火鍋隨意門

火鍋隨意門

銅鑼灣打邊爐😳好似去左土耳其旅行咁呀😹
佢哋嘅裝修風格✨完全令我好想去土耳其旅行🥰
由牆壁、用餐嘅餐具🍴再到外面門口打卡位💕
都充滿土耳其風情✨！

蘋果木煙燻手切牛頸脊（$298)
😎我要用一個係一個表演嚟形容呢度食物！😎
因為店員係會喺你面前直接煙燻一次個肉俾你睇！
過程裏面你已經聞到好香嘅蘋果木味！！！！！😈😋
牛肉6下就熟，估唔到錄咗麻辣湯底仍然能夠食到蘋果木嘅味道！ 大力推介😻🤩

鴨血麻辣湯底（$188）
麻辣得來鴨血亦都好多嘅湯底！

花雕雞件（$88）
花雕雞件上枱嘅時候有乾冰😳做陪襯，成件事好似仙境到出嚟嘅雞件咁，雞肉滑溜😋
🤗而且你仲可以到埋啲紹興酒汁落你個麻辣鍋度繼續食實行雙倍滋味！

鹿兒島日本黑豚肉（$168）
厚薄啱啱好，豬配埋麻辣湯真係一流！佢哋呢間野嘅肉質都非常高質！

桂花蚌（$138）
桂花蚌都好新鮮爽口！

蟹黃豚肉餃（$78）黑松露墨魚丸🦑（$68）
嚮黃搞直頭以為自己食緊蟹粉小籠包咁重味正😻😈
黑松露墨魚丸嗰浸煤氣味🤩加埋入邊真係有墨魚粒粒！

鹹蛋黃炒炸魚皮（$78）
邪惡感超重嘅黃金炸魚皮，就咁食又得落麻辣鍋度滾3秒得咗！😋😋！

厚切即炸午餐肉（$68）
成支波板糖咁嘅設計，唔係一般午餐肉佢外面係首先炸到脆左🤩先至再俾你落去打邊爐湯底食🤣外邊脆卜卜入邊熱辣辣！

蔬菜🥬拼盤（$78）
娃娃菜、粟米🌽、蕃茄、木耳、蓮藕片
應有盡有😉

伊麵（$32）日式稻庭烏冬（$32）
索晒啲麻辣湯底正！

薏米水（ $68 ）
食完麻辣😋梗係要飲返啲清涼嘅嘢解渴啦😊
薏米水唔會好甜😌而且佢哋用呢個超得意嘅地球🌍檥嚟裝住薏米水！！

即係食完記得去門口打返個卡啊！
儀式咁當自己去咗旅行🧳

美味的食物和可愛的裝飾和環境。還會再來的！！

招牌花膠雞湯鍋 超讚

今日來到銅鑼灣一間新開的火鍋店，火鍋隨意門，餐廳裝修是特色的古色古香，帶有波斯的風味，部份的枱都有屏風間格，現在防疫期間就食得放心。

鍋底都有多款。

招牌花膠雞湯鍋半隻$298
花膠非常大隻，原隻的花膠，大大隻足足鋪了半隻碟，雞肉切得大大件，半隻雞很足料， 湯底清甜 ，我們每人飲了兩大碗，差不多都將湯底飲清，這個招牌花膠雞湯鍋真是非常足料，對於平時少煲湯的我就最適合了，湯底濃郁清甜，食完的感覺是真材實料，正正正！！

清酒鮮牛肉$168
這個清酒鮮牛肉，上枱后，侍應才放上清酒，牛肉散發出淡淡的酒香，增添牛肉的鮮味，鮮牛肉頗高質，顏色鮮亮，大理石式的花紋，不會太肥，也不會太瘦，雖然灼過后，酒味不會很出，但灼上4-5秒，牛肉鮮嫩，美味呢。

日本廣島蠔$98
食火鍋都愛食蠔，廣島蠔雖然不是很大隻，但軟軟滑滑，也有蠔味。

淮山$48
淮山有健脾作用，所以這段時間食火鍋我也會叫多了淮山，軟軟綿綿的，很好食又有益。

罐裝可樂 $25
食火鍋我認為最配的飲品莫過於冰冰涼涼的可樂，再配上冰及檸檬，就更為美味了。

食完感覺招牌花膠雞湯鍋當真足料夠滋補，現代人愛出去食，而又少湯水，食這個鍋底既滋浦養生又美味。

一直都好想黎火鍋隨意門打邊爐，一入門口已經比熱氣球壁畫吸引，餐廳有好多打卡位，除左有土耳其風、亦有中國風、巴黎風、同埋我勁鐘意既日本風，一見到即刻即刻好想去旅行，無奈因為疫情關係停飛左一年半，唯有睇左就當左去旅行，一次過滿足4個願望。

店員先送上九格醬料和涼拌小食，涼拌小食有雲耳和青瓜，辣得好過隱。

湯底有成十二款選擇，我地選擇了特色卜卜蜆湯鍋，湯底加上了乾冰，仙氣十足，好吸睛，湯底大量卜卜蜆，卜卜蜆處理得很好，沒有沙，每粒都脹卜卜，非常新鮮，好鮮甜，個湯底由頭食到尾都好鮮甜，唔會愈食淡。

食火鍋必食手切頂級安格斯牛肉，頂級安格斯牛肉油花分佈均匀，油脂豐富，牛肉味道香濃，滾一滾就食得。

手打黃金流心鮮蝦丸4粒和手打珍珠帶子墨魚丸，兩款都各有特色，脹卜卜的蝦丸，蝦味濃郁，另外手打珍珠帶子墨魚丸，墨魚味濃郁，而且仲食到粒粒帶子和墨魚，兩款都非常多汁和彈牙。

竹笙-竹笙口感獨特爽脆，每次打邊爐都會必點

韭菜豬肉餃-肉餡豐富，充滿韭菜粒和豬肉，餡料鮮嫩多汁

黃金雙併-鹹蛋黃炒響鈴+鹹蛋黃炒魚皮，一上枱已聞到濃濃的鹹蛋黃味，響鈴即叫即炸，響鈴非常鬆化，加上滿滿的鹹蛋黃，真係食到停唔到口，另外魚皮都係即叫即炸，好脆，兩款都要襯熱食，非常邪惡。

環境不錯，食物好味

📍踏進隨意門就好像走進了土耳其的國度充滿了異國風情，望住七彩繽紛的熱氣球，嘴巴享受著熱辣辣的火鍋旅程。
📍特色卜卜蜆鍋很足料，蜆嘅份量好多，足足有兩大碗，大大隻又肥美，湯底非常鮮味。
📍蘋果木煙燻手切牛頸脊，色澤鮮嫩嘅牛頸脊賣相好靚，服務員即場把菜式注入蘋果木味的燻煙，揭開透明玻璃蓋時煙霧離漫，簡直係視覺新享受，極具創意，牛頸脊經過煙燻後散發出天然木香、油花潤澤，肉質軟腍，牛肉味好香濃。
📍餃子拼盤，五款不同口味的手工餃，皮薄餡多，鮮味十足，我特別喜歡黑松露蟹肉餃、蟹黃豚肉餃及鮮蝦雲吞。
📍黃金雙拼有鹹蛋黃炒響鈴及鹹蛋黃炒炸魚皮，上枱時已經聞到香噴噴嘅鹹蛋黃味，非常酥脆，響鈴和炸魚皮都是即炸的，極之惹味。
📍日本稻庭烏冬，軟滑得來又有咬口，油麥菜很爽甜。
📍食火鍋當然要飲番杯冰凍、清熱解渴的竹蔗茅根。

係旅行嘅幸福感啊！
～～～
自從冇得去旅行之後 就成日喺香港尋找旅行嘅氣息 咩叫做旅行嘅氣息？ Staycation係一種，買日本衫係一種，黎呢一間火鍋隨意門食飯都係其中一種。😊
～～～
呢間餐廳入面有四款唔同國家特色嘅風味湯底，裝修亦都好獨特，以唔同國家為主題，每一次黎都有種眼睛同舌頭一起去旅行嘅感覺。😚
～～～
揀好湯底之後我哋就揀嘢食，最後就揀咗煙蘋果木煙燻手切本地牛頸脊，特盛海鮮拼盤，手打蟹子鮮蝦丸，水魷，脆肉鯇魚兩碟。😝
～～～
之所以叫煙蘋果木煙燻手切本地牛頸脊，唔係因為佢個名好特別，作為多年嘅牛魔王，食食一定係食牛頸脊，呢個位置油花適量，肉質柔嫩，爽滑有口感，麻辣湯底輕輕一洽，已是人間極品。😍
～～～
特盛海鮮拼盤裡面有鮑魚，螺，蠔，蜆，帶子等，款款都非常新鮮，好鮮甜無腥味，又係高質之作。除咗海鮮拼盤裏面嘅海鮮之外， 水魷同脆肉鯇亦好唔錯，後者非常脆口，一向中意脆肉鯇嘅我地索性叫咗兩碟慢慢享用，非常爽皮。☺️
～～～
最後手打蟹子鮮蝦丸，亦一食就知真係手打，質感同平時喺超級市場買返嚟嗰啲一包包嘅丸，係完全兩回事，爽、彈、鮮並存，加上粒粒蟹子添加口感，好吃。😁
～～～
推薦度：🔥🔥🔥🔥🔥🔥🔥🔥
火鍋隨意門 (銅鑼灣)
銅鑼灣堅拿道西10號冠景樓1樓A室

銅鑼灣堅拿道西近日開了一間火鍋店，名為「火鍋隨意門」，這名字很有多啦A夢feel，餐廳環境很美有兩個vip套房，一是日本風，另一間是巴黎風，在房間抬頭可看到巴黎鐵塔裝飾，而大廳是土耳其風，座位寬敞。

到餐廳後才發現原來在菜單上寫上「International Passport」意味著用食材帶你味蕾運遊世界，地點包括中國、法國、日本及土耳其等國家，看你是否想在一餐內遊遍這幾個國家。

今次我與朋友先由湯底出發，選了中國的「鴨血麻辣湯鍋」，呷一口湯頭感先辛辣後麻痺，鴨血是來自南京，口感煙韌，質素不錯，整個鍋底很有四川風味。

火鍋食料點了「本地牛頸脊」是香港本地牛肉，單看肉身鮮紅，紋路分明，放在湯上灼幾十秒便可，肉質嫩滑，水準很高。

「手打丸拼盤十粒」有黑松露野菌鮮蝦丸，有香濃黑松露及蝦肉爽脆。珍珠帶子墨魚丸，彈牙內裡有一粒帶子，很香口。菠菜豬肉丸，菠菜與豬肉味均勻，味道不過不失。鯪魚球大大粒，有魚肉香。個人比較喜歡芝士牛肉丸，內有流心芝士，配上牛肉很好美。

「炸支竹」份量也不少，浸透了麻辣火鍋湯底，非常惹味。

「豬皮」配麻辣火鍋都很夾，當豬皮入味後，好食到停不到口。

好友生日想打邊爐，
上網搵左呢間火鍋隨意門，
係間打卡一流既火鍋店，
各項擺設、佈置極具心思，
就好似去左一次旅行咁!

今次揀左土耳其區，
每張枱上面都有好靚既馬賽克燈，
餐具、紙巾盒等等都好精緻好特別!

九格醬料、小食盤擺得好精緻，
推薦麻辣雲耳，爽脆開胃!

湯底揀選花膠雞湯鍋，
香濃鮮美夠哂滋補，好岩女士們~
花膠腍滑甜香好有咬口，
雞件大大件嫩滑又入味。

手切頂級安格斯牛肉(大)
打邊爐點少得牛!
豐富大理石花紋，
口感柔嫩緊實又多汁，
啖啖鮮嫩無比唔會韌。

三拼滑
第一次黎決定叫三拼滑，
可以試哂三款手打滑。
最鍾意手打蟹子蝦滑，
粒粒蟹子好有咬口，
手打蝦滑特別爽滑彈牙。

黃沙靚豬潤
鮮粉紅色澤勁新鮮，
口感粉膩，啖啖順滑綿軟。

手打芝心牛肉丸
牛肉丸濃香又彈牙，
加入軟滑半溶芝士，
成個配搭都好夾!

而家新登記做會員獲贈送鹹蛋黃炒響鈴，
可以即食或者打邊爐，香脆又惹味，正。

黃金雙拼
揀左鹹蛋黃炒響鈴拼鹹蛋黃炒炸魚皮，
超邪惡組合! 鹹蛋黃鋪滿表面，
響鈴即叫即炸熱辣辣勁鬆脆，
炒炸魚皮口感厚實，咬落極香酥，
鹹蛋黃香十足，兩者都令人欲罷不能!

正宗日本稻庭烏冬
滑溜彈牙，煙煙韌韌，
掛汁力佳，索滿雞湯勁JUICY!

足料竹蔗茅根
味道清甜好足料，
甜度剛剛好，
有助清熱解渴。

呢排天氣開始轉涼，似乎打邊爐嘅季節嚟啦！叫咗好多嘢食！最鐘意個卜卜蜆鍋，超級新鮮！

銅鑼灣新開火鍋店, 以土耳其做主題, 大家都有興趣試試, 仲可以齊齊打下卡影相!

門外跟一般火鍋店無異, 入到餐廳即時感覺好似置身土耳其一樣, 環境裝修格調, 以至食用餐具, 都滿有土耳其風味!

先送上九格盤醬油+小食,
醬油小食每位$25, 小食前菜無限任加,

揀左【花膠雞湯鍋】HK$298
花膠大大片又夠厚, 可算是花膠扒, 配半隻雞,
湯底味道濃郁, 有dd黏口, 花膠有口感兼有膠質帶黏, 滋補養顏,
未開始打邊爐, 我地已經飲清左個湯底
然後, 加清雞湯繼續打邊爐~
.
【本地牛頸脊 (細)】HK$268
牛頸脊鮮嫩, 牛脂分佈平均, 牛味跟肉味成正比, 正!
.
【牛柏葉】HK78
切得好幼細, 縮短烚熟時間, 稍為焯幾下就食得, 有咬口~
.
【脆鯇魚】HK$88
有魚香味, 魚皮位幾爽, 但相對魚質偏林, 食時要小心, 都幾多細骨

最後要讚下呢度既店員真係好有禮貌, 服務一流! 睇得出用心經營~

一道隨意門帶你離開香港，飛到土耳其🤣🤣🤣
火鍋隨意門都算係我食過咁多間火鍋店入面最有特色嘅一間。店舖裝修好靚，喺門口就有充滿土耳其特色嘅角落俾我哋打卡👍🏻👍🏻👍🏻

呢度唔係剩係得外表靚，食物一樣充滿質素。
首先有精緻嘅九宮格醬料，最右上角就蒜油真係超好味，勁香口。

湯底有超足料嘅麻辣鴨血

蘋果木煙燻手切牛頸脊
依款肉真係誠意推介，師傅會喺你面前直接用蘋果目煙燻，視覺效果一流。經過煙燻嘅牛頸脊有淡淡的蘋果木味道，同牛肉味相交，一流👍🏻👍🏻👍🏻

花雕雞件
蟹皇豚肉餃（誠意推介之一）
黑松露墨魚丸
鹿兒島日本黑豚肉
厚切即炸午餐肉
薏米水-波波薏米水好得意

火鍋隨意門唔單止照顧到舌頭上嘅享受，視覺上都令人非常之滿足，真係一間幾有誠意嘅餐廳。

【火鍋青蛙🐸：銅鑼灣土耳其主題火鍋店】
想去旅行呢句說話已經有年頭講到年尾😛
銅鑼灣既🚪火鍋隨意門 @ 除左有高質邊爐
土耳其風格都好有特色🎈
係度影下想休息下
絕對有偽旅行既感覺呀📷

🍲特色卜卜蜆湯鍋
超多鮮甜卜卜蜆做湯底
蜆煮到開口後可以食左先😋
然後再食火鍋配料

🍎蘋果木煙燻手切牛頸脊
店員現燒蘋果木🪵
即場為牛頸脊做煙燻
煙燻味濃厚香純
慢慢就會食到牛頸脊既香甜味同蘋果香味
肉質非常細嫩😍
肉味非常出色

🐮清酒鮮牛肉
店員係食客面前倒上清酒🥳
飲飽酒既醉牛又香又滑
酒香肉香都好濃

🐟白鱔片
起曬骨又厚肉
都幾吸引㗎

🦐手打蟹籽蝦滑
食到粒粒蝦肉
爽口彈牙有鮮味

🍖手打丸拼盤10粒
5款丸各兩粒，包括菠菜豬肉丸，鯪魚丸，蟹籽鮮蝦丸，牛肉芝心丸，黑松露墨魚丸

👻鬼馬油炸鬼
原隻鮮蝦及蝦滑釀左係油炸鬼上面
將蝦滑放係湯面煮熟
完成後油炸鬼仲脆㗎
蝦滑爽口好高質

🥗蔬菜拼盤
生菜，娃娃菜，蕃茄，淮山，木耳，粟米等
份量相當大

🍜正宗日本稻庭烏冬
烏冬口感佳
吸收曬湯底啲精華

🥛自家製薏米水
好足料既薏米水
少少甜甜地
養生又生津

餐廳服務相當好
定時會有人黎加水同睇下有咩需要
員工貼心又細心
環境都非常舒適
可以影下熱氣球，土耳其燈，民族風打卡牆，特色地毯等
都咪話唔開心🥰
.
.
.
.
.
#hkig #hkfood #火鍋 #打邊爐 #火鍋隨意門 #隨意門 #旅行 #偽旅行 #土耳其 #土耳其風 #打卡 #打卡餐廳 #美食 #銅鑼灣 #銅鑼灣美食 #蘋果木煙燻手切牛頸脊 #牛頸脊 #海鮮 #卜卜蜆 #油炸鬼 #手打丸 #高質餐廳 #高質火鍋 #白鱔 #烏東 #新餐廳 #特色餐廳 #高質 #熱氣球 #地毯 #中東

食混全世界高級食材火鍋

之前聽朋友講過銅鑼灣新開左間高質邊爐，於是慕名而來嚟到呢間樓上鋪，諗住食好啲，填補番冇得去旅行嘅空虛。

店員一嚟就幫我哋開爐淥餐具，而且非常友善，呢種服務態度令我一度以為自己去左日本。

其實落單揀湯底都諗咗好耐，因為佢每款都好有特色，唔係出面一般試到嘅，例如佢個芝士龍蝦湯底同麻油雞湯底都好吸引，但最終都係揀咗個土耳其香草羊肉湯底試試，因為好似比較少見。

因為唔想再諗，於是揀咗一個牛肉拼盤，一個海鮮拼盤，淨下來要做嘅事就只有食… 牛肉拼盤賣點係四國風情，集A4和牛、澳洲和牛、手切牛頸脊、同埋土耳其香草牛，每片牛肉都佈滿雪花，食落口啖啖都係享受…

都係因為唔想諗，陸上拼盤叫左，再嚟多個海鮮拼盤，集齊各種矜貴靚海鮮，筒蠔鮮蝦唔晒講啦，估唔到仲有鮑魚聖子呢啲平時比較少食嘅，而且大力推介大家要試試佢哋嘅扇貝，因為真係好大隻多汁鮮甜！

既然唔知幾時有得去旅行，係要食好啲氹下自己嘅。

話時話都勁耐冇打過邊爐，所以今次約埋個朋友去間好少少嘅餐廳十下十下啦！呢間《火鍋隨意門》係位於銅鑼灣街市附近嘅大廈入面，而呢度係用上四個不同國家做主題房的，有日本、巴黎、中國及土耳其！而我哋今次就坐喺大廳嘅土耳其房啦！暫時未有得去旅行住，喺呢個環境下食嘢都唔錯！🥰❤️

我哋點咗個花膠雞鍋底，個塊花膠扒大過我塊面的！打邊爐前先試啖個雞湯底先！嘩！塊花膠同個湯底都真係非常非常之鮮甜，雞味好濃，又夠養顏，呢個湯底係非常之啱女仔的！重點仲叫咗我最鍾意嘅海鮮拼盤，呢個拼盤有成八樣嘅海鮮，包括鮑魚、蠔、扇貝、翡翠螺、蝦、鱔片、花甲同蜆仔！樣樣都好新鮮，個人最鍾意係鮑魚，夠晒爽口同鮮甜！另一必食的，係鹹蛋黃魚皮，係等食嘅時候，佢絕對係一個最佳嘅小食，超級邪惡的！呢餐的確非常之豐富！而且店員服務非常之好！雖然新張期間晚市有88折，但價錢仍稍為貴咗少少！不過偶然一餐半餐對自己好少少都OK的！🥰😝❤️

火鍋隨意門係一間位於銅鑼灣，以土耳其為主題的火鍋店，係一間餐廳環境、座位、衛生、食物品質都有一定質數的火鍋店。
.
🥘特色卜卜蜆湯鍋（$198）
湯底包埋一堆蜆，份量不少，蜆新鮮無沙處理得宜，湯底小小辣鹹鹹地，做湯底又得，直接飲亦得，與餐廳咁多款湯底比較，是性價比相對較高的湯底✔️💰
.
🐂蘋果木煙燻手切牛頸脊（$298）
呢道菜非常特別亦都好啱打卡，侍應會喺你面前點着啲蘋果木，然後會經過管道釋出蘋果木嘅燻煙，陣陣嘅煙燻滿整個空間，牛肉盡是吸收煙的味道，牛頸脊肉本身嘅品質很好，加上微微的蘋果木香，十分特別，所以如果黎食呢一道菜就記得唔好叫麻辣湯底呢啲咁濃嘅湯啦。
.
💁🏻‍♀️澳洲帶子片（$98）
帶子一客都有8粒，98蚊都算叫做抵食，新鮮爽彈。
.
💁🏻‍♀️桂花蚌（$138）
桂花蚌擺盤整齊，可見每一塊大小相若，品質新鮮，色澤皎白，鮮甜Q彈。
.
💁🏻‍♀️新鮮蟶子皇（$198）
蟶子果然名副其實，與其他海鮮一樣夠哂新鮮，大隻厚肉，口感爽滑彈牙🙆🏿‍♂️😋
.
🦐手打蟹籽蝦滑（$108）
一客兩條，足夠二人食用，蝦滑加入蟹籽，豐盈層次感，又係彈牙呀 🧏🏻‍♀️今餐真係一餐彈牙大餐😂😋
.
💁🏻‍♀️鹹蛋黃炒響鈴（$78）
響鈴新鮮即炸，食個下仲辣口，響鈴炸得非想酥脆，浸唔浸湯食都相當美味，即使凍咗都仍然可以保持到一樣口感，加上香濃的鹹蛋黃味，好食到痴咗線😋😋十個推薦👍👍

又黎到港島區打邊爐啦，今次嘅位置係銅鑼灣鵝頸橋果邊嘅，叫做火鍋隨意門，唔知道同叮噹既隨意門有冇關係呢。 呢間餐廳好有格調，有啲土耳其燈做裝飾，一坐低店員都俾左醬料盤俾我地調製醬料。今次揀左卜卜蜆湯底，最估唔到啲蜆嘅份量多到不得了，店員比左個大碗我地去裝蜆殼，點知食完係擺滿哂成個碗，好誇張。 蘋果木煙燻牛頸脊社真係好有蘋果木嘅煙熏味，特別係煮熟左之後，果陣木味係非常之濃郁，而牛肉味亦都唔會俾佢搶走反而成件事提升咗。之後叫左個手打芝心牛肉丸，牛肉汁同芝士味夾到呢，勁好味。黃金雙拼係黃金炸響鈴同炸魚皮，呢種咸蛋黃組合係一絕，即叫即炸先至正，記得要趁熱食。仲嗌左三滑，包括墨魚滑，瑤柱乾貝滑，蟹子蝦滑，材料新鮮先整到呢個質素，煮完之後好彈牙。 最有特色係佢自家製嘅竹蔗茅根，佢係用個地球儀去裝住啲飲品，成件事好型，同埋飲得出係足料煲出黎，有料。

#我好掛住 😍

今日朋友帶我黎呢間充滿旅遊靈感嘅火鍋隨意門，不同嘅房間有不同國家主題，好特別。

睇到我花多眼亂，淨係鍋底都有十幾款🌟款款都想試，奈何我哋得兩個胃😂

招牌花膠雞湯鍋
～湯頭濃郁，滾起野已經充滿香味，明顯沒有過多嘅調味，飲完唔會口渴，用最原始嘅花膠、雞、金華火腿製作而成，每啖都覺得潤喉甘香👍招牌推介👍

季節限定:煙燻蘋果木牛頸脊
擺落去煮完都食到煙燻味嘅牛肉，肉質佈滿雪花，食落嫩滑而帶點爽口

🌟足料鮮蝦雲吞
～冇改錯名啊！真係好足料，一粒雲吞裏面有成四隻蝦，而且挑得好乾淨，蝦肉白雪雪好爽口👍

最近特盛海鮮拼盤做緊優惠推介，只係＄498😍
有扇貝、蟶子王、大海蝦、美國蠔、大海螺各4大隻+ 十幾粒貝類海產+2隻鮮鮑魚
款款都超新鮮大大隻，好厚身，鮮甜又啖啖肉，特盛嘅份量，令人有海鮮放題嘅感覺😆

已經係第二次去呢到打邊爐🥰 上次去完一直對佢嘅花膠湯底念念不忘，今次再encore🤩 不得不再讚嘅係餐廳環境真係好靚😍熱氣球牆壁同埋土耳其燈等充滿格調嘅裝飾，勁岩打卡！

招牌花膠雞湯鍋（半隻 $298）
花膠同雞件嘅份量都好多🥳花膠口感軟腍，雞件尚算嫰滑～ 重點係湯底超濃郁🤩 忍唔住飲左兩碗😋

手切頂級安格斯牛肉（大 $348）
打邊爐一定要食牛肉😎牛肉切到夠薄身，肉味香濃，一啲都唔會鞋口👍都幾高質！

蘋果木煙燻手切牛骨脊
煙熏味道好重！相比安格斯牛肉，呢款比較有嚼勁😙而且脂肪比例較少，食落都健康啲😈

手打墨汁芝心墨魚丸（$98）
墨魚丸爽口彈牙，一咬仲有熱溶芝士流出黎😋朋友都讚不絕口🤩小編大推💕

黑松露墨魚滑&手打蟹子蝦滑（$128）
蝦滑鮮味突出，口感彈牙😋唔錯唔錯！墨魚滑嘅黑松露味如果重啲會更好～兩者相比蝦滑較出色！

黃金雙拼（$98）
雙拼就可以試曬鹹蛋黃炒響鈴同炸魚皮🤩 兩樣都係即叫即炸，即食仲係熱辣辣🤤超級香脆可口😆如果鹹蛋黃味出啲會更正！

熱氣球下打邊爐~*

餐廳環境很適合打卡，餐具也很有名族風情，背景是土耳其的熱氣球！連餐廳的燈也是充滿住土耳其的特色，感覺好似真係去左旅行一下。

餐廳首先遞上火鍋醬料和3款餐前小食，分別有木耳，花生和豆腐。我和朋友一邊食一邊挑選配料。

我們點了特色卜卜蜆鍋，這個卜卜蜆和外面的有點不同。餐廳的卜卜蜆十分大隻，每一顆都有我半個手掌那麽大！！！蜆肉一粒粒打開，吸收了湯底的精華，非常鮮甜!餐廳在湯底加上蘿蔔，蘿蔔吸收湯底和海鮮的精華，真是一點也沒有浪費。

花雕鷄件：花雕雞件味道很入味，一咬已經能嘗到花雕酒和麻油等的味道！鷄件即使放了很久然依然保持嫩滑，加上濃濃的花雕酒味感覺很補身。

黃金雙拼：這個黃金雙拼其實是鹹蛋黃炸魚皮和鹹蛋黃響鈴，餐廳的響鈴和炸魚皮都是即炸的，鹹蛋黃炸魚皮沒有腥味，蛋黃鹹香微辣，口感酥脆！令人食唔停口。

菠菜豬肉丸：這個肉丸也是餐廳自製的，菠菜豬肉丸非常大粒，味道清淡可口沒有任何菠菜的澀味。

另外我們還點了韭菜餃，豆苗餃和蔬菜拼盤，餐廳的餃子也非常出色，皮薄餡令而且大大粒非常足料。而蔬菜拼盤美的像個花籃一下，很有心思。

店內裝修是土耳其風，非常打卡able。
一坐低先送上調味九宮格，內有涼拌青瓜及涼拌木耳，酸辣開胃。

竹蔗茅根$68
一上枱引起一場驚呼，只要扭一扭就可以扭出一杯杯竹蔗茅根，毫不費力，好適合女仔聚會！

特色卜卜蜆湯鍋$198
伴隨食用乾冰上，一上枱令人驚艷，內有非常多的蜆，隻隻肥美鮮甜，而且食極都食唔完，同朋友笑說當年耶穌是靠呢個鍋餵飽所有人。

本地牛頸脊 （細）$268
有一定厚度，肉味香濃，油脂適中

手打丸拼盤$148
出街打邊爐我好鍾意叫一份手打丸，
呢份有黑松露鮮蝦丸、黃金鮮蝦丸、鯪魚丸、菠菜豬肉丸及芝心牛肉丸。我最鐘意係芝心牛肉丸，芝士加牛肉，有一個食緊漢堡的感覺！

鹹蛋黃炒炸魚皮$78
新鮮炸起，件件都掛滿鹹蛋黃，浸湯幾秒更加鬆化！

火鍋隨意門

宮廷式的火鍋店

今日終於都約到一個十年都出唔到一次既朋友食飯，咁當然食好啲啦！天氣又咁凍，我地就去打邊爐啦。今次我地盲中中去左呢間「火鍋隨意門」，大有驚喜。

呢間餐廳以「宮廷式」既裝飾黎包裝，一入到餐廳已經感覺大有氣派！當然有咁既裝潢，你荷包都會有一定既傷害既，呢到就要留意一下。不過一份錢一份貨，久久食一次都值既！

秘製沙嗲湯鍋

呢間餐廳既沙嗲湯底既味道非常濃郁，完全有茶餐廳沙嗲牛肉麵既沙茶醬味道，再加埋好豐富既花生粒係個湯底到，烚菜同埋烚牛柏葉等等吸味既野食，完全展現到沙嗲湯底既精神，中意重口味既朋友必試！

四國風情牛肉拼盤

我地叫左呢拼盤係因為貪佢有齊其他種類既牛可以試，入面包括有日本A4和牛＋澳洲和牛＋手切牛頸脊＋土耳其香草牛肉。

邊一隻比較好食就因人而異，我覺得日本A4和牛好食，因為入口即溶；而遠方朋友則喜歡澳洲和牛，因為肉味較重而且有咬口！總之呢個拼盤每隻肉都有其獨特既味道！

牛柏葉

食落口好新鮮，好爽口呀，好吸沙嗲底湯底既味，不過建議唔好烚太耐，如果唔係就會好老同埋有dun

黃金響鈴

呢間餐廳既響鈴係我食過最好食既響鈴，係新鮮炸起要伴以咸蛋黃粒上碟，食落去完全無油益味，皮薄鬆脆，非常香口。建議大家一舊係就咁食，一舊係烚少少湯底，食落係兩個風味黎，響鈴吸到沙嗲汁湯底，非常濃郁好食，呢道菜真係必點

水魷

水魷睇落好新鮮，粉少嫩嫩咁，即切即食，即使烚得耐都唔會un，好有咬口，中意食水魷既可以試下

九宮格醬料
今次都要特別寫一寫，坊間比嘅醬料其實都好一式一樣，但係呢間食店好有心，除咗白芝麻呢啲比較少見嘅醬料之外，佢仲有一疊勁香嘅蔥油，呢個簡直係神來之筆，超級值得加分。

花膠雞湯底
一個字，正！食店好泵本，用銅煲來做火鍋器具，好high class!!花膠好大塊，食之前店員會問你影唔影相，之後會幫你剪細佢。雞都好新鮮，本身食店已經幫你煮到半熟，放入湯底煮5分鐘左右就食得，好方便，亦都好嫩滑。咁當然，係食其他食材之前就梗係要試返一啖佢個靚湯先啦。成個湯底好鮮甜，好明顯食店係落足料去煮呢個湯底，而且叫加湯嘅時候佢亦都真係加返呢啲咁濃辱嘅湯底，而唔係一啲比較稀甚至乎係清水，呢樣野真係要比個讚佢。

蛋黃魚皮拼蛋黃響鈴
呢個永遠係冇得輸，熱辣辣上枱當小食咁即食，一流。

蘋果木煙燻牛頸脊
今日嘅重頭戲黎啦！首先，啲牛一上枱你的件都係好新鮮，成碟鮮紅色。店員會用一個儀器，去點燃蘋果木，將啲煙燻入去牛入面。唔理好唔好食，淨係呢個效果都已經好正，蓬萊仙境一樣。咁靚嘅牛，建議煮到六七成熟就好啦，牛頸脊好甜好香，超級值得一試。

薏米水
味道就冇乜特別嘅，中規中矩。但係整個外型好討喜，好靚好開心。

瞬間到打住邊爐到土耳其

裝修 、燈飾、坐墊及牙簽筒都係好有民族色彩呀
連裝豉油嘅豉油樽都係用咗土耳其既熱沙咖啡瓶

用左地球儀裝住既竹蓆茅根水幾特別
我地兩個人去，叫左個特色卜卜蜆鍋
大量既蜆，一水滾就食得先食蜆
仲有大量芽菜
卜卜蜆都幾有肉嫁
仲叫左安格斯牛肉，肉味濃
朋友鐘意食白鱔，白鱔肉質爽彈，無泥味
非常新鮮 我唔好食魚既都食呀
另外，叫咗個手打丸拼盤
拼盤每款有兩粒
有菠菜豬肉丸鯪魚丸墨汁墨魚丸珍珠帶子墨魚丸芝心牛肉丸
手打丸果然唔同 口感更爽彈

秋風起，又係我呢個火鍋怪出動嘅季節🤩今次去咗間位於銅鑼灣嘅火鍋店，啱晒港島人！

一坐低店員就俾咗個九宮格嘅醬料加前菜我地，等我哋慢慢食慢慢睇Menu，前菜有麻辣木耳，胡麻醬玉子豆腐同花生

———————

🐽 秘制沙嗲湯鍋 $198
落單後我哋等咗都一段時間，一問店員原來廚房係即叫即煮個沙嗲湯底，湯底飲落絕對同坊間普通嘅沙嗲湯底唔同，有好多花生碎同好濃嘅沙嗲味，基本上用呢個湯底打邊爐豉油都慳返😝

🐽 手切澳洲M8和牛 $298
由於係和牛嘅關係，我煮到啱啱熟就食，和牛食落好林，油花好均勻，絕對可以媲美日本嘅高級和牛😝

🐽 鹹蛋黃炒炸魚皮 $78
呢款魚皮又係其中一樣必叫嘅，魚皮本身已經好香脆再炒埋蛋黃，令味道十分豐富，建議唔好淥咁耐，少少熟就好食🤩

🐽 和牛一口芝士餃 $68
水餃同坊間嘅好唔同大大粒絕對比足料，食落好重嘅牛脂味，仲有少少芝士一齊食非常之夾

🐽 娃娃菜 $42
娃娃菜十分新鮮，廚師好細心咁將娃娃菜一開四令到食嘅時候方便啲，岩曬嘴細細既朋友