Lúa Vietnamese Restaurant Hong Kong

前排同女朋友喺銅鑼灣行街街，差不多八點幾肚餓，唸左一陣，女朋友話想食越南菜，咁岩平時食開個間竟然執左，於是係openrice搵左另一間，同埋咁岩早排有個朋友都介紹呢一間越南嘢。
坐低睇完餐牌嗌咗一個安格斯牛肉雜錦河同埋一個越式撈檬。
首先個安格斯牛肉雜錦河啲河粉好難食，食落口一pat野咁，一啲都唔爽口，啲牛肉都好普通，同平時食開既差不多。
越式撈檬啲檬粉黐埋一舊，體驗麻麻哋，不過啲串燒就即叫即燒都算好食。
買單差唔多$250覺得有啲貴，性價比唔高，未必會再嚟。
服務
內用
餐點類型
晚餐

銅鑼灣打卡越南餐廳 燈籠滿目的露台超好拍🏮
最近被呢間超有feel嘅餐廳瘋狂洗版！佢最突出嘅就係露台裝修掛滿燈籠，令人有一秒去咗越南會安嘅感覺。露台就只有兩張枱，想坐到最佳位置打卡的話要提前預訂啦~ 不過就算唔係坐露台，坐係室内一樣可以行出去打卡嘅😹

🎈自選串燒拼盤 – 6串 ($198)
串燒拼盤有9個選擇，當中有3款都係需要加錢的。見到個比較得意嘅選項係鱷肉串燒，我就唔敢試😹 歡迎有大膽嘅勇士同我分享！串燒可以選擇辣同唔辣，有兩款醬汁比你配搭串燒食~ 味道酸酸哋有種泰式酸汁嘅感覺🤔
👉特色越南豬腩串燒：推薦👍 肉質唔鞋，味道甜甜地
👉自制牛扎肉串燒：有肉丸同肉片各二
👉自制豬扎肉串燒：一樣有肉丸同肉片各二
👉素串燒 （當日係粟米）：斬開一半燒，幾方便食
👉 越南墨魚串 (+$18)： 要額外加錢！有兩條，加埋醬汁一齊食唔錯
👉越南虎蝦 (+$18)：要額外加錢！都幾大隻

🎈斑蘭布甸法包配自家製椰子雪糕 ($128)
呢個見唔少人推薦，中意食布甸麵包嘅可以一試！準備時間要45分鐘，食到差唔多要通知店員。一上枱係熱辣辣同好香，一件法包分開3件方便食~ 斑蘭味都好突出，餡料軟綿綿加上法包夠脆👍

🎈豬肉BB蝦炒碎米飯伴春卷甘蔗豬串 ($128)
呢個可以叫少飯✨ BB蝦份量都幾多，甜甜地同炒飯撈埋食~

🎈鮮熱情芒果沙冰 ($68)
可以食到粒粒熱情果籽，味道酸酸地解膩都不錯。

🎀總括而言🎀
👉食物：推薦斑蘭布甸法包
👉服務：電子落單好方便👍
👉環境：打卡一流，好有越南風味🇻🇳

🎀其他小資訊🎀
👉訂位：如果要坐露台位就要提早預訂啦
👉信用卡優惠：🈚

滿天掛的燈籠，餐廳佔兩層，超打卡( ´ ▽ ` )ﾉ還有超超超大蛋餅，玩味越式菜❤︎︎

.

❧ 椰子奶蓋咖啡 $𝟞𝟚
❧ 凍越南百分百甘蔗汁配鹹柑桔 $𝟜𝟚
❧ 地道雜錦煎餅 $𝟙𝟠𝟘
❧ 檸檬羅勒炒碎米飯伴柑桔鷄翼及豬串 $𝟙𝟚𝟠
❧ 生牛肉雜錦湯河 $𝟙𝟙𝟡

.

椰子奶蓋層很厚和濃稠，奶香味濃，只吃椰子奶蓋很像甜點，混上越式咖啡很香滑，必點！庶汁原汁原味很清甜，純糖份高，怕太甜可以多壓幾下鹹柑桔。

蛋餅很大份(O_O) 煎得很薄，超脆身，內裏有乾坤，有炒大蝦、豬肉及芽菜，沾酸甜汁吃，每一口都能吃到脆蛋皮裹着滿滿的肉，口感豐富，而且很惹味。

檸檬羅勒炒碎米飯擺盤讓我想到「辣死你媽(𝙽𝚊𝚜𝚒 𝙻𝚎𝚖𝚊𝚔)」，很少在東南亞菜餐廳吃碎米飯，用檸檬羅勒炒香很惹味碎米飯吃下去完全沒有負擔感。柑桔鷄翼炸得很香脆，豬串肥瘦均勻，這份挺合我口味。

牛河有安格斯生牛肉片、牛札肉、牛肉丸、牛肋骨和牛皮。轉了檬粉和額外追加青辣椒片和青檸(免費追加)，湯頭清甜，帶淡淡牛香，餐牌教地道的越式食法是混合紅醬/甜辣醬冬青檸汁搭配湯河一起吃，更惹味。安格斯生牛肉片很鬆軟牛肋骨帶瘦肉，肉質也不錯。
服務
內用
餐點類型
晚餐

食物很好吃，但等待時間太長了。我在 13:35 點餐，14:15 吃飯。 😒

店鋪裝修好搶眼，尤其是二樓的燈籠

自製的越南風味魚漢堡非常特別而且咖啡很好喝！
服務
內用
餐點類型
晚餐

香港最好的越南菜 – 特別是如果您正在尋找越南中部菜餚💯

新，服務好，味道大眾化，價錢套餐算合理，閒坐好去處
服務
內用
餐點類型
午餐
餐點：5
服務：5
氣氛：5

Sogo與世貿之間既通路有間新裝修帶有古色古香感覺既越南餐廳Lua, 上層有越式燈籠高高掛，非常有情調！店員服務親切有禮，Qr code自助menu落單，有好多新式越菜。

香茅檸檬葉焗越南農場少女雞，即叫即整！用上鹽焗整法，賣相幾靚，大大隻雞！肉質好嫩滑夠juicy多汁， 香茅檸檬葉已藏在雞內，所以味道好鮮香，而且非常 colorful又夠靚！睇得又食得。少女雞果然與別不同，

雜錦牛湯河， 炒鮮牛肉，牛札肉，牛肉丸，牛筋骨，牛皮等配料！ 香料非常之多有薄荷葉，九層塔，芫茜等，超有風味呀！河粉質地軟滑好入味，牛骨湯味濃而不咸！食唔出有任河味精感覺，是天然濃香！炒牛肉質夠緊緻，幾有彈性！牛筋嫩嫩入口滑滑，牛札肉濃香牛味，質地爽身。可以隨個人喜好再調上醬汁配牛肉。有青色辣椒非常香，浸落湯河味道層次更有突出。

自家製豬肉丸好有彈性，肉汁夠豐富，而且肉味夠香，濃濃熱湯浸住，keep到熱辣辣！

因為知道甜品需要45分鐘預備，所以12點已打去餐廳落單，下午1點拎外賣。

因為甜品本身無得外賣，店員叫我地不如坐係餐廳食，等下個甜品，因基於一啲原因…最後係餐廳外面嘅橫櫈坐係到食，今日出面大風，13度左右，餐廳服務員很窩心，幫我地準備左2杯熱水。

甜品班蘭法包(必點)，外脆內軟，班蘭醬又熱辣辣，唔太甜，好好食！

之後仲有魚扎肉漢堡，3大塊！食完都好飽。

第一次食南瓜花，似脆肉瓜，南瓜花炒牛(低食之選)，勁多牛肉！

落葉菜牛肉卷就普普通通，味道正常，可以一試。

2條友食左$500幾蚊
服務
外帶
餐點：4
服務：5
氣氛：4
建議的餐點
越南生牛肉粉 越式法包

它提供越南美食。這個地方相當大。座位很舒服。食物很好但很貴。
餐點：4
服務：4
氣氛：4

呢間越南菜裝修好靚好精緻，二樓室外位置掛滿七彩燈籠，打卡一流😍

生牛肉雜錦湯河 $119
河粉食落有米香，幼細得嚟又滑溜，湯底牛味香濃，配埋香茅、青檸同辣椒真係好惹味，生牛肉嘅質素都好好，就算淥得耐咗，食落都仲好軟滑😋

黃薑雞胸茴香葉撈檬 $119
撈檬同河粉一樣都咁爽滑，黃薑味道好特別，配埋啖啖肉嘅雞胸真係食得好過癮😙

南瓜花炒鮮牛肉片 $168
南瓜花真係第一次食，食落都唔錯，新鮮爽脆，聽講仲有清利濕熱同消腫散瘀嘅功效，牛肉都好新鮮，炒嘅時間啱啱好，入味又嫩滑😋

香茅豬肉法包 $98
法包嘅餡料除咗有香茅豬肉同蔬菜，仲有秘製豬肝醬，法包仲係即叫即烤，所以脆得嚟又唔會乾，仲好有麵包香😆
服務
內用
餐點類型
晚餐

價格過高，食物一般，音樂糟糕

又貴又唔好食，唔怪之食飯時間都無人
Why I paid for 1 bowl of noodles with a few fishball plus 1 coke at $162? Seriously?
服務
內用
餐點類型
晚餐

⬘ 即叫即蒸手工粉包(6件)⬙
⬘ 三色椒檸檬葉金菇焗鮮蠔(4件) ⬙
⬘ 潘切直送小墨魚春撈檬(小辣) ⬙
⬘ 凍越南百分百甘蔗汁配鹹柑桔 ⬙
⬘ 熱雞蛋咖啡 ⬙

紅色嘅外牆好搶眼，二樓室外位置仲掛滿燈籠🏮 岩哂打卡📸 最中意焗鮮蠔，啲蠔嘅生熟程度剛好，幾大隻同肥美，加左三色椒同檸檬葉個汁酸酸地，但又無蓋過蠔嘅鮮味，底下仲有金菇添😊 粉包也不錯，個皮唔會話好厚，裡面包左豬肉碎同木耳絲，味道偏淡點埋個唔係好酸嘅汁岩岩好😊 旁邊嘅扎肉幾有驚喜，以為三款都一樣只係唔同形狀，但每款個口感都好唔同，不錯😊
服務
內用
餐點類型
晚餐

之前經過銅鑼灣東角個邊望上去見到好多燈籠，已經覺得呢間餐廳好靚！今次終於有機會試啦。
–
✅三色椒檸檬葉金菇焗鮮蠔。鮮味十足😝加金菇就啱啱好可以索晒啲汁！
–
✅自家製牛肉丸湯。自家制牛丸湯有6粒牛丸，每粒都比較細小，但係手打的感覺☺️湯底係船河的湯底，有香濃的牛骨味😆
–
✅✅豬肉春捲。外層酥脆，而唔會太油膩😎
–
✅✅經典越南法包。法包🥖超級脆，夾住扎肉、酸蘿蔔、青、芫荽、傳統肝醬，口感爽脆唔膩，好好食🥰
–
🆗黃姜雞胸茴香葉撈檬。呢個有別於一般的撈檬，醬汁係黃薑味道的椰奶咖喱咁。佢地的檬粉好特別，好滑，好似幼的米綫！
–
✅凍熱情果菠蘿綠茶/ 凍蔗汁配鹹甘桔。
–
整體環境食物靚靚，味道都可以，係某些菜式的定價較高🙊 但有歌手唱下歌，同朋友來食下又幾chill!
服務
內用
餐點類型
晚餐
建議的餐點
豬肉春卷 越式法包

當你想在 cwb 吃越南菜時，這是個不錯的選擇❤️ 他們提供正宗和創新的菜餚！特別喜歡他們的室內裝飾❤️

可愛的

環境不錯。食物也很好吃。

.
一轉再轉🤣週末跟好友
走西試越南菜🇻🇳！餐廳
係銅鑼灣 分2層 ʙᴏᴏᴋ咗
ʟᴜɴᴄʜ ᴡᴀʟʟ ɪɴ都有好多位
不過2樓的露台雅座只有
3枱 可以碰碰運氣喔🍀
室內裝潢都好有越南風情
ǫʀ ᴄᴏᴅᴇ下單 兩女生點咗
1人餐x1 + 主食x1

· ┈┈┈┈┈┈ · ꕥ · ┈┈┈┈┈┈ ·

/ 小食 /

✿ 粉包炸兩小食 (3件)
：入面包裹住脆脆肉碎 小吃多滋味

✿ 蕉花絲涼拌𝐁𝐁蝦配蝦片
：爽口開胃小吃

/ 主食 /

✿ 生牛肉雜錦湯河 $𝟐𝟓𝟓
：上餐時店員溫提牛皮好有骨膠原🐒雜錦材料都豐富 有牛肉片 牛扎肉 牛肋骨 牛丸 牛肉 牛皮就小試咗一小口 好彈牙似食緊啫喱 河粉口感韌身

✿ 黃薑雞胸茴香撈檬 $𝟏𝟏𝟗
：以為係檬粉 原來係米線 未煮散 一大撮乾真真😅反而雞胸肉就好入味 有好多舊 食完個一人餐每人食咗幾啖食唔落了

/ 飲品 /

✿ 雞蛋熱咖啡☕️ $𝟓𝟐
：雞蛋.煉奶.咖啡.白酒的組合 未攪勻之前飲到蛋香 攪完之後白酒味就慢慢上來了 同時變得好甜 過甜😅

✿ 凍班蘭香茅咖啡 +$𝟏𝟎
：好友點的 底部係斑斕呈綠色 ᴄᴏᴍᴍᴇɴᴛ係飲唔到斑斕味

· ┈┈┈┈┈┈ · ꕥ · ┈┈┈┈┈┈ ·

食完出露台望一望 當時
已經坐滿ʟᴜ 都係高枱
望出去係對面大廈 不過
角落掛吊住好多五顏六色
嘅燈籠🏮點綴了一下！
人均~💲𝟐𝟒𝟎 建議2個
女仔👭🏻可以叫住一個
1人套餐先 唔夠先再叫🐒

Follow my instagram 📍tr.eatday

樓高兩層，鮮紅色門面的Lúa非常吸睛，餐廳主打正宗越南料理，由越南廚師主理。餐廳地下主要是做外賣及售賣餐廳自製的美食成品。

沿著樓梯上2樓，樓梯旁擺設了一輛輛模型電單車，這應該是越南主要交通工具吧！

餐廳內部裝潢也很有越南特色，原木的桌椅，藤製的燈罩，樸實內斂。

中部大頭蝦菠蘿酸湯配檬粉
用鮮菠蘿和香料熬製的酸湯底，酸味很特別，有果香又有魚露的鮮，整整六大隻比小朋友的手還大的大頭蝦，好熱食爽滑彈牙又鮮甜，這個酸湯還配了檬粉，吃的時候把檬粉加湯就可以。

南瓜花炒牛肉
南瓜食得多，南瓜花第一見，更是第一吃。南瓜花有點帶苦，但不比苦瓜苦，南瓜B B就很清爽，微甜。牛肉嫩滑，無渣，整碟口味很中式，畢竟越南華人也很多。
服務
內用
餐點類型
晚餐
平均每人消費金額
HK$200-250

招牌越南牛肉湯河，味道普通。屬於吃氣氛的餐廳。

相信很多人都熟悉 Lua 的招牌燈籠。位於 CWB 的非常引人注目和令人愉快的便利位置，提供正宗的越南美食。寒意！ Openrice 有時會提供預訂折扣，這樣更划算！

【充滿越式風情的打卡餐廳、菜式也夠特別】

之前在銅鑼灣經過總會留意到一間門面紅噹噹的越南菜餐廳。
Lúa 上層的燈籠好吸睛，這裡的越南菜式亦很特別
所以終於在Openrice訂了桌，但去到說沒有Booking … 明明有收到確認電郵 …
幸好晚市沒有滿座，不然就是沒辦法安排到座位要等吧。店面外邊也有個打卡位，上樓的樓梯都有裝飾，是間打卡不錯的餐廳。

有提供實質的餐牌，不過下單還是使用QR Code。
這裡使用調味料都是她們自家品牌，朋友點的 鮮椰青 ($86) 也烙了Logo。不知是不是因為這個原因，所以價錢略嫌貴些喔

凍法式布蕾烏龍奶茶 ($65) 奶味十足，沒什麼茶香。
越式 x 西式 Pale Ale 手工啤酒 ($72) Happy Hour 有買一送一，
另外一支選了 Saigon Rosé，感覺手工啤酒好像比較抵飲。

小食很多看起來都很特別，選了三款比較想吃的。
Lua招牌素粉包炸兩 ($48/6件)
皮黏黏的內裡很脆口，配醬油吃不錯喔

蓮藕杏鮑菇伴小楊桃沙律 ($108) 用洋蔥砌成花的形狀。
很小一顆星星形的楊桃很可愛那，
口感很豐富，酸酸辣辣十分開胃。

地道雜錦煎餅 ($180) 上桌時看到有點嚇到，因為有點大塊！
要襯熱吃那餅才會很脆口，入面有豬肉、蝦和芽菜，味道雖然幾好，但沒有什麼特別驚艷的情況下這樣的定價就貴了些囉

雜錦牛湯河 ($119) 這個本來是點給小朋友吃的湯河，大人試過後出奇地一致好評，雜錦有牛丸、牛筋、牛腩等，還有煙韌的牛皮。
湯底也較平時吃開的越式湯河濃郁，清甜得來牛味香濃。

中部大頭蝦菠蘿酸湯配檬粉 ($368) 大頭蝦有6隻，蝦頭就只有3個。蝦本身已經剝好殼，所以吃的時候很方便，口感彈牙。
檬粉是先放進自己的碗，在將湯倒進去吃﹐湯底因為菠蘿的關係有獨特的酸香。

最後甜品點了 越式牛油果慕絲配自家製椰子雪糕 ($98)
說是雪糕，質感更像雪葩，有吃到椰子香。
不過這一球有點太細了吧，香口的杏仁片倒是有不少。
軟滑的牛油果慕絲較為淡味﹐所以和椰子味平衡得剛好也幾夾。

Total：$1258 (已計加一服務費)
平均每人$314.5。整體來說就是貴價版的越南菜？
服務
內用
餐點類型
晚餐
平均每人消費金額
HK$300-350

睇得又食得嘅正宗🇻🇳越南菜～

每次行過東角，
都會見到呢間兩層高嘅越南餐廳，
陽台掛滿色彩繽紛嘅燈籠🏮，給人一種如置身於越南🇻🇳會安的感覺～
注意⚠️陽台打卡位只得三張枱，要坐就一定要盡早book位。
餐廳當晚仲有表演者現場唱live～

⭐️推薦❗炒鮮牛肉湯（$48）
其實就係牛肉湯粉嘅湯底，
用上多個牛部位如上牛骨、牛尾等熬製而成，啖啖濃郁精華，鮮甜不油膩，
最特別係湯頭加上生雞蛋🥚，
將牛肉沾上蛋汁一齊吃會更嫩滑，意想不到嘅美味。

⭐️推薦❗豬肉春卷（$48/4條）
係餐廳喺越南自設工場製造嘅！😳
應該係我食過最好食嘅越南春卷！🤤
米網紙炸得超脆！
餡料非常豐富，
豬肉加上蝦米及多種蔬菜如蘿蔔、洋蔥、粉絲等，超有口感！

芽莊紅燒雞扒飯配特色雞絲沙律（$128）
雞扒幾大塊，又超厚肉，
外皮燒得香脆，內裏juicy！💦💦
雞絲沙律份量不多，不過味道幾特別，
原來每個飯餐都會附上一碗牛骨湯配生雞蛋，☺️
同單獨order嘅牛肉湯分別只在於有沒有牛肉。😂不過冇牛肉其實都超香濃！

⭐️推薦❗南瓜花炒鮮牛肉片（$168）
南瓜花是越菜常見的食用鮮花，不過喺香港真係第一次見！😏
南瓜花口感爽脆，有獨特嘅清香，牛肉份量又多，性價比十足，必試！👍🏻

⭐️推薦❗潘切直送小墨魚春撈檬（$168）
小墨魚超新鮮，超驚喜每隻都有滿滿嘅墨魚春（透明嗰啲）😂！
檬粉係自家製，食落好滑，仲帶少少煙韌，
醬汁好特別，好香魚露味，鮮香味美。
大家仲可以跟佢哋推薦嘅地道越式食法，混合醬汁(甜辣醬／越南海鮮醬)和青檸汁等，夠晒正宗！
服務
內用
餐點類型
晚餐
平均每人消費金額
HK$200-250
建議的餐點
豬肉春卷

好的食物。煎餅少了蔬菜籃
服務
內用
餐點類型
晚餐
平均每人消費金額
HK$250-300
建議的餐點
Vietnamese Steamed Rice Rolls
素食餐點
Available