訊號山花園
#香港古蹟遊 喺尖沙咀食完晏 約了朋友又未夠鐘的空檔時間 ... 就去了附近的隱世公園逛逛 ... 原來是位於尖沙咀緬甸台垃圾站旁的 👉🏻 #訊號山花園 由入口沿著斜路行約 5 分鐘就會見到這座咁有特色的 紅磚訊號塔 這兒也是 #香港打卡熱點 當日見到一對新人係度影婚紗相 ~~ 訉號塔由香港天文台於 1907 年興建 2015 年 10 月列為 #香港法定古蹟 以擺放原置於附近前水警總部圓屋內時間球 樓高四層，塔身高約 18 米 建築帶有濃厚的古典巴洛克色彩 特別燒製的紅磚以英式砌法 以本地切割而成的花崗石基座 「吉布斯飾邊」的窗戶 ... 仲有純白色的旋轉樓梯
尖沙咀隱世海景花園😍 2015年成為法定古蹟嘅訊號山Signal Hill，係市區內難得見到嘅歐式建築，樓高四層嘅訊號塔帶有濃厚嘅古典巴洛克色彩，紅磚外牆非常吸晴🧱 訊號山位於訊號山花園內，由緬甸臺入口徒步走上斜路大概5分鐘便到山頂。可惜今次錯過左訊號塔開放時間，唯有下次再帶囝囝去登塔睇下以花崗石雕砌而成嘅石梯啦😁 訊號山花園 Signal Hill Garden 地址：尖沙咀緬甸臺訊號山花園 訊號塔開放時間：9am-11am、4pm-6pm
✨訊號山花園✨｜尖沙咀清幽秘境+特色打卡紅磚訊號塔+涼亭賞花睇180度維港海景 訊號山花園喺網上都幾有人氣，去咗幾次每次都好多人喺信號塔影相。最有特色嘅紅磚訊號塔，原本係開埠時期作為向途經船隻同市民報時之用，後來成為法定古蹟，訊號山改建作為休憩花園。 上訊號山花園要行一小段斜坡，沿着小徑行就可以分別去到訊號塔同涼亭。紅磚訊號塔係典型英式建築風格，外型同尖沙咀鐘樓類似，入去裏面可以行螺旋樓梯登塔，每層都可以睇足四面嘅尖沙咀風景，亦睇到少少海景。塔內外影相都好有feel，非常適合打卡！ 另一邊嘅空地有個涼亭可以靜靜地坐喺度睇海景，或者三五知己傾吓計。側邊樓梯落去有一個細小小嘅空地，同小朋友來玩，佢哋會爬樹爬牆，有啲野外探險嘅感覺，好開心！訊號山花園嘅公廁都係歷史建築改建，走廊都係好有特色。影完靚靚打卡相，行吓睇吓花，坐低睇埋個海景，心情特別relax！ 訊號山花園嘅入口位於緬甸臺，可以經麼地道或者中間道海員之家旁邊小路入。訊號山花園位置方便，鄰近K11 ART MALL，去尖沙咀行街買完嘢或者食完 tea之後上去影吓相睇吓海景，非常之超 chill ！ ❤️想睇更多靚相同介紹，請即🔍鴕鳥媽自肥日常❤️
營業時間
| 星期一 | 07:00–23:00 |
| 星期二 | 07:00–23:00 |
| 星期三 | 07:00–23:00 |
| 星期四 | 07:00–23:00 |
| 星期五 | 07:00–23:00 |
| 星期六 | 07:00–23:00 |
| 星期日 | 07:00–23:00 |
