Siam 28

食物有心有水準，服務也好

食物相當不錯，當然值得一去。

綠咖哩相當不錯。

美味的食物，正宗的泰國風味

🇹🇭 Siam 28 💛

嗰日同朋友討論緊邊間泰國菜黃店好食
講講下就覺得好耐冇食Siam28啦
簡單兩句去形容
又好食 服務態度又好
入到去個感覺係好舒服（去到你就明啦）

經典生菜包 $82
揀咗豬肉 鹹鹹酸酸辣辣咁樣
勁開胃 生菜好新鮮
配埋一齊真係世一配搭

炒鮮蝦金邊粉 $122
賣相好靚 用蛋網冚住啲金邊粉
金邊粉口感彈牙而又條條分明
蛋味好香
仲配埋花生碎 青檸 粗辣椒粉 分開放
想要咩味可以自己調味

香辣通菜 $79
我真係好Lun鍾意食通菜
所以次次食泰國/馬拉菜都一定會叫
係幼身既青通菜呀 (*≧∀≦*)
（有啲餐廳會用粗身白通菜就冇咁好食）
食落爽口又唔會有勁大條纖維
啲葉仲好嫩滑 堅好食
溫馨提示記得叫小辣

好細心上菜係上生菜包先
開完胃再食主菜
隔左一陣黎埋個通菜
食完之後仲好細心俾咗杯暖水

小知識ヾ(＠⌒ー⌒＠)ノ
Siam = 暹邏既英文
暹邏喺泰國以前個名
所以好多餐廳商場都會以Siam開頭
見到就知呢間喺泰國野啦

–
//位於銅鑼灣·環境悠閒舒適嘅泰國餐廳🇹🇭

💕 Lunch set (湯+主菜+飲品）💕

首先想大力讚下 餐廳員工服務態度好好👏🏻
值得欣賞🤣 當日係OR book位備注母親生日
一入去員工已經同我媽咪講生日快樂🤣🎊
食飯時仲主動問我哋 使唔使幫我哋影張相🥹
非常窩心🥹 而且價錢公道，值得推薦俾大家

📍炸鮮蝦·金邊粉 $88

首先外面用左蛋絲做點綴🥚令到賣相更精緻
但好似簡單 又唔簡單咁🤣呢度大力加咗分先
大蝦肉質都唔錯🦐 金邊粉本身都夠入味了
但都有提供花生碎、辣椒粉、青檸做調味😜

📍泰式咖哩軟殼蟹·配薄餅 $78

一上碟已經聞到個咖喱香噴噴 好惹味🤪
咖喱偏甜 唔係辣🤣另外軟殼蟹都炸得好鬆脆
仲可以配白飯或者薄餅，但配薄餅就唔太飽
建議可以配白飯就飽肚啲🤣但整體都唔錯

📍SIAM 28 海南雞配油飯 $68

海南雞可以自選配搭油飯 /白飯/湯粉🍲
以價錢嚟講 性價比非常高💖雞嘅份量亦唔少
仲提供埋辣椒醬同薑蓉，令到味道更加濃郁

📍沙嗲（雞/豬）+ $ 20 PICK 2

套餐可加$20揀兩款小食，滿足你兩個願望
沙嗲唔會話燒到好乾，都保留到少少肉汁🫣

📍炸雞翼/燒豬頸肉+ $ 20 PICK 2

炸雞翼味道不過不失，過吓口癮都唔錯🤣
燒豬頸肉唔會話燒到死實實，可以接受到

📍珍多冰 +$12

📍青檸梳打 +$12

📍SINGHA BEER +$18

#銅鑼灣美食
#餐廳推介
設加一服務費✔️

抵食程度：🌝🌝🌝🌝🌗

📍Siam 28 (銅鑼灣)
銅鑼灣軒尼詩道525號澳門逸園中心28樓

食物美味，招呼週到
服務
內用
餐點類型
晚餐

泰國菜都有 tea set好特別啊！相約好姊妹試吓。
位於銅鑼灣中心地帶，購物完順道 tea 一tea，非常方便。

芫荽蜜糖梳打
芫荽控的我啱晒。
飲落好清新，適合炎炎夏日

鮮蝦柚子沙律
開胃前菜。

泰式生蝦
生蝦新鮮，有爽脆口感。有兩款不同辣度醬汁隨意配搭。

芝心蝦餅， 蝦餅
流心效果不錯，蝦餅有嚼口，多了芝士就更芝味。

素春卷
皮脆卜卜，絲絲素蔬菜有口感。

泰式單骨雞翼
方便食，蘸少許酸甜醬更滋味。

生菜包豚肉
豚肉帶微辣，增添惹味。

芒果糯米飯
泰式甜品不可少。糯米飯煎過，多了一份焦香。

榴槤春卷
榴連味不會太搶，恰到好處。

呢度既選擇都算多, 不過泰式野我食黎食去都係果啲野, 所以好快就可以揀到自己想食既野😌

泰式鳳爪($79)
份量都幾多又整到入曬味既泰式鳳爪配上大量既沙律菜, 個汁又酸酸辣辣係超級開胃😎

泰式豬手($183)
豬手整到好腍身, 皮既部分好Q彈充滿住骨膠原, 配埋個酸酸甜甜既汁同包生菜食完全唔怕漏☺️

蒜香椰菜苗($99)
食泰菜必叫既椰菜苗炒得好爽身加埋蒜既香味好夠鑊氣, 重點係完全唔油膩😋

炒鮮蝦金邊粉($134)
網形既蛋完美地包裹住炒到好爽身既金邊粉, 配料都好足配埋爽口既大蝦係正, 重點係落埋啲乾辣椒撈埋一齊食特別惹味🤤

呢間泰式野整體黎講相當唔錯, 啲野送到黎都仲係熱辣辣既, 外賣黎講都算幾高質, 有機會要去試下堂食🥰
服務
外送
餐點類型
晚餐

Sogo感謝察又到啦！收左消費券一於去血拼一番。😉行了整個下午已到晚飯時候，老公提議在附近搞掂。我突然記起隔離澳門逸園中心28樓有間泰國餐廳招呼唔錯，食物質素OK；就不用多唸前往幫襯。看看Menu跟以往有些分別，加插了新菜式；很期侍試試。
Pomeroy Salad   鮮蝦柚子沙律  $99
鮮蝦大大隻，肉質結實而彈牙。柚子甜酸又多汁，餐前食佢非常開胃。
Thailand Platter 2person  小食層層架  $148
(Cheese Shrimp cake  2pcs,
Shrimp cake   2pcs,
Veg Spring Roll   2pcs,
Chicken  Wing   2pcs,
Chicken  Satay   2pcs)
服務員温馨提示炸物全部卽叫卽炸，食時小心熱。芝士蝦球咬開裡面熱騰騰芝士渗出，若非有所準備真的很容易燙傷。
蝦餅炸得金黄完全不覺肥膩，蝦味香濃；非常彈牙。
雞肉串嫩滑juicy ，雞翼面上灑上炸蒜十分香口；兩者可沾上沙嗲醬來食特別滋味。
春卷內裡全是素菜，雖然沒有肉但食落毫不單調。
一次過食左數欵小食覺得滿足。
Mix Vegetables with Garlic  蒜蓉炒雜菜  $79
雜菜有西蘭花、椰菜花、芥蘭、芽菜仔、草菇、秀珍菇、金筍、粟米仔等用料豐富。炒時用上大量炸蒜極之惹味。
Mango with Pan Fried Sticky Rice  芒果煎糯米飯  $89
這個甜品食泰國菜是必選的菜式。但今次有些特別就是糯米飯煎成一塊塊圓餅，口感煙韌；伴以椰汁鹹鹹甜甜係唔錯的配搭。另一主角當然是芒果啦！味道非常香甜份量又多。👍
Lime Soda   $38
Young Coconut   $42
值得一讚的係當值的服務員很細心，能掌握每一位食客的心意去招待我們。👍
餐點：4
服務：4
氣氛：4

時毛泰菜, 增加見識
平時都喜歡食泰菜, 傳統或 fusion 也合意. Siam 28 , 地點在銅鑼灣鄰近 Sogo, 約朋友最方便. 餐廳佈置時尚, 面積吾太大, 氣氛吾錯.

服務員很友善, 照顧堂上每位食客 order 很有效率. 座位闊, 用具美觀整潔.

點了 椰青水, 清甜消渴, 有椰味, 營養豐富, 果肉厚而軟.

又叫了我們最仲意的開胃沙律, 青木瓜沙律, 盛器有形態美, 青木瓜沙律載得滿滿, 顏色鮮豔, 有青木瓜, 蘿蔔絲, 青豆, 花生, 車厘茄及生菜, 新鮮爽口, 加上酸酸甜甜的醋汁, 醒胃.

再來一個輕鬆頭盤小食, 小食層層架 (二人份量) 賣相好靚, 食物好豐富. 以層架擺設美食, 加添悠閒感, 好像 High-Tea, 實在吸引.
共有五款小食, 每款兩件, 包括 沙嗲雞串, 單骨雞翼, 芝士心蝦餅, 炸蝦餅, 素春捲.
雞肉串 雞肉嫩滑, 不幹身, 配搭秘制沙嗲醬, 惹味好食 .
單骨雞翼, 烤得表面焦香, 帶點濃濃的燒烤味, 吃起來嫩而不幹,
下層的 素春捲, 芝士蝦餅, 炸蝦餅, 炸得香脆, 無油膩,
素春捲 內有蘿蔔絲, 好爽脆, 加酸甜醬, 特別開胃.
芝士蝦餅 炸至金黃色, 外層酥脆, 蝦肉彈牙, 內藏流心芝士, 邪惡好味. 更可點些泰式辣醬.

泰式濕炒海鮮停頓之面 , 名字好妙, 要試試?
真好期待什麼是 [停頓], 服務員送上臺時, 我的眼睛都停頓了, 怎麼麵條會停留在半空中? 真系時毛創作, 太吸引了.
形態美妙, 像魔術表演 麵條炸得脆, 掛在木筷子上, 不動際啊?
開始要研究怎樣去食? 該從那兒入手? 大家也捨不得放棄此 [停頓] 形態 ?
[停頓] 面下圍了多款海鮮, 有蜆肉, 蝦球, 墨魚仔; 蔬菜有芥蘭, 粟米芯, 菇菌, 椰菜花, 好豐富.
服務員真友善, 上前幫忙拆局, 他經驗豐富地把醬汁淋下麵條, 把筷子移走. 將面卷下來, 成功把面, 海鮮和配料混合, 面質酥脆, 調味適中, 海鮮夠鮮甜, 大家一口食彈牙蝦肉, 一口食炸面, 真滿意.

炒鮮蝦金邊粉, 傳統食品, fusion 製作, 擺碟好有型. 大大只鮮蝦插放正中.
下麵是金黃色蛋絲網包, 內有金邊粉,
打開蛋絲網, 金邊粉滿滿, 炒得軟滑, 加上牙菜絲好爽. 來一口金邊粉, 一口鮮蝦啖啖肉, 彈牙爽口, 沾些醬汁, 酸酸甜甜好好食.

食物款式多選擇, 夠摩登, 新風味, 價錢老實, 服務員態度殷勤, 使人感覺良好. 值得去 .

在銅鑼灣享用午餐或晚餐的絕佳泰式餐廳。食物非常便宜又美味。還喜歡這樣的事實，你可以花 20 美元買到兩道配菜，而且還免費提供湯和飲料。完全不能抱怨。
服務
內用
餐點類型
午餐
建議的餐點
泰式海南雞飯 Thai Style Chicken Rice

😍超高質泰國菜🍤

早兩日同女朋友提早慶祝情人節👩‍❤️‍👨，我哋就隨便揀咗一間泰國嘢食，點知食完之後我同女朋友都有喜出望外嘅感覺😍，而女朋友亦因為咁鍾意左泰國嘢食😋真係極力推薦

Siam 28 (銅鑼灣)
銅鑼灣軒尼詩道525號澳門逸園中心28樓

味道: ⭐️⭐️⭐️⭐️⭐️
價錢: 💰💰💰
抵食指數: ⭐️⭐️⭐️⭐️⭐️

炸蝦餅🍤 $92 👍🏻👍🏻
我食咁多泰國餐廳真係無乜見過一個蝦餅好似拳頭咁大👊🏻，個蝦餅去到我張枱個時，我真係嚇咗一嚇🙀，冇諗過個蝦餅可以炸完之後都咁大舊！每個蝦餅都係真材實料，而唔係炸粉為主！除左個大小之外，味道都係屬於頂級⭐️，保留到蝦味之餘，點埋個泰式辣醬，零舍開胃！超級推介大家黎到要叫！👍🏻👍🏻

炒鮮蝦金邊粉 $122 👍🏻👍🏻
呢個金邊粉色香味俱全，從外型睇佢設計別具風格，同一般餐廳唔同，佢啲蝦好有心機咁另外用蔥串起，等客人唔會將啲蝦同面撈埋一齊，同埋，佢所有配料都唔係預先幫你撈埋落個麵到，客人可以根據自己口味去落料，超級細心🫶🏻！味道方面，基本上係高質金邊粉，麵條非常彈牙，而且甜甜酸酸非常開胃🤤！

菠蘿海鮮炒飯 $102 👍🏻👍🏻
菠蘿海鮮炒飯好多間泰國餐廳都有提供，雖然呢間無用半個菠蘿🍍作為容器，雖然係外觀上有少少遜色，但味道絕對係我食過數一數二好味🤤嘅炒飯！材料足，鑊氣足，口感佳，每啖都食得出每種材料嘅味道，而且帶少少酸味提昇你個胃口同口感，成件事可以係用「幸福」兩個字形容！

泰式炸香蕉 $79
呢次係我第一次食炸香蕉🍌，望落有少少似炸雞🍗，但當我咬落去就係香蕉個種甜味衝擊口腔。香蕉個種甜味並無因為炸完後消失，反而提昇左個甜味到另一層次。再加上食個時感覺似炸雞，但食落係軟淋淋嘅甜香蕉🍌，但種反差感都幾有趣🤭

龍眼冰 $48
呢杯龍眼冰都係誠意之作，平時外面龍眼冰大約只有1-2粒細龍眼，但呢到有成4粒大龍眼肉。而且杯飲品有額外添加紅茶而非全蘇打水敷衍食客！所以味道都有一定保證😋👍🏻

另外，職員態度良好，又會同我地傾計，開玩笑，成個餐廳比人感受非常活潑同貼地👍🏻👍🏻絕對會再返黎😉☺️

星期日訓到好晏先起身
我就出左去銅鑼灣拎啲野
順便食個午餐+下午茶
成程車係到揀食邊間餐廳
最後決定去係Sogo隔離大廈既Siam28
Siam28係一間泰式餐廳
而我好鐘意食泰國菜
可能係下午茶時間 餐廳比較少人
我揀左窗邊位置 窗外對住希慎廣場
仲有睇到成條軒尼詩道 滿滿的記憶
窗邊都掛滿燈飾 夜晚應該會更靚

我揀左三個下午茶餐+一個甜品
我一開始先叫左兩杯野飲
一杯泰式奶茶 同 一杯凍檸茶
而食物方面我地叫左泰式船粉(粉絲) 同 PadThai
我先問清楚店員泰式船粉有無牛肉成份
因為知道有啲船粉係會有牛肉
店員話呢到船粉係全部用豬既
咁我都放心叫左一碗
呢到既船粉勁足料
炸豬皮都有五片 而湯底都好濃郁
粉絲完全吸收晒湯嘅味
豬肉片亦很厚實有肉味
我自己就最怕啲餐廳用鬆肉粉令到啲肉無味
另外一提係船粉會有一堆羅勒
用黎去除湯底既血腥味
如果驚羅勒味太搶就自己夾左出黎先

而食泰國餐廳 一定要試下個padthai
呢到個金邊粉唔會太濕
如果可以再炒乾身少少會更好食
而個味度亦唔會太酸 味道理想

另外到泰式香蕉練奶薄餅配炸雞翼
呢個唔係泰式煎餅果款
而係用左用黎配咖哩果款薄餅
又出奇地夾 估唔到可以做到咁既組合
而雞翼方面就正正常常
我覺得餐廳可以用香茅雞翼
咁成個小食就會更加泰式

最後到芒果煎糯米飯
基本上食泰國菜 芒果糯米飯都係必食
而呢到有得揀蒸糯米飯或煎糯米飯
咁我都係第一次見原來有得煎既
想叫黎試下
本身糯米飯已經好煙韌
煎完既糯米飯仲多左仲層次 更煙韌
不過我就覺得呢個煎糯米飯就咸左少少
下次都係叫返原本既蒸飯 哈哈
呢次下午茶體驗整體都好滿意
性價比cp值極高

人均消費: HKD82

特別一提
餐廳店員勁醒目
我飲凍飲都習慣少冰
本身叫左兩杯飲品有要求到少冰
之後加多杯野飲既時候漏左叫
店員主動問返我呢杯係米都要少冰
店員勁細心 要加分 感覺勁溫暖
服務
內用
餐點類型
其他
平均每人消費金額
HK$50-100
建議的餐點
泰式少金邊粉

來這裡吃泰式晚餐，太棒了！在翻閱菜單時，我們找到了食物，組合非常有趣。

當晚最好的選擇是牛肉末和生菜包裹。它通常用作豬肉末，但這裡也可以選擇雞肉和牛肉，所以要更靈活。

炸牡蠣餅很好吃，雖然雞蛋有點炸過頭了，總的來說和啤酒（或軟飲料）很相配。

最令人驚訝的是油炸蔬菜——它是用麵糊包起來的，然後在鍋裡一個一個地油炸，這樣它們之後就不會結塊了。質地和味道真的很有趣。

這次我們沒有更多的甜點空間，但以後肯定會回來吃。
服務
內用
餐點類型
晚餐
平均每人消費金額
HK$200-250