孖寶車仔麵

味道ok，價錢可以

出品普通
價錢稍貴

味道好，價錢份量合理。

店舖環境一般，座位狹窄擠迫，服務及食品質素尚算可以，最不喜歡在店內堂食，店舖一律採用外賣餐具，發泡膠碗，竹筷子 ，膠匙… 咁堂食同外賣有什麼分別？只係有個地方坐？既不環保又浪費，製造大量不必要嘅垃圾，不會再去！😠😤 …

地方較擠逼，但食物不錯，價錢一般。

次次request要瘦嘅豬大腸都偏偏比啲好肥，今次仲韌到咬唔入，圈住咗要秘製汁又冇比，搞到我要拎返轉頭加返

葵廣入面嘅孖寶車仔麵咁多年都屹立不倒，仲可以有三四個鋪位容納大量食客，價格親民，係速食嘅首選。

三餸車仔麵（$48）
三餸車仔麵揀咗鳳爪、豬頸肉同豬紅配米線及秘製汁。鳳爪好淋，鹵水好入味！豬頸肉肥瘦適中，豬紅爽口滑溜。秘製汁更提昇湯底嘅層次。

枱上仲有菜甫同辣菜甫任加，菜甫好脆好新鮮，唔係放咗好耐好霉果啲嚟嘅。

🌟 三餸連熱飲$48，想另加餸每款都只係+💲9，轉凍飲+💲3。價錢真係好實惠！

墨魚條碗仔翅（$）
呢個碗仔翅好好飲，又大碗。仲要一啲都唔留手俾咗7-8條墨魚條，口感好彈牙。👍🏻

孖寶除咗車仔麵，仲有其他不同嘅港式小食如腸粉、燒賣、魚蛋、碗仔翅等。如果唔想食麵仲可以轉腸粉，聽到隔黎枱讚腸粉彈牙。下次我都要試下先😋

車仔面關注組之一既車仔面，
其實除左車仔面，小食都係好正，
咖喱魷魚，雞脾，碗仔翅必食推介，
價錢非常之抵，同街邊既小食店差不多價錢，仲要有位坐同有好殷勤既姐姐招呼你，無得頂喇吧。
姐姐好好人，聽到隔離枱無嗌飲品，
姐姐主動提出話俾杯水佢，太體貼了吧。

晚餐嗌左個車仔面（$43包熱飲+$9多個餸）加左個魚肉碗仔翅（$23）
兩個人食剛剛好，
冬菇同牛根都係好淋好入味，
咖哩魷魚係必食，魷魚爽口，咖哩醬濃，
加左個煎蛋，係燶邊煎蛋！相信都無乜人識貨會嗌，不過，是好正架！

係葵芳開工突然想食車仔麵 , 上網一搵發現孖寶 , 即刻去試一波 .

呢度嘅滷水真係正架，夠哂入味，最正係滷水腎片，滷到夠淋易咬口，雞腳豆腐雞翼都入哂味，濃而不咸。

陳皮魚蛋蘿蔔雞腳米粉，正宗陳皮魚蛋不失彈性，好香陳皮味，係舊日嘅味道。加埋秘製辣菜脯完美。

呢度仲有糖水同糖豆漿，味道不俗！
服務
外帶
餐點類型
晚餐
建議的餐點
辣菜甫

位於葵涌廣場的車仔麵食店，港式街頭小食及車仔麵。客人可在點餐紙上自由剔上喜歡配料、麵條、湯底醬汁等等。餸菜選擇多，餐牌上也有預設配搭。

孖寶推介：生菜魚肉湯
魚肉條較柔軟，生菜剪成細塊，浸在滾湯一會兒，方便跟湯一起進食。湯帶點麻油香。

三餸麵套餐
麵底：手打麵
湯底：清湯、蔥花
餸菜：滷水豆腐、花枝條、菜肉雲吞
手打麵是粗麵條，看上去像烏冬，但是口感不一樣。這款麵條較硬身，不煙韌，但蠻有口感。味道不夠的話，還可以自行加辣菜甫及辣油。另外還有一款不辣的菜甫，那款則是甜甜的。滷水豆腐大塊，整塊吸滿滷水汁；花枝條富彈性；菜肉雲吞皮厚，餡料飽滿，菜肉比例均勻。
服務
內用
餐點類型
晚餐

平時行開葵廣離不開麵係掃街，但果日真係肚餓到暈，拿拿聲坐低趴返碗車仔麵先🥹

三餸車仔麵套餐 $48
我地叫咗粗麵配豬紅，豬大腸，雞中翼，粗麵嘅麵質麵都唔錯，餸嘅份量都適中，豬紅爽口滑身，豬大腸都幾入味，雞中翼嘅Sɪᴢᴇ都唔算細隻，肉都幾嫩滑😆

五香牛什 $30/碗
呢碗牛什好足料，份量好多，有埋甜醬同芥末醬，加分👍🏻👍🏻 每款都做到好入味，蘿蔔就梗加唔洗講，一定要食🤤

墨魚條碗仔翅 $25
呢碗好有驚喜，係好傳統港式嘅碗仔翅嘅味道，配料一樣無手軟，冬菇絲，木耳絲滿滿一碗，墨魚仔就爽口彈牙，墨魚味好濃，比起食魚肉翅多咗一份開心嘅感覺😆 唯獨今次呢碗就比較稀咗少少，稠返啲就更好喇😗

我諗如果唻過葵涌廣場嘅人都唔會唔知道孖寶車仔麵依一間舖，歷史非常之悠久！仲記得我第一日過嚟葵芳返工同事已經帶我嚟食呢一間車仔麵，食飯時間永遠都好多人就證明佢有幾咁好味啦。而家因為疫情問題，所以我哋今日下午茶一於就決定外賣，當然少不了緊一定係生菜魚肉啦，價錢優惠，但係份量絕不會少，我最鍾意好香嘅胡椒粉味！另外仲叫咗一份雞翼尖同埋燒賣腸粉，同事都話個腸粉好滑加埋啲醬撈埋一齊非常之有香港風味！呢一間絕對係下午茶或者lunch hour必吃嘅小店！

腩汁湯好鮮甜。

普通平民百姓車仔麵 冇乜特別

每一樣餸都好食😋

呢間孖寶車仔麵真係由讀書時期食到依家😌到出嚟做嘢之後都好少過嚟葵芳，難得嚟到就諗起呢間車仔麵，就嚟食下先😋

車仔麵係必食，第二係滷水雞髀🍗🤤

好貪心地叫咗四餸一麵😆分別係豬腸、蘿蔔、水餃、牛栢葉加杯凍檸茶😙加多一隻滷水雞髀😍好少地方有滷水雞髀，通常都係炸雞髀多，每次食見到有都會必點，好貼心地有埋膠手套，方便進食👍🏻

下次嚟都係會照舊食返經典車仔麵的😍再encore其他款式，例如咖喱魚蛋、咖喱鮮魷魚都不錯的🤗
服務
內用
餐點類型
午餐

服務好好嘅平民餐廳👍👍
碗仔翅足料，十蚊份腸粉好抵食😋 …

去葵廣行完食車仔麵，點咗一個車仔麵加一碗糖水，簡單但滿足。

車仔麵點咗4個餸，包括雞腎、魚肉條、咖哩魷魚同埋生菜，湯汁揀咗沙嗲汁，熱飲就係好立克。

碗河粉份量都唔少，沙嗲唔辣，啱我口味，同生菜一齊食味道啱啱好。值得一提既係雞腎軟稔入味，但又唔怕過鹹👍🏻

🍂呢排天氣開始乾燥，所以食完麵再食碗豆味香濃又潤肺既腐竹雞蛋糖水，感覺好滋潤。
服務
內用
餐點類型
晚餐

唔夠熱，也不夠香。
係腸粉夠滑麻醬夠濃。
這樣要57元包飲品。
勝價比不夠高。
服務
內用
餐點類型
午餐

車仔麵店幾受歡迎，於是去試下😆
–
佢價錢親民，三餸麵連飲品都係$48，之後每加一個餸就$9，有超過50種餸俾我哋揀！
–
我嗰碗係蘿蔔、牛腩、豬大腸、雞腎車仔麵配沙嗲汁，蘿蔔非常入味，豬大腸同雞腎都好爽口，沙嗲汁好惹味！
–
另一碗係雞翼、牛腩、滷水豆腐同埋醬爆肉丸，雞翼同滷水豆腐都索晒滷水汁精華，肉丸一咬落去爆汁！

燒賣
燒賣口感煙韌，無蒸到淋哂
值得一讚，係我喜愛既口感
加上辣椒油，好香口

滷水雞翼
份量好多，好抵食
雞翼醃得好入味，咸度剛好
外皮吸收哂醬汁
食得好滋味

牛雜
牛雜做到好好，完全無腥味
食得出係新鮮食材
咬落有彈性同好入味
大碗抵食，推薦！

韮菜大腸豬紅湯
湯底係胡椒湯，好香濃好有誠意
大腸洗得乾淨，可以放心食

首先要左一個四餸車仔麵，揀咗蟹柳，滷水豆腐，蘿蔔同滷水蛋，配米粉。

一碗嘅份量都幾多，特別推介佢哋嘅滷水豆腐，真係超級入味，超級濃郁。

另外蘿蔔都好清甜，好大嚿。

嗰晚太肚餓嘅關係，所以另外仲叫咗一隻滷水雞髀。本身冇期望之後竟然好有驚喜。

雞髀好入味，好重滷水味，濃郁之餘，但係唔會過咸，另外肉質都好嫩。

估唔到隨便入嘅一間車仔麵檔，都幾唔錯，下次去開呢度行街有機會都會再幫襯。
服務
內用
餐點類型
晚餐

[葵芳] 孖寶車仔麵

3餸車仔麵
食剩指數 : 0/100
車仔麵揀左油麵底
麵質偏軟身但唔會超淋
48$3餸連飲品幾抵
餸就揀左牛腩、豬頸肉、豬皮
牛腩好入味好腍
豬頸肉唔係泰式果種爽彈
肉質都唔錯
豬皮都有汁煮過
好爽滑同埋唔會有好多毛
.
腸粉
食剩指數 : 0/100
食麵之餘仲想食小食
港式小食入面腸粉加醬一定排頭幾位
10$已經有一碟
食落好滑
甜醬麻醬芝麻
呢個味真係好夾
.
滷水豆腐
食剩指數 : 3/100
豆腐好入味
滷水甜甜地唔會好咸
如果豆腐再滑少少就滿分
服務
內用

最鍾意車仔麵有唔同嘅面底選擇，呢一間甚至可以將麵底轉做腸粉或者撈麵，亦都可以配上唔同嘅汁，令到你嘅選擇更加多元，而小食方面，亦都可以配好多唔同種類嘅食物，連雞中翼都有😍
而且先40幾蚊就有三餸，個人覺得都幾抵食😍😍
而且仲包埋飲品，加$3就可以變凍飲又或者豆漿😆
而且地點又好方便，行完葵廣覺得仲想坐低食吓嘢嘅話，喺呢一度就啱晒你啦🫶🏻
順帶一提，個人覺得佢嘅牛肚牛腩幾好食
如果唔夠食嘅話，加多一份腸粉先至$10
服務
內用
餐點類型
晚餐
建議的餐點
辣魚蛋

舖頭要自己搵搵位， 好貼地 。

四餸車仔麵揀咗醬爆肉丸，辣魚蛋，咖哩魷魚同麻吉燒， 麵方面揀咗手打麵。 咖哩魷魚好好食， 咖哩味層次豐富，夠曬杰身， 魷魚爽口一咬就咬得開，大推。 辣魚蛋有六粒， 食落都彈牙冇雪味。 麻吉燒就比較普通，就係一般我哋打邊爐都會食到嘅麻吉燒味道 。 醬爆肉丸有兩粒 ，可能因為食咗咖哩魷魚嘅關係 ，肉丸餡食落偏淡， 咬開肉丸瞬間有少少油汁溢出嚟。

佢哋嘅手打麵望落似烏冬， 食落就比烏冬硬身，有咬口，亦都冇烏冬嘅酸味， 非常好食。 配上店舖提供嘅辣泡菜， 成碗車仔麵即刻惹味咗好多 ，令人忍唔住想再食多碗。

牛雜飯有牛腸牛肝牛肚同蘿蔔， 牛腸冇騷味帶少許肥膏， 蘿蔔質感夠淋，可惜味道淡咗少少。

魚肉碗仔翅大概有14，5條魚肉, 魚肉食落味道唔算出眾，勝在有咬口。 碗仔翅即使唔落胡椒粉味道都好足，餡料非常豐富。
服務
內用
餐點類型
晚餐
餐點：5
服務：4
氣氛：4
建議的餐點
雜錦車仔麵 辣菜脯