海南少爺(Hainan Shaoye)
營業時間
| 星期日 | 11:30–22:00 |
| 星期一 | 11:30–22:00 |
| 星期二 | 11:30–22:00 |
| 星期三 | 11:30–22:00 |
| 星期四 | 11:30–22:00 |
| 星期五 | 11:30–22:00 |
| 星期六 | 11:30–22:00 |
服務選項
外送
外帶
內用
產品/服務
小菜
咖啡
酒精飲料
啤酒
用餐選擇
早餐
午餐
晚餐
餐飲服務
甜點
設施
適合兒童
氣氛
氣氛悠閒
環境舒適
客層族群
適合團體
規劃
接受訂位
付款方式
信用卡
NFC 行動支付
海南少爺
早幾年係新加坡做過一陣野，對新加坡野食一直都念念不忘，一有機會都會係香港食下新加坡菜。今日係海城行完街，就去咗附近既海南少爺食個lunch。
今日放假好多人，但都我地排到窗口附近既卡位，有啲自然光透入黎，好舒服。新加坡野食融合咗好多中國菜既元素，所以其實好多選擇。海南雞，肉骨茶，炒貴刁，沙嗲，蝦麵等等。 今次人少少，試咗佢地幾樣野。??
海南雞飯，雞既份量都好多，而且雞好大隻下。雞既質地好嫩滑，而且有雞味，好唔錯。配海南雞既三個醬汁調味都好唔錯，尤其是個點醬油，甜甜地，同海南雞好搭，自己最鐘意呢個醬。飯有白飯油飯比大家揀，我就推薦油飯，香口好多！??
肉骨茶，今次我地就揀咗新加坡風味既，會比較重蒜同埋胡椒味。材料仲有三隻肉排，豆卜，腐皮同埋油炸鬼。肉骨茶唔算好辣，但胡椒味突出。而肉排好淋身，夾上手已經離晒骨，點埋個有辣椒既黑醬油，好好食。食肉骨茶，必定要配埋油炸鬼，好正架！??
馬來蝦麵
蝦麵湯底蝦味突出，而蝦既品質都幾唔錯，肉質彈牙，而且蝦頭既蝦膏蝦腦唔會苦。麵方面都好貼近新加坡既做法，有油麵同米粉，啲回憶返晒黎。☺️☺️
沙嗲肉串(6串)
今次我地揀咗雞肉同埋豬肉。個人覺得雞肉串比較好食，嫩滑啲，配埋少少香茅味同花生，都好唔錯。??
【當少爺阿叔??遇上海南少爺?】
好一段時間無食海南雞飯?喇！見之前去開尖沙咀做嘢，就心思思嚟咗一個海港一個城嘅商場探吓另一位少爺?。呢位少爺主打星馬菜，店內最出名就係食海南雞飯?、肉骨茶?同埋喇沙?。咁耐無食，一場嚟度，就3樣都叫晒佢！☺️☺️☺️
?海南雞飯拼馬來西亞肉骨茶 ($120)，一個套餐包晒兩款招牌菜，解決晒大家嘅選擇困難症。主菜海南雞以雞湯?低溫慢煮，之後再拎去浸冰水，所以肉質夠晒幼嫩，加上無骨啖啖肉，食得好滿足?！雞肉?雖好，但雞油飯亦同樣重要，呢度嘅飯以秘製雞飯醬、雞湯、香茅同班蘭葉蒸煮，香口而不油。???
另外，肉骨茶?味道濃厚，有濃郁嘅藥材味，雖然係迷你版，但其實份量都唔算太少，有成碗雞油飯咁大架！☺️☺️☺️
?喇沙($98)，同肉骨茶一樣可以迷你版形式拼埋海南雞飯成個餐食，亦可好似阿叔咁單點叫。喇沙湯底好有椰香味?，配料有大蝦?、半隻蛋?、魷魚圈同魚片。有別於其他東南亞餐廳，呢度嘅喇沙配以摻摻(即米粉同米線)，索晒湯汁一齊食，更滋味！???
本身有遠房親戚係星洲同馬拉人
以前當然會去下當地玩下 食下地道野咁啦
忽然想回味一下肉骨茶
個人喜歡「新加坡」??清湯肉骨茶多於「馬來西亞」??的藥材肉骨茶?
.
加上海南少爺出名海南雞 皮簿肉爽
令人好懷念係星州??既大排檔食餐便飯都可以好好食既回憶
前幾日同朋友去開尖沙咀行街，經過海運大廈，海運大廈入邊嘅餐廳唔少都可以望到海景，氣氛唔錯，其中有間星馬菜式幾特別，於是同朋友入去試吓。
印尼炒飯配沙嗲串燒 $98
印尼炒飯炒得好香，飯粒粒粒鮮明，有鑊氣味。串燒有兩串，配埋炒飯一齊食，又幾夾喎。
招牌海南雞飯 $99
海南雞飯用上咗百日三黃雞，好香，同埋雞味特別重，肉質鮮味，食落肉嫩味甜。雞再點上三色醬，甜辣酸集於一身，海南雞水準出色。雞油飯好香，值得揀油飯，飯有香茅同斑蘭葉味，香味十足。
新加坡肉骨茶（白胡椒蒜頭）$128
有砂煲裝住嘅肉骨茶，已經別有一番風味。食材非常豐富，有原隻蒜頭、一字排、藥材等等，有驅寒暖胃嘅作用。肉骨非常嫩滑，肉香十足，好好味。
肉鬆煉奶夾酥餅 $62
酥餅一定要趁熱食，熱辣辣嘅酥餅，肉鬆完全吸收晒煉奶嘅精華，咬入口嘅時候又甜又香，作為小食一流㗎。
新加坡番薯喳喳（熱）$48
材料十足，估唔到入面仲有芋圓、紫薯園、地瓜圓，每一粒都好香，食得出唔同嘅味道。糖水亦有好香嘅椰汁味，有驚喜，一定要試吓。
海港城隱藏住一間好受歡迎又排長龍嘅馬拉菜??
星洲醬油參巴炒蘿蔔糕
蘿蔔糕外脆內軟 配上星洲醬油 炒到好有鑊氣 入口較油 勁惹味 帶有少少甜香?? 香口之選‼️
印尼炒飯配沙嗲串燒
炒飯味道超香濃 味道有啲似蝦油加星洲醬油 小邪惡? 除左面頭隻太陽蛋 仲配有兩枝沙嗲串燒 沙嗲味好重 仲有蝦片伴碟 成個飯都好重口味 大份夾抵食?
小食拼盤
有二人份嘅海鮮釀油條、香茅蜜糖單骨雞翼、金絲網蝦春卷等星馬小食 海鮮釀油條係將香濃蝦滑 釀係半截油炸鬼入面 食到蝦鮮味同油香? 蝦春卷都好正?
奶油肉鬆夾薄餅
係將煉奶同肉鬆夾落印尼薄餅 奶油味唔重 可以要求更多煉奶自己落 當甜品食? 好抵食?
蠔仔煎蛋餅
超多蠰肉 而且蛋香味超重‼️ 口感厚實 好有實在感 未脆邊超香口?
總括而言 呢度嘅食物好驚喜? 質素超乎我想像 而且價錢都好平 要食飽其實人均$150至$200都可以☺️ 極推介大家前來一試?
餐廳環境唔錯
第一個感覺其實有d似中菜嘅設計
連Menu同茶壺都好中國風
Menu第一頁有佢地嘅少少簡介
可以了解到餐廳嘅理念
呢方面我係幾中意嘅~
菜式方面都有好多選擇
海南雞就必定係我嘅心水
另外再叫左沙嗲串燒
馬拉盞炒通菜同埋新加坡風味嘅肉骨茶
由於我確實太中意食海南雞
所以喺例牌同半隻之間我揀左半隻雞
雞都好香滑就算唔點薑油甜醬辣醬都好好味!
佢再有d 青瓜墊底~青瓜都爽脆好味
再黎就係肉骨茶
呢道菜佢都好有心思同誠意
佢有個爐有火keep warm 住
煲肉骨茶有三條骨 肥瘦適中好好味
唯獨個胡椒湯我個人黎講覺得可以輕手少少
最後炒菜同串燒都幾好達到水準!
呢餐食得好開心好滿足
都希望可以快d有得飛去新加坡啦!
海港城海運大廈入面原來都有唔少食肆選擇，又忍唔住想食喇沙?
餐廳近窗邊位置可以望到海景，不過午市時間好多人我就無咁好彩啦?
·
ʜᴋᴅ 98
睇落就覺得好豐富，有三隻大蝦，魷魚圈，豆卜同溏心蛋?湯底椰香味好濃，少少辣啱啱好?麵底都係摻摻，係米粉加粗麵。大蝦新鮮彈牙?
·
ʜᴋᴅ 99
呢度嘅肉骨茶分咗新加坡同馬來西亞兩款，前者係白胡椒蒜頭為主??後者則以藥材為重??
午市套餐嘅肉骨茶似乎同單點嘅唔同，少咗個爐但味道應該一樣?湯底非常濃！白胡椒同蒜頭味都好突出?不過飲完之後都無口渴所以應該無味精?兩大條一字排好軟淰入味，輕鬆咬得開?
·
+ʜᴋᴅ 28
午市套餐加少少錢仲可以食其他小食甜品，呢個馬拉盞通菜就炒得幾出色?好油潤但會令人keep住想食
·
Lunch Set會包埋飲品，另外除咗加一服務費之外仲會有茗茶??ʜᴋᴅ 8一位?
?氣派感古典星馬風味盛宴?
#海景餐廳??
餐廳座落在尖沙咀海港城海運大廈地下，室內格局典雅，用了落地玻璃窗設計，飽覽海景景觀，營造優雅寫意的用餐空間。重點是平日可以享用$100內的午市套餐，一邊品嚐招牌海南雞、肉骨茶和椰香喇沙，一邊欣賞維港碼頭的醉人海景。
．﹒‧°∴°☆．﹒‧°∴°﹒☆°．﹒‧°∴°☆．﹒‧°∴°☆
我們點了午市套餐：
? 招牌海南雞飯 $99
? 椰香海鮮喇沙 $98
? 追加：馬拉盞炒通菜 $28
? 追加：新加坡番薯咋喳 $28
．﹒‧°∴°☆．﹒‧°∴°﹒☆°．﹒‧°∴°☆．﹒‧°∴°☆
?招牌海南雞飯 $99
餐牌上寫了可以+$8轉雞髀/雞胸，但我們決定不加錢，試試正常的雞肉質素！結果上菜的是例牌份量，有一半是雞胸，一半是雞髀。☺️ 雞肉全部已經去骨，雞髀部分尤其吸引，肉質雖不算超級滑嫩，但油脂分佈平均，雞皮和雞肉之間更加有一層薄簿的透明啫喱！✨ 雞油飯的飯粒軟糯，味道鮮香，配上一碗暖暖的雞湯十分滋味！
推介程度：????/5
?椰香海鮮喇沙 $98
椰香海鮮喇沙的湯底是濃厚的咖哩椰奶湯頭，口味微辣偏甜。可以吃得出來喇沙膽是由香料、辣椒與蝦米炒成，鹹香惹味。這個海鮮喇沙材料豐富，有蝦、魷魚圈、魚片、豆卜、溏心蛋等等。?? 海蝦的蝦肉十分新鮮爽彈，豆卜完美吸收了喇沙的鮮香湯汁。
我本身非常喜歡吃喇沙麵食，所以對喇沙湯底會有高一些的要求。咖喱醬略嫌不夠辣，偏向港式口味。麵底是米線和米粉，如果湯汁再稠一些，會更加掛湯。?
推介程度：????/5
?馬拉盞炒通菜 $28
馬拉盞炒通菜是追加的，不過份量仍然很足夠，馬拉盞和辣椒絲十分惹味。
?新加坡番薯咋喳 $28
這道馬來經典甜品是熱吃的，餐廳用精美的中式盅壺盛載，非常適合天氣寒冷時點來吃。椰奶糖水中的西米粒粒分明，黃心番薯和芋頭?煮得鬆軟入味，配上綠色的斑蘭粉條、芋圓和蕃薯圓真是超級滿足！
．﹒‧°∴°☆．﹒‧°∴°﹒☆°．﹒‧°∴°☆．﹒‧°∴°☆
吃完偏重口味的星馬菜式後，我們都感到有點口渴。雖然隨餐奉送咖啡或茶，但我們還是比較喜歡餐廳奉上的一壺荔枝紅茶?。茶葉浸泡後沖出來的熱茶帶有荔枝花香，香味清新怡人。?
≡※≡※≡※≡※≡※≡※≡※≡※≡※≡※≡※≡※≡※≡※≡※
海南少爺 (尖沙咀)
尖沙咀廣東道3-27號海港城海運大廈地下G16號舖
≡※≡※≡※≡※≡※≡※≡※≡※≡※≡※≡※≡※≡※≡※≡※
招牌海南雞（半隻） $238
雞肉新鮮嫩滑，雞皮爽口，冇乜多餘脂肪；雞件除咗一隻雞中翼有骨之外，其他全部都冇骨，食起上嚟啖啖肉好方便，啱曬我呢啲懶人。雞油飯入面有啲薑絲，令成個飯香而不膩；個湯有陣青瓜嘅清甜味，一飲就知唔係味精湯。
新加坡肉骨茶 $168
份肉骨茶一上檯已經聞到好香，食落有陣淡淡嘅藥材味同濃郁嘅白胡椒味。入面嘅配料有排骨、豆卜、油炸鬼、蘿蔔同炸支竹，排骨啲肉好腍，煲到入曬味。
星洲醬油參巴炒蘿蔔糕 $88
蘿蔔糕煎到表面微脆，中間軟糯，撈埋啲黑醬酒、參巴醬、雞蛋、菜脯同銀芽一齊炒，甜甜辣辣咁，口感同味道都好豐富。
好食馬來西亞菜[晚市．電子下單]
幸好來到的時候不太晚，避開了晚點驚現的長長人龍(笑)。我們倆入座後，店員貼心地給我們多一張椅子放袋子放東西。
茗茶：荔枝紅茶 (每位$8) ✨ 一般食肆較少見，香之餘茶味夠濃，可解膩；青花瓷茶壺更是添了份美感~
鹹蛋黃軟殼蟹 ($208) ? 外脆內嫩、肉厚不會乾；鹹蛋黃份量很足，高熱度令這碟不膩
印度手拍酥餅配咖哩汁 ($48)
酥餅鬆軟，熱呼呼的；咖哩汁重椰汁味，怕吃辣的一定不怕吃這個
招牌海南雞飯 ($99) ?? 雞 – 既香滑、又不肥膩；愛吃菜的本人亦表示很滿足
烤杏仁奶荼 ($30) ? 雙重焦糖奶荼 ($30)
所有飲品皆可選多/少冰、甜、奶；烤杏仁奶荼「烤」味十足，厚厚忌廉為我的走甜飲品帶出些少甜，味道剛剛好；友人表示爆谷可更脆
好鍾意去海港城行街覓食?? 今日就想試下呢一間新派餐廳海南少爺??
餐廳裝修別有特色，座位寬躺? 如果坐到窗口位，更可以有維港景色??
海南雞（半隻）$ 188
叫咗佢一款招牌海南雞半隻配油飯及湯 海南雞己去骨，肉厚有雞味，雞胸肉特別滑，雞皮厚爽脆??油飯散發著淡淡油香味
海南椰子雞湯$ 88
我自己好鍾意椰子?雞湯?? 味道清甜飲到淡淡椰香味?
炒貴刁 $ 98
炒貴刁一定要趁熱食?用上傳統材料蝦仁、雞蛋、臘腸、魚餅…材料豐富 味道鹹甜中帶辣，火候十足
印度酥餅配咖喱汁48
酥軟的印度烤餅，搭配咖哩吃非常美味，咖哩汁好香如果在多d就好 ??
柑香蜜雨$ 28
酸酸甜甜，非常開胃解制
?尖沙咀星馬菜?
每次星期五過嚟呢頭食飯都要準時收工, 如果唔係實要等位. 今晚有啲想飲胡椒豬肚湯, 就嚟咗呢間食. 坐低嘅時候都仲有一兩張空枱, 然後下一秒已經full咗?
?新加坡肉骨茶(白胡椒蒜頭)
配料豐富, 除咗好入味又腍嘅排骨之外, 當然仲有響鈴, 豆卜, 油炸鬼, 炸魚皮, 支竹, 豬手等等食材. 全程仲有個火爐喺個鍋下面keep住個湯熱辣辣✔️
?海南雞(半隻)
有得揀一隻/半隻, 第一次食就半隻. 配油飯同雞湯. 油飯好好味, 半隻雞切咗有十幾件, 肉質嫩滑, 肥瘦適中. 三隻醬汁我最鍾意都係配豉油汁食✔️
?炒貴刁
醬汁惹味, 蝦仁爽口彈牙, 河粉同油麵夠鑊氣, 同臘腸一齊食好好味✔️
?美祿哥斯拉/ 珍多冰
食咗咁多味道比較濃嘅嘢, 都要叫番杯凍飲. 推介凍嘅美祿同珍多冰✔️
?個人必食推介: 肉骨茶, 海南雞
今日係海港城行完玩具反斗城有d肚餓 見到海南少爺今日竟然唔洗排隊 就去左海南少爺食翻個Lunch醫下肚先?
餐廳入面係可以望到海景架 有自然光入黎舒適又岩打卡?依家都轉左係自助scan Qr code落單??
黎得依到一定要食佢既招牌海南雞飯?加左$8蚊轉雞脾 而且可以轉白飯/油飯?成個餐會有三個唔同醬汁同埋清雞湯?豐富好夠飽☺️
海南雞方面好嫩滑同埋量多 食食下好似食極都有?加上有青瓜食得多唔會膩！
而同朋友都加左兩個小食 「金絲網蝦春卷」+「香茅蜜糖單骨雞翼」?
金絲網蝦春卷 係必食！必食！必食！重要既事要講三次
金黃色脆 上枱要趁熱食 一口咬落去係脆卜卜！但係d碎又唔會好卡喉嚨 已入面既食餡料亦都好Juicy ?
香茅蜜糖單骨雞翼 都係炸得好脆而且最中意單骨架啦 可以保持儀態 食得好方便?
前排放工去左位於尖沙咀嘅「海南少爺」，因為聽朋友介紹話呢間嘅海南雞飯好出色，咁就要試一試?
當日去到雖然因為疫情關係，只有6款款式可提供選擇，但其中4款已經係小編嘅心頭好?所以就買哂呢4款返哂屋企食?
海南雞(半隻) + 湯 + 雞油飯 $200
首先講吓啲雞油飯先，唔會太過油膩，但有雞油香味，味道亦唔錯?而啲海南雞又煙韌又嫩滑，半隻真係唔係好夠喉?
印尼炒飯 $100
呢個印尼炒飯相當足料?又有荷包蛋又有兩串串燒，加埋炒飯底，食幾多都唔會嫌?
炒貴刁 $100
炒得好香，好夠鑊氣！材料亦好豐富，有好幾隻大蝦?，令人好想一食再食，食唔停口?
咖哩牛筋腩飯 $90
呢個咖哩撈飯一流?加埋有好冧嘅牛腩，同埋 煙韌得黎又唔羶嘅牛筋，真係送飯一絕?
上湯菜心 $80
食咁多肉當然都要食返啲菜清一清，中和一下啦?啲菜心又爽又甜?
P.S. 呢排外賣自取仲有8折呀！??
早幾日同屋企人喺海港城shopping完之後，都已經6:00 ，冇晒晚市堂食，咁我哋就買外賣返屋企食啦，而且外賣晚市仲有八折，仲可以用海港城coupon?
雖然夜晚個Menu得幾款選擇，但係食物嘅質素都好高質，今次我哋就叫咗全隻海南雞配雞油飯同雞湯，炒貴叼，印尼炒飯配沙嗲串燒，仲有黃咖喱牛筋腩飯
全隻海南雞份量都好多，有兩盒雞，而且好滑，雞肉都好滑，亦都有各兩碗雞油飯同雞湯其實都足夠2-3個人食?
炒貴叼好足料仲好有鑊氣，又有蝦仁、雞蛋、臘腸再配上河粉，好好味?
印尼炒飯配沙嗲串燒，炒飯底，再配上串燒，加上煎蛋?，串燒肉質都好滑，唔會有好乾身嘅感覺，仲有有滿滿沙嗲醬係上面
黃咖喱牛筋腩飯，咖喱同飯分開裝，除左有牛筋同牛腩之外，仲有薯仔同紅蘿蔔，而且咖喱唔係好辣，牛腩郁好淋好入味?
整體來講，雖然係外賣但係分量都好多，而且味道都好好味?，一家人都好滿足??♀️
海景星馬餐廳??
沙嗲串燒拼盤
有6串同12串可以選擇，同埋可以揀豬、雞、牛??
今次就試左豬，豬肉好嫩滑又多汁??仲烤得好香添，佢地既沙嗲汁調配得好好?入面仲有花生粒，有口感得黎仲好惹味???
新加坡古法黑豉油雞飯
黑豉油雞好入味，豉香濃郁，又唔會偏鹹喎，撈飯一流????^_^
雞肉質嫩滑又肥美，油飯帶有小小薑味，我中意❤️❤️
蔥油手拍酥餅配咖喱汁
酥餅外脆內軟，帶點煙韌又有D蔥油既香味??再沾上香濃嘅咖喱汁，簡直絕配??
牛板腱喇沙
牛板腱肉質好嫩滑又重牛味?而湯底濃郁得黎有重椰香，入面既豆卜同米線索晒D湯汁，味道超正??十分推介??
焦糖爆谷奶茶
奶茶好香好滑，飲落又唔會太甜，上面仲有cream同爆谷可以食，超有口感??
熱帶雨林
由石榴、番石榴、菠蘿、香橙製作而成，成個感覺好清新，消暑一流??
?有驚喜嘅肉骨茶?
?想試肉骨茶好耐..又驚藥材味好重接受唔到..今次試咗海港城嘅海南少爺..幸運地俾咗大玻璃海景位我哋??超正??
?馬來西亞肉骨茶 [藥材］$1️⃣4️⃣8️⃣
↪️響鈴 · 豆卜 · 油條 · 炸魚皮 · 炸支竹
三吋排骨 · 豬肚
?肉骨茶用砂煲上..下面有火熱住佢相當細心..肉骨茶湯底藥材味非常濃郁..我哋揀咗排骨同埋豬肚..排骨相當入味..軟嫩..豬肚十分爽脆..加埋佢哋特製嘅豉油..真係一絕..
▫️
?招牌海南雞［半隻] $1️⃣9️⃣8️⃣
↪️配雞油飯及雞湯
?雞唔會太肥又唔會過瘦啱啱好..肉質夠滑..加埋海南雞必須嗰三隻醬同埋一碗好香嘅油飯呢個就係今日嘅主角其中之一
▫️
?雲耳雜菜炒粉絲 $7️⃣8️⃣
?起初以為呢個係一個普通嘅粉絲什菜..純粹係想有條菜食下..但係點知醬汁原來好鬼濃味..尤其是啲粉絲吸晒啲醬汁..而且仲好鬼煙韌..當佢係一個麵食都得?
▫️
?肉鬆煉奶夾酥餅 $6️⃣8️⃣
?純粹覺得幾特別..未食過..但係自己有對酥餅類嘅嘢特別有興趣所以試吓..酥餅煎得幾脆..食到少少煉奶嘅甜味又食到中間滿滿嘅肉鬆..口感幾得意..但係究竟呢個係甜品..定係鹹食呢?
#尖沙咀
?而家好多餐廳都轉用QR Code 落單, 放便快捷又會錯, 錯都只係自己錯, 無得賴, 少好多爭拗! ??
馬來西亞肉骨茶配飯, 餐凍飲 +$3, $102 ~ 肉骨茶有分?♀️新加坡口味及馬來西亞口味2款, 馬來西亞口味是滿滿的藥材, 新加坡口味則是白胡椒及蒜頭!
?其實肉骨茶唔係茶, 係濃湯, 以肉排熬製多個小時的濃湯! 一般都係配白飯或者油條蘸湯食, 不過最唔明係點解馬來西亞人可以以肉骨茶做早餐, 因為較咖啡更醒神嗎?
?肉骨熬製後骨肉分離, 蘸上黑醬油, 別有一番風味!
?海南雞油飯拼椰香海鮮喇沙 $152 ~ 飯可選白飯或油飯, 海南雞飯可加錢要全腿或全胸! 我們沒有特別要求, 上菜時是半腿半胸! 雞皮與肉中間夾有滿滿啫喱, 肉質細嫩! 喇沙是半米粉半麵, 正宗! ?咖哩椰奶湯頭, 配芽菜、香菜、?蝦、魚片、?魷魚、糖心蛋等等! 雖然係油飯, 但唔會一口油, 好香!
?加配小食, 海鮮釀油條 $32 ~ 海鮮釀得滿滿的, 油條炸得香脆, 海鮮膠好爽脆, 成件事好配合, 讚!
.
.
.
?海南少爺 Hainan Shaoye
?尖沙咀廣東道3-27號海港城海運大廈地下G16號舖
.
.
.
@hainanshaoye #hkig #hkigers #hkfoodblogger #foodie #foodies #hkfoodie #igfood #hkfood #greatfood #foodblog #foods #food #foody #foodieHK #美食 #香港美食 #食 #食評 #吃貨 #食好西 #相機食先 #instafood #海南少爺 #海南雞飯 #海南雞 #ilovefood #yummy #海港城 #肉骨茶
同屋企人去海港城食下野，去了這間坐得舒服，又好高性價比嘅餐廳。
餐廳內菜式選擇都好多，啱曬鍾意樣樣食少少嘅屋企人?
個人最鍾意招牌海南雞飯，最驚喜的是同時有雞胸同雞脾，適合唔同人口味?雖然只是點了招牌海南雞，份量都幾多了，雞肉肉質鮮嫩，是正宗海南雞整法，飯嘅雞味濃香得來也不肥膩～
另外椰香海鮮喇沙也相當高水準！舖面的三隻?鮮甜彈口，調味濃香得來不算太辣，還有流心蛋、魚蛋等，好足料之餘好好味?
星洲蠔餅是比較厚蛋的整法，配上粒粒蠔，口感好好～
屋企人最欣賞這個怡保芽菜，芽菜肥之餘甜爽，配上味道剛好的鹹香調味，好惹味！
檸檬蜜糖惹米水喝起上來好清潤，而且好多惹米～
難得在海港城找到一個性價比高而且食物質素幾好的餐廳，下次再來☺️
前排聖誕節去party瘋狂玩Board Game♟️
搞到我都心思思想買d新game 玩
所以今日就去左尖沙咀呢間好大嘅玩具反斗城買新野
買完之後見到隔幾間鋪嘅海南少爺睇落好似幾吸引 又多人等位
就決定晚餐係度落腳?
.
?沙嗲拼盤（6串） ($98)
串燒拼盤可以揀豬、牛、雞中三選二
我哋就係揀咗豬同牛
肉質非常鬆軟 而且醃得好入味
加埋秘製醬汁簡直一流?
.
?馬來西亞肉骨茶 ($148)
餐廳有齊馬來西亞風同新加坡風嘅肉骨茶
而我同朋友因為鐘意藥材味肉骨茶多d 所以就點左呢款
肉骨茶可以從三吋排骨、豬手、豬腩肉、豬肚中選擇兩款配料
而且仲有一盤配料(響鈴、豆卜、油條、炸魚皮、炸支竹)分開上
湯底好好味 有濃郁藥材味 仲見到有放北芪、蒜頭、冬菇等等
冬天食非常滋補 價錢又唔貴?
.
?椰香海鮮喇沙 ($108)
喇沙亦都係星馬菜必食之選?
材料有蝦、魚片、豆卜、魷魚等等 大大件 夠足料
而且我亦都好鐘意佢嘅湯底?
椰香味濃郁嘅 而且唔會太辣 成碗麵嘅份量都幾大
.
?海燕窩燉椰皇 ($68)
食完飯再點咗個甜品 原個椰王上枱?
第一次食海燕窩覺得佢質地好特別 有d似啫喱
雖然佢唔係燕窩 但係口感的確有幾分相似
加埋清甜椰皇水同埋片片椰肉 食落好清甜滋潤
.
呢度嘅前菜小食係鹹蛋黃炸魚皮
魚皮卜卜脆再加埋啲鹹蛋黃?
邪惡得黎又好好味 忍唔住食哂成碟
仲有餐廳用嘅茶都非常特別?
飲落淡淡荔枝味 味道清新甘甜 令人一試難忘
第二次食~
茶好特別 香又舒服
味道水準好
好味，坐位舒適
食物美味，海南雞滑
海南少爺
**********
海南雞飯? 拼 新加坡肉骨茶??（$120）
無骨海南雞雞肉口感嫩滑?
油飯充滿油香而不膩，粒粒分明?
–
新加坡肉骨茶??
?推介?
跟餐細細碗，真係唔夠喉?下次要叫一大煲呀！
–
先講新加坡??肉骨茶同馬來西亞??肉骨茶有咩分別
新加坡??嘅就係白胡椒蒜頭味?較重
馬來西亞??嘅就係藥材味較重
–
今次揀咗白胡椒蒜頭味?，細細碗肉骨茶入面仍然非常足料，有豆卜、腐竹、豬骨、蘿蔔，重點係有成大半個蒜頭?！超勁?雖然有咁大個蒜頭?，但係唔會蓋過其他味道，而且白胡椒有微微辛辣，可以暖吓胃????
–
加配
沙嗲雞串燒?（$24 / 2串）
串燒可選擇雞?/豬?，雞肉比較嫩滑
沙嗲汁望落好似好辣，但食落原來唔係嘅…反而食到甜甜地，仲有大量花生粒?，令到串燒更加香口！
–
配是日飲品?
龍眼蜜
天氣咁凍最啱飲熱飲，有杞子龍眼，特別滋潤?
**********
雞絲青瓜夾酥餅（$68）
一份4件，雞肉配爽口青瓜，加添清新感覺，仲有少少甜甜嘅醬汁，唔會太膩
**********
海南少爺位於海港城，餐廳內可望海景，景觀開揚??
食物一般，服務態度九流
環境好/服務好/炸春卷好食…烤餅汁幾好…其他食物一般
服務態度很好，東西也很好吃
A Malaysia style restaurant. Busy place with no reservations, on a first come first serve basis. Four of us ordered 5 items including one soup, one satay sauce kabobs, rotie, hand shredded chicken salad and one stir fry vegetables plus two dessert. Taste really good and come very quick with the exception of dessert which takes more than 15 minutes. It worth waiting cause it’s delicious too. It cost more than $800 which is not cheap but it’s worth it. Recommend.
Romantic Sunset in Tst? I love it!!
Have a tea next time 🙂 …
Amazing view amazing food
Took my foreigner friends here and they liked it
Only worth it if you get the seats by the window
愉快的晚上！
Delicious food served
Besides, staff are helpful
好味，好好味
好好
高質餐廳
海南少爺
地址：尖沙咀廣東道3-27號海港城海運大廈地下G16號舖
人
去尖沙咀想搵間精緻啲嘅餐廳，坐得要舒服，裝修要靚，仲要好味道，生日月就梗係要對自己好，食好啲。
精緻嘅茶具散發茶香$16
真係好鍾意精緻嘅餐具，睇到賞心悅目，杯茶都好似特別香，入口回甘。
鹹蛋魚皮$12
邪惡嘅代表，勁好食，真係食左半粒蛋黃，魚皮勁脆就不用話下，平時好驚食到魚皮係勁鹹嘅，今次係濃淡適中，食到確確聲。
招牌海南雞半隻+油飯$238
講得招牌就一定要食，擺盤好靚，半隻雞都好似好多，無骨啖啖肉，雞肉香味散溢，真係有雞味，好耐冇食過咁原汁原味，又香甘滑，值得食。油飯唔油膩，有三款醬汁配送海南雞，送飯一流，我最鍾意食就係辣味。
沙嗲拼盤$118
三串雞肉同三串牛肉，份量非常足，肉質厚身大件，鮮嫩可口唔會韌。牛肉鮮嫩多汁，證明燒得好，技術有用心。
香脆蜜糖單骨雞翼六件$82
單骨雞翼，外脆內嫩，大小適中，一啖擺落口，口感豐富，爽。
星期一晚上六點半黎到海運大廈，唔知係咪因為落完雨，商場G/F無咩人，唯獨係呢間海南少爺坐左一半客人。
Waitress好殷勤招呼後，就奉上熱茶同小食。呢度serve既茶比較特別，係荔枝茶，真心好飲！小食係鹹蛋黃魚皮，魚皮非常之脆！！我中意佢調味唔會鹹得黎有微微既鹹蛋黃香，相對比較健康。（茶芥$16/位, 小食$12/碟）
招牌海南雞飯（$128）可免費選油飯，湯清一點油都無，仲有甜甜既杞子，值得一讚。
馬來西亞肉骨茶配鹵水 （$228）配料選左排骨同豬手，另附上一碟魚皮響鈴油炸鬼，鹵水併盤則有豬手鹵水蛋豆腐。肉骨茶好濃郁，又係一滴油都冇，不俗。
椰香海鮮喇沙（$128）餸料有魷魚圈，蝦，魚片，蛋同豆卜等。
朋友仔推介我去海港城食D間星馬菜，話D間肉骨超好味同價錢合理！環境好舒服，又有無敵海景，好正！☺️
餐前小食有鹹蛋黃魚皮配荔枝紅茶☕️，好滋味，魚皮脆卜卜爭啲食到停唔到口，荔枝紅茶好有果香味道，好好飲，我幾乎添飲咗兩次?
?馬來西亞肉骨茶，味道香濃，藥材味又唔太重，D排骨同豬肚好淋好入味，配料又豐富有響鈴、炸豆卜、油炸鬼、炸支竹…..個肉骨茶以火爐keep 住熱熱地咁食，好細心❤️吾怪得之我朋友極力推介?
?馬來蝦麵，湯底有濃澧蝦味D蝦又大隻又爽口，份量仲十足添，都好飽肚?
?串燒我哋要咗豬同雞好juicy ,又冇過火，D沙嗲汁先係重點，粒粒花生香味，絕配?
?薄餅一定要襯熱食，加埋咖喱汁食到停唔到口，超大滿足?！，
網上見到海南少爺外賣自取有8折，咁啱喺海港城附近，就過咗嚟買外賣！可能因為好抵食嘅關係，嗌外賣嘅人都唔少呢！
呢度同時供應馬來西亞及新加坡白胡椒蒜頭肉骨茶，我自己就鍾意藥材味濃嘅馬來西亞肉骨茶！呢度嘅出品唔錯，肉味香濃，配上各種藥材嘅獨有香味，入口濃香鮮甜，毫不油膩。肉骨茶跟2款配料，我揀咗排骨及豬肚，份量都唔少，排骨燉得軟腍入味，好食！其他配料，例如：響鈴，豆卜，油條，炸魚皮及炸枝竹則另外分盒盛載，確保食嘅時候保留香脆口感，非常貼心。
海南雞飯係呢度嘅招牌，當然要試下！有半隻／全隻／一人餐選擇，我揀咗一人餐志在試多d嘢！雞肉嫩滑，雞皮爽彈，跟埋三色醬同一碗雞湯。油飯好香，不過真係比較油，食完罪惡感較重。呢度有一格擺菜，可以平衡一下膩感。
黑蘿蔔糕都唔錯，蘿蔔糕外脆內軟，同埋芽菜，蔥條及蛋花一齊炒，味道惹味，好容易一粒一啖食唔停口。
外賣份量好足，並無因為8折而將貨就價。咁多食物4個人食都係$500左右，好抵！食物水準都唔錯，性價比算高！
邂逅•海南少爺♥️
今晚約左好朋友去海港城選購聖誕禮物?。下個月就是最愛的聖誕節??，商場的佈置洋溢著濃厚聖誕氣氛。 購物完，我們亦挑選左「海南少爺」這間餐廳晚餐歎新加坡菜??。
餐廳環境舒適廣闊，坐位舒服。 還有維港美景相伴，食物款色多而價錢又合理。
–
先奉上餐前小食及帶有荔枝香的一壺熱茶，「黃金炸魚皮」。 魚皮金黃脆香，伴上咸蛋黃，份外惹味。
–
♥️雲耳海哲頭
先來清新的涼拌前菜，雲耳及海哲頭份量多，口感爽脆。
–
♥️沙爹拼盤
東南亞美食之中，沙爹串燒可說是我的至愛。選擇了雞及豬肉串，醃過再烤，味道香口，串燒入口時再蘸香甜帶椰漿味的沙爹醬，辛香開胃。
–
♥️新加坡古法黑豉油雞飯
油雞肉質厚實，味道鮮香嫩口；古法黑豉油秘製出色惹味。配上油飯及雞湯，令人滿足。
–
♥️沙茶牛肉芥蘭
冬季芥蘭當造份外甜，牛肉份量十分多，片片厚切，賣相漂亮。牛肉炒得軟嫩不老，而沙茶醬香氣提升整道菜式味道。
–
♥️星州蠔餅
星馬蠔餅以蛋香為主。粉漿厚薄適中，炸至色澤金黃，中間包裹著粒粒蠔仔。蠔味香濃質感軟糯，而且充滿海鮮香香。點上微微酸辣醬汁，惹味非常。
–
♥️海鮮叻沙麵
湯頭主要是由叻沙醬、椰漿等組合而成，味道香甜溫和。混合了米線和米粉，食起來口感特別有層次，完全吸收蝦湯的精華
?除了鮮蝦爽甜，還有豆卜、魚片、魷魚、流心蛋等配料，很滿足。
( ͡° ͜ʖ ͡°) 海 南 少 爺 – 新 加 坡 菜
❝ 海港城星馬菜高??之選
必點肉骨茶❗️❞
指定前菜有黃金炸魚皮
鹹蛋黃好香 魚皮炸得夠脆
非常惹味 密密食～
佢地嘅茶係好清香嘅荔枝紅茶
好少連茶都咁有特色
真係可以連飲品都唔使叫
✿ 牛板腱喇沙 $98
湯底好香濃充滿喇沙油香
米線都好掛湯汁
牛肉份量都多重有豆卜吸哂湯精華
好大碗 ?????都幾唔錯嘅～
✿ 招牌海南雞飯 $108
海南雞夠滑 有三款醬汁點
油飯好香熱辣辣 配雞一流！
另外佢個湯都好清甜 不錯的～
✿ 馬來西亞肉骨茶 $148
好耐冇食過肉骨茶
好掛住馬來西亞嘅美食
最鍾意佢夠濃味同藥材味 好滋補
有火爐煲住夠哂熱辣辣
選左腩肉同排骨 兩樣都好好味
仲有豆卜枝竹魚皮響鈴油炸鬼配料
非常豐富！哩個係必叫！
✿ 沙嗲拼盤 $98
佢嘅沙嗲醬汁特色好香好惹味
揀咗牛肉同雞肉串
燒得剛剛好 唔會過火～
╰☆* 推介指數：????/
‘?◦″ ? 海南少爺 (尖沙咀)
尖沙咀廣東道3-27號海港城海運大廈地下G16號舖
✿ ≗≗≗≗≗≗≗≗≗≗ ✿ ≗≗≗≗≗≗≗≗≗≗ ✿ ≗≗≗≗≗≗≗≗≗≗ ✿
外賣質素依然維持到，雞肉好嫩口
～～～
日日在家wfh好抑壓，收工之後就搭咗天星小輪去尖沙咀到海旁散心，之後再到港城城濕平，最後黎海南少爺買外賣回家，非常productive。
～～～
呢間海南雞一直都係我嘅飛佛，見到佢地有外賣自取優惠，就叫咗招牌海南雞二人餐，再另外叫多隻全隻海南雞外賣回家，本來以為都叫得多，點知回到家不消一會就被大家掃過清光?。
～～～
佢地嘅外賣盒係厚身嘅紙盒裝，非常實淨，盒身堅挺，攞回家，前後半小時到45分鐘左右，貌相依然非常完整。
～～～
雞肉非常嫩滑，份量好多，其中一半都似係雞髀位，雞皮同埋雞肉之間有少少上湯啫喱，成個味道啱啱好，而雞飯就好香雞油味，配搭清甜雞湯，整體黎講都冇失望?，而且最開心就係佢嘅外賣同堂食質素無咩分別，但係價錢又抵咗，可以幫輕下媽咪煮飯，幾好，可以encore。
～～～
另外叫俾爹哋食嘅咖喱牛腩亦都好高質，牛腩軟腍無根，非常入味，好下飯，食曬啲牛腩之後啲咖喱汁都唔捨得捨棄，粉綿薯仔亦係值得一讚。
～～～
海南少爺
尖沙咀廣東道3-27號海港城海運大廈地下
同朋友一齊喺海運大廈購物，shopping 完肚仔餓，要搵嘢食，經過呢度，對腳已經行到有啲軟?，又見到餐廳似乎乾淨企理，咁冇乜考慮啦，就入咗去開餐?
叫咗幾樣食物share：
– $198嘅「招牌海南雞半隻」：果然係招牌菜，海南雞 皮黃肉白，係靚雞嘅顏色?，雞肉非常嫩滑，又有雞味?，仲包埋雞油飯同雞湯各一碗?
– $98嘅「星洲蠔餅」：簡單幾好味?
– $68嘅「雞絲青瓜夾酥餅」：酥餅有啲煙韌?，配雞絲同青瓜，幾夾?
– $78嘅「上湯浸菜心」：簡簡單單，感覺健康?
不可不提餐廳自動上嘅前菜，係「鹹蛋黃魚皮」，出奇地好味?
海南少爺? 望住海景嘆星馬菜 ?
呢間位於海港城嘅星馬菜都幾經濟，有得望住海景同埋都算坐得幾舒服? 有啲套餐$100有找，連嘢飲同埋份量都足夠。海南雞飯拼馬來西亞肉骨茶（$120）雞肉肉質嫩滑，配上三款美味醬汁，無法抵擋? 肉骨茶超重藥材味，好足料，送飯一流? 炒貴刁（$88）一碟非常有鑊氣嘅炒麵， 有河粉同埋油麵(? 一齊炒，口感豐富。蝦都幾大隻，仲有臘腸、雞蛋等配料，非常推介大家試吓? 仲有加配咗兩串沙嗲豬肉串燒（$28） ，沙嗲醬好惹味，最緊要嘅係佢食落唔辣，啱曬我呢啲唔係太食得辣嘅人XD 總括而言， 如果想食星馬菜而有坐得比較舒服，不妨一試。 ☺️
*另收10%服務費同$8茶錢
試過白同黑肉骨茶，白肉骨茶即新加坡口味，似胡椒豬肚，少少淡，但肉質真係無得輸，三大支骨
黑肉骨茶即馬來西亞口味，似福建果款，用藥材多些，幾好食，又係肉質無得輸，三大支骨
海南雞飯幾好，雞係好食既，我唔明點解網上咁多人話差
海鮮 laksa 就差 d，因為佢用米線同米粉，差左 d
鹹蛋黃軟殼蟹，唔太油膩，幾好食
今次試左沙嗲拼盤(6串)，清湯牛三寶，黑豉油雞飯同招牌海南雞飯?? . 整體味道都真係唔錯！海南雞飯好香，肉質鮮味夠嫩滑??配上三色醬，甜辣酸集於一身，黎到可以一試。唔想食海南雞又可以試下黑豉油雞，味道濃厚重豉油味?? . 牛三寶好足料?? 一份已經夠2～3個人食，配飯食真係一流??最後重點左半打串燒黎試下，都係中上水準? …
想食正宗海南雞，但而家疫情下又去唔到新加坡，咁就要去尖沙咀海運大廈(海南少爺)餐廳仲可以遙望後維港景色。
配送三款不同的醬汁丨薑蓉、甜豉油丶新加坡式辣椒醬。
海南雞全隻$328，超喜愛食雞的我，叫一隻也不是太過份，可以做到連雞肉都好嫩滑，同時入曬秘製醬汁每一雞件上，廚師功藝值值得比like。
吃過海南雞(全隻)，套餐包兩碗油飯及兩碗雞湯，今晚一定飽住走。
怡保芽菜$68，特點係短小，但其莖部非常厚身，咬落去特別多汁，好突出既青草味，有少少腥但係唔會難入口果種，撈埋啲甜豉油醬汁完全可以踢走陣味之餘，也可以使整體感覺加以提鮮。直接空運過來的芽菜，當然新鮮清爽。
蔥油手拍酥餅配咖哩汁$52，帶有少少焦的酥油餅，非常軟糯香口。咖哩汁不會太辣，反而係香料味更加濃烈。
眺望九龍站一帶的海景食飯，高級嘅視覺享受，都係人均二百幾蚊一位，值得擁有。
呢間餐廳主打星馬菜，菜式選擇好多，店內環境寬敞，仲可以對住個無敵大海景食飯，好舒服? 我哋一坐底，店員會比壺茶，初頭飲到嘅係淡淡甜味 ，原來係茘枝味嘅紅茶 ，而茶亦十分濃郁
同朋友每人叫咗個午餐
海南雞飯拼馬來西亞肉骨茶 $120
飯可揀白飯或者油飯，我就揀咗油飯，油飯唔會太油膩，仲好香口，海南雞夠晒嫩滑，油香味十足，而肉骨茶藥材味濃郁，一字骨熬得好入味又軟腍??
印尼炒飯配沙嗲串燒 $88
有兩串沙嗲串燒，啖啖肉好好味?個沙嗲醬甜甜哋好惹味，印尼炒飯面頭有隻太陽蛋，入面有兩隻大蝦，蝦肉爽彈，炒飯唔會太鹹，份量仲要好多，食唔晒??
凍檸茶 +$3
Fine dinner. 外賣的雞同樣出色，香滑可口，另外，飯方面，用料十足，但最欣賞的還是其質感，完全不油膩。
每一口也十分美味，大推薦。
印尼炒飯配串燒，更是令我喜出望外，充滿特色，性價比極高。