The Musicbox Grill House & Bar
營業時間
| 星期二 | 11:30–00:00 |
| 星期三 | 11:30–00:00 |
| 星期四 | 11:30–00:00 |
| 星期五 | 11:30–00:00 |
| 星期六 | 11:30–00:00 |
| 星期日 | 11:30–00:00 |
| 星期一 | 11:30–00:00 |
服務選項
外帶
內用
無障礙程度
無障礙入口
無障礙洗手間
無障礙座位
無障礙電梯
產品/服務
吧台餐點
咖啡
烈酒
酒精飲料
酒精飲料優惠時段
啤酒
葡萄酒
餐點
雞尾酒
用餐選擇
早餐
早午餐
午餐
晚餐
餐飲服務
甜點
座位
設施
兒童高腳椅
附設酒吧
洗手間
氣氛
氣氛悠閒
環境舒適
客層族群
適合團體
適合闔家光臨
規劃
接受訂位
付款方式
信用卡
簽帳金融卡
NFC 行動支付
🍲 周打蜆湯
有洋蔥和西芹，味道鮮甜。口感香滑，飲得出新鮮蜆點肉味，又唔會太鹹。
🥖 蒜蓉包
上面嘅牛油已經滲曬入去，蒜蓉味口感重，連埋湯一齊食好夾。
🐟 經典炸魚薯條
鹽和香草嘅調味，炸魚好大件，厚身多肉，炸得香脆。薯條份量超級多，粗薯好有咬口。
燒美國頂級肉眼牛扒配卡真辣蝦
🥩 肉眼扒5成熟，油花多、入口嫩滑。燒得香口又唔會好燶，控制適中。鹽和黑胡椒調味，可酌量灑鹽。
🦐 辣蝦燒得好入味，個人而言稍嫌有啲辣。
🥗 配料有炸薯仔粒、車厘茄、大啡菇。大啡菇juicy 厚身，唔會好乾。仲有rosemary 伴碟，賣相好靚。
餐廳寬敞，有落地玻璃，下午時分光度十足。裝修有心思，DJ播歌作為主題。燈光柔和，令人食得舒服。位置相當就腳，就喺銅鑼灣廣場隔離，附近出入不妨一試。
同朋友好耐冇見，就約咗佢嚟到呢間餐廳，可以聽住歌，飲住酒咁慢慢傾吓計。
二人餐嘅食物款式都幾吸引，打頭陣嘅係周打蜆湯。味道濃郁，蜆肉飽滿，連蒜蓉包都相當出色，口感香脆而且蒜蓉味十足。
一向非常鍾情於食海鮮，當然唔少得香蒜牛油蜆。蜆肉甘鮮多汁，香蒜同牛油味道唔過火，唔會蓋過海鮮本來嘅鮮味，香料亦令到味道層次更豐富。
草飼澳洲肉眼牛扒份量慷慨，個人覺得五成熟呢個程度幾好，火候控制得唔錯，口感適中，咬落去啖啖肉汁，唔需要額外加其他醬料已經好夠味，兩至三個人分享啱啱好。
鵝肝松露意大利粉，口感稍硬，松露既香氣非常突出，鵝肝香軟。
最後以芝士蛋糕作結，無論係環境同食物都令人相當滿意！
之前去左一間幾有情調既西餐廳, 幾岩同朋友傾下計聚下舊, 食物質素同選擇都多, 佢仲有2人餐同4人餐選擇, 比起單點抵食好多~
因為我好想佢個意大利雲吞，就冇叫到餐😂
🌟黑松露意大利雲吞 $138
黑松露醬整得剛剛好，唔會太膩，雲吞每隻都好大粒，份量多，絕對可以當一個main course黎食🤣 但如果兩個人share就可以當小食，試多D野😝
新英倫周打蜆湯 $68
呢個湯好足料，有西芹、薯仔粒、同埋幾隻蜆，湯味都好濃，同出面既罐頭周打蜆湯差好遠🙈 蒜蓉包好脆好香! 係價錢貴左少少咁~
香草焗雞配蘑菇汁(HALF) $148
雞肉都幾嫩，總共有兩大件，一件係雞胸，一件係雞腿，燒得幾正，下面蘑菇汁建議可以多D😆 另外粟米出奇地好味! 佢用左牛油搽面，再拎去燒，好甜好好食🌽
經典漢堡 $158
呢個burger加左分! 估唔到佢係雙層牛肉，真係巨無霸黎😂上下兩層麵包都搽左牛油同醬汁，都幾惹味!
龍蝦汁海鮮意大利粉 $188
呢個main course可以揀扁意粉或長通粉，魷魚、蝦、蜆都有好多隻，可惜味道一般，如果先煎香配料再同意粉一齊煮會更香口~
環境OK，食物OK，略為嘈一點。
呢間位於銅鑼灣用音樂做主題嘅餐廳，主打美國南部地方菜，Menu選擇好多，同朋友一致覺得set嘅食物都幾吸引，於是嗌咗個二人套餐🤤
二人套餐($ 628)
包括有新英倫周打蜆湯(兩客)，香蒜牛油煮蜆，草飼澳洲肉眼牛扒，鵝肝松露意大利粉，精選蛋糕(兩件)，咖啡或茶
周打蜆湯
用料十足，由蜆、切粒薯仔、洋蔥煮成濃湯，味道好濃郁幼滑，加埋脆煙肉粒，味道更加豐富，配有蒜蓉法包，烤得好香脆，可以浸落湯食😋
香蒜牛油煮蜆
個汁由白酒、蒜香牛油、檸檬汁煮成，蜆肉飽滿鮮甜，估唔到仲有4塊蒜蓉包🤣可以浸落啲蜆汁一齊食，而蜆既份量都幾多！同埋仲有少量嘅火箭菜鋪面😉
草飼澳洲肉眼牛扒🥩
我哋揀咗medium well，肉質鮮嫩有咬口，有香濃炭燒味，好多肉汁，邊位有少少脂肪，未點醬汁前食都已經好惹味，點完更加停唔到口😆配菜有好入味大啡菇同車厘茄~
鵝肝松露意大利粉
可以揀意粉、扁意粉、長通粉，我哋就揀咗長通粉，鵝肝味道少少濃烈，黑松露醬汁好濃好creamy，配埋菇嘅香味，好滿足🥰
精選蛋糕🍰
New York Cheesecake
芝士味道好濃郁，有士多啤梨🍓藍莓🫐伴碟，可以中和一下，唔會太膩😌
餐廳氣氛好好，裝修佈置都可以見到好多音樂元素，要讚一讚佢嘅燈光效果，令成間餐廳好迷幻，而且全晚可以聽住音樂享受美食~
另外餐廳有個DJ打碟位，不時會有DJ駐場打碟，當晚好好彩咁啱有人生日，就有老闆出嚟玩音樂助慶一下🥳
留意到餐廳近窗邊嘅位置可以望到街景，而且有bar枱，大家可以邊食邊欣賞bartender調酒😉
今次出去銅鑼灣，決定再去多一次呢間餐廳食佢嘅牛扒，另外今次亦都專登想去試吓佢哋嘅中東雜菜蛋鍋～
今次嘅餐包唔同咗，雖然一樣咁脆，不過餐廳用咗蒜蓉牛油，比之前更加出色！餐湯亦都超級濃郁，口感濃厚！所以前菜餐包同埋餐湯二選一真係好困難啊😫
今次叫返牛扒，事關真係太出色，燒得剛剛好，有肉汁，網紋又靚～隔離嘅蝦都好新鮮爽口，仲有我想講吓大啡菇，超級香！絕對值得一試！
今次算係專登試吓呢個中東雜菜蛋鍋，大家記住一定要加錢加牛油帶子！！帶子超級新鮮超級大隻，刺身級，半生熟，口感味道一百分！另外成個鍋都超級juicy，好香孜然粉，辣辣地，配埋幾個蒜蓉牛油包超級好食！果然冇令我失望，我相信我之後都會一直去呢一間餐廳食呢一道菜
這間位於銅鑼灣的西餐廳，晚市時間除了有套餐外，還有多款薄餅、漢堡、意粉及扒等，而且價錢合理。
先啤一啤。
新英倫周打蜆湯
蜆湯濃郁，裏面有幾隻鮮甜無沙的蜆肉，另外還有些洋葱，配上蒜蓉多人士。
凱撒沙律
沙律菜爽脆，表面灑上大量的巴馬芝士碎及凱撒醬汁，還有香脆的煙肉碎及麵包粒，清新開胃。
水牛城雞翼
微辣帶點酸的雞翼，十分惹味，表面香脆且不會太乾。
黑松露意大利雲吞
黑松露清新香味令雲吞更添風味，雲吞煮至粉皮不糊口，還帶點煙韌。
食肉獸
薄餅麵包底非常鬆軟，表面有些辣肉辣、豬肉等，十分惹味。
今日又同朋友去咗銅鑼灣食晚飯
我哋揀咗喺L Square嘅呢間餐廳
一入到去環境都好靚，侍應非常有禮貌😆
佢有套餐同埋單叫 ，因為我哋兩個都唔鍾意諗，所以好快咁已經揀好咗要二人套餐😛
首先送上新英倫周打蜆湯配上蒜蓉包🫕
賣相超級靚蒜蓉包香脆好吃❤️
周打蜆湯真係有蜆入邊，配上香滑嘅忌廉湯，襯到一絕！
之後就送上頭盤 香蒜牛油煮蜆🍲
蒜蓉包襯托勁多大蜆 ～香氣十足😋大蜆飽滿 唔會有沙，配上特別調製的牛油醬汁，再加上香草嘅襯托，令人打開食慾😃
跟住嚟到主菜 草飼澳洲肉眼牛扒🥩
一上菜已經覺得～嘩咁大塊！熟到啱啱好，油脂充足，牛肉味道濃厚，再配上已經烤熟左嘅配菜，非常滿足！😘
鵝肝松露意大利粉🍝，鍾意食意大利粉嘅，不能錯過！ 意粉彈牙有蛋香，鵝肝柔軟又好食 ，配上松露醬汁，超級正！
最後送上甜品🍮，芝士蛋糕配上生果🍎
生果又香又甜，芝士蛋糕鬆軟好吃 為呢一餐晚餐戴上完美嘅句號。😗
邪惡指數: 🐽🐽🐽
好食指數: 🙆🏻♀️🙆🏻♀️🙆🏻♀️🙆🏻♀️
最鍾意就係星期三放下晝假，俾自己一個mid week break😝 醒目嘅我梗係避開office lunch time先出去食飯，咁就唔使等位嘛🙃近近地去咗銅鑼灣試呢間「The Musicbox Grill House & Bar」，見佢用音樂做主題幾得意🎶去到仲有lunch set可以揀，包一個主食+周打蜆湯+coffee/tea ，我地就叫咗兩份lunch sets加個appetiser：
⭕️ 香蒜牛油煮蜆：
蜆勁肥美又無沙😍個汁亦調得相當出色，食到有白酒、牛油同檸檬汁，味道香甜得嚟又帶啲啲酸味，非常清新開胃！配埋嘅蒜蓉包都好正，脆卜卜又惹味。呢個a la carte嘅頭盤嗌得好好（讚下自己先😏）Can encore🙋🏻♀️
⭕️ 龍蝦汁大蝦意粉：
一上菜就聞到好香龍蝦汁味！大大隻嘅虎蝦，肉質飽滿有蝦膏，而意粉就揀咗linguine，煮到入晒味但又保持到al dente口感，出色👍🏻
⭕️ 燒美國頂級肉眼牛扒：
做完gym想食肉補充蛋白質😆💪🏻肉眼牛味濃，油脂肥美，肉質粉嫩，配埋特製嘅燒汁，唔錯。
環境方面一嚟坐得舒服，二嚟佢真係有晒啲pro嘅音響設備，邊食野邊聽住音樂🎵，幾chill🙌🏻下次會想試吓夜晚嚟聽埋DJ打碟，應該會幾high😌💃🏻
The Musicbox Grill House & Bar
店員推介我哋食二人套餐，有餐湯麵包，海鮮拼盤、草飼澳洲肉眼牛扒、鵝肝黑松露意大利粉&精選甜品。
英式打蜆湯🥣
鮮香濃郁，湯內有我們的蜆肉、薯仔及其他材料。蜆肉非常鮮甜，蒜蓉包香脆，餐前喝一碗超飽超滿足。
卡真海鮮拼盤（+$168）🦐～必食
超豐盛的海鮮拼盤，大量海蝦及青口，海鮮新鮮厚肉，還配肉腸及粟米，辣汁調味特別，惹味之選。
*原本跟餐是配蒜蓉牛油大蜆
草飼澳洲肉眼牛扒10oz🥩~強推必食
煎煮時間恰當，肉質鮮嫩多汁，口感不乾不柴，牛香味濃郁，非常超班。
鵝肝黑松露意大利粉🍝（自選扁意粉）
黑松露醬汁非常掛麵，沾滿每一條扁意粉。鵝肝雖然只係煎香鋪面，並未有混在意粉當中，但油香豐富，與黑松露意粉退起來口感一流。
精選蛋糕🍰
芝士蛋糕，甜到剛好味道，不過不失。
紅酒🍷（+48/+68）
House Red Wine 很不錯，而且餐廳氣氛非常適合慢慢聊天，品嚐美酒佳餚，跟餐首杯+48，續杯加+68，我和朋友一共點了6杯。
牛扒OK, 但價錢唔太吸引
非常有趣的地方，飲料很好，食物看起來不錯，份量也很大。
我只嘗試過飲料
週末想Chill吓輕鬆D，The Musicbox Grill House & Bar 主打玩味型格Style，現場有DJ打碟，邊食嘢，邊聽吓音樂都幾Chill吓。
Order了個二人套餐 $668，先來新英倫周打蜆湯，蜆湯香濃幼滑，有兩隻大蜆沉底，配上蒜蓉牛油麵包，香脆充滿牛油香。
香蒜牛油煮蜆，大蜆隻隻都十分肥美，拌香蒜牛油，香濃既鮮甜，碟邊的蒜香牛油麵包可以索汁食，好味😋。
草飼澳洲肉眼牛扒，厚度十足，表面的菱型紋理非常吸引，亦撒上了黑胡椒粒，五成熟度剛剛好，外面帶點微焦，裡面微粉紅，肉質軟腍多汁，充滿牛香。配菜亦很有誠意，有大啡菇、蕃茄仔及新薯仔，有點嚼口很好吃。
鵝肝松露意大利粉，外脆甘香的鵝肝，每條意大利麵都掛著松露醬，香味濃郁Creamy，並且夾雜蘑菇粒，頗有咬口。
是日精選蛋糕是紐約芝士蛋糕，軟滑的蛋糕，芝士香濃，配搭藍莓和士多啤梨，口感清新。
還有飲品兩杯，點了熱伯爵茶和凍檸檬茶，茶味都幾濃郁，糖水可以按自己口味加減。
整體表現而論，食物質素我覺得是高分的，而且聽著音樂底下，個人食嘢都開心D😀
家姐仔放假所以又係 #麻辣女子2人組 @kristytlf 出動
今日去咗 @the_musicbox_grill_house_bar 有DJ駐場場號餐廳🍴試下✌🏽有勁多Michael Jackson嘅收藏品！相信夜晚嚟一定好有氣氛👯♂️
.
🎺#烤雞胸廚師沙律 🥗 hkd$78
雞胸唔「鞋」好嫰, 有車厘茄🍅青瓜粒🥒沙律菜🥬份量都比較多,好建議OL或者想食得飽肚又健康嘅朋友仔✌🏽（黑醋dressing)
.
🎷#草飼澳洲肉眼牛扒（8安士）hkd$118
最近呢1年都中意食 #草飼牛扒🥩一嚟油膩冇咁重,二嚟肉味較濃❗️medium rare so pink❗️非常juicy❗️呢個set lunch價錢超抵～
.
🎷French Fries 🍟 (Truffle flavour) hkd$48
呢個薯條🍟每一條滿滿Truffle超級你敵香又話又夠味😋啱晒要杯beer🍻
.
🎺Honey Lemonade 🍹hkd$58
非常之fresh ,唔晒中意唔甜又想飲杯野解膩！
🎺 Goose Island Duck 🍺 hkd$68
雖然話係draught ,但非常易入口！值得推薦👍🏽
.
🎷Triple Chocolate Fudge Cake 🍫 hkd$98
超級無敵勁推薦‼️外圍有朱古力碎❗️一層層朱古力醬、蛋糕、慕絲組成😻無論分開定一齊食都非常濃郁嘅朱古力🙀🙌🏽 但嚟到要攤一陣先好食😋唔係會覺得太硬😅
.
Overall 嚟講銅鑼灣有間性價比咁高嘅餐廳好值得一試！而且斟果杯水係放咗粒士多啤梨🍓味道幾好！店員又非常之nice介紹食物！會再2訪！
.
.
.
如果大家中意俾個like支持下🤟🏽 𝗖𝗶𝗮𝗼~
.
.
🎷The Musicbox Grill House & Bar (銅鑼灣)
🎺銅鑼灣駱克道459-461號The L. Square8樓
.
～音樂融入餐廳～
呢間充滿音樂氣息嘅餐廳，燈光暗暗地，播住悠揚嘅音樂，好適合朋友之間聚會過嚟傾吓計👫
✨燒烤醬豬肋骨 Half
～估唔到半份都有呢個份量，豬肋骨食落又軟又淰，好入味，BBQ醬料唔會過多，甘甜口味，味道天然。
✨鵝肝松露意大利粉
～鵝肝唔算大件，卻煎到啱啱好，外脆內軟，冇雪味。松露醬汁豐富，每一啖都充滿黑松露蓉，好夠味，必點👍🏻
✨烤雞漢堡包
～目測至少20cm嘅漢堡好豐盛，麵包香脆，雞胸肉嫩滑又juicy，而且好健康冇乜油份配合大大塊生菜同埋新鮮蕃茄，呢個漢堡包又幾Flash🙌🏻
📍The Musicbox Grill House & Bar
銅鑼灣駱克道459-461號The L. Square8樓
打風打咗幾日，好耐冇出街玩下放返個break，是日晚上就同老公兩個出街食個靚飯，拍過拖黎下二人世界。
.
老公早早預約咗呢一間西餐廳帶我食，係妹妹之前推介過，話佢哋嘅豬肋骨好正，一直都想試好耐。餐廳幾有氣氛，我哋嘅座位隔離就係打碟嘅位置，老公係咁話想出去大顯身手比我阻止左😂。
.
燒烤醬煮豬肋骨：超大件嘅豬肋骨非常軟腍，用手撕都撕得開，醬料味道甜甜地，份量啱啱好，而且啲肉完全冇雪味，係一個難得地好食嘅豬肋骨，阿妹果然冇推介錯
.
香蒜牛油煮蜆：不得不說呢度食物嘅份量真係好巨型，淨係呢個牛油煮蜆，份量簡直係surprise，家庭主婦煮開飯就知，蜆係街市買都一啲都唔平，而且有時買返屋企仲要養，呢度嘅蜆完全冇沙，隻隻都好肥美，食落去有濃濃牛油香再加埋脆卜卜嘅蒜蓉包，yummy。
.
燒雞漢堡配薯條：薯條好綿密，燒雞漢堡包面香脆，裡面嘅燒雞肉非常嫩口juicy,仲有番茄，生菜同芝士等等，味道層次豐富，配上一杯清新嘅Goose island duck duck goose啤酒🍺，爽快！
型格音樂酒吧餐廳🎧
———-
The Musicbox Grill House & Bar 有落地玻璃窗，可以睇到街景🌒場內有DJ打碟位可以打卡，又有bar枱可以邊食邊欣賞bartender調酒，環境一流😙
———-
Set For Two $628
新英倫周打蜆湯
呢度周打蜆湯濃稠，而且好足料，食落有蜆、西芹粒、薯仔粒🤗牛油法包外脆內軟，重牛油香味，面頭仲曬左少少芝士粉，帶有鹹香，更加好味😍
香蒜牛油煮蜆
食完湯果一塊法包點會夠喉，好彩呢道前菜都有💕法包必定要浸一浸落蜆汁食，絕對會令你愛上佢💓蜆份量多，目測大約有3X隻，真係去殼起肉都起到手軟丫😂食落好清甜，啲汁有鮮味又有酒香，唔特別好蜆既綿羊都極力讚佢😆
鵝肝松露意大利粉
意大利粉可以揀意粉/扁意粉/長通粉，綿羊揀左扁意粉😌迎合多數香港人既口味，松露汁好多，食落一啲都唔乾，啖啖濃郁黑松露味，配以什菇增添香氣同口感🍄鵝肝煎得香脆，入面岩岩好熟透，絕無脂肪感😉
草飼澳洲肉眼牛扒
幾大塊同厚身，本身冇咩鹹味，交比客人自行調味🙂點埋佢地自家製既法式多蜜醬汁，甜甜地非常匹配😃
精選蛋糕 – 紐約芝士蛋糕
芝士味未算好濃烈，佢雖然係焗既芝士蛋糕，但係味道上有啲似免焗芝士蛋糕😅幾搞笑😂配搭埋士多啤梨藍莓食，中和返蛋糕啲甜味，其實都幾唔錯😁
———-
*設加一服務費
———-
The Musicbox Grill House & Bar
📍地址：銅鑼灣駱克道459-461號The L. Square8樓
⏰營業時間：11:30-22:00
今晚同大哥去銅鑼灣駱克道一間樓上餐廳食晚餐….呢間餐廳好特別….不定期會有DJ喺度捽碟😄😄而且食物相當有質素…今晚食咗一個蒜蓉蝦…每隻蝦都大大隻🍾️🍾️🍾️另外仲有個素食黑松露意大利雲吞…淡淡黑松露🎉🎉🎉仲有一個龍蝦汁海鮮意大利扁意粉….帶子好鮮嫩😍😍😍 …
👫今晚同老公撐枱腳💕黎左一間以音樂做主題🎼🎹裝修幾有格調既西餐廳🍽一邊聽歌一邊食飯都幾chill😌我地第一次黎，餐廳職員推介我地食set，話set上面都係餐廳數一數二菜式，好多客人食完都大讚咁話！心諗佢實係賣🌸讚花香啦😆食過先知真係有啲料到喎😂
🎧新英倫周打蜆湯
香滑濃郁，有著仔、洋蔥、原隻蜆，好足料！
🎧香蒜牛油煮蜆
上檯我忍唔住「哇！咁大碟！」目測至少有一斤吧🤭蜆肉鮮甜飽滿，個汁好香牛油味，點蒜蓉包食一流🤤
🎧草飼澳洲肉眼牛扒
上碟好靚☺️聞到炭燒味，叫五成熟，切開粉嫩多汁，牛肉脂肪比例岩岩好👍🏻
🎧鵝肝松露意大利粉
黑松露醬汁濃郁味美！仲有一大塊鵝肝😍如果鵝肝再煎香啲就更好😊
🎧精選蛋糕
今日係cheese cake🫐🍓好creamy好濃芝士味，正！
🎧值得一讚係職員服務態度非常好，親切友善，會經常留意我地有咩需要，又主動幫客人影相留念，週末晚市人客都多，佢地都能夠照顧每一檯客人既需要❤️今時今日，真係唔係好多地方做得到👍🏻
食物高質，環境舒適，窩心服務，今餐我地都覺得好滿足😊
📍The Musicbox Grill House & Bar
銅鑼灣駱克道459-461號The L square 8樓
難得過海揾朋友，佢帶我食好西，去左間以音樂為主題既餐廳，一入門口有部打碟機係度，原來星期六日會有人打碟。可惜今日平日冇人打碟，唯有聽住餐廳播既音樂😂
點了個2人餐，埋單不用$700。有餐湯，小食，牛扒，意粉，甜品及飲品勁豐富
【新英倫周打蜆湯】
蜆肉漲卜卜，非常鮮味。
【香蒜牛油煮蜆】
分量都几多，用牛油蒜香湯浸住蜆，令蜆充滿牛油香，伴碟有熱辣辣同脆口既蒜蓉包👍
【鵝肝松露意粉】
煎香左既鵝肝油脂滲入意粉😋😋勁多黑松露，汁又夠多，食落去好juicy，非常好食同夠味😋😋😋
【草飼澳洲肉眼扒】
5成熟拿捏得非常好，冇太生又不韌，牛又能夠保留肉汁又淋及有牛味
最後甜品係芝士蛋糕，成個餐都非常好食，勁滿足，下次要揾次週末來試下。
The Musicbox Grill House & Bar (銅鑼灣)
*前日中午約咗媽咪去食西餐,呢間餐廳位於銅鑼灣,地點非常方便,裝修簡約而新淨,座位寬敞而舒適,有一個DJ打碟嘅位置,啱曬鍾意聽歌嘅人😀
1）周打魚湯：魚湯喝起來有明顯的鮮味,用料十足,配上薯仔和洋蔥粒,更有口感,並不像罐頭湯,顯見誠意之作,而且更送上一片熱辣辣的香脆蒜蓉包。
草飼澳洲肉眼牛扒（8安士）$148：我叫咗個五成熟的肉眼扒,大大塊,而且很厚身,烹調火候恰到好處,吃起來時肉質嫩滑多汁,保持了牛的鮮味,而且有幾塊香口的花菇作配菜,非常惹味😋
辣椒雜錦海鮮pizza$168
pizza很大,餡料有帶子粒和虾,帶子粒彈牙香口,蝦保持鮮味而爽口,加上少許胡椒粉,提升pizza的辣味,餅底鬆脆,而且芝士份量頗多,有拉絲感覺,非常美味。
音樂主題西餐廳，氣氛一流！
一出𨋢已經感受到餐廳熱鬧既氣氛，周圍都籠罩住音樂元素，餐廳放有黑膠碟，DJ台（更不時有Dj駐場，加上變色燈效，氣氛好特別！
我地7點入座，但係都差唔多滿座，相當熱鬧！
Menu都好多選擇，以美國本土飲食文化風格，燒烤，肉食，薄餅為主打，相當吸引，
同時亦有Dinner Set ，方便部份好似我咁，選擇困難既人🥲 ，同樣都吸引，樣樣都啱口味，一於試下！
🌟新英倫周打蜆湯 (配蒜蓉多士）
湯香濃細滑，蜆肥美鮮甜，
脆卜卜既多士，食落好香牛油味！
🌟香蒜牛油煮蜆
隻隻蜆都漲卜卜，鮮甜之餘，吐沙處理得好好，完全冇沙👍 湯汁香濃同蜆搭配好出色！
🌟草飼澳洲肉眼牛扒（+$188升級至燒美國頂級肉眼牛扒12安士）
我就比較鍾意富牛味既牛扒，澳洲牛比美國牛稍微更有口感，又健康啲，澳洲牛本身既脂肪同膽固醇含量都好低，同時又含高濃度Omega3脂肪酸，可以降血壓！
我叫左5成熟，份量都幾大塊，火候啱啱好！食落Juicy同埋好有牛味！仲提供海鹽，自己可以因應口味而調配，烤波特大啡菇同薯仔都好出色，值得一試！
🌟鵝肝松露長通粉（意粉/扁意粉）
鵝肝好吸引，煎封時間剛好，外脆內軟，入口即溶，不膩之餘香氣濃郁！
長通粉掛滿汁，入口好creamy，
🌟芝士蛋糕
芝士味香濃，又有🍓，藍莓解膩 ！
套餐配 Tea/Coffee/Soft drink
新英倫粟米周打湯～湯裡有很多配料，湯感還帶點濃厚，湯碗邊還配了一件牛油蒜蓉包，伴湯一起吃很不錯～
燒頂級美國肉眼牛扒配卡真辣蝦~這個牛扒真的不得了，超juicy，一切下就已有點爆汁的感覺，吃起來油脂都在口腔內徘徊；而肉我是點了7成熟的，吃起來剛好；扒的表面還有燒架上的坑紋，感覺很不錯～
經典炸魚薯條～炸魚超厚又大件，這個很抵吃啊，只吃魚柳都已經飽了8成了；炸魚的外層很香脆，炸漿薄身，吃起來不膩；而魚肉雖然是炸，但內裡的水份感保存得很好，而且很嫩滑～
呢間位於銅鑼灣嘅餐廳以音樂為主題，除咗裝修配合主題，餐廳仲播咗多首經典名曲，啱曬一眾音樂迷😆
蒜蓉炒雜菌($88)
牛油同蒜味好香濃😍，有多種唔同嘅菌類，熱辣辣，夠曬鑊氣，好香口～
燒羊架($268/半份)
羊架肉質鮮嫩，亦醃得好入味，唔洗沾醬汁都已經好惹味，但沾埋醬汁一齊食可以進一步提升肉味。配菜烤蘑菇爽口多汁，洋蔥圈酥脆香口。
香草牛油煎牙魚($328)
老闆話呢個魚係用咗慢煮方法去整，然後再煎香，所以肉質特別嫩滑，保持到juicy！另外呢道菜嘅調味唔係好濃，所以更加可以食到魚嘅鮮味！☺️側邊伴碟嘅蜆都好鮮甜！😍
銅鑼灣高質西餐廳
辛苦工作左一星期，又係時間relax下！
呢間餐廳裝修偏向歐美風，夜晚會將燈光調暗，好有氣氛，牆上亦都掛左好多張歐美歌手的照片，雖然唔算好大，但勝在望出去就係落地大玻璃，空間感即時提升🆙
我地Book左星期日7:30 ，⼀黎到已經見到full house，建議如果週末黎食，一定要book左先。
雖然見到好多人食2人set，但今日唔太想食意粉，所以就無叫，不過見到隔離枱個牛油煮蜆真係好吸引，下次會再黎試 。
今次我地叫左 腹肉牛扒 (7 oz.) ，燒羊架 (Half)，紐約芝士蛋糕，一杯啤酒。
腹肉牛扒 (7 oz.) – $298
職員推介腹肉最適合medium rare👍🏼上枱前已經好貼心已經切好左，熟成度好一致，唔會一邊熟d，一邊無咁熟，而且食落味道好濃郁同埋柔軟，份量剛剛好。
另外有好多種類配菜(牛油烤大磨菇, 南瓜，粟米仔，蕃茄仔)，最欣賞大磨菇烤到剛剛好，唔止多汁，仲有好香牛油味，同埋南瓜香甜軟糯，一試難忘。
燒羊架 (Half) – $268
一上枱即刻wow一聲，有4大件羊架！一睇到顏色咁粉嫩已經好滿意，仲要全部都啖啖肉，絕對唔會肥膏多過肉。
另外個炸洋蔥圈都好有驚喜，炸皮夠哂脆，洋蔥又爽口，連唔食洋蔥的gugu都忍唔住食多件！
紐約芝士蛋糕 – $58
食左咁多肉已經好飽，本身仲擔心會食唔落，但呢個蛋糕唔算好heavy，口感細膩，配埋酸酸甜甜的士多啤梨同藍莓，唔洗1分鐘已經ko哂一件蛋糕。
啤酒 (craft beer – duck duck goose) – $68
呢款啤酒好清新，好易入口，一d都唔苦，而仲有陣淡淡的果香🍻配搭肉類好適合。似乎係期間推介，可能遲下就冇啦。
［DJ音樂主題西餐廳］
晚餐同朋友係銅鑼灣站附試左一間特別既西餐廳，餐廳入面會播放DJ音樂，仲會配合埋岩feel既燈光，幾有feel😚
.
🔹廚師沙律 $88
沙律係正常發揮啦，沙律食落新鮮。餐廳將啲沙律菜，蕃茄仔，藜麥，青瓜放得靚靚咁，醬汁會有沙律醋同沙律醬揀。
.
🔹香蒜牛油煮蜆 $168
係好大份量既蜆！雖然用左好香既香蒜同牛油煮，但蜆既鮮味唔會遮埋，食落夠鮮味，每隻都係一口份量，加埋牛油蒜汁好食啊😚
.
🔹草飼澳洲肉眼牛扒 (10 oz) $268
今次叫左5成熟既牛扒，平時唔會食咁生，試下啦，好彩今次叫咗生少少，食落肉質唔會韌，又唔生，個人覺得似7成熟，份量算多喎，食落幾夠牛味，唔會有太多肥膏同肥肉。伴碟仲有一舊菇味好重既大啡菇，好好食啊😋薯仔粒都唔錯，食落唔似薯條咁脆口，但係食落好軟滑。
.
🔹滋味烤辣雞 (half) $148
烤雞既肉質多汁嫩滑，食落肉質唔會覺得嚡口，份量係半隻，但我覺得比平時既燒春雞嘅size大，抵食🤤烤雞表面搽左偏濃味既燒烤汁，係好多汁架，加埋嫩滑既雞肉，中和返～伴菜仲有三條半個粟米，食落唔甜🙈蕃茄仔同薯仔依舊好食～
.
🔹Pineapple Punch $58
飲落係唔太甜既菠蘿果汁加上soda，呢杯野飲係無任何酒精。成杯好清新，食完啲濃味野，飲返一杯岩岩好🍹
.
整體黎講：
價錢合理，但食物質素幾好架
.
CP值：7/10
味道：9/10
銅鑼灣唔錯嘅樓上餐廳，提供經濟實惠嘅午市套餐，意粉同羊質素都唔錯，配上一杯咖啡，真係一個輕鬆又高質素嘅午餐。
呢間以音樂為主題嘅餐廳間唔中會有DJ打碟🎶雖然今次遇唔中live performance，但享受到高質素美食☺️。
.
🍴新英倫周打蜆湯 $68
蜆湯有濃郁鮮味，仲有少少西芹香味。每份有兩隻大大隻連殼嘅蜆肉。
.
🍴凱薩沙律 $88
生菜新鮮爽脆，芝士有少少羶味幾香。Dressing份量啱啱好，開胃又唔膩。
.
🍴洋蔥圈 $58
洋蔥幾甜又保留到少少汁。麵衣都炸得夠脆。
.
🍴香草烤雞配蘑菇汁 $148
烤嘅火候時間啱啱好。雞皮烤得香，雞肉嫩滑多肉汁。香草醬味道唔錯，但蘑菇汁就顯得有啲多餘。
.
🍴窮孩爆谷蝦三文治 $148
極具美式風味～炸蝦鮮味彈牙，加上酸甜開胃嘅椰菜絲沙律幾夾。
食物高質既音樂主題餐廳🎵
今日同朋友黎銅鑼灣行街，行到攰攰地就搵左哩間餐廳食個午餐。估唔到哩到環境唔錯，仲有張DJ枱，間中會邀請嘉賓DJ打碟，平時亦會播歌，所以成個環境都幾有feel。
而且餐廳有提供口罩套，非常貼心！佢地提供既水亦非常特別，裏面放左士多啤梨，所以飲落甜甜地。
午餐時間嚟到點Lunch set餐牌或者主菜都得。
✨Lunch Set👇🏻
🥩燒美國頂級肉眼牛扒（10安士）$238
配新英倫周打蜆湯及咖啡或茶
🥣周打蜆湯非常濃稠，而且用料十足，裏面有新鮮蜆肉同埋薯仔，配埋香脆既蒜蓉包，真係唔錯。
平時就咁點肉眼牛扒要$398，所以lunch可以用$238就叫到真係非常抵食！一上枱我地都哇一聲，因為真係勁大塊😂咬落去超多肉汁超juicy，而且牛味濃郁，唔點醬汁都已經好好食，配菜有大啡菇同薯仔，估唔到大啡菇一咬落去都係超多汁，薯仔外皮香脆，好食推介👍🏻
我地仲加左$18轉飲Hazelnut Latte☕️
🐑燒羊架 $238半份
估唔到半份羊架份量都唔少，羊架肉質唔韌，而且唔會羶，配埋薄荷汁都唔錯，能夠解膩，配菜有炸洋蔥圈同大啡菇，炸洋蔥圈亦係酥脆好味。
🍲黑松露意大利雲吞 $138
雲吞非常大粒，而且數量唔少，醬汁同餡料都用左黑松露，所以入口好香黑松露既味道，鍾意黑松露啲人真係唔好放過！
整體黎講，餐廳環境唔錯，音樂好聽，食物亦有質素，lunch有啲套餐都幾抵食，真係值得一試。
家姐一向鍾意聽歌，近年少了陪佢去演唱會，今晚嚟呢間以音樂為題的餐廳。因為餐廳有打碟位置，不定時有DJ現場打碟。環境氣氛相當不錯。仲可以影相打下卡。
我哋簡簡單單點了二人套餐，但估佢唔到，每款食物都十分出色😍。前菜蒜香牛油煮蜆已經好好味，連汁都撈埋。肉眼扒很重牛味，加埋炭燒香，肉質有咬口得嚟吾靱。食埋個相當足分量嘅鵝肝黑松意粉已經相當飽。但連件new York cheese cake 都出奇好好味😋。值得推介嘅餐廳👍。
#銅鑼灣美食 #音樂餐廳 #DJ #打碟
#澳洲肉眼扒 #鵝肝黑松露意粉
#紐約芝士蛋糕 #蒜香牛油煮蜆
音樂主題餐廳🎼
終於捱到星期六，對於星期六都要番半日嘅人黎講簡直系折磨😭幾經辛苦終於捱完戈半日，一早同一班中同book咗去銅鑼灣呢間音樂主題餐廳。應該都有人去過L.Square，就近銅鑼灣廣場，地理位置方便。
一入去已經見到啲DJ擺設，有大大隻唱片碟同埋啲控制聲量嘅機器，好專業喎😆
食物款式夠特別，例如龍蝦尾配香煎帶子、牛油煎牙魚、芝士雲吞都唔係度度有。
🥗 廚師沙律 $88
原本想叫凱撒沙律，店員話賣曬🥲叫咗另一款廚師沙律。有雞蛋、青瓜、生菜、車厘茄，配料同樣豐富，沙律醬同平時啲味道都吾同，但講吾出有咩分別😆青瓜同生菜又夠fresh🌿
🦐 蒜蓉蝦 $188
蒜蓉蝦令我諗起西班牙菜，記得西班牙菜都有道菜式系蒜蓉蝦。有幾隻大蝦同埋好香脆嘅蒜蓉包，麵包香脆不在話下，大蝦隻隻都好新鮮同埋彈牙，好勁香蒜蓉味😋
🥩 肉眼牛扒 $398
跟住就叫咗份美國肉眼牛扒，厚薄度偏向薄身，但冇因為咁而缺乏肉汁，都聞到好香燒出黎嘅味，口感豐富又有適量嘅嚼勁，內外都做到夠粉嫩，烹調每一部分都均勻一致。
🥒 Fresh Cucumber Ale $68
近排都吾系成日飲好甜嘅飲品，都會想試吓mocktail，問店員邊款會冇咁甜，佢介紹咗呢款 Fresh Cucumber Ale。裡面有勁多青瓜🥒青瓜比人嘅感覺向來好爽脆，加埋喺mocktail又幾有創意，feel到仲有青檸汁，酸酸甜甜嘅感覺連埋青瓜好fresh☺️
🍓 Fruit Blossom $68
另外仲有杯 Fruit Blossom，呢杯就有橙汁同埋士多啤梨🍓好有仲夏嘅感覺😆最欣賞佢嘅一點系味道完全吾會太甜，以mocktail黎講真系好好飲。
約咗朋友喺銅鑼灣聚舊，友人揀咗呢間The Musicbox Grill House and Bar。叫得做musicbox，一入餐廳就已經見到DJ玩緊歌，超級有氣氛。
我哋叫咗個二人套餐，有湯、前菜、牛扒、意粉、蛋糕同飲品，夠哂豐富。
先黎嘅係新英倫周打蜆湯，入面有大大隻蜆，湯入口細滑鮮味。之後嘅前菜係香蒜牛油煮蜆，蜆煮得岩岩好，仍然保持飽滿juicy，一d都唔老，個牛油汁非常香，用黎點蒜蓉包一流。值得一讚係成碟蜆都冇砂，可見廚師處理得好好。
跟住上嘅係主菜-草飼澳洲肉眼牛扒，配烤大洋菇同其他蔬菜。牛扒叫咗5成熟，外邊烤得好靚，鎖住咗肉汁，肉質稔身亦冇咩筋容易咬開。大洋菇亦都烤得岩岩好，仲好juicy。
另一主菜係鵝肝松露意大利粉，個松露汁夠哂香滑，意v粉彈牙唔會煮得太淋身，我同友人好快就清哂。
食飽飽仲有芝士蛋糕做甜品，飲品方面我哋叫咁凍朱古力。
。
。
The Musicbox Grill House & Bar
銅鑼灣駱克道459-461號The L. Square8樓
。
。
一直想搵間音樂🎶既餐廳， 見有間以music 為主題的西餐廳，放工去chill 下。
入到餐廳，見到偶像Alan Walker 既掛墻相，右手邊有個Dj 打碟舞台。可惜呢，今晚無人表演，不過都有EDM music聽。
燒烤醬豬肋骨
都幾巨大，性價比高，軟腍易切，烤汁入味， 炸洋蔥藏係肋骨裡面。洋蔥香脆可口。
滋味烤辣雞
見人推薦，所以都點左。雞肉微辣嫩，軟腍多汁，香噴噴，皮薄肉滑。
蒜蓉炒野菌
作為前菜，菜式雖簡單，但滋味，全部被我地食曬。
芝士蛋糕
最後以甜品完結，滿足的一餐
⚜️風味雞翼（波本bourbon）⚜️
Each order of wings comes with 1 Bleu cheese or ranch and a side of celery and carrot sticks
👉🏻味道：水牛城/燒烤/黑松露/波本
波本味道雞翼第一次嘗試，原來唔系炸而系焗出來既雞翼😲，有微酸同黑椒微辣既味道，伴埋佢地自家配搭既醬🤤🤤，乳酪味同藍芝士味既醬，食落帶乳酪酸既芝士香，非常開胃一d都唔膩，其實本身雞翼醃味都已足夠，無論配唔配醬味道都非常之印象深刻🥰🥰
⚜️芝士四重奏pizza🍕⚜️
Mozzarella,Parmesan,Cheddar and Monterey Jack Cheese
呢到既pizza系薄身，中間位置因4款既芝士令口感煙韌，芝士都唔系濃口味，4種芝士食落起帶微咸味道，加上pizza有加上茄底，系咁想追住食落去，最外圍pizza邊脆到同餅乾一樣🤣好香口💋
⚜️香草🌿牛油煎牙魚（6oz)⚜️
Pan seared with gremolata butter,served with clams and tomatoes
落單時職員講左牙魚製作時間會比較長，因為處理步驟比較多，而且魚厚身煎起上尼更花時間，😉不過當然就慢工出細貨啦，結果都無令我地失望😋，頭一次食魚切落去咁實身，一d都冇碎既情況，非常彈牙實正，牙魚本身味道外牛油味重，魚肉實得尼滑嫩🤤，上枱既枱拎上手feel到有預熱到碟，車厘茄、蜆仔圍圈醬汁落碟都非常靚😍😍
⚜️紐約芝士蛋糕⚜️
Smooth and creamy traditional-style cheese cake with berries
身為芝士粉絲既我當然點番款芝士蛋糕🍰，無經烤焗既芝士口感，比較creamy做到入口即溶，側邊仲有藍莓🫐、士多啤梨🍓都系同芝士蛋糕最搭
⚜️三重朱古力軟滑蛋糕⚜️
Super rich soft and moist chocolate
職員表示好好記住呢個朱古力既味道😂，因為之後佢地就會轉另外一款既朱古力蛋糕，食唔番呢款朱古力蛋糕，如果鐘意食朱古力得話一定非常之讚😘，蛋糕同朱古力非常溶合，好似壓縮埋左一齊咁實的的既口感，每啖都系香濃朱古力既味道，冇黑朱苦澀味，都系純朱古力既味道，蛋糕邊仲有朱古力燈系到，所以絕對三重朱古力，好除一樣有水果伴邊，享受中和偏甜味道🤣
✍🏻整體來說，環境氣氛、食物用心、服務質素性價比👍🏻👍🏻😌，餐廳入面英文寫得好詳細味道、材料、咩配菜，令客人可以精準理解菜色大概系點，點餐個時特別方便😙☝🏻連餐廳內提供既水裡面都有放到士多啤梨🍓，有別平時飲到既檸檬水，呢點亦鮮少餐廳提供，甜品就算朱古力幾咁甜有藍莓粒士多啤梨中和，香草牛油牙魚比較油🧈，有車厘茄酸味配搭，感覺到菜底設計上精心，絕對系可一可再，下次要來試唔同既菜色😍🥰
令人開懷大吃大喝嘅Musicbox😋🥩🍽 🎼
.
今晚約咗朋友喺銅鑼灣食飯，我哋一向都知L. Square幢大廈有好多餐廳，並揀咗間大家都冇食過嘅「The Musicbox Grill House & Bar」開餐。一上到去已經覺得餐廳幾有氣氛，雖然無DJ現場打碟，但全晚都播住歌，好Chill🎼。
.
樓層面積唔大，座位唔算非常闊落，但都坐得舒服嘅，而且餐枱亦夠擺放食物。店員服務到位，主動提供協助👍。如果冇訂枱，Walk-in客要過咗八點半先有位，好高人氣呢。
.
草飼澳洲肉眼牛扒Grass Fed Beef Ribeye($248)，餐廳叫得Grill Room，我對佢嘅牛扒都幾有期望。🥩牛扒以木砧板盛住，大大塊，足十安士，塊扒富有燒烤嘅香氣，牛味都OK，邊位帶少少脂肪，肉質細嫩無筋，生熟度按照我哋要求嘅七成熟煮好。整體味道雖則無太大驚喜，但絕對足以令人滿意。伴菜有燒薯粒、車厘茄同大蘑菇，我認為份量較少，佢哋好食，更覺得唔夠喉🙈。
.
滋味烤辣雞BBQ Spicy Chicken($128/半隻Half)，平日比較少嗌雞食，因為有骨，但今日竟然破例係因為見隔離枱食得好滋味，而且最重要係有燒粟米🌽！原條粟米切開三件，粟米又甜又多汁，簡單用鹽調味已經好正。🍗烤雞半隻份量都多，唔係用春雞仔，所以夠厚肉。調味方面，烤雞好有美式同墨西哥風情，皆因辣辣哋🌶，辣得嚟又唔鹹，非常惹味，刺激味蕾。同時，烤雞皮脆肉嫩，唔會乾噌噌，高度推介！
.
芝士蕃茄意大利雲吞Cheese Ravioli with Tomato ($118)，呢道菜有兩款醬汁揀，分別係黑松露忌廉同埋我哋揀選咗嘅芝士蕃茄，🍅蕃茄蓉微酸幾開胃，感覺亦冇咁膩。Ravioli意大利雲呑扁身，四四方方，似郵票嘅形狀。佢由兩塊Pasta組成，中間夾住菠菜芝士蓉，食落好香口，外皮就富有彈性。🥟雲吞大小適中，粗略估計應該有接近十五粒，好抵食。
.
新英倫周打蜆湯New England Clam Chowder($68)，周打蜆湯偏深色，味道都幾濃郁🤤，完勝咗罐頭湯。佢落足料煲，包括有新鮮蜆、脆煙肉粒、薯仔同洋蔥等，每樣食材同個湯都好夾，唯一就係嫌啲蜆得兩隻。另外，湯會附送一塊蒜蓉包。
.
Fresh Cucumber Ale($68)，見到餐牌上有青瓜味嘅飲品我已經好興奮😍，但好多時最終都係失望收場。不過呢杯Mocktail好正，薄荷味重🌿，帶俾人清新嘅感覺，而青瓜味亦恰到好處🥒，唔會太苦，再配合埋青檸酸酸哋，少少甜，不得了。
.
總括嚟講，呢間音樂盒餐廳絕對令我哋喜出望外，本身都係諗住未食過先試吓，點知每樣食物出到嚟都咁好食😋，搞到我成餐食咗三分二，哈哈。基本上我都冇乜嘢挑剔，但留意返，餐廳嘅出餐時間較長，要耐心等候啊。題外話，我用指定信用卡埋單，單點餐牌有折，不過訂枱都好似有優惠。再唔係你亦都可以考慮佢嘅晚市套餐🍴。
今日放工去銅鑼灣sogo行街 到差唔多到七點
朋友suggest 去一間用音樂為主題嘅西餐廳 喺駱克道L square 好近地鐵站
上到去見到環境唔錯 燈光暗暗地幾有情調 有落地玻璃街景
坐低好快侍應就過嚟為我哋簡單介紹吓個menu 佢推介$628嘅二人套餐 見到有齊餐湯前菜主菜同埋餐飲甜品 有海鮮又有扒
一於就試吓佢～！
湯係周打蜆湯 好creamy 有濃郁的海鮮甜味
前菜係香蒜牛油煮蜆 啲蜆脹卜卜好肥美 放咗啲香草檸檬汁 味道清新！ 仲有幾片香脆蒜蓉包👍🏾
主菜係澳洲牛扒 frame grill 的 ～ 入口有淡淡的炭燒香味 肉味都幾濃
我比較鍾意嘅係鵝肝黑松露意粉 個意粉軟硬度剛剛好 好濃嘅黑松露醬同埋有好多菇 鵝肝有兩塊 唔算十分肥膩 入口香滑 唔會食到成口油
最後甜品係芝士蛋糕～減肥嘅我都忍唔住食晒
由於今日係weekday 夜晚所以冇live Band 下次要星期六夜晚嚟再試下 ～！
總括來講侍應服務好 食物質素中上 地點就腳一班人或者情侶晚餐都好適合Thanks
銅鑼灣超近地鐵站嘅間餐廳，最重要係佢除咗食嘢之外亦都可以聽音樂，如果星期五六日黎，放咗工之後黎chill都幾正
燒美國頂級肉眼牛扒 10安士
呢塊肉眼扒叫咗五成熟，煎得啱啱好唔會過熟。薯條都幾多，係外脆內軟嗰種，配菜亦都有翠玉瓜蕃茄仔等等，牛扒鎖住晒啲肉汁。
芝士漢堡
呢個芝士漢堡有兩塊肉咁多，而且佢啲芝士溶埋一齊，配埋千島醬，洋蔥蕃茄生菜等等，而且漢堡包嘅包皮都烘過黎，所以口感都會脆卜卜咁。
蒜蓉大蝦
蒜蓉大蝦成八九隻咁多，食得出都幾新鮮，仲有四塊蒜蓉包，浸埋落個龍蝦湯飲，好夾！
美味滿足二人套餐
The MusicBox Grill House & Bar 係以音樂為主題嘅西式扒房！餐廳內設有DJ打碟位置，仲有機會欣賞DJ即席表演！
二人套餐 $628
非常豐富，包括有：兩個湯、一個前菜、兩個主菜、兩個甜品及兩杯飲品！
新英倫周打蜆湯 （兩客）
大大隻蜆加入湯內，味道清甜！仲跟埋香脆嘅蒜蓉法包，好開胃！
香蒜牛油煮蜆
蜆肉脹卜卜，鮮甜美味，份量夠多！將蒜蓉法包點少少入蜆湯內，好味道！
草飼澳洲肉眼牛扒
肉眼牛扒大塊又厚身！我哋選擇咗五成熟，肉質粉嫩軟淋，味道甘香多汁，nice！
鵝肝松露意大利粉
鵝肝外層至微微焦香，內裡綿密，油香四溢！ 整個意大利粉充滿黑松露香氣，而且好creamy，加上軟硬適中嘅意大利粉，好滋味！
精選蛋糕 （兩件）
當日係紐約芝士蛋糕，濃郁嘅芝士味，口感軟滑，唔錯！
凍檸茶 （兩杯）
🎸🥁如果一路食飯，一路有駐場DJ打碟助興，到底係一種點樣嘅體驗？週末到銅鑼灣The MusicBox 就可以感受呢種顫動同興奮嘅感覺喇！必食推介：蒜蓉牛肉煮蜆（$168粒粒新鮮juicy）、凱撒沙律+慢煮雞胸（$88+38=$126鮮嫩唔「鞋」口）、慢煮豬肋骨（$268半份，一撕就輕易離骨」同龍蝦汁海鮮意粉（$188）👅💓輕輕一提：服務態度好到以為自己去左酒店🙈 …
銅鑼灣Music box grill house and bar環境幾好，新潮感覺，牆上壁畫poster增添時尚感，再有輕快歐美歌！夠舒適。menu都幾多選擇，價錢錢 美國肉眼牛扒10安士份量為餐廳推介，份量比手掌更大，外層網紋grill香，賣相十足！內層帶微微粉紅！好香又夠嫩滑，沒有乾柴感覺！非常好食，旁既香大啡菇亦好 juicy!
辣椒什錦海鮮 pizza, 有帶子粒，蝦， chilli pepper增加香辣感覺，帶子綿綿，蝦肉幾彈！mozzarella cheese好足，芝士味夠重身！香香辣辣紀惹味，薄邊夠香脆。
食物質數 and員工服務都好好。
The Musicbox Grill House & Bar (銅鑼灣)
.
銅鑼灣呢邊L square成幢去到銅鑼灣廣場都有好多樓上食肆，其實呢幢嘅我地都試左好幾層，今次試8/F
.
▪️Caesar Salad add Grilled Scallops▪️
.
前菜吃個沙律先😋 Caesar Salad有麵包粒，再加上帶子，帶子煎兩邊微焦，可惜個人喜好偏生啲，個帶子對我而言熟左啲，但都好食！
.
▪️Fisherman’s Catch▪
.
唔想食扒食肉，叫個Pizza係辣海鮮，好惹味都真係幾辣下，上面有大蝦以及魷魚🦑大蝦感覺好新鮮入口好爽！
.
▪️Vongole Spaghetti▪️
.
牛油蒜香意粉乾身，黑椒味略重，蜆肉細細粒但都幾鮮甜😛
.
▪️French Fries▪️
.
叫多個side dish係我最喜歡嘅垃圾食物薯條，好食嘅薯條一定係金黃包外脆內綿又夠熱，翻炸嘅會係金褐色無咁靚！
.
飲品除左啤酒之外，我叫左杯mocktail Honey Lemonade，貪佢夠醒神開胃！
.
📌 The Musicbox Grill House & Bar (銅鑼灣)
銅鑼灣駱克道459-461號The L. Square8樓
環境：⭐️⭐️⭐️⭐️⭐️
味道：⭐️⭐️⭐️⭐️
服務：⭐️⭐️⭐️⭐️⭐️
價錢：⭐️⭐️⭐️⭐️
.
—————————————————————-
#hkig#hkigfood#hkfoodie#foodie#food#food#foodstagram#hkfoodlover#hkdaily#foodiehk#foodig#foodlife#hkfood#hkfoodblogge#銅鑼灣美食#themusicboxgrillhouseandbar
同朋友去銅鑼灣嗰度行街，之後攰左係附近搵到一間幾有氣氛嘅餐廳就決定試一試。
因為費事諗所以我哋叫咗一個二人餐大家一齊食，冇諗過佢2人餐嘅份量有咁多，而且又有前菜有main有甜品👍🏻
二人套餐 $628
New England Clam Chowder（2 Bowls）
新英倫周打蜆湯（兩客）
好有驚喜嘅餐湯！好高質素！飲落好Rich and creamy，有勁多fresh clams，好少湯會有咁多料😍
Garlic Butter Clams
香蒜牛油煮蜆
好在我地都係愛蜆之人❤️第二道菜又係蜆呀🤣
份量好多😳蜆冇沙好鮮甜，sauce略帶white wine味🥳
Australian Grass Fed Beef Rib Eye草飼澳洲肉眼牛扒
有我最愛嘅portobella mushroom做side😍💕開心🥳
Rib eye我地叫咗medium rare，稍為過熟咗少少🤏我估6成倒
牛味ok，中意佢唔太多脂肪位💗
Foie Gras＆Truffle Pasta
鵝肝松露意大利粉
呢個pasta超多菇菇🤣truffle味都香，就係foie gras差少少🤫
Selected Cake（2 Cuts）
精選蛋糕（兩件）
係cheese cake~食落好light唔甜膩💕
飲品朋友+$28轉啤酒😆
整體而言好抵食，質素都唔差
📍 The Musicbox Grill House & Bar (銅鑼灣)
銅鑼灣駱克道459-461號The L. Square8樓
今日同朋友嚟試試呢間銅鑼灣嘅樓上餐廳The Musicbox。
凱撒沙律$88
沙律菜新鮮爽口，配合酸酸地醬汁十分開胃，仲有脆脆麵包粒！
黑松露意大利雲吞 $138
意大利雲吞非常大隻，雲吞皮軟硬度適中，松露醬濃稠香滑。
草飼澳洲肉眼牛扒 $268(10oz)/ $318 (12oz)
呢塊牛排非常高質，肉厚多汁，切開肉質粉嫩，入口牛味很重。
三重朱古力軟滑蛋糕 $98
一整件裏裏外外都係朱古力，甜度有返咁上下，不過因為佢有三個層次感，又唔會覺得太over。
🍽CHILL住食高質西餐`
1個星期最期待一定係星期5,
咁就緊係要黎祰HAPPY FRIDAY啦!
平時LUNCH都唔會去L.Square食野,
所以今日專登搵左哩間有得飲酒食西餐既樓上餐廳試下!
食物方面:
🥂點左一個2人套餐!!
⚪️新英倫周打蜆湯
足料好飲,配埋蒜蓉多士!!
⚪️香蒜牛油煮蜆
好大碟蜆無沙,而且好香蒜蓉牛油香草味,正!👄
⚪️草飼澳洲肉眼牛扒
點左7成熟岩岩好,肉質好淋肉味濃🥩
另外仲有大啡菇同配菜都好好食!
⚪️鵝肝松露意大利粉
勁好食,味道係超級濃郁,
個汁好滑加埋松露味好香🥰
有埋鵝肝提升左成個意粉,好正!
⚪️芝士蛋糕
作為飯後甜品真係完美!
好滑入口即溶既芝士蛋糕!好夠芝士味好滿足!
⚪️跟餐點左2杯凍檸茶再另加左1杯Hoegaarden生啤
食西餐再加杯酒真係chill好多,可以放鬆下!
整體方面:
餐廳唔算好大但好有氣氛,餐廳右邊有個dj枱,
不過我食6點半比較早就無人打碟呀咁,
但有一路播住歌,好好聽,再配埋咁好食既野,
同另一半飲下酒食下野心情都會變得好好!😍
哩個餐咁岩全部都係我中意食既野,性價平好高,
同姐妹/另一半放工放假想食好野一定要試下!
🤤
聽朋友介紹銅鑼灣有間唔錯嘅西餐🥰重點有小編喜愛嘅龍蝦汁意粉😛所以點都要抽時間過嚟試一試啊👍🏻
________________________________
食肉獸pizza
(salami, ham, sausage,bacon,Hamburg and mozzarella)
呢個Pizza個size唔係好大😋兩個人叫都唔怕食唔晒👍🏻全部餡料都係小編最鍾意嘅topic😍而且佢係薄批😊焗出嚟熱辣辣條邊又脆卜卜🤤真係食到停唔到口🤗
黑松露風味雞翼
通常都係食黑松露薯條🤔第一次試黑松露雞翼😋有啲沙律醬酸酸地咁好開胃🥰仲有淡淡嘅黑松露香味🤪小編非常滿意👍🏻雞翼有得揀一打定係半打咁叫🤗啱晒我哋兩個人每人三隻啱啱好🥰
龍蝦汁海鮮意粉
龍蝦汁係小編最愛😍呢個意粉真係做得非常之好😋佢又唔會好漏🥳重點係真係有好多海鮮配料🥰龍蝦汁做得非常之好🤤唔會過鹹又唔會過淡😘所有嘢都Perfect👍🏻
黑松露意大利雲吞
呢個係意想不到咁好味🤤因為小編都好愛黑松露🤣所以雖然叫咗意粉同Pizza兩個澱粉質😛但係都堅持叫埋呢個雲吞🤪佢個汁真係做得好好👍🏻好香黑松露味😍而且好雲吞好正宗😋正👍🏻
Honey lemonade & Lime soda
兩杯飲品都非常之滿意呀👍🏻酸酸地好開胃😋下次夜晚你就一定要試吓佢啲Cocktail先得🤗
________________________________
食物🍽：⭐️⭐️⭐️⭐️⭐️
環境📸：⭐️⭐️⭐️⭐️
服務💁🏻：⭐️⭐️⭐️⭐️⭐️
________________________________
An nice chilling and relaxing restaurant with fantastic food 🥳
.
以音樂調劑氣氛嘅樓上西餐廳，老闆Godwine Lee係出名嘅DJ，餐廳有一個DJ台，食物方面就主打美國南部菜式。
.
餐廳氣氛好，侍應有禮貌，嗰晚我哋坐係到傾計傾成兩個鐘，好開心🥳
.
⚠️Tips: OpenRice 訂座享有最高75折
.
二人套餐 $628 👍🏻抵食
湯、starter、兩款主食、甜品&咖啡/茶
.
📸️周打蜆湯
質地偏流質，湯入邊粒粒蜆肉，有塊醃得好入味嘅蒜蓉包
.
📸️香蒜牛油煮蜆 👍🏻力推
蜆肉肥美、香甜，湯加咗少少酒，香口，蒜蓉包索晒啲湯汁，好味
.
📸️鵝肝黑松露意大利粉
自選意大利粉款式，我揀咗長通粉，條條都掛晒黑松露醬汁，好香，佢嘅長通粉煮得啱啱好，咬落去有口感，鵝肝雖然細細塊但好香。
.
📸️草飼澳洲肉眼牛扒 👍🏻力推
叫咗五成熟，但係切開唔會流晒血水，煎完之後都保持到肉質好腍，又香牛味
.
📸️芝士蛋糕
食飽晒之後，梗係要食甜品配咖啡，芝士蛋糕有驚喜，質地偏軟身，但係好香芝士味，咖啡味道就偏nutty，濃烈少少。
.
每人三百幾由頭食到落尾，食物質素唔錯，環境舒適，好啱同朋友bi-li-bla-la吹水👯♂️
⭕️follow my IG :90s_taste
今日約咗朋友去銅鑼灣行街，食左呢間係L square 嘅西餐廳🍽。
入面環境氣氛🏠好好好適合一班朋友👯♀️聚會傾偈，我哋兩個人費事煩所以決定要咗個二人餐。個餐都會有餐湯🥣，兩個主食嘢飲同甜品🍰。
首先有粟米周打湯🥣配蒜蓉包🍞，之後又有香蒜牛油煮蜆🦪
呢個份量超多好似食極都食唔完，蜆肉🦪肥美，食到淡淡牛油🧈蒜香🧄，沾上蒜蓉包🍞食，一流。
再嚟主食要咗個五成熟嘅肉眼牛扒🥩，佢肉質鮮嫩，火候剛剛好，唔會過老，再配上大啡菇🍄好健康！
最後仲有黑松露蘑菇扁意粉🍝，意粉🍝掛滿黑松露汁，分量超多兩個女仔食唔哂。
以甜品有紐約芝士蛋糕同千層蛋糕，10分滿足。埋單total七百幾，食到好滿意
美味的食物，良好的服務，但食物還有改進的空間。
牛排的BBQ味道不錯，但BBQ燒焦的味道會少一些。品質優良的馬鈴薯和蘑菇。蔬菜很好，它是唯一一種煮熟的蔬菜，但只是油炸的。
整體美味可口。
一件事很好，音樂很好聽。流行和時尚。愉快的
空間好闊落～播著音樂好舒適！夜晚好似會有DJ駐場。
服務員態度也很好👍Nice!會因應客人用餐嘅速度而上菜～
凱撒沙拉
好大碟🤣真係食菜都食到飽！仲有一啲炸左嘅肉粒係裡面，好脆好有咬感😋
豬肋骨
超級好食😋肉質軟林的豬肋骨、味道也很好👍半份已經超大份，兩個人食真係有啲大份😂😂多啲人去一定要試🌟🌟🌟
辣蜆肉意粉
好多蜆肉，有少少辣，好味，我地叫左扁意粉，不過意粉就硬左少少，我鐘意食軟身少少的～
黑松露薯條🍟
薯條外脆內軟！美中不足的就是用的是黑松露粉，我覺得欠缺左少少～不過整體黎講都可以！很有特色的🍟
聽聞銅鑼灣有一間以音樂為主題的餐廳，間唔中仲有DJ打碟，最重要係食物質素也不錯，我當然要試吓啦！
餐廳面積不算大，但十分開揚，座位也舒服，雖然今晚沒有DJ駐場，但整晚也不停播放住最hit的歐美歌曲，節奏強勁，氣氛勁好，令人心情高漲。
有時去到餐廳諗食乜嘢都好煩，好彩在Musicbox揾到set for 2，包Soup, Appetizer, Main, Dessert &Drink, 真係好好嘅選擇。
New England Clam Chowder Soup~
以鮮奶油為湯底，配料有蜆肉，魚肉 ，洋蔥，薯仔和煙肉，味道好濃好creamy,好好味。
多士好鬆脆， 充滿蒜蓉香草味，正！
Garlic Butter Clams~ 蜆肉好飽滿好鮮甜，牛油蒜蓉味好濃好香，好滋味。
Australian Grass Fed Beef Rib Eye~
澳洲穀飼肉眼扒表面炭燒味好香，有咬口， 肉質鮮嫩， 肉質豐富，牛味香濃。
配菜除了有薯角和車厘茄， 還有大大隻大啡菇。大啡菇厚肉又juicy, 菇味十分濃郁，好好味。
Foie Gras and Truffle Spaghetti ~
鹅肝表面好焦香， 口感細腻軟滑
意粉黑松露味非常濃郁，口感爽彈煙韌，好惹味。
New York Cheese Cake~芝士味濃，入口即溶，很不錯。
Coffee~一邊食Cake, 一邊飲咖啡，好滿足！
Iced Milo~冰美祿香濃少甜，冰涼好味！