燒肉の殿堂
營業時間
| 星期二 | 12:00–22:30 |
| 星期三 | 12:00–22:30 |
| 星期四 | 12:00–22:30 |
| 星期五 | 12:00–22:30 |
| 星期六 | 12:00–22:30 |
| 星期日 | 12:00–22:30 |
| 星期一 | 12:00–22:30 |
服務選項
內用
無障礙程度
不支持無障礙停車場
產品/服務
酒精飲料
啤酒
用餐選擇
午餐
晚餐
餐飲服務
甜點
設施
洗手間
規劃
接受訂位
付款方式
信用卡
今晚同舊同事飯聚, 帶咗我去銅鑼灣一間樓上舖燒肉餐廳, 呢度面積不大, 有數張卡位算坐得闊落。
由舊同事發板, Order咗幾款燒肉、小食、冷麵等share食。
【忌廉芝士白魚沙律】HK$58
沙律菜配上粒粒忌廉芝士、脆脆, 再加入酸汁, 每啖清新酸尾尾, 脆脆令口感更有層次, 夾集忌廉芝士食, 清新中又帶點奶酪香。
【法式鵝肝多士2件】HK$128
鵝肝表面煎至金黃微脆, 放於香脆多士上, 再疊上蘋果肉、魚子醬、香蔥, 整個入口, 食到鵝肝本身香氣, 配搭嘅甜酸蘋果肉同埋多士, 有助平均鵝肝嘅膩。
【大阪城和牛五點盛合】HK$338
賣相岩哂打卡, 用上大阪城造型嘅三層盒奉上和牛, 頂層有和牛金塊磚、中層有和牛肋條、最底層係和牛三角腩, 另有特級厚牛舌同埋牛五花。
特級厚牛舌: 牛舌燒至五成熟, 表面焦香金黃, 口感爽彈有肉汁。
牛五花: 相比牛舌薄少少, 長形片狀, 肉質嫩林, 唔會有太多牛脂, 冇咁膩。
和牛金塊磚: 牛脂比例多, 切成磚狀, 能滿足咬落去嘅豐滿口感, 牛脂在口中稍有陪迴。
和牛肋條: 同樣有豐富牛脂分佈, 口感比預期中林, 中心位稍有少少筋絡連帶, 爽得黎唔難咬口, 咀嚼後冇渣。
和牛三角腩: 牛脂極為澎湃, 雖烤嘅過程中已迫出些少油脂, 但牛脂每咀嚼一下都能濺出牛脂。
【辣大醬黑毛豚肉佐生菜】HK$78
黑毛豚肉選用五花腩, 肥瘦平均, 切成有dd厚度, 烤至兩邊金黃迫出部份脂肪, 配以生菜/紫蘇葉、京蔥、番茄仔、蒜片, 再沾上辣大醬, 平均五花腩嘅膩又能帶出肉本身鮮香, 微辣惹味。
【大蜆冷麵】HK$52
將冷麵一串串浸落凍湯汁入口, 掛湯入口, 清新可口, 配上飽滿清甜蜆肉, 正好食完濃郁燒肉後, 平均一下口中嘅重口味。
【低糖抹茶千層蛋糕】HK$34
千層蛋糕質感實淨, 要用小小力吉開, 抹茶味唔太較出, 甜度亦很低, 出奇地食到淡淡薄荷味。
【雜果賓治】HK$25
很有果香甜, 有蒟蒻同埋菠蘿果粒。
服務
內用
餐點類型
晚餐
大阪城和牛，好特別，打卡一流。和牛肉超正 ，好抵食
餐點類型
其他
[銅鑼灣] 燒肉の殿堂
.
大阪城 和牛五點盛合
食剩指數:0/100
大阪城入面有和牛五花、牛舌、和牛三角、和牛小排、和牛磚
油花分佈都算唔錯
未到入口即溶
但係油香都足夠
每樣都係兩三件
唔會去到好膩
店員仲會教埋你放邊個位燒較好
醬汁方面有三款
普通燒肉汁、檸檬海鹽、辣醬
檸檬海鹽食到中段可以解膩
個人喜歡加鹽/燒肉汁就已經好食
服務
內用
餐點類型
晚餐
這家日式燒肉店主打黑毛和牛靚肉，亦提供殿堂級湯漬A4和牛簿片、刺身等新鮮料理，值得讚賞的是每枱都有充足抽風系統，食完都唔會沾到成身燒肉味👍
日本和牛殿堂湯漬薄片｜$98｜7.5/10
員工在客人面前用火槍輕輕炙燒整塊和牛😍滲出淡淡油脂香，再把和牛放進底下的大蜆昆布湯內一同進食，嚐盡和牛的精華🫶🏻
「極」黑毛和牛小排｜$118｜8/10
肉面佈滿清晰的網狀油花🤤只需輕輕一燒，肉質食落已經很軟嫩，入口即化，充滿油花
蔥山薄牛舌｜$78｜7/10
口感算爽彈😋搭配蔥山，入口油脂味不會太重
殿堂玉子飯｜$32｜7/10
碗中放了一隻半熟蛋黃，簡單使用了日式紫菜碎及常見的donki飯素，再搭配大量蔥，撈勻後食落味道正常
味醂網燒魚干｜$48｜7/10
口感偏乾硬🙈但勝在甘甜及有油香味，配搭沙律醬，十分適合前菜食用
忌廉芝士白魚沙律｜$58｜7/10
上枱時，誤以為是豆腐🤣食落原來是一磚磚忌廉芝士，白魚非常脆口，沙律份量很足
服務
內用
餐點類型
晚餐
最近去左呢間新開既燒肉店💓好出色！
燒肉既品質好令💓值得推介！ …
menu主打黑毛和牛、頂級和牛、炸物小食、甜品、飯等；黑色型格裝潢，坐得舒適！
服務
內用
餐點類型
晚餐
餐點：5
服務：5
氣氛：5
燒肉迷唔好錯過啦！最近銅鑼灣新開咗間日式燒肉店——燒肉の殿堂，提供多款高質和牛牛肉，包括賣相非常吸睛嘅大阪城盛盒、殿堂湯漬A4和牛薄片、A4和牛西冷等 。餐廳室內有幅手繪牆壁畫，以大阪城同鳥居作主題，好有喺日本嘅氣氛！
.
蔥山薄牛舌 $78
: 牛舌薄切，口感爽彈，面頭仲有大量蔥花，非常惹味～
「極」黑毛和牛小排 $118
: 油花清晰，肉質軟嫩，帶岀濃濃牛香
日本和牛頂級A4肉眼蓋 $118
: 油脂分佈平均，烤一陣嘅和牛有入口即化嘅口感～
西班牙橡果黑毛豚腩佐生菜 $88
: 豬肉味濃郁，肥肉比例適中，跟有生菜、紫蘇、生蒜，夾埋一齊食可解膩～
清酒煮蜆 $42
: 蜆肉肥美，清酒味濃，放上燒肉爐上煮熱，牛油經熱熔後味道清甜，絕對能帶岀蜆嘅鮮味～
殿堂玉子飯 $32
: 蛋黃呈橙黃色，蛋味香濃，珍珠米伴入大量紫菜、蔥花、飯素，夠哂滋味～
炸日式芝士年糕 $22
: 外層鬆脆，中間帶流心，芝士味濃郁，口感煙煙韌韌～
古早冰菠蘿柚子蘇打 $36
: 有一條冰菠蘿，再伴柚子，酸酸甜甜好refreshing～
銅鑼灣L Place又有日式燒肉好選擇！
呢間燒肉の殿堂係主打日式燒肉，最招牌係大阪城燒肉拼盤，係用大阪城模型盛上，都好特別！
不過我哋想自己揀牛肉，所以就分開叫。
叫左蔥山薄牛舌，牛舌好高質，薄得黎燒得會好香脆，食落就更加爽口，仲可以包住大量蔥花碎，食落更加好味！
亦都叫左日本A4和牛，佢係肉眼蓋嘅部分，紋路好靚！而且食落肥美得黎好有牛味，仲有嚼勁，食落啖啖肉，質素好好呀！
另一款係「極」黑毛和牛小排，佢更加肥美，紋路均勻，燒到滋滋作聲，而且食落去係入口即化，好嫩滑好正！牛肉味同樣好濃，食左幾塊都已經好滿足啦！
但最好食同最驚喜嘅一定係日本和牛殿堂湯漬薄片，佢將一塊和牛鋪係熱高湯上面，店員會用火槍即場炙燒，之後就可以剪一半，將牛肉涮入高湯入面一齊食！呢個牛肉薄片真係食落溶化咁，好滑好肥美呀！而且連埋個湯一齊飲，有唔同嘅層次同口感，好滿足呀！
除左燒肉，呢到都有唔少沙律、小食、炸物選擇。
小食方面，我哋叫咗味淋網燒魚干，呢一個雞泡魚乾真係好適合配酒同埋冰凍飲品，而且份量都幾多，又燒到甜甜地，食落都好惹味同香口！
另一款好推薦嘅小食係雞皮餃子，有三隻，呢個真係好好食，出邊嘅雞皮煎到金黃色同埋脆卜卜，裏面包着雞肉餡料，好似食緊好香脆嘅餃子一樣，味道好好。
而主食就試左明太子撈烏冬伴月見，佢嘅賣相都好靚，有明太子、生雞蛋、魚干仔，可以連埋烏冬一齊撈黎食，食落都將幾鮮香，有唔同味道，但都幾配合！
整體來講，呢間燒肉店服務好，食物都幾高質，牛肉都係日本和牛，有保證！
服務
內用
餐點類型
晚餐
有和牛提供，價錢合理
服務態度友善
服務
內用
餐點類型
晚餐
由激安燒肉工房食到驚安燒肉商店，同一品牌最近喺銅鑼灣開咗間新嘅燒肉店 燒肉の殿堂 ，姐妹店係主打抵食性價比高，呢間就走創意造型路線，佢個招牌大阪城造型嘅和牛盛合，好啱打卡，新開業做緊5點前離座全單75折優惠。就住今次食嘅嘢嚟講好似水準未能突破姐妹店，除咗和牛盛合外其他都唔算貴，價錢都合理
服務
內用
餐點類型
晚餐
燒肉界大阪城🏯
近期銅鑼灣最夯的一定是燒肉の殿堂 人氣高企
@dendounoyakiniku 必點大阪城和牛五點盛合
氣勢凌人 夠IGable 重點係質素高 價錢又唔貴
座位寬躺舒適🎋牆上畫有大阪城 鳥居 竹林等
·
⛩大阪城和牛五點盛合
五款和牛放置在天守閣中 每層打開有不同驚喜
共有和牛金塊磚 和牛肋條 和牛三角腩 和牛五花
特級厚和牛舌🥩一次過就嘆到和牛多款部位！
和牛入口即化 牛舌厚身爽口 肋條部位則嫩滑
·
🗼大蜆冷麵
冰鎮的素麵滑順爽彈 份量都幾多 大蜆鮮甜冇沙
拌以冷麵汁 芥末 薑蓉🍜一口接一口 清爽好吃
·
🎏味淋網燒魚干
以味醂醃製後烘乾 油脂清香 燒烤後呈金黃色
剪開條狀🐟蘸上沙律醬 肉質軟腍 媲美居酒屋
·
🏮燒雞軟骨串
自己燒雞軟骨難度不高🍢可配醬料或簡單鹽燒
加點檸檬汁 吃得出雞肉及雞軟骨比例恰到好處
·
🎐古早冰菠蘿柚子蘇打
特飲只需$25 性價比真係幾高🍍大大串冰菠蘿
香甜柚子醬蘇打 冰度夠 真係燒肉必備 好爽啊
·
🎎龍鳳檸樂
可口可樂的甜混合了檸檬的清香與醃漬咸檸檬
恰到好處的鹹酸感 清香爽口🍋充滿港式風味
銅鑼灣新開日式燒肉店，以大阪城為主題，近日佢哋嘅招牌菜更被瘋傳
🎈燒肉の殿堂🎈
銅鑼灣駱克道459-461號The L. Square9樓
餐點：4
服務：4
氣氛：4
「殿堂級數：成隻牛同我拖出黎！」
姐係而家想係香港食燒肉，係真係易過借火，
根本唔關氣侯定係季節事，咁你話係屋企
唔得咩？得…但唔係咁方便囉，首先你屋企
要返咁上下大，仲要有露台，比你擺部牛龜
咁大既BBQ爐先啦，所以都係出街食吧啦。
唔洗講咁多，黎得「燒肉の殿堂」知咩事
咖啦，燒啦，好嗎？👇
服務
內用
餐點類型
晚餐
最愛吃日本菜的我，聽說最近又有新日本餐廳開幕，馬上約媽媽來試試囉💕～ 🇯🇵燒肉の殿堂，是間日式燒肉專門店。餐廳以大阪為主題，設有手繪鳥居和大阪城壁畫，甚有氣氛～
食物款式繁多，全部用手機自助落單，圖文並茂，相當方便🥰。當中以大阪城和牛盛盒最吸睛，我當然也要試一試啦～
「 大阪城和牛五點盛🏯$338 」
打卡一流的大阪城，難怪人人都點啦🫶🏻!! 頂層有和牛金塊磚，中層是和牛肋條，底層是和牛三角腩、和牛五花和特級厚牛舌😳，一次過品嚐到多款部位，超方便呀!! 每個部位都好柔軟😆，肉質軟腍，肉香滿滿，質素相當好，絕對推介大家一試🧡!!
「 岩鹽青檸雞腿肉🍗$78 」
同樣肉嫩鮮美的雞腿肉，用岩鹽青檸調味，不但減低吃肉的膩感，更帶有清新的味道哦～
「 和風湯燉牛舌🍖$78 」
這個燉牛舌也好出色，牛舌超級柔軟，蘿蔔也燉至入味。湯頭略為鹹了點，但也不錯。
「 殿堂玉子飯🍚$32 」
吃燒肉最適合配飯✨!! 把蛋黄和飯素伴匀，鹹香豐富，一人一碗才滿足呀～
銅鑼灣又多個燒肉飯堂🥩 呢間餐廳位置方便，裝修簡約舒服，而且啲肉非常高質，仲有一個非常有特色嘅打卡位添📸 …
大阪城和牛五點盛合 $338
打卡必點名物大阪城，屋仔裝著3層牛肉：和牛五花、厚切牛舌、和牛三角、和牛小排及和牛磚，牛肉全部都好肥美，充滿油香，邪惡
殿堂玉子飯 $32
有飯素、玉子、紫菜、香蔥撈粒粒珍珠米飯🍚甜甜地好香口，就咁食都好好味
酥炸雞軟骨 $42
脆卜卜雞軟骨點蛋黃醬一流
西班牙橡果黑毛豚腩+佐生菜 $88
燒起來肥而不膩，搭辣大醬和爽口新鮮大塊生菜一齊食，別有一番風味
檸檬利賓納蘇打 $32
古早冰菠蘿柚子蘇打 $38
柚子蜜梳打好多汽，仲有成串菠蘿冰鮮膩，過癮，推介
服務質素：8/10
環境舒適度：7/10
ᶘ ᵒᴥᵒᶅ個人口味評分：8/10
餐廳寬敞，裝修精美，有精美日系素材佈置，店員殷勤有禮。
1️⃣「極」 黑毛和牛小排 $118
「極」 黑毛和牛牛小排經預先切割為小塊，油脂豐盛，分佈均勻，肉質鮮嫩，牛小排輕輕燒炙便可，牛肉鮮嫩多汁。
2️⃣日本和牛特選A4三角 $128
日本和牛特選A4牛小排經預先切割為小塊，油脂豐盛，分佈均勻，肉質鮮嫩，牛小排輕輕燒炙便可，牛肉香嫩多汁，充滿牛肉香，入口即溶。
3️⃣岩鹽青檸雞腿肉 $78
岩鹽青檸雞腿肉香嫩鮮嫩，充滿開胃青檸味道，還有鹹香岩鹽，雞肉香滑多汁。
4️⃣炸日式芝士年糕 2粒 $32
炸日式芝士年糕炸得外脆內軟，內裏夾著軟糯的年糕，中間還有流心芝士，口感豐盛美味。
5️⃣大蜆冷麵 $56
大蜆冷麵以新鮮大蜆面搭冰涼香滑冷麵，口感清新。
6️⃣鹽枝豆 $28
鹽花配翠綠的枝豆，味道爽甜，其豆身的爽甜配上殼上的鹹香味道。
7️⃣古早冰菠蘿柚子蘇打 $38
以古早冰菠蘿面配搭清甜的柚子蘇打，味道清新開胃。
8️⃣龍鳳檸樂 $32
以鹹香開胃的咸檸及新鮮香檸配搽冰涼透情的可樂，十分解渴。
服務
內用
餐點類型
晚餐
–
燒肉の殿堂 🔥
冬天既日子除左想打邊爐之外
每日都會好想食燒肉 上星期去開銅鑼灣
就試下呢間近期好hit 既抵食燒肉店！
🥩 大阪城和牛午五點盛合 ($388)
必點之一 – 好中意呢個擺碟❤️🔥
用左好靚既大阪城盛載住 總共有3層
當中分別係 牛五花 厚切牛舌 牛三角 牛小排等等
逐層打開果陣好有驚喜 好似拆禮物咁每款質素都好唔錯 份量多
以呢個質素黎講 真心好抵食！
🥩 鹽燒豬頸肉 ($66)
預先用鹽調味既豬頸肉 肉質香濃 爽口
🍚殿堂玉子飯 ($32)
有半熟玉子 飯素 紫菜 香蔥 撈埋飯食
配上燒肉 真係好夾好好味~
🐟味淋網燒魚干 ($48)
每次見到都會想嗌
呢度既魚干燒到剛好 非常惹味 ~
🥤咸檸七 ($32)
🥤古早冰菠蘿柚子梳打 ($38)
柚子梳打都ok 唔會太甜
最估唔到係入面仲有一大條冰菠蘿 !
岩晒食完充滿油脂既和牛後去飲番杯✨
–
📍銅鑼灣駱克道459-461號The L. Square9樓
–
#lamchelin
#lamchelin_japanese
#lamchelin_cwb
服務
內用
餐點類型
午餐
餐點：5
服務：5
氣氛：5
【💖⛩大阪城。香噴噴燒肉】
大阪城和牛五點盛是😍美輪美奐的燒肉拼盤，包羅萬有，一次過品嚐多款和牛，垂涎三尺!
🏯大阪城和牛五點盛 $358
大阪城每層放著牛小排、和牛磚、和牛三角腩、牛舌同和牛五花，牛小排油花細膩，輕輕烤至兩邊金黃，肉汁香郁。和牛磚用夾子快炒，🎊讓四邊均勻受熱，香盈的肉汁縈繞於舌，令人迷醉。
和牛五花入口綿彈，👄濃郁的牛香在口腔迴盪。和牛三角是牛的腩位部位，😋油脂豐腴，口感柔軟綿滑，十分心動。
📍海鮮三點盛 $128
虎蝦份量巨型，質感彈牙帶嚼勁，🍤蝦頭充滿誘人的橙紅蝦膏，味道甘甜，嚐到虎蝦鮮香，彈牙可口! 帆立貝圓潤，鮮味十足，蠔身厚身，質感腍滑綿化，🤩肉汁鮮甜，胃口大開。
🦀蟹甲羅燒拌飯 $68
蟹甲羅放在烤爐燒製，用上蟹膏、蟹肉、蟹籽，傳來陣陣鮮香。😘蟹黃濃稠，鮮香美味，啖啖卜卜脆的蟹籽，十分邪惡。
🍹冰菠蘿柚子梳打/ 雜果賓治
烤肉當然要配清爽的飲品，🍍菠蘿梳打蜜甜，有清新多汁的菠蘿肉，消渴解膩。賓治果香濃郁，適合愛甜的客人。
服務
內用
餐點類型
晚餐
友人係典型牛魔王，一聽到有和牛食，就流晒口水🤭今次由我帶佢去銅鑼灣食日本和牛燒肉，餐廳以大阪城為主題，有手繪鳥居及大阪城壁畫，SO IGABLE😆進食前，職員先以油脂輕掃爐面，以免癡底，釋出油香後就可以自行燒肉喇😊
大阪城和牛五點盛合$358
和牛用大阪城餐具裝住，好似模型一樣，感覺幾別緻，真係未食先打卡😊由上至下裝有和牛磚、和牛肋條及和牛三角。另外仲有牛五花及厚切牛舌。餐廳仲提供燒汁、檸檬海鹽及辣大醬三款醬汁，食客可按個人喜好調味😊
⭐️和牛磚
油脂分佈細密平均，口感柔軟☺️
⭐️和牛肋條
較少脂肪，牛肉味香濃😋
⭐️和牛三角
牛既腩位係油脂感最重最肥美既部分，油花豐厚，入口即融，滿口油香😍真係好邪惡😈
⭐️和牛小排
肉面佈滿清晰既網狀油花，肉質軟嫩，不柴不膩😍好香牛肉味
⭐️和牛厚切牛舌
友人燒到七至八成熟，火候岩岩好，食落柔嫩Juicy，口感十足😋
海鮮三點盛$128
元貝、蠔預先用少少蔥、蒜、辣椒、鹽調味，食落非常新鮮鮮甜😍，調味料充分帶出海鮮既鮮味，我連汁都飲埋🤣珍寶虎蝦肥美多膏，爽口彈牙，唔點醬汁都食到鮮甜味😋
明太子撈烏冬伴月見$58
先拌勻明太子、雞蛋、紫菜、魚仔同烏冬，令味道及口感更平均。冷撈烏冬滑溜煙韌，而且好掛汁，每一啖都食到咸香既鮮甜味😍不斷勾起追食既慾望🤤食材配搭得非常好👍🏻湯底吸收晒所有食材既精華，鮮香味美，真係忍唔住飲左好多湯🤣
雜果賓治$32
夠晒Colorful，飲落甜甜地，果肉粒有咬口😋
古早冰柚子菠蘿梳打$38
味道相對賓治來講，比較清淡無咁甜，有大大舊菠蘿🍍，冰涼清爽又解膩，配燒肉岩晒😉
估唔到銅鑼灣樓上燒肉店咁有驚喜😳和牛同海鮮都好有質素👍🏻，以呢個價位來講相當唔錯！而且食完唔會成身燒肉味，抽風做得唔錯 。美中不足就係爐火比較大😅建議開最細火慢燒，食物無咁易燶。
了解更多好西@eat_ho_west
服務
內用
餐點類型
晚餐
我一向都勁鍾意食燒肉🥩尤其係日本和牛
呢度既A4肉眼蓋本身已經沾左少少岩鹽 輕輕一燒已經好juicy😋油脂分布好靚 有雪花紋
燒既時候要小心 會有啲搶火🔥
和牛有入口即溶既感覺 如果配埋飯一齊食無得彈～
和牛湯漬薄片 店員會係你面前用火槍即刻燒塊和牛😍之後再浸落湯入面 一路飲湯一路食
.
另外叫左🦀甲羅燒 海鮮三點 有帆立貝 生蠔同大蝦🍤
甲羅燒有蟹膏 蟹肉 葱花 鵪鶉蛋 燒到乾身少少就可以撈埋白飯一齊食🙌🏻味道香濃又鮮
燒帆立貝同生蠔🦪加左蒜蓉 一食就停唔到口 提升左海產既鮮味～
.
明太子撈烏冬伴月見 撈勻成個烏冬 有晒蛋汁同明太子 非常夾 烏冬彈牙 又唔會太膩
最適合作為燒肉的主食❤️
.
飲返杯冰凍既古早冰菠蘿🍍柚子梳打 酸酸甜甜又解渴 完美既一餐!
🏯大阪城和牛五點盛合
以大阪城造型三層盒，由上至下分別放上牛金塊磚，和牛肋條，牛三角腩，另外仲有特級厚牛舌及和牛五花！
餐廳非放題形色，所以選料質素都更有保證，A4和牛油花分布均勻且細緻，稍稍放落燒烤鐵板，立即有著濃郁香氣，油脂好快溶化，肉味香濃。
配上自家燒肉汁，檸檬海鹽，辣味噌，三款同樣惹味，建議油份較高的用檸檬海鹽，可減低肥膩感，但又能突顯油香味。
🐮湯漬A4和牛薄片
超創意食法，先用火槍將和牛三角薄片灸燒。灸燒其間已聞到香噴噴，睇見都食指大動！灸燒後更見肉質光澤鮮嫩，而且入口香軟，我會先咬一口再放入麵豉湯，兩種食法超滿足。
🦪蒜燒珍寶生蠔
珍寶生蠔有我手掌咁大，蒜香唔會好濃烈，剛剛好唔會蓋過鮮甜味！稍稍燒到生蠔乾身便可，一咬juicy。
🥚明太子撈烏冬伴月見
簡單又好食，全因材料正。超滑烏冬，彈牙兼有嚼勁；明太子足料鮮味；日本蛋蛋黃色澤光亮，蛋黃濃郁。清新醒胃醬汁，全部嘢加埋點會唔好食。
飲品: 雜果賓治，龍鳳檸樂
食燒肉點少得飲soda，雜果賓治唔會太甜又夠多果肉；龍鳳檸樂其實係鹹檸七，但改用可樂，原來又幾match，清熱氣又解渴。
同朋友專程過海食呢間新開以大阪城做主題嘅燒肉店，雖然牆身係日本風嘅畫，但感覺裝修好modern。唔係一般日式燒肉店嘅格調。
🥩大阪城和牛五點盛合$358
大阪城造型嘅盒分幾層裝住五款和牛，打卡必點。五款和牛有特級厚牛舌、和牛五花、和牛磚、和牛肋條同和牛三角，唔同部位嘅肉都有唔同嘅口感。個人覺得和牛磚最好食，大大舊油脂豐富口感軟腍，好滿足🤭
🦐🦪海鮮三點盛$128
時令海鮮3款，今次係牛油鹽蒜元貝、蒜燒珍寶生蠔、車海老虎蝦各2隻。海鮮都非常新鮮，朋友食嗰隻虎蝦更加係超多膏，燒燒吓流埋出嚟😳肉質爽口彈牙，非常鮮甜，好食😋
🍜明太子撈烏冬伴月見＄58
明太子嘅鹹味作為點綴，加上超滑溜嘅烏冬令人食不停口😋
🍒雜果賓治$32
飲落唔會太甜，好fresh好多雜果肉同椰果😋
🍍古早冰柚子菠蘿梳打＄38
都係好fresh，有柚子嘅清香，菠蘿嘅甜味，重點係有大大舊冰菠蘿，超正🤤
環境幾靜，抽風唔會嘈，不過建議大家唔好掛住影相開住個爐唔燒嘢，唔係嘅話會燒燶個烤網🤫😂
服務
內用
餐點類型
晚餐
位於銅鑼灣L.Square 新開冇幾耐嘅日式燒肉店
[燒肉の殿堂］招牌是以大板城為主題，燒肉店裝修環境完全日本風格，坐椅闊落，牆上有手繪日本大板城，鳥居的壁畫，營造日本氛圍，而且玻璃窗位置更設有兩道裝飾火焰，非常吸睛，最欣賞每張枱都裝有抽風系統，食完都唔怕全身都是燒肉味係咩👍🏻
另外最大賣點呢度食物質素真係好高，尤其是係和牛類，價錢仲要一啲都唔貴，同類型燒肉店，呢個價錢一定食唔到，無論兩個人撐枱腳或者
三五知己食一樣咁適合
⛩️🐮▪️大阪城和牛五點盛合 $ 358
每枱必點，大阪城和牛五點盛合，用大阪城的盒裝着五款和牛，賣相一流，一定要打卡先，店員很細心介紹和牛的種類，分別是厚切牛舌芯及和牛五花、和牛磚、牛小排及牛三角，每一款和牛都好高質素，肉質軟淋充滿油脂香，不同部位有不同質感，油花香味的濃烈也不一樣，我最喜歡是和牛磚，牛舌芯，充滿牛香而肉質及口感都非常不錯👍🏻
🦪▪️蒜燒珍寳生蠔(2隻）$ 62
生蠔非常大隻和厚肉，加上蒜蓉和香蔥，放在燒爐上慢慢燒，燒熟之後蠔味濃郁，而且非常飽滿，口感Juicy充滿蒜蓉香
🥪▪️法式鵝肝多士 $ 128
鵝肝厚切，煎得好香外脆內軟，配合蜜桃，矜貴的黑魚籽和香蔥，味道非常之夾，必食推介
🐔▪️酥炸雞軟骨 $ 46
雞軟骨大大粒，炸得香口酥脆，鹹鹹香香，就咁食和點上蛋黃沙律醬更加滋味
🍙▪️殿堂玉子飯 $ 42
日本蛋黃，飯素，紫菜，香蔥，秘制醬油配合日本米飯，所有材料撈勻一食，簡直係人間美味
🍹▪️古早冰菠蘿柚子蘇打 $ 38
飲品份量好慷慨，大大杯，柚子醬配合梳打，非常清甜，重點係原件冰凍菠蘿，可以邊飲邊食，餐廳好細心，已經切開左四件，好飲又好食
🍹▪️雜果賓治 $ 32
在燒肉店可以飲到雜果賓治，大量雜果，唔太甜，充滿果汁香，食完燒肉飲返一啖，開心
放假梗係要食好d，好耐冇食過燒肉喇，前排去左新開既燒肉の殿堂，見佢既燒肉同料理都吸引😝
➿ 法式鵝肝多士 ($128)
鵝肝脂香甘滑，有別於坊間既鵝肝多士，呢度既加左清甜既糖漬蘋果平衡油膩感，多士仲要兩面均勻塗滿牛油🧈 好香脆！
➿ 刺身和牛他他 ($148)
和牛切成細粒狀，食到部分順滑既口感，亦都有部分比較爽口，可能近筋位既原故～ 伴碟有唔同既調味料：Wasabi、岩鹽、京蔥絲、蔥粒、青檸，烘一烘紫菜，再夾住按自己口味調味既和牛一齊食，正😄
➿ 西班牙橡果黑毛豚腩 佐生菜 ($88)
係邪惡既豚腩呀😈 不過都要試試既，因為並唔係間間燒肉店都有供應呢款食橡果同香草大，所以會自帶特別肉香既豚肉🐖 燒完包住生菜🥬 蘸少少既醬料食，滿足～
➿ 明太子撈烏冬伴月見 ($58)
見到橙黃色既月見雞蛋蛋黃就心心眼😍 加上鹹香十足既明太子伴烏冬，係份簡單既滋味呀😊
➿ 雜果賓治 ($32)
➿ 古早冰菠蘿柚子蘇打 ($38)
雜果賓治🍹唔會好死甜👍🏼 不過兩杯對比下，我會鍾意菠蘿個杯多d☺️ 因為有原條既冰菠蘿呀🍍可以邊飲，邊食菠蘿，仲會諗起
踩完單車必食既回憶😛
銅鑼灣大阪城主題燒肉店
位於銅鑼灣ᴛʜᴇ ʟ.ꜱQᴜᴀʀᴇ , 一間大阪城主題燒肉店, 主打日本和牛燒肉, 環境亦寬敞。
大阪城•和牛五點盛合 $³⁵⁸
以日本大阪城造型登場, 放有五款和牛, 包括特級厚牛舌、和牛磚、和牛肋條、和牛三角及和牛五花, 相當豐富。
海鮮三點盛 $¹²⁸
分別元貝、大虎蝦及生蠔, 每款各有兩件, 全部都非常大隻, 而且頗新鮮。
明太子醬•香蔥玉子燒 $⁴²
富蛋香, 配搭明太子醬更好吃。
巨峰可爾必思蘇打 $³²
散發啖啖提子香。
古早冰菠蘿柚子蘇打 $³⁸
放入一大條菠蘿冰, 底層放有大量柚子肉, 很好喝呢。
燒肉の殿堂 (銅鑼灣)
📍銅鑼灣駱克道459-461號The L. Square 9樓
ღ銅鑼灣高級日式燒肉店ღ
▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼
作為一位美食愛好者，發掘高水準餐廳可謂興趣之一😌開業數月嘅樓上燒肉店 ——「燒肉の殿堂」以大板為主題🇯🇵供應多款牛肉、豚肉、雞肉等優質食材，各位燒肉迷千萬不要錯過🥩
🔸大阪城 和牛五點盛（$358）
賣相精緻嘅大阪城盛盒🏯打卡一流，店員先細心介紹和牛種類 —— 牛舌、牛五花、和牛磚、牛小排同牛三角🐮再建議我同朋友先燒前兩款～
牛舌厚身有咬口，食落油脂豐富👏🏻牛五花脂肪比例較高，肉質鮮嫩多汁，值得一試🎉和牛磚油香四溢，軟腍柔軟💋牛小排油花紋路均勻，口感油潤，入口即化😻牛三角脂香滿溢，富有濃郁鮮美肉味💕總括然而，每款牛肉各有特色✨蘸上普通醬汁、檸檬海鹽或辣味汁亦同樣滋味✅
🔸海鮮三點盛（$128）
包：虎蝦、元貝、青口
海鮮份量絕不欺場，大隻虎蝦肉質結實，食落爽滑有彈性🦐元貝鮮甜無比，飽滿肥美🐚青口味道清新，鮮嫩爽口，誠意推介🤘🏻
🔸蒜燒珍寶生蠔 （$62/2隻）
生蠔口感creamy🦪經火炙後散發微微焦香🔥再用上蒜蓉、香蔥同辣椒襯托，味道相當突出🙆🏻♀️
🔹龍鳳檸樂（$32）
特飲以鹽醃青檸、檸檬片同可樂製成🍋冰涼透心之餘，更可一解膩滯感，絕對係燒肉嘅perfect match🎊
🔹古早冰菠蘿柚子蘇打（$38）
酸甜菠蘿冰配上清新柚子蘇打🍍開胃消滯又解渴，相當特別呢☺️
▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲
推薦指數：❤️❤️❤️❤️🤍
📍燒肉の殿堂 (銅鑼灣)
🏠銅鑼灣駱克道459-461號The L. Square9樓
高質和牛燒肉，海鮮都好新鮮! 4點前埋單仲有75折，推介!
大阪城造型和牛盛合
呢間喺銅鑼彎開咗數月嘅日式燒肉店，成間餐廳裝潢都以日本大阪做主題，而當中最特別係以大阪城造型裝住數款和牛嘅盛合，食燒肉點少得冰凍啤酒
大阪城和牛五點盛合$358
由頂層到最下層分別有牛舌、和牛三角、和牛肋條、和牛磚、和牛五花，一個盛盒就嘆到5款不同和牛部位，牛舌都夠厚同爽口，其他和牛都算肉質嫩腍帶肉香，仲有牛脂香氣
服務
內用
餐點類型
晚餐
大讚，牛肉超級好食又有燒蠔食😍😍😍
服務
內用
餐點類型
晚餐
打卡燒肉，大阪城造型好吸睛，燒和牛好正，飲品有成條菠蘿肉
CWB 的 Yakiniku 冷場，和牛套餐的介紹很可愛。套裝中有 5 種不同的和牛牛肉。我們還點了海鮮套餐。牛肉又嫩又多汁。合理的價格。
服務
內用
餐點類型
晚餐
打卡熱點，高質和牛燒肉店！
服務
內用
餐點類型
晚餐
[ #caloriefoodie銅鑼灣 ]
• 燒 肉 の 殿 堂 •
🐿
–
位於銅鑼灣嘅日式燒肉店 主打日本和牛🇯🇵
推薦打卡一流嘅大阪城和牛五點盛盒🏯
唔洗諗咁多 又可以一次過試和牛嘅唔同部位!!
–
🏯 大阪城和牛五點盛合 💰$358
大阪城頂層係和牛磚、中間個層係和牛五花、
最底層係和牛三角 另外仲有牛舌同和牛小排 ♡´･ᴗ･`♡
油脂感最重嘅和牛三角 尚算入口即溶 而且好腍
厚切牛舌採用最軟嫩嘅牛舌芯 咬落爽嫩 最鐘意呢款!!
整體嚟講 成個和牛組合都無伏!! 咬落都軟嫩
仲可以自行添加調味料 想幾重口味都得😹
–
🐮 日本和牛 • 殿堂湯漬薄片 💰$98
店員會喺你面前用火槍炙燒和牛薄片 等和牛滲岀陣陣油脂
再配上麵豉湯 索晒和牛嘅精華٩(˃̶͈̀௰˂̶͈́)و
呢塊和牛薄片真點嫩滑 而且牛味都唔錯!
–
🧈 牛油塩蒜元貝 ( 2隻 ) 💰$64
兩隻大大隻元貝配上牛油塩蒜
燒咗大約10分鐘 吉得入去就食得
–
🍒 雜果賓治 💰$32
🍇 檸檬利賓納梳打 💰$32
燒肉一定要配有氣飲品!! 超爽٩(˃̶͈̀௰˂̶͈́)و
–
📍銅鑼灣駱克道459-461號The L. Square9樓
–
#caloriefoodie
餐廳位於銅鑼灣鬧市，是一間主打和牛的日式燒肉店‼️🇯🇵
▫️
❥$𝟯𝟱𝟴 大阪城和牛五點盛盒⛩️
餐廳的招牌菜式，差不多每枱都可以看到它的蹤影‼️😉 不同的和牛部位盛放在以大阪城造型的盛盒中，很適合打卡‼️📸 最喜歡燒牛舌，厚厚的一塊烤得非常爽口‼️👍🏻
▫️
❥$𝟵𝟴 日本和牛殿堂湯漬薄片🥣
和牛覆蓋著碗面，做法有點像酥皮湯‼️🥄 店員會先詢問和牛薄片的生熟度，再用火槍稍微炙燒‼️🔥 五成熟的和牛充滿油脂香，浸泡在熱湯中口感軟軟嫩嫩，很不錯‼️😘
▫️
❥$𝟲𝟮 蒜燒珍寶生蠔🦪
充滿蒜香味‼️🧄
▫️
❥$𝟯𝟮 雜果賓治🍓
❥$𝟯𝟴 古早冰菠蘿柚子梳打🍍
兩杯飲料都很解膩‼️當中的菠蘿冰凍過，就像在吃冰棒，口感更為清新‼️💫
餐點：4
服務：4
氣氛：4
這間新開的日式燒肉店，餐點主打高質日本和牛，用上來自日本鹿兒島和宫崎的和牛，質素有保證，而且擺盤重好靚。最抵係午市重有單點和定食75折優惠，真的很吸引！
.
大阪城和牛五點盛合 $358
入面裝了五款高質🐮日本和牛，包括：和牛五花、和牛舌、和牛三角、和牛小排、和牛磚，款款都好新鮮又美味。和牛的霜降雪花十分美，油脂豐富，牛味香濃。
.
鹽蒜小牛排 $92
肉味好香濃，肉質嫩滑，加上蒜蓉更加惹味。
.
甲羅燒伴飯 $68
甲鑼燒有滿滿的蟹膏，加上鵪鶉蛋，配上白飯一起食，層次豐富又美味。
.
牛油鹽蒜元貝 （2隻） $64
元貝大大隻又新鮮，加上惹味的牛油和鹽蒜，十分惹味。
.
雜果賓治 $32
入面有超多雜果，果味香濃，感覺香甜。
.
古早冰菠蘿柚子蘇打 $38
菠蘿控必點，入面還有新鮮香甜的菠蘿，加上柚子梳打，解渴消暑
呢日夜晚同男友去咗銅鑼灣行街街，諗起之前上網見過唔少人推介呢間樓上燒肉店有個和牛盛盒係用大阪城造型嘅盒好靚好吸引，就決定去會一會佢，確實唔止睇得，啲肉仲好正！
🧡大阪城和牛五點盛合（$358）
必點推介，成個大阪城盛盒上枱超正，未食先打個靚卡！
大阪城係由三層組成，分別有和牛五磚、和牛五花同和牛三角，另外仲有牛舌同牛小排係會另外碟上，所有和牛嘅質素都好好，油花十足！建議由碟嘅肉開始再一層一層由上至下食，每一層都會確確實實感受到個肉質、肉汁或者油花嘅升華，讚！
🧡日本和牛殿堂湯漬薄片（$98）
上枱時店員會幫你火炙面頭蓋湯嗰塊大大嘅和牛，輕輕炙燒迫咗個油香出嚟，再浸落昆布湯度，塊和牛又香又嫰，啖啖精華，認真一流！
🧡甲鑼燒拌飯（$68）
混合鵪鶉蛋同蟹膏一齊食，味道香濃，口感勁Rich，送飯絕配！
🧡明太子撈烏冬伴月見（$58）
烏冬夠哂煙韌，沾埋蛋汁入口好滑身，撈埋鹹辣明太子一齊食非常正！
🧡古早冰菠蘿柚子蘇打（$38）
蘇打夠凍又夠氣，食燒肉下火啱哂！唔會太甜，入口好舒服，仲有成大串冰菠蘿浸落去夠哂震撼，串菠蘿最後當飯後果食，清爽又冰涼，正！
🧡龍鳳檸樂（$32）
枝裝可樂勁夠氣，檸樂配燒肉就係無得輸！
服務
內用
餐點類型
晚餐
平均每人消費金額
HK$300-350
打卡一流大阪城！
🏯
大阪城和牛五點盛合個擺盤好得意😆
仲有好多款式嘅小食、炸物、主食&特飲
我最鍾意個殿堂玉子飯😋
甲羅燒拌飯都唔錯👍🏻
服務
內用
餐點類型
午餐
平均每人消費金額
HK$200-250
無煙日式燒肉好衛生，和牛放於天守閣好特別，好重牛脂香😋
服務
內用
餐點類型
午餐
平均每人消費金額
HK$250-300
中午人流不算太多，燒肉主要以單點或拼盤形式下單，即使二人用餐也可以嘗試到多款部位！在每個燒烤爐上面也有裝設抽煙機，不怕吃到衣物也有一股燒烤味🤣
⤫ ⤫ ⤫ ⤫ ⤫ ⤫ ⤫ ⤫ ⤫ ⤫
$358
和牛燒肉盛合有五款和牛，包括牛舌、牛小排、牛金磚、牛肋條、牛三角，後三款分層放在大阪城盒子，每款都有三至四片，剛好適合二人分享！當中牛小排油花感最充裕，原味享用不用沾醬油也很好吃！另外牛舌也有驚喜，厚切的關係口感爽口彈牙🐮
⤫ ⤫ ⤫ ⤫ ⤫ ⤫ ⤫ ⤫ ⤫ ⤫
$98
店員會用火槍輕輕炙燒碗上的和牛薄片，然後可以自行將薄片夾進熱湯，用湯的餘熱使和牛至八成熟，和牛油脂感豐沛，入口柔軟順滑，大量青蔥配上牛骨湯，可以解膩中和一下！
⤫ ⤫ ⤫ ⤫ ⤫ ⤫ ⤫ ⤫ ⤫ ⤫
$62/2隻
生蠔的份量是珍寶級，上面加了蒜蓉及青蔥，蠔身經過燒烤依然飽滿，雖然調味較重口味，但也沒有覆蓋到生蠔本身的鮮甜味🦪
⤫ ⤫ ⤫ ⤫ ⤫ ⤫ ⤫ ⤫ ⤫ ⤫
$42
主食推薦殿堂玉子飯，吃和牛一定要送飯解膩，白飯上蓋滿紫菜、飯素及青蔥，最重點是中間的日本蛋黃，把蛋汁跟配料攪拌均勻，其實不用配燒肉也可以清碗🤣
⤫ ⤫ ⤫ ⤫ ⤫ ⤫ ⤫ ⤫ ⤫ ⤫
$32
$32
平時在茶餐廳都會喝到檸檬利賓納，但這裏用梳打沖泡喝起來會更加爽快！古早冰菠蘿柚子梳打會較大杯，中間放了一串新鮮菠蘿冰，可以當作飯後甜品🍹
身邊好多朋友都去咗大阪 有日喺IG見到呢間餐廳主打大阪城造型嘅和牛燒肉🔥仲要大部食物都好有派頭 啱曬一班朋友嚟打卡
❣️大阪城 和牛五點盛合 $358
必嗌呢個嚟打卡 頂層牛肋條 中層和牛三角 低層牛五花 另上厚切牛舌同牛小排🐂 和牛油脂豐富 燒起嚟油花四濺 加上檸檬海鹽汁酸味味解膩更添風味
而牛舌相當厚身 而且切埋格仔相對燒得均勻易熟 牛小排食落韌嫩 肉味香濃🤤配搭自家研制嘅燒汁 輕輕吊吊味 提升牛肉香氣
❣️日本和牛 殿堂湯漬薄片 $98
表演級item 店員問左想要幾多熟成度再即燒😳大大塊和牛片蓋住下面嘅面豉湯 和牛十分軟身 油脂入口即溶 最後飲埋暖笠笠嘅面豉湯 呢個開胃菜好滿足
❣️殿堂玉子飯 $42
紫菜 飯素 香蔥 仲有勁橙黃色嘅生雞蛋🥚撈埋一齊食 飯素令每啖都脆卜卜 加埋咸咸地嘅紫菜碎 蛋漿包裹住每粒米飯 正！
❣️蒜燒珍寶生蠔(2只) $62
真系手掌咁大只嘅生蠔🦪經過調味之後 就咁燒一燒就食得 依然保留咸香海水味仲略帶蒜香 先$30一隻真系好抵食
❣️月伴紫林【夏日限定】$42
蝶豆花加上乳酸嘅組合 完全系夏天嘅combination🌞略帶小小檸檬清香 溝埋一齊之後酸酸甜甜 啱曬食呢啲heavy餐嚟解濟
❣️蜜桃成熟時 $38
唔鐘意飲酸嘢嘅都可以考慮呢杯 蜜桃汁加梳打🥤仲要有半只🍑成杯賣相好靚 而且甜度啱啱好 唔使成日飲汽水咁厭啦
服務
內用
餐點類型
早午餐
銅鑼灣日式風情燒肉
迷你大阪城和牛盛合，最岩打卡🥰
服務
內用
餐點類型
午餐
平均每人消費金額
HK$350-400
《燒肉の殿堂》一直都想去呢間日式燒肉店好耐，除咗佢個大阪城和牛盛合 賣相夠吸睛外，其他和牛類別亦相當高質
店內座位闊落，每枱都有獨立抽風系統，不怕全身沾滿燒肉味，食物都以QR code落單，非常方便！
🥢大阪城和牛五點盛合 – 賣相非常吸睛，大阪城做到似模似樣，打卡度高！上中下層分別放了壺漬角切一口牛、赤身和嚴選牛肩胛，牛舌和牛板腱就另上，每款都牛味濃郁，肉質鮮嫩！
*我最喜歡就係牛舌 和 牛肩胛，牛舌夠厚身，燒熟後彈牙有嚼勁，而牛肩胛油花細緻且均勻，口感軟嫩，入口即溶👍
🥢鹽蒜小牛排 – 牛嘅前胸肋骨，肉質結實，油脂甚多，配上海鹽和蒜蓉，烤熟後香味四溢！
🥢西班牙橡果黑毛豚腩厚切 佐生菜 – 精選西班牙橡果黑毛豚肉，燒起來肥而不膩，如以搭配嘅新鮮生菜一齊食，又是另一種風味！
🍹白雪奇緣 – 古早口味嘅荔枝梳打，仲加咗一串雪冰了嘅荔枝，飲得又食得👍
🍹古早冰菠蘿柚子蘇打 – 古早味嘅柚子蘇打，再加入原塊冰菠蘿，解渴又解膩👍
餐點：4
服務：4
氣氛：4
【香港美食】豪食和牛．享受地道的烤肉風味🥩🍖
終於來到我的Restaurant List裡面其中一間餐廳，就是位於銅鑼灣The L. Square樓上的一間優質烤肉店 – 燒肉の殿堂，餐廳會提供高品質的肉類和配料，而且價錢都相當親民，餐廳的內在環境空間都較為寬敞，同時提供了舒適的座椅，還會播放出日文歌曲，可以約一班朋友坐著聊天吃烤肉。
餐點：4
服務：4
氣氛：4
我們點了兩人套餐，有和牛、雞肉和豬肉。沙拉和開胃菜很新鮮，肉很好吃，但醬汁很棒！我們推薦味噌醬和辣醬，它們幾乎與一切搭配！招牌米飯也很棒！我一定會再次訪問！
服務
內用
餐點類型
晚餐
平均每人消費金額
HK$300-350
餐點：4
服務：5
氣氛：5
大阪城和牛五點盛合 $368
一上枱就比大阪城🏯個嘅氣勢吸引住，超型😎。大阪城共分3️⃣層，上層係角切一口牛；中層赤身牛肩胛；底層就係嚴選牛肩胛；另外仲有一碟牛舌芯👅和牛板腱另上😮。店員建議先食牛舌👅和牛板腱，之後再將大阪城由上而下，逐層食落去，味道由淡至濃，和牛油脂味香，牛味又濃😍，仲可以一次過品嚐唔同和牛🐃嘅部位添。
日本和牛特大湯漬 $168
打卡一流📸店員會先將和牛片火炙🔥，大約燒到5️⃣成熟， 之後就可以浸落熱湯🍲後再食，食落入口即融🤤，油而不膩😋。
鹽蒜小牛排 $98
牛小排🐂油花均勻，肉質結實，上面放了一條蒜蓉醬🧄，燒之前可以先移開蒜蓉醬🧄，燒完之後再放返上去，連埋牛小排一齊食非常惹味😋。
日本蘋果Sorbet $58
原個蘋果🍎入面裝住蘋果味嘅雪葩，味道清甜🥰，作為飯後甜品最適合不過💯。
整體而言，牛肉質素好好，不過除咗牛肉，仲有唔少嘢我都未試，而且望落都幾吸引，最重要嘅係，價錢一啲都唔貴👍，等我下次回頭再試。
服務
內用
餐點類型
午餐
餐點：5
服務：5
氣氛：5
🥩 燒肉の殿堂 🏯
@dendounoyakiniku specializes in yakiniku 🔥 serving a range of items from wagyu, beef, pork, chicken, seafood, and many more 💫 the interior is themed based on japanese torii gate and osaka castle ⛩
@dendounoyakiniku 主打日式燒烤 🔥 有好多不同款式嘅肉類 和牛 牛肉 豚肉 雞肉 海鮮 等 💫 裝修以鳥居同大阪城做主題 ⛩
🏯 大阪城 和牛五點盛合 HKD$368
seasonal wagyu set
每層盛合根據當日時令特選唔同牛嘅部位 💫 打卡一流
🐄 塔：第一層：角切一口牛 – 油脂肉汁豐富
🐄 塔：第二層：和牛肩胛赤身 – 肉質軟腍 肉味濃郁
🐄 塔：最底層：和牛肩胛嚴選 油脂飽滿 口感嫩滑
🐄 碟：牛板腱 – 油花均勻 肉質軟嫩
🐄 碟：厚牛舌 – 厚切無筋 嫩滑爽口
🐗 西班牙橡果黑毛豚腩厚切 佐生菜 HKD$88
black pork with vegetables in spicy sauce
豚腩厚切 肥瘦層次分明
配翠綠爽脆生菜 辣醬京蔥蒜片 肥而不膩
🐖 鹽燒豬頸肉 HKD$82
pork jowl meat with salt
肉色粉嫩 爽脆有彈性
🐔岩鹽青檸雞腿肉 HKD$86.00
chicken in salty lime sauce
肉質軟嫩 青檸香茅醃製 清新香濃
📍銅鑼灣駱克道459-461號The L. Square 9樓🇭🇰
餐點類型
午餐
高質素燒肉，值得一試。
服務
內用
餐點類型
午餐
平均每人消費金額
HK$250-300
餐點：5
服務：5
氣氛：5
店員服務周到
細心講解肉類部位及品嚐次序
✨大阪城和牛五點盛合
啱晒打卡嘅盛合📸有5款不同牛部位
碟上有厚切牛舌及牛板腱
塔內有角切一口牛、和牛肩胛赤身及嚴選和牛肩胛
✨日本A5和牛腹脅
屬稀有部位👍🏼顏色粉嫩好吸引
✨鹽蒜小牛排
配有鹽蒜醬汁❤️非常惹味
✨味淋網燒魚干
燒得香脆可口，有淡淡鮮甜味
✨殿堂玉子飯
份量十足👍🏼滿滿紫菜、蔥花同日式飯素
✨日本蘋果雪葩
清香蘋果味，可以清除口腔嘅豐厚油脂味
✨白雪奇緣
冰荔枝梳打，超消暑解渴👍🏼
✨花粉情綿
玫瑰花配柚子蜜梳打，清甜潤喉
餐點：4
服務：5
氣氛：4