夠爽身鮮甜👍🏻 壽司炙燒過就比較軟熟🥰

響螺
都係用黎做咗刺身😍 同樣爽身👍🏻 但味道就相對象拔蚌較為淡味😆 但同樣好新鮮❤️

赤蝦🦐
都係用咗嚟做刺身🥰 未到夠曬鮮甜😍 又夠膠身❤️

帆立貝
用左滨燒方法🥰 分別用咗清酒同埋黑松露牛油去燒😍 清酒仲有淡淡酒香，而黑松露牛油超香❤️

鮑魚
用咗磯煮同浜燒兩種方法🥰 浜燒仲配柚子胡椒醬👍🏻 兩種方法都好食😋 質地夠晒軟熟彈牙❤️

松業蟹腳野菜鍋🦀 (+$100)
鮮甜嘅清湯🥰 配埋唔同嘅蔬菜🥬 加上主角松業蟹腳 🦀 夠曬鮮味❤️
服務
內用
餐點類型
晚餐

縱然是平日晚上,果然仍客似雲來,証明沒有揀错啦,店員建議食時令活魚海鮮合,一於言聽計從,揀好海鮮大大盆先來打咭,包括日本高級赤睦魚、以厚切火炙魚身濃濃油香好正,魚骨就脆炸另外上碟,之後兩隻大活鮑魚,分別以胡椒柚子冷吃和磯煮,各有特色,爽口彈牙,跟著是超大帆立貝,又分別以黑松露牛油煮及炙燒,又有另一番鮮味,再來是手掌大赤蝦刺身,而蝦頭就生炸蝦膏香噴噴,仲有凍松業蟹腳及蟹身,肉多又好味道,之後仲拆蟹肉煲粥,粥底又綿又甜,最重要是我們都感到大滿足。
服務
內用
餐點類型
晚餐

每年情人節都要為自己安排節目，今晚就跟友人先來感受一下甜蜜氣氛！
作為港女節日理所當然吃日本料理，找到了一家人氣水產日本海鮮專門店！
餐廳外牆上寫上了各樣廚師推介，感覺置身於日本！
燈光柔和，以木製傢俬為主，居酒屋格局，坐得舒適！
有吧台及多人座位，店員會於餐廳中央替客人磯燒食材！
甫就座便送來野菜條沙律伴鯷魚醬！沙甸鯷魚醬以蠟燭台保持溫度！
情人節限定餐牌二人前$1988，藉著料理說愛你！
松葉蟹肉青蘋果蟹籽沙律內青蘋果的酸甜令味道更有層次！
海膽炸豆腐將海膽味玉子豆腐炸至香脆，每一啖都充滿香濃鮮甜海膽味！
刺身壽司盛盒有磯煮鮑魚、赤蝦刺身、三文魚刺身、黑松露帶子壽司、火炙左口魚壽司及油甘魚壽司！
原隻活龍蝦兩食！刺身肉質晶瑩剔透，爽口彈牙！
甲羅燒由店員親自燒製，鹹香甘甜, 味道濃郁！
鹽燒時令鮮魚改作紅身魚貴族赤鯥刺身！師傅先用火槍炙燒一下外皮，釋出油脂，令魚肉更香更棉滑！
蜆湯稻庭烏冬幼身彈牙，湯頭及蜆肉相當鮮甜！
甜品為巨峰提子及香蕉朱古力日本直送卷蛋，入口幼滑，蛋香味濃！
烏龍茶割燒酌味道涼涼，容易入口！
柚子割燒酌清爽酸甜，對於沒有飲酒習慣的人來說也很平易近人！
服務
內用
餐點類型
晚餐

銅鑼灣高質海鮮磯燒居酒屋

「磯」是形容海岸邊受海岸衝打的岩石，「磯燒」則有將海鮮保持原味吃法的意思

要食得到讓海鮮的肉汁封鎖，保持原汁原味就一定要試下

居酒屋每日都選用新鮮空運到港日本海產，場中設置小型浜燒檯以縮短傳菜時間，讓食客品嚐最新鮮的菜式

如選座吧枱位置，更可以近距離觀賞師傅的手藝

大家又可以選擇不同烹飪方法，刺身、磯燒、火鍋、浜燒、煮物一應俱全

服務員殷勤有禮，每道菜都會用心介紹食材及品嘗方法，值得一讚

食物方面 :

磯野活魚海鮮盛合

服務員首先會成盤海鮮盛合上枱比大家打卡拍照，鮑魚仲非常新鮮，郁下郁下，忍唔住要篤下佢

海鮮盛合包括鮑魚兩隻、松葉蟹腳一份、赤蝦兩隻、響螺一份、帆立貝兩隻、赤目鯛一條

前菜 : 有紅蘿蔔、沙葛、青瓜條，蘸上鰹魚醬，味道咸咸地又食到蔬菜既爽口味道，打開味蕾

赤蝦刺身：赤蝦尺寸好大隻，肉質彈牙，味道鮮甜，蝦頭仲有好多蝦膏，可以留起做蝦頭魚湯

磯煮鮑魚：用日式醬油同和昆布慢火炆煮，保持鮑魚肉質鮮嫩，醬汁鮮甜香濃，味道一流

響螺剌身 : 響螺切成薄片，肉質非常爽口，非常可口既凍食

赤目鯛刺身 : 肉質細緻嫩滑，油脂味香，魚味鮮甜淡雅，魚皮輕輕燒過

松葉蟹 : 松葉蟹燒到剛剛熟，帶陣陣香烤味，保持肉汁，蟹肉鮮甜

清酒燒帆立貝、黑松露牛油燒帆立貝 : 帆立貝肉質鮮甜，裙邊爽口，清酒味可以食先，食出原味，再食黑松露牛油味，味道較濃，黑

松露味配搭帆立貝都好好味

浜燒鮑魚 : 鮑魚燒到剛剛熟，肉質鮮嫩，配柚子胡椒醬，好惹味

蝦頭魚湯 : 魚湯夠曬奶白色，再加入豆腐粒、有好多蝦膏既赤蝦蝦頭，令魚湯更加鮮味

赤目鯛燒魚骨 : 魚骨帶少少魚肉，燒到非常香脆，做佐酒小食一流
服務
內用
餐點類型
晚餐
平均每人消費金額
超過 HK$500

高級海鮮日本菜✨✨

一直都好想試試呢間居酒屋既海鮮，今日終於試到，都幾full，建議想食既朋友預早book位🙈
叫左個磯野龍蝦海鮮盛合，包左龍蝦（1隻），赤蝦（2隻），帆立貝（2隻），時令貝（2隻），蟶子（2隻），鮮魷魚（1隻）

🔸前菜
醬係由沙甸魚同多春魚製成，鹹鹹地配新鮮蔬果食，不錯🥰

🔸赤蝦
整左做刺身，好鮮甜🤤

🔸龍蝦
做左刺身同甲羅燒，第一次食龍蝦刺身，用好新鮮🤤 食完之後餐廳會起埋龍蝦尾既肉，整做做甲羅燒，燒香左濃濃既蟹膏，加芝麻餅乾食一齊食😛

🔸帆立貝
用左白酒燒香，熱辣辣食，好正😍

🔸時令貝
用左黑松露調味，好香好惹味🥺

🔸蟶子
同樣用左白酒調味，欣賞無用過多調味蓋過蟶子鮮味👍🏻

🔸鮮魷魚
炸得好脆，個皮又唔會好厚，係好出色既天婦羅😆😆

超新鮮活魚海產居酒屋🏮

朋友想試呢間居酒屋，一早就book定位，今日6點幾上到去已經爆左場，所以建議大家一早要book定位～
呢度係sogo隔離上去地鐵站過黎超近唔難搵😉 …

同老婆慶祝周年結婚紀念日，因為老婆鍾意食日本嘢，上網見到呢間評價唔錯，預先book咗安排窗邊安安靜靜兩個人撐台腳，位置環境服務都非常好，慶祝一流！！上網預先book餐牌有折扣

日本餐廳來講，食物選擇多，而且清酒做緊買一送一！

前菜
鯷魚醬配三色蔬菜🥬
呢個咸咸地的醬好似濃濃的蟹膏！配埋三色蔬菜，會有一個小蠟燭🕯️燒熱個醬幫忙，再點埋個醬作為前菜感覺非常清新！

侍應非常專業，會向客人先講解食法及食材。

磯煮鮑魚
醬汁非常入味，軟糯，鮑魚大隻，仍然保存鮑魚的質感。

響螺刺身
第一次嘗試響螺作為刺身的食法，味道爽口鮮甜，味道有驚喜，忍不住一啖又一啖😍

灸燒鮑魚
廚師在餐桌旁邊燒煮鮑魚，鮑魚有炭燒香氣而保留鮑魚的鮮味，現場氣氛十足😆！

黑松露牛油煮帶子
黑松露芬香撲鼻，帶子爽滑鮮甜，加上牛油🧈的配搭

白酒🍶煮帶子
白酒的味道不會長過帶子的鮮味，灸燒也不會令帶子過熟，保留帶子原汁原味

炸蝦🍤天婦羅
這個炸蝦就正常發揮，炸粉爽脆不會太厚～
服務
內用
餐點類型
晚餐
平均每人消費金額
超過 HK$500
建議的餐點

同朋友慶祝生日，Lunch set已經好高質🤤
仲要service好好👍🏻唔錯可以再encore✨
服務
內用
餐點類型
午餐
平均每人消費金額
超過 HK$500

每款食物都令人讚嘆，因為食材用最好同最新鮮嘅，而且廚師嘅烹調手法都非常出色👏🏻👏🏻 …

美味海鮮
悠長假期最後一日，朋友帶我黎到 磯野水產(銅鑼灣)食日本菜。

⭐️⭐️⭐️
前菜 鯷魚醬配蔬菜條
清爽的紅蘿蔔、青瓜、沙葛配上咸鮮的鯷魚醬，好食而且帶起食欲，急不及待之後的菜式。

⭐️⭐️⭐️⭐️
天婦羅

天婦羅-蝦、南瓜、番薯

最喜歡炸蝦天婦羅會連帶炸蝦頭，特別香脆。南瓜和蕃薯只要原料好，簡單炸配上蘿蔔蓉天婦羅汁也好食
大蝦肉新鮮彈牙，肉厚之外，蝦殼鬆脆，沾上白蘿蔔泥，好味之餘不油膩。

⭐️⭐️⭐️⭐️
燒物 魷魚
醬燒魷魚很有風味，肉質彈牙之外，醬油料味令魷魚味更加突出，送酒一流。

⭐️⭐️⭐️⭐️
燒物 扇貝（清酒） 及（黑松露牛油味）
扇貝大隻，新鮮鮮甜，分別點了兩種煮法。
清酒煮有淡淡酒味，更可以食到扇貝本身甜味。另外， 黑松露牛油煮令整體味道濃郁，值得一試。

整體而言，餐廳各樣都很值得推介，而且地點亦很方便，有機會會再試其他食物！

磯野水產帶著濃厚既日本地道居酒屋感覺，menu精緻讓人看得胃口大開，

活魚海鮮盛合豐富，有粒貝、牡丹蝦、松葉蟹腳，鮑魚等。每條魚都是活體的，顏色鮮豔而且活蹦亂跳，讓人不禁垂涎欲滴。

野菜鍋綠油油的時令蔬菜，經過高湯的熬煮，味道鮮甜可口。加上有松葉蟹肉，所以更加細緻鮮甜！
接下來是薄切池魚，搭配非常清爽鮮味，入口即化。再來是炸池魚骨，外酥內嫩的口感酥脆。

北寄貝刺身(原隻)是居酒屋的另一道招牌菜，新鮮的北寄貝刺身口感鮮嫩，帶有淡淡的甜味。清新清爽夠新鮮。
磯野火炙三色刺身沙律，上面擺滿多種刺身和蔬菜，清爽怡人，回味無窮。酸汁更令胃口大開。

鹽燒三文魚鮫味道香嫩，咸香感十足。

最後是一串串燒烤的白鱔，烤得酥脆，肉質鮮嫩，加上醬汁的調味，味道一流。

精緻和味道的豐富性為 磯野水產增添了特別的魅力。
餐點：5
服務：5
氣氛：5

鯷魚醬配蔬菜條
非常得意，有個小爐點住火熱住啲鯷魚醬，鯷魚醬係用由沙甸魚、多春魚整成，食落咸咸地似蟹膏咁，不過就有啲咬口。用黎點蔬菜食，味道好濃郁，幾得意嘅餐前小食。

磯野浜燒貝類組
非常吸引😝種類多，有鮑魚、文蛤、帆立貝等等，款款鮮味十足，嚴選新鮮海鮮。 鮑魚係我最鍾意，兩隻大大隻睇住師傅校準火候嚟燒，咬落去非常之軟滑，配柚子胡椒醬

配合師傅出色的烹調手法，質素有保證，自己覺得浜燒最重要

活日本白貝浜燒，非常鮮甜，仲有少少海水的鹹味，正！😆😆

📍 磯野水產 (銅鑼灣)
銅鑼灣軒尼詩道525號澳門逸園中心19樓

磯野浜燒非常吸引😝佢哋有師傅職場燒龍蝦俾你食真係好正。仲有鮑魚、文蛤、帆立貝等等，款款鮮味十足，嚴選新鮮海鮮。 鮑魚係我最鍾意！😝❤️ …

鮮味海鮮🦞全部都在肚子里‼️

⭐️⭐️⭐️
前菜-鯷魚醬配蔬菜條
鯷魚醬味道咸鮮，配上爽脆的蔬菜條很清新，特別是沙葛條更是爽脆清甜。

⭐️⭐️⭐️⭐️
時令刺身-池魚
整條池魚刺生別具風味，魚質彈牙鮮甜。配上酸醋更是開胃，一口接一口的。

⭐️⭐️⭐️
魚骨蜆湯
剌生的魚骨沒有浪費掉，加上蜆滾一下湯。一碗熱湯，清甜可口。

⭐️⭐️⭐️
串燒-牛舌、白鱔、冬菇
牛舌大大一塊，不厚不薄剛剛好，擠些檸檬汁特別解膩提鮮。白鱔很新鮮，不過個人比較喜歡醬燒，魚皮燒至香脆。冬菇肉質厚，加上醬料也是好食。

一開始望$1,898覺得有啲貴
但到成個海鮮盛合上嘅時候就發覺其實係好抵
因為全部都好新鮮
魚眼清澈 鮑魚郁緊
而且店員係會俾完盤海鮮你過目之後原盤喺隔離幫你燒
仲要係用上幾種唔同煮法
鮑魚就磯煮 池魚就刺身 蝦就天婦羅 扇貝就一隻蒜香牛油咁燒 另一隻就黑松露 蟹就野菜鍋 螺就配清酒海帶咁煮
果然講究!
成個磯野活魚海鮮盛合足夠兩個人食有餘
呢個質素嘅食材、份量、工序、配料 真係冇乜邊度搵到淨係$1,898/2人 有嘅話我知🙇🏿‍♀️

磯野水產

今日同朋友放假約左要食餐好既黎慰勞自己🤭上網揀左呢間係銅鑼灣站行一分鐘就到既日式海鮮餐廳🦞
我地今日揀既係佢地既磯野海產盛合，因為星期日食係無折既覺得偏貴少少 但平日既lunch係有7折既!!
盛合既內容有時令鮮魚(今日係伊佐木🐟）新鮮鮑魚/赤蝦/帆立貝/響螺同一份既毛蟹
侍應解釋佢哋會因應食材嘅特性做唔同既煮法～
前菜黎左一杯切條蔬果配佢地自製鯷魚醬，佢地既鯷魚醬有濃郁既醬香味，配爽口既蔬菜超夾👍🏻👍🏻

海鮮先黎既係原隻海螺刺身同磯煮鮑魚，海螺刺身超級鮮甜爽口！磯煮鮑魚都係非常煙韌彈牙，唔洗沾豉油都好好味🤤另外一隻鮑魚就做左濱燒配柚子醬，醬有d微辣但都好食既

新鮮🦐赤蝦刺身蝦身緊緻，蝦頭好大入面既膏都幾多，一口將入面既蝦肉同蝦膏吸出黎享受至高無上既鮮味係口腔爆發🤤

伊佐木刺身職員表示可以配佢地既酸汁一齊食，會別有一番風味🤭刺身本身比較淡口，所以都係要跟豉油食。另外職員話魚會有兩吃可以揀，我地就揀左將魚骨拎去炸，除此之外係可以加52hkd做湯既，不過我地就冇試啦~炸魚骨香脆可口，加少少檸檬汁好過癮～

另外帆立貝都做兩款口味，清酒煮既有少少酒香味，食入口係比較平實淡口既建議要沾豉油。另一隻就做左個黑松露牛油煮，入口都係香濃牛油味，好食～

燒蟹腳唔洗多講，睇多次圖都流緊口水😂😂🤤不過蟹殻就又少少痴肉，職員都比定支叉我地挑蟹肉~

餐廳主打係食浜燒，一入到門口已經見到廚師企喺正中間，有一個火爐仔，好似係炭爐，廚師成日都會拎住支火槍，炮製啲海鮮😆。但係就睇唔到佢仔細點樣煮，廚師好好，佢每送一樣海鮮過嚟都會介紹食法，產地等等。佢話浜燒主要係食海鮮食材嘅原有鮮味。
✏️海鮮浜燒，主要可以揀牛油燒或者清酒燒，我試咗鮑魚，蠔，同埋帆立貝。全部都好鮮甜好好食。價位大約 $68-98 一件。
✏️前菜收$34 是一個由沙甸魚和多春魚組成的堤魚醬，仲有個火爐仔熱住，有一杯蘿蔔俾你點嚟食，唔知點解啲味道有啲似蟹膏，好鮮味。
✏️火炙三色刺身沙律$148：有火炙左口魚邊，三文魚同赤蝦♥️，是我最喜歡的火炙左口魚邊，仲有兩隻大大火炙赤海蝦，這個沙律，超級推介，因為我自己喜歡吃。
油甘魚薄切$288 好新鮮
燒羊架(兩支骨）$128 估唔到咁大件，兩件都好厚肉，好香。
我去當日主餐牌午市有七折！
餐廳不論環境服務和食物都很有質素。
服務
內用
餐點類型
午餐
平均每人消費金額
超過 HK$500

行開Sogo想食日本菜同海鮮，所以揀咗呢度，平日星期二，七點左右都開始滿座。

等緊海鮮時，叫咗個「牛舌鋤燒」以鐵板上，薄鋪滿蒜片同蔥花，好香，口感嫩滑。

之後店員好細心，拎個未煮嘅「磯野浜燒貝類盛合」俾我地睇下，逐一介紹，同知道香港人鍾意相機食先打卡，將我地準備燒嘅海鮮排放好，放上枱比我地影相打卡，鮑魚仲郁下郁下好新鮮！另外仲有貴妃蚌，白貝，南非鮑魚，餐廳將貝類做浜燒，浜燒過程係餐廳中央開放式位置煮理，以火槍燒至貝類打開。
貝類都好大隻，好厚肉，浜燒保留到本身原汁原味。全部都好厚肉，白貝好爽，味道偏甜；貴妃蚌爽滑，鮮味十足；南非鮑魚，爽口又唔韌。

最後重點嘅主角，大大條嘅「鹽燒金目鯛」，非常新鮮，用海鹽塗抹在魚身上，再用火燒，金目鯛皮香肉嫩，鹹味恰到好處，唔會過鹹。肉質好軟，骨同肉好容易拆開分離，連我唔太好食魚嘅都覺得好正，想下次再嚟encore呢個，推介！！
服務
內用
餐點類型
晚餐
餐點：4
服務：4
氣氛：5

🌊銅鑼灣高質日本海鮮 – 磯野水產🌊

嚟銅鑼灣行街，搵到呢間日本海產餐廳，食材相當高質，而且種類繁多，值得假日去試一試！

🌊時令鮮魚二食🐟
今日時令鮮魚有我最愛嘅伊佐魚😍食魚都要睇季節，而夏日時令魚嘅代表就係伊佐。此時食伊佐魚係最佳時候，因為魚肉特別鮮嫩，適合做唔同嘅菜餚。

伊佐魚刺身切出來有好多片，欣賞佢哋嘅擺盤一啲都唔馬虎，有樹有花，相當精緻。配備蔥花薑蓉，加入酸汁沾上魚片，相當切合炎夏進食。

而伊佐魚湯利用魚頭同埋鮮魚骨煮湯，完全唔需要落味精，飲出湯嘅鮮味。

🌊活鮑魚
活鮑魚喺燒之前，店員會比你先望一望，隻鮑魚仲係郁緊，極之新鮮！磯燒過後上碟，配有柚子胡椒醬，沾上更加帶出鮮味。

前菜都幾特別，有幾款唔同嘅蔬菜，又有一碟魚醬，可混合一起吃，味道突出。

🛎️必試指數：9/10🔆
服務
內用
餐點類型
晚餐
平均每人消費金額
超過 HK$500

記得以前去大阪一下飛機就去食24小時營業的XX水產，食物當然好食但是需要自己在爐上燒，本人的眼睛超敏感，會不自覺流哂眼水🥹餐廳磯野水產好貼心，員工在餐廳中間位置為你現場燒製並送上客人面前，客人可以望到又聞到但又不會刺到眼睛👀

—————
前菜：鯷魚醬配蔬菜條
為了飲食均衡就點了個蔬菜條，誰不知，那個鯷魚醬就像甲羅燒蟹膏的味道，又帶一點開胃感，食到我流口水來了！

—————
深海池魚薄切刺身 $288
我最愛食池魚，深海池魚肉厚刺少，肉質鮮嫩肥美。果然池魚片夠薄，刀工好脂厚油香，加上小菊花花瓣片跟少量魚子提味，入口魚油的甘香，齒頰留香的油分令我還記憶猶新！

——————
自家製免治雞蟹肉棒 $98
串燒免治肉𥚃有雞軟骨的口感，有一條蟹棒肉在中間，看得出師傅的手工好好，食到中間有蟹肉出現在串燒的正中間，軟骨脆口，加上蟹肉鮮嫩，雙重口感之餘，非常可口！

—————
南非活鮑魚配柚子胡椒醬 $98
燒鮑魚好容易會燒夠了令肉身難咬，但師傅燒製的時間剛好，加上佢細心咁為我們切片，可以原汁原味食到鮑魚肉入面的肉汁，強烈推介。

————
北海道活帆立貝 黑松露牛油 $138
本人最喜愛食燒帆立貝，因為燒製嘅過程外香內軟，而今次食嘅黑松露牛油醬汁好香，醬汁調製得好適中，亦不會搶走凡立貝本身嘅鮮甜原味。

—————
下一次同朋友慶祝生日或聚會都必定會推薦這家店，環境舒適，坐落於大型百貨Sogo旁邊嘅樓上舖，非常寧靜又食到日本嘅感覺！

🍴 磯野水產 (銅鑼灣)🍴
銅鑼灣軒尼詩道525號澳門逸園中心19樓