大公雞

呢個夜市番茄牛肉麵，湯底清甜，鋪了滿滿的新鮮番茄，牛肉肉質半筋半肉，嫩滑有嚼勁，麵質煙韌，唔會煮得太腍。

小食叫咗台灣香蒜小香腸，小香腸肥瘦適中，切成薄片煎得脆口，肉身紮實，不亁澀，夾埋蒜片一齊食最惹味。

椒鹽雞中翼，外皮炸得相當酥脆，炸粉不算太厚，有椒鹽調味，唔算太咸，食落有肉汁，唔亁身。

珍珠奶茶正常發揮，珍珠軟糯適中。

黑糖薑茶，好喝不辣，飲完暖心又暖胃。
餐點類型
午餐
平均每人消費金額
HK$50-100

呢個商場都幾多餐廳，最後揀左呢間台式餐廳。

叫左四寶手工麵，有雞翼牛筋牛腩豬大腸,仲要咗個台式半筋半腩飯。
揀咗兩個小食分別係椒鹽魷魚鬚同埋寶島鹽酥雞，飲品點左仙草奶茶同奶蓋奶茶。

四寶手工麵個湯底聞起嚟已經好香亦都好有古早味道，牛筋，牛腩，豬腸亦都炆得好腍，雞翼好入味，佢個麵條非常彈牙qq，好好味，價錢（$65）超值！

另外個半筋半腩飯，牛筋炆得夠淋但仍然有一定嘅彈牙口感，牛腩又係入味得嚟唔會炆耐到鞋口，份量好多，好食！

寶島鹽酥雞好正宗係台灣嗰種味道，外皮酥香入面雞肉嫩嫩。個魷魚鬚有啲似港式不過都好好味，外皮炸到薄脆入面嘅魷魚彈牙，爽爽，陣椒鹽味好香！

兩杯茶飲同出面台式飲品店嘅品道一樣，仙草份量都好多，奶茶又好夠茶香，好飲！
服務
內用
餐點類型
晚餐
平均每人消費金額
HK$50-100
餐點：5
服務：4
氣氛：4
建議的餐點
台灣牛肉麵

🐳大公雞不只食雞

🐳大公雞台式美食，門面裝修有種懷舊feel，餐廳內裏企理。店員親切有禮，服務態度好。

🐳士林半筋半腩麵💰60
半筋半腩即係又有牛筋又有牛腩，牛筋和牛腩炆得好入味，而且非常軟滑，一咬即溶。

🐳麻辣三寶手工麵💰60
呢度嘅牛三寶，就有牛腱牛筋和牛腸，非常欣賞佢哋嘅腸，感覺好乾淨，又好好食，而且麵條好彈牙，又有質地。

🐳椒鹽魷魚鬚💰42
炸漿一啲都唔厚，好惹味！

🐳花枝丸💰42
好彈牙！

🐳珍珠奶茶💰15
🐳焦糖咖啡💰15

一開始聽到朋友話想試呢間大公雞以為係食傳統中菜嘅，因為個店名真係好霸氣，亦都令我諗起由細到大用開嘅雞公碗。黎到原來係食台灣野嘅，價錢都好相宜，雖然店面唔大，但座位好闊落坐得十分舒服。👍🏻

四寶手工麵(雞中翼，牛筋，牛腩，大腸) $65
所有嘅配料都好多，大腸都有3,4舊，雞翼有兩隻，牛筋都有兩三條，牛腩都有兩舊，配料除左多之外重好入味，唔會淡某某咁。麵係手工麵黎，好中意食呢種麵底，唔會令人好漏，亦都索到個湯汁好正!😍

香香雞扒肉燥撈麵 $55
黎到見到超多肉燥係個麵上面真係令人好興奮!撈完之後每一淡都有肉燥真係好幸福啊!!肉燥食落唔覺好多肥豬肉，亦都唔會好油好肥膩，麵底都係手工麵，不過今次呢隻係幼麵黎，反而更容易令肉燥掛上麵，份量望落好似唔係多，但其實配埋咁大塊香香雞扒我相信一個大男人都應該會飽。講下香香雞扒，佢真係炸得好香亦都炸得好透，炸皮唔會好厚，食晒之後都唔見佢隻碟好多油，相信餐廳係有特登索一索啲油先再上碟。雖然叫得香香雞扒都係預左減唔到肥架啦，但食完見到咁多油內心都係會有罪惡感。🤭

炸花枝丸 $42
花枝丸真係好好食!炸得好香，無另外加炸粉都已經好香口，炸完陣花枝味飄晒出黎真係會令人想一啖吞左佢。最怕食花枝丸好似一pat粉咁，佢入面有花枝肉勁有咬口，唔錯!😳

肉燥菜心 $25
菜心好靚好新鮮，都唔大棵煮得都易咬，可以解一解食香香雞扒同炸花枝丸嘅罪疚感。🤣

仙草奶茶跟麵加 $15
朋友話奶茶好香好重奶味，仙草都好易咬唔會成舊涼粉咁，仙草味都好濃。😋

龍眼冬瓜茶跟麵加 $6
無去台灣咁多年，已經好耐無飲過冬瓜茶啦，天氣咁熱真係好想叫返杯涼浸浸嘅冬瓜茶解下暑。我都無叫到少甜佢都唔算係好甜，如果大家怕甜嘅飲冬瓜茶建議大家都係叫凍飲唔好少冰或者走冰啦，有多啲冰佢係會無咁甜嘅。食完炸野飲一淡冬瓜茶，相信今次唔會爆瘡啦!🤓

平時唔係呢頭返工，原來黎呢間餐廳都好方便，地鐵站有直接出口上天橋行過黎就係商場，同層重係美食廣場咁超多選擇!好羨慕朋友係呢邊返工啊，平時放lunch一定煩少好多野。🥹
服務
內用
餐點類型
晚餐
平均每人消費金額
HK$100-150
餐點：5
服務：5
氣氛：5
建議的餐點
鹽酥雞滷肉飯 花枝丸