ATAS
營業時間
| 星期二 | 24 小時營業 |
| 星期三 | 11:30–15:30 |
| 星期四 | 11:30–15:30 |
| 星期五 | 11:30–15:30 |
| 星期六 | 11:30–15:30 |
| 星期日 | 11:30–15:30 |
| 星期一 | 11:30–15:30 |
服務選項
外送
外帶
內用
無障礙程度
不支持無障礙座位
不支持無障礙停車場
產品/服務
小菜
咖啡
酒精飲料
用餐選擇
午餐
晚餐
餐飲服務
甜點
設施
洗手間
適合兒童
氣氛
氣氛悠閒
疫情解禁難得準時收工出去食飯，好攰都要食餐好鬆一鬆，早幾日同朋友去左食星馬菜，上網見到賣相幾吸引就衝左去食
餐廳係上一層樓梯位置，全白色裝修，感覺都幾寛敞舒服，堂食要排隊等位，我地等左15分鐘就有位啦。餐廳點餐可以用全店唯一一部自助點餐機或自行去櫃檯同店員點餐都得，係快餐店形式星馬菜餐廳
最後叫左兩碗麵、一個小食同兩杯飲品，點完餐佢會比個叫號震震機比你，一震就可以自行去櫃檯取餐，取餐速度都幾快，唔洗等好耐就有得食
餐具同調味料都係自己出去拎，用餐完之後就將餐具碗碟自行放係餐具回收處
辣椒麵粉粿
面頭料流心蛋好正，除左麵粉粿之外，一共有七種配料包括豬肉丸、炸魚仔、滷冬菇、菜芯、炸蒜、蔥同參巴醬辣椒，篤爛隻流心蛋將蛋黃汁撈匀，一邊撈一邊聞到陣陣非常濃郁惹味蝦子香，麵粉粿形狀不一，食落有啲似上海年糕，亦似厚切餃子皮，每塊都沾滿濃厚配料醬汁同炸魚仔脆口感，而滷冬菇同麵粉粿一樣大大片，冬菇滷得非常入味，爽韌口感，全碗份量絕對唔可以睇小，食少少已經幾飽肚
叻沙
同平時食嘅叻沙有啲唔同，一般食開都係米粉溝粗米粉或油麵，依度嘅麵只可以揀一種，配料有蝦、魚蛋、豆卜同雞蛋，湯底聞落幾香椰奶味，但飲落比較淡口，無想像中咁濃郁，蝦肉食落都幾彈牙，蝦豆卜滲哂湯汁咁食好加分，魚蛋不過不失，米粉份量都幾多，如果湯頭鹹返少少應該會更好
咖椰爆漿
全晚最期待已久就係依份Kaya，簡直係超級邪惡之物，多士中間有咖椰、牛油、花生醬、朱古力榛子醬同煉奶，面頭撒滿美祿粉，淨係叉起都賣相100分，食落口五種味道好分明，一食就食得出，以為多士會係脆口，但整體口感變感拖肥糖咁，味道係唔錯，但每啖充滿罪惡感，同埋有啲膩口，真係要儲返啲quota先夠膽食哂🤣
美祿爆炸
本身我都好鍾意飲美祿，食親星馬菜都必叫美祿恐龍，佢依度雖然無，但依杯美祿爆炸真係唔可以睇小，真係好好飲，超級濃烈美祿味，面頭仲有好多可可脆粒，鍾意美祿或朱古力愛好者實會愛上
整體食物份量都好大份，咁樣叫都夠三個人食，而味道都係偏向惹味濃郁，愛重口味嘅人必定啱食，環境同座位都幾寬敞，中間有隔板隔住，價錢都幾合理，值得一試
銅鑼灣小清新南洋風味🇸🇬
銅鑼灣邊寧頓街鬧市中，有一間門口非常別緻嘅樓上星加坡菜餐廳🇸🇬
店內裝修以綠色🌴、木色🪵為主調，感覺好清新🍀
座位夠哂寬敝，坐得好舒服
與忙碌嘅銅鑼灣形成巨大對比，充滿住慢活氣息☺️
餐廳菜式主要以星馬傳統家常麵食為主🍜
雖然用嘅唔係咩名貴食材，不過越家常嘅食物，其實就越難整得好食🙃
而餐廳就將家常菜處理得非常出色👍🏻
🍴麵粉粿乾
💰$68
麵粉粿由👨🏻🍳自家人手手捏，口感非常嚼勁
再加入醬汁與配料拌勻
配料以豬肉碎、炸江魚仔、滷冬菇、炸蒜、蔥為主，另加上菜心
醬汁濃度製得剛剛好，唔會搶咗配料嘅鮮味😌
值得一讚炸乾魚仔卜卜脆，好香魚味🐟
每一啖都充滿着黑醬油、蔥、炸蒜、炸魚仔香味鮮味交集，正🤤
🍴板麵湯
💰$78
試咗乾拌麵，當然試埋湯麵啦
湯底甘鮮鹹香，令人一口接一口🥰
板麵有啲似刀削麵，比較粗身
口感爽口彈牙，配埋個湯一絕👍🏻
配料都非常豐富，同樣有炸江魚仔、滷冬菇等，豬肉丸起碼有五六粒
中間仲有隻流心蛋，滿足🥰
🍹玫瑰露🌹
💰$58
顏色夠晒Girly
飲落去好香玫瑰味，唔會太甜
🍹斑蘭奶茶🧋
💰$38
奶茶好香又夠滑
亦帶陣陣斑蘭獨特香味
香港星馬菜多數係海南雞飯、喇沙
麵粉粿、板麵呢類傳統家常麵食真係比較少
加上價錢來講，銅鑼灣定價佢算幾平💰
以人均一百樓下，食到呢種質素又坐得咁舒服，真係幾抵🤣
如果大家想試吓另一種星馬菜，可以一試😌
如果您喜歡油膩、重口味的食物，食物可能會覺得乏味。但我有點喜歡它。很高興在外面吃些清淡健康的食物。
工作人員總是很有禮貌。我要求跳過肉類項目。他們總是提供用其他選項替換肉類項目。
會經常在那裡見到我😉
A.T.A.S
放工口淡淡，想食啲濃味野，就喺銅鑼灣食埋晚飯先返歸。見到呢間新開無耐嘅新加坡菜，裝修都幾清新，以綠色為主，價錢又合理。
同朋友叫左喇沙釀豆腐配鴛鴦米粉加油面，辣椒板面（自家制粉粿），仲有甜既炸彈薄餅🤤
喇沙湯底非常濃郁，唔算重椰奶味，味道真係似喺新加坡🇸🇬食既感覺。上面既餸就誇張喇， 超大條紅椒、脆豆卜、茄子，每粒都釀左豬肉，煎得好香，好juicy。仲有得揀咩麵，有米線、米粉同油面，可以揀鴛鴦粉。
而家辣椒板面非常惹味，上面舖滿炸蒜、魚乾、菜心粒、香蔥，好香嘅自家制辣椒醬，仲有半生熟蛋，所以野一齊拌埋，好開胃。麵款揀左粉粿，煙煙韌韌，好好食😋
炸彈薄餅開初以為好似台灣嘅蔥抓餅，呢隻係煎得好脆好脆，上面有層好似焦糖，再加煉奶，大愛！飲品叫咗美祿恐龍同玫瑰露恐龍，一個字”肥但好滿足”
難吃 發漲米線
叻沙和普拉塔炸彈很好吃。叻沙湯很好喝，但麵條有點太濕了。
然而，我和我的朋友對乾面很失望。老實說，它沒有太多味道。
晚餐冇得堂食，見到A.T.A.S. 有得外賣新加坡馬来西亞菜，咁就買左兩份返屋企同家人share😋😋😋 返到屋企食物都仲好暖😋
Ban Mian $78
板麵
湯係另上用杯裝嘅，就唔怕啲麵淋晒！
有豬肉丸，炸乾魚仔，滷冬菇，蛋，菜心，炸蒜，蔥！ 湯比較清淡， 豬肉丸係淋身嘅， 板麵質感唔錯！
Not Lor Mee $108
新加坡滷麵
有半邊蛋， 炸魚柳，滷肉，腐皮肉捲好特別，腐皮外脆，內夾住好厚身嘅肉👍🏻 魚柳啖啖肉，外皮煎得很香脆😋 醬汁比較濃味，撈麵唔會太淋身！
如果食到辣的話可以選擇要辣味！
Pandan milk tea $30
班蘭奶茶
奶茶好香滑唔甜，飲到有淡淡班蘭味👍🏻
Plum Limau $30
酸梅青檸水
鹹鹹甜甜，食完麵飲呢個去膩👍🏻👍🏻👍🏻
銅鑼灣新開咗一間樓上星馬菜餐廳，裝修用上綠色做主調，幾有文青cafe嘅味道，座位空間都幾闊落開揚。呢度嘅格局走半自助模式，可以係點餐機或者櫃枱點餐，取餐、拎餐具同回收都係自助嘅。呢度嘅餐牌主要有正宗星馬菜常見嘅麵類、小食同飲品。
辣椒板麵
星馬菜入面我自己都幾鐘意食辣椒板麵😻呢度嘅版本好足料，有好多肉碎、蝦乾、菜粒等配料，醬汁鹹鹹辣辣，撈勻啲麵一齊食既濃郁又惹味😗😗
麵粉粿湯
相對於相對濃味嘅辣椒板麵，呢度都有相對清淡嘅選擇，切合唔同人口味。麵粉粿係麵粉搓成嘅麵糰，食落有啲似上海年糕不過口感唔係煙靭。個湯入面有啲肉丸、蔬菜同魚乾，食嘅時候要撈埋溫泉蛋嘅蛋汁，夾埋一齊食都唔錯👍🏻
薄餅炸彈
呢度有咖央多士同薄餅炸彈兩款特色甜品，薄餅淋上煉奶同咖央醬，酥化嘅薄餅配上醬汁，味道香甜，作為晚餐結尾好滿足😋😋
美祿恐龍、薑汁奶茶
兩杯飲品都充滿星馬菜風味，尤其美祿恐龍賣相好吸引，入面有好多美祿波波同餅乾，仲有美祿粉，邪惡又好飲😈😈
人均消費：$120
推介指數（10分為滿分）：8分
A.T.A.S
麵粉粿乾
肉脞麵(加辣)
咖椰爆漿
美祿爆炸
黑白
價錢💲: $68/ $88/ $68/ $58/ $28
好味程度😋: 3.5/5
服務🍴: / (self service)
環境🗾: 3.7/5
性價比🥢: 4/5
回頭率😚: 3/5
–
去開cwb買菠蘿麻糬波波，緊係要搵下附近有咩食！行前一步上樓上就有呢間新加坡菜，平日夜晚都坐滿架！白色的裝修同埋卡位數目好多，都幾舒服，不過餐廳採用自助落單同拎餐的方式，所以全程都唔會有人serve架！
–
✅麵粉粿乾。麵粉粿就好似一片片的刀削麵咁，但冇咁煙韌，係一片片大圓形的麵粉頭，如果口感好d會更好🤫 入面有d豬肉，江魚仔，菜心，冬菇片，炸蒜咁，食落主要帶黑豉油的甜味，而其他配料就帶出到佢的惹味😉 呢個都可以~
–
🆗肉脞麵(加辣)。呢個的麵底就係好似平時食雲吞麵的粗麵咁，不過就冇香港個啲咁爽，都係有小小發脹的感覺🧐傳統新加玻式拌面旁邊都會提供一碗湯，不過係偏鹹同油的餛飩麵湯咁。個麵的配料豐富，有肉碎、豬潤、魚蛋、炸餛飩、冬菇同埋豬油渣。炸餛飩好脆好食，魚蛋正常、豬潤就乾同埋硬左d🫣 想食辣的可以加參巴醬撈勻食，雖然惹味啲，但味道就會好鹹，因為佢本身味道(底下的汁撈埋/加湯食已經夠鹹)。呢個千奇唔好見佢冇咩色，以為冇咩味，撈勻食係好多鹹！
–
🆗咖椰爆漿。好似個個來到都會叫。我都係叫到先知咁癲🤯 成碟吐司的組成如下: 美綠粉> 朱古力醬> 麵包>牛油>花生醬>麵包>朱古力醬>牛油>咖央>麵包。可唔可以想像到幾咁重口味😳 食一舊會覺得好食，之後就..味道上花生醬主要搶左整體味道，隱約食到咖央同其他味。如果再脆啲會仲好，同埋記得多人先好share😈
–
✅美祿爆炸。係平時的milo濃10倍咁😂 木身的底已經好夠味好濃郁，就咁飲都好好味。面頭落大量extra milo粉加milo波波，甜度同濃度又再增強左，旁邊仲有一塊美綠餅，真係痴左線😂 好飲的不過就會甜d，多冰都救唔到😌
–
✅✅黑白。好舒服的一杯！食嘢所有比較鹹同甜的嘢，飲返呢杯的少甜好清，令味蕾清新晒。豆漿味淡淡的，仙草條滑溜有啲咬口😋
–
呢間係極度重口味的一間，重度甜鹹者會好喜歡。食物味道都幾正宗，不過係調味上好重手，自問頂得順的就來試下，會令你的味蕾帶來嶄新衝擊😳
–
同區美食🍧: #piggyfoodiein銅鑼灣
小店叫A.T.A.S，即A Taste Above Shiok，主打星加坡菜式，而小食同甜品都好有驚喜！
🔸 炸彈薄餅 $38
以咖央加上練奶，配上薄脆薄餅，餅皮酥脆，甜甜地又唔算膩，好似超薄版西多士，好食。
◽️ 豆腐卜配叻沙醬 $48
一客有6件，又熱又脆卜卜，豆腐卜內釀了魚肉，叻沙醬有滿滿香料味，蘸少少已經加了味道層次，或者蘸辣醬都同樣美味。
◽️ 板面 $78
有雞蛋、冬菇、小魚乾、肉丸等等，湯頭入口無負擔，麵條QQ的，食完原味可以加辣更惹味。
◽️ 喇沙釀豆腐 $98
辣味喇沙最啱香港人口味，店員介紹係星加坡喇沙，配料有釀茄子、釀辣椒、豆卜及秋葵等，辣得嚟好惹味，份量都幾多。
▪️ 美祿爆炸 $68
一杯美觀打卡必備嘅飲品，美祿味濃厚，甜度剛好。
▪️斑蘭薏米水 $28
淡淡的斑蘭香氣，薏米水仲有袪濕功效，養生之選！
銅鑼灣新派樓上新加坡菜
有時食得多中日韓台式菜都想試下其他嘢
其中一樣我鐘意嘅就係新加坡嘢
今次呢間新餐廳喺銅鑼灣樓上舖
都幾新穎，裝修環境有啲似cafe
麵粉粿乾
一開始睇個樣覺得好似上海式嘅炒年糕
識落覺得冇咁油膩，同埋都幾有層次
粉粿就係扁扁地不規則嘅麵團
除咗粉粿、豬肉碎、同滷冬菇比較大路嘅配料
仲有一樣叫做炸江仔魚，完全令到呢樣嘢升華咗
加添左個鹹香鹹香嘅味，個粉粿即時無咁滯
喇沙釀豆腐
私心推薦一定要食呢度嘅喇沙
除咗比較正宗係油麵同米粉都有之外
個湯底真係非常非常濃郁，香料味偏重
仲結結地，都幾有質感
另外，豆卜、矮瓜同紅椒都釀咗嘢
浸埋嗰個湯真係好好食
叫咗兩杯嘢飲都幾正
感覺都有誠意，真材實料
餐廳用咗自助形式，食完野記得執返自己餐具
好耐冇食過星馬菜，今晚買外賣就一於買星馬菜返屋企食，過下口癮
叻沙 $98
ℓαкѕα
食得星馬菜呢款一定必叫
叻沙湯底非常濃郁，帶點辣味，亦有淡淡椰香👍🏻好足料！有蝦、魚蛋、魚片，全部都爽口彈牙，仲有🥚同埋索晒湯汁嘅豆卜🤤真係幾正
板麵 $78
σяιgιиαℓ вαи мιαи
湯底清甜，板麵好有咬口，配料有豬肉丸、炸江魚仔、滷冬菇、蛋、菜心、炸蒜同蔥，超豐富！
咖椰多士 $38
кαуα тσαѕт
呢個真係好好食，多士好香脆，內有牛油同咖央醬，入口椰香十足
烏達烏達$48
σтαк σтαк
呢款都係馬來西亞嘅特色小食，魚餅辣辣地好惹味🌶️
我所認識的新加坡菜莫過於海南雞，胡椒炒蟹。板麵，麵粉棵…從末食過。
今日友人帶我來了一間新開新加坡菜餐廳，主打日常輕食，對我來説好有新鮮感。
板湯麵
板麵，豬肉丸，流心蛋，滷冬菇，炸江魚仔，炸蒜，菜心
板麵一塊塊，有煙韌的口感。
各種配菜工夫不少，誠意之作。
炸豆腐卜
外層是腐皮炸得脆卜卜，內餡是豬肉丸，完全不油膩，配以叻沙醬，增添味蕾感覺。
美祿爆炸
有香濃朱古力味。特別喜歡一粒粒的朱古力脆波，混入美祿凍飲，好正！
Ⓕⓞⓞⓓ ⓗⓔⓐⓛⓢ ⓨⓞⓤⓡ ⓢⓞⓤⓛ
返工好chur日日都想爆炸，放工即刻衝去填飽下脆弱嘅心靈🥲
裝修好有格調，門口望落好似好grand嘅西餐廳~行上白色嘅樓梯見到嘅係寬敞嘅環境，好似cafe咁又坐得幾舒服喎☺️
.
📍A.T.A.S
.
🍜板麵湯 ($78) – 清清地嘅熱湯板麵有多種配料，有豬肉丸、炸江魚仔、滷冬菇、半熟蛋、菜心粒、炸蒜同葱，麵條有咬口，正啊~
🍝辣椒板麵 ($88) – 係無湯版嘅板麵呀~配料同板麵湯嘅大致一樣，當然唔少得靈魂參巴醬辣椒醬，撈埋一齊食幾香口惹味喎~
🥪咖椰多士 ($38) – 賣飛佛嘅kaya toast🤤即叫即整卜卜脆多士夾住咖椰醬同牛油~係人間美食呀🥰
🍫美祿爆炸 ($68) – 超級濃郁嘅美祿!!雖然好肥，但確實好味到爆炸🤣有美祿波波同美祿粉鋪滿杯面，再加上一塊美祿餅🍫鍾意美祿嘅你千祈唔可以錯過呀!!!
🥛Michael Jackson ($28) – 老闆推薦新嘅特飲，個名好特別~係豆漿仙草，無糖豆漿配上少少甜嘅仙草感覺無咁邪惡🤪
間中經過銅鑼灣都想食呢間
入到去係自助形式，自己搵位再係counter點菜
🍲Fried Fish Bee Hoon炸魚片米粉💰$98
奶白色湯底已經知好濃郁，就咁飲幾啖都好正，炸魚片其實係炸魚肉咁啖啖肉，外皮脆身，入面軟滑，配料有番茄紫菜白菜仔，呢個超好食！🉐
🐟叻沙三文魚頭飯Laksa Salmon Fish Head💰$96+$8跟飯
叻沙食得多，今次呢款拼三文魚頭，三文魚多肉，但魚頭較多油脂，食飯會較好
🥢Rojak 囉喏💰$78
第一次食，相信係地道小食，有青蘋果、青瓜、炸豆卜、油條、囉喏醬、花生碎
有啲甜甜哋糖漿，比較喜歡青蘋果夠清新，油條炸豆卜偏硬，要啲牙力先咬到
🧈Kava Overload咖椰爆漿💰$68
必食❗️極度邪惡嘅咖椰多士，加埋牛油、花生醬、朱古力榛子醬、煉奶，再加埋美祿粉，好好食，口感豐富，但真係好肥🙊但都一定要食❗️
🥛Michael Jackson黑白💰$28
其實係仙草豆漿，仙草好食，好少可見係用豆漿
🥤Rose Limau玫瑰青檸水💰$28
檸檬味+淡淡玫瑰味，幾清爽
💰$376/2ppl
🚩A.T.A.S (銅鑼灣) @atas_hk
📍銅鑼灣邊寧頓街9-11號登龍閣地下C2號舖
#foodie #hkfoodie #foodiehk #852foodie #foodblogger #hkfoodblogger #hkfood #hkfoods #hkfoodstagram #hkfoodblog #hkfoodpic #foodporn #foodstagram #hkkol #instafood #instafoodie #ufoodphoto #hkigfood #causewaybay #cwb #cwbfood #kayatoast #hkdinner #相機食先 #香港美食 #銅鑼灣美食 #銅鑼灣 #咖吔多士 #咖央多士 #叻沙
Introducing authentic Singaporean cuisine to Hong Kong – proof that Singaporean food is much more than Hainanese Chicken Rice and Laksa!
採用自助形式嘅餐廳，平日嘅晚上嚟到都差不多滿座。佢地宗旨係將新加坡嘅味道帶嚟香港，餐紙介紹atas係sophisticated嘅意思，而shiok亦代表美味，嚟到都有啲期望～
店員推介我地試肉脞麵－我覺得肉脞麵有啲似港式嘅撈麵撈粗，一樣可以揀麵底(Mee Pok粗麵 / Mee Kia幼麵)，另外有碗湯，但佢嘅配料就多好多，有肉碎、豬膶、滷冬菇、白魚蛋、炸雲吞，仲有酥脆嘅豬油渣同油葱酥，望落食落一樣咁豐富。
辣椒板麵我都係第一次食，板麵嘅麵條就闊身有咬口啲，本身似撈咗蠔油、黑醬油，靠參巴辣椒醬提味，撈匀即刻變得惹味；配料都係有肉碎冬菇，特別在加咗溫泉蛋同炸江魚仔，口感就冇咁寡。
一場嚟到試吓杯特飲，玫瑰露恐龍落咗玫瑰糖漿呈搶眼嘅粉紅色，味道偏甜帶花香，反而食番面頭嘅美祿可可粉就比較自然；薑汁奶茶加煉奶，天氣凍飲完真係有暖笠笠嘅感覺。
晚餐
.
邪惡的一餐😈
餐廳入口要行樓梯上一層
座位都幾闊落
可以揀用點餐機自助點餐或者去收銀落單
之後會俾部機仔你 要自己去拎嘢食
食完要自己拎走啲餐盤
.
1) 咖椰爆漿
差唔多每枱都有叫呢款
賣相非常吸引
麵包外皮脆脆地 有滿滿嘅朱古力同花生醬味
不過就唔太知啲咖椰係咩味 有啲似煉奶(?!)
牛油略嫌太多太厚 不過都好易就可以拎走佢
食落又比想像中無咁膩同飽滯
不過最好都係2-3個人share
.
2) 肉脞面
有一大堆嘅肉碎 魚蛋同炸雲吞麵好味
配咗粗麵 加啲熱湯落去食 味道都唔錯
不過啲麵有少少癡住 比較難夾
.
3) 麵粉粿乾
有啲似乾炒牛河 有啲冬菇片同魚仔乾
不過比較鹹
.
4) 美祿爆炸 & Michael Jackson
美祿爆炸又係差唔多每枱都會點😂
好耐無飲過美祿喇!
味道就係平時嘅美祿味
不過上面有好多美祿波波 美祿粉 美祿味濃郁
仲有塊暖嘅餅🤣
Michael Jackson係仙草豆腐 少甜 感覺較清淡
我就幾鍾意喇
$28 價錢比美祿相宜
上網見到這間 A.T.A.S. 是在銅鑼灣新開的星馬餐廳，價錢不貴又坐得舒服，一於和朋友去食個晚餐順便傾傾吓。
餐廳是以自助式的點餐方法，自行簡位。枱與枱之間有充足間隔，不會擠擁。
食物方面都是圍繞星馬菜式，比較著重於粉麵類，相對來說是在香港不太常見的。A.t.a.s不是做街上隨處可見像「海南雞飯」的一般菜式。
⥀ 1. 辣椒板麵
所以說A.t.a.s不是一般星馬餐廳，我都是第一次食到這個「辣椒板麵」。板麵內裡有豬肉丸、炸乾魚仔、滷冬菇、蛋、菜心，再配上炸蒜、蔥和參巴醬辣椒醬，將其撈勻，非常惹味。不過，不要以為辣椒板麵是辛辣的，新加坡式的辣味都是相當易入口，而且辣中帶香，不是嗆鼻的感覺，混上板麵確實好食。
⥀ 2. 喇沙釀豆腐
其中一款我最喜愛的新加坡食物就是喇沙。餐廳用上比較另類的配料，就是類似香港的「煎釀三寶」，有茄子、豆腐、秋葵、紅椒、魚蛋等特。配料預先經過油炸，食落香口，而湯底亦是非常濃縮，椰汁完全融入喇沙之中，好飲到我幾乎將其喇沙全部飲光。
⥀ 3. Michael Jackson 黑白（豆漿鮮草）
A.t.a.s 在飲品方面改名亦具創意，豆漿鮮草名為Michael Jackson，寓意黑白。豆腐味不會過甜，餐廳卻利用了鮮草將其味道增甜，這樣處理恰到好處，可以避免飲品出現太甜的情況。
⥀ 4. Blackpink 黑粉（玫瑰露鮮草）
之後就要杯Blackpink，又真的是「黑粉」，餐廳用了玫瑰露溝鮮草，味道猶如Blackpink 一樣非常甜蜜，食完重口味的喇沙飲返杯Blackpink就可以甜到入心。
想食有特色又經濟嘅新加坡菜？不妨一試 A.T.A.S 啦！
《A.T.A.S (銅鑼灣)》
📍地址：銅鑼灣邊寧頓街9-11號登龍閣地下C2號鋪
.
🍴最近工作關係經常需要系銅鑼灣進餐, 經過餐廳門口俾一對行緊落條全白色樓梯既情侶吸引左我目光, 平時行過都無留意到呢間門面咁靚既系一間餐廳, 仲要系自己好耐都無食過既🥢新加坡菜, 二話不說便拉埋同行友人一齊上去一探究竟.
.
🥤一上到去, 環境既舒適已經令我心情大好, 可以暫時放低一天工作既疲勞, 準備醫飽自己個肚. 整體空間感夠大之余, 仲有舒服柔和既梳化, 贊!👍🏿
.
📝去到點餐處見到個MENU, 選擇好多唔同種類, 睇左幾頁已經有6,7樣野揀得落手, 不過人類始終有極限, 所以都要好似小朋友咁做出選擇.
.
🥗首先叫左個去左幾次新加坡既友人話好想食既Rojak $78 做前菜, 我自己第一次食, 味道同口感既多層次, 絕對系有驚喜既, 青蘋果既微酸爽口, 青瓜同沙葛既清新鮮脆, 油炸鬼同烤豆卜吸左甜甜地既Rojak醬變得軟熟, 再加上花生碎畫龍點睛, 呢個前菜絕對醒胃豐富, 超級超級超級值得推薦!‼️‼️‼️
.
🍜醒胃前菜之後, 我已經準備好食肉脞哥羅面$78! 店員上菜時我差啲就想叫住問點解無面, 系未俾錯左個淨餸我, 但我提返自己唔系食緊車仔面, 果不其然, 只系太多餸完全遮住左啲面, 炸雲吞, 白魚蛋, 豬潤, 冬菇, 脆豬肉數都數唔曬既料全部都好好食又好夾, 個拌面配上辣醬十分惹味, 還有個湯滋潤平衡返整體口感!😋
.
🍲隨後友人叫既麵粉粿乾$78 , 又系琳琅滿目既食材填滿左我既視野, 我試了幾口, 最值得一提既系炸江魚仔既鮮味, 令整個菜口感味道提升至另一層次, 十分地道!
.
🍹飲品方面友人叫左個姜汁奶茶$28和 我自己叫的咖啡祿$28都十分好飲, 可以睇得出呢間餐廳絕對無忽視飲品呢一環, 另外餐牌上有個叫美祿爆炸的已經預先成為了我下次會點的飲品.🍷
.
🥞到最後雖然我同友人都已經食到頂住左個肚皮, 呢個時侯小時間上的生物課終於派上用場, 我地甜品系用第二個胃既🍭, 所以我地唔可以錯過呢個薄餅炸彈$38! 就同其他菜式一樣, 甜品🍬都唔會馬虎了事, 咖央醬加煉奶充滿了整個口腔, 咬落脆化既薄餅會令你一塊接住一塊咁食, 叫左呢個絕對無後悔！
.
⭐️性價比：5/5星
💰人均：$150港元
.
#地道客家馬來西亞麵粿
經過一間不起眼既兩層既舖頭，裝潢設計似係一間文青清新既花店，但原來上樓後係一間新加坡菜既餐廳🤩簡約寬敞舒適既空間，位同位之間相隔都有一段距離，而且有沙發位，坐得好舒服，好適合嚟開會或者同朋友chill一下🤗
呢度既點餐方式係自助形式，先去cashier先點餐，之後會有一部提示取餐既機，可以坐喺位度慢慢等候提示取餐，餐具都係自助形式，好方便😌
🌟板麵湯 $78🌟
朋友就揀咗板麵湯，裡面有板麵、豬肉丸、炸江魚仔、滷冬菇、蛋、菜心、炸蒜、蔥等配料，第一次食麵粿，口感煙韌軟身，都幾特別，原來係馬來西亞客家人既菜式👍🏻
🌟Bandung玫瑰露 $28🌟
好Pink既一杯玫瑰露🌹，飲落好香既玫瑰味，個底係甜甜既淡奶做base☺️
🌟喇沙釀豆腐 $98🌟
我就揀咗喇沙釀豆腐，比佢幅圖吸引到，釀豆腐既份量係重量級，大大粒，裡面係用咗豬肉同魚肉混合制成的，好足料，仲有秋葵、紅椒、釀茄子、魚丸等等配料，湯底看似好辣，其實一啲都不會好辣，反而好惹味，米粉吸收曬啲精華💯
🌟Milo 美祿 $28🌟
再配埋杯美祿飲品，就滿足了，美祿去馬來西亞又係必點既飲品之一，食完當去咗一趟馬來西亞咁🤗
星馬菜餐廳
地點方便 接近銅鑼灣地鐵站
餐廳以自助形式為主
價錢合理 味道不錯
但餐具及餐桌稍為不乾淨
飯後需自行歸還餐盤
𓂃𓂃𝘼.𝙏.𝘼.𝙎𓂃𓂃
𓎂辣椒板麵 𝘾𝙝𝙞𝙡𝙡𝙞 𝘽𝙖𝙣 𝙈𝙞𝙖𝙣
配料包括左豬肉丸、炸江仔魚、滷冬菇、蛋等等，比較重口味但唔會話過咸，撈埋少少參巴醬辣椒會更加惹味！板麵口感有啲似無咁有嚼勁嘅刀削麵，平時比較少食新加坡麵食，偶爾一試都𝙤𝙠!
𓎂炸魚片米粉 𝙁𝙧𝙞𝙚𝙙 𝙁𝙞𝙨𝙝 𝙎𝙡𝙞𝙘𝙚 𝘽𝙚𝙚 𝙃𝙤𝙤𝙣
湯底呈奶白色味道鮮甜，食完濃味嘅辣椒板麵後飲一啖會特別舒服，魚片都炸得幾脆，肉質結實中帶細嫩！呢度嘅米粉係近似米線嘅質感，而附上嘅紫菜同成個麵都幾夾！
𓎂咖椰爆漿多士𝙆𝙖𝙮𝙖 𝙊𝙫𝙚𝙧𝙡𝙤𝙖𝙙
三塊烘到好脆口嘅多士夾住咖椰、牛油、花生醬、朱古力榛子醬同煉奶，再喺多士面灑上美祿粉，睇落同食落都係超邪惡！味道方面，花生醬同朱古力榛子醬搶晒風頭，其他配料嘅味道會相對上無咁突出，而甜度都係想像般高，建議三四個人分享比較好！
𓎂黑白 𝙈𝙞𝙘𝙝𝙖𝙚𝙡 𝙅𝙖𝙘𝙠𝙨𝙤𝙣
仙草豆漿，豆漿味道唔會太甜，仙草感覺幾清爽，配濃味食物幾適合
𓎂酸梅青檸水𝙋𝙡𝙪𝙢 𝙇𝙞𝙢𝙖𝙪
呢杯嘅味道比較清淡，咸咸地酸酸地
𓎂呢間餐廳係自助形式，繁忙時段店面職員難啲協助到有系統地入座，所以要留意吓了！
𓊦𝘼.𝙏.𝘼.𝙎
𝘽1-3, 1/𝙁, 9-11 𝙋𝙚𝙣𝙣𝙞𝙣𝙜𝙩𝙤𝙣 𝙎𝙩𝙧𝙚𝙚𝙩, 𝘾𝙖𝙪𝙨𝙚𝙬𝙖𝙮 𝘽𝙖𝙮, 𝙃𝙆
又係誤打誤撞去搵食系列，
話說太耐無去當年人氣長龍店: 銅鑼灣的咖啡弄，
原來查找下已經於2019年8月結業了，
塞翁失馬的情況下發現原址開左間主打正宗新加坡菜的A.T.A.S
小編下拋下書包先，ATAS是馬來文的「非常高貴」
而店名用了英文本義又是A Taste Above Shiok(開心愉悅感覺)
一名兩義的IDEA店主的確有心思誠意。
新開業兩個多月不久，平日晚上未算好多人，
進入簡約門面後沿住白色樓梯上到2樓餐廳，
舒適空間感加上淺綠色的清新風裝修，柔和中帶種大自然氣息，
場內有半圓梳化卡位、木色餐檯椅及對街的BAR 檯座位。
MENU 款式同食第賣相都好吸引眼球，
櫃檯的新加坡人店員亦熱情耐心地推介食物，
餐廳以半自助模式，衛生整潔，
可向店員點餐亦可透過售賣機點餐，然後攞取餐提示器。
喇沙釀豆腐 Laksa Yong Tao Foo $98
推介:⭐️⭐️⭐️⭐️⭐️非常正!
作為叻沙控點都要介紹左呢款先，
就咁睇已經好肯定湯底十分濃郁惹味，微辣味之中有淡淡椰香，
麵底摻摻加埋重點的釀豆腐，豬肉及魚肉混合做饀料十分足料。
配菜有大大份的釀茄子、釀辣椒、爽彈小魚蛋及秋葵等，非常美味!
湯底令麵條掛湯非常理想，油麵及米粉吸收哂喇沙精華，真心好正。
我會形容佢係一個港式煎釀三寶+新加坡喇沙的完美合體，
岩哂D貪心配料多麵又多的朋友仔，性價比完滿合理。
囉喏 Rojak $58
推介:⭐️⭐️⭐️⭐️
一般星馬餐廳較少見的地道開胃沙律菜款，
有炸豆卜、油條、青瓜、青蘋果及沙葛等
再拌上打開胃口的囉喏甜醬汁，灑上芝麻及花生碎後，
口感豐富食唔停口!
麵粉粿湯 Original Mee Hoon Kuch Soup $78
推介:⭐️⭐️⭐️⭐️
集合左麵粉粿、流心溫泉蛋、滷冬菇、炸小魚乾、豬肉丸及菜芯等，
彈牙麵粉粿，麵條咬落去有點似刀削麵質感，
溫泉蛋流心吸引，朋友讚豬肉丸彈牙又大粒，
整體味道唔錯又夠哂份量飽肚。
玫瑰露恐龍 $48 & 班蘭奶茶 $38
推介:⭐️⭐️⭐️⭐️
美祿恐龍再加上玫瑰味，味道多了一份香甜，
又係其他店少有的款式特飲。
奶茶香滑解渴，配上清淡的班蘭香味更加畫龍點睛。
總括清新文青系的小店，以菜式的特別及環境寬闊空間取勝，
是銅鑼灣區難得休閒嘆返個星馬菜的好選擇。
銅鑼灣的新加坡餐廳，白色的門口，行上樓梯，見到餐廳空間大，佈置簡潔舒適，坐得舒服。
麵粉粿乾 $68
馬來西亞人的傳統食品，有湯或乾撈，我地選左乾撈，材料豐富，有麵粉粿、豬肉、滷冬菇、菜心，口感有啲似意大利粉貓耳朵，配合炸蒜和炸江魚仔一齊食，味道濃郁好味，食半碗已經好飽肚。
喇沙釀豆腐 配米粉加油麵 $98
睇個賣相已經知適合重口味嘅朋友，手掌大嘅紅椒、茄子、炸豆卜都釀滿豬肉，味道可口，喇沙湯底濃郁。
咖椰多士 $38
朋友最愛咖椰多士，滿滿的咖央醬，有椰香，多士外脆内軟，配以大牛油一齊食，好味。
邊寧頓街的一間樓上新加坡菜快餐店，除了可能跟收銀下單外，還可以透過門口的自助機下單，非常先進。部份店員是新加坡籍，以英語溝通。而取餐則以自助形式，旁邊有餐具和紙巾等等，用餐完畢可自行交還。店內裝修舒適，座位之間好廣闊。
叻沙 LAKSA
咖哩椰奶湯頭好濃郁，咖哩味比較重，味道比較辛辣；有數粒鮮蝦仁好彈牙；魚片和魚蛋好鮮味；豆卜和米線也很掛湯汁；還有半邊雞蛋。
炸魚片米粉(湯) FRIED FISH BEE HOON
奶白色的湯頭好鮮甜，有數塊炸魚片酥脆而沒有魚腥味，入口內裡很滑溜；配料還有紫菜、蕃茄和白菜仔，相對比較健康。
咖椰爆漿
面層撒滿了厚厚的美祿粉，滿佈朱古力榛子醬及煉奶，酥脆的多士夾著咖央醬、花生醬和牛油，超邪惡的招牌小食。
玫瑰青檸水 ROSE LIMAU
淡淡花香的玫瑰味，平衡了酸澀的青檸，變得酸酸甜甜好清爽。
黑白(豆奶仙草) MICHAEL JACKSON
濃醇香滑的豆奶，每一口也有一條條爽滑的仙草。
呢間新加坡菜裝修好舒適以及很具空間感，
仲有舒適沙發🛋️位，可以chill 一下！
而且嘢食都超班！😱所有嘢都好好食！😱
服務態度好好！呢間要瘋狂推薦！
🌸🌸🌸🌸🌸🌸🌸🌸🌸🌸🌸🌸
🍀辣椒板麵$88
原來板面係來自馬來西亞客家人，
麵條闊身，軟但係有彈性，
麵入面有菜心粒、魚乾仔、冬菇、肉碎、
而且仲有完美溫泉蛋，震騰騰！
原本以為會好辣，辣度隨心😍，
但係原來係旁邊放左參巴辣椒醬，
新加坡風味十足，朋友一致好評！
🍀 炸豆卜配喇沙醬$48
呢個都係我好鍾意嘅😍超正啊！
唔係普通炸豆卜黎，入面釀了滿滿的豬肉，
外皮炸得香脆，配上喇沙醬鹹鹹甜甜超正！
🍀 玫瑰露恐龍$48
美祿恐龍飲得多，第一次試玫瑰🌹味，
玫瑰味道相當突出，配上面頭的美祿粉，
味道濃郁又打卡！好特別！
🍀 薄餅炸彈$38
不得了！咖椰醬星馬風味十足，
而且餅底係酥皮，醬汁滿溢！
一啖一酥脆，同時口腔充滿豐富醬汁！
😈邪惡！好好食！
🍀客家釀豆腐$88
好似香港的煎釀三寶，但不同的是，
呢間餐廳用料很足！超大份，
有豆腐、苦瓜、矮瓜等等！每樣都好食，
叫左油麵同米粉，油麵較出色！😄
🌸🌸🌸🌸🌸🌸🌸🌸🌸🌸🌸🌸
呢間真係不得了，價錢唔貴！食物高質！
一定會再去食！
A.T.A.S (銅鑼灣)
銅鑼灣邊寧頓街9-11號登龍閣地下C2號舖
新加坡風味
見到好多朋友都去咗銅鑼灣依間新開嘅新加坡風味料理，啲相實在太吸引喇，攪到我都忍唔住要去會一會佢。餐廳運作模式有點似快餐文化，需要自己搵位，櫃面落餐、拎餐，同交餐托盤。環境唔錯，地方寬敞同好乾淨。
麵粉粿湯
除咗手打嘅麵粉粿，仲有豬肉丸、炸江魚仔、滷冬菇、流心蛋。 份量都多都豐富。 湯底非常鮮甜。豬肉丸當然唔係凍肉鋪買返去打邊爐果隻啦，而真係豬肉㧻嘅肉丸，真真實實嘅豬肉嚟。
客家釀豆腐
依個超豐富，有釀豆腐、茄子、紅尖椒、綠尖椒、苦瓜、白蘿蔔。 每一件煎釀都好大件，而唔同平時食嘅煎釀三寶，釀入嘅係豬肉，雖然無釀魚肉咁彈牙，味道絕對無比下去。依款可自選麵食，我就要咗乾麵，所以跟埋一碗好鮮味嘅湯。
玫瑰露惡龍
玫瑰味好突出，而頂頭嘅美綠粉，濕咗後可以慢慢一啖啖咁食。邪惡得嚟好正。
班蘭奶茶
奶茶香滑，配合清淡嘅班蘭香味。
去到一間專食星馬湯麵嘅餐廳食晚餐。餐廳裝修簡約，有兩張半圓梳化位以俾我地打卡，幾有cafe feel！
我地叫左兩碗湯麵，兩杯野似同一個咖央多士：
炸魚片米粉 $98
湯底幾有鮮味，飲落幾濃郁。炸魚片幾香脆，份量都算多。另外仲有蕃茄、紫菜做配菜。
Not nor mee $108
一個好有特色嘅滷麵，麵好掛汁，食落好入味。另外仲有腩肉，蛋同兩個炸魚肉。不過可能因為我食得比較清淡，呢碗麵嘅汁實在太多，略嫌有啲鹹。
咖椰爆漿 $68
多士烘得算脆口，表面有大量可可粉，中間夾雜住厚牛油，花生醬同咖央醬，味道唔錯！
薑汁奶茶 $28
好濃薑味嘅熱奶茶！
玫瑰露恐龍 $$48
俾佢嘅外表吸引左先叫嘅一杯野飲，飲落又真係好香玫瑰味！
估唔到銅鑼灣新開咗一間價錢親民嘅新加坡菜！裝修以木色同白色為主，入到嚟感覺好舒服，有家的感覺，餐廳職員亦好好服務，雖然大部分都唔識講中文，但佢哋都好盡力咁同客人介紹同溝通！
客家釀豆腐，簡單黎講其實就係喇沙，湯底夠濃郁，椰香味重，配料亦有好多，釀豆腐、釀茄子、釀苦瓜、白蘿蔔等，全部索晒湯底，不過略嫌有啲唔夠熱～
辣椒板面，呢款屬於拌麵，味道較濃，帶微辣，另外仲有啲切粒嘅菜心梗，可以中和返大量肉碎同濃味嘅油膩感～夠惹味！
Rojak囉喏，未去過新加坡嘅我覺得呢個沙律真心好食！裡面有啲沙葛、青蘋果、炸豆卜、油炸鬼等，配埋甜甜帶點花生碎嘅醬汁，好開胃，顛覆咗我對沙律嘅觀感！
飲品方面有餐廳推介，美禄爆炸，打卡度十足，大大杯嘅美祿，面頭仲有美祿粉同美祿cereal，都好大杯下～
玫瑰露恐龍，玫瑰味比想象中重，個人更愛飲呢款，味道再清新啲。整體飲品都好大杯，抵飲！
放工去sogo 感謝節，係附近發現咗呢間上樓，新開，感覺幾chill 嘅新加坡餐廳。餐廳形式比較自助，自己落order 再等機通知，場內裝修以白色為主。講下食物先，我地兩個人，一人一碗麵，一個飲品，再加個沙律，其實都好夠，因為佢份量都幾多。
新出嘅喇沙釀豆腐，個湯底好濃，但一D都唔油，係健康嘅感覺😅
辣醬板麵，麵質ok ge~ 但個人覺得淡左少少，如果再夠味多少少就好啦😝
Rojak 呢個沙律叫囉喏，好特別嘅味道，甜甜地，係幾好食嘅，兩個人就食唔晒，3-4人岩岩好👍🏻
好靚嘅飲品，美綠爆炸，勁好飲，推介，好濃美綠味👍🏻👍🏻👍🏻
大合照一張，哈哈呢個份量真係夠3個人😅
呢間開係銅鑼灣自助下單形式既星馬餐廳，對於好少食星馬嘢嘅我來講好新奇有趣
麵粉粿乾$68
好足料有蝦乾冬菇魚仔食落幾香口粉粿好有咬口，用乾炒煮醬汁比較濃郁惹味
肉脞面$78
好多配菜仲有我最鍾意嘅炸雲吞😋個參巴醬好香濃又唔會太鹹，份量都幾大一個女仔未必食得晒
玫瑰青檸水$28
黑白(豆漿仙草)$28
兩款飲品都正常操作，個人比較鍾意黑白幾有驚喜
🥢麵粉粿乾$68
每片粿條都呈不規則嘅圓形，咬落煙煙韌韌😋雖然充滿醬油嘅顏色，但係唔會俾啲汁浸到好鹹😬碗入面仲有啲炸魚乾、菜心、滷冬菇同埋啲乾蔥蒜🧄
🐷肉脞麵$78 配料包括辣椒醬、炸雲吞、豬潤、豬肉碎、魚蛋同埋冬菇粒🍄呢碗嘅味道比起粿條更加濃同有鹹香味🤤
🇮🇳薄餅炸彈$38
呢個甜品好邪惡，建議兩個人食😈薄餅同薄餅兩塊中間勁多煉奶同埋朱古力醬，好肥但好好食
人氣爆燈新加坡餐廳🔖ATAS
7點黎到幾乎滿座。餐廳採用自助形式，非常方便。
叻沙，辣得黎又好惹味，味道濃烈，有好多料，魚蛋、魚片、蝦，豆卜同蛋，蝦新鮮彈牙。
炸魚片米線，幾欣賞佢個魚湯，好濃好白，又有番茄同埋菜。加埋脆口既紫菜同埋炸魚塊，有不同既口感，唔會太膩。
咖吔爆漿，好邪惡既甜點，幾乎張張枱都有點呢款小食。三塊麵包夾全兩層牛油，中層有咖吔、煉奶、花生醬、榛子醬，面頭仲舖滿晒美祿粉!!toast 都脆口但係幾甜下，超濃既朱古力味，好有食緊double chocolate 既感覺。
飲品叫左酸梅青檸水，解膩一流，夏日飲碳酸水仲好爽添，酸酸甜甜。另外試左斑蘭奶茶都幾得意，但就真係睇個人喜好鍾唔鍾意陣斑蘭味。
最近朋友話銅鑼灣開左間馬來西亞野，平時食馬來西亞野，都係食肉骨茶多d，但粉面類都係第一次食😌餐廳設計都幾精緻，沿樓梯直上，座位都幾闊落好似Cafe🥰適合同朋友傾下計，都不錯。
餐點方面，有特式餐點同飲品。我地點左以下😊
🌼板面～碗麵入面有魚仔乾，香菇及青菜，再加上流心蛋，麵質有d似河粉咁，帶小小米味。湯底都有香菇味👍🏻
🌼客家釀豆腐（湯）～釀豆腐有d似港式嘅煎釀3寶，魚肉彈牙，我地叫左青辣椒，紅辣椒，豆腐，茄子🍆，苦瓜😌。食落覺得唔算太炸😋比港式多左少少香料味😆麵方面，我地要左一半油麵一半米粉🥰
🌼咖喱雞配印度薄餅，咖喱唔太辣，雞都好入味。印度薄餅好鬆軟，點埋咖喱汁味道好夾。
🌼玫瑰露恐龍，味道好香玫瑰味，配埋美祿粉一齊，都幾特別，同埋顏色好靚😍
🌼青檸茶，茶入面有青檸同酸梅😎
P.S店員好有禮貌同幾靚仔嫁🥰
裝修設計清新簡約，地方偌大，座位舒適!
麵粉粿湯有豬肉丸、炸江魚仔、滷冬菇、蛋、菜心、炸蒜及蔥！麵粉粿有咬勁，料好湯實在!
辣椒板麵的配料基本相同，再以參巴醬辣椒醬拌板麵！麵條口感有彈性，沾附了蛋汁、辣椒醬和肉碎，滋味豐富!
炸黃姜雞中翼外皮酥脆，肉質鮮嫩多汁!
美祿爆炸以經典的麥芽朱古力味為基調，再於飲品面層加上濃郁香甜的美祿可可球，令層次再度昇華!
斑蘭薏米水清甜潤滑可口，是消暑去濕的良飲!
又一個無堂食晚市既日子😣~
同男朋友拍拖出街又唔知買咩外賣食好
經過見到e間特色新加坡菜就買黎食下😚😋
麵粉粿湯 $78
一開果時已經覺得好足料!! 有大量魚仔 冬菇 同肉丸😳
流心蛋係吸引我既主因 真係入口即流🤣
而值得一讚係大量既魚仔冬菇配料 加埋個湯 好野味😳
麵粉粿食落有煙韌口感 但同時又唔會麵粉味太重 唔會過厚😋有特色
肉脞面 （辣）$88
又係好足料 勁多豬潤同肉碎同其他配料😳
個辣椒伴醬超好味😳好野味
雖然係乾撈麵 但食落完全唔會乾
不得不讚個炸雲吞擺左好耐都仲係脆😚👍🏻
姜汁奶茶 $28
姜汁味重 但又唔會搶左奶茶味
奶茶味茶香😋無走甜都唔會過甜
酸梅青檸水 $28
好Fresh 有少少甜味混合住咸味
2種味道好夾好balance😚好特別 好飲
疫情之下，想舒舒服服喺屋企享受美食， 唔同國家嘅菜式， 滿足我哋冇得去旅行嘅心情， 記得幾年前呢個時候， 去咗馬來西亞同埋星加坡， 你好掛住 星洲菜式嘅香濃美味。
喇沙
(魚片+蝦仁+豆卜）香香辣辣充滿椰汁味道， 米線吸收曬醬汁精華， 煙煙靭靭 充滿米香， 喇沙小小辣， 魚蛋夠彈牙， 豆卜好新鮮。
肉脞麵
(肉脞+ 豬肝 +魚蛋 + 滷冬菇+ 豬油渣+ 生菜）面煙煙靭靭 夠曬彈牙， 好豐富嘅配料， 冬菇好入味， 充滿 鹵水汁味道。 豬油渣卜卜脆， 肉脞夠香濃。
班蘭奶茶＋仙草豆漿，外賣特飲包裝好特別，打咭like 🥰🥰like🥰🥰。
這次在銅鑼灣利園附近覓食，去了一家新開的星馬菜餐廳，是位於邊寧頓街的小店。店舖以簡約文青風裝修，座位間有空位挺舒適的。這裡以自助形式下單，先購票後選擇座位等取餐😆。
–
💥斑蘭奶茶 HKD$38，飲品看似跟平常分別不大，但面頭有綠色的斑蘭漿，攪拌過後味道更為突出😄。奶茶味道濃郁，與奶的比例剛好，味道不會太甜。
–
💥蜜糖羅漢果 HKD$28，這杯飲品性質溫和，有清熱潤喉之功效。在這個乾燥時冷時熱的天氣，飲杯潤喉飲品挺不錯的😆，這個甜度適中不會太甜。
–
💥麵粉粿乾 HKD$68，材料有麵粉粿、豬肉、 炸江魚仔、滷冬菇、菜心、炸蒜及葱。用醬油及蠔油調製，味道咸咸甜甜🤤。麵粉粿乾較少吃感覺特別，用麵粉製成的扁身麵糰，口感煙韌軟綿綿。這個有其他配料，令到口感較豐富。
–
💥板麵湯 HKD$78，材料有板麵、豬肉丸、炸江魚仔、滷冬菇、溫泉蛋、菜心、炸蒜及葱。湯底味道清甜，麵條是粗身闊麵，賣相有點像刀削麵，口感煙韌有咬感。把溫泉蛋弄破，令到口感更滑身🤤。
–
📍A.T.A.S
銅鑼灣邊寧頓街9-11號登龍閣地下C2號舖
過海陪姜🍬朋友喺姜濤灣打完卡
點都要食餐好先番屋企啦
想食濃味野嘅我就搵左呢間星馬菜
呢度走快餐自助路線 先俾錢再取餐 慳番加一服務費
Laksa
湯底一睇顏色就知正宗
濃濃嘅椰香 味道唔算辣但好香口
材料有蛋 蝦 魚蛋 豆卜
豆卜吸晒喇沙湯超入味
炸魚片米粉
最初點餐時以為係平時啲魚蛋片頭嘅口感
點知原來真係魚嚟 真材實料
湯底奶白色好鮮甜 唔似味精野
Kaya Overload
呢個甜品真係必食
三層香脆嘅多士 夾住厚厚嘅咖央醬同牛油
再淋上朱古力醬同美祿粉
超級邪惡 但肥死都要食😋😋😋
Blackpink 好香玫瑰味 加埋鮮草增加口感
Pandan milk tea 班蘭味都幾突出 飲品唔算太甜
喇沙 (粗米線）
湯底濃郁 椰奶咖喱味濃郁
辣度剛好 個人唔太食得辣都覺得可以
配魚蛋魚片豆卜 非常豐富
想食星馬口味既朋友 呢碗喇沙係不異次選
炸魚片米粉
湯底用魚湯熬製 非常鮮味
炸魚片冇油炸完既油膩感
脆口 肉質鮮嫩
配合蕃茄 紫菜 白菜
唔喜歡食辣既朋友可以試試呢個
Rojak
係一個非常地道既星馬沙律
甜甜既醬汁配合幾款唔同既生果 (青蘋果/菠蘿，雪梨） 口感都幾特別
第一次試 係一個夏天好岩食既前菜小食
飲唔分別叫左BLACKPINK 美祿爆炸
美祿爆炸依然係我首選👍🏼
銅鑼灣原來有間樓上新加坡餐廳A.T.A.S。樓上真係有雅座！餐廳環境乾淨明亮，有圓位梳化座位，坐得舒適。
點餐取餐採用自助形式，食完記得自行將餐具放喺回收處啊。旁邊有齊曬調味料同餐具餐紙，可以按個人需要攞番適當嘅份量，咁就唔驚浪費啦～👍🏻
❤️客家釀豆腐
可以揀跟唔跟湯。
我揀左跟湯同米粉。
除左豆腐，重有青椒、紅椒、茄子，最特別係重有苦瓜！同一般煎釀三寶釀魚肉不同，佢地用左豬肉。豆腐、青椒、紅椒、茄子同苦瓜全部都大大件。米粉配紫菜同吃口感更豐富。湯底加上炸蒜食落更香口。
❤️豆腐卜配叻沙醬
叻沙唔辣但係好香
豆卜唔係硬脆，係有空氣感嘅脆。豆腐卜中間重有豬肉。
❤️辣椒板面
有肉碎、溫泉蛋、冬菇片、菜頭、魚乾等。
冬菇多汁，菜頭脆。麵軟硬適中有口感。撈埋d辣椒醬一齊食更惹味😋。
飲品都好出色！👍🏻全部都好大杯！👏🏻
❤️玫瑰露恐龍好明顯分左三層：由上至下分別係阿華田粉、玫瑰露同花奶。玫瑰露pink pink顏色好靚啊～😍少女心爆發。
❤️美祿爆炸
簡直係鍾意飲阿華田嘅朋友嘅福音呀！😍有大量阿華田粉、美祿脆脆波同一塊餅乾🍪，有得食又有得飲，阿華田味湧曬出黎！
❤️嗌埋個甜品食就完美啦。麻糍有三種口味揀：花生、芝麻同椰子。我同朋友都不約而同揀左花生。麻糍軟得黎口感煙韌，加上花生碎口感豐富。
到目前為止，我在香港吃過的最好的叻沙！香蘭奶茶沒有太多香蘭味。
需要注意的一件小事是，蜂鳴器號碼與收據上的號碼不一致，這導致了食品通行證上的直覺誤解。除了那個 10/10！
餐廳類似快餐店模式 要自己出去落單同拎野~
–
咖椰爆漿有kaya、牛油煉奶花生醬、朱古力榛子醬同美祿粉
吐司層次分別 塊牛油超級厚 花生醬味超出🥜🤤
真係好正 建議三人share一份🤣
–
板麵/麵粉粿湯湯底鮮甜 主要加上炸蒜同蔥黎出味
配料有豬肉丸、炸江魚仔、滷冬菇、蛋同菜心
由於湯底比較輕口味 配料嘅味道變得更突出!!
–
咖喱雞胸麵真心幾辣 同油麵好夾
慢煮嘅雞胸好嫩滑 加上豆卜同薯仔 超飽肚🥔😛
–
酸梅青檸水好出話梅味~
美祿爆炸入面滿滿美祿粉同煉奶 仲有朱古力波波同餅乾 爽皮!!
這就是地道的新加坡。濃郁嘅叻沙香味， 夾雜著椰汁嘅香味同埋辣味 ，配上摻摻（米粉加油麵，一種地道的食法）， 令人彷彿置身新加坡街頭。 配菜有客家釀豆腐 ，釀茄子 ，釀紅椒及秋葵等等， 全部都係叻沙嘅絕配。
肉脞麵，$78。 富有特色嘅撈扁麵， 配料豐富包括炸雲吞 ，豬潤，豬肉碎，魚旦，冬菇等， 加上特製嘅辣椒醬， 撈埋一齊非常惹味！
配埋新加坡最出名嘅凍美綠， 今晚嘅晚餐 好完滿。
由星加坡人煮嘅星加坡菜
喺銅鑼灣鬧市難得有一個清幽嘅樓上小店坐低傾吓計、食碗麵。餐廳名A.T.A.S即係a taste above shiok嘅意思。
餐廳係自助形式，自己搵位、自助售賣機落order、在自己拎嘢食。
我哋食咗一個炸魚米線，一個肉脞面，飲咗一杯black pink, 一杯薑汁奶茶。
炸魚炸得夠香脆，米線嘅湯清清地，肉脞麵裏面嘅配料好豐富，有菜有肉有冬菇。
薑汁奶茶非常亂畫，啱晒冬天飲，粉紅色嘅black pink淨係賣相已經贏晒.
店員都係星加坡人，如果想短暫感受一個小旅行，呢一間餐廳都係一個好選擇。
家的味道~~ 下雨的星期六中午去的，特地來吃米粉粿(^^)，好喜歡！！！！加了點辣椒，味道更棒了！！！！
一定會再回去的~~
上星期五收工, 終於可以同好友見見面, 傾下近況。眾所周知銅鑼灣嘅餐廳好多時都full booking, 所以我叫好友帶我去佢平時最愛嘅飯堂, 佢話多數都有位, 唔使擔心迫人。
的確呢間新加玻餐廳令我有驚喜, 環境闊落, 坐得好舒服, 而且價錢唔貴, 新加玻菜都好有特色。
麵粉粿乾 $68
好友最愛食粿粉, 用醬汁乾撈, 少少甜甜地, 好多炸江魚仔, 豬肉絲, 滷冬菇, 味道不錯, 對我嚟講係好特別嘅嘗試。
喇沙釀豆腐 $98
喇沙超香, 好濃湯底, 有椰奶味道, 有釀長青椒紅椒, 好惹味, 麵條有金邊粉+粗蛋麵, 超正‧
好友突然再叫多一個小菜, 唔知叫咩名, 係冷盤嚟嘅。青瓜、青蘋果、油炸鬼、魚肉, 醬汁甜甜地, 好特別
玫瑰露恐龍$48
比較甜, 適合嗜甜人士
凍青檸茶 $28
整體都好滿意, 下次會再嚟。
以前咖啡弄位置，原來開咗間新加坡餐廳，整間店以綠色丶白色為主調，視覺上清新丶舒服！可惜夜晚停咗堂食，唯有外賣拎走…
叻沙 Laska
首先當然要食去新加坡必食嘅叻沙，有蝦丶魚旦丶豆卜丶半邊蛋，可揀米粉丶油麵或米線，湯底濃，有椰香，仲有我好鍾意嘅江魚仔添～
辣椒板麵Chilli Ban Mian
麵條上面放咗辣椒丶豬肉碎丶半熟蛋、江魚仔、香菇片丶菜粒，醬油、生抽、蠔油等調味，份量好足；幸好店員好細心，將辣椒放埋一邊，咁就可以自由控制辣度啦！
炸五香卷Ngon Hiang
腐皮包住豬肉卷，第一次食，夠哂香口，原來有五福臨門嘅意思，悉逢新年，攞個好意頭！外賣返屋企途中，不時聞到五香味，已經好想即刻食！拎到返屋企都仲脆㗎👍🏻
姜汁奶茶Tah Halia
薑味重，茶味夠香，微甜啱啱好
酸梅青檸水 Plum Limau
我覺得佢係似加咗話梅桔仔冰，味道好清新
📍 𝗔.𝗧.𝗔.𝗦 (銅鑼灣)
銅鑼灣邊寧頓街𝟵-𝟭𝟭號登龍閣地下𝗖𝟮號舖
新開業不久嘅𝗔.𝗧.𝗔.𝗦，主打新加坡菜，位於閣樓位置，應該係舊咖啡弄鋪位，唔洗再鑽入住宅後樓梯，可以沿住白色樓梯上餐廳，餐廳以自助形式，到收銀處點餐，付款後比部機你，食物準備好就會響通知你可以取餐👍🏻
呢度環境光猛，用上清新白色同綠色配搭，好有文青𝗳𝗲𝗲𝗹感覺舒適，啱哂打吓咭🤳🏼
▫️喇沙釀豆腐 $𝟗𝟖
有三款麵條可揀，椰香味十足嘅喇沙湯底濃稠，十分惹味😋配料係釀豆腐、茄子紅椒，釀入豬肉後口感層次豐富，仲有魚旦同秋葵👍🏻
▫️麵粉粿乾 $𝟕𝟖
麵粉粿口感煙韌有嚼口，靠配料醬汁令麵粉粿乾變得豐富惹味，有豬肉、炸魚仔、滷冬菇、菜心😝😝
▫️薄餅爆炸 $𝟑𝟖
推介必食‼️鬆脆酥軟嘅印度薄餅，夾著咖央醬同煉奶，既香甜又帶椰香，非常美味🤤🤤
▫️美祿爆炸 $𝟓𝟖
▫️班蘭奶茶 $𝟑𝟖
A.T.A.S
銅鑼灣鬧市中有一間裝修別緻嘅星加坡🇸🇬餐廳，入面環境好舒適好簡潔，入面做既嘅全部都係星加坡🇸🇬人，所以佢哋啲星加坡菜都非常正宗，仲會加左唔少新鮮元素，所以就試下點新鮮法。
喇沙🍜釀豆腐$98：佢哋用傳統新加坡🇸🇬最出名嘅喇沙麵底🍜，再配合港式嘅煎釀三寶（茄子/辣椒/豆卜），真係非常fusion，而且出奇地夾，煎釀三寶吸曬喇沙湯汁既精華，簡直係令個層次升華晒，同埋碗喇沙都非常之大碗，一個人都食唔晒。
辣椒板麵$88：咩叫板麵，感覺係好似伊麵咁，但又軟滑😋，味道上係fusion咗星加坡同印尼嘅菜式，入面材料有炸江魚仔/豬肉丸/滷冬菇，同埋有店舖自家製既參巴醬，全部都係濃味材料，啱曬我呢啲鍾意食濃味嘅人 。
玫瑰露🌹恐龍🦖：濃濃嘅玫瑰🌹香，加上面頭嘅美祿脆脆，溝埋飲非常之夾，甜甜地脆脆地，個味道好新鮮。
班蘭奶茶☕：好新鮮嘅班蘭味，配奶茶又係另一種獨特嘅風味，有奶茶嘅香滑呀，班蘭既憂香，又唔會太甜，好好飲😋，食完咁濃味嘅嘢可以清一清口腔。