漁火海鲜刺身火鍋

火鍋的好地方，牛肉很棒。

老闆娘招呼很好！

不知為什麼，每次跟這幾個朋友的飯局都總是打邊爐，而且佢地又鍾意食肥牛、海鮮，所以都選擇了好耐，最後選了這間漁火海鮮刺身火鍋（睇Openrice 介紹海鮮、肥牛都好正），而且仲做緊85折優惠，緊係要用埋呢個優惠先抵。

店內位置不算多，但勝在坐得寬敞舒適。

食火鍋最緊要當然係個湯底，這裡湯底有14款可供選擇：龍皇海鮮湯、花膠雞湯翅、花膠響螺燉豬展等等…
而配料都比想像中多款式，牛類、海鮮類都有很多選擇。

店內都會提供廚師推介，推介當日最新鮮的刺身，見到好似唔錯，都叫了一款嚐嚐（什錦刺身) 。

醬料 – 每位$15
坐低後，店員會付上醬料方形盤子，當中包含了9種不同醬料，可因應個人喜好調校自己喜歡的醬汁。

什錦刺身(細) – $288
什錦刺身(細)有三文魚、帶子、油甘魚及北寄貝4款刺身。刺身新鮮、肥美而且都是厚切，食落口感極佳。

花膠響螺燉豬展 – $198
湯底我們點了花膠響螺燉豬展，雖然價錢比較貴一點，但物有所值。一上桌便香氣撲鼻，我們直接湯底當湯喝，味道很清甜且足料，清澈不油膩。還沒開始吃火鍋我已經忍不住再喝多碗了！

肥水大花甲 – $98
一看到大花甲來到已經哇一聲。
大花甲比平時出面食開的更大更多肉，而且食落肉厚鮮甜，口感十足。

蘇格蘭蟶子皇 – $48/隻
蟶子皇的肉有我手心咁大，而且好肥美。入口肉質爽口鮮甜，咬落去好彈牙。:like:

美國頂級桶蠔 – $158
美國桶蠔極大隻脹鼓鼓的，入口不腥，肉質肥美滑溜，味道鮮甜，蠔味濃郁。

走地清遠滑雞件 – 例$88
清遠走地雞嫩滑，雞味濃郁，而且例牌的份量也不少。

漁火特選牛盛薈 – $438
漁火特選牛盛薈有五款不同的牛如：手切本地鮮牛頸脊、手切本地邊位、手切頂級 Prime牛肉、一口和牛柳粒及極品牛舌芯。

賣相相當有排場，夠晒吸引，牛柳粒和牛舌芯比較厚，很有口感；牛頸脊和牛邊位牛肉味較重；PRIME牛肉很鮮嫩，肉質軟腍，入口即溶。

時令什菜籃 – $78
什菜籃內包括有白菜、菜心、生菜、冬菇和粟米。
蔬菜新鮮翠綠，食落清甜。

今晚家庭聚會，家人用開飯啦訂座，八點半有八五折，價錢平左15%，感覺非常低吃，便和家人一起來了。
我不是第一次來，所以對環境熟悉，有卡位、圓枱和貫貴賓房。
先來一個象拔蚌刺身特價$588
象拔蚌是活生生的，肉質彈力十足，味道鮮美，至於內臟只需滾幾分鐘，味道比刺身更鮮甜。
花膠響螺燉豬展湯底$198
用了很多花膠、響螺和豬展湯來燉，所以湯頭鮮甜無比，大伙兒一起喝湯先，喝了半煲湯才開始火鍋。

美國頂級桶蠔158
桶蠔大大隻，份量十足，蠔味鮮甜，一人一隻已經好滋味。
大花甲$98
很少會有這麼大的花甲，只需滾2分鐘，就可以爽口鮮甜。
鮮甜脆骨腩78
其他食肆都會給些脆肉鯇魚肉，這裡全部都是魚腩部分，味道爽甜又香脆，值得推薦。
超甜粟米38
粟米吸收了湯頭，味道更香甜。
油麥菜38
味道爽口而且清甜。

久違了的打邊爐，今晚回到漁火大擦一番。這裏最近網上訂座享有八五折優惠，哪有不來的道理？

自家帶了兩支酒，開瓶費只是$50 ，好抵！

花甲海鮮魚湯鍋。花甲大大隻！有好多鮮蝦，魚湯淡白色混番茄，清清地鮮味十足。皮蛋皮晶瑩剔透配酸薑食，開胃。

龍王珍寶海鮮拼盤$688，的確超級抵食！上枱一刻大家都十分驚喜，因為巨型印尼龍蝦帶膏、扇貝肉厚、花甲肥美、還有生跳跳的海蝦、珊瑚蚌和脆鯇片，很大堆頭。

接住𩶘魚刺身亦上枱，條魚仲識郁，睇得出是即劏，所以好生猛，魚肉爽口彈牙！食完刺身，將魚骨拎入去加工，成為可口的下酒物!

自家製特色四色丸新鮮彈牙。牛頸脊紋理分明，入口牛味夠濃而且脂肪也香。

還有點了鵝腸、黑柏業、桂花蚌、白線片、脆骨腩及豆苗等，都令人滿意。漁火第二次來了，質素仍然保持好好，海鮮仍舊係老闆每日新鮮挑選的好貨色，比起連鎖店的，感覺更用心。

花膠響螺燉豬展湯底: 現在的港式打邊爐除了常見的豬骨湯, 清湯, 沙爹湯外. 還有用上四川麻辣, 臺灣麻辣, 燉雞, 以至雞煲翅.
但不得不贊今日點的這個花膠響螺燉豬展絕對是頭幾位最出色的湯底. 未開始打邊爐前已先幹3碗, 而且絕不口幹, 不加味精.

深海龍躉斑片: 人不多的時候, 我打邊爐的守則必然是先吃海鮮後吃肉.
結實彈牙充滿魚味的龍躉斑片比起我最愛吃的白蟮更討我歡心.

海蝦: 這裏的海蝦配上這裏豐潤的湯底很配合, 蝦肉少許黴的感覺也沒有, 鮮味非常.

漁火特選牛盛薈: 左上角的是牛舌芯, 左下角是牛頸脊, 中間是prime牛肉, 右上則是和牛粒, 右下是牛邊.
很多火鍋店都有手切牛肉提供, 但以拼盤形式包括不同部位, 這裏可能是少數的其中一家.
5種牛肉的質素都很高, 牛舌芯的彈牙, 牛頸脊的肉味, 和牛粒的口感, 各樣各領風騷.

牛胸爽: 牛胸爽的外表像是一團脂肪, 實際是取自牛的胸腔肋骨中間的軟骨.
口感爽嫩, 但不會油膩.

刺身新鮮 其它材料也新鮮 湯底足料

早幾日朋友生日,約左出來gathering! 呵,一班人緊係最好打邊爐啦! 其實邊爐打得多,近呢一年打邊爐都係食重慶火鍋多,都係想食返d港式火鍋! 上網睇到話CWB有間’漁火”好抵食,又新鮮!一于去試吓!

打邊爐前,勁鬼肚餓,見到呢度有好多小食喎,一於試吓先! 朋友仔叫左個炸墨魚餅,我呢就叫左鬼馬油條! 兩樣都係好邪惡既即炸野,不過我鐘意! 墨魚餅咬到好多一粒粒既墨魚,真材實料,食落好彈牙,而外面炸到脆扑扑,正!

鬼馬油條呢,其實即係炸油炸鬼! 所謂鬼馬其實加左d墨魚滑一齊炸,好特別,有油炸鬼既香脆,又有墨魚滑既彈牙口感,配埋泰式酸辣醬食,好match!

食左d小食,店長姐姐介紹話今日d刺身好正,有鱲魚食,而且比出面日本餐廳食既平,$3xx/條,所以highly recommend我地試下! 呵…聽落又真係好抵食喎,一于試吓個鱲魚刺身先!

初先以為條魚唔大條,可能每人得幾片! 但估唔到上台果下一大盤喎! surprise….見到條魚都幾大下,好抵食喎,難怪店長咁推介啦! 鱲魚肉質好白滑,口感好彈牙,一食就知係即劏,唔係唔會有呢種口感! 魚肉幾清甜,唔錯喎! 最重要既係份量比想像中多好多,每人都食到10片8片,好抵食啊! (本身佢地話加多$80可以炸埋個魚骨or煲魚湯飲,不過最衰諗住打邊爐狂食,所以無叫到…只能說下次啦)

終於到邊爐時間….成班女仔打邊爐,今次唔揀d咁熱氣既,見呢度有個”花膠雞湯翅煲”,好似好補好滋陰咁,一于叫呢個先! 個鍋真係好正,有原隻凍瓜放係中間,入面有好多花膠同群翅,旁邊有原隻鮮雞!成個雞湯鍋真係好濃雞湯味! 正,呢種就係港式火鍋既味道!

火鍋料呢,其實港式火鍋最緊要既,係用料好唔好同夠唔夠新鮮! 我地叫左一個海鮮併盤+牛併盤!

海鮮併盤-龍皇珍寶海鮮併盤,個set雖然$688,但真係勁豐富架!!!! 除左有本地龍蝦外, 仲有好多種唔同既海鮮: 有龍躉班片/日本元貝/海中蝦/聖子皇/珊瑚蚌/桂花蚌!!! 哇,真係見到都心心眼! 全部都好新鮮! 尤其係個龍蝦,本地既係新鮮d既,好清甜! 至於龍躉片好厚肉又濃魚味,同個雞湯底好match! 其他樣樣都好新鮮,真係無得彈啊!

食完海鮮,打邊爐又點可以無牛牛呢! 估唔到呢度又幾多set叫喎! 有個特選牛盛薈,真係乜牛都有! 正! 有一口和牛柳粒 (入口size,粒粒都咁重牛味), 又有牛舌芯 (好薄好爽口,又唔似一般牛舌咁軔咁臊), 本地鮮牛頸脊 (非常鮮味, 牛頸脊始終係牛味最濃地方,而且無多餘肥肉,好爽!) 其他兩種仲有頂級prime牛肉&本地牛邊位,全部都好濃牛味,好好新鮮!

食左兩個併盤其實都好飽飽lu….不過點都要叫d其他野食既,我地仲有叫鮮魚腐&豬紅,魚腐睇得出係自家制作,豆腐同魚肉既比例剛剛好啊! 吸埋d湯底既雞味,好好味!

另外清清地都有叫個雜菜籃,全部都好fresh!

漁火整體黎講,樣樣野都好新鮮,而且好抵食!貨真價實,絕對係近年重慶火鍋外既一個港式火鍋既清泉!

火鍋食材比如牛肉還可以，但刺身拼盤並不新鮮，象拔蚌亦有腥味!

海鮮好新鮮喔

新鮮新鮮新鮮！

想起漁火的𩶘魚及象拔蚌刺生，約了雙子座的姨甥女，去漁火慶祝生日。我們一行五個人去又飲又食開大餐。😍😍😍😍😍

漁火裝修豪華，坐位濶落，由其是卡座，舒適，而侍應服務殷勤，十分有禮。👍👍👍

先來一個花膠響螺燉豬展湯198，未食火鍋之前來两碗滋陰滋潤式湯水，味道清甜，補身之選。👍👍👍👍👍

專誠為了活魚刺身$328及象拔蚌刺身特價$588而來的，兩款刺身都很新鮮，無論是生吃或淥一淥，味道鮮甜，最重要在開飯啦訂位，有八五折呢（哈哈哈）大賺了。😍😍😍😍😍🐥⭐⭐⭐⭐⭐

火鍋當前，啤酒小不了，先來森堡三支78，解解渴，消消暑。😍😍😍🐥⭐⭐⭐⭐

本地手切鮮牛頸脊328，牛味十足，足夠五個人的份量呢，大大碟。👍👍👍🐥⭐⭐⭐⭐⭐

肥水大花甲98，這是驚喜之選，花甲手掌咁大㗎，又爽又甜。🐥⭐⭐⭐⭐⭐

鮮甜脆骨腩78，全腩，沒有搭頭搭尾。🐥⭐⭐⭐⭐⭐

漁火特色四色丸128，自家製的丸類，非常新鲜，爽口彈牙。🐥⭐⭐⭐⭐⭐

地方較細，但食材有水準

火鍋係我既至愛，基本上一個月都會去一次，今次朋友又搵到正野，book左銅鑼灣漁火，9點半後入座，全單8折，諗落真係幾抵！

餐廳環境舒服，以卡位為主，卡位闊落舒服！醬料齊全，想得出都有，不過醬料要每位$15。

打邊爐湯底好重要，呢度有14款選擇之多，對於我地啲女人仔黎講，都係鐘意揀啲滋潤養顏的，今晚揀左「漁火花膠雞湯翅」$238

嘩～果真有翅woo，仲幾多tim:yummy:中間放有雞件及翅，外面放了個冬瓜，二話不說試下啖湯先，真係好香雞味，又鮮又甜，配上魚翅真係唔錯！雞件肉質嫩滑，亦係唔錯！冬瓜煮淋左，吸晒啲雞湯汁，非常好味！:like:

小食 – 鬼馬油條 $68
我最鐘意食既小食之一，油條上釀住蝦膠，炸得香脆，蝦膠鮮甜，配上泰式汁，酸酸甜甜真開胃！

活魚刺身 $328
呢盤立魚估唔到有咁多，成盤上好靚，片數多，四個人都食唔晒！立魚刺身魚味幾濃，結實口感，但又唔會死實實，$328算幾抵食，因為份量真係幾多！

漁火特選牛盛薈 $438
呢個漁火特選牛盛薈，內有手切本地鮮牛頸脊、手切本地牛邊位、手切頂級PRIME牛肉、一口和牛柳粒、極品牛舌芯，共五款唔同位置既牛，唔同口感，都係頂級！

牛柳粒口感爽口，手切頂級PRIME牛肉油花分佈均勻，肉質鮮嫩，入口即溶，牛舌芯爽口有咬口，牛邊位牛味最濃，牛頸脊肉質比較結實，牛味濃郁！

雪白鮮鱔片 $128
鮮鱔片份量好多，有成八片之多，仲要好大片，錄完吸收左啲雞汁味，又鮮又甜，口感爽脆，值得推介:like:

時令雜菜藍 $78
食左咁多肉，最後一定要食返啲菜，啲菜好新鮮，清甜，冬菇好大件，豐口感！

前幾日同朋友去左銅鑼灣一間火鍋店打邊鑪, 事後感覺確實唔錯, 所以決定要分享.

餐廳內環境企理乾淨, 坐得舒服, 都幾適合餐聚聊天.

先黎兩個小食頂下肚先.

炸墨魚餅 & 鬼馬油條 都係即叫即炸非常新鮮, 而且乾身唔會入口油淋淋.
墨魚餅外層酥脆香口, 而裡面的墨魚肉餅就好彈牙鮮甜. 再配上酸酸甜甜的醬汁, 十分開胃;
油炸鬼表層釀上墨魚膠滑再拎去炸. 墨魚膠滑口感彈牙而油炸鬼就脆卜卜, 層次分明令人停不了口.

立魚刺身 (椒鹽骨腩加$30)
老闆推介我們的立魚刺身, 非常新鮮同埋抵食. 立魚好大條, 所以刺身分量都好多.
而且師父用左比較厚身的切法, 刺身食落比較有口感, 爽口得黎味道好鮮甜, 真係好正!!
食完刺身後, 剩下的魚骨魚腩原來仲可以選擇加30蚊叫餐廳整“椒鹽骨腩”, 一魚兩食, 完全食到盡. 但由於我們實在叫左太多野食啦, 怕最後會食唔哂浪費左, 所以我地最終冇叫到. 下次有機會一定要試下先~

漁火花膠雞湯翅
湯料有花膠, 冬瓜, 新鮮雞件, 素魚刺, 蟹籽, 菇, 粟米等等.
影完靚相後姐姐會即場幫忙將冬瓜圈切件~
花膠數量原來都唔少而且幾大舊. 而雞湯湯底亦好濃郁, 飲落味道香濃但又唔會過鹹, 非常滋補養身. 令我在落火鍋料前忍唔住飲多碗.

漁火特選牛盛薈
特選牛拼盤份量都唔少, 個人覺得比出面好多餐廳同等價位的牛拼盤抵食, 而且質素都唔差!
牛拼盤包括有手切本地鮮牛頸脊, 手切本地牛邊位, 手切頂級PRIME牛肉, 一口和牛柳粒 同埋 極品牛舌芯等. 基本上所有牛肉都好靚, 望落亦都好新鮮, 食落牛味都好香.

龍王珍寶海鮮拼盤
非常壯觀又漂亮的珍寶海鮮拼盤, 外型非常之吸睛. 拼盤裡面包括有本地龍蝦, 龍躉斑片, 日本大元貝, 海中蝦, 黃貝同埋珊瑚蚌等, 最重要係全部海鮮都好新鮮好靚!!
龍蝦肉大大舊, 爽口彈牙又鮮甜! 而且龍蝦頭仲係有膏咖, 正!!
大大粒的元貝肉有厚度, 味道鮮甜又彈牙;
海蝦都一樣唔錯, 中型size但够新鮮, 味道鮮甜口感彈牙~

口感够爽脆彈牙的脆鯇片, 非常新鮮, 味道仲好鮮甜…

雪白鮮膳片
白膳片切得大块又有厚度, 食落肉質鮮嫩肥潤, 非常唔錯.

順德魚腐 拼 香滑豬血
魚腐入口軟棉, 魚味鮮甜; 而豬血口感滑嘟嘟又彈牙;

時令什菜籃
什菜籃有白菜仔, 菜心, 西洋菜, 粟米, 新鮮冬菇等.. 材料好新鮮好靚, 而且處理得都好乾淨, 冇黃葉爛葉亦冇沙. 各種菜食落都唔會有苦味~

食物新鮮,但價錢略貴！每人平均消費$400.

材料新鮮，價錢合理。

高質靚料火鍋之選。 去到銅鑼灣駱克道京都大廈， 好多食肆選擇，不過想打邊爐 推介去漁火海鮮 刺身火鍋。 D料高級得來實實在在畀到好嘢你食～👍👍

我哋揀咗《鮮魚湯底》， 勁濃勁鮮甜！ 配各種火鍋料都同樣美味。 《珍寶美國桶蠔》， 超大隻 咬落爽口。
《雪白鮮鱔片》係全晚最精彩最美味嘅火鍋料。 切得厚薄適中，非常大塊， 證明條鱔要好大條先切到咁大塊。 肉質肥美， 咬落少少爽， 魚油脂肪又唔會過量， 吃多幾件都唔覺膩，勁鮮甜， 魚味濃。 絕對值得推介！👍👍

貴！

三個舊同事相約放工聚吓，呢間經『開飯』預訂有八五折，而銅鑼灣近佢地放工唔駛趕，就咁決定啦！

出升降機大堂就見到一個蠔櫃，法國生蠔睇見都想食。

店內環境舒適，有卡位仲有廂房，一邊諗食咩，一邊搞調味，發現加芝麻更香。

未齊人，叫啲刺身食住先，J剛趕到就有刺身食啦！

北海道帶子刺身$138，鮮甜爽口。

法國白珍珠生蠔@$48，入門時已被生蠔吸引，點可以唔食啊。 生蠔柔滑爽身，海水味中帶鮮甜有餘韻，好味！

北寄貝$58，北寄貝腍中帶脆，鮮甜美味。

湯底揀咗花膠響螺燉豬腱，店員話係真材實料無添加，撈嚟睇吓真係好多料喎：花膠、嚮螺、蟲草花、豬腱、雞腳、圓肉、紅棗…等。

花膠響螺燉豬腱$198，花膠大大件，好味又養顏。每人飲咗一碗湯，湯好甜，真係想成個湯底飲晒。

食火鍋梗係叫壺竹蔗茅根水，清甜滋潤，打個底清清熱氣最正。

肥水大花甲$98，花甲真係好大隻鮮甜肥美，正喎。

本地手切鮮牛頸脊$248，手切鮮牛頸脊好吸引啊！可惜我唔食得，唯有睇住流口水啦。

極品黑豚腩肉$88，極品黑豚腩肉好香肉味，口感嫩滑，直情想獨享一碟呀！

蒙古肥羊片$98，羊片軟滑有肉香，好食到夾不停。

爽滑豬肚$58，豬肚洗得乾淨無異味，有口感得嚟又唔韌。

萵筍$38，萵筍係火鍋好拍檔，爽脆又唔易過熟，好食。

時令雜菜籃$78，雜菜新鮮翠綠又乾淨，有白菜、菜心、生菜、冬菇+粟米。清甜又健康。

鮮味海中蝦$128，海中蝦大隻又鮮味。

水庫大魚頭$78，大魚頭眼晶晶，好新鮮又滑溜。

漁火特色四色丸$128，有蝦丸、墨魚丸、牛肉丸、豬肉丸。全部都係手打，粒粒彈牙，尤其係墨魚丸又鮮又彈，而豬肉丸有粒鹹蛋黃，增添咗咸香。

三個人飽到要捧住個肚離開，今晚好滿足呀！

友人看到在openrice 訂位出席有85折，今晚便來到一試。
座位有卡位和長枱，適合二人世界或大伙兒聚餐。

花膠響螺燉豬𦟌湯底$198，花膠、響螺有滋陰作用，燉豬𦟌湯頭比想像中鮮甜，濃淡適宜，先來一碗湯是算識，然後才開始火鍋。

活魚刺身$328，是䲞魚即點即劏，所以上枱時，魚還在動的，刺身爽口彈牙，亦可以放湯淥幾淥，半生不熟吃又是另一類滋味。
吃完刺身，侍應提議將魚頭和魚骨，用椒鹽加工$30。魚骨帶點魚肉，味道香脆惹味，一魚兩吃，果然物盡其用。

本地手切鮮牛頸脊$328，大大件薄切牛頸脊，雖然脂肪不多，不過牛肉味道濃郁，只需滾15秒，就可以吃到嫩滑惹味的牛肉了。

漁火特色四色丸$128，有蝦丸、墨魚丸、豬肉丸和牛丸，由於全部都是自家製的，所以粒粒爽口彈牙，其中以墨魚丸最為滋味。
鮮味海中蝦128，雖然得六隻，不過每隻都有15cm長，蝦味濃郁，蝦肉爽口，真是物有所值。

食材新鮮，服務一流

高質海鮮刺身火鍋
基本上一年365日裡，我應該有60日係會打邊邊，個個都叫我火鍋精，今晚成班朋友又去打邊爐
呢間嘅火鍋用料都走高質路線，除咗鍋底夠特色外，仲非常新鮮，不特止啊！！先來個餐前小食糖心皮蛋開開胃
今晚好友帶咗香檳及白酒嚟配海鮮，開瓶好抵啊都係$50，唔貴啦比起其他餐廳
湯底選了鮮味十足嘅花甲海鮮魚湯鍋，用嚟食以下嘅海鮮拼盤啱哂
呢個「龍皇珍寶海鮮拼盤」性價比好高，入面有大大隻新鮮彈牙龍蝦，仲有大花甲、海蝦、扇貝、海班塊、珊瑚蚌都係$688，每款海鮮都勁新鮮啊
仲有好多活海鮮，呢條活魚刺身勁新鮮啊，𩶘魚肉質偏爽彈帶點煙韌，魚味都唔錯
個魚頭魚骨仲可以炸埋嚟食，鹹香酥脆又可口，送酒一流
手切牛頸脊夠哂鮮嫩紅卜卜，牛肉脂肪恰到好處，食落牛味好出又帶油花香味
白鱔片大大片勁新鮮，入口又嫩帶彈性
手打四寶丸都唔好錯過，粒粒都勁大粒又新鮮手打，墨丸、豬肉丸、牛丸及蝦丸，各取所需，手打特別彈牙啊
鵝腸洗得好乾淨，烚一陣就食到美味爽口
另外都推介黑柏葉、牛心椗及桂花蚌
宜家經開飯網訂座有85折，九點後仲係8折

總體外觀不錯。
食物質量很好。
服務很好。
保持一切良好也是最好的改進。

這個地方的陰陽煮很好吃。不，我沒有喝湯，但裡面有偷偷的土豆。很好吃🤤🤤🤤🤤🤤 飯後偶遇銅鑼灣小人打人。