上村牧場(Kamimura Japanese BBQ)

超級滿足！
薩摩牛放題🥰🥰🥰
食到捧住個肚走 …

食品水平一般

和牛燒肉放題
日本過江龍「上村牧埸燒肉放題」開到嚟香港時代廣場喇，仲自設牧場飼養薩摩牛，價目方面可選86品$328、137品$378，我就試咗最貴170品$588，除咗主打有多款日本薩摩和牛部位之外，仲有激多款伊比利豚肉、澳洲和牛、美國和牛、五花肉、豚、雞、羊、橫膈膜等不同部位及醃製味道，另有海鮮、沙律、湯、麵、飯、甜品等美食及無酒精飲品放題～
我就點咗日本鹿兒島薩摩牛饗宴套餐放題$588，會用QR code 落單以特急車送餐，上菜速度都好快，薩摩和牛質素好好，牛五花脂肪分佈均勻入口即溶，里肌肉及壽喜燒都好正，其他肉類都正常對得住價錢，
沙律都有好多款，我鍾情薩摩牛生拌牛肉，牛味好出好濃，入面仲有隻溫泉蛋拌食令肉質更滑身
大蝦都好新鮮，燒完都仲爽口彈牙
另外牛油扇貝都好食，仲有醬油及蒜蓉提味
連壽司以放題嚟講都相當唔錯，海膽三文魚籽同三文魚壽司都好味，仲有帶子都好新鮮
甜品都有幾款味泡芙，仲有抹茶餅㗎
如果100分鐘改成120分鐘就好了😆因為太多款想試哂～

薩摩牛果然名不虛傳😋 …

食咗個平日早鳥薩摩牛四百幾蚊加一，好正好有肉味，出菜速度OK冇漏單，員工又主動換網，收嘢，有禮貌，仲有好多壽司選擇質素唔錯，唯一缺點係得90分鐘

食品質量只是平均水平

薩摩牛饗宴套餐放題

今日放工陪朋友去銅鑼灣時代廣場買嘢，之後係附近食飯，最後去了一間日本餐廳「上村牧場」食放題，我們揀咗「薩摩牛饗宴套餐 $588/位」，因為套餐有日本第一的鹿兒島和牛「薩摩牛」及 170款式食品

餐廳嘅食物會由「特快車道」送上；

我們先叫了不同款式的薩摩牛，包括：
《日本和牛》
🐮 薩摩牛 牛五花、薩摩牛 里肌肉、
薩摩牛 涮涮燒、薩摩牛 壽喜燒 (附蛋)
薩摩牛 壺漬、薩摩牛 生伴牛肉，第一次食鹿兒島和牛 薩摩牛，油花分布均勻，肉汁好豐富，食到非常滿足☺️

另外，我們都叫咗幾款其它肉類：
🐷 伊比利豚肉、北海道產 豚里肌肉 (鹽醬)、松露風味牛排 (120g)

之後，還叫了多款不同食物，包括
《沙律》
🥗 豆腐沙律 好新鮮，清甜可口

《海鮮》
🐟 牛油帆立貝燒、牛油鮭魚燒、燒海老、燒鮭魚片，幾款海鮮嘅食材都新鮮，相當不錯😌

《壽司》
鮭魚親子壽司、海膽&鮭魚子壽司、烤牛肉壽司
🍣 壽司大大件，用料十足，正

《飯》
🍚 鰻魚丼飯 估唔到有我喜愛嘅鰻魚丼飯，而且鰻魚還相當大塊

《甜點》
Haagen-Dazs雪糕、抹茶蕨餅、迷你蛋糕 – 焦糖蘋果批
🍮 當然最後一定要食埋甜品

整體來講，薩摩牛 相當高質，喜歡食和牛一定會喜歡，其它食品都唔錯，估唔到給我們找到一間好餐廳，值得推介一下👍

今次同朋友食咗薩摩牛放題，果然好高質素！

先講個環境，有好多卡位，座位非常闊落，我哋兩個人都安排咗四人嘅座位俾我哋，一次過叫好多食物都唔怕。呢度嘅送餐方法好特別，係會有條軌道轉負責送，減少左同職員嘅接觸，所以特別衛生。

我哋主要都係叫咗薩摩牛，淨係薩摩牛已經有好多唔同款式揀，全部都值得一試，鍾意嘅可以加調味料，例如海鹽同埋牛扒汁👍🏻 我哋仲試咗羊架好肥美，而且又唔會好騷。

湯同埋煮食都有好多選擇，仲有雞蛋湯麻辣湯鰻魚飯，攞嚟送薩摩牛一流

甜品亦都好豐富，除咗有黑糖蕨餅之外，仲有唔同味道嘅泡芙，每位客人仲可以有一杯Häagen-Dazs雪糕添！

餐點樣式挺多、服務態度良好!用餐限時100分鐘、最後半小時停止點餐…

多得日元大貶值，在銅鑼灣吃日本和牛放題有另一選擇，位於時代廣場地庫的上村牧場，主打蕯摩牛，脂香滿溢！

星期一至四晚上每位$588
其他日子及假期每位$678
另有早鳥優惠。

重點當然是蕯摩牛，雪花豐富，見知柔嫩，最喜歡蕯摩牛涮涮燒，切得很薄，一灼便成，配合日本生蛋，天作之合。

稀有部位(新入會即送）蕯摩牛內裙肉，豐腴度更上一層樓；牛五花及牛里肌肉是必吃的。

其次，澳洲和牛牛五花及原片牛排亦不俗。

但相比之下，澳洲和及美國牛失色了，也許自己燒得過火了，有些有筋及韌，若然胃納有限可省。

共他食品中，燒海老新鮮大隻，豬骨拉麵及鰻魚飯可以接受；羊架很肥但都嫩。

甜點有 Haagen Daz 雪糕、檸檬啫喱、綠茶蕨餅及朱古力泡芙等。
服務
內用
餐點類型
晚餐

好耐都無食燒肉放題
為了慶祝朋友生日帶她吃餐好🥩❤️
薩摩牛放題餐($588)好驚喜，QR code下單好方便！無酒精飲品也是放題🥤
薩摩牛由鹿兒島自家農場養殖，仲有澳洲M5和牛選擇呢，
豚肉、雞、羊也在名單之上呢
牛五花、薩摩牛壺漬都是必點🐃
入口即溶，油脂十足
下單的份量不多，足已比你試多點不同款的肉類！
另外海鮮類的大蝦也有encore 到！
生日總是要豪一次吧！
放馬食，雖然只有100分鐘，食完先減！🏃🏼‍♀️

上村牧場

天氣一凍，就好想食燒肉，但係成日驚消化唔切，所以我決定今次試吓午餐就食放題。
今次試咗時代廣場嘅上村牧場，我哋叫咗個薩摩和牛餐！
薩摩牛特上牛五花真係重點之中既重點，開頭見佢大大塊，以為都會有少少硬！點知我燒到全熟，完全唔難咬之餘，牛味勁重，勁鍾意食呢個😍😍😍

好少燒肉嘅放題會有得食壽司，勁開心，而且呢度上菜好特別，好似去左食壽司咁，佢唔係迴轉壽司咁咁你拎，但係佢會有條路軌，將你點咗嘅肉類，喺路軌度送上嚟！勁得意，下次帶埋小朋友黎食應該好開心😆😆😆

仲有一個好特別，就係薩摩和牛壽喜燒😍😍我勁鍾意食壽喜燒，雖然佢冇壽喜燒嘅湯底，但係佢會嚟埋生蛋一齊點嚟食！正😆

我哋仲叫咗個豬肉，揀咗蒜味，好似蒜泥白肉咁樣食，勁好食😆😆😆蒜味好重，不過燒嘅時候就有少少麻煩，啲蒜係咁跌落去，後尾我哋發現，只要將一邊燒熟，然後翻咗一面先，再將啲蒜放上去，咁樣其實就唔會咁易跌晒啲蒜😂😂😂

甜品款式唔算好多，但係佢有Häagen-Dazs雪糕好好味。肉類就多咗好多平時好少喺燒肉舖見到嘅款式。
基本上，食到好飽，都未試晒佢嘅肉類，可能只係試咗三份一，所以我相信，絕對要再嚟幫襯呢間餐廳🤣🤣🤣
服務
內用
餐點類型
午餐

今日和朋友來到時代廣場，經過這間店舖…完全沒有為意這裏有這麼高質素的烤燒肉餐廳！ 所以我們不期然大家都被它的相片及店內裝修吸引住。 所以我們決定今次要豪一豪。揀了相對比較高質的選擇。

我們選了最靚2份 薩摩牛饗宴套餐放題 $588 其中必食是摩牛和牛五花燒肉, 薩摩牛和牛里肌肉燒肉, 薩摩牛和牛壽喜燒燒肉, 豚,雞,羊，另外壽司也非常有質素，還有麵類, 飯類可供選擇，而用餐時間 是100 分鐘。共有170種不同類型的選擇。 也可以可以額外加錢試其他更高質素的牛，而我們這個高階版的套餐，相對加的錢是比較合宜。 店員會講解一下怎樣運作點餐客人只需掃QR code就可以點餐食物會有輸送帶送上發現落單後送食物的時間非常之快只需等一陣就已經將食物送上。 而飲品方面他們有一個位置是有自助飲品櫃裏面除了有不同果汁汽水有沒有咖啡差等等。 蕯摩牛牛里肌肉 蕯摩牛涮涮燒 蕯摩牛牛五花 薩摩牛非常豐富油脂甚深重

蕯摩牛壽喜燒（附蛋） 真係有壽喜燒的味道非常特別因為未試過這樣食壽喜燒的味道。

澳洲和牛牛五花（蒜香） 澳洲和牛牛五花（原味）

當然一定不及蕯摩牛，但也不錯。所以下次食嘅時候應該先食這個後來才吃蕯摩牛 美國牛肋條壺潰 比較特別而肉質軟滑而且醃得好入味

喜歡成件牛扒上嘅亦有。這個肉比較厚身所以燒起來比較需時。

最欣賞就是生牛肉他他沙律

海膽魚子壽司

吞拿魚壽司 燒牛肉壽司

燒海老 新鮮大大隻，有手掌咁大喎 最重要唔係得個大仲好鮮味濃郁

竟然是有 Haagen-Daz雪糕，有我至愛的strawberries 味，蕨餅及朱古力泡芙，這幾款甜品雖然款式不多,但已經能夠滿足我這個喜歡食甜品的女孩。

鹿兒島產嘅A4黑毛和牛薩摩牛以肉汁豐富，油花均匀見稱，一場嚟到，緊係要揀薩摩牛放題啦😍

職員親切地介紹用餐環境同餐牌，先嚟一個薩摩牛拼盤，有唔同部位，試過鐘意再無限encore😚

牛五花，油花較細密，燒緊嘅時候好搶火，小心燒到手，肉質軟嫩，入口即溶，油脂滿滿，好正🥹

🐮里肌肉
是牛肉部位當中肉質最為細嫩的部位，脂肪含量低，口感鮮嫩，但又冇難嚼的筋肉，讚！

🐮壽喜燒(附蛋）
鮮嫩牛肉加上生雞蛋，口感更滑，有牛香又有蛋香

🥢涮涮燒
有數款醬汁揀，我地要左柚子醋同蒜香牛油兩款口味。
柚子醋清新解膩，蒜香牛油邪惡惹味，同牛係絶配😻

🥢燒肉點可以唔點牛舌，我地厚薄都試吓，牛味重，口感帶點爽口，鐘意口感再重啲嘅可揀厚切🤗
店家毫不吝嗇地比勁多蒜，勁重勁惹味！淡味啲嘅可以揀鹽葱，都唔錯！

🥢橫隔模壺漬
秘製醬汁，蒜香或味噌醬
橫隔模其實嚴格來講係內臟，不過食起上嚟同肉都係一樣，醃得入味，帶有適度的油脂，口感好軟嫩。

薩摩牛蘆筍卷
同牛都夾，爽口又可去一去牛嘅油膩

🍣都仲有唔少壽司款式揀，鮭魚親子壽司海膽&鮭魚子壽司，松葉蟹壽司，帆立貝壽司，吞拿魚軍艦，鰻魚壽司等等，因為都飽只揀了松葉蟹同牛炙燒壽司😎

除咗牛，仲有雞同豬，雖然主要都係食牛，但都叫咗啲雞試下😋。

雞腎爽口，雞心甘甜，雞翼雞腿肉嫩滑。

食得太多肉，反而想食下甜品，就叫晒menu有嘅甜品試匀佢😂
檸檬味果凍
清新冰涼解膩，必食。
Häagen-Dazs雪糕每人只限一杯🥹
有雲呢嗱 ，比利時朱古力，士多啤梨，抹茶口味揀。

雲呢拿，士多啤梨迷你忌廉泡芙
細細件，一口一件，忌廉綿密，入口鬆軟😚
抹茶蕨餅
一杯有四粒，煙煙韌韌又飽肚😂
迷你蛋糕-香蕉🍌
呢個蛋糕超好食，口感好特別，必試😋

溫馨提示，要留意自己最後截單嘅時間，店員未必會提醒，miss 咗就冇㗎喇🙈

岀面仲有汽水果汁仼飯，今餐食到捧住個肚走🤰🏻🤣🤣
服務
內用
餐點類型
晚餐

最近突然好想食日式燒肉，以往每年都飛到日本旅遊，享受美食，封關封關又封關，好在現在也開了不少日式燒肉店，而且食物也是由日本直送到港，超級新鮮。
今晚跟好友相約食燒肉，位置方便就在時代廣場地庫，而且座位採取高私隱度，食相完全沒有其他人看得到，可以放心開懷地吃。

入內店員會給每張枱一個QR code 網上落單，座位前面有一個輸送帶位置，當食物準備好就用輸送帶送到座位面前，超方便呢，而且也可以減少人與人不必要的接觸。

餐廳入口位置是飲品區，各式日本果汁、汽水、茶包熱茶一應俱全，都是採取放題模式，供食客自助享用。

我跟好友當然必叫薩摩牛饗宴套餐，日本牛才可以滿足我們的肚皮胃口，我們已經準備好大吃一番才心滿意足。

餐廳先送上三款薩摩牛給我們先睹為快，有薩摩牛和牛五花燒肉，薩摩牛和牛里肌肉燒肉，薩摩牛和牛涮涮燒燒肉，3款牛肉肉質都非常鮮嫩，而且油花分布均勻，肉味香濃。

薩摩牛和牛壽喜燒燒肉
食法與日式壽喜燒相近，只是今次是日式燒肉版本，先將薄切和牛輕輕燒熟，再放入生雞蛋內沾上蛋汁，入口軟滑可口，肉嫩多汁，超喜愛這個食法。

薩摩牛和牛涮涮燒燒肉
涮涮燒有多款配搭，例如配蘿蔔蓉、柚子醋蔥鹽等等，我們當然不放過每款各點一個，燒和牛加上蘿蔔蓉同吃，口感清新，而且可以減低油膩感，另一款配搭柚子醋，酸甜味令到胃口大開，柚子香氣十足，燒和牛軟嫩滑溜，入口即溶。

松露風味牛排
一整塊牛排配上松露油，肉質比較有咬口，再沾上松露醬汁，香氣撲鼻肉質鮮嫩。

雞頸肉
肉質爽口彈牙，味道特別鮮甜，表面燒到有少少脆口，食落更加滋味。

薩摩牛和牛炙燒壽司
和牛表面輕輕炙燒過，淋上秘製醬汁，味道香甜美味，和牛鮮嫩多汁，好味到不得了，最後再追加了2-3客，超高質。

海膽&鮭魚子壽司
海膽甘香鮮甜，鮭魚子咬落卜卜脆，而且仲充滿鮮味，兩款配料放埋一齊非常之夾，絕配。

和風菠菜
吃得太多肉係時候要點些蔬菜平衡一下，菠菜新鮮翠綠，加上有陣陣鰹魚香氣，清新可口。

冷麵
最後點都要食少少澱粉質先會有飽肚感，冷麵配燒肉，一冷一熱，感覺超正，冷麵配料有青瓜絲、泡菜、蔥花等，入口麵質爽滑彈牙，冷麵汁清甜爽口，之後可以再少許醋入冷麵汁內，令到味道有點酸酸甜甜，味道更加提升。

抹茶蕨餅
點可以少得品嚐日式甜品，一向非常喜歡蕨餅，口感軟糯，抹茶的甘香味留在口腔久久不散，為今晚晚飯劃上完美句號。
服務
內用
餐點類型
晚餐

這個名字很熟悉，因為身邊有不少朋友在香港區居住，都會介紹這間吃燒肉餐廳。今日真的能夠經過時代廣場，就不如試一試，永遠要自己親身食過先知是否好吃。

今日叫了最高質的套餐，套餐價錢為薩摩牛饗宴套餐放題 $588 ！有170款食物任選！一入門口就見到有自助飲品，那裏很特別不單止有汽水。亦都有不同款式的茶包，茶包是比較日式的。而另外一邊有一些果汁例如有提子味，而菠蘿汁非常非常之好飲。店員安排我們坐近飲品位置，所以非常之方便。一座店員就介紹怎樣可以落單，在這裏是非常容易就是用QR code落單。然後有一條送食物的軌道，我們嘗試點過的時候，那個送餐速度非常快用。QR code落單基本上不用10分鐘，食物安排送上在你面前!
一坐下, 當然是點了不同味道質素的牛。先是這一個大拼盤有不同的摩牛和薩摩牛。

蕯摩牛牛里肌肉

蕯摩牛涮涮燒

蕯摩牛牛五花

薩摩牛非常豐富油脂甚深重，在口裏面蕩氣回腸那牛肉的味道。

一定不能錯過摩牛和薩摩牛，
牛五花燒肉和牛里肌肉燒肉, 薩摩牛和牛壽喜燒燒肉,

另外也有豚,雞,羊，此外，壽司質素也非常之不錯一定要食過夠本。 還有麵類, 飯類可供選擇，用餐時間 是100 分鐘。

蕯摩牛壽喜燒（附蛋）
真係有壽喜燒的味道非常特別因為未試過這樣食壽喜燒的味道。

澳洲和牛牛五花（蒜香及原味）
兩者各有好味之處鍾意蒜香的朋友當然可以選擇蒜香，因為那個蒜香合道適中。而原味就能夠釋出原有牛肉的鮮味。

當然一定不及蕯摩牛，下次食時候可先食這個後來才吃蕯摩牛，應該感覺與別不同。

美國牛肋條壺潰
肉質軟滑而且醃得好非常入味，用這個presentation也感覺到那醃製方面做得非常好因為這個古蹟有不會蓋過牛的味道。

這一個生牛肉他他沙律一定必食仲未食過這麼新鮮好好味，滋味無窮的生牛肉他他沙律。

海膽魚子壽司
巨大帆立貝壽司
燒牛肉壽司

燒海老
這個大蝦不單止非常新鮮肉質鮮甜但好而且體積也非常之大， 有手掌相約的體積。

最後就是我最愛的Haagen-Daz雪糕，有同口味， 例如士多啤梨味及朱古力…..蕨餅及朱古力泡芙，泡芙就非常之soft.最重要是不是太甜。 這幾款甜品能夠滿足我喜歡吃甜品的味蕾。
服務
內用
餐點類型
晚餐

上村牧場 – 銅鑼灣

薩摩牛和牛放題

一坐低店員會先送上柚子梳打同蘋果梳打畀我哋飲住先 當然出面亦有飲品自助吧有唔同種類嘅汽水梳打水等等可以無限添飲

之後就會上前盤畀我哋先試下邊種口味啱自己再落Order任食 裏面有幾種薩摩牛和牛 包括薩摩牛牛五花/薩摩牛里肌肉/薩摩牛涮涮燒) 全部都好正 另外亦有一大盆排得好靚 用乾冰送上嘅薩摩和牛拼盤 包括薩摩牛愛裙肉/薩摩牛腰脊心/薩摩牛腹脅肉/薩摩牛特上牛五花 幾種牛都好重油脂味好好味 尤其以特上牛五花有種入口即溶嘅感覺 愛裙肉腰脊心腹脅肉就比較有咬口 但有咬口得黎都依舊有油脂感 食和牛就係想追求呢種味道 超好味

薩摩牛涮涮燒 有幾種汁料可以揀 我哋試咗蘿蔔蓉同埋四川麻辣 尤其以四川麻辣我最鍾意 小食日本燒肉會食到麻辣

牛肉壽喜燒 牛肉黎到已經熟咗 本身以為可以即刻食 但係食落係凍嘅 相信係要燒返熱再食 壽喜燒嘅汁係正宗日本壽喜燒嘅味道 甜甜哋 配料洋蔥同豆腐吸左D汁食好正 啱曬我

海鮮有元貝大蝦等 尤其以大蝦最推介 因為真係超大隻 啲肉勁爽彈
平時食放題我就好少食壽司嘅 但係之前見啲youtuber介紹話呢度嘅壽司質素幾好 所以就叫咗幾件試下 而且果然冇介紹錯 呢度嘅壽司好似出面高級日本壽司店咁 醋飯粒粒分明 配料好新鮮

呢個餐仲包每人一人一杯Haagen Dazs 另外仲有其他例如泡芙等等嘅甜品任食

埋單大概六百蚊鬆D一位 100分鐘任食其實都夠哂時間 價錢亦唔算太貴 呢餐好滿足 下次再食過

#相機食先 #手機食先 #foodie #food #foodpic #foodphoto #yum #yummy #delicious #tasty #hkfood #香港美食 #美食 #銅鑼灣 #和牛燒肉放題 #上村牧場 #薩摩牛 #TimeSquare
服務
內用
餐點類型
晚餐

今天因工作關係，路過銅鑼灣，看到這裏有自家養殖的薩摩和牛，好奇心驅使之下，便入來一試。
店員推介現在推廣會員優惠，只需登記手機，便可享用其中一款罕有的薩摩和牛部份。薩摩和牛內裙肉.。肉真有彈性，脂肪不會太多，肉味濃郁。
另外每枱贈送一罐含酒精的飲品。

薩摩牛和牛壽喜燒燒肉、帶點甜美的壽喜燒，頓時令到薩摩牛的肉味提升了不少層次。
薩摩牛和牛五花燒肉，脂肪和牛肉的比例大約是50:50，脂肪甘香可口，牛肉味道十足。
薩摩牛和牛里肌肉燒肉，牛肉部份比較多，脂肪比例偏小，牛肉軟淋可口，牛肉味道豐富。
如果覺得薩摩牛比較油膩，可以點些蘆筍和鮑菇的薩摩和牛，這樣清爽有大有牛肉味，兩者都配合得很好。
除了沒有醃過的薩摩牛肉之外， 還有一些已經加了不同味道的薩摩牛橫膈膜蒜蓉、蒜香、味噌、牛油，同樣美味可口。
除了可以吃薩摩和牛之外，還可以點澳洲和牛。這些牛肉的質素都很高，不過和薩摩和牛相比，這些和牛的質素都比下去。
這裏除了可以任飲汽水之外，還有果汁可以選擇。
服務
內用

🍖 高質薩摩牛放題 🥩

同朋友到銅鑼灣時代廣場食燒肉放題。好耐無食過放題，就決定㨂餐牌上最最最吸引的薩摩牛饗宴套餐，係日本第一的鹿兒島薩摩牛放題，有170品的食物選項，重點有薩摩牛任食，另外有豬牛羊雞海鮮，壽司同自慢料理，無酒精飲品任飲，仲有甜品。選擇多之餘，仲要高質素。

日本No.1鹿兒島薩摩牛的肉汁豐富，油花分佈均勻，食落口充滿牛的油脂香味，而唔同部位的口感會有所不同。

薩摩牛和牛五花燒肉 – 佈滿油花而肉質柔軟，鮮嫩多汁。

薩摩牛和牛里肌肉燒肉 – 肉味比較濃，口感比較結實。

薩摩牛和牛壽喜燒燒肉 – 大大片，充滿油花，已加了壽喜燒醬汁，燒一燒，再沾上生雞蛋，加強肉質的柔軟。牛的油脂、蛋汁的香、同壽喜燒醬汁好夾。呢個大推，食咗超多碟，大滿足。

薩摩牛和牛腹脅肉 – 呢個係餐廳做的推廣，登記做會員可以免費獲得一客。呢個超級特別，要額外加錢都會一試。大大舊牛，每邊燒60秒，剪開一塊塊，在半生熟的情況下就食得。如果怕太生，可以再燒下。呢個肉味最濃，有油花之餘，口感比較結實。

薩摩牛生拌牛肉 – 呢個調味一流，非常惹味，配上生洋蔥同青瓜，有少少清新，唔會太膩。

今次用餐係平日晚上六點半，都已經坐滿人，要預約訂枱。

#foodie #food #foodpic #foodphoto #yum #yummy #delicious #tasty #香港吃貨 #食好西 #hkfoodporn #hkfoodpic #相機食先 #手機食先 #hkfood #香港美食 #hkfoodie #銅鑼灣美食 #時代廣場 #薩摩牛 #薩摩牛放題 #上村牧場
服務
內用
餐點類型
晚餐

成日行times square地庫，都會經過呢間燒肉餐廳，見佢放題都好似幾吸引。呢日終於泥試下佢既『薩摩和牛』lunch 放題，人頭4百幾蚊，簡單來講我覺得係物有所值，性價比都唔錯。以下就等我簡單講吓我食左啲乜啦。

牛五花
油脂會偏多少少，燒香左一擺入口會有好香既油脂味

里肌肉
油脂分布無牛五花咁多，但肉味香濃

涮涮燒
呢隻肉相對薄少少，肉味都好唔錯，勝在好快燒熟，可以食多兩塊

羊架
羊架泥講，最怕就係燒完會好韌，但呢隻羊架肉質好稔，而且夠晒酥。唯一要注意既係佢肉比較厚，要確保燒到夠熟先好食

另外，我地仲加錢叫左個『薩摩牛精選部位盛合』，四款牛包括有『特上牛五花』，『腹脅肉』，『內裙肉』同埋『腰脊芯』。
特上牛五花比起普通牛五花既油肫分布更多，而且更大塊，食落更香油脂味。
至於其餘三款肉，屬於唔同部位，老實講，我自己就唔太識得分辨佢哋既分別，但我唯一可以comment既係，雖然呢三款肉肉質都好鮮嫩，唔會好韌，而且肉味濃郁。有興趣既朋友不妨去試吓，再參照餐牌上既介紹，睇吓食唔食得出個分別。

食到最後，去咗自助飲品吧揀左個『茉莉花綠茶』茶包，沖杯茶泥消下滯。

總括而言，呢度既燒肉放題唔可以話好便，但價錢就反映左食物質素。所以我一開始就話係物有所值！
服務
內用
餐點類型
午餐

自從疫情以來，開始放寬堂食限制，加上可以外遊，很多人都會選擇去日本，不過因為疫情未穩定，雖然很想去日本旅遊，不過都可能等到出年，因此今晚便來到銅鑼灣以自家養殖的和牛食肆，品嚐和牛晚宴。

首先選擇：薩摩牛和牛五花燒肉、薩摩牛和牛里肌肉燒肉、薩摩牛和牛壽喜燒燒肉，這些和牛都是從日本運送到香港，肉質比其他和牛顏色深潤一點，肉味更加豐富，肉質軟淋可口，其中以和牛五花燒肉的脂肪最為甘香可口。
由於這裏是放題，如果要回本只需要集中在和牛，由於每部份的薩摩和牛，都有不同的肉味，因此點了很多次這個和牛，非常滿足。
如果吃了太多和牛，有點肥膩咁，建議可以點生菜，用生菜包裹着和牛一起吃，可以減少油膩感。
另外這裏的和牛，可以配合不同的醬料和配菜，便有不同的風味，更加可以吃到不同層次的味道。
最後吃到飽飽的時候，還有一杯雪糕，變為今晚畫上完美句號。

美味薩摩牛 ~ 來自鹿兒島
銅鑼灣時代廣場, 我們剛剛又找到日式放題餐廳, 專門提供 鹿兒島懸產和牛 ~ 薩摩牛, 真系要訂位試一試.

店家在鹿兒島自設牧場, 飼料, 養飼親自打理, 價錢及品質做得好.
打開餐牌, 有經典燒肉派對套餐.套100 分鐘任食放題套餐也有三款, 分不同時段收費, 我們選擇了 薩摩牛饗宴套餐,
薩摩牛饗宴套餐 有 170款食品任食: 牛, 豬, 羊, 雞, 海鮮, 蔬菜, 丼, 麵, 料理, 甜品, 飲品……..,

餐廳座位分一人, 兩人, 四人. 排列得好整齊, 通風系統好, 無油煙味.
大家用手機落單, 準確, 更特別是餐廳設有 特急列車 送餐服務. 開餐可以快而準.

飲品區有自助汽水, 果汁和茶. 每人奉送一枝日本桃汁.
豆腐沙律 領先送到, 健康頭盤, 好爽口又開胃.
開爐了, 薩摩牛和牛里肌肉. 肉質細嫩, 且含油花.

薩摩牛和牛五花肉, 油脂豐富, 肉質較紅.
薩摩牛涮涮燒, 薄切油脂較少, 肉質偏瘦.
薩摩牛五花肉 雪花紋多, 燒一燒油脂滲出了, 油脂味香. 薩摩牛涮涮燒, 薄切入口肉味較濃.
要試薩摩牛涮涮燒不同食法, 薩摩牛壽喜燒 (附蛋), 薩摩牛涮涮燒, 口感軟稔, 牛味濃, 加上壽喜燒汁及蛋汁, 甜味又口感順滑.
薩摩牛涮涮燒 (牛排汁) 薩摩牛涮涮燒, 薄燒好香口, 加上牛排汁, 帶一種西方風味.
薩摩牛(蘆筍卷, 杏鮑菇卷), 薩摩牛(蘆筍卷) 入口有份清新感.

薩摩牛內裙肉 內裙肉位於牛的內側腹橫肌, 厚切. 燒出來特別鮮美富
脂肪較少, 肉味更濃, 軟嫩又富口感.
生拌鮭魚, 鮭魚絲, 青瓜絲, 加上流心溫泉蛋, 再沾些醬汁一起吃, 超級好味 !
牛油帆立貝燒. 用洋蔥及杏鮑菇絲伴著, 帆立貝大大個, 好鮮甜.
薩摩牛壺漬 日式燒肉的醃製方法, 壺漬內藏秘製醬汁, 令薩摩牛更入味, 減少油膩感, 又富軟嫩牛肉味.
壽司, 點了鮭魚親子, 松葉蟹, 好靚, 一款兩件, 口感好, 紫菜仍脆口.
原來想食鰻魚丼, 感覺會太飽, 所以改吃 鰻魚壽司, 滿足一下我們多愛吃鰻魚的興趣, 鰻魚肉質肥美, 好滑, 無令我們失望.
甜品, 有 Haagen-Dazs 抹茶雪糕及 迷你忌廉泡芙 , 好滿意.

美味薩摩牛好食好享受, 餐廳放題安排有效率, 店員細心, 環境舒適, 大家吃得勁開心 !

牛角Buffet一直以來都是我心目中的日式燒肉首選，但近年不斷加價之餘食物質素每況愈下，這次轉戰同為日本過江龍的上村牧場令人喜出望外。

上村牧場標榜在鹿兒島設自家牧場飼養薩摩黑毛和牛，由生產飼料、飼養以至加工都一手包辦，而且全部經由榮獲日本和牛品評會的「和牛飼育職人」悉心照料，而銅鑼灣店更會以「特急列車」將食物直送到位，方便快捷。

三款晚市放題均包括任飲無酒精飲品，每位由$298起限時100分鐘，當日我倆選擇了薩摩牛饗宴套餐，星期五至日、公眾假期及其前夕正價時段每位$678另收加一服務費，食物選擇共有170款之多。

經某優惠網上平台預先訂購，每兩位成人會加送一客1%奇蹟之稀少肉盛盒四款及兩支日本完熟果物飲品，番茄梳打香甜濃郁出人意表，

四款稀少肉包括特上牛五花、內裙肉、腹脅肉及腰脊芯，當中最為罕有的特上牛五花佔全隻日本特級和牛精肉部分只有大約0.5%，油花分布細緻而油香最為豐腴；腹脅肉位於牛腹中靠近大腿肉根部，肉質結實而肉味最為濃厚。

日本薩摩和牛亦有牛五花、里肌肉、壽喜燒等任點任食，相比之下的確稀少肉盛盒四款當然更勝一籌，但依然同樣油花豐富且口感軟嫩。

部分肉類如橫隔膜可以選擇秘製醬汁或其他調味，蒜香更會放上整整一座蒜蓉小山，值得推薦。

除了品嘗牛肉最原始風味之外，松露風味牛排、極品嫩肩牛松露醬、薩摩牛生拌牛肉等都別具特色。

另外亦有澳洲及美國和牛，油香較薩摩和牛少但肉味相對較濃，各有千秋；牛油帆立貝、魷魚、鰻魚、海老等海鮮則中規中矩。

除了牛肉之外亦有伊比利豚肉、北海道產豚里肌肉、厚切煙肉芝士燒、雞頸肉、羊架等其他肉類；壽喜燒風五花肉加上棉花糖溶化後甜而不膩。

值得一提的是薩摩牛炙燒壽司、海膽鮭魚子壽司、松葉蟹壽司、炙燒鮭魚芝士壽司等質素媲美壽司郎實在令人喜出望外。

除了普通蔬菜如杏鮑菇和洋蔥，明太子牛油燒馬鈴薯、牛油番薯燒等都別出新意，毫不單調；而和風玉子燒、明太子玉子燒、明太子芝士年糕等小食水準都游刃有餘。

主食包括鰻魚丼、牛丼、咖喱丼、香蔥溫泉玉子飯、冷麵、麻辣牛五花拉麵、豚骨拉麵、雞蛋泡飯、蛋花湯、麻辣牛肉湯等包羅萬有；最後更有黑糖慕絲、檸檬味果凍、抹茶蕨餅、焦糖蘋果批、迷你忌廉泡芙等作為甜品實在滿載而歸。

大胃王任食之選

呢個燒肉任食套餐真係非常多嘢食，如果大胃王一定食到夠本！就算唔係大胃王，淨係食食物嘅種類都已經回本！
橫掂都係我哋就揀咗最貴嘅套餐，有170款食物超級豐富！當然燒肉係主打，燒肉好多款，我哋即刻叫咗一堆。係等待燒肉送到嘅同時，睇吓有啲咩壽司食。壽司種類都有好多。壽司有鮭魚親子壽司、海膽鮭魚子壽司、松葉蟹壽司、炙燒帆立貝壽司、烤牛肉壽司、鰻魚壽司等等。可以一嘗壽司嘅癮。
估唔到壽司質素都相當好食！
好啦講吓燒肉嘅質素，燒肉嘅質素都幾好。我哋主攻薩摩牛，牛味香濃又多肉汁。唔同部位都好食！除咗肉當然食海鮮都好抵！海鮮有帆立貝、魷魚、蝦、燒鮭魚片等。肉類、湯類、海鮮類、蔬菜類、麵類都有。
豐富得來食物質素唔錯，最後仲有雪糕食！
服務
內用
餐點類型
晚餐
餐點：5
服務：5
氣氛：5

薩摩牛 ~ 牛味盡享
日本燒肉質素高, 沒有太大油膩感. 今次去 上村牧場, 位於銅鑼灣時代廣場, 交通好方便. 店家來自日本鹿兒島, 設有農場. 他們的名物是 薩摩牛, 看來甚有來頭.

現正做放題推廣, 三款套餐, 價錢很親民. 套餐除了牛, 還有 86~170 品食物選擇: 海鮮, 蔬菜, 丼飯, 冷面, 料理, 甜品, 飲品等. 放題 100分鐘, 30分鐘前截單. 我們要爭取時間

首先看見放題包免費飲品, 果汁汽水, 茶.
我們倆人坐一桌. 每張台設有烤爐, {特急列車 = 運送帶} 會直送食物到台前視窗, 真好可以舒服吃大餐, 訂了薩摩牛饗宴套餐, 即用 tablet下單, 簡單方便.
我們準備吃燒肉, 除了果汁也自費 飲日本啤酒. (酒精飲品加$30, 可以多多享用)

首次送到招牌 A4 薩摩和牛, 一碟三款: 薩摩牛牛五花, 薩摩牛裏肌肉, 薩摩牛涮涮燒
我們立即開爐燒, 薩摩牛色澤鮮明, 薄切, 超級好味, 快快加單捧場. clip_image001.gif
裏肌肉 ~ 油花均勻, 色較紅, 入口牛味較濃. 有嚼勁, 油份平均.
牛五花 ~ 脂肪甘香 牛肉味道十足, 個爐好勁, 燒得好快, 有油香, 入口即溶.
薩摩牛涮涮燒 ~ 脂肪小, 牛肉軟淋, 牛肉味道豐富.
食完牛肉, 來個 泡菜拼盤, 更可減膩加開胃.

生拌鮭魚 這個賣相好吸引, 溫泉蛋半生熟, 混合鮭魚, 青瓜一起食, 口感至正.

薩摩牛~蘆筍卷, 薩摩牛~杏鮑菇卷
蘆筍吸入薩摩牛牛脂, 好味非常. 再加食 薩摩牛杏鮑菇卷, 真糸完全牛味盡享.

再來一個 煙肉牛油燒蘆筍, 蘆筍好爽, 配煙肉也好味, 但心比不上薩摩牛了.

薩摩牛內裙肉 好巨型, 厚切, 肌肉纖維柔嫩, 脂肪少, 剪開慢慢燒, 肉味濃甜.

薩摩牛涮涮燒 ~ 配蒜蓉牛油
薩摩牛涮涮燒肉質偏瘦, 加上蒜蓉牛油 好惹味.

薩摩牛壽喜燒 ~ 配蛋.
薩摩牛壽喜燒另一種食法. 加了蛋汁令薩摩牛的肉味更提升.
薩摩牛壺漬 用瓦瓶醃制, 有點神秘感. 牛肉有油脂, 肉質嫩滑, 燒得香味出眾.
炙燒帆立貝 海產帆立貝, 燒得原汁原味.
要食個壽司試試. 原來也好好食. 鰻魚煎得勁香. 壽司鮭魚親子, 松葉蟹, 吃出蟹的鮮甜味. 紫菜夠脆.

最後食甜品, Häagen-Dazs 雪糕 及 朱古力泡芙. 這個放題晚餐, 真正又飽又牛了.