豪華小食 Oh Wahh Street Food

豪華小食 (尖沙咀)
尖沙咀寶勒巷1號地舖
.
原來係升級版嘅豪華小食????
.
之前仲有晚市堂食時，我訂太晏食飯，搞到自己喺飢寒交迫下要搵嘢食?，最後我好順手就食咗串好正嘅「豪華小食」沙爹串燒，從此令我念念不忘。
.
夜晚八點幾，小店喺云云食店中最高人氣，買嘢食甚至要排隊?。小店面積以同業嚟講，算超大。賣嘅小食種類亦都好多，出奇地佢喺呢個地段都無吊高嚟賣，加上望入廚房算幾乾淨，食得安心。
.
期間有機會同佢傾計，我哋先至知原來小店唔係新開，而係進行咗全新裝修，將店舖升級，由「華記」改咗名做「豪華」，但其他方面照舊。我認為可算係「舊酒新瓶」，即係指用新嘅形式展現舊嘅內容。我朋友隨即仲話，佢以前飲酒唱K經開親都買，發現新大陸?。
.
沙嗲串燒方面?，有十四款選擇，當中有啲得呢個系列獨有。沙嗲有得揀辣度?，由小辣至大辣。我哋要咗小辣，但對於食開BB辣嘅我嚟講，都有啲過火?，因為有唔少辣椒碎。我仲留意到串燒落咗唔少黑椒去醃。題外話，呢度主打港式，唔好預期佢係印尼沙嗲嗰種。
.
．?燒豬梅肉($15)，豬肉夠厚切，而且邊皮帶少少肥膏燒，更為香口；
．?燒牛柳肉($15)，牛柳燒完表面都帶有光澤，食落亦都唔乾；
．?燒雞柳肉($15)，雞肉燒完，難得肉質都無變柴，保持嫩滑；
．?燒煙肉腸($15)，組合搭配，但如果中間嘅雞肉腸轉脆皮腸更佳。
.
炸嘢方面，有十二款選擇，更加有幾款係椒鹽口味。依度嘅炸物層炸衣好薄，唔係厚粉嗰種，估計比較接近原味?？可能係咁嘅關係，食完無乜熱氣嘅感覺。
.
．?椒鹽魷魚鬚($22)，魷魚鬚有精心拮得靚靚，頭尾都係腳，略嫌個別魷魚質感有少少硬；
．?炸黑椒牛丸($18)，牛丸有四大粒，入嘅貨係靚料，肉質彈牙，而且帶有黑椒同香花菜嘅香氣；
．?炸雞軟骨($12)，雞軟骨非常爽脆，又無多餘嘅肉，一串真係唔夠喉囉；
．?炸雞髀($25)，呢隻雞髀就唔係好稱得上係炸，所以脆皮欠奉，不過都幾厚肉好味嘅。
.
咖哩方面，有十四款選擇，佢呢種咖哩就係大路港式咖哩魚蛋嗰種?，香味大過辣味，簡單講係惹味。我食嘅兩款都好入味，相當唔錯。
.
．?咖哩牛脷($18)，牛脷勁正，肉質超淋，又夠厚身，配咖哩汁食不得了。我相信炸就冇咁好食。
．?咖哩水魷魚($10)，水魷魚比起魷魚鬚軟身、爽口，食薄一啲都唔韌。
.
魚肉碗仔翅(兩溝)($25)，呢碗碗仔翅對我嚟講係滿分?。首先佢份量夠多，熱辣辣即食超正。第二，魚肉有好多嚿，而且並非用上鯪魚?，完全無腥味。最後，整體好夠味，又好多料，食完暖笠笠，感覺更係兒時嘅味道?。
.
蘿蔔牛雜($32/細碗)，我本人就唔食牛雜，但朋友就被好香嘅柱侯汁吸引住，所以追加咗一碗。?牛雜包括牛肚、牛膀、牛腸同牛肺，返到去打開蓋仲係好香。佢話每嚿食落都係色香味好俱全，蘿蔔亦都好淋好入味。
.
總括嚟講，豪華嘅出品相當有質素?，小店用心經營，客人係會感受到的。店員亦重視同客人嘅溝通，樂於接受意見。除咗上述小食外，佢仲有其他類別，包括煎釀五寶同滷味凍食；日間更加有車仔麵賣添，三餸一麵，只售$36。推介?！
.
#豪華小食 #小食 #串燒 #港式小食 #碗仔翅 #牛雜 #魚蛋 #燒賣 #牛丸 #串燒 #滷味 #沙嗲 #尖沙咀 #尖沙咀美食 #寶勒巷 #華記小食 #香港味道 #hkfood #hkg #dinner #tst #tsimshatsui #foodie #foodiehk

一切都很美味。

牛肉的基本醬汁是辣的，如果再加上港式芥末和辣醬，會更香更辣。
豬肉makchang也是油炸的，讓它感覺油膩或獨特。
魚腥味低，有鹹味，建議撒上港式芥末醬。
我去過香港很多次，我覺得對於那些想嘗試點心以外的不同口味的人來說會很好。
年輕的時候不懂得扮酷，吃的時候不愛吃。
隨著時間的推移吃的時候，我個人非常喜歡它^^
餐點：5
服務：4
氣氛：5

貴也算了, 不好吃也算了, 店員態度極差, 其實做得那麼辛苦可以把店收一收吧, 不過也是, 有遊客光顧就好, 體驗一下
餐點：2
服務：1
氣氛：1

牛雜味道很好
餐點：4

嘎嘎香
餐點：5
服務：5
氣氛：5