山(YAMA)

有別於一般的廚師發辦，以食材來分類，提供蟹、魚、和牛、海之幸、黑豚、雞為主題的廚師發辦。餐廳裝修走簡約精緻山水風，連餐具設計都別出心裁。
.
✨蟹Omakase $1388/位
師傅用上來自日本直送的北海道特選毛蟹、松葉蟹、鱈場蟹等，來烹調煮出一道道充滿特色的蟹料理。
.
毛蟹柚子啫喱
用上北海道毛蟹，非常鮮甜，加上柚子醋啫喱，令到蟹的鮮味更提升，加上金箔更顯豪華。
.
雲丹明太子白海老
雲丹明太子白蝦好鮮甜彈牙，加上鮮甜的海膽、鱘魚子醬，味道層次豐富，還有紫蘇花、金箔作裝飾。
.
蟹出汁
湯底好清，飲落好香濃蟹味，用上日本北海道利尻昆布加蟹殼熬煮，入面還有啖啖蟹肉。
.
季節刺身三點
刺身包括牡丹蝦、真鯛、鯖魚，牡丹蝦清甜又彈牙；真鯛肉質細嫩清甜；鯖魚魚脂豐富，口感嫩滑。
.
釀上海蟹蓋
用上梭子蟹、大閘蟹的蟹肉，再加入香菇、洋蔥、甘筍，上層香脆，入面軟綿，非常美味。
.
季節雪葩
芒果雪葩以解膩和清一下口腔，雪葩芒果味濃，感覺清新。
.
燒鱈埸蟹伴雲丹鱘魚子
這個令人驚喜的餐點，入面的雪場蟹蟹腳，食落啖啖肉，而且好鮮甜。上面還放著經火炙的北海道海膽更加香濃，還有鱘魚子醬、紫蘇花作裝飾。
.
特濃蟹粉拌稻庭鳥冬
將香濃惹味的蟹膏，淋上沾滿松葉蟹肉芡汁的稻庭烏冬之上，撈勻一齊食，每啖都充滿蟹味，又香又滑。
.
香印提子雪糕拿破崙
拿破崙層次分明，非常鬆脆，加上香甜的香印提子和酸酸甜甜的益力多忌廉，真的好有驚喜，獲得世界拿破崙大獎都不無道理。

講到最受歡迎嘅高級日本料理，當中一定有鐵板燒和Omakase，既然早前食咗鐵板燒，咁點都要食翻餐Omakase啦

最近就搵到間高質嘅Omakase餐廳，位於銅鑼灣嘅「山」YAMA，餐廳以山林為主題，環境格局令人舒服，鬧市中享受一點寧靜

山YAMA最近就推出咗【山之御膳 Yama Kaiseki】，以日本吉利傳統嘅”11”道菜式，讓食客體驗充滿季節感及儀式感的會席料理

🥢日本產雲丹拼盤 (五種產地)
一次過品嘗來自五種產地嘅海膽，味道甘甜，入口即溶，當中根室海膽留待最後才食，因為係最好味，味道較溫柔且creamy，一樣係入口即溶

🥢廚師發辦前菜三點
以傳統日式盆景擺盤，盛載三款各有特色嘅前菜
😋燒帆立具 – 以昆布墊底，再用磯邊燒方法，爽口彈牙之餘亦十分惹味
😋赤穗蠔 – 爽口鮮甜，淋上柚子醋令鮮味提升
😋松葉蟹 – 師傅拆咗肉，並撈咗蟹本身嘅蟹膏，令味道更鮮更濃。

🥢蝦夷鮑酒蒸 肝醬
磯燒鮑魚配上鮑魚肝醬，肉質鮮嫩，味道鮮甜，附上嘅十四代清酒，噴3-4吓，更可豐富翻鮑魚個味道

🥢季節刺身五點
刺身分兩次上，容器用咗乾冰做出煙霧效果，好有意境
😋帶子 – 用咗紫蘇花、三文魚子同柚子皮鋪面，味道豐富
😋平靜魚 – 紋路清晰飄亮，味道鮮甜
😋牡丹蝦 – 店員話有豐富膠質，而肉質就綿軟中帶彈性，味道鮮甜且蝦味較濃

😋秋刀魚 – 本身味道偏濃，師傳建議先食，後食大拖羅。附上特製酸汁，點一點更好味
😋大拖羅 – 師傅用咗火灸方法燒佢嘅魚皮，最主要係燒佢表面嘅油脂。大拖羅油脂細膩豐富，魚香濃郁，入口即化

🥢鱈場蟹亀甲鍋
用昆布做湯底，再以大閘蟹蓋煮4-5個鐘，令整鍋湯味道鮮甜。材料就有溫室菇、紹菜包波菜卷，主角就係鱈場蟹腳，啖啖肉之餘味道亦都好清甜

🥢柚子雪葩 (圖10)
自家製，面頭放了清柚子皮，最主要係清清味蕾

🥢精選壽司五貫
五款壽司，師傅已稍為調味，基本上就咁食已經好好味，不用點豉油或wasabi
😋象拔蚌 – 鮮甜肥美，口感爽彈
😋深海池魚 – 入口質感爽脆，味道鮮甜，面頭塗了蛋黃醬溝豉油，令鮮味提升
😋黑鯥 – 肉身彈口，味道鮮美，面頭鋪了些少柚子胡椒，清新得嚟又有少少辛辣
😋太刀 – 肉質肥美，加少少薑絲更美味
😋瀨尿蝦 – 建議留到最先食，瀨尿蝦多膏，師傳塗了少許豉油，鮮味十足

🥢A4 宮崎牛厚焼 聖護院蕪菁 牛肝菌
用了日本禾稈草，製造煙燻效果之餘，亦令到和牛有禾稈草嘅香味。部位係牛西冷，肉質細緻，師傳用忌廉牛肝菌煮醬汁，食落好香嘅香菌味道。另外配菜有溫室露荀、蕃茄仔同炸蒜片

🥢特濃上海蟹拌後文稻亭 10年陳意大利黑醋
稻庭烏冬做底，松葉蟹做蟹芡，再以㷫熱嘅大閘蟹蟹膏同蟹油撈勻，整碗烏冬充滿蟹肉、蟹膏同蟹味，非常好味。附上嘅意大利黑醋，有3、5、10年陳供選擇，隨個人喜好添加，可一解油膩感

🥢和風鮮果雪糕拿破崙
自家製甜品，酥皮好酥脆，中間嘅餡首先將粟子打成溶溝埋忌廉再加椰子雪糕，食落好清新。頂層就係忌廉同日本甘粟，食落係甜味同香味並存，非常好嘅一個餐後甜品

今日去到銅鑼灣一間新開餐廳「山」YAMA，裝修以山林做主題🌳不論是擺設、餐具、食物display都同山有關，晚餐供應幾款omakase，以食材做分類，分別有和牛、雞、黑豚、海鮮、魚，以及時令既蟹

蟹之omakase｜$1388/人
毛蟹柚子啫喱
香箱蟹為先付，完全被震攝到😍蟹蓋上鋪滿蟹籽、蟹肉同蟹膏，單食都感受到鮮味，中間加上柚子蟹醋啫喱，酸甜開胃

雲丹明太子白海老
用上富山灣白蝦，鋪上日本海膽，再加入明太子同鱘魚子做點綴，貴氣而不俗氣☺️白蝦口感黏糯，帶膠質，雖然味道較清淡，但配埋海膽一齊食就剛好，不過明太子味道唔太突出

蟹出汁
多數食到尾聲先上湯，但呢到第三道菜就出現，湯底用昆布去熬製，仲加入了蟹殼、蟹肉，清甜得黎又暖胃🥰

季節刺身三點
呢個擺盤真係好靚，刺身盤放在木架上再加入乾冰，仙氣十足🤣店員都提我要準備相機先！刺身分別有帶子-三刀魚-金目鯛-平政魚-牡丹蝦

帶子上加了柚子皮、三文魚籽同金箔，好奢華食法😆 三刀魚卷成花形，本身味道較淡所以食時候配酸汁一齊食，帶出魚鮮味，金目鯛輕輕火炙後好香，入而面卷了芽蔥，平政魚同油甘魚是同類別，肉質肥嫩，油脂豐潤，牡丹蝦膠質豐富，蝦頭都有膏👍🏻

釀上海蟹蓋
食完刺身就轉一轉口味，送上富中菜特色既釀上海蟹蓋😝跟3款不同年份黑醋，清楚寫上不同甜度同酸度，自行加配👍🏻蟹蓋外皮都幾脆，但不油膩，入面混合左蟹肉、洋蔥、甘荀等，口感好豐富同埋沾埋黑醋食，極其滋味

季節雪葩
中場來一份柚子雪葩，冰涼感十足，仲食到有柚子皮

燒鱈場蟹伴雲丹鱘魚子
主菜終於上場🤤海膽份量超級多！蓋過整件蟹腳，燒完更能發揮蟹肉的鮮甜同焦香，肉質具彈性且多汁，仲有海膽同鱘魚子咸鮮，每一口都勁滿足🤩

特濃蟹粉伴蕎麥麵
好飽都要食埋呢個烏冬❗️ 將成碟蟹粉毫不猶豫倒落烏冬上😆橙色蟹膏同油完全覆蓋住烏冬，一夾起超掛汁，啖啖都係蟹的精華，口感煙韌彈牙，超好食

無花果拿破崙
拿破崙有兩層，中間加入忌廉同雪糕🍦如果再酥脆d就perfect，不過都相當滿足
服務
內用
餐點類型
晚餐

全新的日本主廚發辦！今天與朋友和商業夥伴在這里共進午餐。每道菜的原料都很新鮮，裝飾也很用心！不僅美味，份量也比我預想的主廚發辦要多得多！我想這既是優點也是缺點，因為價格絕對不是每天的飯菜，但憑藉所有優質的原材料和演示，我不得不承認它比任何頂級 Omakase 都“便宜”或值得！對於像我這樣曾經住在東京並且對日本料理很挑剔的人來說，這肯定是我的選擇之一！尤其是屢獲殊榮的拿破崙甜點和日本皇家混合咖啡！最後的效果太棒了👍👍👍

餐廳嘅裝修係以「山」為主調，入面每一個擺設都充滿禪意。
而比起一般嘅Omakase餐廳，呢度重提供唔少卡座👍🏾

山之御膳 （$1688 加1）

1. 日本產雲丹拼盤
個拼盤有5款嚟自不同產地嘅海膽，每種海膽無論係個味道定質感都有好大分別。

2. 廚師發板前菜三點：帆立貝、生蠔、長腳蟹肉
呢三點前菜係放喺個寶箱入面。一打開個盒，就會聞到d木味，同埋有煙出，等d煙散咗之後，就會見到日本庭園

3. 蝦夷鮑酒蒸肝醬
鮑魚好煙靭，個肝醬又好香好濃好滑，配埋一齊，就好似食緊法國菜咁🤤

4. 季節刺身五點
5點：金鯛、深海池魚、牡丹蝦、大拖羅、帶子
呢五款刺身比得一d都唔吝嗇，每件都非常大份同新鮮😋

5. 鱈場蟹龜甲鍋
個蟹湯雖然清清哋咁，但就係因為咁，可以完全將長腳蟹嘅鮮味帶出嚟

6. 季節雪葩（柚子）
個柚子味苦苦澀澀，好似真係食緊柚子咁

7. 精選壽司五貫
（金目鯛、平政腩、吉備奈子、象拔蚌、北寄貝）
D魚類好新鮮，一d都唔腥

8. A4 宮崎厚牛燒 聖護院蕪菁 牛肝菌
牛嘅油喺口腔度四濺，外脆內軟咁

9. 特濃上海蟹拌後文稻庭 10年陳意大利黑醋
原來大閘蟹嘅蟹膏撈埋意大利嘅黑醋（有3年、3年同10年揀），再配埋蟹肉烏冬，可以咁夾😝

10. 和風鮮果（金粟）雪糕（椰子）拿破崙
食埋個甜品簡直係完美嘅結束🤩

有別於坊間一般嘅Omakase
呢間山yama 以獨特嘅山林元素為主題
由餐廳環境、食物內容以至擺盤畫碟
每樣細節都經過精心設計 感覺特別

******************************
【山 YAMA午餐廚師發板】

我今次品嚐嘅 #山Yama 係由魚、海鮮同蟹元素組成

✨先付
※ 毛蟹柚子
半月型餐碟以淺藍色波浪狀線條同啡色彩繪帶出水與山嘅元素
以由日本直送嘅新鮮松葉蟹代替🦀
師傅將其剥殼搓成球狀
蟹肉味道鮮甜 仲有好多蟹膏喺面上
青柚子吱少少落去 食落更加開胃

※ 日本產蠔雪見啫喱
令和の怪物 特大原隻生蠔
肉質肥美飽滿 入口帶豐富嘅礦物味道
師傅特設柚子啫喱 將佢一啖啪入口
成個組合配搭 教人回味無窮

✨お造り
※ 鮪腹三點
用黑色石碗裝住 開蓋時個畫面非常有仙氣🧚‍♀️
依次序品嚐 首先係赤身 上面有啲蟹籽
跟住再食大拖羅 油分較為豐富
最後食嘅中拖羅幾乎無筋 猶如入口即溶

✨蒸物
※ 帆立貝真薯茶碗蒸
茶碗蒸蒸得好滑 調味亦較得非常好😋
最特別之處係師傅前後會籤蒸兩次
面層淋上鰹魚汁 底下有燒過嘅帆立貝同珊瑚配搭蒸蛋
珊瑚食落有少少似薯仔嘅口感 味道酸酸地
食嘅時候要三層一齊食 口感會更豐富更有層次感

✨強肴
※ 燒虎蝦配海膽忌廉汁伴米通
大大隻嘅虎蝦用明火燒過後非常香口兼帶點焦香味🦐
配上師傅以北海道海膽特別調製嘅海膽忌廉汁
味道香濃 份外惹味
伴碟有略烤過嘅脆米通 食落爽脆
擺盤上亦見心思 呢碟係色彩豐富嘅一碟
配上紅楓葉同麥穗裝飾 有秋天嘅感覺呢🍁

✨すし
※ 精選壽司８貫 小卷１條
由師傅精心配搭嘅壽司8貫
包括有鯛魚、池魚、赤綠、明太子白蝦、象拔邦、新鮮北寄貝 、平政
全部食材皆由日本直送 用料上乘
池魚食落有油香味
新鮮北寄貝食落鮮甜爽口
象拔蚌同明太子白蝦就夠爽口彈牙👍🏻
壽司上面有柚子皮同青檸調味 感覺清新💕
而象拔蚌小卷方面 師父已預先較好咗個醬汁 唔洗額外點汁

※ 味噌汁 新香物
味噌湯採用薑絲、海帶
最近天氣轉涼 服用薑有助令身體和暖
更可以化解對上一道菜帶來膩嘅感覺

✨甘味
※ 和風鮮果雪糕拿破崙
金黃色嘅拿破崙伴以啡色線條 帶出「山」嘅感覺⛰️
自家製拿破崙食落非常酥脆香口
中層夾滿椰子雪糕 椰香味十足 非常滋味👅

✨咖啡／茶

******************************

其實一開始我係比個環境吸引 真係好啱打卡
大愛日系山林風格嘅裝潢設計🏔️ 🌴
餐廳以木色同白色為主調 感覺柔和舒適
環境非常闊落 採光度高 空間感大
無論環境、食物定擺盤 山YAMA 都緊扣「山林｣ 主題
令注重細節嘅我深感滿意💕
服務
內用
餐點類型
午餐
餐點：4
服務：5
氣氛：5

有熟嘢食最啱我胃口。
服務
內用
餐點類型
午餐
建議的餐點
Chawan Egg Custard

慶祝生日🎂之選✅ 清新自然山林風Omakase

Yama Kaiseki 山之御膳

日本產雲丹拼盤
打卡之選✅
– 有五種產地供應的海膽
– 煙霧效果✨

店員會提醒海膽品味的先後的次序
很講究 由甘甜至Creamy 豐富味蕾😆

廚師發辦前菜三點
– 打卡系列 ✅
– 精緻的透明木箱配上乾冰迷霧陣🤣

口感彈牙 保持鮮味的炙燒帆立貝

長崎縣小長井生蠔
– 軟滑淡口海水味的蠔肉

北海道蒸毛蟹 配上柚子啫喱
– 蟹肉幼嫩
– 酸甜的柚子啫喱非常開胃

蝦夷鮑酒蒸肝醬
– 十四代清酒🍶提昇鮑魚的鮮味
– 精緻的配菜 （寶塔椰菜花🥦 茶漬物 ）
– 鮑肝醬配紫蘇葉 同時品嘗香濃和清新的口感

季節刺身五點
平政魚刺身 牡丹蝦 帶子 北寄貝 拖羅

視乎空運供應 需要去到當日下午先會知道食材配搭🙃

鱈場蟹亀甲鍋
– 時令的北海道雪場蟹蟹腳所製作數小時的昆布湯底
– 湯底非常鮮甜 暖胃之選
– 菠菜蔬菜丸 （可分碟品嘗 避免過度浸泡）
– 保持加熱 維持口感

季節雪葩 -柚子味

精選寿司五貫
– 鰈魚邊 （魚油香味濃）
– 金目鯛 （香椒芽蔥味）
– 真鯛 （重魚香味）
– 深海池魚 （欖油味濃）

A4宮崎牛厚燒 聖護院蕪菁 牛肝菌
– 牛肝菌入口Creamy ✅
– 香濃牛脂味
– 入口即化 飽感提升
– 配菜非常重要 消解飽濟感 🤣

特濃上海蟹拌後文稻亭 10年陳意大利黑醋

Fusion 系列 ✨crossover 稻庭烏冬 松葉蟹肉 再輔以大閂蟹蟹粉

餐廳提供 3 / 5/ 10 年的黑醋
✅ 自行選擇甜酸的組合度

和風鮮果雪糕拿破崙 🍮

– 香甜士多啤梨
– 椰子味雪糕
– 充分消解飽濟感 ✅
– 脆口有層次的餅底

整晚度過左一個好滿足的Omakase體驗 💕

山Yama(魚/ 海の幸/蟹 ) $788

先付
毛蟹柚子酢
蟹肉🦀非常新鮮，蟹膏混和蟹肉絲再配上青柚子非常醒胃😋，作為開胃前菜，當之無愧😍。

日本產蠔雪見啫喱
日本蠔🦪非常肥美大隻😍，上面放上青檸啫喱，非常開胃😋。

造里
一上枱乾冰效果已經非常吸睛🫢，師傅已經順序擺放了赤身、中拖羅和大拖羅，叫我由外至內跟著食就可以💕。赤身魚味香濃，蘿蔔蓉提升了鮪魚的口感🤗。中拖羅魚油脂非常甘香🥰，大拖羅入口即溶🤤，師傅話已經係大拖羅嘅表面切多幾刀🔪，切開根位，唔怪得呢件大拖羅食落無咩根啦😋。

蒸物
帆立貝真薯茶碗蒸
上層帶子燒得剛剛好，柚子玻璃芡汁混和蟹肉絲🦀有助提升口感，下層蛋香🥚綿滑，非常好味😋。

強肴
燒虎蝦配海膽忌廉汁伴米通
自家製米通香甜鬆脆，海膽忌廉汁非常惹味☺️，蝦肉🦐爽口彈牙，如果連埋紅椒絲🌶一齊食，口感更好😋。

壽司(8貫1小卷)
1.真鯛 – 口感彈牙，味道較淡，所以師傅係上面加咗少量豉油提味，真鯛上面有漬過的魚肝🫀，配上少量辣椒🌶，口感非常豐富🥰。
2.間八 – 口感一流☺️，味道比真鯛還要淡，所以師傅今次用重少少味嘅鼓油加強味道😍。
3.深海池魚 – 魚油非常豐富，完全沒有一般池魚嘅腥味，好好味😋。
4.鮫鰈 – 肉質煙韌，上面加咗少部分火炙🔥過的鮫鰈魚肉，享受著雙重口感😍。
5.活帶子 – 比一般帶子煙韌，師傅在上面加咗1至2滴青檸汁🍋，令鮮味更加提升😋。
6.金目鯛 – 味道鮮甜，油脂豐富，魚皮略略燒過🔥，加强了口感層次，最後那一點點柚子漬🍊，更加有畫龍點睛之效🥰。
7.甜蝦 – 甜蝦🦐大大隻非常鮮甜，上面放咗牡丹蝦🦐嘅蝦膏加強鮮味，師傅話唔放甜蝦蝦膏，係因為甜蝦蝦膏無咩味🥰。
8.鰤魚 – 本身從未試過這種被譽為日本料理中頂級嘅食材😆，一試之下果然口感肥嫩，味道濃郁😋。師傅話今次食嘅位置係背部，油花已經無咁多，如果係腩位，絕對唔比拖羅遜色😍。
小卷 – 今次師傅用咗北海道根室海膽代替咗小卷(多謝師傅~😍)。海膽鮮甜味濃郁，帶少少甘味，味道非常creamy，入口即融，非常好味😋。

味噌汁
麵豉湯味好濃郁，加入昆布和🧅洋蔥令味道更加之好😋。

甘味
和風鮮果雪糕拿破崙
師傅話餐廳嘅拿破崙係瑞士一個比賽中得到冠軍🏆。上下兩層酥皮夠薄夠脆😍，中間柚子味雪葩，酸中帶甜，又冰凍🥰，上面就放咗非常甜嘅日本士多啤梨😋。3️⃣種口感各自各精彩，但同時又唔會互相搶走大家嘅味道，不愧為冠軍作品🎖，這個拿破崙真係好好味😋。

整體而言，食材非常新鮮，服務十分貼心，另外餐廳不論裝修、設計、佈局甚至餐具都風格一致⛰️，完全讓客人有一種身處於大自然🏞嘅感覺。
最後要多謝「阿勇」師傅，多謝佢當日用心嘅製作和詳細嘅解說🥰，讓我有一個高質素嘅OMAKASE體驗😊。
服務
內用
餐點類型
午餐
餐點：5
服務：5
氣氛：5

以山林為主題的餐廳，連器皿都特別講究，為餐饗添上儀底感。這裡的Omakase以食材分類，包括：山之御膳、蟹、和牛、海之幸、魚及雞，能照顧不同口味的客人。是日就直接選擇山之御膳（$1,888），廚師選用新鮮時令食材份入饌，視覺味覺雙重享受。

先付的海膽拼盤有來自5個地區的出品，包括：岩手、濱中町、根室、宮城及北方四島，海膽由淡至濃的吃，海膽控有福了！前菜的木箱內藏著三款精緻美食：燒帆立、小長井生蠔、北海道毛蟹

蝦夷鮑酒蒸肝醬相當精緻，藍色瓶子內是14代的清酒，令食材帶有清酒香氣，鮑魚肉質彈牙鮮嫩，喜歡酒香的可以再噴噴清酒。

季節刺身有帆立貝、牡丹蝦、鰤魚配魚腩蓉、北寄貝及大拖羅，樣樣鮮味十足又好味。鍋物的蟹肉鹹鮮美味，紹菜包菠菜吸收了湯汁，令味道加倍清甜。中途來一個柚子雪葩清清味蕾，迎接下半場的盛宴。

壽司有真鯛、間八魚、金目鯛、鮫鰈魚及自家醃製的鯖魚卷，各有特色。主菜A4宮崎牛厚燒，啖啖牛味且脂香十足，更有煙燻香氣。

食事的大閘蟹膏配松葉蟹肉，撈勻稻庭烏冬同吃，更有3款不同年份的黑醋，酸度和甜度各有不同，可以拌麵同吃，減膩之餘又有提鮮作用，蟹迷必定愛上！

最後的和風鮮果雪糕拿破崙的面層是軟糯的紅豆大福；下層是椰子雪糕，香脆拿破崙富牛油香，啖啖豐富層次。

衝擊味覺。視覺的 Omakase

終於有機會去日本旅行，但個人都己經未出發先興奮，要搵餐 Omakase 開心下

餐廳以山林為餐廳主題，裝修以和風木系為主，環境充滿禪意，簡約清新，感覺舒服

除左有可以欣賞到廚師既精湛刀功及烹調技巧既吧枱位置，其他坐位都舒適寬敞

鐘意打卡拍照既大家，食完 Omakase 之後，餐廳外面仲有一個面對跑馬地馬場既小露台，景色一流，千祈唔好錯過這個打卡位

餐廳以廚師發辦為主打，而且由多位五星級酒店主廚主理，設計出一系列別出心裁又創新既菜單

服務員每道菜都會用心介紹食材及品嘗方法，店員服務殷勤有禮，高質素的服務，值得一讚

食物方面:

山の御膳 : 十道菜包括先付、前菜、蒸物、刺身、鍋物、小吃、壽司、主菜、食事、甘味，順序奉上，不只是味覺，視覺也充分的享受了一頓豐富的晚宴

先付
日本產雲丹拼盤 (五種產地): 先付都已經夠曬奢華，煙霧視覺效果打卡一流，充滿仙氣，海膽來自岩手、浜中町、根室、宮城、北方四島，順序由清淡到濃郁品嘗，海膽味道甘甜，質感細膩，入口即溶，再配上金箔、魚子醬、三文魚籽，紫菜，芥末，配搭出各自味道

前菜
廚師發辦前菜三點 : 用上日式庭園為主既木盒上枱，擺設相當有心思，長崎真蠔肉身飽滿味道鮮甜,再加上青檸啫喱，口感清爽，灸燒北海道帶子肉厚鮮味，蟹肉刺身鮮甜濃郁，視覺同味覺都非常享受

蒸物
蝦夷鮑酒蒸肝醬 : 鮑魚肉質煙韌彈牙，配上咸香鮮味既鮑肝醬，味道更有層次，爽脆可口既寶塔花及椰菜，再噴上香水瓶造型的十四代清酒令鮑魚帶點酒香，如果想再濃味，可以再噴多少少清酒，非常有玩味

刺身
季節刺身五點 : 賣相非常特別，用一個黑色月球既外型上枱，打開後超有仙氣，入便係真鯛及大拖羅，入口即溶，另一邊係北海道帶子、牡丹蝦、鰤魚，由清淡到濃郁品嘗傘，刺身高質又鮮甜

鍋物
鱈場蟹龜甲鍋 : 昆布蟹殼湯用上多個鐘熬製，上枱仲用蠟燭保溫，味道清甜，飲落暖笠笠，半生熟既鱈場蟹腳肉質肥美鮮甜，再配上冬菇、本菇及包心菜菠菜蓉卷，鍋物夠豐富

小吃
季節雪葩 : 柚子雪葩，夠曬冰凍，味道酸甜清爽，清一清味蕾品嚐下一道菜式

壽司
精選壽司五貫 : 有金目鯛、北寄貝、深海池魚、鯖魚及鰤魚，魚肉鮮味，再配上蕎頭、牛蒡、蒜頭、薑片四款開胃漬物

主菜
A4宮崎牛厚燒 聖護院蕪菁 牛肝菌 : 賣相非常特別既一道菜，用上來自日本既禾稈草燻到宮崎牛肉粒到半熟，加上牛肝菌汁，肉質粉嫩，味道濃郁又帶有煙燻既香氣，再配上西班牙車厘茄及野生蘆筍，平衡返和牛粒的油膩感

食事
特濃上海蟹拌後文稻亭 10年陳意大利黑醋 : 稻亭烏冬配上松葉蟹肉，再加上熱辣辣既大閘蟹膏，真係相當有驚喜既組合，再加上不同年份既意大利黑醋，提升蟹肉蟹膏既鮮味

甘味
和風鮮果雪糕拿破崙 : 拿破崙非常酥脆，中間夾住椰子雪糕，再加埋士多啤梨，精緻美味的甜品，為豐富既 Omakase 完美作總結

名稱：山 Yama
地址：銅鑼灣耀華街38號The Zing!15樓
營業時間 : 1200-1500，1800-2230
前往方法：港鐵銅鑼灣站 A 出口, 步行約4分鐘
人均消費 : $800 以上
服務
內用
餐點類型
晚餐
平均每人消費金額
超過 HK$500

山之Omakase

以山佢主題的日式料理，餐廳以木系為主，環境幽雅，甚有和諧氣氛。

復活節假期開始喇
食個靚靚lunch為假期揭開序幕
揀左銅鑼灣有馬場景嘅山Yama
呢度除左有omakase之餘 仲有多款唔同嘅set lunch
我就揀左壽司盛12貫+卷物set
坐吧枱位一樣可以睇住師傅整同逐件上
同omakase冇分別 仲抵食啲添

先上開胃沙律同茶碗蒸
茶碗蒸好滑溜 面層加左三文魚籽增加口感
用蟹湯蟹肉去煮芡汁好鮮甜 仲有陣陣柚子清香

壽司12貫分別有：
⭐️深海池魚⭐️
近期最愛 油份比較重 肉質爽口
⭐️間八⭐️
加左手磨芝麻同新鮮紫菜 魚肉質感柔軟
⭐️沙鰈⭐️
魚生+醬油漬炙燒 同時食到兩種口感 油香豐盈 紫蘇葉帶出香味
⭐️地金目⭐️
油份魚味比較重 加入芽蔥增加香氣
⭐️北海道甜蝦⭐️
好鮮甜 配左用蝦膏煮嘅豉油 好甘香
⭐️野生鰤魚⭐️
魚腩魚油好重 正腩位切碎加大蔥好香 勁好食
⭐️北海道帆立貝⭐️
好鮮甜柔軟 加左柚子皮好清新
⭐️北海道深海銀鱈魚⭐️
炙燒過油香軟嫩 配柚子芽蔥減去油膩感
⭐️醋鯖魚⭐️
卷住紫蘇葉黃瓜青瓜絲同壽司飯 好清新好好食
⭐️鮟鱇魚肝⭐️
魚肝慢煮有酒香 甘香creamy
⭐️北海道馬糞海膽⭐️
味道甘甜濃郁 足足兩層成十片海膽 大滿足
⭐️熟成拖羅⭐️
勁鮮味 完全冇筋真係入口即溶 好想嚟多件呀

蔥拖羅手卷
手剁嘅拖羅加入蔥花 魚油香蔥香都咁濃郁

士多啤梨大福拿破崙
甜品好有驚喜 上層係紅豆大福 好煙韌
拿破崙勁多層 層次分明好酥脆 為成餐畫上完滿句號
服務
內用
餐點類型
午餐
平均每人消費金額
超過 HK$500

係香港第一次認認真真食都俾我揀左間好野
同日本食最大分別就係聽得明師父講嘅野👨🏻‍🍳
食食下見到有盆蟹仔🦀其實係拎黎炸作下酒菜

由前菜、壽司到甜品 每一道菜都充滿咗師傅嘅用心同細膩
讓人感受到日本料理嘅高水準🫣
壽司非常新鮮，魚肉質感鮮嫩，完全冇腥味🥰🫰🏻
每一口都令人回味無窮
啲環境非常舒適 可以放鬆心情 享受美食
師傅好風趣幽默👨🏻‍🍳同客人互動融洽
令成餐體驗更加愉快

❣️寿司盛1合书世12貫＋卷物 $728

🥗野菜沙律
🥚茶碗蒸
🍣真鯛
🍣深海池魚
🍣北海道甜蝦
🍣北海道帆立貝
🍣鰤魚
🍣(太好食，已經唔記得咗個名🤣)
🍣沙鰈
🍣地甘目
🍣毛蟹
🍣拖羅蓉手卷
🍚海膽飯
🍣熟成施羅
🥚玉子燒
🍣黑松露北寄貝手卷
🍲麵鼓湯
🍓士多啤梨大福拿破侖

3 小時的用餐是對味蕾和心靈的放縱。唯一不喜歡的是日式醬油蟹，醬油和螃蟹本身都不突出，和其他刺身菜比起來有點小失望。
餐點：4
服務：5
氣氛：5
建議的餐點
Fried Dish Sushi 6 Pieces