隨變火鍋(As You Like Restaurant)

驚人的川式雞肉火鍋！和當地人一起去，因為他們的菜單是中文的。

我在香港最喜歡的火鍋店👍🏻👍🏻👍🏻👍🏻👍🏻

以雞肉火鍋而聞名，實際上是將半隻或整隻雞烤成肉湯。在繼續添加其他火鍋項目之前，您可以先吃嫩多汁的雞肉塊。不像美式火鍋，不需要做醬料。無論你在鍋裡煮什麼，都會散發出肉湯的美味。您點單點菜，如果願意，可以在 4 人之間分享一鍋，或者每 2 人分享一鍋。必須嘗試的是炸魚皮，簡單地蘸上肉湯，趁著還脆脆的時候立即食用。在美國沒有多少美國人點這個，但我聽說它在香港很受歡迎和普遍。肉湯非常濃縮，比一般的湯濃稠，服務員會經常來加湯，這一點總是很受歡迎。雖然我會因為它的新穎性和獨特性而回歸，但我的味蕾和習慣卻懷念典型火鍋中的蔥油沙茶。

明月山，武功山空氣清潔，上山須然辛苦，但都不枉此行！🙂😊😃 …

呢間隨便味道同佐敦嗰間無乜分別～
但環境同位置都比佐敦好～港島區嘅朋友有福喇～
唔洗過海都有隨變食喇～
臨走仲見到原來10點後宵夜時段有85折優惠
下次再同朋友嚟食宵夜場先～

約左朋友食飯，兩條佬去打邊爐吹下水的確唔錯。搵左間有串燒有火鍋既，去到先發現可以食埋雞煲。

坐底既時候比佢包紙巾吸引左，好少見咁好會提供Tempo。

燒手工雞皮，又脆又軟，咬緊既時候仲會有啲油出返黎，並唔係乾哂。
孜然牛肉串，好香孜然味，肉都好腍又有肉汁。

回味香辣雞煲，我地只係叫左微辣，廢事太辣飲好多野。雞都滑，食胸都唔會太嚡。湯都好濃好夠味。

奇脆炸魚皮，就咁食都脆，浸一陣湯索埋啲湯更加好味。

鮮爽黑柏業，好大塊，煮完無乜縮水而且好爽口。

頂級手切牛頸脊，雪花紋路好靚，食落好腍好香肉味，手切當然係唔同啲。

不可錯過手工雲吞王，多蝦好足料，成粒都好飽滿，皮仲要夠薄。

棍打牛筋丸，好彈牙，多汁同有牛味。

睇完tbb個節目講到好吸引所以過嚟試下
麻辣雞煲-叫咗大辣，本身都食得辣所以覺得okay，麻味都好夠, 但愈煮愈辣，，如果唔太食得辣建議小辣或中辣。至於雞方面好滑，加分。

另一加分位係三色丸；鹹蛋黃豬肉丸，黑松露蝦丸同鵝肝墨魚丸，排名分先後😂豬肉丸真係好好食。

以呢個價錢對比食物質素同服務我覺得係合理，見到有人話服務差，但我地晚上10點幾去到唔算太忙個個同事都好nice，下次再食雞煲都會過來食😋

環境不俗，服務貼身，食物水準平穩，旺區服務時間至深夜。

雖然下星期就立秋，但天氣仍然十分炎熱，出街走一轉已汗流浹背，不過亦無損兩口子吃火鍋的意欲。 說起火鍋，其實香港真的有不少選擇。最近友人就推介我一試位於銅鑼灣 V Point「隨變」嘅雞煲火鍋，據說店裡的雞煲，口味眾多，而且客人仲可以自選辣度，由大中小辣，以至微辣、不辣都有，變化多端，實有一款啱我口味。

餐廳環境企理闊落，開揚寬廣，空間感十足，而且窗邊座位更可以飽覽到維港景色，居高臨下享受美食，實在令人心曠神怡！除了主用餐區外，餐廳還設有吧檯位，據店員稱，這裡同樣可供食雞煲、串燒及飲生啤，同三五知己來嘆番杯，邊食邊傾，超有氣氛。

先揀鍋底，店裡的雞煲，花款果然非常之多，除了麻辣、香辣、酸燙豬肚雞煲等之外，還有原味清湯、鮮茄濃湯等可供選擇。另外客人亦可以揀「乾鍋」做煲底，食完乾鍋後，更可免費選擇精選湯底一個，用來打邊爐。

由於兩口子不大吃得辣，所以我哋揀咗個養生雜菌雞煲，而配料方面就點了頂級手切牛頸脊、脆鯇腩、即炸響鈴卷、鮮冬菇、唐生菜，另外再加咗飲品同兩串串燒。落好單後，就可以自行外出「混醬」，檯上放有近 10 款醬料，喜愛邊款，大可自由組合。

返回座位後，雞煲同串燒都已經送上。先吃串燒，點了燒鵪鶉蛋 ($18) 同燒雞腎 ($30)，兩款都揀咗微辣，估唔到原來都幾辣，不過食落非常香囗，鵪鶉蛋一咬即爆出豐饒蛋黃；而雞腎亦爽身有嚼勁，味道辛香。

養生雜菌雞煲 ($168/半隻)，這款雞煲同平時食開嘅雞鍋有點不同，以湯鍋形式登場，而且湯底用咗大量菇菌熬製。湯頭非常清甜，雞肉嫩滑有雞味，加上淮山和雜菌等，味道極鮮。

火鍋料方面，先吃老公至愛的手切牛頸脊 ($198/小)，牛肉色澤非常吸引，油花分布細密，而且每片的肉脂都平衡得恰到好處，入口鮮甜軟滑，灼熟後牛味依然濃郁，軟腍又不失咬口，食味相當不俗。

另外脆鯇腩 ($78) 亦很有水準，切得大件又夠厚肉，味道非常鮮美，肉質緊實爽脆，入口仲帶點魚油脂，但又滑而不膩，相當味美。

即炸響鈴卷 ($32)，響鈴卷是每次吃火鍋必點之物，這晚當然亦不例外。響鈴新鮮即炸，上桌時仍熱辣辣，入口香脆鬆化，放在湯鍋內3秒就食得。

另外仲點咗鮮冬菇 ($20) 同唐生菜 ($23)，冬菇厚肉大隻，入口爽身又滿有菇香，而唐生菜亦翠綠爽甜，絕對是打邊爐之選！

這晚所點的火鍋料款式雖然不算多，但整體來說食材頗具質素，由雞煲、火鍋配料，以至串燒都非常美味，加上環境舒適自在，店員服務亦殷勤有禮，完全感受到店家的用心經營。

服務好味道不錯價錢合理，會再回來

服務態度很好，雖然弄掉下單紙，但會發現客人沒東西吃，會上前問下是否需要點嘢，知道同事先前沒有為我們落單，即時請我們重新點菜，食物很快送上。

呢度有雞煲、火鍋, 仲有即烤串燒, 一次過滿足三個願望!

雞煲、鍋物、湯底選擇都幾多元化, 我地就揀左個雞煲, 食完就可以即打邊爐!
醬油每位HK$15, 係自助區自由混醬, 仲有一款冷盤小食任食–鹵水蛋絲, 鹹鹹地都唔錯!
每張檯都會提供一包Tempo, 果然係細心!

【隨變麻辣雞煲(半隻)】 HK$198
雞煲可以自選唔同程度既辣, 我地就揀左bb辣~
雞煲上檯, 發現入面賣相同其他地方好唔同, 雞煲中已經有湯底, 唔係平時食完雞再加湯果種, 本來擔心雞件味道會因浸住而水汪汪, 但雞件出奇地入味, 味道唔會過濃, 而且肉質仲好滑tim! 為免over-heat影響肉質, 滾起後我地就夾哂上碟, 半隻雞, 份量都夠兩個人食~

【美國安格斯肥牛(小)】 HK$158
肉質鮮嫩, 牛脂跟肉比例平均, 入口很有肉味, 唔會太油

【招牌手打蝦丸(4粒)】 HK$48
手打蝦丸非常彈牙, 味道鮮甜, 有蝦既碎粒, 唔錯!

【手工雲吞王(份)】 HK$32
雲吞皮薄餡靚, 雲吞入面有甜甜地既豬肉外, 有幾隻細細隻蝦仔, 鮮甜爽口, 真材實料!

【白鱔片】 HK$128
鱔片切得薄, 質地偏林, 有好多幼骨, 食既時候再特別小心

【海膽流沙丸(份)】 HK$32
略為彈牙, 唔算流沙, 中間既海膽都半凝固了….

最後送上雪糕糯米?做甜品, 完美~

與別不同既雞煲出奇地好食, 部份火鍋配料都幾高質幾足料, 今晚個胃有限, 下次再黎試埋串燒先!

愈辣愈過癮的四川麻辣風味

交通 港鐵銅鑼灣站 C 出口, 向左走見波斯富街時，轉右走一街口再轉左，沿謝斐道直走，過了馬師道天橋，再往前走於左邊會找到快添大廈

香港人吃火鍋不分四季，除了港式火鍋之外，近年興起吃四川重慶風味的麻辣雞煲。「隨變」的靈魂人物老闆文姐開店前親自前往四川拜師學藝，成功學懂正宗重慶的獨有麻辣調味配方。店名叫「隨變」，但不是做事馬虎的意思。「隨便」的意指食客可自由選擇吃辣的程度。獨有的麻辣用上16種四川香料熬湯而成，麻辣味鮮活且愈久愈辣，吃完麻辣雞必要再點一些火鍋配料同吃，雞子、鵝腸、雞腸、手打牛筋丸、有機腐竹等都是必吃的，但千萬不要忘記叫些能夠多吸辣汁的如冰豆腐等，吃得雙唇發麻又過癮！

遊玩鐵則
怕辣的也不用怕，由中醫師調配，甜甜的藍莓花果茶可馬上解辣解渴

飲食豆知識
麻辣雞煲據說源自中國四川重慶，湯頭用當歸、桂皮、蒜頭、紅洋蔥、芹菜、芫荽等十六種材料炒香再熬製而成。吃麻辣雞煲應先吃雞，後再加入清湯作火鍋用，美味的雞煲應麻香及辛辣味並重，不過份油膩，雞件肥美，連配料也入味可口，加湯後打邊爐更是精髓所在。

居高臨下，咁靚環境下，享受了一頓美味午餐。

中午沸騰酸菜魚套餐
兩人套餐只$168，有此質素，認真推介。
酸菜魚鍋非常吸引。滾下滾下，魚肉吸收到酸菜鍋的精華，滑溜。
配菜有酸菜，芽菜，豆腐，材料豐富。
響鈴應該是自家製，不油膩，滋味！

四款丸各具特色，有三星蔥貢丸，芝士丸，海膽丸，芋頭泥包心貢丸。
芋泥貢丸有驚喜。
四款餃子餡料十足，有芹菜木耳餃，粟米蓮藕餃，韮菜餃，魚皮餃。

另有冷盤蒜茸青瓜，清爽有嚼口。
萵筍少少微辣，爽脆。
還有成都出名小食冷串串。
雞腎，萵筍，木耳，牛舌。

另有兩款燒物，燒墨魚丸彈牙。雞軟骨有𡁻口。

價錢合理食物好吃

好好味，抵食

隨變火鍋 主打四川重慶風味的麻辣雞煲。「隨變」的麻辣由獨有的四川香料熬湯而成，食客可自由選擇吃辣的程度。
聽店員說老闆曾自前往四川拜師學藝，成功學懂正宗重慶的獨有麻辣調味配方。由初時的
16種香料，不斷改良至現今60多種香料配制的口味，令食客一試難忘。
另外，滋味花膠雞煲也是餐廳的招牌菜，黃澄澄的雞湯看似油膩實則鮮美潤喉，滋味十足；雞肉嫩軟，火鍋料都還沒上桌，雞湯就喝到半飽，肉快被清光了。
餐廳的串燒也是必吃的菜品，每件食物醃制非常惹味，加上少量孜然粉，做得非常野味，是左酒美食！餐廳環境寬躺，吃風味菜之余也可嘆維港夜景，這類型餐廳不容易找

火鍋餐廳, 食物合潮流 !
在銅鑼灣剛找到火鍋 好去處. V Point 樓上23樓. 隨變火鍋. 主打合潮流食物: 雞煲, 火鍋, 串燒, 乾鍋. 餐廳面對維多利亞港. 一邊吃一邊欣賞香港維港夜景. 好難得! 座位舒適, 燈光顏色和諧. 店員招呼好.

餐牌有隨變推介, 海產剌身, 肥牛….活龍蝦餐, 極豐富. 精選食物不少. 還有雞煲單鍋, 雞煲鴛鴦鍋多款, 味道選擇由 大, 中, 小辣, 不辣 都得. 店員又介紹火鍋配料同串燒.

如果要招呼愛飲酒朋友, 這餐廳酒品選擇頗多. 有烈烈茅臺酒, 也有純純啤酒.
大家 happy, 我們叫了啤酒先啤一啤. 飲品牌內, 除了啤酒外, 還有汽水及清熱飲品.

火鍋點了小辣細雞窩, 約 15 分鐘, 雞煲 送到, 店員話一滾即食. 窩內有半隻雞,
打開煲蓋, 熱辣辣, 香辣味濃 , 份量大, 足半隻雞, 滿滿芫茜, 洋蔥, 蒜子, 大蔥, 薑片伴住, 顏色氣味也好吸引. 雞肉肥美, 數量不少. 肉質稔滑, 有雞味.

醬料醬油好齊備, 有辣, 又有蒜香. 最重要是…..整潔衛生.
食火鍋, 必叫蔬菜. 唐生菜, 份量適中, 新鮮翠綠, 入口爽脆, 灼一灼即食.

四寶丸拚盤, 各款兩粒
三星蔥爆漿丸: 口感豐富. 調味甚佳, 好食.
棍打牛筋丸: 牛味香濃, 食得出有牛筋, 香滑爽彈, 必食.
芝士墨魚丸: 滿滿芝士內餡, 墨魚丸爽口彈牙, 鮮味十足.
鯪魚丸: 魚味鮮甜, 好滑口.

四寶餃拚盤, 餃子好大只, 肉饀滿, 皮夠薄又滑.
,鮮蝦雲吞: 入面有鮮蝦肉！食落有好似食緊蝦餃. 好足料.
魚皮餃子: 材料正, 餃皮魚味香濃, 厚身爽滑.
鳳城水餃: 內餡飽滿, 有鮮蝦, 爽口木耳絲, 味鮮甜.
韮菜餃: 韮菜餃多汁, 好紮實, 吃得健康.

串燒鱔 好香, 魚皮燒得香脆, 肉厚又嫩滑, 火喉控制得不錯, 必食.

食火鍋之餘, 送上冰凍雪糕雪米糍. 涼冰冰, 味清甜, 好滿意.
.食材新鮮, 足料, 價錢吾貴, 店員服務勤快, 不錯.

今日收工，相約喺銅鑼灣返工嘅朋友一齊食飯，朋友話近排凍返啲不如打邊爐🍲，上網見到呢間火鍋店環境裝修非常新穎，坐窗口位仲可以望到維港景色，決定一於過嚟試吓

✨ 酸燙豬肚雞煲（半隻）$238
唔想食咁辣，所以唔想食咁辣，所以酸燙豬肚雞煲係最好嘅選擇，我哋叫咗微辣，湯底酸菜味好重，就算當湯飲都唔會好重味精，湯底仲有大量豬肚，蒜頭，豬肚炆到好淋好入味，主角當然係個雞啦，雞肉嫩滑，唔會有雪藏味，就算滾耐左，雞肉依然咁嫩滑

✨新鮮滑牛$118
整得滑牛，當然要對牛肉質素好有信心先敢整，牛肉經過醃製，非常嫩滑，比起美國肥牛，鮮牛肉更值得一試

✨四色餃子拼盤$68
分別有魚皮餃，雲吞，韭菜餃，芹菜木耳餃，全部餐廳新鮮手包，非常足料，韭菜好香，雲吞最矜貴，裏面嘅蝦肉大大粒，爽口彈牙，芹菜餃好特別，木耳好爽脆

✨脆晥腩片$78
脆肉鯇有分厚切同埋薄片，肉質結實，清爽，脆口，腩片嘅部位油脂感突出，係最好食嘅部份，一啲魚嘅草腥味都冇

✨隨變粉$28
質感有啲似烏冬加薯粉，滑身又好煙韌，吸收晒湯底嘅味道，一流

隨變火鍋
地址: 銅鑼灣登龍街18號V Point 23樓
電話: 28912787

乾鍋與火鍋的美味邂逅

今晚我約了朋友去依間打邊爐聚餐。這家店位於高層，可以欣賞到夜景，而且店內空間寬敞、環境乾淨整潔，讓人感到舒適且時尚。這裡的特色是既可食乾鍋又可打邊爐，而且現在有優惠，選擇乾鍋還可以免費獲贈精選湯底。此外，還有刺身、串燒、小食等多種選擇。

乾鍋醬汁蠔 $308
乾鍋好有鑊氣，鍋裡有十隻蠔，肉質飽滿，搭配特製醬汁格外惹味。配菜有洋蔥、椰菜花和年糕口感好軟糯，味道豐富。

酸菜湯底 $0
是我們選擇乾鍋時免費獲贈的，味道酸辣開胃，飲啖非常暖身。

手工雲吞王 $38
雲吞皮薄餡料飽滿，特別是蝦仁非常新鮮。

手工韮菜餃 $38
韭菜味道濃郁，皮也很薄。餡料好足料，口感細緻。

真花甲 $88
味道鮮甜，口感爽口，花甲也非常乾淨沒有沙粒。

即炸響玲卷 $58
炸得金黃，外脆內軟，不會太膩。

甜品 $0
每人一粒雪米糍，非常滿足。
服務
內用
餐點類型
晚餐
平均每人消費金額
HK$250-300

食友邀約中午在這雞煲火鍋店，一面欣賞港海景色，一面圍爐食雞煲😀

這樓上店位於高層，外望開揚海景，侍應介绍不同招牌煲及乾鍋外，亦推介新推燒烤串燒菜式

先點冷菜小食:
涼拌萵筍，留蔴香而走辣，萵筍切絲，入口爽脆，醒胃前菜😋

天氣潮濕，主菜選定了新鮮清潤的:
原味清湯雞煲(一隻)，甘香清湯底内放雞件，配菜有洋葱，青椒，葱頭，實而不華的一個雞煲，煑滾後芳香四溢，雞肉嫩滑，鲜肉味足，用料到位😋👏

食罷雞煲，意猷未盡，見湯頭味更濃郁，决定追加火鍋佳品，牛及羊肉，继續下回火鍋:
新鮮滑牛肉，手切滑牛肉，刀工正纹路，牛肉新鮮，入口軟滑，毫無硬韌感，沾上鮮味雞湯底，牛肉味更現😋

羊卷肉，急凍羊肉薄切畧帶脂肪，放鍋内快拖，馬上離火速食，口感爽嫩，比滑牛又是另一種嚼勁😋

悠然的一次隨变雞煲+火鍋👏👏
服務
內用
餐點類型
午餐
平均每人消費金額
HK$300-350
餐點：5
服務：4
氣氛：4