九龍城同撈同煲（銅鑼灣店）(Happy Together Hotpot - Causeway Bay)

好味

朋友介紹呢間火鍋店主打係各款特色同養生湯底，足料味濃不欺場。店名叫「九龍城同撈同煲」，一睇就知發跡於九龍城，再擴充業務至銅鑼灣方便我呢類港島工作既客。火鍋店設計以6、70年代舊香港為主題，餐廳播住經典懷舊金曲，四處都係打卡位，賣既係昔日老香港感覺。
.
火鍋料選擇好多，除左火鍋料，仲有海鮮、刺身供應。
.
冬甫美人鍋 $198
見各款湯底價錢唔太貴以為都係普通一個冬瓜湯底，結果真係太睇少佢。呢個冬甫美人鍋原來係雞湯底仲有足半隻雞，加上大冬瓜、花膠、桃膠、瑤柱、竹笙、蟲草花同紅棗。影完相後，服務員會幫手將雞件同冬瓜剪開，飲湯後先開始打邊爐。大大煲滿滿料，以呢個價錢計性價比高。
.
特級手切牛(小) $308
餐廳提供多款不同牛肉選擇，可以選擇小或大份。揀左級數接近最高既特級手切牛，牛肉雪花紋理好靚確實係高質素貨色。份量不算少。
.
老友鬼鬼 $68
原來係小食，全熟可以即食，油炸鬼配黑松露墨魚滑，香脆惹味。
.
梅菜豬肉丸 (半份) $48
手工丸子試左喜歡既梅菜，梅菜味可以再濃一點更好。
.
豬腰 $58
唐生菜 $38
杞子圓肉菊花茶 $28
.
懷舊糖不甩
埋單後服務員送上兩款甜品話係餐廳送既。其中一款係錦鯉糖不甩。店員幫我地開番火話要先加熱條錦鯉，我地傻傻下望住佢心諗：鹹既火鍋湯底整甜品？下一刻見住條屬於甜品既錦鯉係湯入面游水，覺得好新奇。其後服務員幫我地將軟左既錦鯉剪開再混合花生糖碎一齊食。味道竟然毫無違和感，同平日食到既糖不甩差唔多，幾得意。
.
啫喱
已經好多年無見過有遮仔既啫喱杯，以前好細個係茶樓先會有呢種甜品。忽然覺得自己真係老了。

_____
好味指數：🌟🌟🌟🌟🌟
抵食指數：🤑🤑🤑🤑

一直都有聽過呢個名，入到餐廳見到裝修充滿昔日香港情懷🇭🇰播嘅都係耳熟能詳嘅經典粵語金曲🎤而餐廳服務都好好，一坐低就有店員幫我哋洗碗碟，而且仲會經常嚟幫你撇油，食過好多間火鍋店都冇佢哋咁殷勤👍🏻

✅胡椒豬肚少爺雞湯
材料豐盛，湯底特別入味好飲🍲而少爺雞比普通雞脂肪更少，雞味更濃🐔仲係無激素雞無論老幼都可以安心食用

✅極級封門柳
油脂相對比其他牛肉少，而牛肉味亦係最濃重🐮味道甘甜又唔油膩

✅安格斯牛肉
脂肪較少唔會太肥，肉汁豐富，鮮嫩有彈性

✅桂花蚌
半透明嘅桂花蚌輕輕一煮就可以撈上嚟，煮熟後嘅桂花蚌外型微卷，口感爽脆，充斥海水味🌊

✅大檸檬茶
用大啤酒杯裝凍檸茶真係好霸氣🍺兩個人飲一杯都夠晒

✅糖不甩
餐廳送嘅甜品，係魚嘅外型🐟店員會放入湯底煮熟再撈起，加埋花生同埋砂糖一齊食🍯神奇嘅地方係就算湯底煮完都唔會有湯個種鹹味，反而十分香甜

銅鑼灣好食邊爐，價錢公道野食高質！
#同撈同煲
服務
內用
餐點類型
晚餐

尋晚朋友帶左我去一間裝修好懷舊特式飯店食火鍋, 😍就連碗筷都懷舊😂都未試過用碗飲啤酒😂好多款湯底簡, 我地簡左皮蛋芫茜大魚頭湯。一大個魚頭, 湯底濃郁, 店員上湯就已經叫我地可以飲湯先, 試吓原味, 香濃😋
細安格斯牛肉,份量都可以, 輕輕一掉, 牛肉味香。我地都中意食蠔, 點左份美國桶蠔🦪, 嘩,有6大隻咁多, 超級新鮮肥美口感真係一流。好正😍 鴛鴦滑,蝦同墨魚滑,勁滑勁彈牙. 四寶餃子🥟有九菜,鳳城水餃,鮮蝦雲吞等, 隻隻都飽滿, 唔同味道好滿足。湯底越食越濃, 加埋D黃牙白菜索湯汁, 好好味。 食到已經好飽,打算埋單, 店員話唔洗咁急, 食埋我地出名甜品先, 送的 。嘩, 原來係懷舊糖不甩同啫喱,糖不甩超可愛, 係條魚仔, 原來中要放湯吸收湯精華再到煮4分中,加入大量花生糖粒, 嘩好食到呢😋原本好飽都成條食曬。真係好正。 直得推介比朋友, 服務員又好有禮貌,又好招待,食物又新鮮,地方又好坐, 又一個打卡好地方
服務
內用
餐點類型
晚餐

朋友喺網上見到一間裝修得好有懷舊風嘅火鍋店，叫埋我去感受一吓～ 💈

先講環境～
係樓上舖嚟嘅～樓梯選用紙皮石pattern嘅牆身貼紙，門口用咗classical嘅當舖霓虹光管招牌，一路行去火鍋店就好似行入咗時光隧道咁，走進七、八十年代嘅感覺～

公雞碗碟、茶壺水杯，橙色卡位雅座、紙皮石地面、舊式掛牆鐘，豬仔錢罌、舊式理髮店嘅紅白藍旋轉燈筒同埋舊式風筒、暖水壺、收音機、電話……

仲有藍精靈、黃金戰士、忍者小靈精、（大鐵人17、星仔走天涯，利申：未出世🤪）嘅打卡位添～～～ 未食嘢淨係睇個環境已經好興奮、超開心！🥳

再講吓服務～
店員會用夾將碗、碟、茶杯浸入滾水清潔一次，食具乾淨企理
我有選擇障礙😝，望住湯底唔知揀邊個好，問吓每個湯底有咩特色，店員都不厭其煩地細心解釋👍🏻
佢介紹海鮮套餐俾我哋，又提議調配一下組合，令份量更適合我哋兩個人食
問唔同嘅牛肉組合有咩分別，佢又主動入廚房問吓師傅今日係用牛嘅邊個部位 👍🏻👍🏻

入正題：食物
結果湯底揀咗”冬甫美人鍋” ，同埋叫咗3款火鍋配料

🔸冬甫美人鍋（雞湯）
個鍋擺盤好有心思，店員放上枱俾我哋影相之後，就夾起隻雞去斬件
雞下面有一大塊冬瓜，店員用鉸剪將冬瓜剪開方便食用
其他材料有花膠、桃膠、紅棗、竹笙、蟲草花同娃娃菜
花膠同桃膠份量唔少，花膠仲要有啲啲厚度
竹笙、冬瓜同娃娃菜吸哂啲湯，好入味
雞肉嫩滑，有雞味
(⚠️雞斬件後，店員幫我哋一次過放哂落個鍋度，頭兩件雞非常嫩滑，之後嗰啲煮得耐咗，啲肉實咗啲，建議俾顧客自己加入雞件，方便控制加熱嘅時間😉）

🔸特級盛牛大拼盤
結果揀咗呢款牛肉，可以試到唔同嘅部位
1個拼盤· 4款選擇
極級封門柳｜安格斯牛肉｜一口雪花牛粒｜牛舌
擺盤亦用心，用咗大量嘅刨冰坐底，令肉質保持新鮮
牛肉肥瘦比例適中
四款入面最鍾意封門柳夠肉味，牛舌薄切夠淋，口感佳😛

🔸鴛鴦滑(蟹籽蝦滑｜黑松露墨魚滑)
墨魚滑嘅松露味特出
蝦滑勁爽彈 —>> 推介🙌🏻

🔸即炸響鈴
響鈴大條又酥化 (店員推介話係即叫即炸）
放入滾湯3秒就食得 😋😋
唔覺油膩

打完邊爐，戴好口罩諗住埋單走人，點知職員話仲有甜品食，係火鍋店送㗎～
🔸懷舊啫喱杯（迷你版）
細細杯，份量啱啱好，好耐冇食過喇☺️☺️，好懷念把懷舊紙傘仔囉～ ☂

🔸懷舊糖不甩（可愛鯉魚造型版）
店員將兩條鯉魚仔放入邊爐湯，鯉魚仔係熱湯暢游4-5分鐘後，店員會係熱湯中將鯉魚仔‘拯救’起嚟，之但係轉頭就將鯉魚仔一開四，再放入芝麻椰絲花生碎堆中番幾番後，再砌返一條魚仔俾客人享用
成個製作過程睇到店員嘅用心 🫶🏼

呢到嘅環境懷舊得嚟又乾淨企理
食物選擇豐富又有質素
職員有禮，細心解釋menu，又不時調較火速同加湯
呢次用餐體驗感覺良好，下次要約多幾個朋友回訪，試埋個”胡椒豬肚少爺雞湯”同埋試多啲火鍋配料！
服務
內用
餐點類型
晚餐

糖不甩正😍😍👍👍 …

今午同事傾計，大家分享點樣可以食極都唔肥，我信食肉減肥法，夜晚即刻示範，去食火鍋主要食肉，餃子粉麵全部不點，真係得的呀，第日無重多少，食咁飽，以前至少重5磅！

揀咗特別介紹呢個胡椒豬肚少爺雞湯，好夠胡椒，辣辣地好好味，先飲三碗，然後食啲雞，呢款雞平時自己買都唔平，肉嫩皮滑，自己烹可以整到啱啱熟，正！

雖然食完個鍋飽咗三份一，無損我哋食肉的魔鬼慾望，終於決定吃個極級盛牛大拼盤，一齊將冰山劈開，頂層最肥美嘅係日本飛驒牛，超正！

然後攻陷一口雪花牛粒，要灼耐少少中間有少少凍，肉好嫩；牛舌爽爽的，之後就無心分辨，狂吃封門柳及安格斯牛肉，大滿足！

主要為平衡，食三款蔬菜，油麥菜、唐生菜、豆卜。

最後有甜品送，奶凍啫喱，另一款糖不甩極另類，未見過在甜點放在火鍋內煮，煮完之後切粒加糖及花生，食味主要係甜嘅，丁點兒鹹，又幾好食！

懷舊裝修風，食物質素高，服務有誠意
不停換碟及片油👍🏻 …

店員友善，服務好，食物高水準，一分錢一分人貨，令人滿足。
服務
內用
餐點類型
晚餐

價錢合理的緬懷香港火鍋店

今晚先陪朋友到鄰近鵝頸橋的商業大廈提取他早已訂購但一直缺貨的精油補健產品，然後才慢慢考究食什麼。

我們的討論結果是:時代廣場的食通天似乎太花費，平日晚上食得太奢侈不太好;到鵝頸橋靠近灣仔那邊(即堅拿道西)的地舖食店，毗鄰街市檔販，衛生似乎”窄窄地”。因此，最後去了冠景樓低層覓食。

這間同撈同煲據說是總店位於九龍城的同撈同煲分店，所以店內佈置都是似香港舊物擺設或裝飾為主:雞碗及孩童時代，粥麵檔經典的白底藍色圖案的碗當然就唔少得啦。

1)花雕醉人美人鍋 178元
2)安格斯牛肉 278元
3)梅花黑豚肉 108元
4)自家製手打四寶丸(鯪魚丸、墨魚丸、豬肉丸、牛丸) 118元
5)芝士豆腐磚 38元
6)墨魚滑豆腐卜 68元

首先，最值得讚的是個醉雞湯底。若然我們不是擔心喝乾湯底，之後再加清水/清湯煮後繼食物，可能會令食物丟失此濃厚湯底的調味，我們應該會把它喝到見窩底。我相信，鍾意飲中式湯之人，必定會乾咗佢。

這份安格斯牛肉真是很有份量，目測在其它火鍋店，應該訂價至少三百元以上。位於銅鑼灣最旺地段，雖然是樓上舖，但此等份量只是賣278元，心想這位店東真是太有良心，沒有謀取暴利。細味之下，肉質嫰滑，各位若是多人在此飯聚，必定要點多幾份，真係好抵食。

至於其它食材如自家製四寶丸，足料好食。”後悔”點了芝士腐磚及墨魚滑豆腐卜，雖然目測份量不多，但實際是味道好和好有飽足感，令到我們胃裡再沒有空間放入其它食材，唯有等下次吧。

簡言之，此店佈置懷舊味道充足，是和相識至少廿至三十年的摯友聚舊風花雪月聊天的好也方。
服務
內用
餐點類型
晚餐
餐點：5
服務：5
氣氛：5

火鍋大廈老香港情懷火鍋店，啱晒老友聚舊或鍾意打卡之人

今天傍晚要到銅鑼灣登龍街OFFICE攞少量精油現貨，所以又經過鵝頸橋，只不過今次不打小人了。

冠景樓，我個人叫火鍋大廈。今天要試一間以懷舊裝飾作主題的火鍋店。

入到店內，便見那些上世紀70，80年代的動漫牆壁，忍者小靈精，17號大跌人；再加一些傳統食店餐具，雞碗，白底藍色圖案的瓷碗等等。總之，店家似乎想令食客有沉溺到幾十年前食店紛圍之中。

因為趕時間要食完晚飯回家繼續工作,所以要採用速食火鍋食店的概念:牛豬雞必食拼小食。

1)花雕醉人美人鍋
2)安格斯牛肉
3)梅花黑豚肉
4)即炸響鈴
5)懷舊蝦多士

講下個美人鍋，嘩，個湯底真是不得了。我和同行友人，幾乎未食任何食材前和湯中雞件，便已不停飲藥材味+雞味濃厚的湯底。我和友人邊飲邊說:我們好似去咗藥膳雞湯館咁。鍾情於濃郁湯味的火鍋友應選這個。

此店的安格斯牛肉肉質都不錯，紅肉和白色脂肪比例合理。放入熱湯中約一分半鐘便能鬆化入口。

至於黑豚肉，就應該不過不失。因為火鍋湯中早已充滿了之前的雞件肉味和其後的安格斯牛肉味。浸熟了的黑豚肉充滿了其它味道，所以難以作公平的評述，唯有下次再光顧再先放黑豚肉品嚐作評分。

小食響鈴和蝦多士，由於是即叫即做，熱辣辣，當然口感和味道都不錯啦。

埋單時，侍應當然會奉上鎮店壓軸甜點:插上紙傘的啫喱杯仔和花生糕店。
服務
內用
餐點類型
晚餐
餐點：5
服務：5
氣氛：4

絕對棒死
建議田中同學死
餐點：4
服務：4
氣氛：4

銅鑼灣必吃的一家打邊爐
「同撈同煲」很有味道，充滿舊式情懷

這家火鍋店主打懷舊主題
裝修像極了七八十年代的香港
霓虹燈的大招牌，公雞碗，懷舊格仔磚
背景播放的都是八九十年代粵語金曲

店家的湯底很是出色，款式都像老火湯
花雕醉雞鍋用料十足，聞香都能醉！
用上豐富藥材和即場加入的醉雞
廣東人話頭，吃火鍋先喝湯！味道很鮮甜！

手切牛肉也是這裡的主打之一
封門柳肉味濃郁，肥瘦均勻
服務
內用
餐點類型
晚餐
平均每人消費金額
HK$450-500

陰陰濕濕嘅天氣真係令人好煩躁‼️
真係要去食好啲平衡下先得😃
係餐廳門口，已經完全感受到其懷舊氣息🤩

呢度嘅湯底非常吸引✨✨
🍲雞煲翅鍋
🍲美人鍋
🍲醉雞鍋
🍲牛雜鍋 (好港式味道😍)
🍲芫荽魚頭鍋
🍲胡椒豬肚雞鍋 (暖身之選)

而我哋就揀左補身之選 – 花鵰醉雞鍋🤩
鍋底非常足料‼️
有齊龍眼肉、北芪、川芎、淮山、杞子、紅棗～～
湯底內嘅龍眼肉勁好食😍
瓦煲內嘅雞塞到滿滿的，好彩我哋無叫其他肉類，如果唔係真係勁飽😆
花鵰酒香撲鼻，倒左啲雞落鍋後，
滾起真係要先飲碗湯👍🏻 飲完即刻暖苙苙😃

呢度仲有🐟賣魚勝推介🉐
鮑魚+蟶子王+海蝦 =$3️⃣9️⃣8️⃣
呢個價錢真係勁抵❤️
海蝦肉質脹卜卜㗎，夠新鮮鮮甜😋
鮑魚 & 蟶子都好新鮮，不過掌握時間要拿捏得好，
我哋淥多左半分鐘🤪 口感就韌左啲……

另外初嚐「牛黃喉」，原來係咁好食㗎⭐️⭐️⭐️
口感清脆爽嫩😋

最後仲有餐廳特有嘅甜品，都係好有懷舊feel‼️
服務
內用
餐點類型
晚餐
平均每人消費金額
HK$250-300

銅鑼灣懷舊火鍋店🍲 上個禮拜同朋友去銅鑼灣食飯，佢就提議打邊爐😋我就搵左呢間因為之前試過九龍城嗰間味道唔錯👍🏻

🍴東圃美人鍋🍲 $228
推薦✨呢個湯底真係一絕！超級足料有成隻雞、蟲草花、桃膠、花膠、冬瓜、紹菜、竹笙等等🥰啖湯好清甜，啲雞件都嫩滑有雞味🐔一路煮都唔會好鞋😆啱哂一眾養生既女士們💃🏻如果女仔來基本上食呢個都已經飽😀

🍴本地牛肉手切🥩 $288
新鮮！份量都算多差唔多有20片😜肉質軟腍而且有牛味🐮

🍴珊瑚蚌 $128
切得好薄身，煮十幾秒就食得🤩口感爽口而且鮮甜

🍴芋頭臘味餃🥟 $88
推薦✨平時打邊爐都係食韭菜餃或者雲吞嗰啲，呢個味就真係第一次試😌原來擺落餃入面都幾match🤪芋頭夠綿而且臘味唔會特別肥👍🏻個口感幾特別唔識形容😅建議大家來都要試！

🍴家鄉米酒黃沙潤 $68
豬潤好嫩滑爽口😝一啲都唔粉！入口甜甜地🤣因為佢用米酒、妃子同紅棗醃過🥣

🍴山楂紫貝天葵💜 $28
味道酸酸甜甜😝好消暑解渴🔥山楂有助消化，飲完即刻食多啲🤣

整體來講，食物質素中上，價錢合理😊店員服務態度非常好，經過過來加湯同埋幫我地撇油🥳佢仲有免費甜品送添！分別係花奶啫喱同埋糖不甩😍兩條錦鯉先放入湯底煮熱，然後店員會切粒沾上花生碎先上碟😎原本仲覺得好奇怪放落個湯到煮咪會有鹹味🤣點知一啲都無！環境都坐得闊落舒服，呢到仲會播住好多香港懷舊金曲🤣裝修都好old school😗岩哂打卡！氣氛都好好，當日有顧客來慶祝生日🎂店員都會播生日歌同埋俾佢抽獎😛呢度適合三五知己Happy Friday來大吃大喝😏快啲book位下個禮拜就去啦！
服務
內用
餐點類型
晚餐
平均每人消費金額
HK$300-350

牛，菜，丸都好食，質素幾高，甜品好有心思，quite a surprise!
服務
內用
餐點類型
晚餐
平均每人消費金額
HK$350-400
餐點：5
服務：5
氣氛：5

不錯的火鍋店。他們也有生魚片。
餐點類型
晚餐
平均每人消費金額
超過 HK$500
餐點：4
服務：4
氣氛：4