火鍋隨意門

叫咗個花膠雞鍋，用料十足，味道好濃，好正呀！

蘋果木煙燻手切牛肉幾特別，所以就叫咗！除咗香濃嘅牛肉味之外，仲多咗一層煙熏香，真係幾有特色

打邊爐咁熱氣飲番杯竹蔗茅根，佢地裝飲品既容器都好有心思呀

今日去左間有隨意門既鋪頭，由機師店員帶我地周圍去😆😆

招牌花膠雞湯鍋 ($398) 一隻
勁大份既花膠扒，仲要有好幾件，店員細心幫我地剪開煮左花膠先，食完飲湯再落雞，湯底好濃好好味😋😋

本地牛頸脊 細份 ($268)🐮🐮
伊比利亞橡果豬 ($168)🐷🐷
豬頸肉 ($58)🐽🐽
肉類擺盤全部都好靚，仲有佢地既名添，手切牛頸脊肉味夠濃好正，伊比利亞豬肥瘦均勻幾好食，豬頸肉就正常口味，擺得好靚既花花🌺🌹🌹

三拼魚滑 ($148)
蟹皇豚肉餃 ($78)
三併魚滑就可以試哂全部款，黑松露味夠香，瑤柱乾貝滑有絲絲瑤柱特別又好味，蟹子蝦滑同其他一樣咁彈牙😚😚

黃金雙併響鈴魚皮 ($98)
兩樣邪惡食物一齊加上香濃既咸蛋黃，整個都勁香勁脆，一上枱就忍唔住偷食魚皮了😛😛

蔬菜拼盤 ($78)
蔬菜款式夠多，食左咁多肉梗係要食返d 草啦🤣🤣

竹蓆茅根 ($68)
用地球儀裝既飲品好特別，咪睇佢細細個，都裝到好多杯，成枱人share 都夠哂😆😆

女朋友想食打邊爐又話好多中式邊爐嘅地方比較舊又唔靚
為咗滿足佢我就上網做下research

最後俾我搵到一間喺銅鑼灣嘅火鍋隨意門

環境乾淨企理而且裝修都幾有特色
同後生女黎都唔會失禮
女朋友比較鍾意食得清淡
所以就嗌咗呢個消暑冬瓜瑤柱浦湯
有好多瑤柱
放係切好嘅冬瓜上面
擺盤非常有心機
愛嚟打卡都得

我就比較鍾意食肉不過女朋友就唔係特別鍾意所以就淨係嗌咗一個牛舌片
到好似一朵玫瑰咁女朋友見到都非常開心
而且個牛舌都幾重牛味我食落口我都好開心

女朋友話我呢排瘦咗
又唔係好夠肌肉所以呢就叫我食多啲豐富蛋白質嘅嘢
所以就叫咗個豆腐俾我
我本身都唔係好鍾意食豆腐嘅
不過佢嘅豆味都幾香唔錯

另外叫多個雜菇拼盤有冬菇金菇同埋菜
d 菇食落好有鮮味

然後就嗌多個伊麵
店員已經將個伊麵出咗水
所以將佢錄落個湯嘅時候都唔會令到個湯便有而且好快就食得
睇得出舖頭非常有心思服務滿分

@hotspot.cwb
#火鍋隨意門 #銅鑼灣 #四國火鍋 #hotpot #隨意門#hotpothk #打邊爐

好高質嘅火鍋店！😍除咗食物超水準外，其裝修具有異國色彩，好似係去咗土耳其、日本同法國等等。 …

Hi all 又係邊爐怪的介紹😎見到朋友去打卡，我又去下先。
.
餐廳主題分兩區，近門口為中國風古色古香，入去係土耳其主題。天花燈係七彩馬賽克燈，盡頭牆身係熱氣球的風景照，四周都係花磚，而枱上擺設如紙巾及牙簽盒都充滿土耳其色彩😍
.
首先黎個九宮格調味料($25/位), 配有小食，涼拌青瓜及酸木耳，酸酸的非常開胃。
.
🟥黑蒜卜卜蜆濃湯鍋 $198🟧
伴著乾冰氣勢登場❗卜卜蜆就見得多，黑蒜湯底非常少見。卜卜蜆份量超多，應該不止30隻，食極都有。而湯底充滿原粒黑蒜，配上少許芹菜，唔會太苦剛剛好的黑蒜味，淨飲湯都得☺而有蜆肉湯底就愈煲愈鮮
.
咁多配料，等我介紹幾樣必食架啦😎
.
✨✨ ！！必食推介！！✨✨
🟨肉類🟩
手切牛頸脊肉 $298🐮
⏩又係 igable 的一道菜，擺盤好靚😍雪花均勻，肉質軟嫩，好濃牛味💯
.
白鱔片 $128🐟
⏩份量雖唔太多，但非常嫩滑及鮮甜，每片帶少少油脂，啖啖充滿魚油香
.
🟦海鮮🟪
桂花蚌拼珊瑚蚌雙拼⏩新鮮鮮味爽脆
.
🟫其他配料🟫
✨餃子拼盤 (10粒) $148🥟
鮮蝦雲吞⏩超級大粒蝦，足料又爽口好食
菜苗帶子餃⏩多菜苗偏向清新
韭菜豬肉餃⏩好香好甜的韭菜味，唔會係臭青味
黑松露蟹肉餃⏩超愛♥好多蟹肉絲勁鮮甜，加上黑松露提昇鹹鮮味
蟹皇豚肉餃⏩呢個都好好食😍亦好鮮甜蟹膏味
.
✨黃金雙拼 $98
鹹蛋黃響鈴拼炸魚皮，新鮮熱辣脆卜卜，香口惹味
.
⬜蔬菜拼盤 $78 🥗⬛
打邊爐一定要有菜，貪心的我揀咗拼盤😆
蕃茄粟米菜菇蓮藕等~應有盡有😎
.
成間餐廳都好靚好 IGable♥下次可以坐梳化位呢好有土耳其色彩架😍記得去或臨走仲可以係門口吊椅打個卡呢！
.

土耳其風裝潢！打卡癮起！
尤如置身異國享用中式火鍋

呢個系列既餐廳，我真係好鍾意㗎！真心推介 ，我回頭左好多次😹食物品質無可挑剔！

所以去咗銅鑼灣分店，叫「火鍋隨意門」！雖然係食中式火鍋，但有分四國主題裝修，分別係中、法、日及土耳其。其中土耳其🇹🇷area最打卡！📷📸

🍀🍀🍀🍀🍀🍀🍀🍀🍀🍀🍀🍀🍀🍀
🌸九格醬介@$25
呢個價錢算係貴，不過勝在衛生多選擇，又打卡，仲有黃瓜、木耳，幾特別！

🌸黑蒜卜卜蜆湯底$198
黑蒜味超濃郁，卜卜蜆一如既往出色，超多新鮮蜆隻，入味又飽滿多汁大隻！（建議唔好滾太耐）🦞

🌸伊比利亞橡果豬$168
估唔到咁高質！比利黑毛豬🐷全以橡樹果實為天然食糧，令豬肉帶獨特榛子芳香，脂肪滲透肉內！亦都出色！ ！

🌸黃金雙拼$98
鹹蛋黃炒響鈴+鹹蛋黃炒魚片，幾乎每枱都叫，終於明白點解！蛋黃直情起沙，味道好濃郁邪惡，個人比較心水炒魚皮😍

🌸花雕雞件$88
建議最後先食，等花雕嘅味道滲入雞件，酒香滿滿。🐔

今日遲咗起身， 去咗銅鑼灣打邊爐， 餐廳位於核心商業區大廈嘅一樓， 我哋叫咗一個嘅湯底，特色卜卜蜆鍋，湯底清甜可口， 蜆肉數量出乎我哋嘅意料， 數目多得驚人， 蜆肉新鮮 上盛， 粒粒齒頰留香，食完啲蜆肉已經有幾成飽。 另一方面餐廳亦都提供咗佢哋自製嘅特式醬汁醬料畀我哋作火鍋嘅佐料，例如青瓜、雲耳、 蒜頭、香蔥、 辣椒、 芝麻同香草， 口感層次分層回味無窮。 喺主食方面我哋分別叫咗幾樣食物， 分別係正宗日本稻庭烏冬、娃娃菜、新鮮菜苗餃、手打芝士牛肉丸同埋醉香花雕牛肉。稻庭烏冬麵條好滑溜， 煙韌度十足， 係打邊爐嘅必備佳品。 而手打芝士牛肉丸係最令人驚喜嘅一款菜式， 手打牛肉丸已經係坊間來講買少見少， 而係牛丸中間加入芝士更加係罕有，呢款牛丸做到好似坊間D流沙食品咁嘅口感，芝士與牛肉配合得天衣無縫，一試難忘。 佢哋嘅花雕牛肉亦相當出色，牛肉事先浸泡花雕酒，洒味滲入牛肉中，牛肉本身十分新鮮，沒有雪藏味，入口美味。另一方面，蔬菜類如菜苗同娃娃菜郡十分鮮甜爽口，而飲品方面，我地叫左竹庶水，飲料裝載在一個圓形的玻璃容器中，以水掣的開關來控制飲料的流出，設計上相當有特色，而且十分衛生，而飲料亦十分清甜！

豁出去漫遊不通知親友🎵✈️
雖然而家冇得去旅行
但係去到火鍋隨意門
都可以隨時隨地感受到旅行氣息！

之前上網見到好多人推介呢度
今日趁住朋友放假得閒陪我去打下卡
入到黎見到呢度分咗四個主題區
分別係日本、懷舊中式、土耳其同法式
每一個主題佢都用上唔同嘅器皿
獨特嘅設計令人置身其景😍😍😍

我哋揀咗土耳其嘅用餐區
牆上印有土耳其獨有的熱氣球風景
再加上各式各樣的土耳其特色裝置
美輪美奐嘅小燈泡 燈光柔和
令人用餐氣氛輕鬆愉快☺️☺️
留意到桌上還用上獨特土耳其沖咖啡杯
盛載著火鍋豉油 感覺非常特別
提提大家呢度嘅醬料費每人係$25
不過都物超所值因為有無限嘅
手拍青瓜同埋日式海藻供應😆😆

我同朋友左諗右諗
終於揀咗香辣豬骨湯底
因為大家都鍾意食辣
加上出邊好少食到香辣嘅豬骨筒骨
嚟到嘅時候果然冇令我失望！
除咗用上乾冰效果有打卡功能外🤣
湯底嘅用料亦異常的豐富
有粟米、蕃茄、香菜和蘿蔔等等
而且湯底唔單止只有豬骨仲有豬手
淨係食個鍋都飽晒 好足料呀
我哋之後仲叫咗少少海鮮，
有沙巴蜆、帶子芫荽丸。
另外花雕雪花肥牛必叫，加埋粉絲、
土豆同羽衣甘藍🥬健康又好味😋
最正係啲肥牛 用少少時間吸入晒花雕香味
湯底碌大概30秒就食得 肉質好嫩好香牛味
最後加埋杯土耳其檸檬花茶
杯身好靚好有民族風格
花香味同埋檸檬🍋清新味道
把口中的強烈感覺一洗而空
打邊爐簡直是人生一大樂事！

朋友仔book左呢間火鍋店位於銅鑼灣，佢餐廳名好得意，叫火鍋隨意門，入面裝修係土耳其風，幾配合到個餐廳名，比個隨意門你去左土耳其。配料其中叫左黑松露午餐肉，出面未見過咁高級既午餐肉，配搭新穎又好味。另外，我哋飲品叫咗竹蔗矛根，好似個地球儀咁樣，太適合打卡啦。

火鍋隨意門 (銅鑼灣)
.
我倆其實都幾喜歡下午打邊爐，食得飽左啲多啲時間消化🤭
一入到去有得揀中式or土耳其嘅裝修，我地就揀坐土耳其🤭
.
▪️胡椒豬筒骨濃湯鍋▪️
.
呢到嘅鍋全部都有特色同 勁 大 鍋！
豬筒骨有四大舊，入面仲有啲豬手仔，西芹，蘿蔔等，超足料
.
配料我地叫左手工丸拼盤，鴨血同羊肉片。
手工丸分別鯪魚，芝心牛肉以及蟹籽鮮蝦丸，芝心牛肉好邪惡好好食😋
鴨血其實都係醜麻辣好食，羊肉好香好耐無食😛🫶🏻
.
飲品叫竹蓆茅根係一個地球上🤭你以為唔多我地兩個每人都有三杯！
.
📌火鍋隨意門 (銅鑼灣)
銅鑼灣堅拿道西10號冠景樓1樓A室

今日約左媽媽去行街shopping，血拼完我地覺得好肚餓就去左打邊爐。
呢間火鍋店充滿土耳其風情，一上到去有位打卡位，入到去見到個熱氣球嘅背景，啊！好想去旅行啊….

招牌花膠雞湯鍋 $298
一聽個名就知道係正嘢啦，店員幫我地剪細塊放入鍋到，建議我地食左花膠飲左湯先，花膠雞湯好濃郁鮮甜，好滋潤，我飲左3碗，飲完立即覺得皮膚靚左咁，之後我地加湯加三黃雞，3分鐘就食得，雞嫩滑多汁。

足料鮮蝦雲吞 $68
大大隻真係好足料，蝦爽口彈牙，皮薄餡靚。

響鈴$68
即叫即炸，店員話可以即刻食，脆卜卜，凍左就放湯一兩下就食得。

手打菠菜豬肉丸 $68
好彈牙，味道唔咸，加左菠菜幾健康。

新鮮粟米 $48

日本稻庭烏冬 $32

招呼好，食品一般，價錢略貴。

惹味黑胡椒卜卜蜆雞湯鍋（$238）
店員在面前點火和炒蜆，即刻食那些肥美的蜆先，再加入湯，就開始今晚的火煱！

四國風情牛肉拼盤（$598）
（A4和牛/手切牛頸脊/陳年花雕牛肉/土耳其香草牛肉）
一次過試晒四款牛肉，手切牛頸脊最出色，牛肉味濃又有口感！

海鮮拼盤（$398）
有蝦、蜆、蠔、扇貝、蟶子及鱔片，非常豐富，最緊要就係夠新鮮！

足料竹蔗茅根（$68）
好鍾意那個地球儀的容器好別緻，份量有六、七杯㗎，最鍾意係味道不太甜。

水蓮菜（$68）
比較少機會可以食到這種菜，口感幾爽脆！

手打蟹子鮮蝦丸（$68）（4粒）
鮮蝦丸口感很彈牙爽口。

野食, 裝修, 甚至碗碟都好靚
湯鍋足料, 蟹皇豚肉餃肥瘦適中, 皮薄餡靚,
竹蓆茅根唔會太甜好清新!

又到「鍋」的季節啦😆 冬天嘅時候真係特別想打邊爐，lunch去打邊爐逐漸變成我嘅慣常動作💁🏻‍♀️ 今日帶條佬食呢間打卡打邊爐餐廳，全因為佢哋啲擺盤真係好靚🤩 好中式好霸氣，啱哂我呢啲鍾意打卡嘅人士😎

叫得隨意門，就係想帶食客喺視覺上感受唔同國家嘅氛圍，一入門口就會見到個充滿土耳其特色嘅打卡位。餐廳室內裝修以四個國家作主題，分別係土耳其、日本、法國同中國。我就揀咗中國主題用餐區，入面有木屏風作裝飾，配以木枱櫈及灰色磚牆，好有古代客棧feel🎋 其餘三個區域都各有特色，喺燈飾、餐具上都盡顯心思。

♥ 醬介 $25pp.
一坐低店員就會遞上九宮格醬料，有醬油、炸蒜、蒜蓉、蔥、芫荽、辣椒、芝麻及自家製乾蔥油，自家製乾蔥油好香🤭 加少許令醬油生色不少。另外其中一格係小食嚟：涼拌麻辣木耳，唔算好辣，幾開胃。

♥ 消暑冬瓜瑤柱濃湯鍋 $188
呢度湯底有14款，款款都好吸引，款式會定期轉換。今次我揀咗「消暑冬瓜瑤柱脯湯」，一上枱就已經覺得好抵叫！湯底係每日新鮮熬製嘅雞湯，好滋補😚 入面有個巨型冬瓜，好似冬瓜盅入面放咗好多配料去提鮮，有雞肉、瑤柱、粉絲、蟹柳、蝦🦐 非常足料，完全係值回票價！店員仲會幫你將冬瓜切件，令冬瓜更快熟之餘，食起上嚟更加方便😉

♥ 手切本地牛頸脊 (細) $268
佢哋呢度啲擺盤好有特色，好有古色古香嘅中式元素🤩 店主堅持人手切片，手切先可以保留到牛肉嘅筋，口感更佳，佢亦切得工整，做到每片厚薄適中👌🏻 牛頸脊脂肪較少，唔會太肥，肉味濃厚夠多肉汁，鮮嫩有彈性。

♥ 伊比利亞橡果豬 $168
擺盤同樣有心思，好似藝術品咁！伊比利亞橡果豬望落去有好似大理石紋嘅油花，肉質肥美軟滑，肉味濃郁🐷 配埋個湯底令肉味芳香更為突出，令味道更加昇華！🙊

♥ 足料竹蔗茅根 $68
呢個足料竹蔗茅根用透明地球儀器皿裝住，好啱打卡！地球儀有個開關可以自己斟嚟飲，不過記得飲完記得關返水喉😂 如果唔係就好浪費啦～ 竹蔗茅根分量多，幾抵飲！甜度啱啱好夠冰凍，清熱下火又可以滋潤吓喉嚨🍃

——————————————————

個湯底真心正，好足料又可以食粉絲😏 打完邊爐之後都𢳂咗好多湯嚟飲，湯底變得更濃更鮮甜🤤 環境裝修及擺盤方面好有創意，好適合打卡📸

銅鑼灣特色火鍋店之火鍋隨意門
近年好多不同裝修主題嘅火鍋店出現，好似今次去呢間位於銅鑼灣嘅火鍋隨意門，用左旅行作主題，呢次我哋去咗土耳其風情，讓人有種置身土耳其嘅感覺。
黑白滷水鴨血濃湯鍋：呢個鍋係鴛鴦鍋，一邊係黑滷水另一邊係白滷水。黑滷水用左花椒桂皮三十幾種香料熬製而成，味道濃而不咸，而白滷水就用大量嘅骨料熬煮，再加上天然海鹽作為調味，層次極為分明，湯內嘅鴨血每日新鮮製造，入口嫩滑，口感獨特，吸收哂滷水嘅精華，好好味。
黃金雙拼：即係鹹蛋黃炒響鈴同埋鹹蛋黃炒炸魚皮。響鈴同魚皮都係即叫即炸，再加埋濃郁香味嘅鹹蛋黃炒製，上檯嗰陣都係熱辣辣脆卜卜，就咁即食又得，酥脆無比，亦可以放落湯底等魚皮同響鈴索哂湯汁，令到味道變得更加豐富。
陳年花雕牛肉：用左上好嘅陳年花雕浸醃嘅牛肉，上檯都經已聞到陣陣嘅酒香，煮完酒香仲濃，加埋湯底嘅味道，令到牛肉嘅肉味更加突出。
#likes #likesbackalways #likeback #followbacknow #likesforlike #follow4followback #followforfollow #tagsforlikes #folloebackinstantlyu #wwhkfood #ufoodhk #delicious #yummy #hkfoodie #foodporn #hkfood #foodie #foodporn #foodlover #foodkiller #foodpics #ufoodphoto #hkig #foodphotography #美食 #相機食先 #食好西 #吃貨 #photooftheday #大口仔在銅鑼灣

裝修環境靚，但太貴而且份量少

靚靚牛肉拼盤

呢一間人氣臺式火鍋店，最近都好Heat❤️今晚同朋友嚟打邊爐，牛肉拼盤真係好靚又好好食，🥰鍾意食牛肉嘅你一定唔可以錯過。
.
佢哋嘅菜式都好啱打卡🤓因為擺盤得好靚，店員非常之用心，試咗牛肉拼盤，🥩入邊有多款牛肉可以選擇，🐮而且望落都都好新鮮，鮮紅色的色澤，已經好吸引，油花分佈均勻，唔會太過瘦身得嚟，又唔會太過肥，🥢所以打邊爐真係最啱。
.
食材夠新鮮，味道自然好。😎將牛肉放係湯底入邊滾一滾，🤩鮮滑嘅口感，實在太正。

今次和朋友去了一間相當出色的餐廳。事關我和朋友很想去吃火鍋，而經友人的推介，我們便決定了去位於銅鑼灣的火鍋店。該餐廳名為火鍋隨意門。一進入餐廳的環境，我認為相當舒服，不但位於寬敞，而且裝修也充滿美感。當天我們吃了相當多的美食，首先我們吃了很特別的鹹蛋黃響鈴。鹹蛋黃的份量相當足夠，而且味道也很濃烈，絕對是很不錯的頭盤。接著想向大家介紹的是手打芝心牛肉丸。這份牛肉丸相當有驚喜，除了牛肉丸有咬口外，芝士在肉丸內是超級足夠的！還有新鮮的鵝腸，絕對是我吃過最有口感的鵝腸，相當爽口，真的很明顯感受到是新鮮的。最後想向大家介紹重頭戲，極上手切牛肉拼盤，內含相當高質素的牛肉片，包括了牛的不同部位，不得不說，真的是整份拼盤也相當高質素。現在想起也有點留口水，誠意向大家推介這間餐廳！！

上完樓梯後，第一眼就看到充滿異國風情的士耳其裝飾就知道到了火鍋隨意門，內裡裝修很用心分為士耳其，日本，法國，食火鍋都好似眼睛去旅行一樣

▫️黑蒜卜卜蜆濃湯鍋
剛到時看鍋中沒有太多蜆有一點點失望，開始食時才發現原來是鍋較深所以表面睇唔到蜆，用湯勺一勺，超多蜆！可以話係由頭食到落尾都仲有

▫️手切頂級牛頸脊
▫️珊瑚蚌
▫️牛栢葉
▫️鬼馬油炸鬼
▫️新鮮菜苗帶子餃 （推薦🔝)
▫️蔬菜拼盤
▫️足料竹蓆茅根

整體食物質素都係高水準～如果鍾意打咭的朋友仔唔好錯過，每一款配菜上菜的方式都非常霸氣😂

–
火鍋隨意門 🚪

秋天要來了🌬️
亦都代表著火鍋既季節要開始啦！
（雖然對林芝蓮黎講 春夏秋冬都可以打邊爐的）
換句話講 姐係可以再打多啲邊爐🍲🍲🍲
所以我而家都著手去explore 多啲火鍋了

今次搵呢間 其實係因為畀個名吸引左
去到餐廳果然同名一樣 好似用隨意門去左土耳奇咁
一入門口就有晒土耳其既裝飾 道具去打卡
而餐廳就用唔同設計風格做zoning
前半部分係宮廷式 後半部分係土耳其風
宮廷式會有用到古式屏風 同吊燈
土耳其式就會用到中東pattern 同花磚
好少可會見到一間火鍋店會咁特別！

首先：九宮調味格 （$25/pp)
想講乾蔥油好香 一定要落！
當中仲有2款開胃菜
麻辣涼拌青瓜 + 酸辣黑木耳

🍲黑蒜卜卜蜆濃湯鍋 （$198）
近排對卜卜硯湯真係好沉迷
好想試晒唔同組合既卜卜硯湯
而黑蒜做火鍋湯底真係好少見
湯底非常足料 海量既硯 原粒黑蒜
好多西芹同芽菜 去滾個湯底
真係好正 🤤🤤 係開始落肉前
同同行友人都已經飲唔住飲左幾碗
而啲硯係食極都有😂😂 又啖啖肉！
黑蒜味岩岩好 所以可以同時食到硯既鮮味💓

🥩手切本地牛頸脊- 小（$268）
賣相真係得輸😂 好霸氣 又 igable
肉質都係厚身 脂肪相對地少啲
所以牛味非常香濃 好正！

🥩秘製清酒牛肉（$148）
呢個唔錯呢！ 店員會係上菜時先倒清酒
浸大約5分鐘就可以去淥淥佢
肉質厚身 幾有咬口 脂肪分布平均
非常吸收到清酒 食落有陣陣清酒香
好夾 真係好好味💓💓💓

🥟黑松露蟹肉餃（$68/4隻）
真材實料！ 啖啖蟹肉 份量好有誠意
黑松露味香濃 非常可以！ 讚喔

🥬萵筍 （$42）
正常萵筍 配火鍋必點的

🦆南京鴨血 （$68）
爽口好食既 但都係岩配麻辣鍋多啲！

🥔薯粉 （$32）
份量超多 可以每人食到3碗

🥤竹蔗茅根 （$68）
第一次飲竹蔗茅根都可以咁打卡
大約飲到6-7杯 真材實料 又唔會太甜

整體黎講
環境周圍都好打卡 擺碟都係 好igable
食物質素都相當唔錯 樣樣都好足料
中意呢度啲肉都係厚身 唔會偷工減料咁
嗌得唔多 但真係好飽肚🤰
會想下次再黎試埋其他 同食多次清酒牛肉💓
–
📍火鍋隨意門
銅鑼灣堅拿道西10號冠景樓1樓A室
–
#lamchelin
#lamchelin_hotpot
#lamchelin_cwb

終於約齊朋友食呢間人氣火鍋店！火鍋隨意門裝修好有心思，有日式、土耳其、中西、法式四個區域，當晚平日上到去都爆晒棚。
我地叫左招牌花膠雞湯鍋(半隻雞$298)，湯底金黃色香噴噴，花膠好多好大塊，食落滿滿骨膠原，雞肉都新鮮嫩滑，眼見四圍嘅客八成都係叫呢個湯底。
手切A4和牛(大$428)
朋友生日就豪一豪去，乾冰效果吸睛，A4和牛油脂分佈平均，切得大塊，涮幾秒鐘就食得，油香味十足，A4又唔會好似A5咁油，十分適合打邊爐。
黃金雙拼($98)
即係鹹蛋黃炒響鈴同鹹蛋黃炒炸魚皮，鹹蛋黃香味十足，就咁趁熱食最好，炸魚皮仲帶有鹹香味，十分推薦！
下次要叫埋佢其他嘅湯底～

火鍋隨意門

門口係熱氣球既牆紙, 加埋彩色玻璃馬賽克燈同吊椅絕對係打卡位 (最後張相)入面環境闊落都幾好坐, 佈置同餐具等都係土耳其風幾花巧. 後來先知原來除左土耳其風, 入面仲有日本、法國同中國themed.

麻辣卜卜蜆濃湯鍋 $198
Spicy Clam Soup
幾足料頗多蜆, 麻辣香味都幾出, 湯底較油膩. 其他湯底選擇都幾多, 有牛乳鍋、花膠鍋、芝士龍蝦鍋等.

黃金雙併 $88
Deep Fried Bean curd Roll & Roll Double Combo
鹹蛋黃嘅炸魚皮同響鈴. 即叫即炸,  炸魚皮比較厚身, 咬落非常香脆帶邪惡鹹蛋黃香味, 唔使碌就咁已經好食.
響鈴嘅鹹蛋黃都多, 不過唔係脆身, 加埋湯底味好似較複雜. 比較喜歡單食炸魚皮. 份量略嫌少左d, 得三條響鈴同五塊炸魚皮.

手切頂級安格斯牛肉 細 248
Premium Angus Beef
份量比想像中少, 薄切有點碎, 輕輕淥一淥就食得. 入口都嫩滑帶牛肉香味. 不過叫一碟同朋友每人食到2至3薄片唔多夠喉

足料竹蔗茅根 68
Sugar Can and Impetrate Drink
甜度適中, 裝飲品嘅好似地球儀咁可以轉動, 自行扭開開關口斟飲料, 都幾特別. 份量都正常有六七杯

秘製清酒牛肉 $148
Beef Sliced with Sake
幾特別, 每片都被酒醃得入味, 肉質亦更軟化. 牛肉脂肪比例平均肥瘦勻稱, 肉質細嫩, 即使煮熟仍帶有淡雅微醺酒香

新鮮蟶子皇198
Razor Clam
4條比想像中少, 不過每條都好新鮮大條, 入口鮮味

蟹皇豚肉餃 $78
Kurobuta Pork and Crab Dumplings
餃子皮薄滑, 內餡紮實呈橙黃色帶蟹膏香

手打丸拼盤 $148
Handmade Ball Platter
自家製, 包括菠菜豬肉丸、鯪魚丸、芝心牛肉丸、 蟹籽鮮蝦丸及黑松露墨魚丸,
比較突出芝心牛肉丸, 中間軟滑流心芝士芝味幾出, 加埋辣湯底不會膩. 黑松露香味淡淡的, 都食得出.

蔬菜拼盤$78
Mixed Vegetables Platter
款式都幾多。有生菜、蕃茄、粟米、蓮藕片同油麥菜等等

另收每位25醬料費. 整體好坐, 食物ok不過定價都唔平, 想食飽建議叫番d 澱粉質墊墊肚.

去土耳其 打邊爐!?

🥘 10年前去過土耳其卡柏多奇亞，今日重遊’舊地’ ，見到餐廳牆壁貼上氫氣球及奇石林的牆紙 ，加上具土耳其特色的馬賽克吊燈， 這一餐火鍋，食得特別有回憶，有滋味。

🐔 花膠雞湯鍋 $298
花膠雞湯是餐廳的招牌湯底，用上三黃雞，淆製3小時，雞湯非常鮮甜，雞味濃郁。侍應建議先飲半碗湯，然後才開始打邊爐。花膠好大塊厚身，大過一隻手掌，侍應喺面前將佢剪成細細片。侍應提示雞已經是半熟的，所以淥一陣便可以食， 可以保持雞肉嫩滑。

🐟 脆肉鯇魚 $88
性價比高。腩位爽脆厚身，件數幾多，好食。

🐽 黃沙靚豬潤
真係幾靚，顏色粉嫩，相當新鮮和嫩滑，仲好大碟，豬膶係我的至愛。

🐮 醉花香雕牛肉 + 骰仔牛肉粒
打邊爐，必然要點牛肉啦，牛肉片鮮嫩，配上杞子和花雕酒，可以帶出牛肉的滋味。
牛肉粒好有牛肉香味。

🍡 黑松露墨魚滑 + 蟹子蝦滑
質素相當唔錯，黑松露好香，所以老公追加黑松露墨魚丸，同樣彈牙好食。

🥟 鳳尾鮮蝦餃 + 蟹王豚肉餃
餃子又係另一亮點，非常大隻，其中鳳尾鮮蝦餃，係原隻蝦。

🍺 啤酒任飲 $88 package
打邊爐配啤酒，簡直係不二之選。$88 任飲，這個價錢，真係好抵，舒爽暢快。備註，任飲package 要全台人一齊飲。

🫕 餐廳的食物相當大份量，食得飽飽，加上佈置有特色，好啱同朋友一齊傾偈吹水，講下次去邊度旅行。

喺土耳其國度打邊爐😂
土耳其燈好靚🥰! 門口店內充滿打卡位🤭～
卜卜蜆鍋鮮甜😋～～牛肉拼盤有內涵!! 餃子飽滿👍🏻 …