豫園(Shanghai Yu Yuan)

豫園是2019年米芝蓮的推介餐廳。能望到維多利亞港的景色，上海菜也十分精緻！尤其係小籠包做得十分好。肉汁很多，而且皮很薄，高級一點的可以試下蟹粉的一款！

另外小食的選擇都十分多，其中一味糟香醉豬手酒香十足，也是水準之上！值得推介。

好食物

食物質量非常好，氛圍也很好。

2019 年米其林指南。一個不錯的上海郵輪。美味的食物。

從外國回來的朋友，上次吃過了 V Point 高級商務午餐後，今次在來到位於 26 樓的豫園。

原來這一間高級滬菜館，於 2019 年榮獲米芝蓮推介餐廳。 經店員詳細解釋後，豫園取名於上海最傳奇的古典庭院，她是秉承了明、清、民初及西方的各種建築藝術精髓。
餐廳以上海豫園為主題，將其精髓於餐廳重新演繹，如屏風上的設計取材自上海豫園特色花瓶拱門，而客廳的壁畫，則描繪豫園和老上海的人物風貌，名為「豫園樂聚圖」，希望望每位客人來到都能享受充滿愉悅及滿足的聚餐。

餐廳環境裝潢豪華高雅，清淨明亮，落地玻璃更可飽覽維港景色，感覺恬靜舒暢，餐廳亦設有多個獨立房間，可按需要預訂。

當然遊園過後， 我們也點選了充滿上海特色的滬菜出品。

龍鬚鮮魚絲
這是滬菜中的時令出品，也是功夫菜。是先把魚肉切成一梳梳絲狀猶如龍鬚的麵條而得名。入口嫩滑，煙韌可口，味道清甜幽雅，沒有作出半點的調味，目的是為突出魚肉本來的鮮甜。徬彿就似在園庭中，親臨撲面的春風。

砂鍋醃篤鮮
醃篤鮮是滬菜中的名菜，以春筍、百葉結、豆腐皮、五花肉片、金華火腿等一起燉成的湯，湯底並無添加任何味精和鹽等調味料。
給端上的時候，熱氣沸騰，金華火腿的鹹香味搶鼻而來，湯白味濃。食材新鮮爽脆，味道豐澤滿溢。

原隻鮑伴麵
給端上的時候，還帶有吱喳喳的聲音，可見新鮮熱辣。 晶瑩光澤的鮑魚置頂，令人垂涎欲滴。
伴麵麵底是用上上海蛋麵的，並以鮑汁頭抽拌煮而成，再加入香蔥洋蔥。
鮑魚入口煙韌嚼勁，鮮美嫩滑，惹味可口。伴麵清爽彈牙，味道豐厚。

生拆蟹粉小籠包
滬菜有怎可能缺少小籠包呢？小籠包以鮮橙色的蟹粉作點綴。小籠包皮薄餡靚，湯汁豐富，肉味嫩滑，蟹粉濃郁。並無半點油膩感，沾上薑絲和醋汁，更使味道昇華添美味，絕對最佳的配搭。

香蕉高力豆沙
一輪精華美點的洗禮， 當然要以甜點作句號。圓潤飽滿淡黃的香蕉高力豆沙，面層撒上白芒芒的糖粉，以香蕉及紅豆作餡料。熱呼呼的，細軟綿密， 黏口柔潤，作飯後甜品的不二之選。

總體而言，在傳統的滬菜中添加不少創新元素， 而且環境富麗堂皇，朋友說下次定會預訂貴賓房間與家人歡聚。

食物質素好，服務態度好，環境寬敞舒適

VPoint有唔少食肆我都食過, 感覺上每層環境同食物質素都唔差, 而且仲可以遠望維港海景, 但入夜後因室內燈光反射, 唔太睇得清海景了~ 於是焦點轉移至食物上!

入座每位茶芥HK$18, 小食每碟HK$25, 入場費嫌有D貴~

餐廳內裝修、牆壁都很有中國風, 地方唔大, 但勝在開揚又坐得舒服, 呢度仲有VIP房 tim~

Menu上食物款式都幾多選擇, 價錢為中上啦…. 今日我同外婆兩個人唔食得多, 叫左少少SHARE食。

【紹興醉雞】HK$88
天氣熱一定叫冷盤醉雞, 酒香味香醇, 雞皮不連油肥層, 而且帶些少爽, 肉質嫩滑而且入味, 每啖都有淡淡酒香回甘。

【焗釀蟹蓋】HK$88
蟹蓋很精緻, 唔好睇佢細細件, 外層焗至香口金黃, 大量蟹肉釀入同埋蛋白, 啖啖肉, 更顯蟹肉既原汁原味~

【生蒸鍋貼】HK$58
鍋貼底部煎至金黃而不油膩, 內裡keep到豐富肉汁, 豬肉餡料鮮甜, 正!

【膽膽麵】HK$68
望落好似幾細碗, 但原來都有整個上海拉麵, 湯底有濃郁花生醬味, 而且帶杰~ 杰得容易平均沾上拉麵, 賣相好似好辣, 但原來係好微辣, 外婆不是食得辣之人, 都可以handle到!

食物不是很好，雞蛋超級咸。餃子容易破。食物中發現的毛髮。

菜餚沒有什麼好吃的；雖然景色和室內裝飾很有趣。

美麗的海景，友善的服務，舒服的環境，而味道就像是上海煮出來的一樣，很好。有機會一定會再去。

非常美味的上海菜，風景優美，服務周到！強烈推薦！！！

雖然今年不能外遊，但在港也能走到豫園品嚐高質的大閘蟹宴。

「豫園」榮獲2019及2020年香港米芝蓮指南推介的餐廳，服務員態度友善，餐廳不算大，每枱都有相當的距離，坐位舒適。

「豫園兩周年酬賓大閘蟹宴」
豫園五福迷你拼盤 – 紹興醉雞、鎮江肴肉、 脆皮素鵝、香干馬蘭頭及四喜烤麩
蟹粉小籠包
蟹粉海鮮羹
女兒紅蒸大閘蟹
蟹粉蝦球鍋巴卷
上湯火腿津白
蟹粉炒年糕
薑茶湯圓

每位原價$776，現特價$388， 最好預早訂位，另加茶水、餐前小食及加一服務以原價計算。

酒樓經理說此大閘蟹宴，希望能帶給每位客人盡享一場美食之旅，由頭盤到甜品每道菜都有一種優質享受。大閘蟹是公，蟹膏不算澎湃，但也吃到滿口甘香。其次蟹粉超多，差不多4道菜上也有滿滿的蟹粉。

頭盤拼盤已令人有驚喜，很喜歡他們的鎮江肴肉及脆皮素鵝，水準甚高。蟹粉海鮮羹也討人喜愛，湯底香濃，滿口蟹粉鮮甜，蝦肉彈牙，回味無窮。蟹粉蝦球鍋巴卷及蟹粉炒年糕都是吃到滿口蟹粉，蟹粉炒到很夠鑊氣，惹味又食到師傅的功架。

上個星期六中午過去家庭聚餐
期望過大, 可能中午嗰大廚未返工. 冇上海菜應該要有嘅味道, 只係覺得一個有其形冇其味道
大部分嘅菜式偏鹹, 唔係鮮, 蓋過咗材料應有嘅味道
生煎包做得非常一般, 而家好多出面舖頭應該做得出色這裏, 有啲失望
小籠包不過不失但係冇乜湯汁
肴肉比較有特色, 唔係傳統方法, 不過好味
服務好好, 環境都唔錯

一般水平，片鴨較差。

優質的食物，享有海港的美景。我們擁有的一切都很好！小籠包皮不太厚，湯汁多。假鵝的味道恰到好處。豬肘很嫩。
它有點貴，但食物質量很好。

環境一流，全海景的餐館，感覺舒適，放假唔趕時間嚟嘆下最佳，試了以下幾款點心及小菜，個人口味。。評論。。除 四川擔擔麵 （大家可以不試）外，其他 糟溜鮮魚片，醉雞，小籠包，生煎包，蘿蔔絲酥餅，都非常不錯。

食品味道不錯，環境很好，窗口位有海景，價錢稍貴

不錯的點心，尤其是小籠包。
麵條 n 服務所以，所以。良好的視野和輕鬆的氛圍。
在昂貴的一面。

今日相約朋友食lunch ， 我哋就去左佢公司附近嘅上海菜
呢間餐廳係已經連續3年獲選為米芝蓮推介餐廳～～～真係要試吓！

午餐有行政套餐，每位計， 可以選擇2-5 道菜， 選擇都好豐富🥰

每位4道菜（$198/人）
頭盤：
鎮江肴肉
無錫脆鱔
紹興醉雞
肴肉晶凝通透， 豬肉扎實紅潤，肉質鬆化鮮香。脆鱔均炸得鬆脆可口，微甜，但一啲都唔膩。 而醉雞冰冰涼涼，酒味香濃，雞肉嫩滑無比。

點心：
生拆蟹粉小籠包（+$48）
小籠包脹卜卜，餡料豐富，一咬啲湯爆出嚟🤣 仲可以食到啖啖蟹黃蟹肉，加上好新鮮嘅豬肉，真係好味

主食：
上海炒年糕
年糕真係好煙膩，唔會煮得過腍， 完全唔油膩，配上白菜、肉絲等，更加錦上添花！

湯：
文絲豆腐羹
竹笙花膠紅燒翅（+$98）
豆腐切成幼絲，綿滑而且入口即溶，湯羹亦非常鮮甜。 碗翅大碗又勁多料，花膠竹笙煮得夠腍，翅係一排排咁有口感，湯嘅味道濃郁鮮甜

甜品：
豆沙鍋餅
豆沙鍋餅色澤金黃，外脆內軟，甜甜蜜蜜🥰

好吃，配西西里白酒一流

地點 環境 相當不錯, 可惜 餸菜味道 未能 追上時代, 夥記 服務 一樣 落伍.. 只有價錢 昂貴… 比不上菜式 和服務

1.侍應為家人添飲雲吞雞湯最後一碗時，因為未飲完，竟然卙在一隻有汁的碗內，推給客人時倒濕了枱布，但無諗過要給我們一塊餐巾吸水，結果成個位置濕晒都吾理
2.點了高力豆沙，結果紅豆沙變成棗蓉，不是我喜歡的

良好的品味和正宗的上海菜，但部分有點小，沒有足夠的工作人員來服務。

食環境既米芝蓮上海餐廳

屋企人生日都係經Openrice 搵到呢間餐廳 餐廳環境都幾適合聚餐 高級精美既上海菜 不過不失

1️⃣無錫脆鱔
爽口既簡單一份前菜 送酒都唔錯

2️⃣當紅炸子雞
炸得非常有口感 雞皮香脆 肉質都嫩滑

3️⃣黃金明蝦球
鹹蛋黃醬包圍住炸蝦球 大人細路都鍾意既香脆口感 夠哂味道

4️⃣干貝賽螃蟹
蛋白模仿蟹肉既菜式 而中間蛋黃 再配上黑醋 自己搞勻佢 正正常常唔太特別

5️⃣火腿津白
都係普普通通既一道菜 金華火腿夠鹹

6️⃣肉絲雙面王
應該係同肉絲炒麵 啲麵勞得香脆 再包返啲蘑菇既芡汁 都香口鬆脆 正正常常

7️⃣上海炒年糕
份量真係好少 味道正正常常 唔太油膩

8️⃣壽桃包
本身仲期待會係蛋黃個款 但結果出黎好細粒 仲係紅豆蓉既餡料 🙂 Normal

只能說 正正常常既一間高級上海菜 但老實講食唔出一道會令人深刻既餸菜 而且所有既份量都偏少 因為講到係米芝蓮嘅餐廳 所以有所帶著期望 但結果只能話係普普通通 但食環境真係唔錯 因為高層會望到維港海景 裝修都幾華麗 但性價比個人覺得都係一般般 最後埋單人均$250

#豫園
📍銅鑼灣登龍街18號 V Point 26樓

最可取係薰蛋同個景