One Pho You
營業時間
| 星期二 | 12:00–22:00 |
| 星期三 | 12:00–22:00 |
| 星期四 | 12:00–22:00 |
| 星期五 | 12:00–22:00 |
| 星期六 | 12:00–22:00 |
| 星期日 | 12:00–22:00 |
| 星期一 | 12:00–22:00 |
One Pho You 的菜單價錢、相片和推薦菜色
在香港，已是難得的牛肉湯河，其餘小食也十分有質素。在銅鑼灣價錢也算合理
火車頭湯河好正，湯底一流。
馬拉盞炒秋葵非常好味，特別鐘意食秋葵
食物質素有水準，蒜蓉牛油雞翼好正，服務好，價錢合理。
好耐冇食過越南菜，聽朋友介紹，話銅鑼灣澳門逸園中心新開左間取名「One Pho You」嘅越南餐廳，趁今日嚟開呢頭，一於試下。
餐廳嘅裝修非常型格，門口放置了一個立體人像雕塑，店內佈置亦盡顯心思，黑白設計配以水泥花磚，裝潢簡潔明亮，令人感覺舒服自在。
餐廳採用手機掃描二維碼點餐，食物選擇不少，有沙律、小食、米紙卷、湯粉、撈檬、越南特色小菜、咖哩類、蔬菜、飯麵、甜品及飲品等。
先嚟兩款小食，黑松露扎肉蒸粉卷 ($58) 同 越式蝦多士 ($68)。粉卷晶瑩剔透，粉皮十分薄，質感甚滑溜，簡單地捲以蘿蔔、木耳、肉碎和蔥花，綴上黑松露並伴以扎肉，吃時可蘸少許魚露，令菜式倍添滋味。
蝦多士賣相亦非常吸引，炸至金黃色，外形脹卜卜，面頭鋪滿了啖啖彈牙嘅蝦肉同粒粒芝麻，咬開原來裡面仲夾左層咸香嘅芝士，入口「芝」味滿溢！
主菜點左脆燒BB乳鴿 ($68) 同 河內生牛肉熟牛腩骨湯金邊粉 ($78)，乳鴿即叫即炸，皮脆肉嫩又多汁，最正就係入口帶陣陣香茅嘅香氣，刺激味蕾，令人胃口大開！
湯粉味道亦一流，湯頭鮮甜濃郁，滿是牛骨香氣，帶香料嘅回甘，很有層次。牛肉鬆化有肉味，牛腩爽口軟腍，熟度亦剛好。金邊粉細白如絲，輕輕一啜就滑入喉頭，令人食得非常痛快！下次經過開呢頭，一定會再嚟試下其他菜式。
喺銅鑼灣又搵到一間好味嘅越南餐廳，位於SOGO隔離嘅澳門逸園中心樓上。餐廳以灰色為主，簡約風，格局時尚，座位舒適，而且價錢仲好大眾化添。 落單以QR code 自行點餐，鍾意幾時點就幾時點，非常方便。
越式蝦多士（$68/4件）
大大件，即叫即炸熱騰騰，多士鬆脆香口釀上彈牙蝦膠，蝦膠中心還藏有沙律醬，令口感和味道更多元。
法式蒜蓉牛油包（$28/4件）
麵包焗得金金黃黃，睇見都想食，麵包鬆脆而包底則軟綿，蒜香味濃郁，
河內生牛肉熟牛腩骨湯粉（$78）
湯底超正，好濃郁嘅牛骨香味，係食過咁多越南湯粉中最好味嘅湯底，值得推介👍牛肉非常新鮮，隱約見到肉面微微有啲光澤，而中心則呈粉紅色，嫩滑可口。牛腩則肥瘦均勻，煮得好軟淋。呢個粉真係又好食又抵食😋
燒豬頸肉撈檬（$68）
豬頸肉份量不少，而且燒得好靚，外皮微微焦燶，但肉質一啲都吾乾，還食到有啲炭燒味。
甜酸汁調校味道適中，非常醒胃。
芒果椰汁糯米飯（$58）
除了糯米飯，還有紫米飯，加埋芒果嘅黃色，賣相幾靚，味道也達標。如果芒果粒粒可以再多一點點就更加完美。
銅鑼灣👍🏻👍🏻👍🏻越南餐廳，。值得去食 …
良好的氛圍，美味的食物，良好的服務
都幾好食
我們 6 個人嘗試了約 10 件商品。一切都不錯
午餐時以實惠的價格快速供應美味的食物，還有友好和樂於助人的員工！
被低估了！
CP值高，強烈推薦
銅鑼灣有好多好嘢食，今次俾我搵到一間新開嘅越南餐廳，餐廳個名幾特別，讀落好似one for you咁🤣
越南嘢食除咗湯粉之外，當然都要食佢哋啲小食啦，佢都幾多款式選擇，我就試咗佢嘅「越式蝦多士」同埋「法式蒜茸牛油包」🥪 兩款都超好食！蝦多士好特別，佢入邊有少少好似芝士流心咁 🧀 蒜蓉包就當然係啱啱烘出黎，聞落去超香，好開胃👍
湯粉就試咗佢嘅「蕃茄蟹肉雞絲湯粉」 🦀 同埋「河內生牛肉熟牛腩骨湯粉」 🥩 湯粉可以揀河粉、金邊粉或者檬粉🍲 湯粉嘅份量好大，啲湯底都整得幾好，尤其是蕃茄蟹肉雞絲湯粉嗰個啲材料好豐富👍👍 而牛肉牛腩嗰個都好好食😋