肚餓了串燒烤焗專門店(Hungry Bird)
營業時間
| 星期日 | 11:00–15:00 |
| 星期一 | 11:00–15:00 |
| 星期二 | 11:00–15:00 |
| 星期三 | 12:00–15:00 |
| 星期四 | 12:00–15:00 |
| 星期五 | 12:00–15:00 |
| 星期六 | 12:00–15:00 |
服務選項
外送
外帶
內用
無障礙程度
不支持無障礙座位
不支持無障礙停車場
產品/服務
小菜
宵夜
酒精飲料
酒精飲料優惠時段
啤酒
葡萄酒
用餐選擇
晚餐
餐飲服務
甜點
設施
洗手間
氣氛
氣氛悠閒
客層族群
適合團體
規劃
接受訂位
付款方式
只收現金
信用卡
好友早前轉了新工作崗位，忙到天昏地暗，幸好還可以忙裡偷閒，與我飯敘。大家相約了來尖沙咀吃晚飯，一於邊食邊傾。
友人揀了亞士厘道這間串燒烤焗專門店，餐廳佈置平實，用上灰色牆身襯高身木檯櫈，再以酒樽作點綴，環境輕鬆寫意，格局頗有氣氛。另外每張檯上均放了三樽不同的調味料，方便客人吃串燒時自行添加。
餐牌很簡單，一張過，但其實選擇都幾多，前後兩頁都寫滿食物，項目分門別類。
先來一客汁燒BB露筍 ($39)：合時的露筍鮮嫩非常，條條色澤都保持翠綠，咬下爽口又多汁，而且一點渣也沒有，跟燒汁非常夾配，入口鹹鹹地，甜甜地，很入味。
鹽燒厚切牛舌 ($68)：牛舌一串有 5 塊，既大件又厚身，咬下爽脆不韌，每一口都充滿肉汁，不油不膩，羶味亦絕不強烈。
燒新鮮冬菇串 ($29)：好多時食燒冬菇都會覺得太淡，但呢度就無問題，不但燒得剛剛好，而且調味十足，能夠帶出冬菇嘅鮮味。
香燒原條日本鰻魚 ($62)：條鰻魚的 Size 雖然唔算好巨型，但都有我手掌般長，以原條來說，可謂十分划算。反轉可以清楚見到兩面都同樣燒得金黃，加上邊位烤至微焦，外皮脆卜卜，魚肉結實且有彈性，配上蒲燒汁，更加惹味。
鹽燒安格斯牛柳粒 ($79)：初頭覺得啲牛柳粒唔夠厚身，但原來食落味道唔錯，燒得啱啱好，入口柔嫩脆韌，而且香氣濃郁，口感厚實彈牙。
蒜蓉燒原條茄子 ($49)：原條半呎有多的大茄子開邊，再放上蒜蓉來燒，送上桌時香氣撲鼻。茄子本身已經好鮮甜軟腍，加上夾雜住好香的蒜蓉味，入口非常 Juicy，愛茄人士必試。
食燒烤或串燒，點少得雞翼？點了客柚子香燒雞翼 ($30)，雞中翼肥大飽滿，面層塗滿了甜甜的柚子蜜，雞皮很薄，食落帶柚子清香，而雞翼內裡的肉質亦非常好吃，雖未至於汁液四濺，但咬下嫩口不乾身。
惹味黑椒牛仔骨 ($59)：碟牛仔骨非常抵食，份量超多，而且最正就係醃得好入味，加上辣辣地嘅黑椒汁，香口又惹味，非常值得推介。
近排天氣轉冷，唔敢飲凍嘢，所以一人點咗一杯熱柚子蜜 ($18@) 來滋潤喉嚨，可以清楚見到杯底沉著不少柚子肉和柚子皮 ，甜度亦剛好，飲完成身暖曬。
店內環境乾淨企理，值得一提是窗口位可以望到街景，仲可以望到小小幻彩詠香江，尖沙咀夜景真係幾靚!
Menu有多款串燒烤焗肉類蔬菜，仲有啤酒，很適合約朋友來吹水,慢慢傾。食串燒店其中一個好處就是不用整到自己一身燒烤味，也可享受美味的燒烤。
安格斯牛柳粒
先上的是烤安格斯牛肉，牛肉juicy,好香牛肉味,簡單地用孜然同鹽吊味已很滋味!
香燒餃子雞翼
再黎是餃子雞翼，雞翼表面塗上燒汁，中間塞了滿滿明太子，味道十分惹味，食得辣既朋友要試試呢個，它比起平日釀滿糯米的餃子雞翼少了種‘滯’的感覺，味道更有層次。
鹽燒牛舌
下一樣是牛舌，牛舌很厚身，質地彈牙，一口咬下，牛油脂香味四溢，對於牛魔王的我來說是必吃的選擇！
蒜蓉茄子
燒茄子是很多人的至愛，茄子好巨型，茄子肉烤得軟綿綿，配上面頭滿滿的蒜蓉，重口味但係好惹味！茄子與出面不同是落了炸蒜在面，更多一重脆脆口感，更濃蒜味!
燒雞腎
雞腎十分大粒，口感爽脆，雖然大粒，但內裡都烤熟透。孜然椒鹽調味，不太辣，但有種新疆風味～
黃金炸雞
鹹蛋黃醬呢排好好hit，店內都有鹹蛋黃薯條、魚皮、炸雞等選擇，我地就揀了炸雞～上上枱已經聞到好香，雞肉分量十足，蛋黃醬佈滿雞塊面，賣相十分吸引！一入口熱辣辣，鹹蛋黃醬香濃，鹹鹹香香的味道配上香口的炸雞塊，十分邪惡
芝士煙肉焗大菌
最後一道菜就芝士煙肉焗大菌，面頭芝士可以拉絲的，芝士下面店家毫不吝嗇地塞滿了煙肉，大啡菇面頭塗了薄薄一層燒汁，而大啡菇本身滑身多汁，一口咬下去味道很豐富！
今日去左一間餐廳名幾得意既串燒黃店 係尖沙咀泥講 價錢真係幾抵食?
餐牌睇到我地花多眼亂 有好多選擇? 我地就試下以下既食物?
1. 芝士蟹籽玉子燒 大大件玉子燒上舖滿芝士同蟹籽 睇見都好興奮?
2. 鹽燒厚切牛舌 有5件厚厚既牛舌 熱辣辣食好好食??
3. 芝士燒廣島蠔 可惜今日無黑松露 芝士份量好多好邪惡?
4. 自家製芝士金黃醬燒扇貝 自家製醬汁好出色 加上粟米同沙律醬 酸酸甜甜 必試?
5. 黃金薯條 份最十足 每條薯條都被鹹蛋包圍 好惹味?
6. 蒜蓉燒原條茄子 必點抵食之選 有齊乾濕蒜 茄子唔會好乾好juicy?
7. 蒜蓉牛油烤焗雜菇 有大量金菇同雞髀菇 牛油可以再重手d?
見到佢地仲有好多款手工啤 下次要試下?
今日到了尖沙咀樓上店的其中一間串燒店，店舖氣氛非常好，暗暗的浪漫燈光，無論是男女朋友或朋友聚餐是一個非常合適gathering的地方，我看了他的名字很特別，所以決定一試。
看他的菜單分為幾類，燒丸、牛類、豬類、羊類、雞類、海鮮、虎蝦、燒烤、扇貝、燒蔬菜、飯類、飲品、生啤、手工啤酒、還有店主推介
我們點了以下串燒：
香燒餃子雞翼兩隻 $49
蒜蓉燒苦夏兩隻 $128
黃金薯條 $62
1664啤酒?$68
生啤有優惠$88 – 2 杯
吃完之後慢慢座下，有音樂聽，好relaxing。
即燒串燒
同男朋友係尖沙咀收工都差吾多7點左右，見大家都吾太肚餓，但都要食少少野，不過吾想食個Ｄ正餐，於是上左阿士厘道呢間袋串燒，飲下啤酒。
叫左幾款串同啤酒當一餐。
蒜蓉茄子
燒得好入味，有好多蒜連茄子燒所以茄肉好鬼蓉香，茄子燒得夠淋，吾太燒蕉，部分可以連皮食。
秘製醬汁燒豬頸肉
大碟好多肉，豬頸肉厚肉，彈牙，有肉汁，連秘製醬汁燒，入口更香。
香燒餃子雞翼
惹味，雞翼入面釀明太子，食落微辣，冇骨，啖啖肉。
鹽燒牛舌
牛舌，燒得夠香，牛味濃。
黃金薯條
炸薯條痴晒蛋黃醬，食落全是蛋黃油香味，脆口好食。
免治雞肉棒
一串勁濃免治雞肉味，都ok。
安格斯牛柳粒
不un，唔會好肥，味道可以。
清酒煮蜆
濃濃清酒香，多蜆，加上金姑，入哂味。
點左Asahi一起飲，串燒同啤酒絕配～
食物普普通通，有部份食物是十分多油。這個價錢及質素，cp價不高。
上個星期同寶寶食左次啤酒?串燒?餐之後，寶寶就話好想食第二次?，所以今個禮拜寶寶就帶咗我嚟呢間好近我公司嘅串燒店❣️
估唔到7:30都未夠，成間餐廳都坐滿晒人?，睇嚟呢區嘅上班族?都幾鐘意放工Happy hour?! 仲發現呢度原來星期一至日過咗9:30後都有$88 兩杯生啤?呢個offer，超抵呀❣️下次再同啲姊妹嚟吹水?
Watermelon Wheat $78
清清地?幾易入口，西瓜?同埋啤酒?味都唔算重，係一款加拿大??進口啤酒嚟嘅。如果你鍾意飲1664?呢款清啤，應該都會幾鍾意飲呢款啤酒??！
罐裝烏龍茶 $18
秘製醬汁燒豬頸肉 $69
好大碟呀?！豬頸肉入味又彈牙?，仲有啲肉汁添?，再配埋酸酸地既秘製醬汁（係個有醋有蒜有辣椒咁上下嘅醬汁嚟），成個配搭好夾好好味，仲要食極都有?，係今晚最出色嘅菜?，好滿足?。
玉子燒 （芝士蟹籽）$38
好足料❣️好多芝士?一啲都唔孤寒?蟹籽都唔算少，份量適中✔️入面嘅蛋?厚實又嫩滑，同埋都係果句➡️幾大份? 呢個都幾推介?❣️
黃金炸雞 $58
實在太抵食喇！呢份鹹蛋黃炸雞?仲大份過個豬頸肉，唔好睇個器皿?好似細細個咁，最少都有12舊雞?喺入面，雖然好似炸得有少少乾，但係熱辣辣新鮮炸起嘅炸雞?邊個會唔鍾意食呀?，雖然最後都係食唔晒?，下次三四個人嚟傾計嗰時一定會叫呢個?
黑松露香菇醬燒扇貝（三隻）$88
香菇醬?係將啲菇剁?到一粒粒碎再溝埋啲黑松露醬入去，幾有心機?而且都整得幾香，好欣賞??扇貝正常嘢，唔算話係高級嘢，但一定係新鮮嘅✔️
燒火辣牛丸 $22
對於唔算非常之食得辣?嘅我哋嚟，講有啲太辣?，因為除咗出邊嗰層好惹味嘅辣醬♨️之外，連入面粒牛丸都係有辣椒?️係入面嘅，相信鍾意食辣野嘅人會幾鍾意食?❗️
香燒餃子雞翼（兩隻）$49
外面層燒汁mix埋經高溫逼出嚟嘅雞皮汁?好惹味呀?❣️雞翼入面釀咗明太子，食落有少少辣味，雞肉都好嫩滑?，口感豐富幾juicy?❗️
牛油粟米（四件）$38
雖然睇落燒得燶咗少少，不過啲粟米好香甜好多汁，食落都唔錯☺️係支靚粟米嚟㗎❗️
這個星期五選擇了這間串燒店Happy Friday一下！餐廳座位舒適，非常適合大伙兒或是知己好友把酒談談心！串燒種類繁多，各款肉類、海鮮、蔬菜、飯類、推介小吃的選擇都非常之多！我們就各自點了幾款推介的串燒！
每一次吃串燒，原條茄子都是必點的！這個微辣肉碎原條燒茄子跟其他店的不同是加入了充滿麻辣的肉碎，十分惹味！而茄子肉質鮮嫩多汁，非常好吃！
秘製醬汁燒豬頸肉是男友喜歡的小吃，可見數量非常多，而且每條都燒的微焦香脆，質感爽口彈牙！配上酸酸甜甜又辣辣的秘製醬汁，好無敵！
而第一個上菜的串燒鹽燒厚切牛舌表面用了黑椒和鹽巴調味，煎的金黃微焦，而肉質爽口多汁，火喉控制的剛剛好呢！
接著是我們很期待的燒玉子（芝士蟹籽）！玉子大大份，上面佈滿蟹籽和熱溶的芝士！ 配合微甜的玉子，味道非常搭配呢！
而海鮮類我們就點了珍寶日本帆立貝，店員說由於來貨的問題，師傅詢問我們會不會介意用四顆帆立貝來換兩顆珍寶。我們當然沒問題啦！帆立貝咬下去很彈牙又有鮮味，額外加了孜然粉就更加惹味突出啦！
然後就輪到我最愛的汁燒惹味翠玉瓜！鮮嫩多汁的質感配上秘製醬汁和孜然粉，我自己一個吃畢了整串 嘿嘿！
而肉汁香燒餃子雞翼是我們覺得很特別的一個小吃！雖然雞翼size沒有想像中大，但內裡就藏著惹味的餃子！配上香燒多汁的雞肉，完美的搭配啊！
黃金薯條完全是今晚的highlight！首先沒想到份量有這麼多 哈哈。即叫即炸的粗薯條再用咸蛋黃即炒，讓每一條薯條都被咸蛋完美的覆蓋著，真的邪惡又美味的太過分了！
最後就以棉花糖燒多士作一個完美的句點！香脆可口的多士上面有著美麗金黃的棉花糖，再加入朱古力醬，簡直要俘虜了少女的心！多士和棉花糖一起放入口裡，口感特別之餘又不會過於甜膩！
吃串燒的最佳伙伴一定是啤酒，我們點了杯1664啤酒，很冰涼很爽呢！餐廳有一個很划算的優惠是在9pm以後兩杯生啤只需要$88，下次要再來吃吃宵夜 嘻嘻！
?肚餓了·飲啤酒食串燒
·
最近工作壓力超大，好想搵朋友食飯飲下野，舒緩一下個人，上星期就去左尖呢間??
·
燒韮菜、燒茄子、黃金薯條
呢兩款係次次食串燒都必點既蔬菜，送啤酒一流?
另外仲加多份薯條送下酒?薯條全部都沾滿哂咸蛋黃，雖然明知好肥，但都係照食?
·
自家製黃金醬燒蠔
平常通常叫蒜蓉燒蠔，但見佢話自家製、調味唔同，諗住試下?黃金醬原來係沙律同粟米粒，口感好唔同，值得一提既係呢度既蠔質素唔錯☺️
·
芝士蟹籽玉子燒
兩大件??上面鋪滿芝士同蟹籽，下次有機會試下佢肉鬆果款玉子燒，唔知個味夾唔夾呢?
·
勁辣跳舞餃子雞翼、火辣牛丸
餃子雞翼微微辣香，內餡唔係平時食開既菇菌或者普通芝士 ，雖然不至於去到勁爆辣，都算惹味???火辣牛丸就真係火辣辣?正！
·
至於啤酒 ?
我地見到做緊個時段優惠，九點半後點兩杯生啤，才$88，勁抵??可惜收工太餓，忍唔到咁夜先食?
結果叫左手工啤酒?都唔錯喎！
?我叫左Big Wave Golden Ale
?朋友叫左Jaipur IPA
收工同朋友食下飯，飲啤酒吹下水，正☺️
·
?尖沙咀亞士厘道17-19號6樓
對於我呢個唔食粥粉麵飯嚟講，無論去旅行定喺香港，居酒屋同打邊爐都係我嘅首選。
但喺近期疫情影響下，去開嘅火鍋店都無營業，取而代之嘅當然係另一個頭號選擇——居酒屋啦[调皮]
尖沙咀區好多人都剩係識去厚福街，我就中意去集中咗唔少隱世美食又無咁多遊客嘅亞士厘道。由於呢日心血來潮walkin，6點一開門就即刻衝上去霸位，之前嚟親都要book位。
餐廳做梗$88 兩杯生啤優惠，抵到爛～但因為今日一枝公去食就無福消受啦。
燒物全部落單即製，唔係整定再翻熱，新鮮熱辣。
原條鰻魚 $62
雖然薄身但油脂充足，入口油香充溢、口感彈滑，邊緣位嘅焦香反而平衡咗油膩感，唔會覺燶。
手指公推薦[强]雞肉串 $39兩串
絕對唔貴，同出面果啲又乾又貧瘠嘅雞串無得比，睇相就知份量十足。雞肉燒到又滑又嫩，雞皮完全無肥膩感，一咬啖啖肉之餘仲有肉汁。
足料煙肉芝士焗西蘭花 $48
成棵預先淥熟再焗，火候控制得啱啱好，唔會生唔會老；芝士面脆內軟，拉絲效果滿分，仲加咗勁多煙肉片，撈埋芝士一齊食鹹香可口。
黑椒牛仔骨 $59
大大份，多到滿瀉，味道鹹中帶甜，比單單用鹽醃來得惹味。經過灸燒依然保持粉嫩稔軟，一咬一扯就離骨，容易食。
芝士蟹籽玉子燒 $38
表面鋪上滿滿蟹籽提鮮，芝士同樣毫不吝嗇，完片鋪上燒至金黃焦脆。雖然質感唔夠濕潤，但外脆內鬆軟嘅口感亦令人忍俊不禁，一口接一口。
呢餐孤獨嘅晚餐認真滿足。
盡興的串燒之夜
頻撲的工作終於都完成，夜晚約左3個好友來尖沙咀聚一聚，食串燒，啤一啤。
環境有點似酒吧設計，光線暗暗的，座位闊落，坐得舒服。
串燒share一齊食，可以試到好多唔同款式。
呢度啤酒$88 有兩大杯！Asahi & 1664 但留意返係九點半後先有。
玉子燒 芝士蟹子味$38
蟹子卜卜脆，芝士味濃
自家製特色鹹豬手$168
非常脆口，炸到好乾身，一啲都油膩，送酒一梳，但略嫌有啲dry。
柚子香燒雞翼（兩隻）$30
雞翼size都算大隻，食到清香的柚子味。
蜜糖燒雞翼（兩隻）$30
甜甜的帶點焦香，但我鍾意柚子味多啲。
燒汁北海道原隻魷魚$69
燒汁甜甜的， 魷魚食落仲好juicy。
黃金炸雞$58
感覺有點油膩，好邪惡。
黃金薯條$62
鹹蛋黃醬撈炸薯條，王牌菜好味！
黃金炸魚皮$62
魚皮香脆，食上癮。
微辣肉碎原條燒茄子$49
鹹香肉碎，非常惹味，私心推介
紫金甜薯串$22
口感粉粉的，香甜。
川式燒韭菜$25
串燒必點，係我的至愛。
燒汁秋葵$29
爽脆，但略嫌燒得有啲dry
朋友好想食串燒，見到這家串燒店好評十分多，決定來吃吃啦～
餐廳位置都方便，裝修不算好特別，但食物就臥虎藏龍啦！
首先出場的是燒蘆筍，不得了，燒得剛剛好！好Juicy，醬汁不會太咸，好好食！
聽聞呢款厚燒牛舌都是必試的，肉質非常彈呀，好有口感！
這款辣燒蠔都不錯，是較中式香料的辣味，燒得剛好，充滿肉汁，又鮮～
白酒煮蜆是必點必點！未食過酒味如此濃烈的煮蜆，飲湯底鮮又清甜，入口後會有濃濃的酒香！另外蜆肉十分多，夠3-4人食啦，價錢都只是五十多元，性價比超高！
燒翠玉瓜，感覺同蘆筍差不多，都是燒得剛好，好Juicy。
美中不足就是茄子，香料味不夠重，份量再大多點就更好！
燒尖椒，喜歡吃辣的都要試試呀，好過癮！
燒玉子
芝士蟹籽口味，芝士蟹籽嘅份量超多，簡直係佈滿成個蛋上面！蛋嘅口感偏厚實，份量十足，兩至四人分岩岩好。
鹽燒牛舌
厚切一流，口感十足！火喉控制好好，保持到原汁原味，重點入口唔韌，必推！
燒黑豚肉
黑豚肉同樣係厚切，加上係黑豚肉，所以肉味好重，又無豬肉腥味，岩哂食肉獸
雞肉串
雞肉串最考功夫，要燒到皮脆內嫩，仲要保持到雞肉嘅肉汁同嫩滑，真係唔容易，而且呢間嘅雞肉串份量都唔少，抵食！
汁燒原隻魷魚
原隻魷魚上勁吸引，唔會燒過龍，個醬汁都唔會太咸，所以仲保留到魷魚彈牙口感同味道
黑松露蘑菇串
黑松露醬一啲都唔吝嗇，佈滿成舊蘑菇，入口好香
燒豬頸肉
估唔到豬頸肉份量咁多，仲要唔算薄，表面燒到焦香，食落好有彈性，勁惹味，又係必食！
燒雞腎
雞腎同樣係厚切，唔係薄片雞腎，口感十足！
宜家仲有買一送一生啤優惠 可惜我哋未夠鐘 下次搵埋班frd再試吓先！
今日番工做到成肚氣 ?? , 要飲番杯啤酒 gur 下先得 !! 男友揀左尖沙咀嘅肚餓了 try try ~~
燒豬頸肉 ($69)
超級厚切 , 好似豬扒咁厚 ?? !! 口感一流 , 非常彈牙而且有滿滿嘅油香 ?? , 調味都唔錯 !! 呢個推介 ??
秘製燒雞肉 ($39)
雞肉 2 大串 , 好抵食 !!
蒜蓉燒扇貝 ($68)
$68 2 隻都幾抵 , 勁多蒜蓉 , 超正 , 扇貝燒完唔會縮水縮得好緊要 ?? ~
香草燒紐西蘭羊架 ($98)
?? 超大份 , 啖啖肉 !! 總共有 3 條骨 !! 燒得岩岩好 , 羊肉軟淋 , 冇膻味 , 如果鍾意食肥膏嘅朋友 ?? , 呢個滿足到你 !
川式燒韭菜 ($25)
燒完仍然 juicy , 調味係甜甜地 , 好食 !!
吊 ($78)
食串燒梗係要配啤酒啦 , 呢度有好多款生啤 / 手工啤酒 , 香港特色啤酒系列最吸睛 ?? ! 每款啤酒都有獨特嘅味道同功能 , 我哋揀咗 “吊” 啤酒 , 因為最能夠表達我今日番工嘅心情 ?? 呢款啤酒有麥芽味同少少藥材味 , 應該就係東革阿里嘅味道 ??
整體黎講 , 呢度嘅食物即叫即燒 , 熱辣辣 , 碟碟都好大份 , 夠曬抵食 , 加埋呢度有出面未必飲到嘅香港特式手工啤酒 , ?? 大家記住嚟試下啦 !!
今日同朋友上左呢間串燒店?食飯傾計。
估唔到都幾多人黎食，質素應該唔會差喇。
好彩有book位姐！?
有好多串燒，燒物種類選擇，另外優惠時段，兩杯生啤都係$88，可惜今晚唔飲得酒。
叫左幾款野食，都令人滿意?
芝士蟹籽玉子燒??
好多料，芝士仲溶哂落玉子燒上，夠哂creamy,蛋香味濃厚。唔錯！
鹽燒?安格斯牛柳粒?，肉粒厚厚，幾重牛味，調味剛好，不會太鹹。
自家製醬汁雞肉串，$39有兩串。
雞肉串都幾大舊，個自家製燒汁令到雞肉好惹味。
雞肉幾嫩滑。
黃金醬炸墨魚咀
即叫即製，夠哂香脆呀！落左鹹蛋黃醬，鹹香味濃郁，墨魚咀煙韌有嚼口！
蒜蓉燒扇貝
蒜蓉襯落扇貝，無得輸，夠哂惹味，香蒜味濃
黃金醬燒生蠔
生蠔都幾大隻同都幾重海水味，唔錯！
柚子醬雞翼
幾特別，酸酸甜甜咁?雞翼燒到好香滑
返咗12個鐘頭工食得一餐真係勁肚餓
今日黎到呢間 肚餓了串燒烤焗專門店食野
鋪頭係好似酒吧嘅設計 燈光較暗吧枱又唔會太嘈 適合同朋友一齊食下野飲下酒傾下野
飲品方面:
鋪頭做緊88蚊兩杯生啤 我地要咗1664 女仔嘅話 1杯都夠成餐
食物方面:
其實都幾多選擇 先食蟹子芝士玉子燒 玉子上面好多芝士蟹子 yummy
鹽燒牛舌:
厚切牛舌 加上海鹽調味
蒜蓉焗生蠔:
新鮮 食完蠔仔飲埋蠔殼上面啲湯 好鮮甜
燒韮菜:
燒得啱啱好 嫩口唔會鞋
蒜蓉茄子:
佢同出面嘅燒茄子唔一樣 係用炸蒜而唔係生蒜 一絲絲茄子加上脆口嘅香蒜 更有口感
黃金薯條 黃金炸雞:
食材卷上鹹蛋黃 令食物有鹹香感覺 幾好食
原條鰻魚:
加上甜甜醬油汁 啱啱燒出黎 外脆內juicy 好食
唔覺唔覺 兩個人竟然食咗咁多野 串燒下配下凍啤酒 爽皮!
Hungry Bird has been around for years since 201x.
Intrigued by the name Hungry bird was why I dined here!
There were lots of hungry birds that night so the restaurant was quite full.
We had skewers which were grilled nicely hence we had our hunger satisfied.
每張枱上面都有三樽調味粉，分別係黑椒，孜然同埋辣椒粉，大大樽任用。
食串燒，基本要飲涼茶，加多寶唔洗多講，飲完成個人都舒服d。
見佢個玉子燒好似幾靚，即刻嗌咗蟹子芝士，蟹子有好多，舖滿左蛋面，芝士竟然可以拉絲，趁熱食真係好好味。
安格斯牛柳粒肉質鮮甜，燒到外脆內軟，口感豐富仲有少少肉汁。
燒黑豚肉肉質比較厚，因為佢本身都切得比較大粒，加孜然粉好襯。
雞肉串一份有兩串，算係最抵食之選，雞肉又滑又嫩，香噴噴容易入口。
燒雞腎好大隻，厚肉而且入味，又係好啱落孜然粉。
燒雞泡魚乾又係必食之選，加了醬汁去燒的雞泡魚乾，外邊脆口中間又有點肉，特別有風味。
蒜蓉茄子係一定一定要食，原條茄子舖滿蒜蓉，茄子肉燒到半透明，又滑又重蒜，非常惹味。
燒韭菜出乎意料地好吃，本身已經好香的韭菜燒原更加香，成條食好有口感。
汁燒秋葵都好出色，秋葵成功地吸汁，外層脆，裏頭就是秋葵獨有的滑潺潺，口感好特別。
香港人的串燒店
自疫情來已整整一年沒有到過日本，非常掛念日式的燒物，為解思鄉之苦，聞說尖沙咀鬧市之中有一間以本土串燒店，所以專程去試一試其手勢。
金菇牛肉卷!
甜甜地既燒汁配爽脆金菇肥牛，味道十分惹味!
汁燒原隻魷魚
大大隻的魷魚由兩支竹籤燒出來，肉質厚實，爽口彈牙，配上惹味甜醬，味道已令人著迷。
燒豬頸肉
哇勁好食，每片肉都有返咁上下厚度，嫩滑肉質個種，脂肪比例都係恰到好處，仲份量好大份。
燒墨魚丸
大大粒，外酥內軟，口感有彈性。
過去疫情期間，一些有本土概念既小店都挨得好辛苦，趁防疫放寬，就會同朋友聚一聚，傾傾未來。
肚餓了去肚餓了食串燒?
餐廳係尖沙咀食肆林立既商廈入面 旺中帶靜 入到去見到一排排整齊既酒櫃同你打招呼 仲有好多款特色既手工啤酒 勁岩酒鬼們 配埋主打既串燒就係完美組合??
朋友不太好愛酒 咁今晚就唔飲酒以可樂代酒 一樣咁chill姐?主打串燒 仲有炸物 價錢中等 可以係紙上瘋狂點
汁燒北海道原隻魷魚?
有兩大條魷魚原條咁上 勁吸引 魷魚好新鮮厚肉 彈牙完全唔韌 值得一讚既係個醬汁 令魷魚既味道更豐富
鹽燒厚切牛舌?
牛舌有5件 每件都有一定既厚度 有肉汁之餘勁厚切 超滿足? encore之選！
秘製醬汁燒豬頸肉
性價比之選 好大份有好多件 絕對唔洗擔心唔夠食? 頗厚切 燒得幾香 啖啖肉
蒜蓉燒扇貝
扇貝唔算大隻 但新鮮 加上超多蒜粒 重口味之選
芝士蟹籽玉子燒
勁抵食 份量夠 性價比高?? 好濃蛋香 口感有層次 味道剛好 上面鋪滿蟹籽 芝士都足夠 成功做到拉絲效果?
黃金燒廣島蠔
一份兩隻 燒得都幾香同夠哂熱? 食落都覺得夠新鮮 上層既沙津好開胃 沖淡咗食咗一輪串燒既油膩感
雞腎串
每件都幾大舊 有5舊 夠哂咬口 燒既時間控制得唔錯?
另外仲嗌左串燒芝士丸同燒墨魚丸 燒墨魚丸係黑色個種 感覺上墨魚味比較出 燒過既串燒 加埋桌上既調味粉就比較香口惹味 芝士丸記得要趁熱食?
傾下傾下就一個晚上 舒服既環境 配埋好食既串燒 今日再唔係Blue Monday?!!!
在亞士厘道，除了多西餐酒吧，這家樓上串燒店-肚餓了串燒烤焗專門店，也非常適合把酒談心。
這裏也有手工啤，起的名字非常有香港地道特色。沒有水供應，所以很多人都會點汽水啤酒等配串燒。
蒜蓉燒原條茄子$49,這個最推介，很多人都會點燒茄子，因為份量大條之餘，蒜蓉份量澎湃，燒完味道十分好，除了極香的蒜蓉味，還灑上這裏自家的燒烤粉，味道十分香，桌上提供的黑椒和辣椒粉也推介大家試試，個人喜歡吃辣，辣椒粉真的辣得來很香濃，可以增添惹味感覺。
燒火辣牛丸$22,一串有三粒，特別在於醬汁，辣醬味道適中，其實不算很辣，但卻能增添牛丸的香口惹味感覺，有點像泰式辣醬，但更加香， 牛丸非常爽口有彈性，質素很不錯。
椒鹽燒星加坡白魚蛋$22,魚蛋質感比較鬆，不夠結實，味道就不錯，因為有椒鹽味增加香口感。
燒芝士丸$22,燒完內裡的芝士流心，帶微咸奶香，外層燒得微焦更香口。
鹽燒安格斯牛柳粒$79,一串有五粒，感覺雖然貴了些，不過味道和肉質極佳，牛肉非常juicy, 嫩滑無渣，又有BBQ香氣，椒鹽味香濃，是串燒中少有的高質素牛肉。
自家製惹味燒雞肉串$39兩串，非常推介！雞肉新鮮爽滑，燒完肉汁多而有燒烤香味，啖啖肉份量也不少，個人覺得最抵食！
香燒原條日本鰻魚$62,雖然超市買一條鰻魚的價錢也差不多，但這裡幫你再燒得香香的，不用自己動手，實際得多！鰻魚肉質滑而香，燒汁烤完有焦黑，但卻惹味得很。
川式燒韮菜$25,這款蔬菜是要韮菜夠嫩，燒完才有爽口又無渣的感覺，個人稍兼韮菜口感較硬，但味道卻很不錯，有川式香辣味，辣度也只是中辣而且。
惹味燒豆角$25,這款串燒，燒完後的清甜汁液很過癮！外皮爽，裡面多汁，再灑辣椒粉更好吃更惹味！
總結串燒味道是不錯的，推介必試的燒茄子！第一次吃串燒吃到很飽，很有驚喜！
高質宵夜串燒?
夜晚HH之前想食少少野，咁岩見到呢間串燒，就決定去試下。呢間串燒係開下午6點到零晨1點，平時可以訂定位去食。今次我哋叫左七樣野食，分別係以下。
勁辣燒雞翼$30
每次食串燒都必點嘅雞翼，食得辣嘅朋友一定要試吓，燒雞翼加辣粉好香，而且燒到金黃色，食到肉質鮮嫩多汁?
燒豬頸肉$69
覺得份量都足夠，而且厚度切得適中，不會太厚，食到肉質結實。
蒜蓉牛油焗雜菌$48
雜菌很重蒜蓉味道，而且錫紙會有汁，令到雜菌更惹味。
蒜蓉燒原條茄子$49
燒完條茄子令到嘅時候見到勁多蒜蓉鋪喺上面，好香，食落都有少少辣。
黃金薯條$62
呢個薯條都係幾期待，佢加咗鹹蛋黃撈薯條?每一條都食到鹹蛋黃味，而且佢一嚟到係好香鹹蛋黃味，啱啱炸起熱辣辣食????
日式燒韭菜$25
日式燒韭菜就不是辣的，他的醬汁是甜甜的，識起上來都幾有咬口。
芝士蟹籽玉子燒$38
又係份量好十足，見到有超多蟹籽係玉子燒上。玉子燒非常厚實??熱辣辣食個陣仲會有芝士拉絲
餐廳仲有好多款唔同嘅手工啤酒，而且餐廳內嘅裝飾也非常特別，絕對適合同朋友聚會。有機會下次會再去試埋其他串燒。
特別手工啤
繼續支持黃店系列，尖沙咀呢間肚餓了串燒係我第二次次去食了，好啱收工過黎食2串飲返杯啤酒，食物啊環境服務都係正常水準。串燒種類繁多，豬牛雞就唔少得啦，丸類同海鮮類都唔少，但就唔會話有d咩好特別嘅串燒或者部位食到??♂️
燒豬頸肉 $69 大份好食，大推???
燒黑豚肉 $49 一般
雞肉串(2串) $39 ??
燒雞軟骨(2串) $39 一般
蜜糖雞翼(2隻) $30 推??☺️
白酒焗蜆 $58 勁大鍋！
扇貝(2隻) $68 大隻調味重
微辣肉碎茄子 $49 惹味?
2個人食到好飽，價錢亦都正常合理，豬勁肉無論價錢定燒出黎嘅功夫都一等一，勁juicy好食☺️白酒焗蜆份量勁多，酒味完全冇同你客氣，可能係揮發唔晒，反而調味可以再重手d?
好耐冇去燒嘢食啦！而家想去又怕熱，老公話不如去食串燒，佢知道尖沙咀有間叫肚餓了串燒烤焗專門店，食物質素唔錯又唔貴，咁就一齊去試吓！芝士燒虎蝦、金黃醬虎蝦：將大大隻虎蝦開邊，放入醬汁燒至金黃色，蝦肉鮮甜彈牙，芝士十分惹味，自家製芝士金黃醬加上粟米同沙律醬酸酸甜甜，有口感又好味！芝士廣島蠔：蠔肉有芝士香味之餘又唔會腥，口感柔滑。芝士扇貝：芝士真的是百搭，燒焗海鮮好夾，扇貝亦不例外，好惹味。
肉汁燒雞翼，金黃色的雞翼，外皮香口，雞肉嫩滑有肉汁。燒玉子（芝士蟹籽）：厚身的燒玉子上面放上芝士和份量不少的蟹籽，玉子口感香滑，蛋味濃郁，芝士還可以拉絲，蟹籽增加口感。羊仔柳大大串抵食，完全冇羶味，加咗孜然粉又香又惹味！
免治雞肉棒：已經調味的免治雞肉外皮香脆，有軟骨的爽脆口感。原條鰻魚：採用原條鰻魚用特製醬汁烤香，十分惹味！
好耐都冇試過一間有質素嘅串燒小店！雖然上菜比較慢，不過慢工出細貨，值得嘅。
黃金辣椒薯條
每次見到黃金嘅嘢都必定會嗌。你似呢個薯條份量好多，而且蛋黃亦都落得重手，加上辣辣地，好正。
金菇肥牛卷
超級推介！呢度個廚師好有心機。先以燒汁作為主要調味，最後再灑上孜然粉。我一啲都唔會覺得乾。
燒汁魷魚
呢個大家一定要試一試。魷魚夠大隻，仲要係新鮮魷魚，加上燒汁夠重手，美味。
羊肉串
生熟程度啱啱好，一啲都唔乾，仲好Juice。本身羊肉嘅騷味偏淡，再加上調味嘅覆蓋，唔識羊嘅朋友都可以試一試。
餃子雞翼
呢個冇得彈。起初我以為係塞隻餃子入去做餡，食完先知道原來雞翼就係餃子皮，而中間個餡係明太子魚子？我都唔太知道不過好好味。
其他嘢食，其實都好好食，不過以上幾款比較推介度突出。
餐廳位於尖沙咀亞士厘道入面，係一間樓上鋪嚟嘅。喺門口有個好大既招牌唔驚去錯。
首先嚟咗雞翼先，呢度雞翼係（$30）兩隻，我哋分別叫咗兩款唔同口味。首先隻柚子雞翼，真係食到淡淡的柚子香味，甜甜地識落都幾清新。之後另外一隻口味就係勁辣跳舞雞翼，顧名思義個雞翼真係幾辣但係就未去到跳舞嘅?可能因為我食得辣啦。
之後嚟咗幾款丸類，今日叫咗個椒鹽燒星加坡白魚蛋（$22），椒鹽味好重而且魚蛋都夠彈牙燒得都幾出色。另一款就叫咗火辣牛丸（$22），我自己個人就比較鍾意食個牛丸多啲，因為佢辣得好惹味，而且牛丸個口感都好好。?
黑椒牛仔骨（$59），牛仔骨味道香濃，充滿咗黑椒味，唔好以為串燒就會比啲冇咁靚嘅牛肉你。呢個牛仔骨都肉質鮮嫩，雖然黑椒味重但係都食到牛香。
最後想推介呢一個芝士煙肉焗西蘭花（$48）。成個西蘭花份量好大，而且上面鋪滿左大量嘅芝士再攞去焗。芝士溶咗之後深入去西蘭花度做出拉絲嘅效果。?好味
收工約好朋友食飯 2個女仔打算傾下計食下野 揀左呢間係尖沙咀亞士厘道 肚餓了串燒烤焗專門店 餐廳地點又方便 食完仲可以去行街?? 見佢主打係串燒 小食 仲有啤酒飲 最岩三五知己一齊食下野傾下計?
我地一收工就上去 係第一枱客 地方唔算大 大概可以放到10張枱左右 待應第一時間幫我地安排坐位 安頓好後我地就揀野食～ 我地點左鹽燒厚切牛舌、川式爽彈大雞腎、蒜蓉燒原條茄子、汁燒BB蘆荀、川式燒韭菜、芝士煙肉焗西蘭花、玉子燒配芝士蟹子、秘製醬汁燒豬頸肉、冬陰公錫紙包蜆仲叫左罐汽水橙汁同茶??
食物最先到係蘆筍同韭菜蔬菜煩燒到岩岩好 又唔會燒到乾 蘆筍仲非常之juice? 而韭菜因為川式所以就有小小辣辣地都幾過癮??
牛舌同雞腎一齊上 職員好細心話我地知邊個係牛舌邊個係雞腎 因為雞腎真係好大粒? 牛舌唔會有羶味要趁熱食雞腎雖然好大粒但好爽口????
我最期待既玉子燒終於黎啦?? 再配上芝士同蟹子真係非常之夾呀～ 熱辣辣好多芝士仲可以拉芝??好邪惡呀???另外芝士煙肉焗西蘭花都一樣好邪惡? 厚厚既芝士配咸香味既煙肉?邪惡野點只呢2樣??仲有爆多蒜既茄子?? d蒜真係多到不得了?茄子吸晒d蒜茸味好香☺️☺️
最後仲有豬頸肉同冬陰公蜆 蜆因為冬陰公都幾辣～ 但食下食下又幾過癮?? 酸酸辣辣咁～ 豬頸肉都好多肉汁好juice?
今次去食唔到燒菠蘿?同香燒金菇牛肉卷下次再黎一定要試下??
?
純食串燒唔再係BBQ先有，呢間樓上店主打串燒
和飲品，記得呢間店係冇飯麵架?
蒜蓉牛油烤焗雜菌
椒鹽燒星加坡白魚蛋
香燒金菇牛肉卷
蜜糖燒雞翼
香燒原條日本鰻魚
汁燒北海道原隻魷魚
肉汁香燒餃子雞翼
美食係需要等待嘅，全部即叫即燒，大約15至20
分鐘就有嘢食喇！
款款高質，燒得啱啱好，鰻魚同埋雞翼咇哂汁添，
連簡簡單單嘅白魚蛋，都可以燒到外面有啲蜜糖脆皮，內裏非常彈牙！
串燒種類目測超過100款?真係想食乜都有。
今日工作要行山，又熱又攰，係尖沙咀解散後，勁想食串燒同飲啤酒呀！所以近近地見到有間串燒店，諗到冇諗就去試下啦！??
呢度嘅手工啤包裝超正喎！我試咗支用東革亞里製造嘅《屌》手工啤，淡淡麥味又易入口的，特別喜歡香港製造嘅手工啤！支持！支持！試咗幾款串燒及烤物，最正係燒蠔，燒完都仍然保持鮮甜多汁又唔乾身！其次係蒜蓉燒茄子，份量十足又惹味！玉子燒都不錯的！偶然食下串燒飲下啤酒的確係幾正的！???
@hungrybirdhk ???
同朋友係尖沙咀食晚飯，又唔係好餓就去食串燒?
蛋控必點既蟹子拉絲玉子燒 ($38) 玉子燒蛋味好濃郁，甜甜地，唔係入面乾淨淨果隻蛋卷，最鐘意呢一種既玉子燒☺️ 面頭啲芝士仲要係拉絲，正到爆?
之後叫左唔同既串燒，肉類既揀左鹽燒厚切牛舌 ($68) 好厚既口舌好有咬口！雞腎 ($33) 同雞軟骨串 ($39)都做得幾岀色，燒得好香～
另外都叫左少少海鮮，芝士燒廣島蠔 ($68)同蒜蓉燒扇貝($68) 海鮮都幾新鮮，燒一燒味道更鮮甜?
不得不提仲有汁燒北海道原隻魷魚($69) 2大隻魷魚塗上燒汁，好惹味，魷魚味好突岀? 食落都唔乾身，好味性價比高?
今晚朋友約左小妹飲野食串燒???, 帶左小妹嚟到E間肚餓了串燒店到試下?! 餐廳環境不大, 燈光微微昏暗, 除左有好多裝飾之外, 亦有啤酒牆擺滿多款特色手工啤! 餐廳提供多款蔬菜?, 肉類?, 海鮮??嘅串燒, 而且價格相宜!
?麻吉燒
外面彈牙, 入面口感煙韌煙韌?
?自家制醬燒黑豚肉?
咬落去啖啖肉幾juicy
?蜜糖燒雞翼?
味道正常, 不過不失
?惹味汁燒雞泡魚乾?
雞泡魚乾甜甜地唔腥幾惹味, 佐酒唔錯?
?汁燒北海道原隻魷魚?
魷魚幾大隻, 搽左滿滿嘅燒汁?, 食落口感爽彈幾惹味!
?蒜蓉燒15cm虎蝦?(一隻)
蒜蓉超多, 蝦肉爽口彈牙
?自家製金黃醬燒廣東蠔?(2隻)
蠔肉幾大隻, 鮮甜唔腥
?紫金甜薯串?
香甜味美
?惹味黑椒牛肉骨
牛肉骨幾大碟, 略有6至7塊, 牛肉醃得幾入味, 肉同骨之間帶有脂肪, 如果中意食脂感重嘅牛肉應該會幾中意?!
前排去左尖沙咀肚餓了食串燒，餐廳經常full booking，所以特別期待串燒味道岩吾岩自己口味。
燒火辣牛丸 $22:真的夠晒辣味既牛丸，一路食而辣味慢慢愈來愈辣。牛丸口感好彈牙，帶有牛香味，中意食辣既朋友可以一試！
鹽燒厚切牛舌 $68:牛舌好夠厚，但食落完全吾硬，仲帶點軟口口感。同樣地充滿左牛香味，仲滲出吾少肉汁添！
香燒金菇肥牛肉卷 $39:估吾到件數刀幾多，共有三大舊牛肉卷。牛肉卷一樣吾會燒到乾，包住爽口既金菇一齊食，味道夾之餘又有兩種口感。
川式爽彈火雞腎 $32:我大力推介既串燒，因為火雞腎真的夠晒爽口，完全吾硬吾難咀嚼！火雞腎大大粒，味道又吾錯，感覺上好抵食。
川式脆燒雞軟骨串 $39:雞軟骨燒得一樣吾會太乾，反而香脆得黎又有口感！依款串燒仲打孖黎，好抵食啊！
香燒原條日本鰻魚 $62:夠晒大條既鰻魚，燒得吾錯。再配合燒汁，味道吾會太咸！鰻魚尾部會有多少少骨，小心食用。
蒜蓉燒15cm虎蝦 $68:以蒜蓉可食出原本處蝦既味道，蒜蓉令虎蝦既鮮味更為突出。味道帶少少咸來調一調味，處蝦夠晒大隻，啖啖肉呢！
芝士燒15cm虎蝦 $68:蝦控當然吾會放過另一款方式既虎蝦喇！以芝士燒仲吸引我，因為芝士既香味，同虎蝦真的好配合，又吾會蓋過蝦鮮味呢！
芝士煙肉焗大菌 $39:煙肉已切成碎粒佈滿左包芝士下層，可讓食客每一啖刀可以食到芝士同煙肉，味道咸咸地，配埋大菌，味道不錯！
熱柚子蜜 $18:柚子蜜甜甜地中和味道。
與朋友去了一間以粗口手工啤及串燒為賣點的餐廳，食物整體都不錯：
?(閪) 支裝手工啤酒 $78
富有本土特色的粗口手工啤酒有5款，每款啤酒都充滿玩味，選「閪」是因為覺得以當歸釀製的啤酒幾特別，味道帶濃濃的當歸味，又幾易入口，適合女士?
?鹽燒厚切牛舌（五件）$68
厚切的牛舌充滿口感，爽口又彈牙，都幾juicy?
?鹽燒安格斯牛柳粒 $79
肉質是軟嫩，但味道一般，沒甚麼牛味，與其他串燒比較下相對失色??♀️
?香燒金菇牛肉卷 $39
燒得不會乾身，肥牛的牛味比安格斯牛柳粒的重，金菇吸收了燒汁的味道很惹味?
?微辣肉碎原條燒茄子 $49
茄子佈滿肉碎，賣相幾吸引，辣辣地之餘又很香，十分惹味，推薦??
?汁燒BB露筍 $39
露筍滿佈孜然粉真的又香又惹味，唯獨有少量露筍的尾部太老有渣，但整體是不錯的?
?汁燒北海道原隻魷魚 $69
最喜歡這款串燒，魷魚都幾大隻，燒汁佈滿整隻魷魚，爽脆又juicy，真想再encore???
?自家製惹味燒雞肉串（兩串）$39
雞肉燒得焦香又肉嫩，肉汁豐富，完全不覺得咸，配酒一流??
本來約咗同事去尖沙咀行街，因為天氣太熱，冇乜心情買嘢，同事提議去肚餓了串燒烤焗專門店飲啤酒食串燒，坐下傾下計，佢話同朋友去過，串燒味道好好。一入座立即叫杯Asahi解解喝，一啖飲落去真係透心涼。金黃醬廣島蠔，金黃醬係師傅自己用粟米粒和沙律醬等調製，味道酸甜，蠔脹卜卜好新鮮，焗到金黃色，香噴噴熱辣辣好惹味！蒜蓉扇貝，扇貝鮮味，啖啖肉夾埋蒜蓉食，滿口留有蒜香味。蜜糖雞翼，燒得熟度恰到好處，皮香肉嫩，味道有甜甜的蜜糖味。香燒餃子雞翼，雞翼去骨後釀入明太子，再炸至金黃色，雞翼皮脆肉嫩， 外層雞味濃郁，明太子餡料豐富飽滿。微辣肉碎茄子，茄子軟嫩，肉末鹹香，少少辣能提升味道。忌廉蟹肉餅炸得脆口，餡料做成流心，creamy!
food ok. service ok, atmosphere wasn’t great . not sure I will go back here.
floors also very sticky.
又同friend去尖咀搵食，今次嚟到亞士厘道一間樓上串燒店食好西～訂咗枱八點半鐘，所以唔需要等直接入去坐低嗌嘢食啦～ 雖然係樓上串燒，但係相信個通風系統做得幾好入到去完全唔覺得有油煙味！
飲品我哋淨係叫咗一罐coke Zero同一罐加多寶姐～ 本身都有打算嗌佢哋嘅手工啤嘅，不過大家都肚餓所以寧願要多幾吋串燒食好過
以下幾款我覺得好值得推介！
鹽燒牛舌 – 餐廳選用嘅係厚切嘅牛舌粒，咬開見肉質依然係好粉嫩，食落爽口彈牙！
燒雞脾菇 – 燒雞髀菇最忌燒得太乾柴，呢間餐廳絕對冇呢個問題，雞髀菇仍然保留住大量水份，配合埋燒汁同埋孜然粉，好正～
勁辣餃子雞翼 – 果然係勁辣，食得非常過癮，雞翼入邊釀左分量十足嘅辣味明太子，再加上雞翼去骨，所以非常之滿足！
最後要推介嘅係珍寶帆立貝（兩粒）- 果然係jumbo size, 超大粒！燒得啱啱好唔會過老，所以食落係保持到帆立貝嘅鮮味同肉汁
完美
晚市終於可以堂食，硬係揀間有水準有良心既店舒服安心食番餐。依間串燒幾好味。
香燒原條日本鰻魚。無魚刺，魚肉柔軟，尾部燒得香脆，好味。
川式燒韭菜。依個食落甜甜地，好有咬口，不過我估難消化。
蒜蓉燒原條茄子。蒜蓉勁多，茄子蒜味好香濃。
燒汁惹味脆玉瓜。水潤，加上惹味燒汁，凍咗都好味，不過最好襯熱食。
鹽燒厚切牛舌。勁厚切，柔韌有嚼勁，味道口感一流，好味到沒法形容。
芝士煙肉焗大菌。juicy! 加埋煙肉同芝士更加有味道同質感層，好驚喜。
蒜蓉燒廣島蠔。蠔不算大隻，但嫩滑，不過相較其他菜式就普通咗啲。
今次坐正窗邊位，可以安心看著街景吃著串燒談談天，真係難得。
其實好多樓上黃店都好高質，可以逐間試下。
今次試呢間，位置方便串燒好好食? …
亞士厘道上樓嘅呢一間串燒店， 勝在地點夠方便， 又有串燒食又有啤酒飲， 三四知己坐埋一齊傾下計， 可以減減壓。
自家製惹味燒雞肉串，以串燒嚟講極度厚肉，雞肉嫩滑而醃得入味，廚師細心除去雞皮，食得多都唔會有罪疚感。
特色燒免治雞肉捧，雞肉棒口感紮實，配上照燒汁同埋七味粉已經相當好味，如果有埋個月見汁點下嘅話，相信會更加相得益彰。
燒大辣牛丸，竟然連牛丸都有令人滿足嘅牛味，咬開個橫切面見到粒粒細碎嘅辣椒，絕對辣得過癮， 愛辣嘅朋友值得一試。
芝士蟹籽燒玉子，從其他食友嘅相片見到呢個玉子燒咁特別就嗌咗一份嚟試下，蟹籽嘅脆卜卜口感同玉子嘅軟綿綿非常配襯，味道方面亦係兩極，蟹籽嘅鹹鮮同玉子嘅清甜相輔相成，再加上芝士呢個中間人，真係好食到無朋友。
香燒金菇牛肉卷，肥牛外層燒得香脆，金菇盡索牛肉嘅精華，加上黑椒同埋牛肉呢個絕配，沒有不好吃的理由。
勁辣跳舞雞翼，雞翼肉質嫩滑，辣度嚟講我會俾譚仔三小，對於食開中小辣嘅我未至於要跳舞。
自家製金黃醬廣島蠔，廣島蠔蠔身飽滿，口感滑嫩，廚師將蠔嘅熟度掌握得啱啱好，入口非常 Juicy，個金黃醬有少少以 Mayonnaise，同個蠔味好夾。
垃圾，仲要貴
原來已經有一段時間沒有吃串燒， 昨晚與朋友想搵個地方一邊食串燒一邊傾計， 突然想起肚餓了串燒烤焗專門店， 就即興去食。 大家揀自己喜歡的串燒??，鹽燒牛舌$68、金菇牛肉捲$39、雞肉串$39、香燒餃子雞翼$49、蒜蓉廣島蠔$68、 蒜蓉茄子$49、燒韮菜$25、蜜糖廣島蠔$68、罐裝烏龍茶$18、罐裝檸七樂$18。
⭕鹽燒牛舌?～ 牛舌厚切， 食串燒最鍾意點牛舌。
⭕金菇牛肉捲?～ 燒得剛剛好有肉汁， 有三件份量都唔少。
⭕雞肉串?～ 啖啖肉， 入口嫩滑好味。
⭕香燒餃子雞翼?～ 明太子餃子雞翼， 少少微辣 最惹味。
⭕蒜蓉廣島蠔?～ 入口juicy又肥美， 新鮮。
⭕蒜蓉茄子?～ 每次必點蒜蓉茄子， 蒜蓉和茄子兩者的味道是最夾的。
⭕燒韮菜?～ 朋友很喜歡吃燒韮菜， 這裏燒得很嫩滑。
⭕蜜糖廣島蠔?～ 稍為有點燒過時間， 廣島蠔乾了少少。
⭕罐裝烏龍茶?～ 我飲烏龍茶， 可以去膩。
⭕罐裝檸七樂?～ 朋友的檸七樂， 不太甜幾好。
約埋三五知己吃串燒，一邊傾計一邊飲嘢， 過了一個開心的晚上。?
肚餓了串燒烤焗專門店
地址: 尖沙咀亞士厘道17-19號6樓
今日為慶祝丫妹離職脫苦海第一天, 知道佢最中意食串燒, 於是book左尖沙咀一間樓上主打串燒餐廳同佢食返餐。
餐廳面積不大, 地方企理,
多款串燒、小食供選擇。
【鹽燒牛舌】HK$68
一串有五件超厚切牛舌, 牛舌口感超爽, 帶有原本肉汁, 表面有少少孜然粉調味, 驚喜惹味!
【金菇牛肉卷】HK$39
肥牛卷住串串金菇, 牛表面煎至焦香, keep到肉汁唔太乾, 肉汁再滲左落金菇入面, 正!
【燒雞軟骨串】HK$39
軟骨爽脆, 表面有少少焦香, 灑左有少少鹽調味, 提升味道
【香燒餃子雞翼】HK$49
雞翼已被去骨, 釀入了明太子, 賣相脹卜卜, 鹹鹹地又有層次
【免治雞肉棒】HK$38
雞肉棒表面有少少燒汁, 燒得濃濃地, 但內裡keep到肉汁, 包含左少許軟骨碎, 食落有層次
【芝士蟹籽燒玉子】HK$38
熱辣辣時可拉起長長芝士絲, 面層加上大量蟹籽, 整體甜甜地, 但蛋味同芝士味都唔太濃郁。食落唔會好漏。
【忌廉蟹肉餅】HK$22
炸皮鬆脆不油膩, 入面?流心忌廉超軟滑, 忌廉味突出, 但唔太食到有蟹肉。
【黃金墨魚咀】HK$69
墨魚咀爽彈, 鹹蛋黃味濃郁, 份量很大, 兩個人食都覺得好漏。
【微辣肉碎茄子】HK$49
茄子keep到juicy, 面層肉碎似被炸過, 微微脆身, 同時亦混入左香蒜, 整體食落唔覺辣, 反而食到清甜茄子同時又有肉碎香口惹味, 配搭perfect match。
【牛油栗米】HK$38
掃上了燒汁燒, 粟米清甜, 又有些少燒汁調味, 味道不單調。
尖沙咀chill人氣串燒店?款式多味道不錯
–
開始正常上班加上限聚令放寬 約約朋友吧
很久沒好好聊天 找了串燒界名店吃飯小酌
剛好我們是窗邊位自成一角 檯之間很闊落
串燒款式多還有不少小吃 配啤酒聊天不錯
–
▗手工啤酒▘ $78 /1
粗口啤酒「柒」/ ALL DAY IPA
香港特色粗口字 是不同口味的本地手工啤
柒以桂圓杞子蜜棗釀製 吸引愛紅棗茶的我
不指望以啤酒養生 但這股中式味道也討喜
微甜帶有淡淡桂圓跟棗香 不苦澀很好入口
朋友選的則是美國手工啤 據她說清爽淡雅
不甜也不苦 對果香沒偏愛的朋友可以試試
–
▗火辣黃金薯條▘ $62
喜歡咸蛋黃又食得辣的話必點 非常重口味
咸香十足 甚至足料到能找到大大粒咸蛋黃
的確很火辣很香口 份量也多配酒聊天一流
–
▗鹽燒牛舌▘ $68
喜歡吃牛舌所以雖然小貴也叫了 有五大塊
少少乾但厚實爽口的質感配孜然粉 也不錯
–
▗蒜蓉燒原條茄子▘ $49
基本上到哪我都要燒茄子 喜歡它綿密口感
滿滿的蒜泥香氣好誘人 稍嫌油太多我怕胖
–
▗柚子香燒雞翼▘ $30
今晚的最愛 雞翼火侯控制得很好外脆內嫩
甜甜的柚子蜜脆皮雞翼咬下去還有肉汁 正
–
▗芝士蟹籽燒玉子▘ $38
兩人吃的話份量頗大 玉子很厚但較為扎實
燒過帶芝士香氣 蟹籽的量很多增加了口感
–
本來還想再加點海鮮 奈何限聚只能到九點
感覺還沒有盡興 好吧總比沒法見面食飯好
由於政府措施的關係，餐廳座位減少了，感覺上也闊落了! 點餐紙上有多款串燒可以選擇，這次決定吃一些之前沒有吃過的!
食串燒怎少得飲啤酒，這裡有多款味道的手工啤酒選擇。
一款是落了東革亞里這款藥材的啤酒，飲落比較重藥材味，偏苦。而另一款是用桂圓杞子蜜棗釀製，所以味道會較甜較易入口，適合女士飲用。
惹味汁燒雞泡魚乾，不會燒得太乾，還有魚肉感，魚乾上塗甜甜的燒汁，用來送啤酒一流!
汁燒原隻魷魚，魷魚都幾大隻又厚肉，面層塗上甜甜的燒汁，魷魚鬚燒到有點脆口，非常惹味!
鹽燒厚切牛舌，牛舌是厚切的，鹽份充足，而且很juicy，很美味!
辣味黃金薯條，薯條拌上咸蛋黃醬和辣椒粉，估唔到原來係咁辣的，如果起初送黎會較好，可以送啤酒!薯條是粗薯條，外脆內軟，很有口感!
冬蔭功錫紙包蜆，這款份量都幾多，錫紙有湯汁、蜆肉和金菇，兩者都吸收湯的酸辣味道，十分惹味過癮!
肚餓了燒扇貝拼盤，共有五款不同的味道，包括芝士、蒜蓉、蒜香勁辣、蜜糖和自家製芝士金黃醬味，當中心個人比較喜歡蒜蓉味，比較香濃，帶出扇貝的鮮味!
微辣肉碎原條燒茄子，茄子開邊，上面有麻婆豆腐味道的肉碎，辣辣的幾惹味!
蒜蓉茄子 – 全晚我最鍾意的食物，蒜蓉燒到黃金，蒜味細心地滲入到茄子肉內，非常入味。茄子夠熱，絲絲相連，濕潤香口。
.
原條饅魚 – 原條！燒得靚味道正，大大隻又厚身，啖啖肉夫復何求。
.
食燒物當然少不了雞翼，這裡口味選擇多，我們一連叫了4種：肉汁燒雞翼（兩隻）、蜜糖雞翼（兩隻）、勁辣跳舞雞翼（兩隻）、柚子雞翼（兩隻）。柚子味意外地夾又好清新，勁辣味好過癮辣得勁。最重要是辣熱熱，燒到juicy 不乾柴。
免治雞肉棒 – 帶有雞軟骨的脆感，一邊咬一邊傾天
安格斯牛柳粒、金菇牛肉卷 – 牛魔王必點，牛香滿溢
芝士丸 – 我每次都會點芝士丸，拉絲效果一流
燒玉子（芝士蟹籽）- 有玉子、芝士及蟹籽，creamy 又飽足，$38 抵食次之選。
.
除了燒物，也有充滿香港特色的啤酒。環境暗暗地非常適合談天說地！
又係一間食過之後會返轉頭嘅良心店
早排同朋友嚟食過，然之後再Encore
小店裝修簡單
有粗口為名嘅啤酒??
如果大家有興趣真係可以試吓
▫️秘製醬汁燒豬頸肉 $69
燒得得爽口之餘唔油膩
▫️冬陰功錫紙包蜆 $89
絕對係低估左呢一個錫紙包蜆
原來係超辣嘅?
食慣咗之後就覺得佢嗰種酸辣係幾惹味
蜆嘅份量都唔小
▫️鹽燒厚切牛舌 $68
呢個係勁多人推介，結果真係冇失望超！爽口得嚟重油香又唔膩
▫️肉汁香燒餃子雞翼 $49
超Juicy，有邊仲有明太子，Yummy
▫️蒜蓉燒原條茄子 $49
冇出邊食到嘅咁油，但係勁多蒜蓉勁重口味?
▫️香燒原條日本鰻魚
熱辣辣，有少少焦香勁好食
Place to chill ? …
喺尖沙咀行行下街覺得肚餓，於是去食串燒。
鹽燒安格斯牛柳粒 79
牛柳粒咬落惹味多汁，令人食唔停口！
紫金甜薯串 22
自己好鍾意食甜薯串，每次見到都會點，呢串一如既往，甜甜地味道唔錯。
肉汁香燒餃子雞翼兩隻49
雞翼內裡非常有驚喜，入面釀咗明太子，鹹鹹地，啖啖肉。
汁燒bb露筍
露筍係名副其實的bb，很嫩，不會燒到乾爭爭，讚??
蒜蓉燒扇貝兩隻 68
一見到蒜蓉燒扇貝就覺得一定要嗌嚟試吓喇，蒜蓉果然冇令人失望！
蒜蓉燒15cm虎蝦68
虎蝦點咗兩種味，一種係蒜蓉燒虎蝦，另一個係芝士金黃醬燒虎蝦，虎蝦一啲都無欺場，好大隻，兩隻味道都唔錯。不過因為朋友同自己都係蒜茸既big fans, 所以一致認為蒜茸味略勝一籌。