豊 勝手丼(豊勝手丼 Toyo Katte Don)

銅鑼灣登龍街食肆林立，之前經過見到這間食刺身丼飯好吸引，餐廳裝修很有日本風格，未有得去日本之前來ff一下。餐廳中午有午市定食，牆上掛着廚師推介的餐牌，價錢不貴。

廚師精選壽司定食配腐皮烏冬 | $138
午餐的定食都有湯、沙律及前菜。
前菜有牛腩蘿蔔，加了七味粉有少少辣味，蘿蔔經湯煮過都算入味，牛腩肉質軟腍。

前菜沙律除沙律菜外，還有粟米、蕃茄仔、蟹籽，蕃茄仔十分新鮮，而且甜。沙律醋夠多，沾勻了沙律菜。

麵豉湯熱度十足，有豆腐及海帶在內，味道剛好，不會太䶢。

湯烏冬彈牙，不會粉粉的，配菜的是‘腐皮壽司’的腐皮，吸了醬油及味噌的甜味，豆亦都新鮮爽口。

真鯛味道較清，油脂較少，魚肉新鮮；火灸比目魚邊的油份好香，油脂味道滲到了壽司飯上，魚油香味十足；日本馬糞海膽鮮甜不苦，壽司定食中有海膽都幾抵；三文魚十分肥美，厚切口感十足豐富。油甘魚厚切，油脂不多，鮮味可口；赤蝦肉彈牙，好大隻，蝦肉鮮甜；活帆立貝新鮮大件，馬刀貝爽口又鮮甜。

壽司刺身都好新鮮，鮮味十足，有機會要再試試其他丼飯。

下班後到銅鑼灣閒逛，心癢癢想食日本菜，拉著先生來到位於登龍街，我經常去的豊勝手丼。🌈

全部食材由日本入口，用料講究，主打日式海鮮丼飯，之前試過好幾款，今次食點特別的～🌈

🎐 九鼎丼 $368
賣相精緻奪目的九鼎丼， 每日限量供應， 小巧的玻璃碗 盛載著9 款至尊食材，這日有三文魚子，松葉蟹膏，吞拿魚腩， 油甘魚腩， 三文魚腩，吞拿魚蓉，海膽，鰻魚和真鯛魚。🌈

一次滿足9個願望，款款我都喜歡，其中吞拿魚腩油香豐膩， 魚油在口內融化，十分美妙，無添加的松葉蟹膏也堪稱極品，真材實料，極致濃郁，風味媲美魚子醬。🌈

🎐 廚師發辦壽司 $328
先生特別選了這款九貫廚師發辦壽司，精選當日最時令食材，這日有油甘魚，吞拿魚，牡丹蝦，真鯛，墨魚，海膽，鰻魚，帶子和三文魚腩， 款款新鮮美味，其中泥黃色的加拿大海膽厚實飽滿，海水味重，配上綿糯壽司飯， 讓人一口接一口食個不停， 蒲燒鰻魚壽司，香味馥郁，叫人難以抗拒。🌈

品嘗過海鮮丼飯和九貫壽司後， 再次確認，豊勝手丼，是我喜歡的家鄉味道。🌈

地點很方便，就在times square 附近的v point 地下

一看餐牌，無論套餐甚至乎連丼都可以廚師發板，很適合像我這些懶諗食乜，但又想有新奇驚喜的人，而且價錢親民，不像以前的起碼每人最少四位數字，現在幾百蚊就可以品嚐。

🦑螢光魷魚沖漬 $48
魷魚爽滑，保留了一點鹹味，作餐前小食不錯

🍣豐盛刺身盛合 $288
這個組合不錯，三文魚/吞拿魚/赤背/蝦/油甘魚/海膽/紫菜。 刺身處理得很好，沒有腥味，
新鮮，海膽沒有苦澀及腥味配上脆卜卜紫菜一絕

🔥炙之海鮮丼 $268
除了刺身外，還試了火炙味道海鮮丼；火炙味濃烈，件件厚切，大滿足；但飯有黏着一舊的感覺⋯⋯

🌊北海雲丹丼 $248
一板海膽放在丼飯上，份量十足，配紫菜青瓜吃清新可口，吞拿魚腩茸入口即溶，油甘魚赤蝦新鮮

🍶天之戶純米吟釀 $168
可熱上，辛口配海鮮剛好

2021年7月22日(四)
一人前的昼食
前菜:薄燒牛肉沙律配和風汁$68
主菜:九鼎丼$368
連加一，埋單$480
店鋪細細，有心去食就預早訂位會較好，平日中午12:10到達，冇預約，已有2枱客，到1點正，都差不多滿座。
本身為左九鼎丼而來，睇食評，有食客話薄燒牛肉沙律配和風汁都唔錯，就試埋佢啦
食後感：
刺身鮮味無窮
牛肉牛香肉嫩
沙律新鮮爽脆
光顧到這價錢，湯及前菜都冇，相對午市定食底食好多，變相好多食客都會改叫平價定食。

登龍街果然美食林立，呢間日本餐廳，裝修幾有日本特色，又夠開陽，經過多次，今次終於親臨食咗個靚靚午餐。

個人應為午餐餐牌性價比都幾高，除咗刺身丼飯之外，仲有鰻魚飯，湯麵，同壽司等等選擇。

我點左12貫壽司拼盤，最好食嘅當然係吞拿魚！真係入口即溶，超幸福。非常吸睛嘅海膽壽司，除咗個樣靚之外，味道非常鮮甜，一啲怪味都冇，睇來好新鮮！

餐廳環境都算好舒適，價錢又唔貴，值得推薦。

藥膳湯太甜 米粉唔夠淋 双牛丸還入口可佳$70元貴哪 美奇名藥膳湯啫 要杯清水食藥都冇 店格衰 賺錢尤可用呢？？？

訂座有75折，啲刺身好新鮮😋 …

唔知幾時可以再飛日本嘅日子，唯有四圍搵吓好有日本感覺嘅日本餐廳食吓，解吓返唔到鄉下嘅思鄉病。今次揀咗登龍街嘅豊勝手丼，係有次喺隔離大廈食飯前經過見到餐廳裝修真係好日式感覺，仲要賣緊嘅丼飯又唔係好貴，所以就嚟試吓。

黃昏六點嚟到就唔使等位。
今次叫咗一個北海雲丹丼+蟹甲羅燒
食過日本菜嘅人都應該知雲丹即係海膽，而我就好鍾意食海膽，所以喺餐牌見到就二話不說就揀咗呢個。

北海雲丹丼嘅刺身有隨咗海膽外，仲有赤蝦、拖羅蓉膽同埋油甘魚，海膽包埋紫菜&拖羅蓉一齊食，真係好好味。而另外點咗嘅蟹甲羅燒，拎埋嚟送飯，竟然可以食哂成碗飯，真係好好味！

喺時代廣場附近，有啲想食壽司🍣，即刻腦袋急轉一下，記起有呢間日本🇯🇵餐廳，幾好食，咁就決定過去開餐😆

叫咗 $238嘅「豐盛壽司🍣盛合（12貫）寿司盛り合わせ」，$42 嘅小食「七味燒手羽」，飲品就要 $36嘅「完熟白桃梳打 Peach Soda🍑 」😆

-「七味燒手羽」先上，雞翼外皮加咗七味粉然後燒到脆卜卜，非常香口😋；雞肉就好 juicy 😋
-「豐盛壽司🍣盛合」：全部魚生🐟都好新鮮；特別好味嘅有：大拖羅幾乎入口就溶化，充滿 umami 😋；連 基本嘅 吞拿魚 まぐろ壽司🍣都好鮮甜😋；帆立貝 ほたて肉質結實😋；穴子係好長嘅一條😋
-「白桃梳打」用山梨県/長野県 產白桃，幾清新😋

🥢廚師發辦丼 ($278) – 廚師發辦丼包括有拖羅、磯燒鮑魚、油甘魚、加拿大海膽、真鯛、深海池魚，深海池魚尤其鮮甜，另外，磯煮鮑魚也很特別，餐廳用了日本磯煮炮製，以海苔及醬汁慢火炆煮，所以食落口感富又有彈性，特大帶子香甜爽口，拖羅入口甘香肥美，配上以赤醋處理過的日本珍珠米，簡直係絕配

🥢北海雲丹丼 ($248) – 北海雲丹丼內有其他款式的魚生，紫雲丹海膽、深海池魚、碎蔥吞拿魚、赤蝦；紫海膽顆粒感清晰，肉的顏色為橙色偏黃，甘甜度適中，但海水味濃，鐘意海水味啲朋友千祈唔好錯過

🥢吞拿魚三文魚沙律 ($68)
🥗 沙律配上砌粒的吞拿魚、 三文魚和蟹籽，沙律好新鮮，再配上酸酸的醬汁，十分開胃

🥢厚燒牛舌 ($88) – 厚燒牛舌以醬汁燒，牛舌夠厚又不會韌，還帶點爽口

🥢信州蘋果梳打 ($36)、🥢Suntory 生啤 ($48)
蘋果🍎 梳打好飲

星期日中午黎到喺銅鑼灣VPoint 地下嘅豊勝手丼，Sunday都有set Lunch真係太抵！平日晚市食200-300蚊，中午嘅set lunch 佰零蚊有找！ 刺身定食跟一碗白飯同茶碗蒸，仲有我最愛嘅海膽同帶子！正！壽司定食跟小碗烏冬！相當夠飽！另外單點小蔥拖羅丼，樣樣都新鮮高質！大滿足嘅日式Sunday Brunch !

銅鑼灣祟光感謝祭，陪女兒去掃平貨，之後去食晚餐，我哋都喜歡食日本菜，就去咗登龍街的豊勝手丼食,餐廳主打日式海鮮丼，裝修擺設像似日本居酒居。環境氣氛都好有日本feel。
生燒白鱔：白鱔燒得皮香脆，肉質嫩滑，帶有魚油的油香。
廚師發辦丼：刺身共有六款，主要有帆立貝、大拖羅和鮑魚，其餘三種刺身就由廚師決定以當天最新鮮嘅那些時令魚生，今日就有赤身、真鯛，池魚。刺身件件厚切又新鮮，帆立貝味道鮮甜，肉質扎實爽脆。大拖羅油脂細膩豐富，魚香濃郁入口即化。鮑魚鮮甜彈牙。赤身含脂量少，肉質較實，有咬口，赤身既肉比較紅，食落去魚味會好重。真鯛味道分外鮮甜美味。池魚肉質緊實而爽口、略帶油香，味道鮮甜。壽司飯已經調啱味道，是值得一試的高質丼飯！
信州蘋果梳打香甜又略帶微酸，清新十足。

最近到銅鑼灣登龍街V Point地下的豊勝手丼吃午飯，最喜愛吃這裡的日本海鮮丼，食材新鮮、環境舒適。
蟹肉蒸蛋 : 茶碗蒸內有蟹肉、蟹籽、帶子粒和香蔥，蟹肉鮮甜和蒸蛋滑溜，配合得恰到好處。
廚師發辦 : 廚師發辦含磯煮鮑魚、拖羅和時令刺身有油甘魚、赤身和帶子等。磯煮鮑魚味道濃郁，廚師把鮑魚切成四件，入口彈牙；赤身的吞拿魚色澤紅潤，肉質鮮嫩；帶子新鮮，味道鮮甜，刺身食材新鮮，配上日本珍珠米，每一口也非常滿足。
贅沢蟹丼 : 整碗丼飯是由雪蟹肉、雪蟹鉗、蟹籽和味噌蟹羔滿滿的覆蓋着，視覺上十分震撼，尤其是味噌蟹羔鮮味更覺濃郁，色香味俱全，完全可看到廚師用心製作。
日式炸豆腐 : 一口豆腐外表微脆內軟滑，加上日式醬油和香蔥帶出香甜味道。
信州蘋果梳打 : 天氣太熱，飲用時加上冰，清甜解渴。
吃完富有濃濃日本味道的美食，令到日本旅行的心情也返哂嚟，快樂又滿足。

適逢放假，我哋嚟到銅鑼灣行街，肚餓就嚟到登龍街呢邊搵好嘢食～見到呢間日本餐廳，就嚟試吓～佢嘅午市套餐幾抵食，包前菜，沙律等等，唔錯

鮮漬丼$268
有好多新鮮嘅刺身，包括三文魚醬油漬，油甘魚醬油漬，赤身醬油漬，赤海蝦同埋三文魚籽～三文魚🍣大大片，好厚肉，刺身蝦好爽口，油甘魚同樣新鮮～三文魚籽大大粒，仲有好多魚籽汁，配飯一流

照燒牛舌$88
一碟有好多厚切牛舌肉，配埋炸蒜同埋蔥，牛舌肉燒得幾香，牛舌食落覺得煙煙韌韌，幾有咬口

波子汽水
好有童年回憶嘅波子汽水🥤

有驚喜的手丼晚餐

疫情之前經常都會去日本旅遊，享受當地的美食，現在疫情仍然嚴峻，世界各地都變了高危地帶，只好收拾心情，旅行變了去本地的酒店渡假，品嚐日本美食去本地的日式餐廳。今天在銅鑼灣購物，接近黃昏六點開始肚餓，發覺登龍街的「豊勝手丼」已在營業中，而且已有幾枱人正在用餐。餐廳佈置明亮，充滿東洋氣息，看過餐牌，點了兩個主食和甲羅燒。

甲羅燒 – 日本傳統濱燒美食，在海岸旁邊用爐火將海產燒熟，即捕即煮味道特別鮮甜，而甲羅燒更是物盡其用，把蟹膏和蟹肉放在蟹蓋上燒來吃，今次吃到的都是由日本每日新鮮運到，非常新鮮，沒有半點腥味，配以米餅同吃，入口甘香軟滑，米餅爽脆，相當滋味。

海之幸丼 – 師傅處理刺身的手法並不馬虎，油甘魚有搭配柚子胡椒，比目魚邊搭配黑松露醬，雖然味道各有不同，但各有風味。赤蝦和松葉蟹鉗都拆掉殼，方便食用。三文魚籽非常新鮮，咀嚼其間，魚的鮮美在口中爆發，十分滋味。吞拿魚腩肥美，脂肪分佈均勻，入口即溶。採用正宗日本米，米粒圓潤甘甜，單配醬油己相當美味。

豐盛壽司盛盒 – 合共12貫，排烈整齊，分別是原條海鰻、帶子，左口、三文魚、拖羅、赤身、蟹肉、池魚、油甘魚、鯛魚和甜蝦，每件都經師傅跟時令揀選最肥美的海鮮配製而成，最喜歡的是海膽壽司，鮮甜軟滑，入口即溶，拖羅亦相當美味，油脂豐富，入口即化。

這一天下班到銅鑼灣和朋友吃晚飯。餐廳位於A出口的登龍街，食肆的集中地，非常方便和易搵。

前菜- 天婦羅沙律配日式蕃茄和風汁（$78)
健康新鮮的沙律菜配上酸酸甜甜的和風汁非常開胃，上面亦有多款天婦羅作小食，例如有魷魚、南瓜等，非常抵食。

厚燒牛舌（$88)
好切嘅牛舌非常多汁，一咬下去極級juice。再點上檸檬汁同時解膩。

豐盛壽司盛盒（$12件壽司）$238
呢盤壽司擺盤很精美，大部分壽司都係人氣之選。個人最鐘意特長嘅海鰻壽司，好過癮、入口即融的拖羅壽司、甜味重的海膽壽司。

海鮮五色丼（$248)
丼飯用料很多，有三文魚、海膽、拖羅、赤蝦、帶子。聽說白飯可以任添，但對於女生的我亦已經份量足夠，每啖鮮甜的海鮮加上醋米飯，非常滿足！

日式丼飯料理

今日去咗銅鑼灣登龍街一間日式餐廳「豊勝手丼」食飯，我們叫了：

1️⃣ 廚師發辦丼 $278
🥢 廚師發辦丼 包括 磯煮鮑魚、拖羅 及 幾款時令刺身 ( 油甘魚、海膽、真鯛 )；磯煮鮑魚，食落口肉質非常柔嫩，鮮甜又富口感，餐廳採用了日本磯煮炮製，用了醬汁及加上海苔慢火炆煮，所以口感富有彈性，好味道；拖羅 及 其它刺身 都好新鮮

2️⃣ 北海雲丹丼 $248
🥢 北海雲丹丼 包括 紫雲丹海膽、赤蝦、碎蔥吞拿魚、深海池魚；賣相吸引，海膽甜度適中，赤蝦肉質爽口彈牙，正

3️⃣ 吞拿魚三文魚沙律 $68
🥗 沙律 好新鮮，配上吞拿魚及三文魚，簡單又健康

4️⃣ 厚燒牛舌 $88
👅 牛舌 燒得啱啱好，會落口好有口感

5️⃣ 信州蘋果梳打 $36、Suntory 生啤 $48
🍎 蘋果梳打、🍺 Suntory 生啤 都幾好飲

行完希慎廣場，突然想起附近有間一直好想再食的日式餐廳，便同老婆即刻去食，yeah。 🥰🥰
我先叫了好香口的七味炸手羽($42)，即炸即食真係好正。同時叫了桃梳打($36)同蘋果梳打($36)，爽呀！ 👍👍
她就叫了薄燒牛肉沙律和風汁($68) ，牛肉燒得外面香，大概5成熟，好juicy，好有牛肉味，加埋和風汁，好提升味道。 😋😋
豐盛壽司盛合($238)：一齊條鰻魚包住一小件的壽司飯，真係超正。鰻魚沒有塗上許多鰻魚汁，食到魚味。盛合有12件不同的鮮味壽司，妳一件我一件好快便食完。
再叫了北海雲丹丼($248)：當再嚐到鮮甜的海膽，而且是一整板，超滿足之餘，回憶也隨著回來。兩隻大大隻赤蝦好彈牙鮮甜，同埋暖暖的壽司飯一齊食，滿足。 💯💯

尋日同阿媽行完山，依家有冇晚市堂食，我哋3:30嚟到銅鑼灣覺得有啲肚餓，見到呢間日本餐廳，感覺幾吸引，就入嚟試吓～下午茶時段有午市套餐

前菜
午市套餐包沙律🥗麵豉湯同埋鮮豆腐～沙律菜幾新鮮

五品貝之風呂丼 $348
超級豐富嘅丼飯，有海膽，磯煮鮑魚，活赤貝，帆立貝同馬刀貝～刺身都好新鮮，有好多海膽，食落覺得好爽口，大大隻鮑魚，切開一塊塊，食落覺得煙煙韌韌，赤貝同帆立貝食落都幾爽口

信州蘋果梳打$36
好香甜嘅蘋果汁🧃幾好飲～

餐廳職員服務態度幾好，幾值得幫襯～

今天下班以後，有股想吃壽司的衝動，就隨便在公司附近走走看看有什麼好吃的，結果發現這間，因為時間尚早，所以店內沒什麼人，那就可以安安靜靜的慢慢享受美食了！

豐盛壽司盛合（１２貫）（２３８元）
這個一次過包括了十二款不同的壽司，差不多常見常吃的都包括了，如三文魚，鯛魚，魷魚，蟹肉，帆立貝，牧丹蝦，海膽，吞拿魚赤身，中拖羅和穴子，還有兩款不知道是什麼。但由淡味到濃味都有了，吃起來特別滿足，而且壽司材料挺新鮮，能吃出海鮮的甜味，其中我覺得牧丹蝦，吞拿魚，穴子和海膽壽司，這幾款的質素挺高的，特別是穴子，大大件吃起來特別滿足！

蟹甲羅燒（１０８元）
秋天是螃蟹最肥的時候，那肯定要叫個甲羅燒吃一下蟹膏了！這裡是一個甲羅燒，然後再配上烤鱈魚乾的配搭。甲羅燒吃起來濃香，蟹膏的鮮味十足，質感綿滑，中間還拌有蟹肉，魚子和蔥花，各種香味混合在一起後，特別好吃！然後是烤鱈魚乾，烤得像薯片一樣脆，吃起來淡淡的魚香，再配上甲羅燒一起吃，兩個的鮮味再濃縮在一起後，也是另一番風味！

日式炸豆腐（３８元）
這個應該是即叫即炸的，吃起來是外脆內嫩的感覺，最頂撒了點木魚碎，蔥花和明太子，為單調的炸豆腐增加了不少的香味！而下面的湯是木魚湯，脆嫩的豆腐吸飽了湯汁後，吃起來是嫩滑多汁的，各有風味！

完熟白桃梳打（３６元）
這個喝起來桃味非常突出，氣泡量充足，喝起來香甜清爽！

🔼見到openrice 訂座有75折book 咗試下，，鋪頭裝修日系，好似去咗去咗轉日本🙆‍♀️
🔼叫咗lunch menu 嘅三笑丼，點解叫三笑丼，因為有三款蝦，吉烈炸蝦、赤海蝦、甘蝦～全部都係蝦蝦蝦（哈哈哈），好似笑聲咁，咪叫三笑丼囉🤣，味道方面，啲蝦新鮮好彈牙，而且白肉熱量低，減肥食呢個丼就無咁邪惡
🔼 丼飯配咗沙律、前菜、湯，沙律清新有粒粒粟米係上面，增加鮮甜咬口。前菜係麻醬豆腐，清淡冰涼開胃，湯有好多海帶😚提鮮有咬口

海鮮丼專門店

今晚和太太來到銅鑼灣登龍街的「豊勝手丼 」晚膳，此店地方不算大，但佈置充滿和風色彩，令人眼前一亮，彷彿去了日本的食肆用膳。店員殷勤招待，並介紹餐廳的招牌菜式。先來生啤，前菜是雜菜沙律，清甜爽脆，配以醋汁，相當醒胃。
豐盛壽司盛盒（12貫）
包括左口、海鰻、三文魚、油甘魚、池魚、鯛魚、甜蝦、赤肉、吞拿、帶子、海膽和蟹肉。每一件都經師傅精心挑選，尤以原條海鰻、油甘魚和左口最為出色，肉質鮮甜嫩滑，油脂甘香。
甲羅燒 – 對於蟹的烹調，中式與日式有很大分別，日本人食蟹，每一部分都不會浪費，連蟹蓋都可以烹製，師傅將松葉蟹膏、蟹肉放在蟹蓋內，加入蟹味噌，放鐵絲網上細火燒片刻之後再焗片刻，加入少許日本清酒和蔥花，上枱時蟹香氣四溢，塗在米餅一同吃，絕對是一流享受。

海之幸丼賣相美觀，有七種海鮮，包括：油甘魚丶比目魚邊丶吞拿魚腩丶三文魚籽丶赤蝦丶松葉蟹鉗丶日本海膽，堆砌得美侖美奐，令人垂涎欲滴，刺身件件新鮮，給人滿足之餘，更回味無窮。