海南少爺(Hainan Shaoye)
營業時間
| 星期日 | 11:30–22:00 |
| 星期一 | 11:30–22:00 |
| 星期二 | 11:30–22:00 |
| 星期三 | 11:30–22:00 |
| 星期四 | 11:30–22:00 |
| 星期五 | 11:30–22:00 |
| 星期六 | 11:30–22:00 |
服務選項
外送
外帶
內用
產品/服務
小菜
咖啡
酒精飲料
啤酒
用餐選擇
早餐
午餐
晚餐
餐飲服務
甜點
設施
適合兒童
氣氛
氣氛悠閒
環境舒適
客層族群
適合團體
規劃
接受訂位
付款方式
信用卡
NFC 行動支付
好耐無去過馬來西亞旅行啦?
應該係話好耐冇去旅行啦?
好掛住肉骨茶 好掛住海南雞飯 好掛住喇沙
見到平日嘅海港城少人左好多?
希望呢啲日子快啲過去啦
▫️海南雞飯 拼 馬來西亞肉骨茶 ($128)
呢個午市套餐簡直係一次
滿足我兩個願望?
出餐速度好快手 個海南雞超嫩滑?
我仲+$8轉雞髀? 啖啖肉嘅感覺好好?
油飯配上三款海南雞醬汁 撈飯一流?
肉骨茶藥材味濃厚 好足料
湯底好濃 豆卜仲好入味?
▫️椰香雞絲喇沙 ($78)
呢個喇沙不得了?? 湯底椰香味好濃郁
用上米線+米粉做配搭 食落好香好滑
雞絲都可以做到好嫩滑 好正?
▫️名茶/滾水 ($8)
呢個茶都值得一提 加入左玫瑰花?
飲落香味唔錯 我幾鍾意?
同朋友係海港城shopping, 撞正掛黑雨警告, 唯有係商場入面搵間餐廳食個lunch, 順便避雨。
早排假日見到「海南少爺」門外好多人等位, 而今日平日又未到lunch hr, 餐廳內仲有唔少位, 趁住唔洗等位一於入去食個lunch。
午市供應多款lunch-set, 跟餐仲有餐飲, 額外可自選升級追加小食/轉特飲
【海南雞飯拼椰香鮮喇沙】HK$120
雖然雞皮不算完整, 但沒有皮下多餘脂肪, 海南雞鮮嫩有肉汁, 而且無骨啖啖肉, 配上三款海南雞醬, 更提升了鮮味; 油飯粒粒分明又軟熟, 很有雞油香得黎又唔會好油; 另外仲有一碗迷你喇沙, 湯底很有椰香味, 麵底索咗個湯, 更為惹味, 雖然迷你版, 但同樣可食到蝦、魷魚圈、魚片、蛋各一, 份量超出了過口癮。正!
朋友見我食喇沙食到咁滋味, 都忍不住order一碗食
【椰香海鮮喇沙】HK$98
可自選辣/走辣, 湯底椰香味濃, 米粉加米線(摻摻)索埋個湯底入味更正! 蝦爽彈, 半隻蛋軟滑, 蛋黃流心, 魷魚圈爽, 魚片鮮甜, 正!
跟餐會有coffee/tea
唯一挑剔就係午市時段仍需收取HK$8/位, lunch-set已跟餐飲, 茶位費用有點多餘。
去完冒險樂園玩好肚餓，行過少少見到呢間海南少爺望落唔錯，價錢合理之餘仲有海景位，就決定試吓佢。
一坐底侍應就開左壺茶，雖然佢無講係咩茶，但杯茶聞落幽香淡雅，飲落有濃濃嘅荔枝香，我同朋友都幾中意?
星洲醬油參巴炒蘿蔔糕 ($72)
微辣嘅炒蘿蔔糕惹味，
有埋芽菜平衡番個油膩感，
唔會令人食完好濟。
肉鬆煉奶夾酥餅 ($62)
原來肉鬆同煉奶係咁夾，
放埋係香脆嘅酥餅中間，
簡直係完美嘅配搭。
惹味軟殼蟹 ($208)
軟殼蟹對於唔想麻煩剝蝦剝蟹嘅我係個非常好嘅選擇，
而惹味其實係胡椒蟹個汁，
所以唔想麻煩但又想食胡椒”蟹”嘅人可以一試。
涼拌牛蒡木耳絲 ($48)
食完咁多濃味野，
要叫番個清爽嘅涼拌牛蒡木耳絲平衡下。
美祿哥斯拉 ($35)
食東南亞菜點可以唔飲美祿，
上面仲有層邪惡嘅cream，
真不愧為哥 斯 拉。
夠薑香茅梳打 ($28)
呢個combination 唔會太甜亦夠清新，
作為餐後飲品係個幾好嘅結尾。
性價比高新加坡菜
餐廳位置非常方便，服務員帶領我們坐靠窗位置，可以望着維港海景，座位舒適，難得可以望着海景享受美食。
打開餐牌，有不同新加坡美食的選擇。
新加坡辣椒炒蜆 $148
每隻蜆都非常厚肉肥美，配有茄汁辣味的炒蜆。
椰香海鮮喇沙$98
味道配上香濃椰香味，味道香濃又帶點微辣，再配上不同的配料，包括豆腐卜，流心蛋，魷魚，三隻大蝦等，整體都非常入味。
招牌海南雞飯+$8 轉雞髀
賣相不錯，海南雞非常嫩滑，配上三款口味醬汁，三款醬汁各有特色。我們叫了油飯，雞油香，非常好味。
星洲蠔餅$88
蠔仔的數量頗多，很有蛋味。
總括而言，兩個人食，飽到上心口。環境不錯，想享受新加坡美食，和閨蜜談心，這間餐廳是不錯選擇
⌇海 南 少 爺
“ ? “ 招牌海南雞飯 ( $ 9 9 )
“ ? “ 椰香海鮮喇沙 ( $ 9 8 )
“ ? “ 鹹蛋黃軟殼蟹 ( $ 2 0 8 )
“ ? “ 海燕窩燉椰皇 ( $ 6 2 )
喺海港城行街 行到兩點幾見到呢間食海南菜嘅依然有好多人排緊隊 就決定試下佢 海南 新加坡同馬來菜式 menu應有盡有??叫咗招牌嘅海南雞飯 海南雞非常嫩滑 仲有海南雞飯嘅重點 薑蓉雞油飯 雞油飯香??
海鮮喇沙都非常足料 大蝦 鮮魷魚 魚片 流心蛋 魚腐 湯底超濃 食每一啖麵都想不一大羹湯飲?
新加坡菜普遍都比較油膩 食完鹹食 甜品叫左哩個清清地既椰皇 一尼到就聞到超香椰子味 椰香清甜 食到好飽都唔會太滯 好推薦?
海南少爺
?尖沙咀廣東道3-27號海港城海運大廈地下G16號舖
?#foodraah_tst
海南少爺
Hainan Shaoye
?整體: 海港城少有嘅性價比高嘅餐廳
?環境: 人均消費$100-200 如果坐到裏面可以有海港城屈機海景（今次多人到影唔到?） 半open 形式 裝修幾有格調 好好多唔同嘅裝飾 枱與枱之間偏窄
???服務: ✔️ 加水都幾快手
☆║．．．．．．．．．．．．．║☆
‼️招牌海南雞 （半隻） $ 188
好食指數：⭐️⭐️⭐️⭐️
打卡指數：⭐️⭐️⭐️⭐️
大份指數：⭐️⭐️⭐️⭐️
抵食指數：⭐️⭐️⭐️
✅ 跟餐有 一碗清湯 標準海南雞三款醬 一碗油飯
✅ 雞就用三黃雞 皮下脂肪夠厚 油香十足 雞味頗濃 以冰火方式煮 令雞更加爽
‼️ 椰香海鮮喇沙 $98
好食指數：⭐️⭐️⭐️
打卡指數：⭐️⭐️⭐️⭐️
大份指數：⭐️⭐️⭐️⭐️
抵食指數：⭐️⭐️⭐️⭐️
✅ 海鮮以蝦/ 魷魚為主 海鮮正正常常 冇乜特別 不過湯底就ok 唔會好辣 椰奶蝦頭 味 好出 再配合新加坡咖喱 係幾夾
‼️沙嗲拼盤（6） $86
好食指數：⭐️⭐️⭐️⭐️
打卡指數：⭐️⭐️⭐️
大份指數：⭐️⭐️⭐️⭐️
抵食指數：⭐️⭐️⭐️⭐️
✅ 其實好怕叫串燒 通常都都好乾好柴 好難食 呢碟幾好 望落幾乾身 不過食落 嫩 鎖到肉汁
? 尖沙咀廣東道3-27號海港城海運大廈地下G16號舖
Shop 16, G/F, Ocean Terminal, Harbour City, 3-27 Canton Road, Tsim Sha Tsui
⏰ 星期一至日
11:30 – 23:00
☎️ 電話號碼 21103533
?喜歡我的文章，可以關注我及讚好以作鼓勵
因為要陪朋友黎海港城打卡,今晚就黎左海南少爺食晚飯,收工過到黎都差唔多七點喇,見餐廳都幾多人客,好彩我地都好快有位坐,店員安排左我同朋友坐喺近門口既二人枱,如果坐入面就可以有海景,可惜我地都趕時間等唔到
呢間餐廳係自己睇菜單用手機掃QR code落單既,落完單上菜既速度都好快,啱晒節奏快既香港人
$72星洲醬油參巴炒蘿蔔糕
可以揀辣或者唔辣,我就揀左辣既,蘿蔔糕切到一粒粒咁再拎去炸之後再用個醬油煮番,都幾好食既,個質感都幾過癮
$88滷水雞雜
入面有雞腸,雞腎同雞肝,總括黎講都算入味既
$99 招牌海南雞飯
個set有跟埋碗湯,個碗都係熱既,呢樣野係幾抵讚,另外個油飯都好食,算係粒粒分明
$88 星洲蠔餅
蠔餅食落似係雞蛋加蠔煎既一個餅,味道比較健康,要點堆個魚露同辣醬一齊食就啱啱好
$28 凍奶茶
正常發揮,個人認為可以再甜少少
$62 海燕窩燉椰皇
燕窩食得多,海燕窩就真係第一次食,感覺都幾特別,加埋椰皇一齊食感覺都幾清潤,味道亦唔會太甜
今晚兩個人食左$498
?尖沙咀風味星馬菜?
海南少爺位於海港城，主打多款星馬菜。餐廳裝潢精緻，但擺枱偏密?而且張枱唔大張，叫多野食就唔多夠位擺?部份座位會有海景睇，相信會幾chill?不過我地當日去到都幾full，被安排坐係門口位，冷氣唔多夠，有少少熱?
☑️黑豉油雞飯 ($108)
海南雞好多人都介紹過，今次就試下豉油雞‼️賣相靚仔，上色唔錯??雞肉唔鞋，味道可以再咸啲。油飯做得唔錯?
☑️新加坡肉骨茶 ($138)
肉骨茶我地試左新加坡白胡椒蒜頭，胡椒味濃?排骨大塊，仲會有個爐烘住，冬天食一流‼️
☑️海鮮釀油條 ($78)
呢個油炸鬼又幾有驚喜?入面釀左蝦肉，外脆內爽彈，鍾意炸野就必叫?
☑️星州醬油參巴炒蘿蔔糕 ($88)
蘿蔔糕外層裹左層粉略硬?未做到外脆內軟，但調味幾惹味的!
–
?海南少爺
?尖沙咀廣東道3-27號海港城海運大廈地下G16號舖
自取外賣做緊八折，佢嘅海南雞好滑，串燒又好食，追加小食仲好平添，簡直係又抵又好味，值得推介！
午市套餐： 海南雞飯配馬來西亞肉骨茶 餐飲熱檸水。 大滿足?? …
佢嘅無骨海南雞飯?真係超級好食，重點係佢嘅海南雞，佢滑嘅程度仲滑過KFC啲雞?好淋好香！佢仲有三款醬汁可以沾雞（酸辣汁，黑醬油，蒜蓉）比起出邊食一個晚飯都係100蚊一個飯，100蚊有呢個質素真係抵到爛！
特別推介除左海南雞飯?仲有：馬拉盞炒通菜?食落口已經知道夠鑊氣，唔會好乾身無放左一段時間，即叫即炒，啲菜一啲都唔老，加左蝦皮一齊炒，特別香口??
總結：呢間海南少爺我食過好多次，介紹好多朋友個個都話平靚正。兩個人食飯基本上一人叫一個飯，再加個菜已經會好飽，個飯仲會加埋個湯添。如有入座有機會坐到窗邊，會睇到九龍佐敦區嘅樓景，好適宜一家大細同埋想食清清地嘅朋友仔，呢個餐廳真係極力推介???
喇沙味不夠濃，但算好味
Sea View? Singapore Fusion Cuisine??
.
.
海港城想吃新加坡菜❓係海運正正有一間海景 ? 新加坡餐廳，環境靚、食物不差有特色、景觀開揚既好地方呢。
結合星馬兩地 百年文化交融，豐富又獨具飲食文化。餐廳設計：以少爺別院內大宴親朋盛況為藍本，重新改良必嚐經典星馬菜式，正宗地道娘惹美饌，以至餐具都花心思配搭，處處流露出少爺對散食既執著追求。
食材新鮮`多樣化既辛香配料，惹味滋味。再融合傳統 & 現化既烹調方法，不斷鑽研 & 堅持進步既態度，帶給座上客彷如置身??♂️ 少爺昔日饕餮盛宴中呢！ 你又感受到嗎❓
而且好少餐廳有2款肉骨茶選擇呢：
✨馬來西亞肉骨茶 (藥材)
Malaysian Bak Kut Teh (Herbals)
✨新加坡肉骨茶 (白胡椒椒蒜頭)
Singaporean Bak Kut Teh (Peppercorn & Garlic)
l[海南雞飯 拼椰香海鮮喇沙]l $128
Signature Hainan Chicken w/ Seafood Lemak
招牌海南雞 配油飯 +$8 轉雞脾 (Chicken Thigh) 肉質嫩滑滿有油香，蘸點3款醬汁各具特色。而油飯當然比白飯更香口惹味呢。而Seafood Lemak 配料豐富，有椰香又有香料味道，摻摻麵條口感特別。
l[炒貴刁 (辣) Char Kuay Teow]l $88
粉條帶粗，配料有臘腸 & 海鮮同炒，加上甜醬油同炒，有鑊氣又惹味。
l[沙嗲拼盤 (雞 & 豬) ]l +$58
Satay Skewer (Chicken / Pork)
6串份量足，本人prefer 豬? 肉質較好。加上Satay Sauce 滿有花生碎又帶出椰香。
名茶/ 滾水 $8 位；配熱檸水 Lemon Water
凍豆漿 Fresh Soy Milk +$10
.
.
海景餐廳? 價錢不貴又有水準，食個景都抵喔。
.
.
×××[海南少爺 -Hainan Shaoye]×××
©尖沙咀廣東道3-27號海港城海運大廈地下G16號舖
.
.
喇沙湯底好好味
星期日的小確幸
星期日要返工加班係一件極度傷心既事?，但好在加完班，同事話不如去食好西，提議試海港城間星馬泰菜，於是一收工就去左尖沙咀搵好野食? 公司都近九龍城，所以平時食lunch都經常食泰國菜，或者新加坡、馬來西亞野，今次呢間竟然3種菜或都有，當然好吸引我啦?
小食叫左個星洲醬油參巴炒蘿蔔糕，有芽菜同蛋花伴菜，蘿蔔糕係較軟身既個種，味道較似炒貴刁，但都好味?
另外，仲有個炸蝦卷，外皮好脆，入面係好似蝦餅咁，好有蝦味，配埋泰式辣醬就唔會太油膩??
串燒叫左6串串燒，有牛肉、雞肉。串燒同平時差唔多，個沙爹醬汁反而好好味，令到串燒再增添風味?
另外，仲叫左個椰子雞湯，湯渣都好多，雞肉好嫩，個湯底好有雞味，仲有個明爐，咁就唔怕信湯會食食下野凍左，可以熱辣辣咁飲??
海鮮叫左星洲辣炒蜆，個蜆有落埋蛋落去炒，變成蛋花，蜆都唔覺有沙，味道都鮮，不過可以因為辣所以都有d蓋過蜆既鮮味，但整體都係好食既，岩曬食辣既我地?
炒貴刁可以話係我最鍾意既一個炒粉麵，佢地炒既貴刁，有鑊氣得黎仲食到每種材料，而且味道都好夾，唔會話邊樣蓋過邊樣?
飲品我叫左焦糖爆谷奶茶，因為一見到佢個樣已經覺得要叫，黎到都冇失望，茶味好濃，奶味好香，配番肥仔cream，簡直係肥到不行。?而朋友叫左熱帶雨林，一上枱就覺得好似cocktails，朋友話飲落好濃菠蘿同橙味，餘韻就有小小石榴同番石榴味，係比較開胃既野飲黎?
整體黎講，份量都大份同埋好多都熱辣辣，而且味道都比我平時食開既東南亞菜再足味d，值得一提既係個茶，茶有淡淡茉莉花味，食到覺得好飽既時候，飲啖茶都會有消滯既感覺，茶味好香，都令我地意外☺️☺️
尖沙咀篇：海景星洲菜
去海港城影燈飾前黎開餐，黎過幾次幾中意呢度環境，又可以睇海景
招牌海南雞飯
雞件份量不少，夾起啖啖肉，連少少嫩滑雞皮食感覺極鮮味，跟一口香油飯無得頂。
食海南雞最正就係三款調味醬，伴少少薑蓉又得，點下濃黑甜豉油食就更加滋味，仲有紅紅地既酸辣醬汁充滿香辣味道～
星州醬油參巴炒蘿蔔糕
食星加坡菜必點蘿蔔糕
黑醬汁味道香濃
蘿蔔糕質感唔會散
每口加上炒蛋黃、銀芽、韮菜，口感豐富
沙嗲拼盤
可以雞、牛、豬自選其中二款。
牛肉串香烤幾乾身，咬落中心位有彈性。
豬肉串外層烤至金黄有油光，入口幾Juicy。
放落沙嗲醬碟轉一轉，面層掛上橙紅色沙嗲汁，味道更加香口！
滷水拼盤
一碟六拼，食幾條爽口甜酸菜好開胃，滷豆腐皮邊帶點煙靱，質感滑溜又掛汁。花生同樣滷得入味，咬開仲好軟身
滷水鴨蛋，蛋黄溏心之餘相當晶瑩。
鳳爪皮夠爽彈離骨，味道濃郁。
豬手肥美，大大隻切開多件，夠厚身中間又有軟筋，超爽脆！
烤杏仁奶茶
上面有幾粒爆谷，賣相唔錯
杏仁味幾香加埋cream 夠香滑
推介，值得一試！
Tried this restaurant again few years later, I ordered Bak Kut Teh this time. They have Singapore style and Malaysia style Bak Kut Teh, I love Singapore style more, because it has much pepper and garlic. I also tried Hainan chicken, same comment as few years ago.
Hainan chicken rice is overpriced.
A long queue during lunch time.
The sauce is not bad.
The rice is dry and not same as traditional taste.
The lemon tea is mediocre.
非常好食，仲有海港城coupon,好抵
叻沙太重味精
招牌海南雞飯 (半隻+湯+油飯)
海南雞份量好多，雞肉非常滑嫩，有厚度，食落都好有雞嘅香味，三種醬料:薑蓉、黑豉油、辣醬，配搭一起吃，更加入味！雞湯飲落清甜，配上濃香的油飯是真正享受?喜歡喜歡?
菠蘿蜜山楂糖醋肉排
賣相色彩繽紛，睇見都覺得好開胃?炒香的三色椒、紫洋葱、菠蘿，肉排配上秘製醬汁，食落酸酸甜甜，更令人垂涎欲滴，想多添一碗白飯?
金絲網蝦春卷
春卷炸得好靚，金黃色，食落卜卜脆，好香口
椰香桂圓紫米露
食落有濃濃的椰汁味，好香，紫米都好有咬口，唔錯?
見到海南少爺5點後外賣自取8折，當然唔可以錯過喇～
星洲醬油參巴炒蘿蔔糕（$90）- 見到佢哋推介就試下喇。個蘿蔔糕炒得好有鑊氣，好有蛋香味，又唔會過油，配埋芽菜口感更佳。
海南雞飯（$110）- 雞肉好嫩滑，而份量都唔少
油飯煮得好入味仲有啲煙韌感，個飯仲跟埋菜心。
馬來西牙肉骨茶（$150）- 我最鐘意食肉骨茶，而呢個馬拉版本係好重藥材味，個湯撈飯食一流。仲可以自選兩款肉，我嗌咗排骨同豬腩肉，好腍好入味。另外仲有魚皮、油炸鬼同響鈴，係個熱嘅肉骨茶湯裡浸腍好好食。
滷水拼盤（$148）- 呢個拼盤好豐富，有豬手、雞腳、鴨蛋、豆腐同花生。不得不提個鴨蛋係糖心蛋，超好食。
椰香桂圓紫米露（$58）- 我覺得呢個有啲甜，但紫米好足料，而桂圓就較少。
?呢排成日落雨，食飯都去返Caca嘅地頭～尖沙咀，今次就黎到海港城主打東南亞菜嘅海南少爺，店內古典金與藍色嘅格調，坐落海景旁邊用餐感覺平靜舒適！
??Caca今次食乜嘢？
馬來西亞肉骨茶（無限添飲）二人套餐$468
?海南雞半隻配油飯-餐廳招牌菜，雞肉嫩滑而不肥膩，配上辣、薑蓉、鼓油等醬料夠晒滋味。
?菜芯
?馬來西亞肉骨茶-味道唔算好濃，但好適合我地口味，所以飲到唔停口，排骨沾上醬油非常有馬來風味！
配料：排骨、豬手、豬腩肉、豬肚、響鈴、豆卜、油條、炸魚皮、炸支竹等
??
朋友介紹到尖沙咀海港城的海南少爺食星洲菜，我哋兩人點了半隻海南雞加湯飯，海南雞非常香滑，有雞嘅香味，它的醬料亦添加滋味，由於我哋點左油飯，油飯配上海南雞，非常可口咁香。
另外，我哋又叫左個星洲蠔餅，外面嘅蠔餅好多都炸得好脆口，但呢個星洲蠔餅咬落口陣陣蛋香味，亦有很多蠔仔，入面又加有莞茜及蔥，蠔餅煎得鬆化可口
我哋又選咗豬及牛肉沙嗲串燒拼盤，它們的肉質有咬口但絕對滋味，醬汁係傳統嘅花生粒蒜蓉沙嗲醬，非常好味。
我哋叫了一杯熱情雨林特飲，佢有熱情果、檸檬、西柚及奇異果的味道，令人好開胃。
還有，食肆提供的中茶係茘枝茶，可以融洽到星洲食物的香濃味，透出陣陣茘枝香。
餐廳亦提供香口的咸蛋王炸魚皮小食，非常非常香脆香口，食得令人滿足
而且餐廳環境佈置舒服，近窗坐位可外望海景，亦令我和朋友可好好暢談心事，埋單時原來仲有個85折扣提供，令我地有點驚喜，加上餐廳位置方便，因此值得大大推薦給朋友。
最近晚市禁堂食，好多餐廳都推出左外賣自取優惠，呢間喺海運嘅新加坡菜餐廳都唔例外，晚市外賣自取有八折添。本身我平時都已經幾鍾意食呢間餐廳，見到而家咁抵，就買咗幾款嘢食返屋企食。
招牌海南雞飯 $110
雞肉非常之嫩滑，雞味亦都好濃。雞皮同時索曬雞湯嘅精華，配埋香噴噴嘅油飯好好食。
印尼炒飯配沙爹串燒 $100
印尼炒飯炒得好有鑊氣，同埋好香，配上煎太陽蛋、蝦片同埋串燒，都好豐富。炒飯入邊有唔少嘅蝦，都幾足料。
炒貴刁 $100
蝦同魚片好彈牙，仲有啲臘腸片添！
馬拉盞時蔬 $28
今次嘅時蔬係白菜仔，用馬拉盞炒，香辣惹味。
沙爹串燒（雞/豬） $58
隨餐+$58就有六串，可以揀雞或者豬，我就揀左三串雞同埋三串豬。我比較鍾意食雞，因為啲肉滑啲。仲配埋沙爹醬可以自己點。
星洲醬油參巴炒蘿蔔糕 $90
蘿蔔糕切成一粒粒一口size咁炒，辣辣地，好香口惹味。
麥片蝦球 $130
一份有十件，呢個有啲似平時嘅黃金炸蝦球，不過比起厚厚嘅炸粉，呢個就用左麥片，食落冇咁油膩同埋感覺健康啲。蝦球大大隻，食落彈牙，好食。
今日過咗黎海港城呢邊，喺琴行買完書，已經收到兩個小朋友追魂call話餓到飛起?，諗起佢哋之前好愛嘅餐廳～海南少爺，雖然冇晚市堂食，但原來餐廳，五點後就做緊外賣自取八折?又幾抵喎！
✨招牌海南雞半隻
～招牌梗係要食真啲?，半隻嘅份量唔算多，勝在肉質鮮嫩，無雪味，薄薄嘅雞皮非常香嫩，忍唔住都食多咗幾塊，將減肥拋諸腦後?，配搭了三款醬汁，甜醬油、蒜辣汁和薑蓉，三款不同享受。
✨魚蛋魚湯米線
～清清地嘅魚湯米線就至啱小朋友，一碗有成八粒魚蛋添，入口彈牙有魚味，唔錯！
✨古法豉油雞飯
～醬油味濃，同招牌海南雞一樣咁滑溜，多咗一份甘甜，唔需要點其他醬汁，已經好夠味??
✨椰香海鮮喇沙
～由於靚媽我同老公都係喇沙迷，order 兩份就唔洗爭?，材料有大蝦?、魷魚、豆卜、魚片和溏心蛋，蝦身大大隻，目測每隻達6cm長，湯頭椰香味濃，配上新加坡米線，整體口感爽滑又惹味。
同屋企人去尖沙咀食晏，雖然已經兩點幾差唔多三點，但係海港城嘅人流依然冇減，行咗幾間，發現海南少爺等候嘅時間相對較短，咁就決定咗嚟呢間，仲可以用餐飲券呀
海南雞，薑蓉同埋辣醬係最搭，配黃油飯同埋湯。
椰汁海鮮喇沙，有幾隻蝦、墨魚、豆卜、魚片，不過米線就煮到過稔。
新加坡肉骨茶，湯底唔算好濃胡椒味，排骨煮到起晒骨，配脆卜卜油炸鬼??
蘿蔔糕炒得好惹味，不過偏油膩。
整體來講味道都幾好，不過食完就成日都好口渴。
#高級海南菜餐廳 #正宗星馬風味
剛灣仔見客後，坐船由灣仔到尖沙咀再見客，忙碌完當然休息食好啲，到了海港城海運大廈內有間餐廳是東南亞高級餐廳，餐廳裝潢設計有華麗感，不但可以望海景? , 食物水準都不錯?
招牌海南雞飯
海南雞肉質真的嫩滑，配上油飯和三色醬，滋味十足呢！我自己覺得是必食！
炒貴刁
香噴噴好有鑊氣，蝦?球大大粒爽口，惹味非常！
蠔餅?
平時食過大排檔個種比較熱氣，今次品嘗到另一種感覺，廚師用蛋白做中間的煎法，夾著多粒蠔仔?好好味?，煎出嚟不會太熱氣，又有新鮮熱辣辣效果！
椰皇燉盅?
這個飯後甜品真的正到不得了，是我感驚喜之作，滋潤又養生，落足料的，今日好有滿足感呀！
@hainanshaoye 海南少爺 ?
尖沙咀廣東道3-27號海港城海運大廈地下G16號舖
#海南少爺 #海南少爺十三道招牌必食名菜 #hainanshaoye #尖沙咀美食 #海港城美食 #海運大廈 #hkfoodie #tstfood #harbourcityfood #harbourcity #christiankol #海運大廈餐廳
嘆住靚海景食lunch～
午市套餐
?椰香豬扒喇沙
～勁厚身嘅豬扒，每件都有約2cm厚，有5大件，湯底有花生碎、芽菜絲，椰香味濃郁，粗幼粉麵配搭得宜，每啖都索到湯汁，份量十足！
Lunch set配搭特色飲品都係加15蚊～紅豆仙草豆漿，大大杯，呢度嘅仙草有啲似涼粉，比較實，同台式嘅口感唔同，豆漿香濃而唔會太甜，推介??
?菠蘿蜜山楂糖醋排骨
～又一款份量充足嘅午餐，一字排骨大大件，炆得夠淋又入味，菠蘿蜜睇落去我仲以為係黃椒，食落軟身，酸酸甜甜好開胃，配飯一流。個汁仲有點甜絲絲嘅花香，好特別！
而家疫情嚴重冇得出街食，唯有買外賣，好多餐廳都推出左外賣優惠，海南少爺外賣自取有八折，想食海南雞嘅我就決定幫襯下佢啦?
?招牌海南雞飯 $110 (八折前)
呢度嘅招牌菜，水準高唔多講，雞肉嫩滑，雞油飯非常香，但一啲都唔油膩?? 仲會附送雞湯一碗?幾大份
?印尼炒飯配沙嗲串燒 $100 (八折前)
估唔到拎到返屋企太陽蛋都仲係流心，好吸引?有印尼蝦片，大蝦，雞肉串燒，配埋沙嗲汁好惹味，炒飯帶有少許煙韌口感，幾特別?
?黃咖喱牛筋腩配白飯 $90 (八折前)
黃咖喱唔算太辣，牛筋腩煮得好淋，配埋白飯令人食到停唔到口?
海南少爺
?尖沙咀海港城海運大廈地下G16號舖
?Hello我係Moon?
喺香港呢個繁華鬧市入面，?其中一個最熱鬧嘅地方莫過於尖沙咀，?商場寫字樓融為一體，?大部份招牌嘅店舖食肆都進註喺呢度，?尤其是係海港城更加係香港必去嘅商場。 ?喺裏面除咗有大大小小招牌店更加充斥着各國嘅餐廳， ?其中新加坡菜就要掃到海南少爺呢一度?
食新加坡菜當然唔可以錯過海南雞飯，?雖然而家大部份海南雞飯嘅餐廳都標榜無骨，?不過有骨嘅海南雞似乎香味更加濃郁, 另外再配上清雞湯同埋雞油飯，?三者嘅配合絕對係食出雞香味，?海南雞嘅味道偏淡，需要依靠三隻唔同嘅醬料來提升鮮味，?就例如薑蓉，濃黑醬油同埋格外開胃嘅酸辣汁，?酸酸地辣辣地就混合左紅辣椒、蒜、青檸?
另外炒貴刁都係呢一度嘅招牌菜， ?裏面就都幾多配料，粿條、豆芽、蝦仁、臘腸、魚餅同韭菜，?鹹鹹地但帶有臘腸同蝦仁嘅鮮味即刻中和左豉油濃味，?臘腸通常都係喺煲仔飯或者臘味飯度，?但出現喺粿條裏面就變到非常有馬拉風格，?如果有辣醬咁就絕對食得出多重國家嘅味道?
?最後MoonMoon真係好滿意依間餐廳，就算係外賣都冇失水準，份量亦足夠！水準質素好高！抵食！?
每日都要返工，放工都已經沒有時間再煮飯了，只好買外賣回家吃!
這間餐廳的外賣自取還有8折，很抵食呢!
海南雞半隻，海南雞肉質嫩滑而且冇骨，口感juicy，雞肉份量都幾多!還配有油飯和胡椒湯，非常豐富!
馬來西亞肉骨茶配白飯，肉骨茶雖然是外賣，但內裡的材料也很足，有豬骨、豆卜、冬菇等，肉骨茶好濃藥材味，味道甘香，微辣，跟飯一齊很美味!
炒貴刁，河粉再加上幼麵，用上韭菜、芽菜和鮮蝦一齊炒，味道惹味而且有鑊氣!
沙嗲拼盤，沙嗲串燒半打只需$58好抵食，分別點了雞和豬肉各一半，雞肉肉質嫩滑juicy，而豬肉串有香茅的味道，再點上沙嗲醬味道更香更有花生味!
蒜蓉炒白菜仔，白菜仔用上蒜蓉炒，有蒜蓉的香味，白菜仔清甜!
星洲醬油參巴炒蘿蔔糕，味道辣辣的，口感有點像XO醬炒蘿蔔糕，味道惹味!
海港城原來有間馬來菜叫海南少爺，餐廳仲有海景睇， 今次我哋平日晚市嚟食，唔算多人?
雞絲青瓜夾酥餅
酥餅皮好薄脆， 趁熱食就最正，雞絲都好足料， 個人覺得口感幾夾，可以一試
主食方面嗌咗佢招牌馬來蝦麵，有三隻大蝦加一隻半熟蛋， 湯底偏重口味，啱曬鍾意飲濃湯嘅朋友， 自己食完一碗已經好夠飽?
麥皮脆蝦伴蒸饅頭
呢度菜用上嘅係大蝦， 每一隻都啖啖肉，口感好彈牙? 呢度嘅麥皮亦有撈上咸蛋黃，令食落嘅口感又鹹又甜， 加上嗰種脆口， 令人一試愛上? 旁邊仲有仲有饅頭加煉奶， 個人覺得呢道菜最啱同朋友share，幾抵食，下次嚟再試下其他
有間「海南少爺」個view超吸引即刻行咗入去打卡！
原來係食東南亞嘢食 啱曬我胃口窩
女仔要要嘅藥材湯
仲有好出名嘅海南雞飯套餐
✿ 消滅海港城coupon既好選擇 ✿
係時候要消滅下啲海港城coupon
同朋友試左呢間位於LCX既海南少爺
好彩星期五晚去都唔算好多人等位???
·
餐廳可以望到維港景?
望住夜景食都幾chill
•
♡ 海南雞 （$198/掌隻）
配油飯及雞湯
一場黎到當然order番半隻?
以免又出現搶雞皮大戰?
海南雞份量都幾多
雞肉夠哂嫩滑?
雞皮未去到爽彈 但發揮都唔錯✨
油飯帶點薑既香味♨️
反而雞湯幾有驚喜 · 鮮而不膩
♡ 金網蝦春捲（$68）
網狀既外皮超級酥脆?
包餡既蝦肉彈牙
超級邪惡?
♡ 星洲醬油參巴炒蘿蔔糕（$88）
今晚既MVP • 賣相超誘人☺️
外層酥脆而裡面綿密
用參巴醬黎炒 · 夠哂香口惹味✨
個人覺得比XO醬更出色??
༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞(๑•́‧̫•̀๑)ఌ
小小總結：
用黎消滅下海港城coupon既好選擇??
海南雞半隻分量真係好多
2個人都食唔哂 ?
另外留意番 • 呢度收茶芥8蚊位架?
ꕁꕀꕁꕀꕁꕀꕁꕀꕁꕀꕁꕀꕁꕀꕁꔅ
ꕤ ꕤ海南少爺ꕤ ꕤ
? 尖沙咀廣東道3-27號海港城海運大廈地下G16號舖
☏ 21103533
最新優惠 ఌ ?
這間餐廳之前很想食，望著海景食簡直是一流，
可惜一直禁晚市，所以今買外賣回家與家人分享，一人一個餐?外賣還有8折優惠，在這裡食飯，本身價錢不算便宜，變相很抵食.
?椰香海鮮喇沙 $110 ???
Seafood Laksa Lemak
喇沙湯底味道香濃，還帶有椰汁的味道，材料有新鮮大蝦，口感爽口，豆卜、魷魚、魚片和半熟蛋.食材浸滿了湯汁，超入味.麵條有米粉和米線，麵條彈牙，又滑身?
?印尼炒飯配沙嗲串燒 $100???
Nasi Goreng (Indonesian Fried Rice w/ satay)
炒飯可選辣或者不辣，因為怕太辣家人不吃不到，所以轉了不辣?份量也很蛋，飯卜面有煎蛋，煎蛋是蛋黃煎至半生熟，可將蛋黃撈飯食?跟配有蝦片和串燒、青瓜和番茄，串燒塗上沙嗲醬，燒得剛好.炒飯用上特別印尼香料炒，口感不會腍又不硬，味道還好好????
?馬來西亞肉骨茶（藥材）$150?
Malaysian Bak Kut Teh
超愛食??有新加坡肉骨茶，我比較喜歡叫馬來西亞的肉骨茶，因為內含藥材味，雖然藥材味，但絕對不會令你反感的味道，但有少少鹹味，有藥材的味道但卻不苦?本身入面的材料有冬菇，響鈴、豆卜、油條、炸魚皮和炸枝竹，另外可自選兩款材料，我就選了豬腩肉和排骨，豬腩肉肥中帶瘦肉，而且切得均勻，肉與細嫩.
?招牌海南雞飯 $110???
Hainan Chicken rice
海南雞可叫全隻或半隻，不過覺得份量太多吃不了，所以叫了招牌海南雞，配生菜和油飯，油飯炒得很甘香，而雞肉很嫩滑?跟配會有3款醬，蒜蓉、甜豉油和辣醬.
?沙嗲拼盤（6串） 雞/牛 $100???
Satay Platter
叫了半半雞和牛、沙嗲醬是分開，本身不加醬也烤得香好食?比較喜歡食雞串多，因為雞肉的味道更加香口和嫩滑.
?印度手拍酥餅配咖喱汁 $54?
Roti Prata w/ curry sauce
兩大塊，可直接沾咖喱醬食，自己就將雞串砌開，加入薄餅入面，再加上青瓜和番茄包著食超好味?很有食印式夾餅的味道?
心血來潮好想食馬來西亞野，開OpenRice望吓見呢間都多人食，咁就試吓啦
揀咗個午市套餐
馬來西亞肉骨茶配白飯，黃咖喱雞配白飯（呢個可以揀配印度薄餅）馬拉盞時蔬同埋沙嗲拼盤-六串，我揀咗3串雞同3串豬。
肉骨茶嘅份量好多，而且呢隻係馬來西亞風味所以藥材味比較重（佢另外有隻新加坡風味），我鍾意藥材味重嘅，好啱我口味
黃咖喱雞，呢個咖喱?比較甜，唔食得辣嘅朋友都食到，香料味濃郁，送飯一流
馬拉盞揀咗通菜，蝦醬味好香，鹹辣惹味，如果份量再多啲就更加好啦?
沙嗲拼盤串燒～用多種香料醃製，所以好入味，食落口感唔會太乾身，配埋沙嗲醬點黎食真係停唔到口?
原來佢哋啲嘢食全部都唔加味精架，感覺非常良好??整體都唔錯，完全滿足到我嘅心癮?
這一間海南少爺位於尖沙咀海運大廈，係食海南嘢嘅餐廳，而店面環境都好寬鬆坐著感覺都唔錯?好有海南特色風味，同時食嘢都可以感受到海旁景觀都好?!
.
海南雞飯 $98
呢一款海南雞飯望著都覺得唔錯?，係海南嘅有名嘅食物，佢嘅雞賣相都幾好，肉質都帶有鮮味又夠嫩滑腍身?，同時配埋三款醬汁點食，增添雞肉味道更加好食?，而佢嘅雞油飯食到入口口感都幾好粒粒口感?好香雞油味道?!
.
菠蘿蜜山楂糖醋排骨配白飯 $98
呢一碟糖醋排骨賣相十分之吸引，望著都睇得吓?，真係睇得又食得色香味俱全，佢嘅糖錯排骨色澤至到肉質都唔錯?，而排骨腍到適中又有咬口味道十足?，以排骨厚度嚟講一般肉質我覺得都會冇咁腍身，佢嘅糖醋汁稀結恰恰好，D掛汁掛滿排骨都唔會滴流，酸甜度恰恰好?，我覺得好好味好有水準?!
.
凍咖啡
呢杯咖啡味道都唔錯?，味道都好香濃?，飲到入口都好濃郁?!
位於海港城既海南少爺可以望住海景嘆星馬菜，不過今次K就無揀到堂食，反而外賣左返屋企慢慢嘆?
? 招牌海南雞飯 $110
黎得海南少爺，唔少得試佢地既招牌菜海南雞！?海南雞飯配有雞湯，好滋潤～海南雞肉質好嫩滑，送油飯岩哂～
? 馬來西亞肉骨茶配白飯 $140
餐廳有兩款肉骨茶可以揀，包括藥材口味既馬來西亞肉骨茶同埋白胡椒蒜頭口味既新加坡肉骨茶?今次K就揀左馬來西亞肉骨茶，藥材味道濃郁滋補，而且配料好似豆卜呢啲索哂啲味；豬肋骨大大件，同樣都好入味，而且煮得好軟腍
? 椰香海鮮喇沙 $110
餐廳細心將食材、麵同湯底分開裝，拎到返屋企都唔驚會浸淋哂～喇沙配料有鮮蝦、豆卜、魚片同流心蛋～湯底濃郁得黎又滿滿椰香，幾惹味
? 炒貴刁 $100
呢款炒貴刁感覺上更似乾炒牛河，味道唔辣，加入大蝦、臘肉、芽菜、魚片一齊炒，口感豐富
? 馬來蝦麵 $100
自前冇咗晚市堂食， 當然要留意吓心儀餐廳外賣優惠。
喺海港城這間 [海南少爺]， 係行完街shopping坐低嘆茶嘅好地方～ 坐得比較舒服， 一邊落地窗也可望海景。✨?
晚市外賣自取有八折優惠， 雖然餐牌內選擇唔算好多，不過都有齊各款大路東南亞美食～?
外賣餐具，盛載盒都是以紙為主，較環保而且都幾美觀， 感覺較高檔～✨
店家招牌嘅海南雞飯， 獨有嘅紙盒，油飯份量好多， 雞件肉質嫩滑有雞味， 質素唔錯，當然可以蘸上黑醬油，薑蓉或海南雞醬增添風味！！?
牛三寶
個湯好清甜！ 好夠熱～
三寶包括牛腩，牛筋和牛展， 每款都好大件， 入味夠腍， 蘿蔔夠甜， 非常美味！??
印尼炒飯配沙嗲串燒
好有鑊氣， 黑醬油帶少少甜， 可以走辣但本身唔算太辣喎。 兩串沙嗲都是啖啖肉，唔乾， 沾滿沙嗲汁惹味香甜！❣️
炒貴刁
調味啱啱好，配料勁多:臘腸，芽菜，豆乾，魚蛋條， 蝦仁?也是大大隻！
麥片蝦球???十件
分量好多。 沾滿麥片的蝦球特別甜美， 也充滿鹹蛋黃嘅香氣， 吃不停口～！??
跟晚餐可以＋$28配小吃
馬拉盞通菜， 非常惹味，夠鑊氣！馬拉盞不會死 咸， 充滿蝦米香味～? 份量也不少， 絕對唔似小食。
相當滿意既一餐外賣～
位於海港城嘅星馬料理餐廳????
菜式正宗而且環境舒適 價錢仲幾相宜添?
–
?沙嗲拼盤 $86/6串
自家調味醃製嘅雞肉串燒非常嫩滑?
而牛肉就相對有咬口 點埋花生沙嗲醬真係滋味無窮
–
?新加坡肉骨茶 $128
用上白胡椒 蒜頭 藥材同一字骨熬煮
第一淡飲落有濃烈嘅胡椒味 之後藥材味會慢慢滲出
一字骨熬得好腍身 一咬就較易骨肉分離??
飲完成個人暖笠笠 養生之選?
–
?新加坡古法黑豉油雞飯 $99
海南雞食得多 呢款黑豉油雞就真係未試過?
雞肉肉質嫩滑 而黑豉油亦令其味道更淳厚!
–
?馬拉盞炒通菜 $75
幾有鑊氣且充滿東南亞風味 而且份量十足 抵食?
–
?肉鬆煉奶夾酥餅 $62
有四款酥餅可供選擇 我就嗌咗呢款當甜品食?
酥餅外皮香脆 肉鬆同煉奶嘅比例岩岩好?
–
值得一提嘅係餐廳嘅茶係荔枝紅茶☕️
浸泡時間越長 荔枝味越突出 大家不妨試試!
一個字………普通………單骨雞翼係氣炸鍋嘅質素！啦沙個湯無味嘅！
海鮮喇沙$98得個咸字,米線太林
尖沙咀海港城海南少爺好好味，價錢優惠，仲有海景！快啲嚟啦～
食物的味道只是一般，海南雞也是沒什麽味道是。
海港 城中這幾唔錯，價錢一般所以每天也很多人排隊
Price is pretty alright for its environment. Was there for an early dinner at 5pm. The sambal chili is good. Remember to ask for it!
Hainan chicken super delicious
Very nice place.nice food…
ok