御鐵(Otetsu)

店內環境簡潔的呈現和式風味，座位設計是面向廚師的席前料理—鐵板燒。 看着廚師在面前烹調美食，真的令人垂涎欲滴。

* 季節沙律 : 有三款醬汁以供選擇－柚子汁，芥末醬或蕃茄蒜汁。以無花果、櫻桃蘿蔔、蘆筍、車厘茄等新鮮蔬菜食材，添加了我選擇的柚子汁，清新爽口，可品嚐到原材料的清甜。

* 凡立貝 : 原粒北海道凡立貝，新鮮肉厚。烹調後放在黃瓜上，加入菠菜忌廉汁。凡立貝之上添上三文魚籽、金箔和食用花，碟旁為味道帶微酸的青檸菠菜泡沫。凡立貝本質口感彈牙，味道鮮美，配以醬汁令味道層次提升。

* 龍蝦 : 活生生的龍蝦從魚缸拿出來，經處理後放在鐵板上。廚師以純熟的手法起出龍蝦肉烹調。廚師把龍蝦頭膏烹調成醬汁， 伴以白、紅和綠色的雞冠草。龍蝦肉質爽嫩，味道鮮美，沾上龍蝦頭膏醬汁，令味道更濃郁，真的令人念念不忘。

* 美國牛肉薄燒 : 美國牛肉薄片捲着葱和蒜，伴以美國大啡菇和大番茄、日本小青椒、意大利青瓜和獨子蒜脆片，碟旁添加了喜馬拉粉紅鹽，隨客人各自口味會否添上。 美國牛肉薄片牛肉味濃，加上葱和蒜，更添香氣。

* 西班牙豬柳 : 這道菜最後加上櫻桃木煙熏。當廚師拿開煙燻罩，即聞到撲鼻的香氣。西班牙豬柳肉質非常鬆嫩，味道甘香，還添加上煙熏味道，令菜式更多變化。不但令食物味道層次提昇，亦能為客人帶來視覺感官享受。

* 吸物 : 豆腐麵鼓湯真材實料，味道濃淡適中，健康美味。

* 炒飯 : 以蝦肉、元貝和蛋等材料跟飯一起炒，每粒飯均呈現金黃色，最後添加三文魚籽和蔥花，色香味美。

* 雪榚 : 飯後甜品，有四種口味可供選擇，紅豆、 綠茶 、芝麻和朱古力。我喜愛的綠茶雪糕之下，還有紅豆蓉。順滑的綠茶雪糕不苦澀，還帶點回甘，加上微甜的紅豆蓉，配搭完美。

* 飲料 : 我選擇了凍檸檬茶。茶底順喉不澀，加入新鮮檸檬帶來消爽。

食材新鮮，廚師的烹調不用太多的調味料，盡量保持食物的原汁原味，每一道菜式都一絲不苟，呈上時更會向客人介紹菜式內的食材。服務優質，每道菜後更換餐具，也經常添茶，為客人帶來高級款待。

非常好的餐廳！

滿足味蕾的優質鐵板燒

銅鑼灣駱克道最近有間新開的日本餐廳，主打鐵板燒，師傅廚藝精湛，無論食材的挑選、擺盤的技巧和與客人的溝通，細緻入微，令客人有賓至如歸的感覺。今晚和太太來到駱克駅十三樓的「御鐵」用膳。開放式的設計，讓食客近距離看到師傅的功架，也方便食客與師傅交流。
我們揀選了御鐵特選套餐：
頭盤蟹肉蔬菜沙律 – 蟹肉鮮甜味美，多款新鮮蔬菜清甜爽口，加了特製醬汁，相當醒胃。
季節魚 – 選用南太平洋鱸魚，師傅煎魚的技巧確有一手，將魚切成大小相同的方塊，煎了片刻，手起刀落將魚皮起出，薄薄的魚皮被煎至金黃酥脆，魚肉鮮甜嫩滑，火侯的拿捏，十分精準。
龍蝦 – 師傅在魚缸揀選一隻生猛的澳洲龍蝦，清洗後一開為二，放在鐵板上煎了片刻，起出晶凝通透的龍蝦肉，又將龍蝦的膏調校成醬汁，上碟時龍蝦的香味四溢，入口鮮甜彈牙。
和牛厚燒 – 來自日本的A5和牛油脂分佈均勻，以厚切燒至五成熟，入口時肉汁流出，肉味香濃鬆軟，油脂甘香，令人回味無窮。
炒飯 – 用蝦和帶子粒、雞蛋、蔥花蒜蓉和魚籽，賣相美觀，味道好兼飯粒不黏不濕又不油膩，師傅的炒功相當到家。
鰹魚帶子湯 – 鰹魚湯底清甜，加入本菇和帶子更提升湯的鮮味。
最後還有香濃咖啡和芝麻雪糕，盡享美味的一餐。

Set C 《鮑魚餐》
先來柚子醋沙律，蔬菜新鮮，酸咪咪柚子醬汁好醒胃。

香煎鱸魚配鮮橙醬汁~
賣相好吸引，師傅先將魚皮煎得香脆，食落更加卜卜脆，
鱸魚魚肉幼滑，配合鮮橙醬汁感覺好清新。

南非鮑魚配海苔醬~
活生生的南非鮑魚剛剛從魚缸撈上來，非常新鮮，好大隻！
配菜有豐富骨膠原嘅紅綠雞冠草，爽口，
粒粒三文魚子口感特別，一咬即爆，
鮑魚爽口彈牙，沒有加任何調味料，只利用海水嘅味道，煎嘅時候加入少少牛油，沾少少海苔忌廉醬汁也不錯。

肉類有幾款選擇，我哋揀咗豬及和牛，

西班牙伊比利亞厚切豬~
師傅將豬煎好之後，採用新穎嘅上菜方法，於玻璃瓶內即時注入煙燻，
豬肉紋理鮮明，咬落有口感但唔會韌。

和牛薄切~
和牛薄切卷，煎得剛熟的和牛片捲入已炒好的香蔥及蒜，
和牛脂肪含量比較高，肉質十分嫩滑，非常可口，有需要可以加少少竹炭鹽吊下味，
配菜有大啡菇、新鮮大蕃茄及意大利黃瓜。

炒飯~
師傅的表演確實美妙，鐵板上的米飯粒粒彈跳，加入鮮雞蛋、海鮮、香葱，炒得香口。

吸物(湯)~
昆布麵豉湯，配料仲有腐皮、豆腐及本菇，麵豉湯味道香濃。

黑糖雪糕~
少少甜，以紅豆伴碟，更美味。

最後仲有一杯餐飲，凍熱咖啡、奶茶、檸水等。

日前聽聞銅鑼灣的「駱克駅」13樓新開了一間「御鐵」鐵板燒日式餐廳，於11月提供大優惠，午市全單七五折和晚市八折，於是立即預約訂位。餐廳貫徹日式淡雅的裝潢擺設，有兩張鐵板燒吧枱，提供共約20個座位。餐廳提供午市套餐，首先到來的是前菜。
季節沙律
無花果、蘆筍、青瓜、蕃茄和蔬菜等新鮮材料，可選芥茉醬或柚子醬汁，我選了芥茉醬，食落鮮甜之中帶微辣，胃口大開。
帆立貝
香燒北海道帶子和黃瓜，底部放了菠菜忌廉汁，面部放了金箔魚籽，伴碟是青檸菠菜泡沫，帶子香甜，魚籽帶䶢，加上微酸的泡沫，非常特別。
龍蝦
師傅由魚缸內拿出生猛龍蝦，切半起肉，醬汁是由龍蝦頭膏烹煮而成，香氣撲鼻，味道香濃，肉質彈牙。再加上紅綠雞冠草配襯，爽口美味。
西班牙豬柳
肉質爽口鬆化，加上配菜已滿足了口感和味蕾，廚師還安排煙燻效果，更加添香氣。
豆腐麵豉湯
吃日本菜絕不能少的豆腐麵豉湯，清甜又美味。
海鮮炒飯
廚師以元貝、蝦肉、三文魚籽和雞蛋不停地把白飯炒至金黃色，色澤和味道值得稱讚。
雪糕甜點
是日有綠茶、紅豆、芝麻和巧克力四款味道選擇，我要了芝麻雪糕，芝麻味道香濃，雪糕口感非常滑溜。
飲品
選擇了熱檸檬茶一杯，單看餐具便像是到了高級酒店咖啡廳一樣，熱檸茶口感香滑，令人感覺舒適。
整體而言：看得出廚師是用心製作食物的，令每道菜都色香味俱全。店員服務態度值得加分，每道菜都會用心講解材料，用後都立即更換餐具和添加熱茶，非常貼心。十一月份還提供大優惠，性價比十分高。

【御鐵】
中午食完懷石料理，
夜晚再食鐵板燒！
日本菜真係令人難以抗拒😆
餐廳主要以木系色調為主，簡潔而有格調👍🏻

先嚟個沙律，有3款沙律汁，
我就揀左芥末醋，芥末味道香而不嗆喉😋
沙律菜非常新鮮，日本車厘茄勁大粒，
仲好清甜！

「南非鮑魚」
隻南非鮑魚大隻到呢！😳仲郁緊㗎！
夠哂新鮮，師傅沒有特別調味，
食到嘅咸味主要來自海水嘅咸味，
加埋啲三文魚籽更有提鮮效果😍

「越南大虎蝦」
虎蝦爽彈勁度十足，每舊都好厚肉🤩
蝦頭仲朝好多蝦膏蝦肉，夠哂香😋

「厚燒和牛」
和牛我只影左相，未能品評😛
不過見到油花分怖得好平均，朋友又食到津津有味，就知好掂啦！
我就食左煙燻黑毛豬豬柳🐷
不過掛住食忘記左影相……
但都要讚美下，豐富嘅油脂香，
非常ᴊᴜɪᴄʏ，肉質好軟滑彈口😍😍

全日都食日本菜，真係以為自己去左日本😆😆

Dinner Set ＄2488
🥗季節沙律
有3種醬汁選擇，揀咗蕃茄味，食落好清新開胃，仲有2隻爽口彈牙嘅蝦😊

原隻日本象拔蚌
來自北海道，象拔蚌好大隻，切出黎嘅份量比想象中多🤩
味道超鮮甜，蚌身好爽彈，內臟外面煎得香脆內裡軟腍，用牛油炒得好香，配埋師傅特製wasabi芥末醬好夾好正😍

🦞西澳龍蝦配海膽汁
龍蝦係師傅即場係魚缸捉出黎🤩保証新鮮
龍蝦肉紮實得黎好彈牙😋，每人有4大舊
醬汁係用蝦頭嘅膏製成，味道好濃郁

🥩熊本縣A5和王牛（厚切)
煎至4成熟，油花極豐富😍，口感軟腍而且入口即溶🤤，配埋炸蒜片和竹炭鹽食會無咁膩同味道更豐富😋

🐷西班牙伊比利亞厚切
煎至8成熟，最尾再煙燻一下，增加味道層次😋
豬扒質感較實和硬，如果覺得唔夠味可蘸上竹炭鹽～

🥬香煎野菜
有大啡菇、南瓜片、脆肉瓜
大啡菇煎香過後仍然好大隻飽滿，仲好juicy💦

🥣吸物
北寄貝磯魚湯

🍚三文魚籽海膽炒飯
賣相超吸引📸
將炒到粒粒金黃嘅飯放入高杯內，最上面舖上北海道海膽和三文魚籽🥰

🍦雪糕
有薑味同朱古力味選擇，朱古力味周圍都有得食，緊係揀薑味啦😆
薑味真係好出眾又唔會辣，仲有紅豆墊底，食咗啖覺得好醒神🤩，好似解到啲牛嘅油膩感～

香港人最鐘意就係食日本菜，依家又去唔到日本，食吓鐵板燒安慰下自己就最啱。今次呢間鐵板燒，唔玩花巧，唔玩花式雜技，主打食材新鮮同食師父嘅手勢。師傅都好啱傾，會主動同你傾偈同分享煮食心得。

$2688嘅二人餐，有晒海鮮同和牛，相當豐富，唔好以為嘢食唔多，食完真係飽到頂住個肚仔走。

煙三文魚野菜沙律
可以揀醬汁。我揀咗番茄蒜蓉，酸酸甜甜，有少許蒜蓉香，幾開胃。

北海道鮮帶子配魚子醬
下一道菜就已經係海鮮，帶子用上咗刺身級嘅帶子，師傅特意將帶子煎至六七成熟，帶子可以保留住本身嘅鮮味同肉汁，最後加上金箔同魚子醬，菜式相當精美。

南非活鮑魚
鮑魚好大隻，師傅將鮑魚煎香，火口控制得好好，鮑魚彈牙爽口，師傅只用海鹽去調味，同鮑魚本身嘅鮮味配合得好好，旁邊係海苔忌廉汁，想食濃味啲可以配呢個汁，我鐘意原汁原味所以就唔點汁。

西澳龍蝦配海膽汁
同帶子一樣，將龍蝦煎到六七成熟，龍蝦肉汁仲保留到，龍蝦汁用蝦頭蝦膏煮成，可以將龍蝦肉嘅味道昇華，食落口係濃郁嘅龍蝦味。

香煎法國鴨肝
鴨肝嘅肉汁多到一切開就爆晒出嚟，下面嘅麵包吸收晒啲鴨肝油。呢一道菜油脂感相當豐富，如果覺得太油膩可以飲茶解膩。

熊本縣A5和牛厚燒
和牛唔需要多講，放落口入口即化，牛上面嘅雪花好靚。

三文魚籽海膽炒飯
用杯裝住嘅炒飯都係第一次見，色彩繽紛，影相好靚。

油揚豆腐湯
麵豉湯，有幾分清甜。

海鹽黑糖雪糕
黑糖味幾濃郁，帶幾分海鹽嘅鹹味，幾特別。

有創意的西日fusion鐵板燒

本人喜吃日本菜，因為食材多樣和新鮮，擺盤精緻，注重食物的原味，簡單的烹調，已可弄出美味佳餚。今天來到新進駐銅鑼灣駱克道主打鐵板燒的「御鐵」晚膳。

餐廳佈置得華麗悅目，周圍擺設相當考究，令客人在舒適的環境下享受美食。

侍應招呼周到，並介紹餐廳各款特色套餐，我們揀選了Otetsu Special Set。
季節沙律
有蟹肉，baby 蘆筍、生菜、青瓜、蓮花莖、車釐茄和燈籠果，入口清爽，加了柚子醋，相當醒胃，沙律能引入多款特色蔬菜，頗有新意。

季節魚
來自南太平洋的新鮮鱸魚，經過師傅的巧手烹調，魚肉鮮甜嫩滑，配以香橙及甘筍製成的醬汁，再揉合西式元素的檸檬味分子smooth，大大提升鱸魚的味道。

龍蝦
選用澳洲的龍蝦，師傅親自將龍蝦從魚缸撈起，洗淨後開邊，放在鐵板上煎了片刻，龍蝦的爪還在郁動，師傅再將龍蝦肉起出，以牛油和蒜蓉將龍蝦肉煎至剛剛熟，加入以龍蝦膏製成的醬汁，入口鮮甜美味，令人回味無窮。

和牛厚燒
A5日本和牛，質素無可置疑，厚燒至五成熟，入口即化，先吃原味，再吃加了少許泰國竹炭鹽，兩者各有特色，伴以大啡菇和鮮露筍同吃，非常滋味。

之後有鰹魚帶子湯，味鮮甜可口。海鮮炒飯材料豐富，有蝦肉、帶子、三文魚子，再加蛋、蔥花和蒜蓉，相當好吃。

最後還有芝麻雪糕和咖啡作結，如此美食，人生幾何！

銅鑼灣新開嘅日式🇯🇵鐵板燒，裝潢華麗優雅，節日慶祝宴客好地方🥰

Chief Special Set
🥗季節沙律
爽時令沙律菜，手拆松葉蟹肉，蕃茄及龍珠果，加上秘製醬汁，放係大碗，皆因廚師想客人可以自己拌勻，更加好味

🐟季節魚
鱸魚魚皮煎得脆卜卜，再插係魚肉中間，極有氣勢✨，魚肉嫩滑，加上香橙汁及檸檬味泡沫，酸酸地，除咗味道清新外，更突顯魚嘅鮮甜

🦞龍蝦
選用1斤以上原隻澳洲龍蝦，大隻多肉，攞出嚟仲識郁😆 ，龍蝦膏就做成醬汁。 食落啖啖肉，鮮甜彈牙，配醬汁更甘香，令人回味無窮😋

🥩熊本A5和牛
有厚燒及薄燒，厚燒和牛色澤紅潤，鎖住肉汁，香濃嫩滑。 薄燒和牛包住香蔥及蒜，咬落香口又有口感，牛肉香慢慢滲出嚟😌
真係好味到唔捨得吞🤣
旁邊仲配有竹鹽及獨子蒜片

🍲吸物
一般只係麵豉湯，呢度就用上水菜、海台、刺身級帆立貝，清香鮮甜🤩，帆立貝仲好軟嫩爽口

🍚三文魚籽海鮮炒飯
🍮綠茶雪糕及朱古力雪糕配十勝紅豆

整體食物質素高，亦見廚師對食物嘅堅持，為客人帶嚟最好嘅。 另外抽風做得好好，食完一啲油煙味都無

新開的鐵板燒餐廳， 簡約優雅嘅設計配合木系裝修， 畀人舒服祥和嘅感覺。

套餐三百幾到一千多每位不等， 視乎所挑選的食材。

就選了Premium Set C 🌟🌟✨
先來季節性沙律， 也可自選沙律汁。
選了柚子醋沙律汁， 沙律菜新鮮🥗種類多， 還有露筍，清新美味。😋

新鮮海鱸魚配鮮橙汁
先處理魚皮，煎到又香又脆， 鱸魚亦煎得啱啱好魚味好濃， 配合鮮橙汁非常特別😋。 師傅亦花上心思擺盤， 令每道菜賣相更吸睛～！👍

南非鮑魚配海苔醬
套餐主角係南非活鮑魚。
即撈起即席泡製保證新鮮👍， 鮑魚有手掌咁大隻， 完全不需要任何調味， 吃刊淡淡海水鮮味，鮑魚肉質彈牙有嚼勁。 大廚更特別調配了海苔忌廉醬汁， 蘸一些令鮑魚入口更滑身。😋👍

伊比利亞豬配岩鹽
套餐的第四道菜可以自選～ 西班牙伊比利亞厚切豬。 先用特製儀器做一個煙燻嘅效果。
厚切較有口感， 竟然也可自選生熟程度，medium well 約七成熟感覺不錯。😍
煎得好香，肉質鬆化味道帶甜， 配合意大利黃瓜，大啡菇， 蕃茄🍅豐富滋味！✨😋

海帶味噌湯～材料豐富味道好濃郁。😊

炒飯～ 同樣材料豐富，有蝦仁，加入雞蛋，令飯粒更有蛋香更美味！👍

是日甜品～ 薑味雪糕🍨， 濃郁嘅薑味但唔辣， 好特別！

套餐亦包括餐飲， 感覺圓滿。

各道菜式食材均是精心挑選， 大廚用心炮製仲要 兼顧靚靚嘅擺盤， 絕對有fine dining 嘅體驗！

難得好友非常有我心，知道我喜歡吃鐵板燒就帶我到「御鐵」用膳。

沒想過這裏地方比我想像中還要寬敞一些，而令我更為欣賞的就是這裏的環境。設計上都是以和風木系為主，再配上earth tone作主調，這樣令人感覺舒適。同時，整晚都播放着柔和的音樂，頓時令人放下煩憂，從而可以好好享受這裏的鐵板燒。

由於當晚都想盡情relax，所以我們都沒有多想便直接點下了Set D二人鐵板燒套餐。

季節沙律

先上的就是季節沙律，爽脆清新的雜菜沙律、露筍和清甜的日本蕃茄配上柚子醋後變得甜甜酸酸又開胃，而爽口彈牙蝦仁為整個沙律添了一份鮮味，就這樣打開了我們的味蕾，準備品嚐下一道菜色。

原隻日本象拔蚌

日本象拔蚌非常新鮮，肉身吃上去爽彈又鮮甜，而象拔蚌的膽卻是我第一次嘗試，完全沒有想過它的口感是軟腍又討好，鮮甜度更勝其肉身。

單是吃兩者的原味已經十分美味，不過醮些芥末忌廉汁卻別有一番風味！

南非孔雀活鮑魚

由於好友特別喜歡吃鮑魚，所以特意加錢點了南非孔雀活鮑魚。

鮑魚爽口彈牙中還帶淡淡的海水鹹香味，而鮑魚肝的味道則更為濃郁。將兩者配上鹹香的三文魚子一起吃更有提鮮的作用，而加上紫蘇花更可以為整到菜色帶來清新的味道，單是這樣吃就已經十分美味可口。如果喜歡creamy的口感，更可以醮些海苔忌廉汁同吃。

西澳龍蝦配海膽汁

師傅將龍蝦鐵板燒至八成熟令其口感更見爽口彈牙，而鮮甜的龍蝦配上由龍蝦膏、海膽和牛油造成的醬汁一起吃絕對是惹味又濃郁，美味得令我們吃過不停！

熊本縣A5和王牛 (厚燒)

和牛方面可以選擇厚燒或薄燒，自己比較喜歡厚身的牛肉，所以選擇了厚燒。

五成熟的和牛外面燒得香口，而內裏粉嫩juicy，牛肉味香濃，配上竹炭海鹽後味道更上一層樓，而配上炸蒜片則變得更為香口惹味。

雖然和牛非常出色，但是旁邊的野菜亦不容忽視。

日本南瓜軟腍香甜，意大利青瓜清甜可口，美國大啡菇的菇菌味濃郁又多汁，三者都各有美味之處，用他們來配上和牛一起吃就最好不過。

昆布鰹魚清湯配帶子

這個湯清甜中帶鰹魚香，而鰹魚香過後又滲透出淡淡的昆布味，非常有層次，配上清甜又大隻的帶子在一起，出色不已！

魚子醬海膽炒飯

原本這個二人餐的炒飯都是三文魚子海膽炒飯，但是自己特別喜歡魚子醬，所以便加錢點了魚子醬海膽炒飯。

炒飯香氣十足而且炒得粒粒分明，與creamy又鮮甜的海膽相映成趣，再配上鹹香的魚子醬，實在令人滿足又幸福，現在想起來還十分回味！

朱古力味雪糕

雖然吃過了炒飯後已經很飽，但是喜歡吃甜品的我不願意放棄他們的雪糕。雪糕的口感相當幼滑之餘，朱古力味又濃郁，雪糕內還有朱古力碎，吃起來更有口感，配上口感綿綿而香甜的紅豆一起吃更為可口！

飲品

最後再以一杯香濃美味的咖啡為整頓晚餐作結。

今次實在要多謝好友，我才品嚐得到這裏美味可口的鐵板燒。這裏食材新鮮之餘，火候又掌握得恰到好處，食物配搭又討人喜歡。而餐廳環境舒適又優雅，服務細心殷勤，難怪我們整晚都開心不已！

好朋友即將離港，要搵個地方好好傾吓計食一餐餞行飯
銅鑼灣駱克駅整棟大樓都係餐廳，其中一間係西日fusion鐵板燒料理，睇過佢d menu都好岩食，地點又方便。
餐廳以木色調為主，傳統日式裝潢，開放式吧位，環境舒適，最鍾意近距離欣賞師傅既鐵板燒功架
menu有多款set 選擇，一次過可以食到多款新鮮
高級食材
頭盤係季節沙律🥗

原隻日本象拔蚌，非常鮮甜，肉質爽口彈牙

西澳龍蝦🦞都好大隻，啖啖肉，以龍蝦膏作為醬汁

熊本縣黑毛和牛，我地要左一份厚燒，一份薄燒 share，大家都可以試到唔同嘅口感
牛味香濃，入口即溶，薄燒牛包住蔥蒜，非常香口

三文魚子海膽炒飯壓軸登場，師傅一邊炒飯一邊加入雞蛋，粒粒分明，呢個配搭好夾

最後仲有湯，雪糕，咖啡或茶，真係好滿足

結婚週年第二彈，老公預約了一間位於銅鑼灣駱克道的日式鐵板燒慶祝一番。食材新鮮，擺盤精緻，師父用心，環境舒服，值得一試。選擇的是二人套餐。

火炙鰹魚沙律🥗
鰹魚稍微炙完，配有新鮮水果和沙律菜，例如土耳其無花果、蕃茄等，加上有3款醬汁選擇，選的是清新的柚子醬，十分開胃。

日本山形縣象拔蚌
原隻象拔蚌稍為香煎後，肉質鮮嫩，部份亦十分爽口，配上骨膠原豐富的海藻和食用花，口感十足。

西澳龍蝦配海膽汁🦞
原隻龍蝦煎完啖啖肉，肉質爽彈鮮甜，配牛油、海膽和龍蝦汁，大大提升了整個味道，很香濃，又不失鮮味。

熊本A5和牛
可以選擇薄切或厚切，選擇了7成熟薄切，和牛入口即化，中間夾住大量的蔥花和蒜粒，非常香口。喜歡的話，可以蘸點海鹽或芥末。配有蕃薯🍠、南瓜和大啡菇。

昆布北寄貝湯 🥣
吃得飽飽，上碗熱湯，十分適合。主要有昆布配菌類，亦有北寄貝。

三文魚子海膽炒飯
海鮮炒飯，粒粒分明，上面有海膽和三文魚子，味道和價值都提升，配有香蔥和香蒜，十分香濃。

甜品🍦
雪糕亦有3款不同口味，要了士多啤梨🍓味，凍冰冰，甜蜜蜜。

飲品
最後要杯熱檸水作結，十分完美的一餐。

食物一流
服務
內用
餐點類型
晚餐
餐點：5
服務：5
氣氛：5

05-01-2023 好有日本感的日本餐廳

今天晚上又同最喜歡吃日本菜的朋友吃飯，所以選的餐廳一定是吃日本菜，選今晚這間，少去這區吃，想有新鮮感，到達，感覺舒適寧靜，餐牌看了一回，叫了

火炙鰹魚青木瓜沙津
薄薄一片，有厚度，少少烘過，獨有清香鮮甜鮮魚味，青木瓜好新鮮，爽脆

無花果野菜沙律
濃香無花果味，野菜入口唰唰聲

大虎蝦
蝦大隻，蝦身特别厚肉，重新鮮海水鮮味，較平時蝦更爽滑同彈口

香煎法國鴨肝
厚身，一切好霖軟，煎得香口，嘴嚼一口，停留很久還有濃郁鴨肝味

香煎野菜
特别香口同爽脆

清酒煮蜆湯
好醇日本酒香味，蜆肉爽滑，湯好有蜆鮮甜味，味道有特色

海膽烏魚子炒飯
炒得極重海膽同烏魚子香，飯軟硬適中

煙燻西班牙伊比利亞厚切豬
少見，肉身厚底切到一片片，層層叠放在碟上，用蓋蓋住，再用揼注入熱氣，烘熱豬肉，重香味，入口特别軟霖嫩滑

甜品
薑味雪糕
少有味道，厚濃度薑味

柚子味雪糕
特濃柚子清新香味

咖啡
好有濃香咖啡味
服務
內用
餐點類型
晚餐
餐點：5
服務：5
氣氛：5

以鐵板燒來說，價錢合理，食品新鮮，服務周到，是我第一次給五星的餐廳。
服務
內用
餐點類型
晚餐
平均每人消費金額
超過 HK$500
餐點：5
服務：5
氣氛：4