火鍋隨意門
營業時間
| 星期二 | 12:00–00:00 |
| 星期三 | 12:00–00:00 |
| 星期四 | 12:00–00:00 |
| 星期五 | 12:00–01:00 |
| 星期六 | 12:00–01:00 |
| 星期日 | 12:00–00:00 |
| 星期一 | 12:00–00:00 |
服務選項
內用
不支持外送
無障礙程度
不支持無障礙停車場
產品/服務
咖啡
酒精飲料
啤酒
葡萄酒
餐點優惠時段
用餐選擇
午餐
晚餐
餐飲服務
座位
設施
洗手間
適合兒童
氣氛
環境舒適
客層族群
適合團體
規劃
接受訂位
出品特式好味, 地方舒適！
還有數天，就和2021說再見。
好好的感謝 2021，
慢慢的擁抱 2022，
繼續好好生活，活得自在。
不要為模糊不清的未來擔憂，
只要實實在在努力過生活就好。
• 冬瓜瑤柱濃湯煱
• 手切和牛拼盤
• 蟶子皇、桶蠔
• 手打丸拼盤
🍊 隨意門是自小很想擁有的小法寶，想去那就去那。被這火煱有趣店名吸引了，這裡打造了旅行主題。選擇了土耳其風，感覺置身在伊斯坦堡唐人街吃火煱，滿足。
火鍋隨意門
銅鑼灣堅拿道西10號冠景樓1樓A室
🍊 come-on in Instagram @martianontheroad 🍊
#聖誕模式仍然啟動中
同朋友慶祝生日
佢話想去旅行喎
雖然而家去唔到
唯有心態上去左就算啦
所以同佢呢左火鍋隨意門
當係一個美好祈願
希望好快都可以出現返隨意門
可以四處去啦～
呢度叫隨意門
但又唔係食多國菜嘅
食火鍋！
裝修得幾有特色
仲以為食異國菜嘅添
朋友見呢度有澳門常見嘅卜卜蜆鍋
又想回味下
所以我地揀左卜卜蜆鍋
一出場起晒白煙
舞台感呢！
卜卜蜆好多
食完都飽左三成😂
手切頂級安格斯牛肉
肉嫩鮮紅
一淖就熟
餃子拼盤
完全滿足晒我地乜都想試嘅心
蟹皇豚肉餃好香蟹肉鮮甜味
黑松露野菌餃都好味！
響鈴雙拼
鹹蛋黃炸魚皮可以即食
又香又脆
即炸響鈴略燙就食得
豬皮
又一吸湯好物！
雜菇拼盤
除左菇菌仲有蔬菜
食物質素唔錯
都好新鮮大份
最喜歡佢地好多拼搭食物
啱晒我地呢啲乜都想試嘅人！
食到我地飽到上心口
係咪我地太貪心呢😂😂😂
餐廳位置近時代廣場，過左鵝頸橋就到左。中午約左同事食下海鮮食下靚牛，慢慢坐慢慢食傾下計。
土耳其🇹🇷裝修好靚，七彩繽紛。坐位超闊落，張枱又大大張，坐得舒適，坐底有前菜麻辣小碟青瓜木耳。
海鮮最鐘意食蜆，當然叫左招牌沙白蜆🐚配黑蒜美顏$198；濃湯好惹味，仲愈食愈濃，就咁飲兩大碗都唔會覺口渴。卜卜蜆真係食極都仲有，配爽口銀芽好健康。
特別炮製手打丸大大粒$148，平時好少食到，就叫左拼盤試晒。
🥟蟹皇豚肉餃$68實肉有蟹味，皮簿餡靚。
真.鹹蛋黄金響鈴同炸魚皮$98好香口，鹹蛋黄唔會油，可以浸湯或就咁食
同事最鐘意清酒牛肉$148，牛肉又淋又靚，浸住清酒🍶升級左。
火鍋隨意門🚪
每隔一排就會想打邊爐🤤今日系同老公嘅紀念日，突登揀咗間有特色啲嘅餐廳，位置尚算方便，喺Time Square鵝頸橋附近。香港不乏打邊爐嘅餐廳，不過好似好多間都差吾多？要突圍而出都吾系一件咁容易嘅事，呢間餐廳就夠曬有特色呀。
🖤 黑蒜卜卜蜆鍋 濃湯鍋 $198
之前喺第2間火鍋店試過卜卜蜆鍋，印象已經好深刻，今日決定再試。裡面啲黑蒜都幾多，飲啲湯就有好重嘅蒜味。卜卜蜆之所以叫卜卜蜆我諗系因為蜆肉真系好多，撞埋撞埋戈陣就會有卜卜聲🤣裡面有幾十隻蜆，隻隻都好新鮮！
🐚桂花蚌/珊瑚蚌雙拼 $148
向來喺火鍋店對我同老公黎講都系必叫，整熟之後口感非常爽口，尤其浸完卜卜蜆湯嘅鍋蚌肉會更入味，黑蒜湯味同蚌類都好match。
🐮 手打芝心牛肉丸 $68
芝士牛肉丸又幾特別，就咁睇啲丸類嘅顏色都覺得好紅❤️即系牛肉味好香濃，實際嘅味道同樣貌相符，牛肉都爽口彈牙。裡面都有好多芝士，一路食一路流出黎🤤🧀
💛 黃金雙拼 $98
黃金雙拼即系鹹蛋黃炒響鈴加炸魚皮，呢兩樣配料系次次打邊爐都會叫，今次都吾例😁響鈴同魚皮都好脆，響鈴直頭系sok sok聲😆成舊都系鹹蛋黃，勁邪惡💛炸魚皮都系。響鈴平時要浸湯，今次吾浸湯都夠曬好食啦。
🐟 魚滑三拼 $148
叫咗魚滑三拼，有黑松露墨魚滑、瑤柱乾貝滑同埋手打蟹子蝦滑。黑松露嘅味道好明顯，食得好滋味😋瑤柱乾貝滑都有少少瑤柱嘅。蟹子蝦滑相對常見，蟹子都幾多😊蝦滑好爽口，3種魚滑嘅味道截然不同，勝在同樣好食。
🐚 新鮮蟶子皇 $198
叫得蟶子皇就真系要試吓🐚蟶子比想像中大隻好多！應該有一隻半嘅手掌咁長呀😆整熟咗之後依然好大隻，好有咬口同埋新鮮。蟶子真系吾系度度有，呢度有都好難得。
🐮 陳年花雕牛肉 $148
老公話叫一份花雕牛肉，開頭都驚叫得花雕嘅話會吾會有太重酒味？點知又吾會呀。牛肉事先被切成一片片小片，所以就咁睇落少但其實ok。花雕牛肉冇乜脂肪，牛肉味比一般嘅牛肉香濃。
喺炎炎嘅夏天打邊爐，湯底選擇就真係好重要，今日就要了一個「消暑冬瓜要煮濃湯鍋」，咁樣就唔驚熱氣出暗瘡啦！
整個冬瓜環中間是素魚翅、超多乾瑤柱和鮮蝦浸泡在金黃的湯底中，未開始打邊爐前，各自盛了一碗湯喝。
除咗湯底外，還叫了「手打丸拼盤」、「黃金雙拼」(鹹蛋黃炒響鈴+鹹蛋黃炸魚皮）、順德魚腐、新鮮鵝腸、黃沙靚豬潤。配料中最喜歡的就是黃金雙拼，超級邪惡的鹹蛋黃炸響鈴和魚皮，鬆脆得大力啲都會夾散掉，凡是鹹蛋黃做的菜式都令人忍不住口。
黃沙靚豬潤亦是新鮮冇異味，川湯完亦都非常爽口，但內臟的東西真是不宜多吃。
火鍋隨意門每個位都係帶咗你去另一個地方咁，有中國風格有西方味道。
呢期火鍋湯底揀嘅都係啲滋補溫和啲嘅口味，今次係揀咗花膠雞湯鍋，個湯底嚟到要飲一定要飲呀，個口會俾個花膠雞湯黐住個嘴仔。
重點嚟啦，呢個黑松露午餐肉真係OMG OMG好正，佢煎到好香口仲有好濃嘅黑松露味道，午餐肉世一呀救命
我哋仲叫咗個手切頂級安格斯牛肉，油花好均衡好靚，入口牛味好濃。
其他仲有手打丸拼盤同瑤柱乾貝滑，佢哋嘅滑類丸類都好真材實料同新鮮。
基本上鮮食配花膠湯都係好正，提鮮得嚟到帶到花膠雞味入食材。
好多朋友都推薦我食呢間火鍋隨意門，話好正，就試下佢咩料！ 價錢唔平，但一上湯底就知真係足料😇 消暑冬瓜瑤柱濃湯鍋 $188，上黎已經出哂煙，充滿仙氣。火鍋夠哂足料，有冬瓜、肉粒、粉絲、蝦球等等。個湯底都好好飲，夠哂濃，打邊爐之前飲咗兩碗，正。 醬料配搭都夠，夠哂我揀。飲品叫左竹蔗茅根，配上呢個波波型嘅造型，打卡一流🥰 牛肉揀左牛胸尖$98 比較重油脂味既部分，爽口鮮味。 花雕醉雞$88 十分有酒味，肉質又嫩，鍾意食雞肉嘅唔好走寶。 百花釀豆卜$68 用左蝦滑包上豆卜，豆卜吸晒湯底嘅鮮甜，加蝦滑嘅彈牙，呢個都相當唔錯。 豬頸肉 $58 仲排到花花咁靚，每件肉切得唔會太厚，又唔會太薄，淥熟咗之後爽口又有豬味，唔會好韌，呢個性價比好高 新鮮菜苗帶子餃 $68 4粒 皮薄餡靚，菜苗好新鮮，咬落去有帶子嘅香甜 難怪朋友係咁讚呢間餐廳，每一款菜式都好有水準，服務員嘅服務都好好，主動加湯收碟清潔。環境同埋設計都相當唔錯，坐得好闊落，大讚！
天氣一涼少少就想去打邊爐!!!
朋友話親後生就要保養, 想滋陰養顏就要多食花膠; 花膠含豐富蛋白質及膠質, 係補而不燥既美餚!!
哇哇哇!!! 好大方, 一d都唔孤寒, 成盤都係花膠; 而且呢度只係半份既份量咋!!! 仲要唔係薄片片既花膠, 都算有d厚度, 放入口都有口感可以咬哩~ 而且個湯底very good, 用上大量三黃雞熬煮, 味道出晒黎!
打邊爐配混醬是常識吧!
要改口了…. 因為湯底太正, 唔需要混醬都可以! 如果真係要混醬, 個人推介右下角果款, 係餐廳自家製乾蔥油!
因為得兩個人既關係, 怕食唔晒浪費; 加上湯底有盤滿缽滿既花膠同雞, 所以我地無點太多食物… 首先點左海大蝦! 我覺得要改名, 應該叫海大蝦! 真係好大隻呢~ 同埋插響個盤度好有萬馬奔騰既感覺!
海大蝦既size差不多成個鍋咁大, 而且非常新鮮, 正正正!
講真雲吞/餃子係有少少over-priced; 不過真係足料又好味!
蔬菜拼盤都幾抵食, 種類多之餘份量都算多同吸引!
多人打邊爐可以點多d食多d, 一大班人先開心!! 呢度係C類餐廳, 可以6人一檯; 而且呢度有幾個主題佈置, 更可以book房大班人唔洗怕嘈到其他客人, 哈!
房間主題有幾款, 包括浪漫style有巴黎鐵塔; 另外仲有令你恍如置身櫻花樹下既日本….食到一半影相再繼續食!
今日黎到銅鑼灣想食火鍋，見呢間餐廳名幾特別，食物又幾吸引，就即刻試下啦。.
蘋果木煙熏手切牛頸脊細
食火鍋當然係牛肉最重要，呢碟牛肉真係好吸引，而且係蘋果木煙燻夠曬特別，手切牛頸脊肥瘦雪花完美，味道同口感都係一流水準
.
瑤柱乾貝滑
平時食火鍋多數都係會食到蝦滑、牛肉滑等等，呢個瑤柱乾貝滑真係第一次食，估唔到瑤柱乾貝嘅味道都好出，一定要試下
.
花膠雞湯鍋
呢一個湯非常之養身，補充骨膠原之餘亦都好美味，花膠都好足料，每一件都夠曬厚切，咬落去更加有口感，雞湯味道都好濃郁
.
油麥菜
食咁多肉當然都要叫翻碟菜，油麥菜打邊爐都好適合，非常新鮮爽口
另外都想攢下呢度嘅醬料選擇都好豐富多選擇
起銅鑼灣有一間高質火鍋🍲，好中意佢地既裝潢，食物都一流！
以上嘅消費大約六百幾蚊左右，2人分量
要比茶價 加醬料價$25
醬料盤有9樣野，有木耳、青瓜、蒜蓉、莞茜、芝麻、麻油等等。都幾多！
特色卜卜蜆鍋
好大粒又好多粒蜆！起碼十幾廿粒，絕對冇減料. 入面有莞茜、芽菜等配料，鮮味足
鹹蛋黃炒響鈴
呢個極推介！！！勁好食！真心！鹹蛋黃鋪起響鈴上面，用水滾一滾，仲有小小脆脆地既時候就食，好正😀😀
清酒煮牛肉
酒味岩岩好，煮完之後仲有酒味，好難得。仲要拎上黎果陣有啲煙飄上黎，勁正！睇得又食得
蔬菜拼盤
大大份，有唯山、娃娃菜、生菜、蕃茄、粟米等等，多到食唔晒，都係$70幾蚊 好過單叫菜
蟹籽蝦丸
手打。彈牙，不過啲蟹籽擺入湯到果陣就會消失🤣
手打烏冬
唔記得影相 但好滑好好食😝
總體來講，我覺得呢個價錢係絕對冇比錯，雖然佢唔係好平，但係銅鑼灣地段其實呢個價錢都差唔多，而且海鮮新鮮，其他食物質素有保證，選擇多款，唔係度度都有！所以都幾推介
完全無諗過，去打個邊爐都可以打埋卡！位於cwb火鍋店雲集地的這間火鍋隨意門充滿土耳其風佈置，非常特別！
除佈置用心外，他們的食材也非常高質，服務也好好，絕對值得一去😋
先說湯底，當日點了個黑蒜卜卜蜆濃湯鍋，想不到整個湯底都是蜆，粒粒都鮮甜肥美，2個人吃，好似食極都仲有😂
而湯底配料亦非常豐富，怪不得如此濃香！湯底有好多芽菜同非常多的黑蒜，可以食下來抗氧化～
單單是個湯底，已經好多食物，好滿足！
食物方面，個人最鍾意花雕雞件，性價比非常高！
花雕雞件的雞肉相當多，而且煮熟後非常鮮嫩香甜！😍真的好少機會食到咁甜嘅雞，還有味料相當入味！是必點的食物之一～
另一款同樣特別的是新鮮蟶子皇，難得地非常大隻 ，味道好鮮甜😍絕對值回票價。
鹿兒島日本黑豚肉非常薄香，肉質軟嫩得來肥瘦均勻。
另外他們的丸和餃子都非常有誠意，是手打的，黑松露墨魚丸咬落去好香，好彈口😋吃得到是有心思之作
黑松露蟹肉餃的皮亦好薄，咬落去香黑松露味，絕值得一食。
如果你喜歡吃些比較高質食材，這裡打邊爐絕對是不錯的選擇～
#一秒去咗土耳其🇹🇷
一嚟到門口就已經見到個充滿土耳其特色嘅打卡位，好靚🤩忍唔住都影咗幾張相先🤪量完體溫登記完資料，就被安排近窗邊位置，好舒適寬敞嘅卡位👍🏻
目測張menu，有多達14款湯底以供選擇，樣樣都想食想試，都好吸引眼球，最後係揀咗卜卜蜆湯底，有蒜香、黑蒜、惹味黑胡椒揀；我哋就揀咗黑蒜卜卜蜆，因為好似好少地方有🤗
🌟黑蒜卜卜蜆濃湯鍋 $198🌟
蜆肉非常新鮮鮮甜，裡面仲有海量既爽口芽菜、翠綠芹菜、大大粒黑蒜，可以話係淨係湯底既配料都可以食到飽😂蜆殼多到個碗都裝唔曬，CP值好高🙌🏻個湯底黑蒜味香濃到好似平時食黑蒜出前一丁既味道，最後都忍唔住order咗個出前一丁止止口癮🤣
🌟秘製清酒牛肉 $148🌟
雖然係寫住清酒牛肉，但反而係食唔出有清酒味，牛肉肉質非常新鮮，薄切關係好快就可以食得了👏🏻
🌟白鱔片 $128🌟
白鱔片色澤雪白，完全無骨狀態，一見到呈現彎曲形狀，就代表食得，好香濃鮮魚味，一啲都唔腥🤩鐘意食魚嘅要點嚟試吓😍
🌟餃子拼盤十粒 $148🌟
想講呢個餃子看似無咩特別🥟原來裡面係充滿驚喜，好食到encore多份黑松露蟹肉餃😍😍原來佢哋既餃子同丸類都係師傅每日新鮮自家製造的，完全無向出面供應商入貨，難怪咁好食，每一款都各有千秋🙌🏻
✨足料鮮蝦雲吞 ✨
✨新鮮菜苗帶子餃 ✨
✨韭菜豬肉餃✨
✨黑松露蟹肉餃 – 好食✨
✨蟹皇豚肉餃 – 好食✨
個人認為最好食既係黑松露蟹肉餃同蟹皇豚肉餃💯而且食得出用料係上乘既材料🤗
秋天到天氣涼涼地，就約屋企人去打邊爐，之前聽朋友介紹這間位於銅鑼灣火鍋隨意門，於是打電話去訂座，入到店內牆身及燈飾都好有異國風味，好靚好特別😍
消暑冬瓜瑤柱脯湯
店員上枱時賣相已經好吸引，用了大半個冬瓜材料分量十足，有素翅，蝦肉，萵筍，雞肉和蟹柳等👍湯底好濃好鮮甜，冬瓜越煲越淋，吸晒湯嘅精華好入味，每人飲咗兩大碗！
特盛海鮮拼盤
這個拼盤非常豐富抵食，有扇貝，蟶子，生蠔，蜆，海蝦和魚。魚的肉質好大塊好厚肉，蝦肉鮮甜爽口，其餘海鮮都好新鮮😋
順德魚腐
腐皮好香口，魚肉彈牙爽口，吸入湯底，超好食😋
新鮮菜苗帶子餃
菜苗嫩嫩綠綠好清甜，帶子肉爽口咬落多汁！
伊麵
伊麵好幼細，煙煙韌韌口感不錯👍
竹蔗茅根
用一個精緻嘅壼裝住飲品斟出來非常方便，入口微甜，清清地幾好飲😋
火鍋隨意門👻
有冷氣真係偉大發明
一年四季都可以打邊爐
黎到銅鑼灣依間隨意門
多野食到真係可以隨意揀
實啱你食🥰🥰
.
🔅 招牌花膠雞湯鍋 HKD 398
招牌就當然要試吓啦
佢啲花膠超級大塊
店員會幫我哋將花膠剪開
一件件放入個鍋入邊
提我哋食完花膠之後先再落雞
啲花膠好多骨膠原好漿口🤩
🔅手切本地牛頸脊HKD 298
大大盤嘅牛頸脊
啲雪花紋好靚又擺得好好
放入鍋唔使10秒就轉晒色食得
好濃嘅牛肉味好正啊🤤
🔅依比利亞橡果豬 HKD 168
橡果豬肉片一樣都擺得好靚
薄薄地咁易熟又唔會韌
咁嘅價錢有咁多塊好抵食
🔅豬頸肉 HKD 58
連豬頸肉都擺咗花形
真係好有心機
食都食得開心啲
豬頸肉都幾爽口唔錯唔錯
🔅魚滑三併 HKD 148
黑松露墨魚滑
瑤柱干貝滑
手打蟹子蝦滑
三併可以試晒三隻味又抵食
啲滑好彈牙又夠足料
特別鍾意個黑松露
好香好重味😉
🔅黃金雙併響鈴魚皮 HKD 98
其他地方食唔到嘅響鈴魚皮
佢哋加咗鹹蛋黃落去炸
新鮮炸好
拎嚟打邊爐真係一流
🔅蟹皇豚肉餃 HKD 78
🔅雜菜拼盤 HKD 78
🔅竹蓆茅根 HKD 68
.
整體黎講:
高質火鍋 靚料好味😚
.
🎈 火鍋隨意門 (銅鑼灣)
銅鑼灣堅拿道西10號冠景樓1樓A室
–
🎶隨意門即使淮我打開 兩秒後我就回來🎵
我都唔知呢排點解成日走咗去銅鑼灣食飯😂
今次朋友搵一間好多人介紹過既土耳其裝飾嘅火鍋店
初頭聽落會覺得有啲突兀 但係入到去又真係幾靚喎 好有feel
成間舖好多打卡位 有幅貼咗熱氣球牆紙既牆
加埋土耳其嘅彩色馬賽克燈 好靚🤩
喺十幾款湯底入面我哋最終都係揀咗 –
❇️招牌花膠雞湯鍋 $298
特濃雞湯湯底用咗大量三黃雞熬製 真係超級 超級 超級濃郁
(👆🏻👆🏻重要嘅事要講三次‼️)
再加上3-4塊大大塊嘅花膠 同半隻雞 滿滿既骨膠原
我同朋友各自 至少都飲左三碗湯😂😂
花膠每一啖咬落去都好有膠質 好黏口👅
❇️手切A4和牛 $328
呢三百幾蚊嘅和牛只有8片 平均要$40一片 好珍貴
眾所周知A4和牛 都係食果啖牛脂味
放入火鍋入面啅一啅3秒攞起 放入口咬兩下就已經冇咗😰
好香牛脂味 不過原來我發現我都係鍾意有肉質有咬口既牛多啲
❇️黑松露蟹肉餃 $68
淡淡嘅黑松露味 蟹肉彈牙實肉
好似有少少混合左蝦膠嘅嗰種感覺
❇️肉丸拼盤 $148
5款手打丸 每款兩粒 各有特色
最有記憶點嘅係芝士牛肉丸 芝士味超濃郁 牛丸好彈牙
❇️百花釀豆卜 $68
豆卜入面應該系蝦膠漿 呢款唔算好特別 但都係好食嘅
❇️黃金雙拼 $98
鹹蛋黃魚皮就食得多 雙拼有埋響鈴喎
都係第一次食 雖然有少少油膩感 但係味道幾特別
鬆化嘅響鈴加上重口味嘅咸蛋黃估唔到味道上又幾夾
至於魚皮 冇得輸啦 超脆口 真係好似想食薯片咁一口接一口
❇️竹蔗茅根 $68
用地球儀來裝竹蔗茅根 飲到最後仍然都夠凍
清熱解渴 兩個人要一個我覺得啱啱好
好鍾意佢咁樣嘅設計 好特別 記憶點高✨
消暑靚靚火鍋
今日媽媽生日
佢就最鍾意打邊爐
不過夏天生日嘅人打邊爐就比較尷尬因為通常都好熱
今日嚟到銅鑼灣嘅火鍋隨意門
係因為上網見到個比較消暑嘅湯底
依個湯名為消暑冬瓜瑤柱浦湯
個鍋賣相非常靚😍🥰😍
冬瓜切得好有心機👍🏻
飲落味道清甜得來亦都有瑤柱嘅鮮味
淨係個湯已經好吸引😍😍😍
家母同一般人有啲分別佢唔係咁鍾意食肉😂
不過佢就鍾意食啲傳統食物
例如鴨血同埋黃沙靚豬潤
鴨血質感都唔錯而且大大嚿
豬潤爽脆得來又唔苦
亦無腥味
新鮮～
另外就再叫多個拉麵
拉麵麵質都唔錯
淥一淥
索晒個湯嘅精華
清甜好味
最後叫咗個薏米水薏米水又養顏又消暑又唔甜又解渴非常好
@hotspot.cwb
#火鍋隨意門 #銅鑼灣 #四國火鍋 #hotpot #隨意門#hotpothk #打邊爐
大家有無去過土耳奇坐熱氣球呀？
我就無去過喇
估唔到今晚黎呢間餐廳
竟然用上土耳其景點卡帕多奇亞做背景
布置都好有特色
再加上店入面嘅侍應都著上機師制服
搞到我又好想去旅行呀～
呢度叫火窩隨意門
無得去旅行大家唯有眼睛去住旅行先啦～
呢度係打邊爐嘅
唔係土耳其特色菜😂
雖然菜式唔夾
但無礙
最緊要好味！
我地試左個黑蒜油卜卜蜆窩
香港比較少地方食卜卜蜆
難得今日見到就試試
個窩一上枱勁吸睛！
飄住一陣輕煙
輕輕撥開就會見到好多隻大蜆喺窩
火窩爐火力夠
好快就將大蜆煮開
好滑好鮮甜！
食晒大蜆後就開始打邊爐
手切頂安格斯牛肉
我地只係揀左細份
但份量絕對唔少
而家油花均勻
即刻略熟都唔會鞋口
正！
花雕雞件
雞件又係大份量
幾香花雕酒味
雞件唔算多骨
煮完都幾滑
芝士獅子狗
呢樣又係誠意作
唔係普通雪到硬嘅獅子狗
落窩後會變成流心芝士饀
小心哦～
手打丸拼盤
完全滿足晒我地乜都想試嘅心
五款招牌有齊晒
個芝心牛肉丸勁juicy！
黑松露野菌鮮蝦丸彈牙又夠香
呢度除左食物好味之外
自家製飲品都唔好錯過
用上地球儀盛載嘅竹蔗茅根水
份量一樣好多
裝到滿滿五大杯
夠晒兩個人飲！
下次想味遊世界
我都會諗起呢道火鍋隨意門！
話說呢間餐廳改名叫火鍋隨意門真係無錯，餐廳唔同角落既佈置有唔同國家既風味，我地今次就坐左係土耳其既角落，無論牆身的熱氣球畫面，馬賽克燈飾，民族花紋cushion，至到餐枱上既擺設，都全部有晒當地風味，令人心情好好。
湯底我地選左滋補既花膠雞湯鍋，半隻份量，但上菜都令到我地好驚訝，花膠非常大一片，雞亦肥美，店員會幫我地開鍋剪花膠，等到滾起我地可以先品嚐雞湯，非常香甜，花膠亦都滿滿骨膠元既感覺。
雞件我地就慢慢續D續D咁落，就算淥耐左D雞都依舊係好嫩滑。醬介方面我最鍾意餐廳自家秘製既蔥油，超香! 另外仲有小前菜香辣木耳同埋拍青瓜都有風味。豉油既器血都好係土耳其風，好特別。
清酒鮮牛肉，上菜時店員會係你面前倒清酒同埋話我地聽等D酒浸3-4分鐘先放入鍋淥，鮮牛肉係切成細片，份量足夠，食落有微微既米甜香，口感相當唔錯。
黑松露墨魚丸，黑松露夠香亦有墨魚香味，成粒丸係足料既厚實又夠彈牙。一咬黑松露既香氣就會係口中爆發。
黃金雙拼，推薦同樣鍾意食脆口野既朋友。上菜係超香，響鈴同魚皮係塗滿左鹹蛋黃醬，呢道菜係ready 你就咁脆食，但我地都鍾意係滾起既雞湯拖幾秒，有種外軟內脆既感覺就最正。鹹蛋黃既加乘之外，魚皮本身都有魚香味。
足料竹蔗茅根，用地球儀既器皿載住十分有玩味，開關位既口細等佢慢慢流，唔會衝衝飲晒，大概都有5杯滿既份量嫁!
老闆非常友善，餐廳亦唔會限時趕人走，適合傾下計又可以打下卡。位置方便，係鵝頸橋附近，但1樓既餐廳同樓下街市既吵鬧成對比，係個可以邊舒服傾邊慢慢淥既好地方。
火鍋棒極了！我們點了麻辣骨髓火鍋，真的很辣很好吃！強烈推薦他們的油炸“魚皮”和油炸豆腐皮！！！它們是鹹蛋味的，非常脆！！我和我的朋友不能停止吃！服務員也非常友好和樂於助人！
呢間火鍋店嘅裝修充滿土耳其風情，用嘅餐具都係色彩繽紛，完全唔覺係間打邊爐嘅餐廳。
呢間有好多款湯底揀，好多款都想試。最後嗜辣嘅我地就揀左麻辣卜卜蜆濃湯鍋。
蜆嘅量都好多吓，我地四個人每人起碼食到十幾隻，雖然蜆肉唔太大粒，但粒粒都肥同鮮甜🥰加埋麻辣香，唔洗點醬油食都已經好惹味。
黃金雙拼 $98
係鹹蛋黃醬加上炸魚皮同響鈴，魚皮就咁食好香口好正。響鈴落湯淥一淥，吸少少湯汁食會好味啲。
秘製清酒牛肉 $148
呢款牛肉火鍋料比較少見，用清酒醃完後牛肉好冧帶有酒香，就算淥熟後都仲食到牛肉中嘅酒味👍
手切頂級安格斯牛肉 （細）$248
每片牛肉都肥瘦均等，食落帶有牛味。可惜係份量偏少。
新鮮聖子王 $198
一份有四隻大聖子，肉質好彈牙鮮甜，好好食👍如果一份多幾隻就正啦～
蟹黃豚肉餃 $78
餃子皮幾薄幾嫩滑，食落有蟹鮮味，唔錯!
肉丸拼盤 $148
一份有10粒，有菠菜豬肉丸，鯪魚丸，蟹籽鮮蝦丸，芝心牛肉丸同黑松露墨魚丸。全部都係手打丸所以好彈牙，當中最鍾意芝心牛肉丸，一咬落去中間啲芝士爆出黎，好正😚
足料竹蔗茅根 $68
連竹蔗茅根都可以打卡😆 味道清甜又解辣，打邊爐必飲。
總括黎講，呢間火鍋店環境同食物質素都唔錯，但份量偏少，要有飽肚感應該要叫啲澱粉質黎填肚。
【土耳其主題既火鍋🤩】呢兩日無端端氣溫下降 凍凍地最岩就係打個邊爐🤣 今次揀左係銅鑼灣既火鍋隨意門～一入到去見到充滿土耳其風既裝修 覺得好靚☺️覺得佢似cafe多過火鍋店😂😂
佢有幾多湯底揀 今次揀左個平時少d食到既▫️黑蒜卜卜蜆濃湯鍋 – 佢個鍋材料都好足 好多蜆同芽菜 蜆都好新鮮令到個湯底好清甜 個黑蒜味都好出☺️👍🏻
▫秘制️清酒牛肉🍶 – 手切肥牛就食得多 落埋清酒去醃一醃又真係第一次聽～輕輕焯一焯佢 會仲食到淡淡地清酒味 幾有特色😆
▫️桂花蚌 珊瑚蚌雙拼 – 好鮮甜 個湯底既鮮甜令到d蚌既鮮味更加突出☺️
▫️蟹皇豚肉餃🥟 – 個人好鐘意呢款餃 因為平時既餃好容易會焯到皮餡散晒 但呢隻完全唔會！個蟹皇味都好出 唔係得個名個種🦀
▫️黃沙靚豬潤 – 平時好怕係出面叫豬潤 驚個血水腥味重😣點知朋友見有👍🏻就話叫泥試下 點知有驚喜喎‼️無血腥味仲真係有沙感 仲大大塊👍🏻👍🏻
▫️蔬菜拼盤 🥬🍅 – 成個果籃甘大盤🤣🤣
打得邊爐點可以無野飲 見到枱枱都有個地球儀🌍 原來係竹蓆茅根😮好清甜 而且估唔到都斟左5-6杯 都幾多😂
佢環境好靚 真係充滿土耳其🇹🇷既感覺 食物質素都高
#meloin @hotspot.cwb
火鍋隨意門真的有如隨意門一樣，帶你進入土耳其🇹🇷✌🏽
店舖環境非常特別，門口設有打卡位💕💕不妨影相留念
調味料以一個正方盒呈上，內裏分為九格😛兩款小食，分別是拍青瓜和木耳。
特別是炸蒜油，店舖自家調製💕💕
💫手切牛頸脊肉
$298
牛肉用冰鎖座送上，保持肉質上升
牛頸脊肉雪花分明，肉質林而且嫩口，一個細份量已經有八片，二人食剛剛好
這個絕對是打卡之選💕
💫招牌花膠雞湯鍋
$298
花膠雞湯係店舖的招牌菜，一大鍋雞湯以黃油雞熬製而成，花膠一大片，厚身的，店員細心的把花膠剪開，放進鍋裏，滾成花膠雞湯。食客先飲用花膠雞湯，然後雞件再逐一放下，大概3分鐘就可以了😌
花膠原汁原味，適合女士補充骨膠原
雞件多肉滑身，湯底不油膩🥰
💫新鮮菜苗帶子餃
$68/4粒
餃子大大粒，皮薄餡靚，帶子鮮甜💕以雞湯底伴着，鮮味十足
📍 火鍋隨意門 (銅鑼灣)
銅鑼灣堅拿道西10號冠景樓1樓A室
5⭐️評分
好食指數：⭐️⭐️⭐️⭐️
餐廳環境：⭐️⭐️⭐️⭐️
#melody #foodaholic #melody_foodaholic #foodie #hongkong #local #foodstagram #explorehk #sharing #baker #teacher #pinklover #melodylover #hkfood #hkfoodie #foodlover
#火鍋隨意門 #銅鑼灣 #四國火鍋 #hotpot #隨意門 #hotpothk #打邊爐
火鍋隨意門
火鍋店採用了土耳其燈飾
背景是佈滿熱氣球的天空
充滿異國風情
環境 有空間感 非常舒服
湯底選擇極之多
而且每一樣都非常有特色
蒜香特色卜卜蜆濃湯鍋
蜆肉新鮮彈牙而且份量十分足料
建議可以先飲下個湯底
非常鮮甜
清酒鮮牛肉
肥瘦剛好 滾幾秒就可以食
肉嫩鮮美
雙拼手打滑
瑤柱乾貝滑 加 黑松露墨魚滑
瑤柱乾貝滑 比較少見 值得一試
彈牙有咬口
新鮮菜苗帶子餃
賣相非常之好包得好靚脹卜卜
就算落咗湯都唔會散開
另外
脆鯇魚 牛黃喉 萵筍 竹笙
都十分唔錯
特飲竹蔗茅根
器皿 好特別
好似一個透明嘅地球儀
分量足夠兩個人飲
整體 環境舒適 服務好
食物有質素 會再來試埋其他湯底
今日天氣有點涼
就令我想打邊爐
係銅鑼灣行街經過見到呢間火鍋店好吸引
就決定入去試下~
有好多湯底選擇，亦有齊雞牛豬海鮮
實可以食到好滿足
——————
🧂九宮格配料🥡
店家連配料都設計得好有心機
而且有成足足9種俾客人選擇
令我佩服
—————-
🥢秘製消暑椰漿雞濃湯鍋🥡
喜愛椰漿既我又點會錯過呢個湯底
濃郁到不了，好足料
椰漿同雞既精華融合左
非常之清甜，好暖胃
——————
🥢手切本地牛頸脊(細)🥡
睇得出師傅刀功好好，每一片都一樣厚度
好有口感
淥10秒就食得
牛味好濃，係我要既味道
———————
🥢手打墨汁芝心墨魚丸🥡
一食就分到手打同機製既分別
手打既口感更佳
墨魚味好濃
加上香口既芝士
好邪惡既組合！
一定要試
——————-
📍火鍋隨意門 (銅鑼灣)
銅鑼灣堅拿道西10號冠景樓1樓A室
#火鍋隨意門 #銅鑼灣 #四國火鍋 #hotpot #隨意門#hotpothk #打邊爐
隨意門🚪 土耳其就在眼前
充滿異地風情
打開唔同嘅隨意門會去唔同嘅地方
可去日本睇櫻花、法國、古式宮廷
呢個裝修不容置疑係靚嘅📸
亦會根據唔同地方配合特地餐具🥢
價錢中上上 💰💰
如果唔係有折的確有啲貴
🌟 卜卜蜆煲$198
大量蜆 好似食極唔完😂
🌟手切和牛 $298
🌟鹹蛋黃炸魚皮 $78
必叫 ✨ 香脆 可即食💯
🌟日本廣島蠔 $196
🌟白鱔片 $128
同朋友👭打算搵一個地方慢慢食住傾計、但係又唔想去café,最後揀左鄰近time square 嘅樓上邊爐。我哋除左食得滿足同傾得好滿足。因為咁啱中午真係無咩人咁有興致或咁早打邊爐😂我哋由13點半食到去五點半，一邊616一邊傾計，成個過程都係暖笠笠，好寫意。
我哋點左一個惹味黑胡椒卜卜蜆鍋鮮雞湯
依個湯底係可以先嘗博卜蜆，食完後再加入鮮雞湯打邊爐。卜卜每一粒都係好鮮甜惹味第一輪加入嘅雞湯會比較濃厚，後面添加嘅雞湯都係屬於清雞湯。
🦪珊瑚拼桂花蚌$148: 雖然唔係跟蚌盒原隻上，但係兩種都係好新鮮，爽口。
🥟餃子拼盤$148（一共10隻）：每隻口味都有，唔需要左揀右揀😂啲餃子每一隻都係大大隻，肉質厚實，新鮮。
🍡蟹子鮮蝦墨魚丸
食材實料，咬開見到一粒粒墨魚
黃金雙拼$98
加左鹹蛋黃，但入口酥化，但係比較油膩
伊比亞像果豬$168
雖然望落去肥紋比較多，但係入口唔覺得有肥膩咁。
雜菇拼盤$78
一共有三種菇類，一種蔬菜，份量足夠三個人食用，全部都係頗為新鮮
竹蔗茅根68
糖份少，適合打邊爐運用，地球儀都幾特別👍
有別於平時嘅火鍋，而且佢係色香味俱全😍
有得打卡又好食😋!
.
分別有兩個區，以中式裝修同土耳其裝修做主題～私心覺得土耳其裝修係特別啲嘅🤣
.
湯底方面選擇左花膠雞湯鍋🐔$298
呢個湯底食過好多次，但係甘足料真係第一次😍
侍應會幫手將花膠切細，一塊一塊擺入去湯底度煲，依家諗起都好回味🤪
係正式打邊爐之前仲可以飲行花膠湯美顏，味道當然係好飲又好潤啦，雞肉亦都好滑嫩🥰
.
蘋果木煙燻手切牛頸脊🐮🤩$298
唔好以為嗰啲煙淨係為咗打卡🧐
食落去係真係有木煙燻嘅味道，好特別!😍😋
唔使多講睇到佢嘅既色澤同雪花，都知道係有質素😌蘋果味唔算好出，但係嗰個煙燻味道真係好特別同好值得一試！🤤
.
豬頸肉$58
呢間餐廳有好多唔同嘅細節，就算係豬頸肉都會整一個少女心嘅玫瑰花🌹女仔實鍾意！
.
竹蔗茅根$68
都未試過飲竹蔗茅根飲得咁開心🤣換咗呢個好似地球儀咁樣，飲落都零瀉好飲😝
另外，仲叫咗蔬果拼盤呢d～新新鮮鮮，食得好滿足嘅一餐🥰
.而且侍應怕我地凍，仲專登俾咗土耳其風情嘅毛氈我地！🥺仲係獨立包裝拆出嚟！好欣賞呢度嘅服務態度～係一間會encore嘅餐廳😙
🎵 隨意門 即使淮我打開 兩秒後我就回來 想去亦放不開 🚪
┊@hotspot.cwb ┊ ♬ 隨意門//陳奕迅
好耐冇打過邊爐啦🥹一打緊係要打得特別啲🤤今次走訪各地 一秒喺土耳其 下一秒又去咗法國🤪連侍應都著住飛機制服架😎
◍「皮蛋芫茜山濃湯鍋」🟢 $168
終於試到芫茜鍋🤩人越大越中意食芫茜😂湯底清清地幾好☺️唔會影響食材鮮味！
◍「骰仔牛肉粒」🐮 $148
一粒粒方形牛肉粒睇得又食得🤤每一粒都好重牛嘅鮮味 推薦！❤️
◍「手打丸拼盤十粒」🔴 $148
最中意呢度嘅手打丸 有5款口味 全部都自家製～芝心牛肉丸最好食😋
◍「足料鮮蝦餃」🥟 $68
餃子方面都好高質🤤隻隻都有好大隻蝦🦐夠晒足料！
◍「水蓮菜」🥬 $68
最近都好喜歡食水蓮菜😋個人比較喜歡成條食🤣夠爽！
📍火鍋隨意門 (銅鑼灣) #lala_foodie_causewaybay
銅鑼灣堅拿道西10號冠景樓1樓A室
呢間餐廳朋友話佢一早已經想試，因為上網見到佢裝修好靚，有土耳其特色裝修，而且想試吓佢哋嘅指招牌花膠雞湯鍋，話想補一補喎😂
估唔到個花膠雞湯，一上枱已經好驚喜，除咗睇到雞湯顏色濃郁，又香濃又鮮，仲有一碟花膠同埋一隻雞，花膠大到蓋過晒碟雞。未開始打邊爐，我哋已經飲咗兩三碗湯，花膠又厚又滑。😋😋
手打黑松露墨魚丸
呢個我都10分推薦，丸質非常之彈牙，又有黑松露味，值得一試。我哋叫咗八粒，兩個人剛剛好。
蔬菜拼盤
我哋諗住叫多啲菜中和下，估唔到原來啲菜係咁多款式，咁大盆，好抵食。最緊要係個蔬菜為非常新鮮，我哋兩個人真係食唔晒，如果要多一兩位朋友一齊食會比較好。
自制竹蔗茅根
用地球儀裝竹蔗茅根水，賣相精緻，打卡影真一流，最緊要係飲到佢係自家製，可以降一降火😎
下次都係叫多一兩位朋友過嚟一齊食，可以試多啲其他款式😊😊
個裝橫好特別，點形容好呢？！有點中國古典特色之餘又有些民族風， 風格令人印象深刻
黑蒜卜卜蜆濃湯鍋($198)一開始煙霧迷漫，乜嘢都睇唔到，好有神秘感， 慢慢啲煙散開，滾起來， 便看到因黑蒜而黑色的湯底， 有很多肥美的沙白蜆，驚喜沒有沙，湯底滾開有很重的黑蒜味，仲有很多爽口的芽菜～
秘製清酒牛肉($148)，望落一小碗但其實入面有很多片牛肉，肉味濃， 帶淡淡的清酒味
花雕雞件($88)好滑，有酒味，見餐廳本身有雞嘅湯底，所以對雞嘅質素都有信心
蔬菜拼盤 ($78)
Asahi($32)
日本稻庭烏冬($88)
香港很多火鍋店都是走中式宮廷風的裝修，但這間火鍋隨意門就有點特別，主要走土耳其風格，但除了土耳其，餐廳亦打造了法國，日本及中國風的主題餐區。讓食客來打邊爐都可以感受到不同地方的景色。無得去旅行都可以來幻想一下。
每枱有一盤九格的調味料盤，當中有兩款小食(麻辣木耳及涼拌青瓜)。醬油費為每位$25。
餐廳提供十四個鍋底的選擇，點了蒜香特色卜卜蜆湯鍋($188)，湯底中放了乾冰，所以上枱會噴煙的，觀感不錯。這個湯鍋使用大量新鮮沙白蜆，配合蒜蓉辣椒來提升鮮味，鍋內更有大量芽菜，芹菜及芫茜。
配料選擇頗多。點了一份羊肉片($118)，肉質嫩滑,有淡淡的羊羶味。
手打丸及餃子一律自家製，款式多，配搭新穎。點了四粒的新鮮菜苗帶子餃($68)，內餡紮實豐滿及四粒手打菠菜豬肉丸($68)及炸支竹($48)，份量多，抵食。
水蓮菜`($68)，比較少有，喜歡它爽脆的口感。
竹蔗茅根($68)，是用地球儀容器裝著，幾特別，份量都起碼每人有3-4杯。
一去到入口已經有大大個打卡位迎接你😍 仲有道具比埋你🤭 餐廳分佐兩個area: 外面比較似宮廷風 我就梗係揀土耳其風🙈 啲吊燈同花磚超靚🥺 最後仲有熱氣球做背景圖😚 連紙巾盒同牙簽盒都有襯返風格～～ 真係點影都好有fu😚
湯底有14款 主打有花膠雞湯鍋 酒香火陷麻油雞 豬筒骨濃湯 皮蛋芫荽山等 有幾款都係以卜卜蜆為主: 惹味黑胡椒 麻辣 蒜香特色～
先有九宮調味格($25/位) 要講既係!! 連個豉油樽都好土耳奇feel🙈 另外有兩格係開胃小食：麻辣涼拌青瓜同酸辣黑木耳 食落都幾惹味同爽口🙆🏼♀️
.
▫️黑蒜卜卜蜆濃湯鍋 $198
又係我至愛嘅卜卜蜆鍋🤭 好似好少何見到黑蒜湯底 仲落佐好多西芹一齊烹 個湯飲落鹹淡適中 黑蒜味恰到好處 ～～
次次食蜆都係食極食唔完😂 20-30隻走唔甩🤫 食落都幾有鮮味 啖啖肉配埋個湯更惹味 同蒜味都幾夾😚 人地仲話食多啲黑蒜可以抗氧化😛
.
▫️秘製清酒牛肉 $148
大推!! 純粹因為清酒吸引咗我試下🤫 店員會係你面前落清酒🍶 (太快影唔切🥲) 要浸一浸等佢索完味先可以淥～～
牛肉紋路不錯 脂肪均勻 口感柔韌嫩口 幾有肉感 每片都已經滲入佐清酒 咬落清酒味都幾香醇 兩者夾埋食莫名地夾😚
.
▫️瑤柱乾貝滑&黑松露墨魚滑 $128
可以雙/三拼🙆🏼♀️ 前者真係會食到瑤柱乾 後者食到香濃既黑松露味 滑類都幾足料😚 每粒食落都好爽口彈牙 彈下彈下!!
.
▫️手打芝心牛肉丸 $68
唔想諗要邊款手打丸可以揀拼盤😛 菠菜豬肉丸同墨汁芝心墨魚丸都好似幾特別😚 我哋就例牌要佐芝心牛肉丸 咬落牛既油脂感嗶出嚟 連埋邪惡芝士 食落每粒都好飽滿😚～～
.
▫️新鮮菜苗帶子餃 $68
好似好少見到帶子餃就試下 皮薄唔易散開 菜苗既味道好突出 有啲似芹菜🤔 帶子都好紥實同爽彈～
.
▫️足料竹蔗茅根 $68
連飲過竹蔗茅根都咁igable🙈 好似地球儀咁大約都可以倒到5-6杯～～ 飲落唔會太甜 打住邊爐清下熱就岩晒😛
.
總結，環境都唔使點講 因為周圍都打卡位🙈 土其奇風真係隨意影都已經好靚😍 同埋都坐得幾舒服～～ 食物質素都相當唔錯 湯底都好足料同入味 配料亦都幾多可以揀 每項都各自有啲特別既款可以試下😚 我就大推清酒牛肉啦 記得嗌😛
又貴又細份，無食海鮮埋單人頭都要過千先飽，劏客到一個點
火鍋隨意門【CWB別緻火鍋之選】
放工嚟咗銅鑼灣呢頭搵朋友食飯，等地兩個都係火鍋mania，見到呢間火鍋隨意門好似幾高質，於是決定入去烚吓烚吓 🍲
蒜香特色卜卜蜆濃湯鍋 ($188)
– 卜卜蜆湯鍋超級高質，啖湯清甜到不得了，而且蜆肉大大粒，新鮮滑嫩，仲有好多芽菜同芹菜，非常爽口🥰
秘製清酒牛肉 ($148)
– 牛肉新鮮紅潤，雪花紋路好靚，而且肉質嫩滑，清酒更能帶出咗牛肉嘅鮮味，啖啖都好滿意🤩
水魷 ($78)
– 水魷口感爽脆，超鍾意佢卜卜脆嘅口感，配搭埋濃郁嘅湯汁，極之推薦💯
新鮮菜苗帶子餃($68)
– 呢個餃子超好食嘅雲吞top3，皮薄餡靚，好足料，啖啖都食到帶子，彈牙爽口😍
黑松露蟹肉餃 ($68)
– 餃子餃好結實，好有咬口，而且黑松露香味突出，配搭鮮甜嘅蟹肉，鮮味爆棚😎
正宗日本稻庭烏冬 ($32)
– 稻庭烏冬質地滑身彈牙，完美吸收晒卜卜蜆濃湯嘅精華，超快煮熟，好想encore 多份😊
餐廳設計好有異國風情，別樹一幟，而且佢嘅枱櫈勁靚，超級好坐，嘢食質素又高，超贊😍
🇭🇰銅鑼灣區 – 極浮誇裝修與擺盤、四國主題火鍋
💎推薦分數: 8/10
———————————————————
秋風起，除咗好想食煲仔飯之外，都好想每個星期都打邊爐，無論係四川麻辣、定係台式鴨血、港式嘅沙嗲牛湯底我都鍾意，今次介紹既呢間係上年逆市開張既火鍋，隨左佢既裝修非常打卡，佢既多款火鍋湯底同野食選擇都係非常之吸引。
火鍋隨意門以四國為主題，分左日本、法國、土耳其同中國既主題餐區，唔單止裝修，湯底都符合呢四個國家，好似有北海道3.6牛乳櫻花湯鍋、味道香濃既土耳其香草羊肉鍋、女士們至愛既花膠雞湯鍋、海鮮迷必點既特色卜卜蜆湯鍋、法式芝士龍蝦鍋、鴨血麻辣湯鍋、白胡椒蟹湯鍋、冬瓜瑤柱脯湯鍋等，多達12款選擇，款款特色吸引。
入到門口已經見到有個打卡位，餐廳分咗四個區域，分別係有櫻花背景嘅和風、常見嘅中國古代屏風、有巴黎鐵塔嘅宮廷風、同我揀咗既土耳其風。
可以見到背景係熱氣球升空既牆紙，連吊燈、花磚、火鍋爐、餐具、紙巾盒、牙簽筒等都係土耳其風，吊燈係馬賽克燈，設計好花心思，充滿格調。
地方算寬敞，環境舒適，土耳其風區域大約有12張四人枱，櫈後邊都有枕頭，坐得幾舒服。
–
未點野食之前就會送上九宮格盤既醬油加小食，醬油方面有乾蒜、芫荽、蔥、辣椒、蒜蓉、芝麻、自家製薑蔥油等。而小食有麻辣木耳同手拍青瓜。
小食咬落幾爽口，作為前菜幾開胃，個人最鍾意青瓜，因為比起木耳佢食落真係有少少辣。
–
湯底方面係隨意門招牌既花膠雞湯鍋，每日新鮮熬製，用上大量三黃雞，三黃係指羽毛黃、腳黃、嘴黃，皮脆肉軟、脂肪豐滿。餐廳先將原隻雞起骨，再用慢火將雞骨煎香，再加上雞肉熬製而成，加上大量骨膠原既花膠，真係一邊打邊爐一邊美顏。
雞件同花膠係分開上，店員會即場剪開花膠，再擺落入湯底煲，非常貼心，會建議你飲咗湯同食咗花膠先。
花膠雞鍋湯底呈乳白色，飲落鮮甜，味道非常濃郁，比較黏口，但唔會油，係真正既雞味而唔係味精，質地帶膠質，非常滋潤，未食野已經飲左兩碗湯，呢個花膠雞湯算係我咁多次打邊爐最好飲既一個，真係由頭飲到落尾，呢個天氣飲非常暖胃。
花膠夠大塊，可以用花膠扒黎形容，數量都有六至七塊，非常足料，花膠咬落軟腍，滿滿骨膠原。
飲湯飲到差唔多同食咗一啲花膠之後，店員就會加番啲雞湯落去，之後就可以擺啲雞落去煮，但我係加咗雞湯之後飲覺得冇之前咁好飲，可能係因為少咗花膠嘅膠質，加嘅湯係雞拖而唔係花膠雞湯，但個湯依然係好飲，飲完唔會話覺得口乾。
雞件份量都好多，有半隻雞，上枱時已經係半熟嘅狀態，唔洗淥太耐就已經食得，雞件咬落夠嫰滑，食落無雪藏味，唔會太肥，以花膠雞湯來講啲雞算幾好食
淨係食雞同花膠都已經飽咗一半，雖然價錢唔平，不過計埋份量同質數都算係值得。
–
呢度既牛頸脊係每日係本地牛肉檔取貨，包保新鮮，人手切片。
牛脂睇落分佈平均，唔會過瘦，賣相非常之靚，色澤紅潤，輕輕淥一淥就食得。牛頸脊厚薄一致，入口正常程度嫩滑，帶有嚼勁，肉味就唔算重，因為牛頸脊係牛活動最多嘅部位，所以冇咩脂肪，主要係食個口感，呢個牛可能比較適合麻辣或者其他湯底，如果係雞湯可能會比濃郁嘅雞味蓋過。
–
黃金雙拼即係鹹蛋黃嘅炸魚皮同響鈴，呢個組合非常邪惡，兩樣都係即叫即炸，賣相比起其他打卡食物比較平實。
響鈴好香，上面嘅鹹蛋黃幾多，厚度十足，係自己新鮮炸而唔係來貨，淥完之後鹹蛋黃好似半熔嘅狀態，唔係乾身個種，咬落非常鬆化，即使淥完鹹蛋黃味道都係好出，
而炸魚皮比較厚身，咬落已經好香脆，鹹蛋黃味道令到佢更加豐富，唔使碌好耐已經好好食，加上油香同鹹香味，絕對係重口味之選，個人覺得炸魚皮比響鈴更好食，因為非常之脆而且味道重啲，略嫌份量小左啲，大約得三條響鈴同五塊炸魚皮。
–
呢度連竹蔗茅根都係可以俾人影相，用一個好似地球儀嘅器皿裝住，完全係符合呢度主題，可以好似扭開水喉咁扭開開關口斟黎飲，呢個地球儀睇落好似好細，但其實可以斟到大約七杯，可以由頭飲到尾。
竹蔗茅根飲落竹蔗味正常，甜度適中，打邊爐飲依個就啱晒，可以下火清熱，幾抵飲，略嫌唔係冰凍而係常溫。
–
食物來講呢度嘅餸算中到中上，比起食物我覺得呢度主打嘅花膠雞湯底更加有驚喜，令到我由頭飲到落尾，花膠同雞都好食，因為好夠味所以嘢食都唔使點豉油，配料方面有好多選擇，亦都有唔同嘅組合可以一次過試，不過我覺得唔適合點一啲本身味道好重嘅嘢食，因為可能同雞湯唔夾或者會比雞湯搶咗個味道，反而應該好適合點好似粉絲、豆腐依啲索湯嘅餸。
環境同佈置方面好適合打卡影相，嘢食嘅擺盤都非常誇張，座位算坐得舒服。
見到網上有九點三之後七折嘅優惠，如果有呢個優惠，淨係叫花膠雞湯再加一啲菜或者粉絲會非常抵食。
秋意濃、涼意盛，正是吃火鍋的好時節，今次就來到火鍋隨意門打邊爐。
店內劃分四個區域，分成日本、法國、土耳其及中國四地的主題餐區。
一入門口就見到斑爛閃爍的土耳其馬賽克燈，難怪開張以來已成為IG打卡熱點。
獨特的民族燈飾設計，配合土耳其著名的熱氣球背景，讓食客猶如置身於異國風情中圍爐取暖。
而我今次就被安排於裝修陳設古色古香的中國餐區入座，散發東方古典韻味。
火鍋配料選擇繁多，十分多元化。
除了湯底之外，其實火鍋醬料也決定了味覺，這裡提供多款醬料，自行混出最適合自己的口味，醬油費為每位$25。
醬油九宮格內還提供了兩款小食：麻辣木耳及涼拌青瓜，喚醒沉睡中的味蕾。
今次就選了消暑冬瓜瑤柱濃湯鍋 $188，一上枱已飄逸著夢幻仙氣。
之後店員亦會代勞切碎冬瓜，冬瓜份量超巨型，渾圓厚肉又多汁。
湯底真材實料，配料十分豐富，以鮮蝦、素翅、瑤柱、蟹柳等入饌，湯頭清澈沒甚麼浮油，味道份外清甜。
由於火鍋湯底已夠足料，所以配料亦不需點得太多。
秘製清酒牛肉 $148
清酒清淨而無雜質，淡雅微醺的酒香縈繞喉舌，還可讓肉質軟化。
牛肉脂肪比例平均，肥瘦勻稱，肉質細嫩富油香，牛味與酒香兼備。
拼盤類特地放上high tea層架，令人賞心悅目，當然要第一時間相機食先。
餃子拼盤 $148
拼盤集合了五款，包括足料鮮蝦雲吞、菜苗帶子餃、韭菜豬肉餃、黑松露蟹肉餃及蟹皇豚肉餃。
餃子由人手包製，外皮厚薄剛好，薄皮口感嫩滑，內餡紮實豐滿。
鮮蝦雲吞包著大大粒珍寶大蝦，口感新鮮爽彈，蝦鮮味十足。
手打丸拼盤 $148
手打丸同樣都是自家製，配搭新穎，包羅菠菜豬肉丸、鯪魚丸、墨汁芝心墨魚丸、 蟹籽鮮蝦丸及黑松露墨魚丸。
鮮製手打蟹籽鮮蝦丸入口彈牙又有粒粒口感，帶有蝦肉本身的鮮甜味。
墨汁芝心墨魚丸中間注滿軟滑的流心芝士，讓芝味佈滿口腔，卻又不會過膩。
餐廳有土耳其玻璃燈同埋土耳其氫氣球既風景畫，讓你置身土耳其般！
消暑冬瓜瑤柱濃湯鍋，這個鍋用上整個冬瓜盅製成，入面有仿魚翅、蟹柳、瘦肉等材料！湯底非常鮮甜，而且冬瓜有種解暑既感覺！
手打丸拼盤十粒，拼盤共有5款唔同既手打丸，分別有手打菠菜豬肉丸、手打鯪魚丸、手打芝心牛肉丸、手打蟹籽蝦丸同埋手打黑松露墨魚丸！蝦丸同墨魚丸爽口彈牙，後者仲有淡淡既黑松露味，牛肉丸入面有流心芝士！
鹿兒島日本黑豚肉，豚肉唔會好肥，味道好香，而且切得薄身，唔需要淥好耐就可以食得！
黃金雙拼，黃金雙拼分別有咸蛋黃炸魚皮同埋咸蛋黃炸響鈴！魚皮炸到脆卜卜，而且咸蛋黃醬同魚皮非常夾，好惹味！響鈴鬆脆，掛有咸蛋黃味咸香，都幾惹味！
花膠雞湯鍋入口鮮甜，湯底另外跟一大片花膠同半隻鮮雞，雞另加入去再煮，所以都嫩滑又多汁。手打丸拼盤都好推，尤其係鮮蝦丸，成粒丸好爽口彈牙。
而家冇得去旅行……但係去到火鍋隨意門都可以隨時隨地感受到旅行氣息……..入到裏面佢裝修都幾特別有好多熱氣球……..餐廳用咗土耳其風格去做裝飾………真係賞心悅目……love它的火鍋材料選擇和湯底選擇也是十分多………有一種隨心所欲選擇的感覺…..先喝湯……湯底係即叫即做架……特式卜卜蜆鍋……煲熱左硯爆開哂就食得啦…..好甜好甜!!不錯不錯!!本地牛頸脊…..牛肥瘦適中……用料新鮮…….鹹蛋黃炒響鈴魚皮雙拼推介鹹蛋黃魚皮必食……….like另外還叫了餃子拼盤…丸拼盤….黃金炸物拼盤……每款各有特色…….蟹皇豚肉餃……香濃到不得了真的真的值得一試!!
招牌花膠雞湯舔舔脷🐔🍲🤤
.
終於嚟到八月，望穿秋水等到消費券嘅來臨🤩，我哋決定外出消費，食返餐好嘅，最終揀咗位於銅鑼灣嘅「火鍋隨意門」。當我哋入到餐廳，就知道點解佢叫隨意門😳。
.
餐廳以多國旅行做主題，店內劃分幾個區域，分別係土耳其、日本同法國等，其中我哋坐喺最矚目嘅土耳其區🇹🇷。四周圍嘅裝修佈置都好色彩繽紛，富有好強嘅民族風情。
.
招牌花膠雞湯鍋($298/半隻)，🍲花膠雞鍋聽落都知滋潤，仲係美顏之選，可以補充骨膠原。用上大量三黃雞熬製嘅高湯味道超濃郁，好好飲，舔舔脷😋。我哋飲咗半煲，已經飽咗一半，哈哈。湯底咁深色同時亦因為落咗南瓜一齊煮。題外話，餐廳加湯都係加返雞湯㗎，唔會溝淡咗。
.
花膠同雞分開另上，店員一開始會幫我哋剪開大大塊花膠，剪開後粗略估計有接近廿塊😍，超多。花膠夠厚身，口感好軟稔，索湯效果強。
.
雞肉份量足半隻🐔，其實上枱時經已熟咗九成，所以放落鍋滾三分鐘就食得。雞肉肉質嫩滑，而且肉嘅部份都幾多，唔係得啲骨。
.
魚滑三拼($148)，我哋喺丸同魚滑之間揀咗後者。魚滑有三款口味，包括黑松露墨魚滑、瑤柱乾貝滑以及手打蟹子蝦滑。既然可以三拼，就梗係食哂三款，加上價錢唔差得遠。一條魚滑可以刮到四粒，三款都好鮮甜，當中以蝦滑最彈牙🦐，而乾貝滑就相對較腍。墨魚滑則好香松露味。
.
鹹蛋黃炒響鈴($78)，響鈴即叫即炒，製作需時。由於響鈴新鮮炸起，店員建議我哋即食一件試吓，而浸湯食又係另一番風味。🍳流沙鹹蛋黃滲透喺整件響鈴入面，鹹香味均勻適中。
.
豬頸肉($58)，造型好靚，嫩粉紅色，砌成一朵玫瑰花🌹。摧花後發現原來豬頸肉有好多片，不過扣分位係未解凍得晒。豬頸肉唔錯喎，肉質爽彈，而且肥膏唔會過盛。
.
足料竹蔗茅根($68)，裝飲品嘅器皿好過癮，成個地球儀咁🌍，並附有一個開關口，唔使自己倒。佢嘅份量好似比起一榨還要多！竹蔗茅根好清涼，唔會過甜，亦可清清味蕾。小插曲一則：我掛住傾偈，開咗「水喉」之後唔記得閂，搞到倒瀉哂😣，真係唔好意思，好彩店員好好人，即時提供協助，亦毫無怪責之意🙏🏻。
.
最後不得不介紹一下醬油方面，醬介費每位$25。每枱會獲發一個醬油九宮格，入面有齊炒乾蒜、辣椒、蔥、芫荽、芝麻、蒜蓉同自家製薑蔥油。醬油架全程放喺枱，所以可以邊食邊夾🥢。當中有兩款係開胃前菜：青瓜同雲耳，酸酸辣辣。
.
總括嚟講，呢頓火鍋午餐幾正，花膠雞湯好出色。我哋感覺唔係嗌咗好多嘢食，但出奇地都食到好飽😉。餐廳現時推出限時優惠，當客人消費滿$1,500，更可以用$500消費券當$1,000用，不過我哋兩條友食，就當然食唔到去呢個價位啦。如果一班朋友想十下十下嘅話，不妨可以考慮呢度啊。
🐷🎈銅鑼灣
土耳其風情有新意火鍋店🇹🇷
💥湯底：香辣豬筒骨濃湯鍋 $268
好食指數：🐷🐷🐷🐷🐷🐷🐷7/10
回頭率：🐷🐷🐷🐷🐷🐷6/10
湯底味道豬骨味幾出，感覺係真材實料熬製，湯入邊有兩大舊豬骨，都有少部份豬肉，經長時間熬製肉質好腍又入味，另外仲有其他配料例如粟米、蘿蔔等等，材料新鮮入味。略嫌辣味冇得揀，可以再辣啲會惹味啲。
💥手切頂級安格斯牛肉（小） $248
好食指數：🐷🐷🐷🐷🐷🐷🐷🐷8/10
回頭率：🐷🐷🐷🐷🐷🐷🐷🐷8/10
一拎黎真係有啲嚇親，一大個類似花樽嘅擺盤，仲有乾冰煙霧效果，超大陣仗超ig able。整整有8塊牛肉片，價錢雖貴但真心幾唔錯，牛肉表面油脂分布適中，厚度啱啱好，食落牛味好出，就算配辣味湯底都食到好香牛味，淡淡都好滿足！
💥豬頸肉 $58
好食指數：🐷🐷🐷🐷🐷🐷🐷7/10
回頭率：🐷🐷🐷🐷🐷🐷🐷7/10
豬頸肉同樣擺盤有趣，用大約8塊豬頸肉塊切成一朵玫瑰花，賣相啱晒打卡。豬頸肉又唔太肥，脂肪量適中，而且唔會韌，幾好食！
//
🎈 火鍋隨意門 (銅鑼灣)
銅鑼灣堅拿道西10號冠景樓1樓A室
#美食日記#香港美食#豬的生活#foodislife#piglife#hkfoodie#foodblogger#hkinsider#foodinsider#銅鑼灣#銅鑼灣美食#銅鑼灣火鍋#打邊爐#火鍋#肥牛#安格斯牛肉#豬頸肉#湯底#火鍋湯底#causewaybay#causewaybayfood#hotpot#binlo#dabinlo#hongkonghotpot#angusbeef
早幾日同朋友行完街之後，朋友話想打邊爐，所以我哋就試咗依間，睇得出餐廳都花咗啲心機去裝修，當日我哋大約七點幾左右到，好彩都有位😝
一上到去，我哋就揀湯底，唔係講笑，都好多款，最終我哋揀咗惹味黑胡椒卜卜蜆雞湯鍋，初頭以為好似平時食開嗰啲卜卜蜆咁樣連湯上，原來唔係，好似食雞煲咁，首先佢會用啲酒係你面前炒啲蜆，然後食左d 蜆後，就可以叫職員加番啲雞湯，咁就可以開始打邊爐啦！😊今次真係一鍋兩味😆，份量都好大，d蜆食落去都好大浸酒味，而且隻隻都有蜆肉嘅，唔係剩係得啲殼，正！強烈推介依個鍋，又有視覺同味覺感覺🤣
配料呢我哋今次就叫左手切頂級安格斯牛肉（細），餃子拼盤，手打黑松露墨魚丸，萵筍，黃金雙拼，伊麵，同竹蔗茅根
手切頂級安格斯牛肉，脂肪比例均勻，好有口感😛
餃子拼盤裏面有五款
-鮮蝦雲吞，菜苗帶子餃，韭菜豬肉餃，黑松露蟹肉餃，蟹黃豚肉餃
小編最鍾意就係蟹黃豚肉餃，餃子裏面充滿蟹黃味，同豬肉都唔match😊
另外打邊爐又點少得叫萵筍，響鈴同炸魚皮，今次仲要叫咗黃金tim😂(鹹蛋黃炒），小編真係好鍾意食呢個，第一次食炸魚皮同埋響鈴係冇擺落個湯嗰度滾下去，直接放落口個口嗰度食😅，每片魚皮同埋響鈴都充滿鹹蛋黃醬，真心好邪惡😈
近排小編鍾意食伊麵，所以連火鍋都叫左伊麵食，伊麵好索湯，食落去都有淡酒香味😮
打邊爐又點少得做竹蔗茅根，佢哋嘅造型實在太靚啦，用個地球儀去裝住佢😍
P.S: 職員服務都好好，細心介紹個湯底，仲有叫我哋嗱嗱聲快啲食過炸魚皮😋
銅鑼灣高質火鍋店
_____
好味指數：🌟🌟🌟🌟
抵食指數：🤑🤑🤑🤑
第一次聽就覺得個餐廳名好特別，係隨時都可以過嚟打邊爐嘅意思？然後到左餐廳門口見到出邊啲裝飾就覺得老闆應該都係一個鍾意去旅行嘅人✈️咁會唔會係代表佢喺世界各地搜羅最高質嘅食材俾我哋呢🤪
✅滋味黑胡椒卜卜蜆雞湯鍋
打邊爐可以叫埋大排檔嘢食你試過未🤩卜卜蜆加入黑胡椒洋蔥等配料炒香後放入鍋再放上枱，然後喺我哋面前加入玫瑰露點火再炒熟，好吸引🔥蜆粒粒都鮮甜肥美，炒過後更惹味😋最正嘅係佢加入雞湯後因為鍋入邊有洋蔥粒芫荽等配料，口感層次都比普通嘅雞湯更豐富
✅蘋果木煙燻手切牛頸脊
又一打卡位📸店員用機器將蘋果木嘅煙打入玻璃罩，等待一段時間再打開，打開嗰下煙霧瀰漫好有gimmick💨牛肉切得好工整，每片厚薄適中，而牛頸脊脂肪較少，唔會太肥，肉味濃厚肉汁豐富，鮮嫩有彈性🐮
✅桂花蚌/珊瑚蚌雙拼
新鮮爽口，食得出呢度嘅材料絕對唔馬虎，高質！
土耳其風格火鍋店
餐廳名為隨意門，意思應該是在一個地方可以吃到各國的食材，而餐廳裝修大部份是以土耳其風格為主題所以感覺和一般的中式火鍋店很不同。
點了鴨血麻辣湯鍋，辣椒佈滿整個鍋，麻辣味十足，另外附有豆腐卜芽菜等配菜，上菜的時候還加入了乾冰，冒着濃煙的火鍋加添了奇幻感覺～
牛頸脊非常新鮮，起來口感和肉味很有水準。
❤️鹹蛋黃炸魚皮，香脆帶有鹹香，非常好吃。
❤️豬潤十分彈牙，沒有粉狀的感覺。
❤️最令我印象深刻的是鵝腸，平常的火鍋店都是把它去掉了脂肪層，而這裏卻完整的留下來，吃起來更香。
另外還有一個打卡專用飲料，他們的竹蔗茅根是以一個透明的地球儀承載的，非常有特色。
是一間令我挺有驚喜的火鍋店。
亞仔考到消防員，星期一要入訓練營受訓，頭一個月不能回家，入營前要為他打打氣，食餐好嘅。問他想吃什麼，他選了這間有多種湯底選擇的火鍋店。
預計一個月都冇啖好食，於是選了「麻辣鴨血濃湯鍋」做湯底，貪佢夠麻夠辣重口味。湯鍋用了大量香料配製熱誠，除了辣，最愛麻香十足，而且有很多芽菜、鴨血和豆腐卜做底。最抵死係火鍋上枱時鍋底冒煙，仙氣十足。
我們另外還要了一個「四國風情牛肉拼盤」，拼盤有A4和牛、手切牛頸脊、陳年花雕牛肉和土耳其香草牛肉。牛肉質量真的非常好，肉質軟滑，四種口味，各有不同，喜歡食牛肉的阿仔都食到舔舔脷。
另外竹蔗茅根非常抵飲，潤喉又清甜，而且很適合打卡。
今日喺利苑放工後就去咗附近的一間仲高級的打邊爐餐廳打邊爐，入到去見到裝修都係偏向豪華的，當然價錢亦都係中高端，同行仲有三位朋友，值得一題是這裏可以免費一支開瓶費，只要你下載佢個app就OK，我哋嗌左牛腱脊，元貝同生蠔仲有白鱔，珊瑚蚌同貴妃蚌等等高級食材，湯底係叫咗蜆湯，湯底非常鮮味牛肉亦都很又牛尾加上他們的海鮮都很新鮮上菜的時候都用冰放喺上邊因此買相同埋質感都一流覺得這間店舖很有誠意，員工態度也很好，以後亦都會再去。
銅鑼灣特色火鍋店💜
前排同朋友喺銅鑼灣行街諗住打邊爐，見到網上都幾多人推介呢間新式火鍋店，環境幾有特色，打開隨意門彷彿置身於土耳其餐廳，另外值得一提店員的服務不錯👍🏻
_
🌶麻辣卜卜蜆濃湯鍋$198
卜卜蜆嘅份量都唔小，麻辣湯底夠香夠麻，入邊亦有啲芽菜絲有助增加口感！整個湯底來講好香口惹味
🥩牛舌片 $98
擺盤非常精緻，牛舌片以一朵玫瑰花形式呈現，食落去爽口彈牙，值得一試
🫔響鈴雙拼 $88
聽聞火鍋店嘅響鈴非常有名所以就叫咗嚟試吓，雙拼包括鹹蛋黃炸響鈴同即炸響鈴，小編特別喜愛鹹蛋黃，碌一碌就食得
🦐手打蟹子鮮蝦丸 $68 半份
🦐足料鮮蝦雲吞 $68 半份
值得一題佢哋嘅丸同埋雲吞都非常唔錯，大大粒鮮蝦食落去有咬口，令人感覺滿足
另外小編都叫咗份唐生菜同薯粉，吸湯一流好惹味☺️
呢間火鍋店好特別，喺門口位已經見到好似去左土耳其咁嘅打卡位，入面係熱氣球嘅牆面，連吊燈都係靚靚嘅土耳其馬賽克燈，就好似置身喺土耳其咁😍短暫黎左個旅行呀😂本身都驚會係打卡火鍋店，啲嘢食應該會一般，但一啲都唔會，食物非常新鮮，而且賣相都唔錯
連個豉油壼都係用好似土耳其咖啡壼黎裝住🤣
特色トト蜆鍋$ 188(蒜味）
上枱時嘩左出聲，好有仙氣😍
鍋內嘅蜆數量都唔少，仲有好多芽菜墊底，個湯味道都幾鮮味，但蒜味就較少
牛舌片$ 98
啲牛舌片擺到好似朵玫瑰咁，好有心思
口感都幾彈牙，幾爽口，有牛味
伊比利亞橡果豬$168
豬肉半肥瘦，肉質軟嫩，一啲都唔油膩，呢個我好鍾意
美國雪花肥牛（大）$ 298
油花分佈細緻，肉質有彈性，不油膩
黑松露蟹肉餃（6粒）$ 188
餃子超大粒，食落好多蟹肉，黑松露味反而較弱
手打芝心牛肉丸（8粒）$ 98
肉質都算彈牙，芝士多到爆左少少出黎🙈
順德魚腐$ 58
鮮而不腥，口感軟綿
黃金雙拼$ 98
有炸魚皮同埋響鈴，兩樣都裹滿鹹蛋黃，相當惹味，不過魚皮略嫌硬左少少
鴨血$68
軟嫩而不腥
皇帝菜$48
相當新鮮，份量都唔少
足料竹蔗茅根$ 68
賣相不錯，用左一個透明嘅地球儀裝住，味道清甜解渴
冬瓜湯火鍋底、牛肉、海鮮超高質，加上個咁異國風味嘅裝修，必定再回頭。