Little Vegas
營業時間
| 星期二 | 12:00–22:00 |
| 星期三 | 12:00–22:00 |
| 星期四 | 12:00–22:00 |
| 星期五 | 12:00–23:00 |
| 星期六 | 12:00–23:00 |
| 星期日 | 12:00–22:00 |
| 星期一 | 18:00–22:00 |
服務選項
外帶
內用
不支持外送
無障礙程度
無障礙洗手間
不支持無障礙座位
不支持無障礙停車場
產品/服務
小菜
咖啡
酒精飲料
啤酒
葡萄酒
雞尾酒
用餐選擇
早午餐
午餐
晚餐
餐飲服務
甜點
座位
設施
兒童高腳椅
性別友善洗手間
洗手間
適合兒童
Wi-Fi
提供免費 Wi-Fi
氣氛
氣氛悠閒
環境舒適
客層族群
跨性別友善空間
適合團體
規劃
接受訂位
付款方式
信用卡
NFC 行動支付
信用卡
依間cafe上次介紹過，食物質素高而且價錢好抵食😋 Lunch set仲包餐湯同飲品，裝修玩味十足，打卡一流😍 牆身有唔少好打卡-able嘅字句，好啱同朋友chill下🤣
.
🍝海鮮菠菜忌廉汁扁意粉
: 有蝦、帶子、魷魚圈，忌廉汁唔會太膩，扁意粉好索汁👍🏼 如果多啲菠菜就好😊
.
🍚菠菜蟹肉松露野菌燉飯
: 松露味比較突出，加埋松露油令飯好香👍🏼但係蟹肉就唔可以好覺得有😅 整體比較膩😌
包餐湯: 蘑菇忌廉湯，蘑菇味好香💜
飲品: 凍榛子咖啡，味道較甜🤩
.
🧅 +$28 洋蔥圈
: 即叫即炸非常之香脆，洋蔥好香甜，有5大片好邪惡👍🏼
又一間玩味十足，嘢食又正嘅人氣🔥餐廳🍴
喺銅鑼灣百樂中心，入到去，餐廳每一幅牆都切合賭場嘅裝飾，足見其心思😍 去到餐廳都突出心情輕鬆愉快咗😂
餐廳仲有開陽景觀，真係唔錯🤩
賭你運氣….命運披薩🍕（$98）
今日夠哂運，食到呢個香脆薄批，上面有香濃芝士及厚切香腸，食落好香口喎😋
棉花糖咖啡（跟餐）
跟餐都有呢杯好鬼靚嘅咖啡☕️ 愈飲愈開心🥳
秘製醬汁焗豬肋骨-半份（$118）
賣相勁吸引，醬汁佈滿哂成件豬肋骨，酸酸甜甜，好醒胃。豬肋骨亦夠多肉嫩滑，肉汁豐富。有半份及全份選擇
富士山下（$52）
打卡一流，下面係汽水，上面加咗球雪糕，故意做出傾瀉出來嘅效果😂😂 泡沫加雪糕😋又叫滑又甜，味道又幾好
又到放假嘅日子，當然要同朋友chill返下~
今日嚟到銅鑼灣嘅Little Vegas~ 幸運地被安排坐窗邊位😎wow! 無敵靚靚馬場景盡收眼底～
餐牌設計充滿玩味～ 並加入美式漫畫元素～ 🤣經過一輪選擇困難症嘅掙扎，睇下食乜先～
粒粒明太子沙律🥗
七彩繽紛好吸晴！ 有明太子、新鮮沙律菜、青瓜、車厘茄、蟹柳、鳴門卷～ cube型明太子食落shork shork 聲好有咬口！
雞翼好多重奏🐔
一碟雞翼最多選3款口味，每款有3隻，真係好啱我呢d貪心嘅小朋友😂 我哋揀咗玫瑰🌹、麻辣同柚子味～ 玫瑰味出面較少見，佢果隻清清地sweet sweet味道，男生都好喜歡~ 柚子味酸甜兼備，中規中矩~ 麻辣味麻又香，食得辣嘅朋友應該會好like~
Couple pizza🍕 孖寶比薩
唔使得一想二，俾你食曬2款口味！我哋揀咗「命運比薩& 龍蝦汁大蝦豆卜比薩」～ 「命運」- 😜顧名思義就上菜果刻先知係咩la~ 口味的確係餐牌上無嘅，係比較傳統既多重芝士口味，芝士怪表示都幾鐘意～
至於另一半嘅龍蝦🦞汁大蝦🍤豆卜，食落又出奇地夾無違和感，可以將中式蝦醬豬肉豆卜呢個idea變成西式pizza~ 犀利！
飲品方面～
🍹玫瑰綠茶梳打～ 都係清甜嘅朋友~
🍹紅豆冰沙～ 紅豆冰變奏成幼滑冰沙，紅豆份量頗多～
食曬已經好飽飽，初初我哋仲想加多個意粉🍝😂 唯有下次再嚟過！呢度環境好舒服，得閒同班朋友chill下傾下計，絕對係唔錯嘅選擇～
非常美味的食物和良好的服務
味道不錯，豬肋骨肉汁豐富，飲品有特色，份量大，裝飾很美國風，價錢合理。
呢日同媽媽去食午餐，揀左間型格啲既Little vegas，顧名思義主題係美國嘅拉斯維加斯，入面嘅擺設都同賭場有關 之前都食過一次，鍾意佢餐廳嘅風格好鬼馬😆
🔸墨汁海鮮燉飯
海鮮好足料，帶子同蝦都幾大隻，燉飯烏卒卒，唔會好多汁，口感有煙煙韌韌嘅感覺。飯嘅份量好多，份量足夠兩個人食！
🔸雞翼三重奏
可以揀一款味道或者係三款味道，我哋揀咗玫瑰、柚子、水牛城雞翼。我最鍾意係玫瑰味，好香花香味甜甜地，幾好食！
🔸海洋梳打
其實即係檸檬梳打，唔算好甜。
午餐最愛上樓上吃，清靜得來又多選擇，而且鄰近時代廣場，食完行街購物超級近!
兩個人吃，叫了卡邦尼幼意粉做主菜，汁醬充足而濃味，份量Ok適中!另一主菜叫了秘製醬汁焗豬肋骨（半份），看著價錢有很抵的感覺，因平日餐廳一般吃到的，都一般百五元以上，而這裡只是百一元左右就得了!而味道質素也不錯，肉熟而不散，醬汁惹味，豬筋骨份量也很大件，有7條骨左右!旁邊還有炸薯角，外層炸得香脆，內裡有薯蓉，不錯!
小食點了炸魷魚圈，炸物來說就真的超掂，很鬆脆，魷魚肉很大件，炸完後不是食炸漿粉團，而是能吃到啖啖肉的魷魚!
*
💭𝐿𝒾𝓉𝓉𝓁𝑒 𝒱𝑒𝑔𝒶𝓈
中午來到這間特色餐廳，以賭城拉斯維加斯為主題♠️餐廳裝潢色彩繽紛，且帶點玩味，非常吸睛😍
命運賭城小食拼盤🎲
𝙵𝚘𝚛𝚝𝚞𝚗𝚎 𝚅𝚎𝚐𝚊𝚜 𝙿𝚕𝚊𝚝𝚝𝚎𝚛
隨機出菜的一個小食拼盤😝非常符合賭城的特色😎我們點了細份，但份量已經超多😍有炸魚手指、原味雞翼、炸洋蔥圈和炸薯角😋炸物金黃香脆，炸粉不會過多，咬落脆卜卜超惹味😋
明太子忌廉天使麵🍝
𝙼𝚎𝚗𝚝𝚊𝚒𝚔𝚘 𝙰𝚗𝚐𝚎𝚕 𝙷𝚊𝚒𝚛
濃濃的明太子忌廉佈滿整碟天使麵😍😍面頭更鋪了點木魚花作點綴，想不到在這裡也吃到日本風格的美食😋除了明太子外，更有不少洋蔥和蘑菇藏在麵內，用料十足🥰洋蔥的清脆剛好可以中和忌廉的膩😋令人吃不停口🤤
超級燒春雞🐔
𝚁𝚘𝚊𝚜𝚝 𝚂𝚙𝚛𝚒𝚗𝚐 𝙲𝚑𝚒𝚌𝚔𝚎𝚗
燒春雞意想不到的份量超大😍香嫩多汁，完全沒有燒過龍，配以粒粒蕃茄香草醬超香口😋兩個人分享剛剛好☺️而且底下更有不少炸得外脆內軟的薯角😋吃得超飽🥰
番茄洋蔥忌簾湯～湯有一點點番茄的酸味和洋蔥香，還有香滑的忌簾～
柚子雞翼～雞翼香脆的，配上甜酸的柚子汁，作前菜小食很開胃～
賭你運氣……命運pizza~很攪笑，吃甚麼不會知道，就看廚師的心情🤣我這個有炸魚手指，蟹柳，洋蔥，雞肉，青瓜和豆苗，芝士很彭湃，下得都很重手，拉絲的時候很正，批底也很薄脆～
香草烤焗鱸魚配日式芝麻汁~有焗香了的爐魚柳，沙律菜和薯角，份量吃得飽飽的～
玫瑰朱古力~很香的玫瑰花味，朱古力也香濃幼滑
冰沙系列玫瑰草莓~味道有點像士多啤梨瑞士糖味，好喝啊～
今日去銅鑼灣做野，平時我會在百樂中心食lunch,剛好有人派傳單見大約一百蚊到包湯加特色飲品，都幾抵，所以試吓！
餐湯係超正嘅龍蝦湯，十分驚喜！
本地蕃茄香草春雞
雖然半只雞份量，但超大份，用了好多新鮮番茄來做醬汁，春雞烤得鮮嫩多汁，雞下鋪滿薯角🤗
香草烤焗鱸魚配日式芝麻醬
同樣份量十足，焗鱸魚不單很厚肉，焗到外皮好脆，魚肉保持肉汁，必點之選:like:
迷你隨機小食拼盤
跟午餐加$58，有司華力腸，魚手指，洋蔥圈，魷魚圈，薯角，十分豐盛！
午餐可免費飲特色咖啡，朱古力或部分特飲，十分超值，平時其他餐廳起碼要加廿蚊。
我哋點左凍哌嘅骰子咖啡，係香濃咖啡伴上咖啡啫喱，同埋香滑鮮奶咖啡！
依間餐廳絕對值得推介！
餐廳有好多唔同種類嘅pizza例如好惹味避風塘魷魚圈pizza同龍蝦汁大蝦豆卜pizza都好特別!
命運比薩🍕
Fortune pizza 🍕
果然個pizza好有驚喜，賣相吸引，好lucky! 有兩種芝士，炸魚條，魚柳，牛肉，蟹柳，洋蔥同椒🤤🤤🤤， pizza不太多醬，唔會太濃味， 店員好貼心我哋同咗佢講話走辣！ pizza個底好脆口，又唔會太薄,值得再食！😍😍😍
忌廉黑松露野菌燉飯
Black truffle x mushroom x rice
隔住口罩都聞到好香嘅黑松露味！😋有好多菇同個飯好creamy, 唔會太鹹! 飯粒爆滿煙韌，味道一流!🥰🥰🥰
Little Vegas 係好黃好黃嘅餐廳，之前仲有一大幅連儂牆，黐埋上天花板，不過因為…就冇晒
不過點都好黃店就係黃店，就係要支持，特別係而家呢個時勢 (上星期懲罰，所以仲有夜市）
一入到去就要量體溫，見到枱同枱之間隔得好梳，枱同枱之間都有膠板格住，防疫措施做到足。本身interior design 係行美漫路線，都幾得意
喇沙海鮮意粉
本身見到menu有呢個fusion嘅option，即刻俾佢吸引咗，嚟到之後果然冇失望，喇沙湯底好濃郁好掛湯，入面有蟹柳、魷魚圈、海蝦，豆撲吸晒啲喇沙湯都幾好食
燒雞拼盤
呢份燒雞CP值好高，半份$9x全份$12x，我哋一見到咁就叫咗全份，但係一上枱即刻有種肯定食唔晒嘅感覺，真係好大份，半隻雞都大過一隻手掌。雞皮唔係燒到脆口嗰種，係稍微燒過香口嗰種，入面雞肉好嫩火喉控制得好好，上面嘅番茄醬中和咗雞肉嘅油膩，整體好高分
伴碟嘅薯角都好好食，啱啱炸好外脆內軟
三重朱古力 (冇影到相)
兩球朱古力雪糕+朱古力蛋捲+ Oreo碎
可能因為食到最後已經好飽，覺得呢個甜品冇咩特別，不過確實係好濃嘅朱古力，每啖都係唔同層次嘅朱古力朱古力
小結：值得專登過去銅鑼灣試呢間黃店，依家夜市冇得堂食，唔知外賣質素係咪都係咁好，不過佢哋嘅質素買返去加餸都很可以
尖沙咀·Miss Ding大戰拉斯維加斯
Miss Ding in Vegas
Miss Dingはラスベガスへ行きます
18歲那年，筆者人生第一次步入澳門的賭場，而且輸掉了港幣20元🤣，卻驚訝發現某個賭場的奶茶和餐點居然比街外的好吃😨，從此了解到入賭場不一定要賭錢，可以享受美點。筆者今天要介紹位於銅鑼灣的「Little Vegas」餐廳，以拉斯維加斯賭場風格作招徠，大人小孩都可以進入這個「賭場」和多國美食一較高下！
環境：
✨裝潢走美式風格，牆上貼有港式幽默字句及充滿賭場元素的插畫，趣味性高。
服務：
✨職員多為活潑的年輕人，態度友善積極。
食物：
🦑 意式墨魚餅黑炭漢堡 ($108)
✨烤得香脆的黑炭包內並不是傳統的牛肉漢堡，而是滿有海鮮味的香煎墨魚餅，夾上番茄片、菜和芝士，組合富新鮮感。
🍗 雞翼好多重奏 ($78)
✨筆者自選了3款口味，分別為玫瑰味、柚子味及水牛城味，很不錯。
✨玫瑰味味道清香，更夾雜了蜜糖的甜美，十分搭配；
✨柚子味酸甜平衡，很開胃；水牛城雞翼味道濃郁且帶有少許辣味。
🍹 秘密花園水果茶 ($68)
✨份量大得驚人，內有草莓、藍莓、火龍果等水果粒，味道清甜解渴。
食物很好吃！！
【💛Little Vegas🤡】
早前來左銅鑼灣呢間玩味濃🤡💛，食物高質的黃店 💛，除咗食物質素之外，感覺到呢間店有好濃的人情味👍🏻💛
📌海洋生物沙律🥗$114
有多款醬汁可以選擇，我揀了柚子醋😋
多款海洋生物topping🤣👍🏻，有鮮蝦🦐、魷魚🦑、帶子、蟹棒🦀等等♥️
📌意式墨魚餅黑炭漢堡🍔$108
極厚墨魚餅，啖啖爽口彈牙🦑，中間還有一粒粒的墨魚肉，配合芝士、生菜和蕃茄，清爽口感😋👍🏻
📌紅豆宇治抹茶雪糕杯🍵🍨$48
有兩球雪糕🍦，一球抹茶，另一球牛奶，配合脆卜卜窩夫🧇，超級多軟綿綿紅豆蓉，一百分的甜品🍦💯💯
餐廳：Little Vegas (銅鑼灣)
地址：銅鑼灣耀華街3號百樂中心25樓
上次嚟已經好似超過一年，之前都係食晚餐，今次係第一次嚟食午餐，睇落價錢都算抵食，$78起套餐有餐湯包特色飲品，樓層高又望到跑馬地馬場，開揚景致加抵食午餐，令人零舍開胃想嗌多啲嘢食。
煙燻三文魚蘆筍忌廉意大利麵，份量充足，都有很多片煙燻三文魚，而煙燻三文魚亦有質素。
達拉斯小牛排早餐，冇炒蛋嘅 all day breakfast, 配上一份小牛排，牛肉質素亦合格，大約7成熟。
再追加2份小食，炸洋蔥圈$28，小食拼盤$58，$86 食齊4種小食。幾款小食都唔錯，炸得唔會太乾身，我最鍾意炸魷魚圈同洋蔥圈，味道濃厚。
嚟到呢度一定要嗌咖啡，套餐特色咖啡亦唔需要加錢，呢種咖啡水平單叫都要40幾蚊，反而骰仔凍咖啡（即係加了啫喱）唔係好多地方有，而佢哋跟餐冷熱咖啡都係同樣價錢，抵。
☕️ Cafe for chilling — Little Vegas🗾
#cafeforchilling #90cp銅鑼灣篇 #90cpCafe篇
➖➖➖➖➖
另一間喺銅鑼灣嘅良心店⭐️😌 以拉斯維加斯賭城作為主題 就連食物嘅名都非常之特別㗎🤣
美味指數 😋: ⭐️⭐️⭐️
環境指數 🏖: ⭐️⭐️⭐️⭐️
服務態度 👨🏼🍳: ⭐️⭐️⭐️⭐️
翻兜指數 💫: ⭐️⭐️⭐️
(五粒星為滿分💯)
✨ 明太子忌廉天使麵 $112
明太子味非常香 而且佢嘅忌廉汁味道都非常rich 整體都算係中上嘅💁🏻♂️ 不過又未至於有好突出嘅位令我好想讚佢🙈
🔹 命運賭城小食拼盤 (Large) $128
佢餐牌入邊都會出現唔少 “命運賭城” 嘅菜式🎰😂 大致上嘅意思就係佢會隨機煮啲嘢食俾你 好似抽獎咁的確幾特別😜 叫咗呢一個大嘅小食拼盤 裏面大概有五種小食 小編就抽中咗 薯角+ 芝士焗蘑菇+ 雞翼 + 洋蔥圈+ 熱狗腸🤣 都幾有諗頭嘅 不過小食嘅味道就真係正常而已 普普通通💁🏻♂️ 如非必要大家都可以試吓其他嘢！
🔹飲品: Under the Fuji🗻& Sunset 🌅 $88 for 2
其實佢呢一個系列嘅飲品全部都係topping 係一球雪糕 下面配搭唔同嘅有氣飲品🤣 都係玩盡gimmick 嘢😂 Under the fuji其實就係波子汽水 sunset 就係芬達！個人覺得兩杯都係普通野啦🙈 如果要講嘅話under the fuji 嘅波子汽水同埋雪糕會比較夾嘅 📸不過用佢打卡就真係冇得輸‼️
💰Total: $326
✅ 成間舖頭用Las Vegas做主題都真係幾特別嘅 連餐牌都有心思😆 個飲品拎嚟打卡都幾好📸
❌ 雖然話就話有心思有gimmick 但老實講食物嘅質素就一般🤔 未至於會想回頭翻兜
➖➖➖➖➖
📍 Little Vegas (銅鑼灣)
銅鑼灣耀華街3號百樂中心25樓
雙併pizza,少數薄pizza我覺得係好食嘅，夠乾身同中間係熟唔係食麵粉，一半係好食嘅，不過另一半係豆卜做配料嘅就強烈唔建議，真係好難食，仲嗌左個意粉但真係唔記得名，味道都係正常嘅，野飲見幾得意嗌左杯富士山下，預左唔好飲但真係好唔好飲🤣 …
另一間玩味十足嘅餐廳！店內裝飾好colourful 係食野聚舊好地方🥳 難怪咁多人食，去之前記住book定位呀😆
▫️雞翼好多重奏 $78
除咗多重奏仲好多隻💛 有冇人都咁鍾意食雞翼？🤤 總共有四款口味揀，試咗玫瑰、柚子、水牛城，三款都唔錯，當中玫瑰最好味，過下口癮好正～
▪️明太子忌廉天使麵 $118
一上枱已經聞到好香😍 天使麵每一條都沾滿醬汁，明太子好似唔使錢咁落咗勁多，配埋芝士真係停唔到呀🤩 本身份量好多，而且醬汁creamy仲加咗芝士，所以好飽肚真係差啲食唔曬呀🤣
▫️意式墨魚餅黑炭漢堡 $108
墨魚餅好誇張，勁大塊且厚身，應該叫墨魚扒至啱😂 質地較紮實，墨魚粒彈牙，大大口食好正🤪 因為整個包冇任何醬汁，食食下覺得有啲乾，如果加少少醬增加濕潤感就perfect啦😎 薯角熱辣辣炸得好香脆，一啲都唔馬虎😉
黎到銅鑼灣食肆林立既百樂中心，今次幫襯呢間餐廳位於25樓，以拉斯維加斯做主題，好多特色既佈置，玩味十足🤪
🔸️ 福・JUICY 牛肉芝士漢堡 $112
上到枱熱辣辣，已經切開一半，🍔有烘過，醬汁我揀左燒汁，餡料用上2塊牛肉，生菜，酸瓜，番茄，同埋溶化既芝士，食落又真係幾juicy
🔸️雞翼好多重奏 $78
揀了3款口味，分別係水牛城，玫瑰同柚子，每款各3隻，外皮脆口，水牛城即少少辣夠濃香，玫瑰即甜甜地，柚子就大路，幾清新，個人最愛柚子口味
🔸️孖寶比薩$128 （任選兩款比薩）
分別係喇沙海鮮比薩及好惹味避風塘魷魚圈比薩，每樣各半，pizza 屬於薄身脆口，前者味道較為淡口，食到既海鮮有蝦，魷魚，最攪笑係有豆卜，個豆卜好脆口，如果多d 醬同濃味點會更好食，相比之下，後者較為出色，真係食得出避風塘既風味，上面既魷魚圈都好香口，係出面好少見既配搭😀
用餐環境都係舒適 幾適合一班人聚會食飯
食物質素其實不差 而且有好多款式選擇
牛油果炭燒雞扒漢堡的分量比想像中多😧 雞扒好厚肉煎得香口
小牛排早餐適合細食人士享用
柚子雞翼同坊間比較醬汁相對無咁甜 甚至食到少少辣味
👍🏻賭你運氣命運pizza
呢一款Pizza冇特定嘅配料，就睇當日廚師嘅心情。今日廚師落嘅配料都幾特別，有魚手指、蟹柳、洋蔥絲同海量芝士！薄脆批底，相對地冇咁飽肚，而且鬆脆可口！
👍🏻本地蕃茄香草烤雞
+28蚊就有全份，但係呢一個份量已經好足夠，香草味亦都滲入雞肉當中。雞肉肉質都幾嫩，配上蕃茄汁亦更加濕潤添，蕃茄汁不太酸，味道都幾濃。（旁邊仲配有薯角添）
👍🏻+28有一款小食
魷魚圈：炸粉一啲都唔厚，魷魚炸完口感彈牙，配上沙津醬更加減輕咗個油膩感，可以一試。
👍🏻賭城心太軟
一切開，澎湃嘅朱古力醬即刻流晒出嚟，朱古力味非常濃，甜度適中。旁邊配紅豆雪糕，梗係要一啖心太軟一啖雪糕咁樣！(朱古力皮仲相當脆）
👍🏻飲品
多種特飲，今日揀咗一杯凍骰子朱古力，杯底有啫喱，飲起上嚟口感都幾得意！另一杯榛子咖啡入口相對地甜，不過榛子味都幾濃，咖啡豆並不太酸。
💡午市套餐餐牌已經包一份主菜，餐湯，咖啡或特飲（仲可以優惠價配小食），主菜款式多樣化：沙律、飯面、pizza、等等都涉獵其中！性價比的確幾高。
🎡La Vegas風格嘅玩味餐廳🍴
🌟空肚食的早晨全餐
～材料有炒蛋、香腸、薯餅、雜菌、蕃茄、雞扒、沙律菜
大大份，好豐富呀😍炒蛋可以唔油膩得來又夠幼滑，加上清新嘅配料比較多，淨係沙律都有四款菜夾雜喺裏面，好清新👍
全日早餐俾我嘅感覺通常都係偏向油膩，但係呢度嘅所有材料都整得恰到好處，性價比好高！
🌟超級燒春雞
～呢度嘅份量偏大，配上一整籃薯角，原隻燒春雞外脆內嫩，肉質嫩滑，仲配咗新鮮茄醬添，酸酸地好開胃。唯一嘅缺點係冇提供手套，無得撕開
，為有淑女啲，用刀叉🍴慢慢切嚟食😆
如果第一次去一間西餐廳，而佢又咁岩有carbonara，我一定會叫呢樣😂😂
•
1️⃣Catbonara($92)
個碟好靚，一上枱就被佢吸引左🤣不過，意粉唔太掛汁，汁味都偏淡，煙肉份量唔多，如果係煎過會好啲🥲🥲
·
2️⃣海洋梳打($49)
藍色好靚，仲加左片檸檬，酸酸甜甜🤓🤓
呢個價錢同味道黎講性價比一般🙈雖然我去果陣都多人去食，唔知係咪咁岩我地叫果啲都係麻麻地🥲
今日去銅鑼灣搵食，肚餓只食黃既，當然要搵返間良心店，朋友介紹呢間Little Vegas 抵食又平，兩條友直衝上去🤣點知原來好爆，無晒位。等左大半個鐘終須有位食飯😋叫左「海鮮闊條麵 Seafood Linguine $128」同「燒原隻春雞拼薯角 Whole Spring Chicken $128」，價錢真心好良心，銅鑼灣都收咁平🤪🤪 海鮮闊條麵勁足料又大份，海鮮仲要有蝦有魷魚有帶子👍🏻最正係個炸雞，外脆內嫩，醬汁較甜甜地，點埋個醬汁岩岩好，成隻雞加埋勁脆薯格都係$128 。岩晒一大班人黎食share齊分享就岩晒😝😝 …
【港式風情 x 美式玩味】
喺 #銅鑼灣 呢個鬧市當中充斥住唔少值得推介嘅特色餐廳，今次嚟到 #TimesSquare 附近嘅人氣排隊餐廳「Little Vegas」。一出𨋢就見到充滿特色嘅美國賭城佈置，當中亦都有混雜住港式海報，非常適合 #打卡。
今次喺假日午市去食，入座率都幾高，有時平日晚市經過都要大排長龍。要注意餐廳係設有最低消費，除咗主食之外人均都要叫一杯飲品／濃湯 ⚠️
💛 法式龍蝦濃湯 ＆ 野生牛肝菌忌廉湯
由於唔太想飲甜嘢嘅關係，所以叫咗兩個湯，隨湯仲附送咗兩塊蒜蓉包添！龍蝦湯味道都幾濃同香，而忌廉湯相對清少少。
💛 秘製醬汁焗豬肋骨（半份）
呢度嘅豬肋骨係Baby Back Ribs，所以係相對幼小同嫩口嘅肋排。BBQ醬汁幾香不過略咸，肉質就好好，一切即刻離骨，證明醃製過程都好夠。如果大食嘅朋友可以叫全份，滿足感都會強啲！
💛 雞翼好多重奏（水牛城，麻辣，柚子）
鐘意食雞翼嘅千祈唔可以錯過，因為呢碟雞翼係有好多款口味揀，除咗以上三款仲有玫瑰味！個人喜好嘅次序係 柚子 > 麻辣 > 水牛城，可能因為幾款都比較濃味嘅關係，柚子醬就啱啱好中和咗油膩感！
💛 孖寶比薩（龍蝦汁大蝦豆卜 & 墨汁魷魚圈蟹棒）
兩款Pizza都係充滿玩味感，豆卜pizza都係第一次見！要讚嘅係Pizza都焗得好脆同埋好薄，而上碟賣相都好特別。叫Combo嘅價錢同就咁普通都係差唔多，所以想一次食兩款味都無問題！
整體以一間打卡餐廳嚟講味道都算好唔錯，份量都適中，平日約三五知己食都幾啱🤝
味道: 🌕🌕🌕🌕🌑
服務: 🌕🌕🌕🌕🌑
環境: 🌕🌕🌕🌕🌗
價錢: 🌕🌕🌕🌕🌑
Little Vegas主打裝修，🪅牆上充滿港式裝飾，食物方面就係cafe食物，🤡菜式名好有玩味。呢度無lunch set，只有a la carte。
1⃣️「空肚食的早晨全餐」（$112）
All day breakfast有炒蛋🥚、香腸、薯餅、雜菌、番茄🍅、雞扒、沙律菜🥗，都幾經典，午餐食都夠飽。
2⃣️「海洋生物沙律」（$114）
沙律有魷魚🦑、蝦🦐呢啲，份量都唔少，沙律菜爽脆，用左胡麻醬沙律。
總括黎講，價錢算中等，環境適合打卡，同大班鐘意玩嘅朋友黎啱曬。
百樂中心出名多野食係人都知，呢間賭場主題既餐廳更加係年青人之間好出名。
我地坐既位可以望到風景，非常舒適，身後既金句更加係一語中的，周圍都係一D有關賭博既擺設，非常有趣。
Lunch set 係有埋湯同特色飲品/handcraft coffee，幾鍾意佢set包埋既飲品都多選擇。
個蘑菇湯味道幾濃幾creamy但又唔會太稠，咸度適中，非常開胃。
煙燻三文魚蘆筍忌廉意大利粉($88) ，好香忌廉味，個汁偏稀，但材料都充足，啖啖意粉，啖啖菇、蘆筍、三文魚，蘆筍都爽脆，煙三文魚唔會太咸。
香草烤焗鱸魚配日式芝麻汁 ($108)
配菜好豐富，薯角酥脆，沙津菜新鮮翠綠，佢仲配左幾塊小魷魚。鱸魚焗完個皮好脆口，肉質都OK，佢都有俾到兩塊，份量好夠，如果擺盤係成條咁上應該仲靚。
餐飲: 芒果冰沙 (+$18)，骰子朱古力
芒果冰沙有少少未完全碎晒既冰粒，芒果醬都香既，但就唔似有新鮮芒果蓉。反而骰子朱古力幾有驚喜，原來骰子係有D啫喱粒係杯底，幾得意有口感，朱古力夠濃郁，有埋cream就更滑。
心太軟 ($56)
好耐好耐冇食心太軟，一切開超級流心，見住佢爆流好治癒，個皮暖暖又夠脆，朱古力流心非常濃郁，再將D流心漿hi落個士多啤梨雪糕度食，非常開心。個雪糕筒入面放滿棉花糖，點下點下D朱古力漿就食晒lu~~我地仲搵個雪糕hi埋D綠茶粉一齊食，都幾得意嫁!
雖然見到openrice都有D差評，但我當日去到店員好有禮貌服務周到，隔離台係一班人慶祝生日，聽到佢都好主動幫手影相，適時上蛋糕俾驚喜壽星。佢又會問晒每張二人台要唔要碟share，叫我地上甜品就通知佢等等，我又覺得唔錯，而且望到張單既小字句，覺得佢有保留初心。
朋友介紹決定一試💕😍有特色，主題就係Vegas, 有啲標語都好有創意。
我地兩個食lunch $300幾蚊到 ，兩個lunch 2個小食，都幾抵食！人流都算多。
一個lunch set
🌸本地蕃茄香草春雞 $98（ 加$28@轉全份）
蕃茄汁好清新，雞肉嫩滑，皮好香脆，整體好滿意。薯條大大隻，新鮮炸，好脆。
跟餐叫咗嘢飲
🌸抹茶鮮奶：上面有厚厚嘅cream，甜到度啱啱好
跟餐加$28叫🌸魚手指
加咗檸檬喺上面，鮮味更加突出，點埋沙律醬，好夾。首先佢嘅炸粉唔係好口，魚肉亦都好滑，新鮮炸出嚟熱辣辣
加$42 🌸柚子雞翼
我最滿意就係呢個雞翼，柚子唔會太甜，皮脆，又唔會焗到竉咗，仲有啲菜苗喺下面，我比9/10分
🌸意式墨魚餅黑炭漢堡 $108
包好食，鬆軟。墨魚餅彈牙，不過墨魚汁不嬲都味比較重，但好彩有蕃茄同埋生菜中和左，配埋薯條，其實都幾抵食。
整體評價：職員服務態度好，餐廳主題吸引，如果坐窗邊位，喺25樓望落去都仲會有啲景睇下。裝修比較偏向有特色，尤其是張枱好靚👍🏻
{燒春雞🍗有驚喜✨}
#LittleVegas
.
❣️燒春雞 全份 $128
隻雞都幾大隻，肉好滑，配上蕃茄汁俾我想像中好食😋仲有一盤炸薯角✨好脆好好味！
.
❣️牛油果炭燒雞扒漢堡 $108
雞扒好多汁，真係有炭燒味！🤣🤣
配上牛油果，生菜，蕃茄，芝士！好正！🥰
.
❣️心太軟 $56
呢個係員工推薦嘅！結果冇令我失望❤️
賣相好靚📸擺盤好有心機📸📸！
心太軟外脆內軟，而且朱古力味都幾濃！
配埋芒果雪糕and 棉花糖🍬
.
📝總結
食過幾次，都保持到水準！環境靚！坐得舒服！食物服務絕對對得起個價錢！試新嘢唔會驚伏！非常值得支持💛！
.
🤍食完俾分時間🤍
🍔食物： 8/10
🏝環境： 8/10
👩🏻🍳服務： 8/10
📸打卡： 9/10
🔥推介： 8/10
.
📍 Little Vegas
銅鑼灣耀華街3號百樂中心25樓
#香港 #香港美食 #美食分享 #香港吃貨 #hkfoodie #hkfood #foodie #hk #food #hongkong #hkig #銅鑼灣美食 #銅鑼灣
Grilled Sea Bass with Japanese Sesame Dressing
+$28 with Fish Finger
香草烤焗鱸魚配日式芝麻醬 $118
炸魚手指 +$28
Vegas Lava Cake
賭城心太軟
(需時15～20分鐘)
Julian On The Tree
▶️ Rum, Coconut Rum, Pineapple, Curacao, Orange Juice
豬蓮上樹
來到銅鑼灣樓上舖，去了個充滿玩味的餐廳。
其餐牌也具色彩繽紛。
餐廳的招牌用咗霓虹燈，加上超可愛粗體字，大大個放在餐廳正中間，又是打卡點。
為了切合餐廳嘅主題，餐廳在裝飾上做了很多用心的打扮。
窗台上放滿各式各樣經典的卡通人物，例如M&m, 三眼仔，幪面超人，superman ，古董車，mario等，喚醒了我們童年的回憶。
風景上，我剛好坐的位置是望正了跑馬地馬場 ，景觀不錯。
輕食方面，首先點了雞翼好多重奏$78。
雞翼別具心思，有四種口味的，分別是辣味，水牛城，柚子味，和玫瑰味。
因為本人不食辣的關係，點了柚子味和玫瑰味。柚子味甜甜的，完全鎖實在肉汁和雞翼皮上，墊底的是青綠色的翡翠苗。至於玫瑰雞翼方面，雖然沒有玫瑰花瓣在上面，但係一食落去充滿玫瑰味，因為雞翼用了玫瑰蜜糖烹調的，淡淡花香，非常可口。
主食方面，點了意式墨魚餅黑炭漢堡 $108
其實本身是黑色的竹炭包，由於餐廳缺貨的就關係，所以改成普通的漢堡包。
墨魚餅厚身到有一節手指的長，入邊的墨魚鮮味，而且墨魚爽口彈牙。
除了墨魚餅外，還有蕃茄和生菜，提升了漢堡包的清新度。
旁邊的是薯角，薯角的份量剛剛好，適合兩個人份，而且炸得金黃色，滋味。
另一個主食方面，叫了忌廉松露野菌燉飯$106
飯的伴碟非常可愛，印上餐廳的名字。
黑松露多到排成一行，餐廳相當捨得。上面是用了芽菜和綠葉作點綴，
光看性價比已超讚。
飯入面主要係菇菌類的為主，跟黑松露成為一體。而且飯除了加入了忌廉，入面加咗洋蔥 ，增加了爽脆度。
飯的質地也煮得不乾不濕，粒粒分明，
而且飯是完全吸收了黑松露和忌廉的精華，啖啖鮮味。
餐廳的溫水杯也非常可愛，配合了餐廳主題。
Little Vegas
地址：銅鑼灣耀華街3號百樂中心25樓
美味的披薩和良好的氛圍！
行完Times Square, 和朋友去Little Vegas chill下。
之前都嚟餐廳食過，飲杯嘢，叫些小吃，呢度啲飲品唔錯，除咗咖啡，果茶，仲有酒類如beer,gin & tonic,dry martini……真係可以今朝有酒今朝醉。
今日叫咗個耐人尋味焗雞翼和秘製醬汁焗豬肋骨，雞翼嘅醬汁唔錯，好睇又好食，酸酸甜甜少少辣，加啲芝麻，開胃惹味，見到其它檯嘅客人都有叫，證明可以做招牌菜。
豬肋骨夠淋，是秘製嘅燒汁，都好入味，而且伴咗啲鬆化的炸薯角，叫了半份剛剛好，兩個人食夠曬。
飲品我就叫咗抹茶鮮奶，不太甜，抹茶味濃郁，朋友就喜歡飲香甜漂亮的玫瑰草莓沙冰，大家都非常滿意。
今次位於銅鑼灣嘅Little vegas！呢度嘅環境好好，好有玩味！嘢食都唔錯添！好適合同朋友上嚟傾吓計，食下tea！
🍝明太子忌廉天使麵（$116）
天使面好creamy，亦好掛汁！免頭仲有木魚花、蘑菇片等等，食落有層次，好滿足！
🍕孖寶比薩（$128）
今次叫咗魷魚圈避風塘pizza 同埋北京填鴨風味煙鴨胸pizza。餅底好脆，仲好足料，芝士都好拉絲！
🍗雞翼三重奏（$86）
今次叫咗玫瑰、柚子同埋水牛城，每款味道都有三隻！我覺得柚子最特別，食落甜甜地之餘仲好fresh！
🍹富士山下、葡萄成熟時（$52@1, $88@2）
呢兩杯飲品好適合用嚟打卡，富士山下似係雪碧，而葡萄成熟時似利賓納！另外，上面仲有一球雲呢拿雪糕，溝埋一齊飲都好唔錯㗎😆！
幾好
-摩卡
極其細膩的拿鐵藝術
它又濃又滑
帶有堅果的回味
我喜歡巧克力的味道不太濃
-鱷梨沙拉
份量特別大
喜歡撒在鱷梨和雞磚上的芝麻醬
雞肉特別嫩
絕對是我早餐的首選
-一整天
歸功於炒雞蛋
它是乳白色和奶油狀的
滋潤且質地輕盈
Little Vegas
銅鑼灣耀華街3號百樂中心25樓
命運薄餅
大廚每天會精心挑選不同的配料，即叫即製的餅底夠薄，超級香脆，要趁熱食。配料有炸魷魚圈、蟹柳、芝士、洋蔥、香草，這個配搭非常夾，一件又一件，吃不停，推薦！
Fuku juicy 牛肉芝士漢堡
面層的麵包很鬆軟，加了白芝麻，芝士香濃，牛肉肉汁豐富，蕃茄和生菜很新鮮，漢堡一開二，很貼心。配即炸的薯角，好味道！
雞翼好多重奏
可以選擇三款不同的味道，這次我選擇了水牛城 (醬汁和雞翼很match)、玫瑰(原片玫瑰加蜜糖又香又甜又滑)，柚子(酸酸甜甜的很開胃)，雞肉新鮮嫩滑，大廚處理得很好，Nice！
命運賭城小食拼盤
小食拼盤很豐富，有原味雞翼(鮮嫩香脆，點茄汁食一流)、焗波特菇 (菇味濃郁，加了芝士一起焗十分惹味)、炸魷魚圈(即炸的新鮮魷魚圈，香脆煙韌)、炸魚手指(處理得很好，沒有雪味，啖啖肉)、脆皮腸(皮很脆、不太鹹)。
秘密花園水果茶
水果茶有奇異果、藍莓、士多啤梨、火龍果、檸檬和青檸，超大杯，好Fresh，只限凍飲，健康之選。
食物質素高，地方舒適，服務員有禮貌
呢幢大廈出咗名多嘢食，今日試吓呢間Little Vegas。餐廳嘅裝修得意，好多Gimmick位，牆上面仲有好多得意嘅畫。如果可以坐到窗口位就更加正
達拉斯小牛排早餐 $108
小牛排、薯餅、蕃茄、沙律
呢一份係lunch set嚟嘅，已經包左餐湯同埋嘢飲，今日嘅餐湯係周打魚蜆湯，餐湯飲落口都幾creamy 。呢一份係All Day Breakfast嘅健康變奏版，有爽脆嘅沙律菜，燒香咗嘅蕃茄，牛小排軟腍得來帶少少彈性，再加埋蕃薯餅，係超級豐富同埋飽肚嘅。
秘製醬汁焗豬肋骨 $118 半份
呢一份主菜，可以加$25轉成套餐，咁就包埋嘢飲同埋湯。豬肋骨燒得啱啱好，香口之餘肉質又有彈性，秘製醬汁仲好惹味。配菜係薯角，脆得嚟又有飽滿嘅薯仔肉。
如果想飽啲可以叫一份，都係$198
ADD ON LIGHT BITE
$42雞翼水牛城
$28 魷魚圈
叫咗兩份惹味嘅小食，魷魚圈脆卜卜，炸漿包住爽口彈牙嘅魷魚🦑雞翼就辣辣地好醒胃。
Matcha Latte
Cappuccino
餐飲就算叫咖啡都唔使加錢，呢個真係非常之抵。拉花靚得來咖啡又好飲，抹茶鮮奶係淡淡的抹茶味好香，加埋非常滑嘅奶👍🏻👍🏻👍🏻
Little vegas
<>
奇異果。藍莓。士多啤梨。火龍果。檸檬。青檸
湯碗咁大杯😳😂🤤
白酒忌廉煮青口
青口每一隻都好大隻
份量好多 粒粒都啖啖肉
吸收曬白酒忌廉嘅香氣
雞翼有四款味道
分別有 麻辣 水牛城 柚子 玫瑰
可任意 配搭
我簡左後三款
建議可 試咗玫塊先
因為比較淡 清新花香味
再食水牛城 刺激惹味
最後再食柚子
酸酸甜甜可以 中和番辣味
泰式冬陰功意粉
賣相非常吸引
我鍾意佢意粉軟硬適中
大蝦新鮮彈牙
冬陰功辛辣味啱啱好
配菜都唔馬虎
蘆筍 車厘茄 都好入味
**餐廳有酒精飲品提供
相約女友食飯梗係要搵間打到卡嘅餐廳😅識去梗係去呢到。一上到去開門嗰下已經好吸睛。
打開餐牌款款都好吸引，我地試左一個pizza，2個小食，各自一杯野飲。原本諗住飲杯細細地嘅野，留肚食甜點，點知嚇親😂😂😂因爲杯水果茶勁大勁大杯，但嗰下確實有驚喜，感覺好抵呀😂😂，亦喜歡佢唔太甜，可以飲到熱情果、火龍果，士多啤梨、藍莓等水果嘅味道。
雞翼有四揀三味，我地揀左玫瑰、柚子、水牛城。水牛城唔算辣，可以認真食到雞肉嘅味、柚子款式有脆邊效果、玫瑰最好，因為好清香，估唔到食到雞肉都仲有一陣花香。
松露pizza大大件，每件都有一大堆松露醬，而薄脆批底食完唔會飽滯👍可惜限時90分鐘，真係唔夠時間又影相又食野又傾計🤭🤭🤭🤭
小維加斯是與朋友一起放鬆的好地方，尤其是在周五晚上和周末。
炸薯條、炸魚條、魷魚圈等各式各樣的派對美食要和小伙伴一起分享，你怎麼能抗拒呢？還有種類繁多的酒精飲料，太棒了！
昨晚點了他們家的招牌baby back ribs, pizza and mushroom soup，絕對好吃。我和我的朋友在那裡玩得很開心。我們肯定會回來吃另一頓大餐。
好開心終於可以試到依家好出名嘅cafe,之前有好多朋友都食過，佢哋都話好食，而且價錢OK，但一路都夾唔到食依間。
今次食午餐，佢嘅午餐價錢真係喺銅鑼灣地段來講係算好，$100已經有一個餐。我就叫咗達拉斯牛小排早餐，同一個麻辣雞燉飯。
達拉斯牛小排早餐
豐富嘅早餐，入面有牛扒，仲有薯餅同沙律。佢嘅薯餅好脆，而且好薄，咬落卜卜脆。
牛小排亦都煎得好香，沙律都好健康。
麻辣雞燉飯
好欣賞依個中式配西式煮嘅方法，首先佢嘅麻辣味好香，有得揀小辣中辣同大辣，唔係好食得辣嘅我就揀咗小辣，佢嘅麻辣香味好重，而且配埋滑雞，又有忌廉飯，成個感覺都好正。
榛子鮮奶咖啡
本身都驚伏，因為之前試過飲其他餐廳嘅榛子咖啡都超級甜，但好彩而家冇，甜味唔會蓋過咖啡味，而且又有榛子香。
綿綿朱古力
朋友嘅朱古力都唔會太甜，有埋棉花糖就錦上添花。🥰🥰
我們在小維加斯的經歷真是太棒了。食物很棒，工作人員很友好。裝飾很酷，好像把你帶到了另一個地方。只是我們去的時候沒有春雞，所以我們最後點了蜂蜜雞翅，味道真的很好。
今日喺Times Square行完街，同朋友去了附近的 小拉斯維加斯 ♤♡◇♧Little Vegas吃午餐🍽。
一出𨋢門，門面已經見到Little Vegas大字，非常搶眼，至於餐廳裏面，霓虹燈招牌同樣耀眼，玩味十足🤭
超級燒春雞🐓（半份）$98，皮香肉嫩，連雞胸都唔覺得鞋，份量足夠。
秘製醬汁焗豬肋骨（半份）$118，肉味十足，醬汁酸酸甜甜，令豬肋骨更加惹味。
飲品 – Rainbow 🌈Seven，7種顏色都同樣美麗，$52 for 1，$88 for 2，我們點了黃色和藍色。
黃金時代（黃色）- 好香芒果🥭味，雲呢拿雪糕，好味道😊
富士山下（藍色）- 向店員查詢後，得知是藍柑橘，顏色好靚好特別， 打卡必選📸。
Little Vegas
地址：銅鑼灣耀華街3號百樂中心25樓
Little Vegas 既字母燈超吸睛！打卡一流🤣
Lunch Set 好抵食，主菜大大碟、又好味。😋
1.Soup of the day: 粟米忌廉湯
足料，但偏淡。但唔緊要，之後既主菜挽回不少分數！😋😋
2.達拉斯小牛排早餐
有小牛排、薯餅、蕃茄、沙律。
薯餅又熱又脆😋
重點係小牛扒！熟得黎有粉嫩紅色，好有牛味，口感都好好😋😋😋
必吃！😋
3.香草烤焗鱸魚
鱸魚既皮煎得好香脆！魚肉幾滑，唔會腥。
4.炸魚手指、炸魷魚圈
新鮮炸起，熱辣辣，好香脆！😋
5.Caramel Latte、Mocha
有拉花😍味道都好😋
嘆一慣豐富的午餐，係每一個打工仔的心願， 今日去左銅鑼灣耀華街百樂中心25樓Little Vegas 食午餐。
午飯時段有正常的set lunch, 亦有其他款式可以叫。 我地就set lunch + 多少少特色食物。
Set lunch – 小牛扒早餐， 小牛扒肉質嫩滑彈牙， 好有牛肉味。 牛扒煮熟程度剛剛好， 帶有粉紅色， 非常好味。
意式墨魚餅黑炭漢堡， 黑炭漢堡唔好比個樣呃左， 其實十分好味， 漢堡有炭燒香味， 包皮好脆， 似法包咁款， 另外， 墨魚餅亦一絕， 粒粒彈牙， 有墨魚鮮味， 配上芝士， 絕頂邪惡。
水牛城雞翼， 醬汁辣辣， 入口後辣味喺口中徘徊， 正。
Little Vegas
地址: 銅鑼灣耀華街3號百樂中心25樓
電話: 26222369
===================
一入到門口，見到牆身架畫，好吸晴也好岩影相打卡。而每張桌都用了磚砌成卡通，好colorful 兼過癮。
中午食個lunch ,呢度望到馬場個view 幾靚。
$102 avocado salad 可選跟雞或蝦salad dressing ,都有4款，我地要黑醋。沙律菜avocado 就是清新
$132 香草蕃茄醬燒春雞一隻上，切開時有肉汁流出，好多汁juicy ,雞肉好嫩滑，個蕃茄醬食到鮮蕃茄份新鮮酸香味，我食完好欣賞，大力推薦的菜式
$48 綿花糖熱朱古力，拉左個花比我,細細粒綿花糖連埋熱朱一齊飲,多甜蜜。
坐窗邊好正架
🍝明太子忌廉天使麵（$116）
天使面掛滿左好濃郁嘅明太子汁，另外仲有木魚花、蘑菇，食落味道有層次👍🏻好creamy! 食到停唔到口啊！
🍕孖寶比薩（$128）
今次叫咗魷魚圈避風塘pizza x 北京填鴨風味煙鴨胸pizza，呢個Pizza係薄批，餅底好脆，而且好足料，尤其是有好多芝士，好拉絲！不過略嫌有少少鹹🥺！
🍗雞翼三重奏（$86）
叫咗玫瑰、柚子同埋水牛城三款味，每款都有三隻！柚子同玫瑰都幾特別，一樣係甜甜地！
🍹富士山下、葡萄成熟時（$52@1, $88@2）
呢兩杯飲品除咗打卡一流，仲比想像中好飲！富士山下似雪碧，葡萄成熟時似利賓納！上面加埋一大球雲呢拿雪糕，撈埋一齊飲又係另一個味道😆！